|
|
 أين تسهر هذا المساء ؟؟
|
والعنوان نستوحيه من حديث من خالنا الذي يحكي لنا إنه في سبيعنات وثمننيات القرن المنصرم كان مع أصدقائه يحددون أمكان سهرهم بعد الإطلاع على الصحف اليوميه
حيث إعتادت تلك الصحف على نشر باب ثابت بعنوان ( أين تسهر هذا المساء ) وبحسب كلام الخاال كان بالعاصمه عدد كبير من دور السينما مثل النيل الأزرق وقاعه الصداقه
وكلوزيوم والوطنيه غرب و النيلين وبعض الدور التي لم أحفظ أسمائها كما كان هناك المسرح القومي ومسرح آخر لم أحفظ إسمه أيضاً ....
كان الناس يطلعون على أسماء الأفلام ونوعيتها من تلك الصحف ثم يمضون لقضاء سهرتهم ...
بعد هذه الرميه على قول الكبير البوني ندلف للموضوع ...
وبالخميس إزدحم جدولنا وتنازعت مع أصدقائي على مكان قضاء السهره
حيث إخترت إن نذهب لمنتزه عبود حيث حفله عقد الجلاد
واصر صديقنا ( عصام جكس ) إن نذهب للمسرح القومي حيث حفله نادر خضر ومجذوب أونسه والشاعر الكبير إسحاق الحلنقي
وكان دافعه الأول لذلك ( بلإضافه طبعاً لوجود الجكس ) هو إن الدخول مجاني وذلك ضمن آمسيات أمدر الموسيقيه
صديقنا ( عبدالوهاب ) من عشاق المسرح وكان مصر للتوجه لقاعه الصداقه حيث محمد نعيم سعد في التأليف والإخراج ومسرحيه أبيض وأسود
( هزاع ) كان له توجه آخر وهو التوجه لمعرض الخرطوم الدولي الذي بدأ في يوم 2\ 2 ويستمر حتى 9\2
المهم حاولنا إن نوفق بين كل هذه الخيارات
فبدأنا بمعرض الخرطوم الدولي ( طلع ماسوره كبيره ) ولولا الفرق الشعبيه وكميات الناس الكتيره يمكن أن نطلق عليه أفشل معرض أقيم حتى الآن
إستبعدنا المسرحيه لأنه الوقت سرقنا
مررنا على حفله المسرح القومي وكانت أكثر من رائعه .
هذه الأيام الخرطوم تعيش ليالي جميله وهادئه وممتعه
سنحاول أن نوضح الفعاليات الجاريه هذه اليام في الخرطوم
مع دعوه الناس للإستمتاع
|
|
 
|
|
|
|
|
|
|
|
Re: أين تسهر هذا المساء ؟؟ (Re: فدياس نجم الدين)
|
عشاق الرياضه هذه الأيام طبعاً لن يحتر دليلهم في إيجاد الفرجه والمتعه
فيوم الجمعه إنطلقت بطوله أمم أفريقيا للمحليين
والجميع في الخرطومومدني وبورسودان
بمتابعه شيقه وممتعه للمنتخبات الأفريقيه
في مجموعه الخرطوم منتخبات
السودان والجزائر ويوغندا والجابون
في الإفتتاح فاز السودان على الجابون بهدف دون رد
وبالأمس فازت الجزائر على يوغندا بهدفين دون رد
نواصل
| |
|
|
|
|
|
|
|
|
|
Re: أين تسهر هذا المساء ؟؟ (Re: فدياس نجم الدين)
|
نرجع لمعرض الخرطوم الدولي
وللحقيقه هو لا يحمل من الدوليه إلا الإسم فقط
شركات باهته ومعروضات هزيله ومساحات شاسعه
يأخي الزول لمن يطلع من المعرض بيكون محتاج لمساج لرجليه من التعب
بعد كده لو لا فرق الفنون الشعبيه الموجوده في جناح سيقا لما أحس أحد بطعم المتعه
