|
على مســـــــئولــيــتـــي
|
وصفك انت لا بتقال ولا بنقص ولا بتزاد ولا بنشال وصفك انت بس احساس زي ضحوية زي عصرية زي فجرية زي شتما بخلي الزول يطير في الجو ويرك صقرية زي دلوكة عز الليل تخلي النايم الفتران يقوم فت تشيلو الرزمة هاشمية وصفك انت زي كلمات يقولها العاشق الولهان بعد سفرا طويل في الليل وتبقى الدنيا فجرية وصفك قاسي للشعرا وللشايلين كمنجاتهم وللباكين يوصفو في حبيباتهم وصفك زي تقاسيم موجة في نيلنا الصبح محزون وزي غيمة بترسل في نداوتها وصفك زي رؤى الفنان بتتشكل غريب الوان وتتشكل رسم مجنون ووصفك زي صباح العيد لي زولا رقد ممكون وارجع اقول وصفك انت لا بتقال لا بنقص لا بتزاد بس بتشال مواويل في سفر غربة ومرابيع في غنا عزة ومسادير للعديل والفال
|
|
|
|
|
|
|
|
Re: على مســـــــئولــيــتـــي (Re: د.محمد حسن)
|
Quote: وصفك انت بس احساس زي ضحوية زي عصرية زي فجرية زي شتما بخلي الزول يطير في الجو ويرك صقرية زي دلوكة عز الليل تخلي النايم الفتران يقوم فت تشيلو الرزمة هاشمية
|
سلام يا د محمد
إنت اليوم أديتنا من التقيل ....
أحمد الشايقي
| |
|
|
|
|
|
|
|