|
رحلة عائلية لبورداب الإمارات وضيوفهم - حديقة الممزر - دبي - الجمعة 11/2/2011
|
فكرة طرحها أخونا وحبيبنا ود البشرى لإستغلال فترة الطقس الجميل هذه الأيام في الإمارات ..
وهي بالتأكيد أيام غالباً ما تكون معدودة طوال العام ..
يكون فيها الطقس جميل قبل حلول الصيف الطويل ..
ومع ظروف تواجد بعض ضيوفنا من البورداب .. وسفرهم بعد التاريخ المحدد للرحلة ..
قررنا عمل رحلة عائلية لجميع بورداب الإمارات وضيوفهم في حديقة الممزر في دبي ..
يوم الجمعة القادم الموافق 11/2/2011 بإذن الله .. بعد صلاة الجمعة ..
الرجاء تأكيد الحضور في البوست ..
أو الاتصال بي على: 0566580056
أو بالأخ نصر الدين البشير على: 0503445171
أو بالأخ محمد إبراهيم (حمودة) على: 0557598962
لتأكيد الحضور أو لأيِّ إستفسارات أخرى ..
|
|
|
|
|
|
|
|
Re: رحلة عائلية لبورداب الإمارات وضيوفهم - حديقة الممزر - دبي - الجمعة 11/2/2011 (Re: عبد الله كسلا)
|
علاء الدين صالح .. حمودة .. أسامة إدريس .. نصر الدين البشير ..
شكراً لكم أحبتي بورداب الإمارات الذين حرصوا وتمكنوا من الحضور ..
وأعتذر بشدة لمن لم أتمكن من الاتصال بهم بصفةٍ شخصية لدعوتهم لحضور الرحلة ..
فقد أكتفيت بفتح هذا البوست ظناَ مني بأنه سيكون كافياً لدعوة الإخوة البورداب ..
ولكنني حرصت على الاتصال بالإخوة ضيوف الإمارات لدعوتهم .. وقد حضر الأخ علاء الدين صالح ..
وسعدنا بوجوده معنا .. وكنا نأمل في الإلتقاء بالأخ أمجد البصيري أيضاً..
أسعدنا جداً حضور الأخوين ناصر أحمد الأمين وعبد العزيز حسين من أبو ظبي خصيصاً لهذه الرحلة..
حزنت جداً لعدم تمكن الأخ معتز (عباس) مشاركتنا الرحلة ..
على الرغم من أنه كان أول متداخل في هذا البوست ..
ووعد بالحضور والسباحة في الممزر ..
حزنت أيضاً لعدم تمكن الأخ المستشار عادل سمير من الحضور ..
فقد كنت أمني النفس بأن تكون الرحلة فرصة لنا للإلتقاء به بعد أن إنضم مؤخراً لبورداب دبي ..
عموماً كانت رحلة جميلة .. وقضينا ساعات من السمر اللطيف مع الأحبة البورداب ..
وأستمتع الأطفال أيضاً باللعب واللهو في الطقس الجميل ..
شكراً مرة أخرى لكل من حضر وشارك في الرحلة ..
والعتبى لمن لم أتمكن من الاتصال بهم لدعوتهم ..
والجايات أكتر بإذن الله ..
| |
|
|
|
|
|
|
Re: رحلة عائلية لبورداب الإمارات وضيوفهم - حديقة الممزر - دبي - الجمعة 11/2/2011 (Re: عبد الله كسلا)
|
Quote: يا عفاف الكنز حلال عليك .. أصحابو قالوا ما عايزنو .. |
مووووبالغه .... وانا الدفيس العندي ده أدوي وين ..؟؟؟؟ لالالالالا
Quote: أما بالنسبة لـ(اللبن أب) .. فأعمليهو ملاح نعيمية .. |
ادروووووووب ... بالغته لكن .. عليك الله ملاح النعيميه بعملوا بي لبن أب ... والله إلا احضره ليكم عصير هههههههه هههههههههه ..
