" الثورة السودانية " .. جذالتها لدى عمر عشاري .. و فسالتها لدى محمد عثمان ابراهيم

Quote: فعليكم الله اختلفوا معاي

Quote: ما بنختلف ترا را رارا

ياخ بالمناسبة دي خليني اعتذر لحبيبنا الصادق اسماعيل عن عدم ردي ليهو بهناك ...
و اوعدك - و انا ابو " وعد " - يا الصادق بالرد هنا دا ... لكن تقرأ متين؟ ... الله اعلم !؟
بالمرة كدا نعرج على الثورة الثقافية ... و نشوف كتاب " الماركسية و قضايا الثورة السودانية قال شنو عن " استلاب وافد القيم الجمالية للمثقف السوداني، و تطور الفنون الشعبية و قوانين تطورم كلٍ على حدة، ولّ مع هو قانون وااااحد ؟ "

Quote: لكني اساهم معه في عملية التفكير من أجل حياة أفضل ووطن أكثر صلاحاً، لكنني لا أريد احتكار خياراته. ربما يكون كثيرين قد لاحظوا إنني أتفادي دائماً وضع التوصيات ضمن مقالاتي ولا (أشخت) على الأرض للناس وأقول لهم ينبغي ان تفعلوا كذا وكذا.

تاني قام قال ( و دا المهم ... البهمني على الاقل انا دا ) قال:

Quote: دعونا نتفق أن هذه الحكومة ليست ابدية وليست خالدة، وأنها ستتغير طال الزمن أم قصر بوسائل معروفة وسهلة وواضحة ليس من بينها التظاهر في المنتديات الإلكترونية وموقع الفيسبوك للتواصل الإجتماعي. هذه الحكومة يمكن بسهولة إزاحتها بأي واحدة من ثلاث وسائل ، وهي بالمناسبة وسائل معروفة بالنسبة لجميع الأطراف : الشعب ، الحكومة، والمعارضات المتشظية: 1- التغيير حرباً، وهو تغيير باهظ التكلفة ويحتاج إلى تضافر الكثير من العوامل على المستوى الدولي والإقليمي والمحلي، وهذه العوامل كلها متضافرة الآن ضد مثل هذا النوع من التغيير. 2- التغيير عن طريق صندوق الإنتخابات، وهو تغيير غير محتمل أيضاً في ظل الوضع الراهن بسبب عدم قناعة الحكومة وحزبها الحاكم بهذه الوسيلة أصلاً، وبسبب عجز القوى السياسية المعارضة عن الإلتزام ب/ أو فرض هذا السبيل كوسيلة مثلى ووحيدة للتغيير. 3- التغيير عن طرق الإنتفاضة الشعبية، وهذا أمر كبير الإحتمال لكنه غير مرجح الآن لحاجته إلى نضج العديد من الظروف الموضوعية التي يمكن أن تجعل منه أمراً حتمياً.

طيب كدا ما قفلت الضمنا و البلاطة في يدنا ياخ !؟
سيك عديل ... و في قبولناكمان ! ... ( تقرا في اسافيرنا دي )
نقنع من الثورة نمشي نناضل من أجل " المكتبة " ساي و لّ كيف ؟








---------

* بالمناسبة دي حقيقة ... لا شئ شخصي بتاتاص البتة ... هو تصادم اراء ليس إلا
و العنف ذات نفسو عندو " فضيلة " يا ناس زي ما عندو رذائل ... هكذا قال الفلاسفة من زماااان ... و لّ شنو !؟

Quote: ههههههههههه وبالأحمر كمان _______ للتوثيق

يا ابو حتحوت يؤسفني اني ازف ليك الخبر : ح احبطك المرة دي
يا ود البشرى انت بتتكلم عن " قيقراوي " ما قبل 2011 م
في السنة دي يا قريبك انا مات بيتي ماتت حلتى !!
لكن يوم هبت ثورات الشباب و إجتاحت العالم ودكت حصون الطواغيت اتولد جواي الف عشم جديد ...
انا ذاتي من ذاتي إتولد

ما قلنا ليكم نيو لوك ياخ !؟

Quote: فالج لا تعالج.

يا حبيب قلنا البوست مفتوح للجميع لكن ما قلنا الدخول اجباري !!؟
البطمم بطنو الوشو ما يجينا بس !؟ و كفى الله البورداب شر القتال في الفارغة
عاوز تاكد صحة كلام كابك المفضل بس !!!؟

فالج لا تعالج.

بضاعتكم ردت اليكم ... مع التحية

Quote: بالله لازم إستدعاء ود المشرف بي جاي ,....

Quote: واصل ولا تفاصل والعندو بواسير ما ياكل* طعميتنا دي

Quote: ثورة إيران لم تخرج من الفيسبوك وتويتر لكنها استغلتهما وثورة تونس كذلك، أما ثورة مصر فهذه حكاية طويلة وهي محصلة لتراكم جهد بطيء ظل يعتمل ويتفاعل لما يزيد عن العقد الآن منذ أن خرجت صحيفة (العربي) الناصرية بأول إنتقاد مباشر للرئيس مبارك حتى صار توجيه السهام نحوه ونحو عائلته خبزاً يومياً للمواطن والصحافة والسينما !الثورات لا يتم انتاجها بالتقليد ومسايرة الموضة

و لا تموت باللعنات و المشناق و البنادق برضو!!
اذا الشعب يوماً اراد اللحياة لا بد ان يستجيب القدر ...
زي ما تونس قادت ( اسقاط ) النظم الباغية ... ح يتوالى سقوط العروش الهربة الهش العويش**
ابو القاسم الشابي ح يقود كل شباب العالم ... الديمقراطية راجعة .. و راجحة

Quote: لالا للغلاء خبزاً خبزاً للفقراء _______________________ بالروح بالدم نفديك ياسودان ____________________ مليون شهيد فدا ...وضع جديد هكذا كانت شعارات مسيرة اليوم الثلاثين من يناير

مسيرة القصر ...شاهد عيان


يا شباب دي عينة ...
اها عرفتو الحاصل ؟
نجي نكمل - كان ربنا مد في الآجال - بعد شهر اتنين دا يخلص
و العفو فوق العافية
ما تنسونا من صالح الدعوات
سحس اها خليناهو ليك *




--------

لو ما الامانة الثورية كان الزول اسي يقشها في سحس دا
اسي وين مشاركتو هنا !؟
حنجلة بس !!

** ما سمعتوا بالموجة دي في اليونان و فرنسا ؟
قلت لي تستقي الحقائق من اكتر المصادر مصداقية ؟
الصاحية و لّ النايمة ؟

Quote: و لو عايز تشخصن القضايا يبقي حقو تعرف إنو أستاذ فتحي الشهير بقيقراوي ده أكتر زول صحبي في الناس ده كلها و عندي معاهو علاقه حقيقه و إتصالات ممتده ، و علاقتي معاهو أعمق من علاقتي مع محمد عثمان بما لا يقاس عشان كده الكلام بتاع ( مراوغتي المستمرة وزوغاني من إدانة سلوك محمد عثمان ) كلام لا يقف علي ساقين !!

بالجد ياخ الكلام دا ريحيني خالص
خفتك تقرأ كلامي داك باضنينك - كالعادة - و تقوم تحبنك !

يا اميننا الذي نحب - عرفت ام لم تعرف! فهو بما لا قبل لكم به - الفايت على بال سعادتكم انو القصة " It's not about Love, It's about commitment " *
قول لي كيف ؟

يا اميني ياخ المقال قايم على "فرضية " نحسبها خاطئة، و هي قلة حيلة الكائنات الاسفيرية - خصوصاً الامريكية منها و الاوروبية، لشنو ما عارف!؟ - و في قرايتنا - التي نثبّت انها قد تكون جائرة - هي مجرد محاولة للنيل منها و تتفيهها و تسفيه احلامها و آمالها. بل و إلصاق كل عيوب و عبر الدنيا فيه، بما في ذلك دمغها ببلادة الحس الانساني و السرقة راسا عديل ... " سرقة القيادة " ...
وين الكلام دا ؟

فيبقى الاجابة على الكلام دا تفتكر تكون كيف يا مفكر ؟
انا الما مفكر دا افتكر انو يكون بتأكيد انو ( دعمنا ) للثورة الشعبية الما محمية و لا معززة بالسلاح .. او قول ثورة " الياسمين " دي بتكون بالدعم المعنوي و التضامن و اهم من دا كلو بـ ( الالتزام ) بيها فوق كل ما نحب و نعتقد ...
يقول علينا شنو محمد عثماننا لما يلقانا اول ما انتقدها من ( نحب ) نقوم نطبطب عليهو، و ننسى إلتزامنا بالثورة و ابطال الثورة !!؟؟
هل اخلاقياً بجوز الكلام دا يا اميننا ؟
كدا ما شمت محمد عثماننا فيناياخ! .. و اثبت ليهو فرضيتو القاطعا من سفنجاتو دي !؟
ويحك يا امين !!
اجيئت تشفع في حد من حدود الثورة
انا غايتو لا ...
و الله لو جاءت بمثل هذا الكلام المرخي، رفراف قلبي الشمال " وعد " لاقمت عليها الحد، و بالحسم الثوري كمان ... المافي شنو ؟


اسمعوا انتو في السودان عندنا " ياسمين " ؟ ... ما قاعدين نزرعوا ؟
لا لا لا ... دا كلام ما بجوز ... لازم يكون عندنا ياسمين ... عشان الثورة ؤ كدا
يا امين ياخ محمد عثماننا دا ما حمل وديع ... و من يزرع الشوك لا يحصد الياسمين يا امين يا ( سمين )


محبة شديدة ... و انت عارف



---------

لقيتني كيف و انا بتفلهم ؟ ... ان شاء الله بس ما تكون غلط !؟ .. الله يحرق ثورة - الثورة سالمة ان شاء الله!! - التعليم العالي و يحرق يوم الجابا ذاتو ياخ!!



