|
|
|
 Re: ناصر وكل من يناصره! (Re: عبدالفتاح أبوشيمة)
|
بسم الله الرحمن الرحيم
بوست جديد للحوار
في البدء : تحية اجلال و احترام للعم ابوشيمة (حفظ الحقوق واجب)
دا كلللو عشان كان عندي راي في اسلوب كتابتك ؟؟؟ لا عرفتو نثر و اللا شعر و اللا نظم
وسألتك و انا لا اعلم عن مقامك او عمرك !!
و لمن عرفت .. اعتذرت عن اللغة الدخلت ليك بيها، فهي لا تليق بي رجل محترم في سنك و خصوصا لو اتت من شخص في عمر ابنائك.
و بعد دا .. الدنيا قامت و ماقعدت !!
و رشيتنا رش السنين !!! كلام كتييير ، تقرا و تخلي الباقي
و دا ما بقي حوار اصلا
طالما فتحت البوست دا و بغض النظر عن المقدمة الكتبتها خلينا نرجع لي اصل تسائلي:
سألتك: انت داير تصل لي شنو بالظبط !!
و دا كان لما تابعت بوست (التهنئة لي رانيا بت هارون) ... و عادة ما تكون التهنئة بي كلمة كلمتين و يجو الجماعة داخلي و نظام مبروك و عجبنا و الله يهنيكم و تنتهي السالفة.
لكين البوست عمل رصيد في عدد الصفحات، و من الصفحة التانية (تقريبا) مافي زول كتب غيرك!!
و دا كان سبب السؤال اعلاه.
اما عبارة (دا اذا شاف البوست دا اصلا) جات من ملاحظتي انك ما بتدخل غير بوستاتك و ما شغال بي البوستات الاخري. يا عمنا ذكرتني بوستات الانجمامة !!
انا اعتقد انو تسائلاتي دي كلها مشروعة و من حقك الاجابة أو الرفض، فأنت حر في هذا المنبر الحر
اكرر عميق اسفي اذا ازعجك كلامي و اكرر كامل احترامي و تقديري لشخصك
ملحوظة: خلينا نتناقش بي نفس هادي و ما في داعي لاي اتهامات او ظنون .. انا جاييك براي مافي زول محرشني!! و برضو خلينا نناقش لب الموضوع بدون (دش).
المايك معاك
| |
 
|
|
|
|
|
|
|
|
Re: ناصر وكل من يناصره! (Re: عبدالفتاح أبوشيمة)
|
Quote: ومنو القاليك بوردينا دا بورد حوار
|
ابو شيمة
سلام وتحية
قبل ايام كان عندك بوست اتحزف
عن مناصرتك لود الباوقه الجعلي
و وصفت كل من عنده راي في ود الباوقة
بأتهم مجرد عبيد ؟؟؟؟
اها بس عشان افهمك صاح
كدي ميز لي الكلام ده
| |
|
|
|
|
|
|
|
|
Re: ناصر وكل من يناصره! (Re: osman righeem)
|
ماكتبه ابوشيمة داعما لود الباوقة
Quote: والله إنك زولاً حُر
جعلي عديل لا بتتزاوغ ولا بتفِرْ
للباشا الغشيم قوله قول لي جدادك كَر
يا كا الجعلي بس ما شفتك بتتهوّر
إنت فعلاً حر
أصلاً كل عب فعايله ما بتسر
والحرية ما منظر
ولا قول الغبي ليك أفنجررررر
خلّك ماشي في دربك لا يتحوّر
ولاكا إنت تتغيّر
ليك؛ للشتم تسخر
وإن خلّيتا سخرية
تبقى مية في المية
رصْرِصْ للحقايق بس هي القصة بالنية
رصّص بالحقايق ما قوّتا البنية
|
| |
|
|
|
|
|
|
|
|
|
Re: ناصر وكل من يناصره! (Re: osman righeem)
|
Osman Righeim
لك التحية والود
وأشكر لك على مرورك
لا أدري
من أين جئت بهذا الكلام الغريب يا أخي
أولاً البوست كان موضوعه
بالتحديد التعامل الراقي
بين ود الباوقة وزملائه في البورد
في مناسبة عزاء
عند وفاة والدة معتصم دفع الله
إذ راقبت الرجل
فوجدته
على عكس ما يظنه الإنسان
عندما يرى كتابته ومن يتداخلون معه
فعلاقته ممتازة مع الجميع وإن كانوا مختلفين معه في الاتجاه
فأشدت بهذه الصفة فيه
كما قرأت في نفس الأسبوع
كتابة لصديقه يوسف
الذي أكد هذا التعامل
مما حفزني لكتابة ذلك البوست وحتى الآن لا أعرف سبباً
لحذفه
-
وفي ذاك البوست سأل الزميل فايزالقاضي
عرفته كيف حر؟
فأوضحت له أن ميزان الحرية
عندي ليس بالشكل
وإنما بالأفعال
ولم يدر بخلدي إطلاقاً
المعني الذي بدر إلى ذهنك
كما أن المداخلات التي كتبتها لنفس البوست أنزلتها
كمداخلات في بوست يبدو أنه كان لباوقة
أو كان موضوع البوست
ولم تثر انتباه أحد
بهذا الفهم الذي فهمته
أرجو أن أكون قد أوضحت
وكي لا نخرج من موضوع البوست
هذه هي مشكلات الكتابة في المنتديات
إن لم تكن الكتابة دقيقة
يفهمها المتلقي بشكل
ويكون الكاتب قصد منها شيئاً آخر
أشكر لك مرورك
| |
|
|
|
|
|
|
|
|
|
Re: ناصر وكل من يناصره! (Re: عبدالفتاح أبوشيمة)
|
| Quote: ماذا تقصد بالرصيد في عدد الصفحات؟ |
عدد صفحات البوست
Quote: لكن يا عزيزي هي رسالة ترويج لقيم
ومثل وأخلاق أكثر من موضوع رصيد.
