|
Re: دعوة للرأى ... ما هى دوافع سلبية الشارع السودانى تجاه ما يحدث فى مصر ..؟؟؟ (Re: محمد مختار جعفر)
|
الاخ محمد.... سلامات بثورة أكتوبر 1964 المجيدة وبثورة أبريل الظافرة عام 1985 بالسودان الشعب السوداني جرب مرتين الفوق الانت ذكرتهم وعرف النتيجة كانت شنو... وعلى طريقة النكتة المشهورة على لسان الاريتيري (زول يدخل ايدو في جحر.. العقرب تطقو .. تاني يدخل ايدو يبقى غلطان) اها قول الشعب خرج وغير الناس ديل ... لا زال السؤال قائم رغم كل الإجابات غير العملية (البديل منو؟؟؟) ــــــــــــــــــــــ ارجو استصحاب النكتة بتاعت القرد والاسد واللبوة والماسورة .. طبعا السودان في الحالة دي يمثل دور الاسود الجرب دخول الماسورة وعرف وراها شنو
| |
|
|
|
|
|
|
Re: دعوة للرأى ... ما هى دوافع سلبية الشارع السودانى تجاه ما يحدث فى مصر ..؟؟؟ (Re: على ميرغني)
|
الأخ / على ميرغنى ... صحفى بجريدة التيار أهلا بك وأشكر لك مداخلتك .. قلت ( البديل شنو ) ما يؤسف عليه حقا أن يردد شبابنا هذه المقولة دائما وكأنما لم تلد حواء وعقمت تماما، فيا أخى دعنى أسألك كم هو عمر ثورة أكتوبر الخالده .. ؟ أليس هو أربع سنين وأربع شهور وسرقها بليل إنقلاب مايو فى 1969 فهل أربع سنوات فقط كافية لفعل شيء بمساحة السودان ؟؟ ثورة أبريل الظافرة كم مكثت فى السلطة .. ؟؟ اليست هى فقط ثلاث سنوات وبضع أشهر ، إذن هى ليست بمقياس الحكم الشمولى العسكرى الذى أطلب منك أنت أن تحسبه .. فشباب مصر لا أعتقد أنه جال بفكره ( البديل شنو) .. ولكن كان دافعه الفساد والظلم الذى إستشرى . ولك تحيتى ..
| |
|
|
|
|
|
|
Re: دعوة للرأى ... ما هى دوافع سلبية الشارع السودانى تجاه ما يحدث فى مصر ..؟؟؟ (Re: محمد مختار جعفر)
|
لمن اقول البديل شنو او منو القصد انو الناس حقو تعمل من أجل البديل المناسب لعدم ترك البلد فوضى خاصة واننا بلد هش وامنه هش .. يعني مش من الممكن من اسع الاحزاب تقوي نفسها وتستعد للإنتخابات القادمة علشان تضع المؤتمر الوطني في المحك بدلاً من خروج الشباب لمظاهرات وزعماء الاحزاب مواقفهم مخزية... ويكفى فقط انو شباب الحزب الاتحادي الديمقراطي الأصل ماقدروا يعقدوا اجتماع صحفي داخل دور الحزب لانو قيادة الحزب موقفها غير.. اما الامة القومي كلما قالوا لزعيمو دائرنك في القصر يجر جري... ـــــــــــــــــ حكاية التبديل ثم البحث عن بديل نتائجها ظاهرة في التجربة التونسية والمصرية .. الأةولى نجحت في إزالة بن علي .. لكن ظهر بن علي تاني وربما ابناء علي آخرون... وابلغ شئ على فشل الثورة التونسية في احداث التغيير انو لسع الاضطرابات مستمرة.. وينطبق نفس الشئ على شباب مصر .. ناس تحاور وناس تقول انو بقاء مبارك ضروري وناس بتحاول تقنع امريكا واسرائيل انهم بينفعو للمرحلة .. والشباب لسع في ميدان التحرير.. مع ملاحظة انو نحن اهش من تونس ومصر أمنيا واقتصاديا واجتماعياً
| |
|
|
|
|
|
|
|