الفلهمة ابت تظبط كلو كلو !!

(عدل بواسطة قيقراوي on 02-10-2011, 03:23 PM)

Quote: ههههههههههههه ذكرتني نكتة لزول الخلّى شراب الشاي و قعد اليوم كلّو يردد "خليت الشاي وما سوّالي شي" يا قيقرا مرقت من البوست - أو اعلنت انسحابك يا قولك - و قعدت ترد على الناس بالإسم بي جاي !! انساك مني ومن توثيقي ياخ وارجع اخد راحتك

Quote: يا قيقا البوست دا يبدو ردة فعل لرأي محمد عثمان في كتابتك في رأيي أن محمد عثمان أبدى ملاحظته ديك بشيء من العنف ويبدو لي دي طبيعة في محمد عثمان لأني لاحظتها قبل كدا في بوست سابق لمتداخل آخر

رأي محمد عثمان في كتابتك ]
ابداص يا اشرف ... دا المستحيل ذات نفسو ...
حتى لو زعلت عشان نفسي ما ح يكون لأنو واحد ابدى ( رأي ) !!
ابداً ...
( احتمال )* يكون في خلل في قدرتي على التوصيل ... و احتمال كبير جدن ... بس و الله العظيم ثلاثاً لا شئ شخصي ! ... و هنا اجتهدت - قدر قدرتي - اني اكون موضوعي ... تاني اعمل ليكم شنو ... دي آخر موضوعية عندي !؟
برضو ما بنختلف
و شكرن ( جزيلن ) على الرابط ... و النقد البناء
مع اني كنت اتمنى تعميمو لفائدة الجميع ...

عموماً ...

على قول خالد مونيكا ( الكائن الخلوي ) :
الراسو نحاس
دواس
و بكاتل

و قال عن " المك " ايضاً :
سارقو الدم في الروح و الجتة ...
دقالو نحاس في طبلة اذنو الخاصة
يهزم كائن من كان ...

الله يكفينا شر حظ النفس بس ...




---------

ياخ ما قلنا ليكم اقروا ياخ

Re: تقرأ غداً

كدي شوفني كان زعلان عليك الله كلمني

و شوف دا عشان تحدد موقفك

Re: تقرأ غداً

ياخ اسي كان جدعت تلفونك في الماسنجر دا ما كان احسن؟

سمعت غنية ندى القلعة :
ووب علينا نحن الما قرينا؟

Quote: بالنسبة لي هناك (معارضات)، تتفق في حد أدنى وهو إسقاط النظام، وبعد ذلك هم مختلفون في كل شئ، ونظرة سريعة لأعضاء هذه المعارضات في هذا المنبر تؤكد لك ما ذهب إليه محمد عثمان، وما ذهبت أنت إليه، هناك المعارض الكيبوردي الذي يدعم المعارضة العامة بكتابته، وهناك من ينتقص منها في نفس اللحظة ولا يفعل شيئاً، سأعطيك مثالً (مصطفى محمود) وخذ عندك (هباني)، الأول يقول نفس الكلام كل مرة ما هي الفائدة من ذلك وماذا قدم للمعارضة بشكلها العام، والثاني من وجهة نظري يريد أن يستعمل (الفاظ جنسية) ويريد أن يدعى أنه يعارض. أنا فهمت أنه يتكلم عن هذا النوع من المعارضين. وعلى العموم نرجع لموضوعنا الأصلي (الثورة السودانية)، وحبذا لو تناقشنا في هذا الموضوع فسيكون أفيد حسب وجهة نظري.

انا افهم - و الله يعنني على قلة العتاد - افهم الثورة على انها تغيير مفاهيمي شامل ... مش بس تغيير " نظام سياسي " و قرايتي لاكتوبر و ابريل في إطار انهن اللتنين " تغيير نظام سياسي واستعادة للديمقراطي ما اكتر. " و عليه اللتنين انسرقن بسهولة ...
المرة دي بوادر الثورة تبدو جدية، لانها بقودها الشباب، تعبر عنآمالهم و تآسي آلامهم .. بادوات عصرية و افكار جديدة تماماً ... خارج الصندوق

كدي اتامل في كلام " جمال أنعم " ( وهو كوز يمني بالمناسبة ) بعدين نشوف ... اتفقنا ؟

Quote: لم يعد مجرد ميدان دائري لاستيعاب الحركة، لم يعد مجرد ساحات مفتوحة للبيع والشراء، مصر الآن في الميدان تشتري بدمائها الوطن تستعيد حياتها في ميدان التحرير، لم يعد مجرد ساحة للعبور مختنقة بالزحام المتعب والذاهل، هو الآن بلد يضج وشعب يهتف بالحرية، بسقوط الاستبداد برحيل الفساد، هو الآن مركز التغيير، منطلق الثورة، هو الآن ميدان شعب مجيد، أشرق من قلب المرارات، من وجع القهر كبيرا كمصر، هدار كنيلها العظيم، تنسكب فيه كل أشواق الحياة. ميدان التحرير فاتحة عهد جديد ولادة صاخبة لتاريخ فارق في حياة أمتنا العربية قاطبة، كلنا في ميدان التحرير بالقاهرة، كلنا هناك نمسي على لهب ونصحو على غضب، أي طاقة تنبعث من هناك، أي روح، أي انبعاث؟ تسقط التصنيفات، يسقط الفرز، لا أحد سوى مصر، لا أحد سوى الشعب المصري، ملامح واحدة، هتاف واحد، يسقط يسقط حسني مبارك، الشعب يريد إسقاط النظام. من قال أن كراهية النظام هي ما يوحد المصريين ويجمعهم في الميادين العامة، يوحدهم الحب، حب الوطن حب التغيير، حب الحرية الشغف، المكبوت للحياة، لهذا نراهم بهذا البهاء بهذا الاحتشاد المتناغم بهذا الإيقاع المؤثر، بهذه الصلابة وهذا التماسك، ما هو أكيد أننا نعيش حماسة ثورية تفوق الطاقة.

و ثمة تفصيلة اتفق مع جمال انعم عليها و اختلف معك فيها ... ارمي بياضك خلينا نختلف زي الناس

[ من قال أن كراهية النظام هي ما يوحد المصريين ويجمعهم في الميادين العامة، يوحدهم الحب، حب الوطن حب التغيير، حب الحرية الشغف، المكبوت للحياة، لهذا نراهم بهذا البهاء بهذا الاحتشاد المتناغم بهذا الإيقاع المؤثر، بهذه الصلابة وهذا التماسك، ما هو أكيد أننا نعيش حماسة ثورية تفوق الطاقة. ]

اها اختلفنا و لّ اتنازلت عن فكرة الفرز القلت عليها* !؟



تشكرات افندم
تشكرات كميات على كل شئ
بس بالله بعد دا كلو مواطن عادي زينا و جاي برا مكتبة ؟

----------

هكذا فهمتها و قد يكون خطأ قراية و جور ساي مني !!

Quote: ههههههههههههه ذكرتني نكتة لزول الخلّى شراب الشاي و قعد اليوم كلّو يردد "خليت الشاي وما سوّالي شي" يا قيقرا مرقت من البوست - أو اعلنت انسحابك يا قولك - و قعدت ترد على الناس بالإسم بي جاي !! انساك مني ومن توثيقي ياخ وارجع اخد راحتك

Quote: بناءاً عليه و لمصلحة النقاش هنا فقد قررنا نحن الموقعين ادناه قرار خطير جداً .. جدن: اعلن انسحابي من البوست نهائياً و افوضك في كل راي تضيفني معاك ... المافي شنو !؟

اولكن - والكلام موجه لحبينا المشرف - سمبلي - زي ما قالت - لانو شملوا العفو من رب الثقافة و ورد اسمو من ضمن الخمصطاشر المبشرين بالرد : شوف

Quote: سأعود للرد على الكثير من المداخلات المفيدة فمعذرة يا أمين والعوض الطيب وابوبكر صالح والصادق اسماعيل ومنتصر والعوض وعبدالمنعم سليمان وعادل فضل المولى وعصام جبر الله وانور أبوالقاسم وعبدالملك يوسف الملك وكبر وعمر عشاري ومحمد حيدر المشرف وعبدالمنعم ابراهيم الحاج. ذكر الأسماء هنا للتحية والترحيب والشكر على المساهمات المقدرة.