|
تمام .. و لكن اللغة المستخدمة غريبة و قد لا توصل رسالتك (هذا رأي)
Quote: وصفت كل من عنده راي في ود الباوقة
بأتهم مجرد عبيد ؟؟؟؟
اها بس عشان افهمك صاح
كدي ميز لي الكلام ده |
و دا مثال .. من شخص اخر غيري انا
Quote: أرجو أن أكون قد أوضحت
وكي لا نخرج من موضوع البوست
هذه هي مشكلات الكتابة في المنتديات
إن لم تكن الكتابة دقيقة
يفهمها المتلقي بشكل
ويكون الكاتب قصد منها شيئاً آخر
أشكر لك مرورك |
بالعكس هو نفس موضوع البوست .. الكتابة الغير مفهومة هي التي ادت الي فهم خاطئ للنوايا كما اورد ابورغيم و من حقو ان يستفسر عن الموضوع.
| |
|
|
|
|
|
|
|
|
|
Re: ناصر وكل من يناصره! (Re: عبدالفتاح أبوشيمة)
|
Quote: لك التحية والود
وأشكر لك على مرورك
لا أدري
من أين جئت بهذا الكلام الغريب يا أخي
أولاً البوست كان موضوعه
بالتحديد التعامل الراقي
بين ود الباوقة وزملائه في البورد
في مناسبة عزاء
عند وفاة والدة معتصم دفع الله
إذ راقبت الرجل
فوجدته
على عكس ما يظنه الإنسان
|
هذا الكلام الغريب هو من البوست المحزوف
وكان موضوع البوست هو تمجيد ود الباوقة و تصغير
وتحقير من لا يتفقون معه لدرجة وصف ود الباوقة بالحر
ومن يختلفون معه بالعبيد
اما موضوع معرفتك وعلاقتك مع ود الباوقة
فليس ذو اهمية بالنسبة لي وخاصة بعد قولك انك راقبته في مناسبة عزاء
فبدأ لك انه حر يستحق التمجيد فجائتك فكرة البوست
ثم شئ اخر انا لا اعرف ان الناس ئسيئون الظن بعمر ود الباوقة ولكن فقط
ود الباوقة من ممن يكتبون مزينين باطل الانقاذ
Quote: عندما يرى كتابته ومن يتداخلون معه
فعلاقته ممتازة مع الجميع وإن كانوا مختلفين معه في الاتجاه
فأشدت بهذه الصفة فيه
كما قرأت في نفس الأسبوع
كتابة لصديقه يوسف
الذي أكد هذا التعامل
مما حفزني لكتابة ذلك البوست وحتى الآن لا أعرف سبباً
لحذفه
|
سبب حذف البوست هو الكتابة العنصرية القبيحة
والصفات غير الكريمة والتي وصفت بها من يختلفون
مع عمر ود الباوقة
Quote: وفي ذاك البوست سأل الزميل فايزالقاضي
عرفته كيف حر؟
فأوضحت له أن ميزان الحرية
عندي ليس بالشكل
وإنما بالأفعال
ولم يدر بخلدي إطلاقاً
المعني الذي بدر إلى ذهنك
كما أن المداخلات التي كتبتها لنفس البوست أنزلتها
كمداخلات في بوست يبدو أنه كان لباوقة
أو كان موضوع البوست
ولم تثر انتباه أحد
|
لماذا اجبت ود القاضي بأن الحرية ليست بالشكل
اذا هو لم يفهم انك تقصد معني عرقي ؟؟؟؟؟
اما موضوع مداخلاتك لم تثر انتباه احد
فأرجو ان تقف قليلا عند هذه النقطة وتفهمها علي الوجه الاخر
Quote: ولم تثر انتباه أحد
بهذا الفهم الذي فهمته
أرجو أن أكون قد أوضحت
وكي لا نخرج من موضوع البوست
هذه هي مشكلات الكتابة في المنتديات
إن لم تكن الكتابة دقيقة
يفهمها المتلقي بشكل
ويكون الكاتب قصد منها شيئاً آخر
أشكر لك مرورك
|
بكل اسف لم توضح شئ
وما هو موضوع هذا البوست
وما معني الكتابة الغير دقيقة
وكيف تلقيناه بشكل لم تفصده
فمن اجل ان لا نتهمك بأنك راجل عنصري
اشرح لنا معني حر وعب المذكورين في تقريظك لود الباوقة
| |
|
|
|
|
|
|
|
|
|
Re: ناصر وكل من يناصره! (Re: osman righeem)
|
Quote: هذا الكلام الغريب هو من البوست المحزوف
وكان موضوع البوست هو تمجيد ود الباوقة و تصغير
وتحقير من لا يتفقون معه لدرجة وصف ود الباوقة بالحر
ومن يختلفون معه بالعبيد
اما موضوع معرفتك وعلاقتك مع ود الباوقة
فليس ذو اهمية بالنسبة لي وخاصة بعد قولك انك راقبته في مناسبة عزاء
فبدأ لك انه حر يستحق التمجيد فجائتك فكرة البوست
ثم شئ اخر انا لا اعرف ان الناس ئسيئون الظن بعمر ود الباوقة ولكن فقط
ود الباوقة من ممن يكتبون مزينين باطل الانقاذ
|
تمجيد الأشخاص ليس الهدف
ولكن تمجيد ما يحملونها من قيم وأخلاق وسلوك راق
في التعامل.