Quote: ونجيكي يوم الجمعة الجاية للفطور .. |
هلا والله بالربع .. على عينى ورأسي .. ده يوم الهناء ..
Quote: على الأقل نعوِّض بتاع إفطار رمضان الشالو ناصر معاهو .. |
والجمعه البعدها .. عوض الكسره الشاله أمس ... ههههههههه
| |
|
|
|
|
|
|
Re: رحلة عائلية لبورداب الإمارات وضيوفهم - حديقة الممزر - دبي - الجمعة 11/2/2011 (Re: Safia Mohamed)
|
Quote: هلا بناس الامارات كيفكم |
هلا ... بالغلا ..
تسلمي يا صفصف ..
Quote: المهم من غير تفاصيل رحلتكم دي عزابية ولا شنو نكوس للجكس زي طفولي في مجلة ماجد |
تصدقى يا صفية الجكس كان اكتر بكتير .. لكن .. طلبنا عدم الظهور قلنا ندي الرجال فرصه شويه ما نخطف الاضواء دائما ..
Quote: غايتو في زولين احبطت فيهم ما تقولي لي منو
ولا الاحباط في شنو |
يا زوله قولى خير إحباط ما معانا .. الناس كوووولها كانت جميله الخلقه والاخلاق والروح الشفيفه والدم الخفيف ... إنتى تعالى عيشي معانا لايف .. عشان تأآآ منى ..
Quote: رحلتي متين قربت اجيكم |
إنتى بس تعالى نشيلك كوووووولنا فى العيون وتتوسدك الرموش يا غاليه ..
| |
|
|
|
|
|
|
Re: رحلة عائلية لبورداب الإمارات وضيوفهم - حديقة الممزر - دبي - الجمعة 11/2/2011 (Re: عبدالرحمن الحلاوي)
|
الشكر و التقدير للعزيز عبدالله كسلا و أسرته الكريمة لهذا الجهد المقدر و الإخراج الاكثر من رائع..... الشكر لبورداب الإمارات و أسرهم للمساهمة في إنجاح هذا اليوم.... الشكر للأخوان عبدالعزيز و ناصر من بورداب أبوظبي لتكبدهم المشاق و المشاركة..... إفتقدنا كل من إعتذر و لم يتمكن من الحضور.... لكن نتمنى أن تكون الجايات أكتر من الرايحات و المشاركة أكبر في هذا الجو الجميل (يلا شد حيلك يا أسامة ... هانجيلك خليك قاعد)..... و الشكر لصاحب الفكرة أبوحتوت ود البشرى.... و الشكر ليكم كوووولكم يا حلوين إلى قريب اللقاء في رحلة قادمة.....
| |
|
|
|
|
|
|
Re: رحلة عائلية لبورداب الإمارات وضيوفهم - حديقة الممزر - دبي - الجمعة 11/2/2011 (Re: Haytham Abdulaziz)
|
كان عصرا و لا كل العصاصير
و كان مساءا و لا كل المساءات
و كانت ليلة و لا كل الليلاءات
حديقتكم جميلة و انتم درر يا بورداب الامارات
تشرفنا بالتعرف علي اسر الزملاء البورداب و تهنينا بما لذ و طاب من الطعام و الحلويات
و اتونسنا و حكينا و سمعنا و ناقشنا و اتناقشنا!!
التحيه لعبدالله كسلا و اسرته الكريمة مدير عام الجلسة اللذيذة و لود البشري صاحب الفكره و لدرق صاحب العطاء بالتحضير و لعفاف بابداعات الطعام و الونسه اللذيذة، بت الاحفاد، الحلاوي، الزنجي، مولانا، حمودة، نصر، اسامه، هيثم، الكوتش ...