سوم سانين : ياخ قلنا لمصلحة النقاش !!؟ ... لمصلحة النقاش
يا ود البشرى البوست دا كان حتماً لا قراراً مثلما كل قرارتي العجيبة ديك ..
ياخ قلنا ثووووووووووووورة ... انقر يعني شنو ثورة بالنسبة لي ؟
راجيني اقول ليك مش ؟
سمح ؟
ما ياهو دا الشغلة ذااااتا ياخ
ساعود لمداخلتك عندي معاك ( مفاكرة ) حتني زي المسغفين وااااحد ... المالفي شنو ؟
بس في ي ي ذمتك دي المتل ماما دومة دي اسي يسووا ليها شنو غير الرد بي جاي ؟
غايتو اجمل ما فيها انو -+ لولا البي اللحمر ادناه - ممكن تقول ليها اوفٍ عديل كدا ! بدون ما تخش النار

Quote: يا ولدي يا قيقراوي دا الكلام الذي قالت عليه خالتك دومه انه عظيم ولم يكن تعليقا علي المقال الذي لم اكن قد اطلعت عليه حينها . اها بس وريني المحيرك شنو في كلامي دا والله ما فهمت ؟؟ مع اني بفهمك كويس وبحب طريقه كتابتك لانها بتخليني وكانني في قيم بتاع شطرنج مع لاعب ماهر . اتمني ان يتمكن محمد عثمان من الرد علي بعض التساؤلات الموضوعيه التي طرحت من بعض الاعضاء . وهي بالتاكيد من باب المفاكره البناءه طالما الهدف هو ترقيه العمل الثوري للوصول به الي الغايات المنشوده .

برضو ما عارفة المحيرني شنو يا خالة ؟
ليه ( بعض ) ؟
و شنو معيارك الموضوعي لتحديد ما هو موضوعي و لّ غيرو ؟

انت و الخال ديل قلنا ليكم قول المسيح، احذروا الانبياء الكذبة ... و ديل تعرفونهم بثمارهم
اسي الـ " بوستن " داك وينا ثمارو ؟
هل صاحبو أتى لحوار اصلاً !؟

Quote: إلا أن ما آلمني سخريته من ثورة جيل يعي متطلبات مرحلته جيدا بلل ويشاركة نفس الأدوات التي يسخر منها ! محمد عثمانهم ضرب بنضال عيدروس ورفاقه عرض حائط بكري دا متناسيا أنهم لم يخرجوا بدعوي من زعيم ولا بدعوى حزبيه بل لبوا نداء الكيبورد نفس الكيبورد الذي خط به هو نفسه مقاله الآثم أي والله الآثم في حقهم

عليك الله في ذمتك دي البطل " ثروت سوار الدهب " دا بنقاد ليهو لواحدن في عموم اسافير الله دي !؟

ديل شباب آمنوا بحقهم في حياة كريمة، وفق مقتضيات عصرهم .. حياة يصنعوها هم بهم لهم...
و قرروا ثورتهم ... مكانها .. زمانها ... فكرها .. و استخدموا ادوات تناسب عصرهم.
صدق المشرف إذ انتبه بعين بصيرته الثاقبة لانو " القصة الاستهل بها المقال، تصلح تماماص لخدمة غرض الترفيه عن القارئ كما يدعي المقال لتخفيف ( ثقل ) افتراضي لم يبارح خيال الكاتب .. زعم صاعق زاعق بس !؟

أنا برضو آلمني يا صديق
و اعتقد الما آلمو ألم الشباب ديل بعد العسف و سوء العذاب اللقوهو لمجرد تعبير " سلمي " عن آلامهم و آمالهم و تطلعاتهم .. الما آلمو يتحسس قلبو و عقلو ..

و هانذا اقولها لكم بحزن و غضب يليق :
انطموا وكت ما بتعرفوا تتكلموا ياخ !؟
و شبال - بصلعتي دي - للينقطنا بسكاتو



-------

ياخ ما بتتخيل فرحتي قدر شنو بانتصار ثورة الشباب المصرية ؟
قدر انو بدل ما امشي المطار، مشيت مقهى نت و فتحت " بوستن " ... تصدق ؟
مبارك يعلن تنحيه ... لمصر الياسمين

اتخيل انو تبدلت الاسماء ... و قامت كدا ثورة الشباب نورّت شمس العرس الغابت ؟
حجم الفرح من البحتملو

ياخ بالمناسبة انا ذاتي عاوز اخفف عليكم ( ثقل الحمولة ) بتاعة المداخلة دي بنكتة جديدة لنج :
قليك مبارك مات، استقبلوهو ليك عبد الناصر و السادات بهناك :
اها سم و لّ طلا في منصّة ؟
قال باسف شديد : فيس بوك !!
معاً و بحيرة شديدة : ايه هو " الفيسي بوك " دا !؟
حاول ان يجيب .. لكن ابت تطلع .. و بأسى نهائي طلعت آهة : آآآآآآآآه ... و خرّ ميتاً للمرة التانية "
نهاية الطغاة وااااحدة بإذن الله ... و بعزم و فكر الشباب .. و بادوات العصر دا ما القرون الوسطى و ما قبل التاريخ
المحير حنان سعادتي انو كيف يفهم ( اعلامي ) يقلل من ( قيمة ) وسيط اعلامي مؤثر، فاعل ، سريع الانتشار، وحاسم ... و الاهم انو مجرب و اكثر مضاءاً ...
و التخذيلات لو بتنفع كان نفعت عمر سليمان لما صاح : " انتو اخدتو الكتلوج من تونس و عاوزين تطبأوه هنا .. لا ما بحصلش الوضع مختلف قدن "
هاك الاختلاف دا يا ابو الشوش

مبارك يعلن تنحيه ... لمصر الياسمين

و لنا الرماد كان واصلنا في التخذيل بدعاوي و افكار بالية عفى عليها الزمن
متى نفوق من ذهولنا الكبير !؟

(عدل بواسطة قيقراوي on 02-12-2011, 09:31 AM)

Quote: هاي!! لسة بدون ولا لميتلك في بلد? قال القيقر قال!

انظر للنصف الملان من الكوب دايمن ياخ!؟

حالة البدون دي زيها مافي كلو كلو ...
انها الحرية يا صديق
انها الحرية .. انها الحرية ...

كررها ثلاثاً ... و اردف من كلو!

عام 2011 حداشر دا زلزال قوي
عام التغيير بإمتياز
فيه مسقط رأسي انقطع !! .. تبدأ مراسم الدفن يوم 9 يناير .. و لا عزاء !!
و فيه الثورتو انطلقت ... ثورة الشباب

غيرت فكرتي في حاجات كتيرة
احتمال كبير ما تعرفني ذاتو بعد دا
الشغلة اكتر من انها مجرد " نيو لوك "





-----------

اما بخصوص الجية ؤ كدا ...
انها مشاغل الدنيا ... دايمن مدخلانا في احراج :
تجبرني اخالف وعدي و اتلوم
ياخ انا لاقيكم وين !؟

ياخ ما تجي تفكك لينا الثورة الثقافية ...
يا زول نلقى لينا اكاديمي ضليع زيك وين نحن
تعال عليك الله بكلامك المرتب داك و مراجعك ... خت كل جركانة في مكانا
انا صايت الشغلة ساي من قبيل!