فالأشخاص يمضون
وتبقى القيم كفنون
وتراث مضمون
وليس وحده الذي كتبت عنه
ولكن نتناول المضمون
لا العنصر
المأفون
--
المراقبة لمعرفة
هذا الود الذي يظهر بينه وبين معارفه
وزملائه في البورد على الرغم من الاختلاف السياسي
إن ما تراه باطلاً قناعته هو أنها ليست كذلك
فلم لا يغني كل على ليلاه
بدلاً من أن نحجر
على الآخرين
ونحاول
أن
نكون
متفاهمين
إذن لا أنت ولا هو مطلوب
منكما أن يحجر أحد على الآخر
قناعاته.
وإلا لما جلس الأقطاب المتنافرون من كل اتجاه
في الموائد يتحاورون للوصول إلى صيغة تجمعهم
ولما توصلت المفاوضات عادة إلى نتائج
والأمثلة في السودان كثيرة جداً
كم جلس شركاء متشاكسون
ووصلوا إلى اتفاق
مأمون
Quote: سبب حذف البوست هو الكتابة العنصرية القبيحة
والصفات غير الكريمة والتي وصفت بها من يختلفون
مع عمر ود الباوقة |
إنك تطلق الأحكام جزافاً لم لا تورد لي
هذا الجانب الذي تقول
أي الصفات الغير الكريمة
التي وصفت بها من يختلفون معه
اذكر لي مثالاً واحداً فقط
من ذلك البوست
فكون أن نقول
الحر والعبد بأفعالهم
وليس بأشكالهم
رفض لجانب
العنصر
الذي
قصدته أنت
والذي ألمح إليه
الزميل الكريم
عندما تداخل
معي
Quote: لماذا اجبت ود القاضي بأن الحرية ليست بالشكل
اذا هو لم يفهم انك تقصد معني عرقي ؟؟؟؟؟
اما موضوع مداخلاتك لم تثر انتباه احد
فأرجو ان تقف قليلا عند هذه النقطة وتفهمها علي الوجه الاخر |
لا يشترط
أن يكون فهم
ذلك من كتابتي
لكن الأجندة جعلته
يطرح سؤاله بذلك الطرح
إن سؤال عرفته كيف إنه حر
فيها إيجاء بهذا المفهوم المترسخ
في أذهان كثيرين
ممن هم
مبتلون
بذلك
صياغة السؤال هي التي تجعل الرد
يكون بهذا الشكل
وليست الكتابة التي كانت
مكتوبة بهذا الفهم
وأكرر مطالبتك
بالإتيان
بأني
نعته
بالحرية وفي
المقابل نعت الآخرين
بالعبودية
Quote: بكل اسف لم توضح شئ
وما هو موضوع هذا البوست
وما معني الكتابة الغير دقيقة
وكيف تلقيناه بشكل لم تفصده
فمن اجل ان لا نتهمك بأنك راجل عنصري
اشرح لنا معني حر وعب المذكورين في تقريظك لود الباوقة |
Quote: بكل اسف لم توضح شئ
وما هو موضوع هذا البوست
|
أنا الذي آاسف
على ترسخ هذه الفكرة
في رأسك على الرغم من أنها
ليست موجودة في الواقع
فأتني بأمثلة على عنصريتي
من ذلك البوست أو أي بوست آخر
موضوع البوست واضح وهو بوست متفرع من بوست آخر
افترع برغبة من الزميل العزيز ناصر أحمد الأمين
كتبه الأخ ناصر
الموضوع يتناول عيوب كثيرة
في أسلوب الكتابة
مثل الغموض، والاستفزاز والإساءة وعدم مراعاة وقع ما هو مكتوب
على المتلقي- سواء من توجه إليه حروفك، أو المتلقي الآخر الذي يقرأ
ما تكتبه وإن لم يكن عضواً
Quote: بكل اسف لم توضح شئ
وما هو موضوع هذا البوست
وما معني الكتابة الغير دقيقة
وكيف تلقيناه بشكل لم تفصده
فمن اجل ان لا نتهمك بأنك راجل عنصري
اشرح لنا معني حر وعب المذكورين في تقريظك لود الباوقة |
وإن كان فيه تكرار
الاتهام بالعنصرية يحتاج إلى دليل
لم تأت به ولن تأتي به؛ كلمة جعلي التي وردت
ليس من ناحية القبلية
وإنما جانب الصفة، أي الصفات الخلقية التي يتمتع بها
مثلاً قلب حار بمعنى قول الحق وإن كان على نفسه
أطر النفس أطراً إلى عكس ما يغريها
كي تنتصر لنفسها، فيما تميل إليه وقتها
كأن تقول شتموني أشتم ضربوني أضرب.