كلللللللللللكم حلوين
| |
|
|
|
|
|
|
Re: رحلة عائلية لبورداب الإمارات وضيوفهم - حديقة الممزر - دبي - الجمعة 11/2/2011 (Re: ناصر احمد الامين)
|
كان يوما بهيجا قضيناه معا
وزاد عليه الطقس جمالا
والإعداد والاخراج روعة
بداية من صاحب الفكرة ود البشرى وشكرا للمدام على الحلوى
مرورا بلجنة التحضير للرحلة عبد الله كسلا وخالد درق وهيثم و حمودة ونصر الدين والبقية
إلى صاحب الجهد الأوفر كما عودنا دائما عبد الله كسلا
وأسرته الكريمة وشكرا على السلطات والشربوت اللذيذ بالكميات والقهوة
والجهد الكبير من أختنا عفاف ( حبوبتنا )
حيث رجعنا للأيام الرائعة في كنف الحبوبات
حيث الكسرة بالطبق والملاح بالحلة الكبيرة
( يكفي لعشرات وعشرات وثاني مش عاوزين لحمة وبرياني كسرة وبس نصوت .... )
والبليلة وحتى المديدة التي تامرواعلينا السيدات واخفوها عنا
( رغم شهادتي ان جزء منها انسكب في سيارة هيثم)
وورق العنب الذي يكفي لضعف هذا العدد من الحضور
من إعداد وتجهيز اختنا بت الاحفاد داليا نجم الدين حسن
والفواكه والتنسيق لرجل المهام الصعبة خالد درق
والخبز وبقية الخدمات للحلاوي والاستقبال والترتيب للزنجى ونصر الدين
وخدمة التوصيل للذين لم يستطعو دخول سياراتهم داخل الحديقة وكانوا بالخارج
قام بها هيثم على طول وقت الرحلة شاركه
فيها مرة واحدة طارق الكوتش فقط ( عندما راحت قريبته عفاف )
وعفوا لمن نسيت ان اذكره ........
وشكرا ضيوفنا الكرام علاء الدين صالح وأوبي زوج شقيقة عفاف الصادق
والمستشار مولانا عبد الكريم وحرمه ومن أبوظبي ناصر وعبد العزيز
واخواتنا وابناءنا الصغار
شكرا لكم أحبتي جميعا على هذا الساعات الرائعات
واستعدوا من الآن المرة الجاية عندنا في خورفكان بتوصية من الأخ هيثم
| |
|
|
|
|
|
|
Re: رحلة عائلية لبورداب الإمارات وضيوفهم - حديقة الممزر - دبي - الجمعة 11/2/2011 (Re: osama idris)
|
Quote: والجهد الكبير من أختنا عفاف ( حبوبتنا )
حيث رجعنا للأيام الرائعة في كنف الحبوبات
حيث الكسرة بالطبق والملاح بالحلة الكبيرة
|
اسامة ود ادريس .... شكرا على المجهود والاتصال الدائم عند التوهان ههههههههههه حبوبه عفاف عاسة الكسره على انغام الصغار ( ست الكسره سلامي ) والله جد ...
اما الملاح كان إبداع صراحة انا ما مصدقه نفسي عملته (غايتو سترني ) مع انه القدحة بالثوم والثمنه راحت كووولها فى المطبات .. هههههههه
Quote: ( يكفي لعشرات وعشرات وثاني مش عاوزين لحمة وبرياني كسرة وبس نصوت .... ) |
شايفاك بتناقش فى العضام الكبيييرة فى الركن الشمالى الشرقى من حديقة الممزر .. غايتو لو كان فى كديسه ناصر كنت اعتذرته ليها على التعدي ده .....
Quote: والبليلة وحتى المديدة التي تامرواعلينا السيدات واخفوها عنا
( رغم شهادتي ان جزء منها انسكب في سيارة هيثم) |
البليله العدسي ( مع انى نسيت التمر) لكن كانت من نصيبكم ..
اما مديده الحلبه بالتمر والزبده والحليب الدسم ودقيق الدخن ..