Quote: الثورة المصرية .. وما يمكن إستخلاصه من عبر جعفر عبد المطلب ما يمكن إستخلاصه من عبر من ثورة 25 يناير المصرية : أولاً : الثورة لن يقم بها ابناء جيلنا الذين تلقوا تعليماً راقيا ومجانيا، وحصلوا علي الوظائف التي كانوا يشتهون فور تخرجهم في الجامعات، وتزوجوا وكونوا لهم اسراً وسافر البعض منهم في بعثات الي أوروبا وأمريكا وغيرها من دول العالم، للحصول علي الماجستير أوالدكتوراة علي اساس الكفاءة وليس الولاء للحزب الحاكم!والبعض شيد له داراً يأويه. كل ذلك تم في ظل الدولة السودانية، عندما كانت الخدمات تقدم للمواطنين علي قدم المساواة، دون تمييز في اللون أو العرق أو الدين أو الجغرافيا !قصدت من هذه المقاربة أن ادلل علي ان الثورات يقوم بها شباب محروم من الأمل والحلم والوظيفة والزوجة علي إمتداد فترة تطول او تقصر ، حتي تبلغ حمولة الياس والإحباط لديهم حدا يفوق طاقتهم ،ويظل قدر الغضب عندهم يغلي في إنتظار من يرفع عنه الغطاء.هذا جانب وعلي الجانب الآخر لديهم هذه الشبكة"الإنترنت" العبقرية ووسائطها المختلفة يتعاملون معها بحذق ومهارة تفوق مهارات جيلنا نحن ،هكذا يكون التواصل بينهم ممتناً وواسعاً وفعالاً.صحيح أن هناك أحزاب معارضة ،بعضها يندس في عباءة الحزب الحاكم ويعيش من فتاته وهي ما تشكل ما يسمي "بحكومة الوحدة الوطنية "! وبعضها أحزاب عقائدية ولكنها عديمة الفعل والفائدة، والصحيح أيضاأن هناك زعماء سياسيون وتاريخيون ولكنهم فقدوا الصلاحية والقدرة علي حشد الجماهير.إذن الثورات " المجدولة " زمنيا في العالم العربي و في افريقيا والعالم الثالث بوجه عام بل ربما في العالم علي إطلاقه علي إمتداد خريطة التسلط والقهر وتغييب إرادة الشعوب ، سيشعلها الشباب لا محالة عاجلاً أم آجلاً. حسب الأحداث علي المشهد السياسي العربي ،فان المحطة القادمة بعد مصر هي الجزائر ، وقد بدأت الثورة بالفعل.علي السلطة الجزائرية ان تستفيد من التجربة المصرية وتستمع الي صوت الشعب دون ان تتصدي قوات الشرطة للثوارتقتلهم ويصبحون شهداء.المحطة التالية للجزائر هي اليمن "الشقي "والذي لن يكون سعيدا إلا اذا استمع الي صوت العقل والحكمة الآت من الشعب .ثم يأتي دور الخرطوم التي عليها ان تستخلص العبر من الثورات السابقة علي التوالي في كل من ( تونس-مصر الجزائر- اليمن ). تتعامل بحكمة مع كل محاولات الإنتفاض والغليان وهو أمر آت لامحالة وليتذكر حكام الخرطوم ثورتي أكتوبر وابريل ربما كان بعضهم من صناعها.ينبغي عليهم إحترام إرادة الجماهير وعلي القوات المسلحة وقوات الشرطة ان تعيد قراءة ما حدث في مصر لأنه لابد للشعب أن ينتصروعليهم ان يسهموا في هذا الإنتصار علي الأقل بالوقوف علي الحياد كما فعلت القوات المسلحة المصرية ثم أصبحت جزءًأ من الثورة هكذا دخلت التاريخ من ابوابه المضيئة. ثانياً: لقد سقطت أسطورة الحزب الحاكم وتكشفت اودات قمعه وتسلطه وقهره للناس والعباد،وإنكشفت عورة الإعلام الرسمى الذي كان يغسل عقول الناس ويصور لهم الوطن هو الفردوس المفقود!لن تستطع أجهزة الحزب الحاكم مهما بلغت من السطوة والقسوة والعسف والفساد كما كان حال الحزب الحاكم في مصر ان توقف زحف الجماهير عندما تكسر حاجز الخوف وتمتلك إرادتها تريد الحياة فلابد ان يستجيب لها القدر.مهما بلغ عدد المنتفعين من كوادر الحزب الحاكم ومن لف لفهم والأرزقية وآكلوا الفتات والإنتهازيون والملتفين حول السلطة الفاسدة من التجار ورجال الأعمال من أعداء الشعب لن يصمدوا يوما واحدا بعد إندلاع الثورة كما شاهدنا في مصر. أقصي ما يحاول أن يفعله هؤلاء محاولة الإتجاه الي المطار هربا الي حيث توجد ثرواتهم التي نهبوها أو إختلسوها من خلال محاولاتهم في التعدي علي المال العام في وضح النهار وعلي مرأي من السلطة الفاسدة والمفسدة لمن حولها . ثالثاً:لقد سقط المشروع الأمريكي في المنطقة وإستعادت مصر روحها الثورية مصر ( عبد الناصر) وأسترد شعب مصر وعيه الغائب لعقود. لقد اعادت الثورة المصرية الشرق الأوسط القديم الجديد، ليس الشرق الأوسط التي كانت تريد له الإدارة الأمريكية "الفوضي الخلاقة : !ولكن الثورة المصريةالغت دور مصر الذي شرطيا لأمريكا فيه.الشرق الأوسط التي كانت تريده أمريكا وما تزال قاصرا علي ( ضمان أمن أسائيل- تأمين مصادر الطاقة- محاربة الإرهاب - إقصاء الإسلام السياسي عن المشهد )وقد تحقق كل ذلك أبان عهد مبارك .مصر بعد 25 يناير ستكون قلب العرب النابض بالثورة والتحرر كما كانت مصر عبد الناصر.مصر خرجت من دائرة الشبهات لتكون قبلة للثوار في كل العالم وملاذ للشرفاء ومركزاً للمقاومة الوطنية أين ما كانت . هذا في عجالة مايمكن إستخلاصه من عبر لو قرأ الزعماء العرب الثورة المصرية قراءة صحيحة وذكية وتأملوا مابين سطور هذه القراءة، لحدث التغيير في الوطن العري بشكل سلس وسلمي وحضاري خال من الشهداء .كنت أناشد أفراد أسرتي أن يبقوا أمام شاشة التلفزيون يعيشون هذه اللحظات العظيمة ويشاهدون كيف كان الشعب المصري عظيما عندماإسترد للعرب كل العرب والشعوب المقعمة والمقهورة الكرامةوإستعاد للشعب المصري وعيه المغيب عقودا من الزمان وإنتزع لمصر روحها التي كادت ان تضيع .كنت أقول لهم ان الذي يحدث في مصر الآن لن يحدث ثانية في هذه الألفية الثالثة !بنفس الزحم والوهج والبسالة والصمود، عيشوا هذه اللحظة التاريخية الفريدة حتي تقصوا علي الأجيال التي تأتي من بعدكم.

Quote: ياتو ثوره دى البكون الناس متأكدين منها ميه ميه !!

Quote: ههههههههههههه ذكرتني نكتة لزول الخلّى شراب الشاي و قعد اليوم كلّو يردد "خليت الشاي وما سوّالي شي" يا قيقرا مرقت من البوست - أو اعلنت انسحابك يا قولك - و قعدت ترد على الناس بالإسم بي جاي !! انساك مني ومن توثيقي ياخ وارجع اخد راحتك

سوم سانين : يا ود البشرى " التغيير " الاتكلمت عنواعلاه ما تعلق بحاجة تعملوها انتو، لا ياخ!؟ بل بخصني تماماً .. لكم ان تصدقوه او تكذبوه .. تنتقدوه ... بس صدقوني في حاجة واااحدة اني امتلك الرغبة الجادة فيهو و العزم الكافي .. و السايقة واصلة على قول اهلنا.
من وحي الهام الثورة المصرية... خليني احكي ليك حكوة :
تابعت لقاء العربية مع " وائل غنيم ". و لطقاشة مني الايام الاخيرة بديت اتعاطف مع " حسني مبارك " تصدق!؟ .. لوهلة بقيت مؤيد لمخارجة شريفة ليهو " رئاسة شرفية لحدي نهاية صلاحيته المضروبة في ذات الخجة ( نسخة " الوطني " المصرية )** او صلاحيته هو همسلف ( هو شيخ تمانيني ) " ...
لكن اتأكد لي تماماً اننا جيل مُفسد تماماً ... و افكارنا بالية ... على غير جيل وائل و الشباب المعاصر البفكر خارج الصندوق ... تلى بيان الشباب و كرر فيه " نهائياً ... نهائياً ... نهائياً " كررها ثلاث و اردف " المسألة مش كرامتك يا مبارك ... المسألة كرامتنا نحن اللدايس عليها 30 سنة " !!
بكيت معاه - صدقني - على تبلد احاسي و شكيت رسمي في انسانيتي ... اتحسست راسي في طريقة التفكير المتـهالكة ، و اتحسست قلبي الفرغ مكان لشفقة على حــقير زي مبارك دا


يبدو لي انها اللقطة دي!
في " العربية " كان وائل بعد ذكر احد رفاقه، صناع الثورة و احد الشهداء اسمه( مصطفى ) على ما اعتقد
بكا بكا بكا .. و لما استغفر قالها بتحدي و حسم يليق : " انا مش ببكي ضعف1 .. انا اقوى منك يا مبارك .. انا اقوى منك يا عمر سليمان "
بكينا اكتر منهم!!
بكانا .. قدرتنا تنتهي
بكانا .. نرجى المعجزات
تباً لهذا الانطهاق المستفز !!


نقطة اخيرة يا ود البشرى
زي المقتبس دا اعتقد اني اخلاقياً ملزم ارد عليهو ... و لّ كيف؟
لكن ما بهناك .. هنا دا و ح اجتهد انو اوطنو في سياق النقاش هنا و واوضح نقطة لحبيب ألبي

Quote: بالنسبة لل(طرفة) المشار إليها فأنا أختلف معك وأرى أنها غير لائقة. الاستاذ / محمد عثمان ابراهيم

الطرفة المشار اليها نقلتها انا للبوست المعني
و بتحمّل كامل مسئوليتها ... و يا ريت اي زول عندو اعتراض عليها يوجهو لي ؟
لما نقلتها ما كان القصد اطول بيها مداخلتي يا ابو الشوش - الحساب ما بالمتر هنا!! - نقلتها لانها بتعبر عني تماماً و متبنيها رسمياً و بالتالي اعفي من نقلتها عنه ( حول ذكر الاسم هناك، لانو ببساطة محمد عثمان قال ما بفهم كلامي فجبت ليهو اسم تاني!! )

يا ابو الشوش يا حبيب
ظلمتني لما جيرت كل ( الفعل ) الهنا لمجرد رد فعل لرأي محمد عثمان في " كتابتي " و يا للهول !! .. تعرف انا ابداً ما طرحت نفسي ككاتب هنا! .. و لا بشغلني كتير كترة القراء .. هوو كيرز يا حبيب !؟
دايرين يدوني شنو؟ ... كلو هنا مجاني ( تقرأ راسياً و افقياً و في كلٍ خير )

البوست دا يكفيك عنوانو بس يا حبيب؟
واضح انو من شقين - ما داير اقول مبحثين كمان تحسوبنا مسغفين - و ذكرت بالحرف الواضح و طلبت عطفكم انو ابدأ بالفسالة لانو " الشناف " سااااهل!!