هذه هي قوة النفس وحريتها
لا تستعبدها عادة أو ميل
إنما يشكمها ويجعلها تسلك على نحو مغاير
كان يمكن أن يقول فلان هذا شتمني
لذا ينبغي ألا أتعامل معه
لكن أن يكون بينك وبين الآخرين كل ذلك الود
فدعها أنت إنها منتنة
-
فإن أطلقنا على أحدهم أنه حر
أيعني أن الآخرين غير ذلك
وهل إن سمينا ميدانا بالحرية
هل يعني ذلك أن الميادين الأخرى غير ذلك
وإن قلنا أن شعباً حر هل يعني ذلك أن الشعوب الأخرى ليست كذلك
كيف تحكم يا رجل؟
أم أنها أيضاً أحكام السياسة الجائرة
--
حر وعب كما ذكرت لم يدر بخلدي البتة
فإن قلت الفعل هو الكلام
وليس الشكل
كان سؤال الأخ الزميل كيف عرفت أنه حر
يحمل المعنى الذي تقصد إليه
أي خبث في السؤال
ولم أنله مبتغاه
وتناولت الجانب السلوكي
والسودانيون عندما يقولون
فعله فعل عبيد، فهم يقصدون السلوك
لا العنصر
أي أنه يكون مأسوراً بعقدة هذا الذي لا يملك شيء من أمره
--
ماهو مفهوم الحرية في اللغة
من يملك حريته بمعناها الأخلاقي وليس العنصري الذي رميت إليه أنت
ورميتنا بها
الشخص الذي يملك حريته وقراره
تخيره الظروف كي يختار بين أن ينفعل هكذا
مثلاً شخص قادر على ألا تتملّكه العادة
كأن يركل مثلاً كل المكيفات
وكل ما يأسر النفس
وفي مثال الباوقة
أن يترك حزمه لنفسه، وإجبارها على أن تتعامل
غصباً عنها بعكس ما يتوقع منها
إلجامها عند الغضب مثلاً
يأتيه من يشتم ويسئ
ويكون رده معقولاً وغير منفعل
بل أقصى ما يسلكه من تحامل
أن يسخر
والسخرية أدب من آداب الكتابة
وإن كنت لا أؤيده في السخرية وكتبت له مرة
بذلك بمعنى أنه إن ترك السخرية يكون مية المية.
فقراره حر لا يستجيب لاستفزازات نفسه
التي تلح عليه أن يتعامل بغضب مثلاً
أي أن قراره في عقله
وليس في عواطفه
أخيراً
أخي الفاضل
أرجو أن تتناول موضوع البوست
والمحاور المطروحة فيه
كي لا يتشتت انتباهنا
عن واجبنا في
متابعته
وأكرر
شكري
على
مرورك
وإثراء البوست
| |
|
|
|
|
|
|
|
|
|
Re: ناصر وكل من يناصره! (Re: عبدالفتاح أبوشيمة)
|
Quote: تخدع الإنسان لما يجيه إحساس إنه بيتونّس مع أخوه
يا خي الكتابة ليه نحن بناخدها ونسة
مافي برامج للونسة
|
صباح النور و الخير و السرور
اكثر من نص ما يدور في المنبر ونسة .. شوف البوستات و انت تعرف، و ما تبقي من ونسه يخش في مجال السياسه، الرياضة، الثقافة و الي اخره
| |
|
|
|
|
|
|
|
|
|
Re: ناصر وكل من يناصره! (Re: المر)
|
Quote: ومنو القاليك بوردينا دا بورد حوار
ياخي دا بيقول ليك طق راسك على الجدار
تفتح حوار دا بقى عار العار
كأنه بس سويت شنار
زول يعبّرك؟ لو ما كنت جار
أو من الحُوار |
الاختصار: هذا ليس منبر حوار
يعني يا عمنا لازم تشدنا بي مقالة، ما هو دا زاتو القاعد يشتت لينا افكارنا!
صحيح انو في ناس كتيره هنا ما جات تحاور و لا بتعرف تحاور اصلا و ليس (ود الباوقة) اخرهم. لكن من حق الجميع النقاش و الحوار متي توفر المناخ الملائم، اما الاليه فهو المنبر نفسو.