كانت إبدااااع عديييييييييل كده والله حاجة ما حصلت .. على فكره الرحلة الجايه ببيع ليكم الكوره الصغيره بي 5 دراهم ... اها قصراته معاكم .. غايتو هيثم المسكين إلا يعيش على الرئحه الفى سيارته ..
تسلمو كووووووولكم والسمح ينفعكم ومحل ما يسري يمري يارب ..
| |
|
|
|
|
|
|
Re: رحلة عائلية لبورداب الإمارات وضيوفهم - حديقة الممزر - دبي - الجمعة 11/2/2011 (Re: مزمل خيرى)
|
Quote: دقييييقة يا شباب ..!!! الزول دا الجابو ليكم شنو هناك .؟؟ ياعفاف ازيك .. ابى محمد حسين الشهير بوائل .. من متييين معاكم .؟ الود دا ود حلتى واتربا قدامنا فى الحلة .. ابقوا عليهو عشرة يابورداب الامارات .. بالله سلمى عليهو كتير ياعفاف ابواللول دة راجل فاضل ومن أسرة فاضلة جداً .. |
ابو جوان .. كيفنك ...
الزول ده زوج اختى الصغيرة .. واخوي فى نفس الوقت ... العين الحاسده ما تشوفو ..
ربنا يحفظه ويخلي لينا ... واسرته .. مهما قلنا فيها ما بنوفيها حقها ..
لكن نحن برضو بنستاهل الناس الحلوين .... مش كده ؟ ....
تسلم يا مزمل وسلام واصل ..
| |
|
|
|
|
|
|
Re: رحلة عائلية لبورداب الإمارات وضيوفهم - حديقة الممزر - دبي - الجمعة 11/2/2011 (Re: osama idris)
|
عزيزي كسلا
جهودك للم شمل البورداب والتوثيق والاحتفاء بضيوفهم ملموسةومقدرة حقيقة نويت المشاركة والتعرف عي زملاء البورد عن قرب ولكن ّظرف اجتماعي حال دون ذلك وفد شرحته للاخ معتز_abbas خاصة وان ذلك لم يتكرر بالنسبة لي منذ اللقاء في رمضان بابو ظبي نأمل في لقاء قريب مع امنياتي الطيبة لك وللاسرة.
تخريمة: سالت نفسي كم مرة يا تري ده كسلا القابلته في طنطا في ايامي الاولي للدراسة خاصة وان المدة طالت الا ان صديقي محمد سيد أحمد قطع الشك
| |
|
|
|
|
|
|
Re: رحلة عائلية لبورداب الإمارات وضيوفهم - حديقة الممزر - دبي - الجمعة 11/2/2011 (Re: عباس محمود)
|
الأخ عباس محمود
شكراً لمرورك على البوست .. وعلى كلامتك الجميلة
وأتمنى أكون عند حسن الظن بي
حقيقة بورداب دبي والشارقة ديل ناس في غاية الروعة والجمال
وأنا بسعى بكل طاقتي عشان أقدر أتشبه .. وأتشبث بيهم
وكنت اتصلت بعباس صباح اليوم للإطمئنان عليه .. وشرح لي الظروف ..
معليش .. الجايات أكتر إن شاء الله ..
Quote: الا ان صديقي محمد سيد أحمد قطع الشك |
هل قطع الشك بالتأكيد .. أم بالنفي ؟
عموماً أنا خريج طنطا 1980 ..
يلا وريني يا هو انا زاتي المقصود .. وله واحد تاني ..
| |
|
|
|
|
|
|
Re: رحلة عائلية لبورداب الإمارات وضيوفهم - حديقة الممزر - دبي - الجمعة 11/2/2011 (Re: خالد درق)
|
Quote: ياسلام ياسلام .. بجد كان يوم جميل جدا ..
ونشكر كل من حضر .. ونتمنا دايما ان تجتمع فى الخير يارب .. |
خالد يا درق ..