لسة ما جينا للجزالة يا حبيب
ما قلنا ليك " حرف ... حرف "
خلينا نتعلم نكتبا باللول

الفوق دا مثل جميل جداً - انا آمنت باني زول صالح عديييييييل- و نفس الاسماء الواردة في العنوان بالحرف كمان!!
اشكرك يا ربي

الطرفة لما نقلتها ابداً ما غاب عني ( إحتمال ) عدم اللياقة القال عليهو اخونا محمد عثمان.. و الله العظيم ثلاثاُ ...
لكنت كنت اطمع في ( عمق ) المتابع
و ياهو دا الاستاذ / عمر عشاري يكرمني بجزالة و الله العظيم ما كتبتها عنه الا لما رأيتها .. و علها تليق
لاحظ و بشكل سافر و فاضح طريقة تفكير طرفي المقارنة هنا ...

اترك المايك للقراء و ادوني رايكم


-----

* سميتو " هكوري " لانها تزامنت مع موجة تهكير للمنبر ... خلتني ما عارف اذا هي حقيقية ام مهكورة!!

** في بعض الروايات انو النسخة المصرية هي النسخة الاصلية و وطني الخرطوم هو المقلد.



التعديل: لتصحيح التصحيف في بعض الكلمات ... و تحرير التحريف حول ( الصورة )

(عدل بواسطة قيقراوي on 02-13-2011, 12:10 PM)

Quote: كل واحد كان بمشي ميدان التحرير وجواهو بذره واحده .. وما جايب خبر باقى البذور العند الناس ..

Quote: " الثورة السودانية " .. جذالتها لدى عمر عشاري .. و فسالتها لدى محمد عثمان ابراهيم

هل عدم معرفتي لكتابة " كلمة " " جزالة " كان بعبر عن عدم معرفتي لمحتواها لما اشوفا ؟
هل كل ثرثرة اللغة - العربية - افادت في شئ لما يكون الاحساس بكثافة الفرح/الامل/الرغبة/ الخوف المعتملة جواي او جوة اي واحد !!
هل حقيقي في زول عندو الاجابات على الاسئلة الانطرحت او في الانتظار ..هل في زول بملك رؤية ( غير فطيرة) - الوصمت بيها انا رؤية اخونا محمد عثمان - عن الثورة !؟
هي شنو هي الثورة دي؟ ... و هل يعقل يكون في كلمة واحدة مانعة جامعة تحتمل كل الافكار دي و على مر الازمان !؟
حية الكلمة دي؟ و بحياة اللغة و الناس ؟
ياخ اسي البعمل فيهو انا دا صاح ذاتو؟
اخلاقي؟

Quote: الفكره ولا اللغه .. ايهما الاثقل فى ميزان الصحافه ؟!

و الله في الصحافة ما بعرفا ...
لكن الفكرة طبعاً .. فكرتي مع فكرتك مع فكرة وائل غنيم و البوعزيزي و الصادق و عمر عشاري و ابوبكر صالح و عيدروس وثروت سوار الدهب و عمر عشاري و محمد عثمان دا همسلف هي البتدي الثورة اجمل معانيها
او هكذا اعتقد ...

اللغة ماعون ... يضيق و يتسع قد يضيف لمحتواها إن وجد ( محمد عثمانهم نموذجاً ) .. او قد يخصم منها لو بقت " لغة الطير في الباقير " زي حالتي هنا ...
لكن كم من كلام " تاااافـه " اتكتب بلغة عظيمة ؟
و كم من كلام بسييط خلق واقع جديد و غير الكون كلو مرة و الى الابد ... شوف معاي و تأمل :
" الشعب... يريد.. اسقاط النظام! "
كلمات بسيطة " فعل " جليل ... " فاعل " عارف ما " يريد" و ... " نظام " فاسد تماماً
كم ثقلها في " الميزان "؟
اي ميزان تحب؟
جوانا نحن ديل عملت شنو!؟
عملت عمايل ..زي ما عملت " الطبقة العاملة " و العهدة على "عاطف انيس" في " ذات احتراق ذات في شتاءات الغربة" Re: يا موت لو تركتو مننا قد سرقتو ... إلي خالد الحاج سل...ت يازول يا صنديد ..! :

وتجيك الطبقة العاملة عمايل
وما شاقيهاغير ما توازن شرط العدل المايل

و وين الطبقة العاملة؟

مالكم علينا يا ناس
خلو ذواتنا تحترق بسلام بشتاءات غربتنا او في " منافينا " الحتم!!





-----------

يا شباب اعتذاري لظروف قاهرة مضطر اتغيب لحد نهاية الشهر دا
و لاسباب نفسية برضو ...


لقينا ( فكة ) جزيلة جدن جدن للعبارة، و من د. بشرى الفاضل همسلف!
قلنا نطربكم

(عدل بواسطة قيقراوي on 02-14-2011, 03:46 PM)

Quote: و هانذا اقولها لكم بحزن و غضب يليق : انطموا وكت ما بتعرفوا تتكلموا ياخ !؟ و شبال - بصلعتي دي - للينقطنا بسكاتو

Quote: فقالت بكل برود :أكتلو العريبي شن فايدتو غير محاق هبوب!

يقولك " ياسمين " الاميرة " نصرة " تقول اكتلو !؟
محاقين الهبوب كتااااااااار الا ...
كتل ما معانا كلو كلو
فيما نقاتلهم إذن!؟ او كما قال الامام علي الكرار كرم الله وجهه
دا الفرق بينا و بينهم
الفرق البيّن، و التفريق بين الحق و الباطل
سنقاتلهم بالحق المعزز بكل سلاح مشروع بما فيها الكلمة و الكيبورد دا اتسلف
و علمنا التاريخ - و نعم المعلم - إن القوة لا تغلب الحق و القوة ابداً
ح ننتصر و ينتصر الحق و الخير و الجمال و إن طال المسير و شاك الدرب وخذّل المخذلون و اتخاذل الضعفاء
و لو قتلونا او متنا ستحاربهم دماءنا ... و اشباح كتابنا او ما تبقى

كدي خليك مني انا دا، شوف الفاول بتاع قيقارواي دا! :

Quote: انت عارف انو غفر لك ما تقدم و ما تأخر من ذنبك ... و للبتحبهم ذاتو نغفر كمان ... المافي شنو !؟

لوووووول

لست من نورٍ لتغفر!
انت من طينٍ لتبني ...
فابن لنا بيتاً ... لك .. للصغار .. القادمين


لوووولين
البناء صعب ... و لن يصل يوماً تمامه اذا كنت تبني و غير يهدمي!!
واك واك العمل صعب ... او كما قالت فارة ذات خذلا حيلة

كل زول يخت طوبتو يا شباب خلونا على الاقل نضع مدماك اول ( فطير .. فطير ) ما مهم! الآجر و الجص موجود من زمن " كوش " و القادمين احلى و اكتر منا ذكاء.