Quote: يعني بي كل بساطة يا ناصر
واحد ما دخل ليك أي بوست
ويجي يفتح فيك بوست
حتاخد الموضوع هظار
وللا كمان تسميه حوار |
ايوه بسميه حوار ..
Quote: قال بظن إنه من ناس ساس ساس
لكن أسف مفروض يكون جوة الحراسة
لأنه لخبت من أساسة
لي كل اللي أخده في الدراسة
لا كتابة صحيحة دارسة
لا لفظ يحمل جراسا
لا خلق يحفظ لناسا |
؟؟؟ دا شنو دا يا عمنا؟؟؟
| |
|
|
|
|
|
|
|
|
|
Re: ناصر وكل من يناصره! (Re: ناصر احمد الامين)
|
| Quote: الشعب يريد إسااااااااات النظام |
ارحـل ... ارحـل ... ارحـل !!!!
ود شيقوق الظريف .. تحياتنا يا ملك
وينك يا (المر) من زمان ما شايفينك .. بالطبع منبر بكري يسع الكل و الا لما كان بوست (حبشية تلحس)
Quote: هيييييييييييييييع
ابشر بالخير
ابشر ابا شيمة
ابشر |
الاسد النتر .. باوقيسكو.. الايام دي رقيص ساااي ... بختكم
| |
|
|
|
|
|
|
|
|
|
Re: ناصر وكل من يناصره! (Re: ناصر احمد الامين)
|
ايوه بسميه حوار ..
كيف تسميه حواراً
وهو من صيغة ما فيه من استفزاز
يجعل الإنسان يسلك أحد طريقين
إما أن يتجاهل أو يكون الرد قاسياً
برضو كمثال: دا إذا أنت أصلاً شفت البوست
كان يمكن أن يكتب بطريقة أفضل منها
كأن تقول مثلاً
هل تقرأ للآخرين؟
هل تشارك في بوستات أخرى؟
عندها أعرف أنك لم تلاحظ أن أشارك
ولاتساع البورد قد أعذرك وآتيك بأمثلة
لدى إجابتي عن السؤال
لكن إيحاء عبارتك ينبئ عن شخص متأكد
من أني لن أرى البوست
وأني لا أهتم بكل البوستات ولا أحاول حتى أن أعيرها
انتباهاً، لأني ربما أكون مغروراً أو مستحقراً بالآخرين
وقد كانت العبارة جازمة
مع أن الأمر كان مجرد ظن ليس إلا
هذا وإن حدث أن كان هناك شخص
يفعل ما قلته ربما لظروف
تحكمه
؟؟؟ دا شنو دا يا عمنا؟؟؟
ياناصر لم لا تريد أن تفهم عبارة أنك لست دائماً المقصود بما أكتب في هذا البوست
كذلك البوست القديم كثيراً ما أرمي إلى جعل الموضوع عاماً أنتقد هذا الأمر، وذاك؛ فلا تشخصنّ الموضوع أكثر من اللازم
إن كنت مقصوداً شخصياً لكان عنوان البوست ناصر أحمد الأمين
استهللت البوست باسمك
بمعانيه المختلفة التي منها النصرة؛
نصرة السياسة، والرياضة، والشللية والكتابة
الغير دقيقة، والمستفزة ...إلخ.
أما الجلمنتوش الذي يتكلم عن من يظنون
أنهم سياسيون لست المقصود بها فهم كثر جداً
ونتكلم عنهم في شكل عام وعن أنهم مخطئون في فهمهم للسياسة
وتناولهم للكتابة التي تعتورها أخطاء كثيرة في لغتها وفي أسلوبها وفي تفاعلها وتعاملها، وفي خروجها عن حدود الأدب بمعنييه الأخلاقي والأسلوبي
أي أن تخرج الكتابة من حدود الصحة واللياقة،
يفسدون ود بعضهم لبعض، بالشتائم
والسخرية وكل ما ينمي
الحقد بين الناس
هذا نقد
عام ولست أقصد شخصاً بعينه
فالسياسة في فهمنا مشي هوينى، وهدوء
ومنطق وحقائق وطولة بال، وهي عكس العنف
واستخدام النابي من الألفاظ، ومحاولة كسب الآخر وليس
كما يسود من تجاوز لكل شيء
ناصر معليش
دي إضافة لما هو تابع لعثمان رغيم
-
كي تفهم ما قصدت إليه
من فضلك أجب لي عن:
من المقصود بالباشا الغشيم
ومن هم دجاجه؟
وهل هم سودانيون أم أجانب؟
وعبارة أصلاً كل عب فعايله ما بتسر
والحرية ما منظر
--
هل العبارة مثل شايع
أم تحديد شخص أو جهة معينة
وماهي النية؟
وماهي البُنية؟
باختصار
المقصود هو الأجنبي
الذي يتدخل
في البلد
ويأتي بجحافله