شويه عارضين من سوق سعد قشره على شويه ناس جاليات على ما أظن
ويقولوا ليك معرض دولي
ناس زين وسوداني محتلين نص المعرض ( في شنو ما عارف )
شاي الغزاليتن وشاي لبتون محتل النص التاني
وشويه جرارات من شركه جياد
غايتو البركه في النسوان البيبيعوا التسالي والنبق والقونقليز
ديل أظن هم أحسن مافي معرض الخرطوم الدولي
| |
|
|
|
|
|
|
|
|
|
Re: أين تسهر هذا المساء ؟؟ (Re: عبدالفتاح أبوشيمة)
|
Quote: بختك
ماشة
معاك
بس شوف لينا
معرض الكتاب دا
فيه رواية محمد زين وللا لا؟
كيفك يا فديو؟ |
أستاذنا عبدالفتاح
ماشه معايا باسطه
أسكت يا عمك أنا مش طلعت كوز ورجل أمن كمان
تعرف معرض الكتاب في عفراء زي معرض الخرطوم الدولي ماسوره كبيره
وأحسن نركز مع بطوله الأمم الأفريقيه وآماسي أمدر الموسيقيه
وختمه المولد النبوي الكريم
لكن ما نريد قوله هنا
إن الخرطوم عاصمه آمنه مطمئنه
وبحول الله وبدعاء المخلصين لن تتحول لبغداد أو مقديشو أو حتى قاهره آخرى
| |
|
|
|
|
|
|
|
|
|
Re: أين تسهر هذا المساء ؟؟ (Re: فدياس نجم الدين)
|
فدياس ..
ركز على حفلات المسرح القوميةاليومية وما بتجيك عوجة ..
ومرة مرة مركز الخاتم عدلان ..!!
وبيت الفنون يوم الأربعاء مع عمنا الفنان عوض عجوز ..
معرض الخرطوم الدولي دا ماسورة 6 بوصة ..
Quote: بعد كده لو لا فرق الفنون الشعبيه الموجوده في جناح سيقا لما أحس أحد بطعم المتعه
|
وفيصل أحمد سعد برضو ..
الحاجة الوحيدة اللفتت نظري في معرض الخرطوم حاجتين إتنين :
الهيلوكوبتر المعروضة العملا الزول بتاع الأبيض ..!!
وكيفية تصنيع الزجاج التالف وإعادة تشكيله لي مزهريات واشكال خزفية ...
في حاجة رابعة :
جناح المريخ في معرض الخرطوم الدولي ..
حاجة ما تخلص ..
إبداع عديل .. مش تقول لي جناح فريق الهلال في المعرض ..
بايخ بوخ .. طين بس ..!!!
ولو البرامج دي كلها ما نفعت معاك يا فدياس ::
تعال لي في الديم في حتة بوصفا ليك لمن تبقى على الجية ..!!
يمين بالله تاني كل يوم تسهر المساء بي هناك ..!!
| |
|
|
|
|
|
|
|
|
Re: أين تسهر هذا المساء ؟؟ (Re: ناذر محمد الخليفة)
|
فدياس ..
تحياتى ..
كنت خاتى النية أمشى المعرض السنة دى بس كلامك دا طمم بطنى والله ..!
بس سمعت من واحد معرفة انو ناس جياد عارضين عربية مصفحة 2011 وعاملين
مسابقة بتقول انو العربية دى مصفحة وفى فتحة مخفية ممكن الزول الجوة العربية
يضرب منها رصاص اذا تعرضت العربية لاطلاق نار والفتحة طبعاً ماظاهرة للعيان
والمطلوب تعرف الفتحة وين .؟
الكلام دا مر عليك ؟؟
| |
|
|
|
|
|
|
| |
فدياس نجم الدين
عبدالفتاح أبوشيمة
ناذر محمد الخليفة
مزمل خيرى
فيس بوك
تويتر
انستقرام
يوتيوب
بنتيريست