Quote: Quote: لا بد من إختلاف الاراء هُنا وهُناك ، والبشر مجبولين على الإختلاف وكل واحد منهم إبن تراكمات كثيرة ومعارف متنوعه وإختبرته الحياة إختبارات لاتشبه بحال من الأحوال الإختبارات التي تعرض لها آخرين ولكن بعض المواقف مُوجعة يامحمد ، وتحتاج لوقفه ...ويظل هذا في إطار العصف الذهني والنقاش الموضوعي والإختلاف الذي وإن أوجع لا فكاك من القبول به لا أستطيع لحالة كونك كاتبي المفضل مثلاً أن أقول فجأة وأنت تكتب كلاما يعبر عنك وعن قناعاتك ...لأ يامحمد لأ ياخ بالغت وأغضب مثلا ...لن أغضب يامحمد ولكني قد أحزن وأقول لنفسي لماذا شغل محمد هذه المساحة المقروءة بمثل هذا الحديث ومانحتاجه فيه أكبر وأهم وأكثر عداله ، ثم لا أبرح أن أرجع عن هذه التصورات بإعتبارها تشير لنوع من المُصادرة ، والمُصادرة في إعتقادي لأتكون فقط بإستخدام القوة والإرهاب الفكري عدم الإنصاف أيضاً مُصادره يامُحمد ولذلك فانا أنصفك وأقول أن من حقك أن تكتب ...لتقول بماترى وفي أي توقيت ، ومن حقنا أن نقول بعدم موضوعية هذا الرأي انا من جانبي يامحمد أبغض التعميم ، وأعرف أن السودانيين في الخارج فيهم الصادق وفيهم الكاذب ، تماما كالسودانيين في الداخل وأن عبارة مناضلي الكيبورد هذه أضرت كثيرا بالعمل المعارض وانتقصت من حقوق الناس المشروعة أن يدلوا بدلوهم ويعبروا عن آرائهم ويُساهموا حتى في الدعوة للتظاهر السلمي من منافيهم البعيده ...التي خرجوا إليها لأسباب متعدده وكانوا في غلبة من أمرهم في كثير من الأحيان الاستاذ/ عمر عشاري عمر عشاري شكراً يا أخي على المساهمات الرفيعة وعلى الإختلاف وأعتقد أن هناك حاجة بي لأن أقول إنني سعيد باختلافنا هنا لأن هذا يتيح الإطلاع على والتعلم من وجهة النظر المقابلة. لست هنا بصدد جر نفسي إلى الإتفاق معك ولكني بصدد الإستفادة من هذا المناخ المواتي لعرض وجهة نظري عليك. أتفق معك في أن الإنسان ابن تراكمات عديدة وتجارب مختلفة وهذا يطبع تصوراته وبالنسبة لي فأنا ابن تجربة معارضة خاسرة بالرغم من أن كل سبل النجاح قد تهيأت لها. معارضو العالم الإفتراضي إختبأوا وراء خرائط العالم يوم أن اصطف الشعب السوداني كله شماله وجنوبه ، يساره ويمينه لمعارضة حكومة الإنقاذ بمختلف الوسائل. لم نر أياً منهم في سوح المنازلة داخل أو خارج السودان ولم يكن النضال عبر الإنترنت قد تأسس بعد. خسرت المعارضة معركتها بسبب قياداتها الخائنة والفاسدة والعاجزة والضعيفة. شفت الإتهامات دي خطيرة كيف؟ أنا مستعد للدفاع عن موقفي هذا وربما يأتي زمن أوثق فيه لهذه الإتهامات وأعرضها على الشعب السوداني لكني لا أريد أن أقوم بذلك الآن لأسباب لا تحتاج إلى توضيح. هذا الرأي يجعلني في غنى عن مؤازرة مناضلي العالم الإفتراضي أو معارضة الأحزاب السياسية الحالية التي يشتم قادتها النظام في الندوات وفي وسائل الإعلام ثم يتهافت نفس هؤلاء القادة على مسئولي الحكومة من أجل الحصول على قطعة أرض في كافوري، أو من أجل الحصول على وظيفة في مفوضية الإستفتاء (بقليل من الإجتهاد يمكن التعرف على هؤلاء). ليس سراً أن الحكومة تقول إننا كلما جلسنا إلى قادة هذه المعارضة نجدهم ينقلون الحوار من القضايا العامة إلى الخاصة. الحكومة الحالية ليست أفضل الخيارات وكتابها كله بين يديكم لكن إنشاء البديل أكثر إلحاحاً من إسقاطها. عن (مناضلي الكيبورد): الحقيقة أنني لم أستخدم هذا التوصيف في كتاباتي على الإطلاق لكن هذه مناسبة لأقول أنني لست ضد نضال الكيبورد بل أنني معه وأنني اتطلع ليوم أرى فيه الفرقاء في السودان يتحاورون حول خلافاتهم ويحسمونها بالكيبورد دون الحاجة إلى كلاشينكوف. المشكلة في نضال الكيبورد أنه لا يسعى إلى نقل عمله إلى الواقع. الحكومة موجودة في الخرطوم على الأرض، والمعارضة موجودة معنا هنا في سودانيز أونلاين، وليس فيها من هو في استعداد وائل غنيم لترك أطفاله والمشاركة في التظاهرات والتعرض للخطر. أرجو أن تتأمل فقط في بعض الأسماء ممن يسافرون إلى السودان لقضاء إجازاتهم. يتوقفون عن الكتابة في المنبر شهراً قبل السفر، ثم يقضون وقتهم كله هناك بهدوء في المناسبات الإجتماعية (لدي أسماء ومناسبات وصور)، لكن ما إن يعودوا من الخرطوم إلى بلدان هجرتهم أو اغترابهم حتى يبدأون في الزعيق. هذا يضر بالمعارضة أولاً ويخدم الحكومة ثانياً ويسيء إلى الوطن. هذا مع مودتي وتقديري محمد هذه وجهة نظر الاستاذ / محمد عثمان ابراهيم

Quote: المافي شنو !؟

Quote: عشان ما نطول ليك السؤال بتاعنا برضو بيكون قائم، نحن دايرين (ثورة) ولا دايرين فقط (إسقاط النظام)، لو دايرين (إسقاط النظام) ويبقى الحال كما هو عليه، فأنا متضرر ووسأواصل بحثي عن (الثورة)، والسودان الجديد هو الثورة في نظري، تغيير جذري للتركيبة الموجودة والمأسس عليها الكيان السوداني.

انت صدقت اني بقدر افكك مقالات و اصلح سراير حديد جد جد و لّ شنو؟




ساعود بفكرتي ...
و متفقين مبدئياً على فكرة التغيير الشامل و الجذري
و مختلفين لسه في قصة الفرز ...
مرحلياً انا شايف الفرز غير ضروري ... محتاجين لكل القوى ذات المصلحة الحقيقية - او كما قالا فلهمة ساي ادروب stakeholder ! - في اسقاط النظام ... بالعربي كدا تحالف حد ادنى ... سقفه " اسقاط النظام " و ( سلمياً ) .. و اشدد عليها، و استعادة الديمقراطية... من جانبي انا بسميها " ثورة الياسمين" المفضية لـ " ثورة الاصابع البنفسجية " ... هو الحلم بقروش يا شباب!؟

ياخ بالمناسبة دي - مناسبة مؤتمر الطلاب المستقلين - في الجامعة في انتخابات الاتحاد 1994 جماعتكم حرنوا دت يخشوا تحت شعار المرحلة " الوحدة الطلابية " معانا في ( التجمع )** بذريعة مافي تحالف حد ادنى!! ... و فاجاؤنا بتحالف مع " المحايدين " !!؟؟
تعرف يا الصادق عدم الشفافية و النقد هم المغتسين حجرنا ...
و بالمناسبة التحية و الاجلال للزول الجميل الرحل قبل اوانه " نصر الدين الرشيد "* كان زول مبشر بسودان مختلف ... و نوعية نادرة للكائن " المثقف " الحقيقي ... له الرحمة و تحياتنا حيثما كان ..

عرفت ليه قلت ليك قرّبت اتذكرك ... بكري الجاك دفعتي الكنبة بالكنبة في بزنس ... كان بفصل بينا التخصص بس! .. انا محاسبة و ادارة مالية و هو ادارة اعمال!
اطرف حاجة اني قابلتو و انا متوجه لمنافي الاختياري هنا و هو كان في آخر اعتمالات نفسو التواقة للتغيير و وساقتو ليكم بهناك ... قول لي الطريف شنو!؟
انا كنت ماشي القضارف اودع اخواتي متوجهاص للسعودية، اتفاجا ليك بزول دفعة فراش ليهو صابون و خردوات قيمتا كلها ما تركبني لحدي القضارف بس!؟ ... و الزول زولي ... ياهو بكري الجاك الما بغباني ذاتو!
بادرتو دا شنو يا خريج إدارة الاعمال!؟
رد بطريقتو الساخرة و المحببة : مالك ياخ؟ ... ما قاعد ادير في اعمالي ياخ!؟

برجع نتناقش في طريقة كل واحد فينا في " ادارتو لأعمالو " ... و نفتح دفتر الاحزان من الاول و للآخر
و نتحاسب - محاسبتنا القرينا دي تضيع ساي !؟ - و نشوف منو الغلطان و منو المصيب!؟

بس الله يرضى عليكم برا فسالة ياخ!؟
قال هاشم صديق ( على ما اعتقد ) حين ملحمة :

طريق الثورة هدى الاحرار ...

ما قلنا حاجة ...
اعتقد انو ما في طريق واااحد صحيح ما بقبل القسمة على اكتر من فكرة لـ " الثورة " ... و لّ شنو؟

-------
* مازلت اذكر عبارته الخالدة في نقد شباب الـ ( ج . د ) انهم : " عايشين زهو تمتع بجماليات الفكر الاشتراكي " ... و واحدة تانية في هجاء ركن كادرهم الخطابي وكتها " علي موسى " .. الركن اشتهر بترديد على موسى فيهو للاغنية الهابطة " جاياك يا ابشراء " و مارس فيهو الكذب و التضليل و الاتهامات و الاسفاف كأسخــف ما يكون!!
سماها الشهيد نصر الدين الرشيد بـ " الســـخف الابداعي المتمثل في " جاياك يا ابشراء! ) ...

اييييييه زمن!!

** ما تفهموني غلط ... ما عندي اي علاقة تنظيمية بيهو ... و كان وكتها الخيار الوطني البديل ذو الثقل السياسي و صاحب البرنامج ( الواضح )... طالما " المحايدين " طارحين نفسهم كتنظيم في الجامعة بس!!

Quote: الصادق ياخي أنا أحبك صادقا : أخا عزيزا و مناضلا حقا و وجيعا لبلدنا الما عندها وجيع دي !!!