ودي رد على الأخ الكريم المر
المر:
المر
100%
المر مرورك ما هو المر
وكتير ما يجبر الخاطر وتلخيصه جد عاطر
ينزل برد وسلام مثل ما يسوي
جو ماطر
يديك العافية
وين صحبك سجيمان؟
ودي لي ود الباوقة
باوقة دي صقرية وللا شني هيّ
وما لك جايبلي الكلام
اللي بجيب الهوا
عليّ
وجيتك
دي في عينيّ
أها يا شيقا
دي من العبارات اللي ما مفهومة
هل المقصود إسقاط النظام
أم إساءات النظام
حبيبنا شيقا الظريف
كتب يا ناصر
هذه العبارة
مستخدما السخرية
من الرطانة
لكن كلامه مبلوع
لأن النية واضحة
من خلال الحروف
المزاح مثلاً
أو مجاراة جو الانتفاضات الجارية على قدم وساق
وهي مشاركة
مقدرة
على الرغم من أننا
لا يشترط أن نكون متفقين في كل شيء
أشكر لكم جميعاً
مروركم
الكريم
من دون استثناء
| |
|
|
|
|
|
|
|
|
|
Re: ناصر وكل من يناصره! (Re: عبدالفتاح أبوشيمة)
|
Quote: ناصر معليش
دي إضافة لما هو تابع لعثمان رغيم
-
كي تفهم ما قصدت إليه
من فضلك أجب لي عن:
من المقصود بالباشا الغشيم
ومن هم دجاجه؟
وهل هم سودانيون أم أجانب؟
وعبارة أصلاً كل عب فعايله ما بتسر
والحرية ما منظر
--
هل العبارة مثل شايع
أم تحديد شخص أو جهة معينة
وماهي النية؟
وماهي البُنية؟
باختصار
المقصود هو الأجنبي
الذي يتدخل
في البلد
ويأتي بجحافله
|
علي الجزيمة انت راجل كلك مفهومية
وناصر ده حداثي فاطي سطر
ما تشتغل بيهو
واكتب ما بدا لك
حتي لو تحت تأثير أي حاجة
قلت لي الباشا الغشيم
| |
|
|
|
|
|
|
|
|
|
Re: ناصر وكل من يناصره! (Re: عبدالفتاح أبوشيمة)
|
Quote: شابف حكاية انك حر و الناس عبيد
عاجباك شديد [/QUOTE
اخي عثمان
كلنا عبيد الله
لا فرق بين ابيض واسود الا بالتقوى
صدقني لا توجد لدي اي نزعة عنصرية في حياتي
وكرهي في الدنيا العنصريين
مودتي
| |
|
|
|
|
|
|
|
|
|
Re: ناصر وكل من يناصره! (Re: عبدالفتاح أبوشيمة)
|
Quote: ناصر
شنو
حكاية حداثي
اللي قال عليها
عثمان رغيم؟
|
انت يا عمنا مالك اقتبست (حداثي) بس !!
Quote: وناصر ده حداثي فاطي سطر
ما تشتغل بيهو
واكتب ما بدا لك
حتي لو تحت تأثير أي حاجة |
| |
|
|
|
|
|
|
|
|
|
Re: ناصر وكل من يناصره! (Re: ناصر احمد الامين)
|
Quote: وناصر ده حداثي فاطي سطر
ما تشتغل بيهو
واكتب ما بدا لك
حتي لو تحت تأثير أي حاجة |
كلمة حداثي
اتجاه أدبي
عايز اتناقش معاك حوله
أما الباقي الراجل بيهظّر معاك
ما تتزاوغ من السؤال
وللا أحسن أجيب
ليك تلاتة
وأربعة
وخمسة؟
وبعدين تعال
مرة واحدة
ما نستخدم
معاك
طريقة التدوير
والأسئلة إياها
لما نفرش
بروش
ووب
ولما نختصر
ووب؟
| |
|
|
|
|
|
|
|
|
|
Re: ناصر وكل من يناصره! (Re: عبدالفتاح أبوشيمة)
|
Quote: كلمة حداثي
اتجاه أدبي
عايز اتناقش معاك حوله
أما الباقي الراجل بيهظّر معاك
|
حلو الكلام
انا شايف كتابتك بقت اكثر وضوحا و اقل سردا.
طيب ما انت بتعرف تكتب كويس اهو.
و كلمة (الحداثه) دي في حد زاتها مدخل جيد جدا للحوار
يعني يا عمنا الا يجي عثمان رغيم حتي تستعدل معانا؟؟؟
| |
|
|
|
|
|
|
|
|
|
Re: ناصر وكل من يناصره! (Re: ناصر احمد الامين)
|
تعبر كلمة حداثة Modernity (عصرنة أو تحديث) عن أي عملية تتضمن تحديث وتجديد ما هو قديم لذلك تستخدم في مجالات عدة، لكن هذا المصطلح يبرز في المجال الثقافي والفكري التاريخي ليدل على مرحلة التطور.
