|
|
|
 Re: كم تبلغ مساحة السودان اليوم ؟!!.. (Re: عبدالكريم الامين احمد)
|
| Quote: وطبعا في الان عدة مسوحات وكلها مساحات مليئة بالدخنات والكركبات وما فيها استقرار |
يا سعادة المستشار نسيت أنو عندنا مساحة توتي وهي ألف فدان وتقع في مركز العاصمة المثلثة وربما تطالب بالحكم الذاتي أو الإنفصال فأرجو مراعاة ذلك في مسح مساحة الساحة الساحرة للسحنة السودانية
| |
 
|
|
|
|
|
|
|
|
Re: كم تبلغ مساحة السودان اليوم ؟!!.. (Re: عبدالكريم الامين احمد)
|
| Quote: وياخي انا كمساح سابق وبتاع مساحة |
يا سعادة المستشار دي معلومة جديدة ومفيدة خالص لأننا هذه الأيام في أمس الحاجة لمساحين يتمتعون بالنزاهة والشفافية لحفظ حفوقنا في أرض الأجداد ويمكن نلجأ ليك قريب خليك جاهز .. شغل المساحة بجيب دهب اليومين دين
| |
|
|
|
|
|
|
|
|
|
Re: كم تبلغ مساحة السودان اليوم ؟!!.. (Re: محمد حيدر المشرف)
|
ادريس خليفه علم الهدى ..
تحياتى وحبابك عشره ..
ورد فى الويكيبيديا ..
Quote: الترتيب الدولة / القطاع المساحة (كم²) ملاحظة
— العالم 148,939,063 مجموع الأراضي (29.2% من سطح الأرض)
1 روسيا 17,075,200 H
2 كندا 9,984,670 أكبر بلد في الأمريكتين و نصف الكرة الأرضية الغربي .
3 الولايات المتحدة 9,629,091 تتضمن خمسين ولاية وواشنطن العاصمة، 9,522,055 كم2 على حسب الموسوعة البريطانية [1].
4 الصين 9,596,960 لا تتضمن تايوان وهونغ كونغ وماكاو
5 البرازيل 8,514,876
6 أستراليا 7,686,850 تتضمن جزيرة اللورد هاو وجزيرة الماكواير
7 الهند 3,287,590 تتضمن كل الأقاليم المتنازع عليها
8 الأرجنتين 2,766,890 لا تتضمن جزر الفوكلاند
9 كازاخستان 2,717,300
10 السودان 2,505,810 أكبر دولة عربية وأفريقيه |
كما ترد مساحتى لبنان وفلسطين (الضفه وغزه ) كالاتى وبالكيلومتر المربع
Quote: 165 لبنان 10,452
166 قبرص 9,250
167 بورتو ريكو 9,104
168 فلسطين 5,860
|
اذن فكلامك صحيح ان مساحة حلايب أكبر من مجموع مساحة فلسطين ولبنان ..
خلى بالك الموضوع ما ساهل !!!
| |
|
|
|
|
|
|
|
|
Re: كم تبلغ مساحة السودان اليوم ؟!!.. (Re: محمد حيدر المشرف)
|
ودالقاضى ..
تحياتى وكيف الكيف آ زول ..
Quote: لو اعتبرنا الجنوب يساوى ثلث السودان فمفترض الباقى ثلثي المليون بالتقريب فشوف كم يساوى ثلثي المليون ميل مربع وطلع منها حلايب والفشقة وكم قطعة كده من الحتتة التانية ..
|
لا حولااا ..
الحتت التانيه دى وين يا ود القاضى ؟!..
والفشقه ذاتها مساحتها كم ؟!
الموضوع ده خطير جدا وعاوز ليهو مساح "عضم"
وعموما تلتين المليون تساوى 666.667 كلم مربع
الكلام ده كيف معاك يا كيكى ؟!
بخارج ولا ما بخارج !!
| |
|
|
|
|
|
|
|
|
|
Re: كم تبلغ مساحة السودان اليوم ؟!!.. (Re: محمد حيدر المشرف)
|
هلا يا كيكى يا هندسه ..
كتبت البوست وكنت ببالى ..
هو بوست "دردقه" ليك .. فتعال سوقو.
هناك التفاصيل الاجتماعيه والسياسيه والاقتصاديه والامنيه المصاحبه ..
فليكتب الجميع هنا .. فذا أولى اولياتنا الراهنه ..
..
رحم الله صاحب "سودانيات" يا كيكى ..
ورحمنا جميعا فى هذا الموات الوطنى ..
..