.. و الله جد!

يا ميننا الذي نحب و الله م تأكد من دي :

Quote: ما تفتكرني ما متابع يا أستاذ فتحي !!

في الحقيقة دا اصلن هو حافزنا على الكتابة و الابداع

متابعتك طعما شنو عليك الله ... بتدين مكتبة!؟
اهم متابعو هي متابعة سيد الفنايل - بالمناسبة انا كتبت جزالة بالطريقة دي شرك و كنت طمعان في انها بتتعدل ... لكن صراحة صاحبك خذلني ... رسلت ليهو يجي زي تلاتة رسائل و ما اشتغل بي ... صراحة اانا لو مشيت من هنا بكون بسبب سوء المعاملة و الاضطهاد و العسف السامني ليهو سيد اللبن ..

تعرف انا ذاتو ناس سودان الجميع طلبوا يدي للكتابة معاهم بهناك حيث حبيب ألبي حسن موسى و حسن اولئك رفيقاً...
لكن لمن لقيتم كبااااااار .. اعتذرت ليهم اني عاوز اكمل تعليمي في رسين اليتامى الهنا ديل
لكن حظي كدقيق بس ... شئ خال - خال شعر كلو كلو - و شئ ( مهندس ) احمد التجاني و شئ قمر بوبا و شئ بدري حيث البدر باين في صلعتو!! دا حظ شنو دا؟ .. مفيش حظ!؟
بالجد يا شباب بكري دا مالو معاي؟ ... ياخ ما يعدل لي العنوان دا ياخ!؟



----------

يا امين و الله اليومين ديل اخوك مكروب جد جد .. شئ ميزانية و شئ اولاد جايين يأجزوا معاي و غلبة و اسواق و عمرة وهلمجرا .. و شئ عندي امتحاتن عديل يوم 25 !؟
غايتو الا الزول يخش بمكنة انو اذا اردنا مناقشة المسالة الادارية و لذ المحاسبية الفلانية لابد ان نتحدث اولاص عن " الثورة السودانية " ...
بس المشكلة انو بالانقليزي!!؟؟
حنك، بنحنك .. لكن انت عارف البير و غطاها
الله يخرب بيت الانقليز المستعمرين ديل!؟

Quote: قيقراوي يا صاحب ياخي والله زنقتني زنقة ك ل ب في طاحونة في مايرنو وهي زنقة لو تعرف عظيمة انت عارف اهلنا جنهم وجن ال ك ل ا ب فلما يجي واحد جمب الطاحونة حيث يتجمع الاطفال موضوعو بكون بايظ خالس خالس

كتلتني من الصحك- وانا بكتب من المكتب- اتذكرت ليك " امين مفاجاة " و دا راجل لطيف جداً .. سر لقب " مفاجاة" انو استهلكا لمن فقدا معناه ذاتو! .. يقول ليك اسمع انا العصر بفاجاك بزيارة في الدكان ... طيب بعدالتحديد الدقيق للزممكان .. وين " المفاجاة "!؟
عندو مقولة مشهورة جداً : " ياخ ال###### اتخذ قرار!! " ..
حكى - و العهدة عليهو - انو مرة كان في مبارة في الحلة، كــلب دخل الملعب، و هاصت المسألة .. ما اتعرف منو الساكي منو!؟ .. الكـلب لمن زهج من شغلة انو ما فاهم الوضع دا هل هو مطارد او مطارد ( شكلا براحتك ) قام اتخذ قرار.. و يديها ليك صنة ينتظرك لمن تسالو اها القرار شنو!؟ .. يباغتك بالـ ( المفاجأة ): انو قرر يطلع من المعلب
انا ذاتي اتخذت قرار ... انتظر الـ ( مفاجاة ) بس ..

اما بعد ...

Quote: خليني النبدا ليك بتوصيل النقاط! حليت الشكل دا مع بتي حبوبة قبل كم اسبوع في الهوم ويرك بتاع الحساب (في سنة خامسة) بعدين برضو انا غالبني خالص ارفع صور للمنبر من ما جيت راجع, ما عارف بكري عمل لي ياتو عمل!

قلت لي " حبوبة " عمرها كم؟
ان شاء الله العمر كلو يا رب ..
و في سنة كم ادوهم " الهوم ويرك " الانا جايكم اقشر بيهو دا؟
تعرف انا اديتو لي نفسي شلاقاة ساي و تهديد الاربعين - القصّرت النظر - في الرفارف!!

طيب ما دا كلام ذااااااتو بهناك ...

كدي خليك من عمنا الاستاذ نقد، قارنا بي انا دا ...



شايفك ما رديت على مداخلة استاذنا معتز شم دي

Quote: لا ..... لتأمين الكادر .... ما ضر الناس إلا هذه الأوهام .... لو في كادر صحي .... اليكون قدام لا .... لإتحاد شباب بدر الدين أحمد موسى .... ما ضر الناس إلا هذه الأوهام لا ..... للأستاذ محمد إبراهيم نقد .... ما ضر الناس مثل هذه الأوهام نعم .... للزمن الطويل الممهول نعم ..... للترتيب الجيد نعم .... للعملية ..... والعلنية

لحد ما انا موافقو عليها ...





-----------

بالنسبة للصور ح ارفعا بعد تعبت فيها ... و قول لحبوبة تدينا رايا عليك الله ...
قول ليها عمو قيقراوي قال رايك انت اهم ليو من راي ابوك و الاستاذ نقد همسلف لانو منحاز ليكم عديل

Quote: برضو متابع (ثورتك) أم نقاط، وغلبني أصول نقاطك دى، لكن في موضوع (توصيل النقاط) أتفق مع محمد عثمان (إنت داير تقول شنو، وكان فهمتك بجاوب ليك) ثم صرف له عدد واحد وش أخضر ثم أتبعه بوش أصفر لمزيد من (تعميغ) عدم الفهم

انت و الهالا بي و بيهو دا ليه مفتكرين اني زعلت من كلام محمد عثمان ... ياخ بنظرة عميقة كدي الشغلة مقسومة بين و بينو فيفتي فيفتي .. حالة كونه واحد ما يفهم كلام اخيه المواطن دا بقول انو في احتمال .. احتمال و لو سغير انو ( المشكلة ) ممكن تكون من عند اخيه المواطن الاولاني .. و لّ شنو!؟
هناك ماما دومة فهمتني و كفى بها قارئ الزول يقرّض عليهو- انا ذاتي ما داير اكتر من كدا - و اسي بدرنا الفي سماهو برضو فهم ثورة النقاط .. اها انت و الحلبي و محمد عثمان شوفوا ليكم بلد

كدي زي ما بتهدننا كل مرة
... تابع ..

Quote: ابدا يا قيقراوي من النقطة الاعلى من الشمال ووصل الخط افقيا لكن ما تقيف اتخطى النقطة التالتة بمسافة بحيث تستطيع الرجوع بالخط ليمر بالنقطة الوسط في الخط الراسي من ناحية اليمين والنقطة الوسط في الخط الافقي الاخير (الاسفل) وبرضو اتعدي النقاط بالخط لمسافة ثم ارفع الخط ليمر بالنقطة الشمال من الخط التحت وواصل في الخط الراسي الشمال لغاية ما تصل النقطة الاولى البديت منها ثم تعال ادنى(diagonally) لتصل النقطة الوسط مع النقة الاخيرة في السطر الاسفل .الشكل النهائي مفروض يكون زي السهم والعود بمر بالنص!

خطوة ( 1 ) & ( 2 ) :



خطوة ( 3 ) & ( 4 )



* لاحظ في الرسم الاخير المربع باللون الازرق ...



بصفتي صديق قديم ( محتمل )- او حسبما يكشف عنو - انصحك بشدّة انك ( تتابع )


------------

رشاد عثمان .. خالد كمية .. و زملاء البورض صداح وراق .. و البرلوم محمد عبد الرحمن
رحاب ألتي .. الطيب عبد الله .. عبد الجليل هجو .. و علاء الدين شنكل ود الحبيب .. 24 القرشي ..

الزعيم .. Mr. Cheat
فتح الرحمن ( كوستي )
في الحقيقة ابوي اسمو خلف الله .. لكن اظن لاني يتيم بقلوا لصقوا لي كوستي دي

Quote: الثورة من جديد: يهمنى في هذا الموضوع مدى التقاطعات الفكرية والتى تؤدي لتواطؤات مع النظام القائم، لأن هذا يفسر تأخر الثورة حتى الآن. عامل الخوف من القادمو(تموضع البعض) فيه يؤدى لتباطؤ التحرك. نحتاج لمزيد من التفاكر( كتابة ) وكثير من النقاش معالشعب السوداني (كله)، والخروج من الصندوق (هذه الشاشة)، والكلام مع الناس. الخرطوم يجب ان تعود لحجمها الطبيعي في مسألة الثورة، والعمل يجب ان يكون في كل مكان بنفس الهمة. المركز حالة ذهنية لذلك يجب ان نخرج منها ويتسع (صندوقنا ) لكل السودان.