فعلا كان يوم جميل .... تصدق يا خالد حمودي ومازن ..شوفتهم اخر الرحلة ... صراحة الاطفال استمتعوا خالص ... وده كان القصد الاصلى من الرحلة ...
على فكرة حمودي كان دائما اسمك على لسانه ... اظته عاجباهو درق دي .. بعد وصلنا البيت قال لي يا ماما ود الصايم ما جاء لييييه ... هههههههههه اتخيل .. قلته ليهو ود الصايم فى السعوديه .... قال لي طيب خالد درق وين ...؟ عشان انا ولدى ده بحبه لازم نعمل لى ود الصايم زيارة .. وانت تجيب الاسرة الجميله الحلوه وتشرفنا فى البيت ..
حقيقي سعدت جدا بمقابلة المدام الرائعه واطفالك الحلوين .. وخاصه عموري الجميل .. البت المطبوعه بي كربون منك ...
تحياتى للمدام وفى انتظاركم ..
| |
|
|
|
|
|
|
Re: رحلة عائلية لبورداب الإمارات وضيوفهم - حديقة الممزر - دبي - الجمعة 11/2/2011 (Re: عفاف الصادق بابكر)
|
بورداب الإمارات إن شاء الله يوم شكركم ما يجي وإن شاء الله دايماً ملمومين في ساعات الخير كانت لحظات ما أحلاها الشُكر كل الشُكر لأسر وعائلات البورداب شُكراً للمهندس ود البُشرى على الفكرة الخلاّقة شُكراً للمبدع عبد الله كسلا على كل شيء شُكراً لكل الشباب المنظّمين للرحلة شُكراً عفاف الصادق على مُلاح العفّاض الأصيل شُكراً جميلاً لأسرة عبد الله كسلا على ذلك الشربوت الراقي شُكراً لكل الحضور من البورداب والضيوف على لمّتهم الرائعة في الحديقة المذهلة في ذلك الجو البديع
| |
|
|
|
|
|
|
Re: رحلة عائلية لبورداب الإمارات وضيوفهم - حديقة الممزر - دبي - الجمعة 11/2/2011 (Re: خالد درق)
|
Quote: كان يوما بهيجا قضيناه معا
وزاد عليه الطقس جمالا
والإعداد والاخراج روعة
بداية من صاحب الفكرة ود البشرى وشكرا للمدام على الحلوى
مرورا بلجنة التحضير للرحلة عبد الله كسلا وخالد درق وهيثم و حمودة ونصر الدين والبقية
|
الريس اسامة ادريس ...
فعلا كان يوم رائع وجميل ضحكنا وتنقشنا واكلنا وشربنا الشريوت زاتوووووووو
Quote: واستعدوا من الآن المرة الجاية عندنا في خورفكان بتوصية من الأخ هيثم |
مستعدين .. قبل ما الجوا يقلب
الريس اسامة ادريس ..
| |
|
|
|
|
|
|
Re: رحلة عائلية لبورداب الإمارات وضيوفهم - حديقة الممزر - دبي - الجمعة 11/2/2011 (Re: خالد درق)
|
أشكر الوجيه ابو حتوت على الإقتراح الوجيه _______________________
يا خوانا اقتراح شنو البتشكروني عليه دا نضال كيبورد ساي :) الشكر من بعد الله لأخونا عبد الله كسلا الله يديه العافية التقط القفاز وأخذ الأمر بكل همة و جدية اتصالات و تحضير وتنسيق من لا يشكر الناس لا يشكر الله واخونا عبدالله يستحق الشكر وقد شكل اضافة كبيرة لبورداب الامارات وكان القاسم المشترك في الدعوة و التنسيق للأنشطة في الفترة الماضية البرنامج الجاي يا شباب تكريم عبدالله كسلا , يجينا ضيف بس رايكم شنو؟
| |
|
|
|
|
|
|
|