دا من التعريفات الاكثر شيوعا للحداثة (منقول من الموسوعة)
هل تعتبر اسلوب كتابتك نوع من الحداثة؟؟
| |
|
|
|
|
|
|
|
|
|
Re: ناصر وكل من يناصره! (Re: ناصر احمد الامين)
|
| Quote: هل تعتبر اسلوب كتابتك نوع من الحداثة؟؟ |
تعرف يا ناصر
ما كجنت شي في الدنيا
زي حاجة سموها الحداثة والحداثي
لكن مشكلتك ما بتقرا لي
دا أنا دخلت في مجابهة
مع عدد منهم
--
يا أخي الشي اللي بكتبه
دا كلام الناس العادي
خالص خالص
وأكتر من عادي
وعلى طول بصيغ من كلامك
الرد
وحأفصل ليك
توصيف أسرار كتابتي
لي قدام
لكن إنت ما تزوغ
إنت يا تو حداثي
بتاع الشعر
وللا الفكر
وضح افصح ابن
يا أخي داير أعرف
إنت منو؟
في الرياضة عرفناك
صفوة
طيب في السياسة
والكتابة
إنت منو؟
وإنت شنو؟
| |
|
|
|
|
|
|
|
|
|
Re: ناصر وكل من يناصره! (Re: عبدالفتاح أبوشيمة)
|
| Quote: المقصود به كل شخص يتناول هذه الانتقادات أو يعاني منها في البورد وفي المنتديات عموماً منتدياتنا الصغيرة تركناها وجئنا إلى هذا المنتدى |
الانتقاد في حد زاتو شي طيب ... و اعني انتقاد العمل الادبي أو الرأي، اما الاشخاص و القناعات فيجب احترامها
انا ما ماخد اي شي شخصي ... بس ما قدرت استوعب اسلوب الكتابة نهائيا ... و دا كان سؤالي
Quote: أما أسلوبي ففيه تحدٍ مع نفسي
أريد أن أرد بداهة وارتجالاً
بشكل من الكتابة تحت التجريب وهي ما أسميه الجلمنتوش
جدية الجيم، ونظم اللمنت، وكفاح الدخول توش
هذا باختصار السر الذي حيرك في أسلوبي الذي ليس بشعر ولا نثر ولا قصة ولا أي شي هو فقط الجلمنتوش
يعني في تحد أن أصوغ من الكلمة التي تكتبها لي
شي يجار ي ما تكتب وفي الوقت نفسه يرد عليك في سرعة
وهذا الأمر ليس بالسهل ولا بالصعب
بين بين لا يقدر عليه كل أحد، حتى شخصي الضعيف يقف ضعيفاً
حين يكون البال مشغولاً والعمل كثيراً.
لكني أريدك أن تتناولها بالنقاش كقضية عامة
مشكلة التعامل مع الكتابة في كل شيء لغة وأسلوباً وطريقة
والتعامل مع الزملاء |
بس خلاص ... كدا الموضوع دا واضح جدا
ممكن الجلمنتوش دا يكون شي جديد و جميل .. لكين انا ما وقع لي كلو كلو، حاسي بي انو مشاتر جدا ... يعني (دراب دراب) لكين اكيد بيكون عاجب ناس تانيين .. لولا اختلاف الاراء!
يديك العافية يا عمنا
| |
|
|
|
|
|
|
|
|
|
Re: ناصر وكل من يناصره! (Re: عبدالفتاح أبوشيمة)
|
Quote: مهما كانت مقنعة أو مستهرّة
(طبعاً مستهرّة دي حتخلي ناصر يمشي ويجي
ويقوم يلف، وتاني ياخد لفة)
غايتو |
خلي ناصر .. قبيلة سودانيز دي كلها (ما عدا غير الناطقين بها)
حا يمشو و يجو و يقومو و يلفوا
| |
|
|
|
|
|
|
|
|
|
Re: ناصر وكل من يناصره! (Re: عبدالفتاح أبوشيمة)
|
Quote: دايرله فهامات غشم
شان ينبرم شنبه الأصم
يفرد جناحه وينقسم
ويا دنيا كم فيك انظلم
من حب يزود للفهم
لكنه مسكين انظلم
من زول غشى وادي الظلم
عبّ وشال كل الظلم
عباها وديان الظلم
غطّاها نوارة الفهم
دبلت عديل من الظلم
ما شافا أظلم من ظلم
|
صراحة الحتة دي عجبتني فيها نظم جميل ما دراب دراب
بس الحته ال بالاحمر دي ما كان في ليها داعي عشان تقليل التكرار (برضو راي)
احييك فيها و ارفع قبعتي احترما
| |
|
|
|
|
|
|
|
|
|
Re: ناصر وكل من يناصره! (Re: عثمان رضوان)
|
Quote: شخصياً من الذين يودون مناصرة
الأخ ناصر ظالماً أو مظلوماً،
ولا أعتقد أن الصفة الأولى تنطبق
عليه،
تحياتي لصاحب البوست،
|
عثمان يا حبيبنا الزمان .. وينك يا راجل
كل هذا الاختفاء.