Quote: Quote: البوعزيزي خضرجي عمل ما لا يستطع أحد عمله ..... سيخلده التارخ.....شهرته و ثوريته ستفوق جيفارا بل هو فيلسوف بالدرب العديل داك ... زي ما قال امس في اضاءات، الكاتب التونسي محمد الحداد : في واحدة من محاورات افلاطون سألوه : ايهما تفضل ان تَقتل ام تُقتل؟ اجاب لا هذي و لا تلك! اصروا على حتمية الاخيتار فقال افضل ان اُقتل!! البوعزيزي فضل ان يصعد فوق احتقانه - واخد بال سعادتك يا خدوري امبسبول!؟ - فضل ان يصعد فوق احتقانو بانو يقتل نفسو ما غيرو .. دي المأثرة الانسانية الباهرة. لكنه اشعل النار في رؤسنا و صدورنا كلنا المجد للبوعزيزي و هو يستنهض الحس الانساني للكرامة و التحرر المجد للشرفاء .. المجد للشعوب و هي تستانف مشوار تثويرها و انعتاقها المحتوم الحداد شبه ثورة الياسمين بما حصل في شرق اوروبا و انهيار المعسكر الاشتراكي و النار الاشعلها البوعزيزي بانهيار جدار برلين .. انهيار ( الخوووووووف ) المجد للبوعزيزي و لتونس و مصر و ليبيا الياسمين لجيل الشباب فيهم الف فلة و كل المستقبل و التحية لابو القاسم الشابي الفنان مدوزن انشودة الحرية و الارادة الشعبية

صدقت يا دكتور في دي : Re: يا دكتور ..(البل) بالدور : المجد للبوعزيزي محرر الشعوب !!!

راجع البوست دا لما تكلمت انا عن عالمية ( طابع ) ثورة الياسمين .. و شوف فسالة صاحبك لما قفل الضمنا و نحن شايلين ( بلاطة ) الثورة في ي ي يدينا دي!؟

ان شاء الله تكون وضحت الصورة ليك يا ابو الشوش؟ .. عرفت ( سبب الزعل )؟
اوع تقول لي ما بتسمع ( حوتة ) .. بخسرك!!



-------

*حالة كونها عجبت مفكرنا .. نقول بتواضع شديد :

متى يصل الابداع يوماً تمامه اذا كنت تبدع و بكري يجي يأرشفا ليك في مكتبات الناس ( الساي )
ظلم عاوز ثورة .. لكن خلينا نخلص من الطغاة الكبار اول


رشادعثمان ، ابو عبيدة ( الشخيت )IMG]http://www.sudaneseonline.com/db/attention/010_Smile.gif[/IMG] ، حسن عثمان !!!
شكلك كدا مسغفاتي كبييييير .. نحن كنا ناس قريعتي راحت ساي لكن التلاتة ديل فرد
كدي شوف الصور هنا امكن تتذكر : بزنس جامعة الخرطوم (بوست بنكهة الليمون)

Quote: يا قيقراوي ايوة نحنا عندنا خبرة في التغيير. لكن المرة دي بالتحديد مفروض يكون هدفنا "اعمغ" شوية! يعني في اكتوبر ومارس-ابريل الناس طلعت, وهزمت الديكتاتورية, لكن البديل كان ضعيف لانه غير متفق عليه, فجونا ناس الجزولي دفع الله وغيره. المرة دي ,في رايي يا قيقراوي, مفروض باي ناو (by now) نكون عندنا اسماء للحكومة البديلة, دا لو ما حقيقة تكون المناصب اتوزعت, وكل واحد من هسع عرف مشاكل وزارته, وبدا في وضع حلول ليها من هسع! الخواجات بسمو دي هت زا روود راننق hit the road running يعني تكون مكنتنا مدورة, ولساتكنا مدورة واللحظة التهبش الظلط (تمسك الحكومة) حكومتنا مش تكون بس جاهزة, وانما تكون في الحقيقة قطعت مسافة في لحظة البداية! عندنا حاجات عايزة اتفاق عليها: 1- الدستور الجديد مفروض الاحزاب هسع تكون عنده مش بس تصور وانما اغلبية لو ما كل ملامخه 2- الفترة الانتقالية ومهامها 3- خطة واضحة عن ما نريد ان نفعل بقيادات الكيزان. ودا في رايي مفروض يفاوضوهم عليها, يعني البشير حانسلموا? ولا نحاكمه في السودان? ودا مفروض يكون ورقة للتفاوض مع المؤتمر الوطني عشان يكون التغيير سلس. وخاصة انت عارف البشير ما عندو محل يمشي ليه الان, ودا حا يجعله عنيف جدا دفاعا عن تولا (تور مزنوق في قفص قزاز) 4- المؤتمر الوطني ومشاركته في الديمقراطية الجاية مفروض يكون فيها راي موحد ففي نفس الوقت المفروض نحاسب جزء منهم لكن كمواطنين سودانيين ليهم الحق في المشاركة وبرضو مفروض نكون فاتحين جبهة نقاش وتفاوض مع بعضهم من الان الشباب ما في خلاف في دورهم لكن حقيقة ما في ايديهم اكتر من الضغط للتغيير, واكيد كل الديمقراطية الجاية كاتكون حقتهم! ومهم نقيف ضد الاتجاهات الاقصائية السايدة عندهم ضد الاحزاب, وكبار السن! ---- يا قيقراوي في الرد على معتز مافيش حد اتكلم عن تامين كادر, لكن مهم جدا تامين قيادة المظاهرات, وتامين معلومات المطاهرات! اما عن موضوع "لا لاتحاد الشباب" دا واحد من الحاجات المؤرقاني جدا في حركة الشباب الحالية! واعتقد ان الاقصاء فيها مبالغ فيه وممكن يؤدي لمشاكل حقيقية.

.. لست عضواً - حالياً - في الحزب الشيوعي السوداني. .. بالتالي مسألة الانقلاب التنظيمي بتنتفي من الاساس من جهة الرغبة و القدرة.
اعتقد كدا افضل لي، اتاسى بابو ذر الغفاري بس و اقتفي دربه.
يا بدر يوم اشعل النار البوعزيزي .. اشعلها في رؤؤسنا جميعاً .. و اشعل التاريخ اتسلف، يوما اتولد جواي الف عشم جديد، بعد ما قنعت من خيراً فينا و فيها ( الثورة ).
يا بدر اتسآل معاي ..
هل جفت الماركسية كمصدر الهام ثوري!؟
هل خنقوها طلائعها بمداراتها من النقد و تجميدها و الحساسية المفرطة و المرتابة في اي ناقد او مصلح؟

كتب الاستاذ / محمد ابراهيم نقد في " مبادئ و موجهات لتجديد البرنامج " :
[ ( من العبارات الشهيرة لستالين، العبارة التي وردت في خطابه في تشييع لينين، قال فيها (هناك ماركسية جامدة و ماركسية خلاقة، مبدعة، و انا التزم جانب الثانية). ويشهد التاريخ بنقيض ما ادعى استالين الذي صك مصطلح الماركسية اللينينية آنذاك و اتخذها غطاء لتدشين الجمود وتبرير افكاره و ممارساته). ]
يا بدر كلنا خاضعين لحكم التاريخ علينا ..
يا ترى ح يشهد بشنو؟
قدامنا ( شباب ) بصنعوا في تاريخهم، زي ما مجايليهم صنعوا اعظم تاريخ في ازاحة الاستعمار التاني الصادر ثورات التحرر باسم الوطنية و التخويف و القمع.. الشعوب الحرة استأنفت مشوار التثوير يا بدر .. و نحن قاعدين ماسكين لينا كتلوج مكتوب من القرن القبل الفات!؟

من غيرنا يعطي لهذا الشعب معنى ان يعيش وينتصر
من غيرنا ليقرر التاريخ والقيم الجديدة والسير
من غيرنا لصياغة الدنيا وترتيب الحياة القادمة
جيل العطاء المستجيش ضراوة ومصادمة
المستميت على المبادى مومنة
المشرئب الي النجوم لينتقي صدر السماء لشعبنا
جيلى انا هدم المحالة العتيقة وامططى سيف الوثوق مطاعنا
ومشى لباحات الخلود عيونه مفتوحة وصدورة مكشوفة بجراحها
متخيرا وعر الدروب وسائر فوق الرصاص منافحا
جيل العطاء لك البطولات الكبيرة والجراح
ولكل الحضور هنا في قلب العصر فوق سنونة المتناوحة
ولك التفرد فوق صفوات الخيول
جيل العطاء لعزمنا حتما حتما حتما حتما يُذل المستحيل وننتصر
وسنبدع الدنيا الجديدة وفق ما نهوى ونحمل عب ان نبني الحياة ونبتكر


يا بدر لما تبقى مفاصلة مجايلة .. فسننحاز لجيل البطولات الكبيرة و سنغني مع ود المكي .. و ننجر و نبتكر ( بدون ) كتاب! .. نجر اخدااااااااار* متجاوزين رمادية النظرية يا بدر



------

يا شباب سفالة القذافي و فسالة كتابو الاخدر ما تعميكم - و لو مؤقتاً - عن جمال و بهاء الاخدر .. تونس خضراء
و سنبدعها ياسميناً و صباراً .. و قمحاً و خضرة