واصل, واصل يا هندسه
ولا تهمل موضوع حلايب والفشقه والحتت التانيه التى جاء بها فايز ودالقاضى
| |
|
|
|
|
|
|
|
|
|
Re: كم تبلغ مساحة السودان اليوم ؟!!.. (Re: محمد حيدر المشرف)
|
| Quote: يا سعادة المستشار دي معلومة جديدة ومفيدة خالص لأننا هذه الأيام في أمس الحاجة لمساحين يتمتعون بالنزاهة والشفافية لحفظ حفوقنا في أرض الأجداد ويمكن نلجأ ليك قريب خليك جاهز .. شغل المساحة بجيب دهب اليومين دين |
هلا يا عمار
انا مساح حالي وفييييييري حالي وحكاية سابق دي اتت في اطار المرح
وحاضرين للمساهمة في اي استشارة مساحية لخدمة هذا السودان الفضل
--------------
ويا عمار اخاف ان تكون قاصد الاخ المستشار (عبدالكريم احمد الامين) ابو محمد فؤاد (الما كيكي)
وانا اخوك عبد الكريم الامين احمد (الكيكي)
وتحياتي ياعمار ليك ولكل اهالي توتي الكرام
| |
|
|
|
|
|
|
|
|
|
Re: كم تبلغ مساحة السودان اليوم ؟!!.. (Re: عبدالكريم الامين احمد)
|
Quote: واصل, واصل يا هندسه
ولا تهمل موضوع حلايب والفشقه والحتت التانيه التى جاء بها فايز ودالقاضى |
هلا يا دكتور
والموضوع ذو شجون وموشح بسيرة احزان علي بلد حدادي ومدادي ولكنه بكل اسف قاعد(ام فكو) و سمبلة..!!
فالحدود الجغرافية للدول هي رمز من رموز السيادة واستحقاق اساسي ومهم يتوجب علي اي سلطة تحترم مكونات وطنها ان تامن (الارض)
ويتم تعريفها تعريف هندسي وقانوني وموثق ومدعوم بالشرائع الدولية وبدقة هندسية عالية ...!!
ولكن الموسف في سودان اليوم وحتي ماقبل الانفصال فهي ارض غير مرسمة ترسيم حدودي وفق المعايير الدولية للدول...!!
واعتقد جازما بان منظمة الوحدة الافريقية قد ساهمت بطريقة او باخري في هذا الكسل الحدودي في الدول الافريقية (كونها نادت عند تكوينها 1963) بالاعتماد علي الحدود الادارية مابين الدول التي خلفها المستعمر والذي ذهب من القارة وترك الكثير من البؤر والخلافات الحدودية التي لم يتم حسمها ما بين دول عديدة..نحن في السودان كان لنا منها نصيب الاسد في امرنا الواضح مع كل دول الجوار من مصر وليبيا وتشاد وكينيا واثيوبيا..!!
وفي وسط هذه المعمعة والعييك عاااك الانقاذي دولة مثل تشاد رسمت حدودها (وكونت مفوضيتها للحدود بالتسيق مع الاتحاد الافريقي) وحسمت امر حدودها وفي هذا الحسم بالتاكيد هنالك (اراضي) ذات تماس مع السودان لم ينتبه لامرها احد وذهبت مع الريح الي بلاد (تمبل باي)...!!
حلايب وامرها المصري المعروف ثم الفشقة وحكايتها مع اثيوبيا..
كل هذه الجيوب الحدودية (المايعة) ما بين الدول يتوجب تكوين (مفوضية للحدود في السودان الشمالي) وترسيم الحدود الجغرافية لهذا الوطن المهمل في كل اشيائه الاستراتجية...
فعشان كده حكاية مليون ميل مربع ده مقولة كانت شاعرية حالمة وغير مواكبة للواقع المساحي السوداني الغير دقيق
----------
دي فذلكة كده علي الماشي وبالتاكيد ح اجيك لمشهد مساحة السودان الشمالي في ما بعد الانفصال
واحتماليته الرقمية واشكالاته المعقدة والعويصة
وكن بالف خير ودهشة
| |
|
|
|
|
|
|
|
|
|
Re: كم تبلغ مساحة السودان اليوم ؟!!.. (Re: عبدالكريم الامين احمد)
|
Quote: ويا عمار اخاف ان تكون قاصد الاخ المستشار (عبدالكريم احمد الامين) ابو محمد فؤاد (الما كيكي)
وانا اخوك عبد الكريم الامين احمد (الكيكي)
وتحياتي ياعمار ليك ولكل اهالي توتي الكرام |
يا عبدالكريم الأمين أحمد (الكيكي) أنا جد آسف على هذا الخلط غير المقصود أنا فعلا كنت قايلك المستشار عبدالكريم أحمد الأمين أبو فؤاد (الما كيكي)
وشكرا ليك كتير على التوضيح وعلى العموم دعوتنا لك قائمة مدام طلعت مساح حتى اليوم كدى أمسح لينا شوية عشان نديك العقد
| |
|
|
|
|
|
|
| |
محمد حيدر المشرف
omer osman
Fathi Ali Mohammed
ادريس خليفة علم الهدي
هواري نمر
فايزودالقاضي
عبدالكريم الامين احمد
فيس بوك
تويتر
انستقرام
يوتيوب
بنتيريست