اشكرك يا الحبيب، اصلا انا و العم ابوشيمة
بيناتا نقاش لا يفسد للود قضية ابدا.
| |
|
|
|
|
|
|
|
|
|
Re: ناصر وكل من يناصره! (Re: عثمان رضوان)
|
Quote: شخصياً من الذين يودون مناصرة
الأخ ناصر ظالماً أو مظلوماً،
ولا أعتقد أن الصفة الأولى تنطبق
عليه،
تحياتي لصاحب البوست،
وأتمنى أن ينتهي الموضوع حالاً. |
مرحبتين حبابك ألف
يا عثمان رضوان
ومرحباً بنصرتك الداوية
لكن كدا إنت ما دقست
البوست يشمل ناصر
ومن يناصره
يعني كل زول في البورد
يخطئ أي نوع من الأنواع المذكورة
لا بد أن تنتصر فيها للظالم
ودي بقت حاجة شرعية
ملزمة يللا اتلزّم واتحزّم
وإن كان مظلوماً
أما الظالم فلابد أن تأخذ على يده
من أن يظلم
يللا شد حيلك
وافزع معانا
أوع تسجل غياب
صحبك دا يا ناصر
كان اتوانى
حنرشّه كلمه
يللا يا عثمان يا همام
| |
|
|
|
|
|
|
|
|
|
Re: ناصر وكل من يناصره! (Re: أمير فتحي)
|
| Quote: عمك دا أداك (شائيه) لو أداك (بائيه) حيركبك التونسيه |
يا أمير عمنا دا بضقل بالحروف كلها ما عندو عوجة تب
لكين بيني و بينك انا خايف من (اللائية)
| |
|
|
|
|
|
|
|
|
|
Re: ناصر وكل من يناصره! (Re: عبدالفتاح أبوشيمة)
|
Quote: ود الصايم(تضحك بلاهن)
مؤونة عام من الكاكات
لا ما تفتّش للباكات
وإستوبرات وثيردباكات
وما يحلنّك مساكات
ولا مضارباً دقّاقات
شيطانك مسكين جنّه اللعنات
شو فلك صرفة مع الكاسات
الراكبات عابرات قارات
أو حتى الراكبات لي دفّارات
تشاغل في زولي بالجنبات
سويت ليه الإحراجات
خليك دايماً أبو لي بنات
يفتش دربه للجنات |
ود الصايم .. اعرب ما تحته خط .. و علل
جابت ليها كاسات و جنبات كمان !!!
| |
|
|
|
|
|
|
|
|
|
Re: ناصر وكل من يناصره! (Re: محمد حيدر المشرف)
|
Quote: شكرا يا عزيزي عبدالفتاح على الاطراء ..
______
الله ينعل شيطان ود الصائم !!!
الله ينعلو !! |
ان شاء الله تكون فهمت حاجة يا ود المشرف
شيطان ود الصايم دا قال تاني ما تجيبو سيرتو في البوست دا.
| |
|
|
|
|
|
|
|
|
|
Re: ناصر وكل من يناصره! (Re: عبدالفتاح أبوشيمة)
|
يا أخي
ويا عزيزي القارئ
عليك الله ادخل شوف هنا
خُمُوا وصٌروا وسجم البلد الراجياكم يا ناس او لاين !!!
أو هاك دي:
Quote: بوست العوض
خُمُوا وصٌروا وسجم البلد الراجياكم يا ناس او لاين !!!
قرف ونبذ وقلة ادب وعدم احترام وس خ ر ي ة.. ما شفناه في الواقع ولكن شاهدناها هنا وعلي الهواء مباشرة
وكل واح شايف نفسهالصاح لا الرجل احترم نفسه واحترم اسرته الفي البيت ولا الاسر الموجودة في المنبر
لا احترم القراء الذين يتابعون كل ما يكتب هنا ..ولا المراة احترمت هذا المجتمع وكل زول شايل ليه سكين ويطعن في الاخر ...
سجم ام البلد الراجياكم وسجم ام الوطن اذا انتوا حكومته او معارضته ...
________________
ماخايف من زول ولكن كلامي ده بشمل كتابات حاليا وكتابات تداولت قبل فترة ..
وياريت كل زول في راسه بطحة يحسس عليها ويقول كفي رحمة بنا وبنفسه ...
اللهم هل بلغت ..اللهم فاشهد ..
|
من دون تعليق
| |
|
|
|
|
|
|
|
|
|
Re: ناصر وكل من يناصره! (Re: عبدالفتاح أبوشيمة)
|
وراح زمان زمن الصحابا
داك يا حليلو الكان ويا حبابا
كان محبة وشي طيابة يا حليل نحن الغلابا
اللي كنا راجين لي طلابا
وبعض بعض من شبابا
كم فضحونا ديل التعابا
القالوها بي كل لفظ نابا
--
ناصر وينك
روبك صار
عامل مرابة!
| |
|
|
|
|
|
|
|
| |
عبدالفتاح أبوشيمة
haroon diyab
ناصر احمد الامين
osman righeem
الطيب شيقوق
أمير فتحي
محمد عبد الماجد الصايم
محمد حيدر المشرف
عثمان رضوان
فيس بوك
تويتر
انستقرام
يوتيوب
بنتيريست