|
|
 اركو مناوى...للدار در
|
الاخ اركو
تقبل تهنأتى الشخصيه بإقتلاعك "الحسكنيته" التى غرستها فى جسد الملايين بإنصياعك للهالك "معطوب التليفه الخواض" وتوقيعك للاتفاقيه التى لم ترفع من مقامك ل"مساعد حله". ولو تعلم سيدى دور مساعد الحله لتخرطمت يا رجل, بل تكرشت و"دبلت" بعانس عباسيه قريشيه مخزوميه...إيه ذات جضوم تليق بجنابك كغرابى بادل الأولون سلامتهم بأسلافك كما ورد فى إتفاقية 'البقط".
يا اركو
يجب ان تزيل انت وبطانتك شحوم السحت التى اكتنزتموها فترة وجودكم فى قصر "العالمه" بالصعود والهبوط من جبال تقابو لعدد من المرات يحدده احد اصغر الجنود سنا وان تلزم وبطانتك طاعته طيلة المده التى يقررها, وليس لكم طعام الا من "ام بلت".
سيدى اركو
اعتقد ان لاتفاقيتكم مع الهالك المعطوب ايجابياتها, فقد عشتم فى الخرطوم, وسرحتم فى اطراف ام درمان, هذا يعنى انكم عرفتم الدرب, ولن تكلفوا اهلكم قتلى واسرى كما يجرى فى معسكرات الهوان.
اخى اركو
عليك وعبد الواحد الإتكال, وخليل وصحبه إذا هجروا الشيخ وضلاله ورضوا بدوله علمانيه.
|
|
 
|
|
|
|
|
|
|
|
Re: اركو مناوى...للدار در (Re: محى الدين ابكر سليمان)
|
سندور مثلك وبقوه اشد دفعا للديار, سيصوم البعض ثلاثة ايام لاباءهم واجدادهم حسب البيعه الثانيه لعبد الرحمن ابن نجار المراكب, لكننا سنعود حتما, قبل فوات الاوان, قبل ان نحل محل من اسسو دوله, وتتحول خالاتنا وعماتنا لمجرد بائعات عرقى...وان اغتصبن, فذلك شرف لهن.
انا ما عارف بتكلم معاك فصحى ليه؟
حاعكها دارجى المره الجايه.
| |
|
|
|
|
|
|
|
|
|
Re: اركو مناوى...للدار در (Re: محى الدين ابكر سليمان)
|
شوف يا اركو( اسمك الاول لو ما اتكتب بالنحوى, بتفهم غلط, خلينا فى اركو احسن), زمآاان قالوا:
ناسا قباح
من الغرب يوم جونا
جابوا التصفيه
من البيوت مرقونا
اولاد ناسا عزاز
متل الكلاب سوونا
يا يا با النقس
يا الانقليز الفونا
| |
|
|
|
|
|
|
|
|
|
Re: اركو مناوى...للدار در (Re: محى الدين ابكر سليمان)
|
الفاضل محي الدين
كيف احوالك
عساك بخير
ومنور الديار....ثاني....
Quote: ناسا قباح
من الغرب يوم جونا
جابوا التصفيه
من البيوت مرقونا
اولاد ناسا عزاز
متل الكلاب سوونا
يا يا با النقس
يا الانقليز الفونا |
اليوم قلت لي ناوي لناس ما ينوموا اظنك يا محي
الا تعرف انه ذكرى هذه المناظر تذهب بنوم البعض(هههههههه)!
| |
|
|
|
|
|
|
|
|
Re: اركو مناوى...للدار در (Re: محى الدين ابكر سليمان)
|
ومن ايجابيات ابوجا انها ادخلتكم معترك السياسه السودانيه الحقيقى, بخبثه ومؤامراته وتربيطاته العرقيه والجهويه, وكانت تمرينا مهما يعمل على تراكم خبرات ضروريه لقياده التغيير.
اتمنى يا اركو ان تكونوا استفدتم من فترة الانجمامه وسعيتم لصياغة برنامج يستوعب المختلفين فى اطار عسكرى سياسى موحد. ورغم صعوبة تحقق هذه الامنيه, الا انها صمام امان يجب ان تقدموا التنازلات الضروريه لترجمتها لواقع...
| |
|
|
|
|
|
|
|
|
|
Re: اركو مناوى...للدار در (Re: محى الدين ابكر سليمان)
|
بالتأكيد يا اركو تكون قابلت السياسيين من "قدماءنا", وسمعت منهم حتى تهيج"المصران العصبى" من كثرة كلامهم واوهامهم, واجزم ان المكنى "ابو كلام" اسهب فى الكلام حتى جحظت عيناك وشارفت على الهلاك.
انهم يا اركو ليست لهم الرغبه فى اى تغيير جذرى حتى لا تاتوا بقبحكم المذكور فى الابيات اعلاه...
عليه...تجاوزهم واتجه لرفاقك القدامى بقلب وعقل مفتوحين, ودع "اجدادنا القدماء" فى خرفهم يتخبطون.
| |
|
|
|
|
|
|
|
|
|
Re: اركو مناوى...للدار در (Re: محى الدين ابكر سليمان)
|
تاكد لك تماما يا اركو انكم خارج اى معادله للحكم او المشاركه فيه بنديه, فهولاء الناس من عينة"أدى الحله وصا, وادى النقاره عصا".
حتى نحن مناضلى الضل البارد ادركنا ذلك, مجرد ديكور يعطى القوى السياسيه مسحه قوميه. وفى الحته دى يا اركو المكنى "ابو كلام" اكثر صدقا مع نفسه وجماهيره, ولم يكثر الكلام, بل "لماها" لعياله وآله وقعد فى تلتها يمسح دقنه ذات الحناء.
اها نزل كم كيلو من سحت قصر"العالمه"؟ اوعك تطنطن من تكرار "ام بلت", لانو لو كترت "الكول" حينسحب من قائمة التحابيش.
بعدين "الحجبات" الفى ضراعات الشباب ديل شوف ليها حل, منظرها جربان خالص.
| |
|
|
|
|
|
|
|
|
|
Re: اركو مناوى...للدار در (Re: محى الدين ابكر سليمان)
|
| Quote: زي ما قال محمود عب عزيز |
في شنو البناديني منو ؟
غايتو يا محي الدين مافي زول بضيعك غير اختك المنبتة دي
بعدين بطل تدليس يا أخي
محمود عب عزيز قال
ياحلو بانت لبتك ... لمن دابت قشرتك
ودا نفس المثل انطبق عليك انت بالذات
قلت لي قاعد مع الناس تتونس وتاكل في بيوتهم وتخاويهم تمرق منهم تقعد تنبز في جدودهم وتطعن في اصولهم عليك الله النفاق دا إلا نجي نخت ليه علامة نفاق ونولع فيه اللمبة ولا نسوي شنو
بعدين انت مالك ومال ناس محمود عب عزيز وناس هيلاسلاسي وزيناوي وافورقي ديل انت ما عندك بيهم شغلة ديل كومنا خليك مع ناس مناوي وديبي واشباههم
| |
|
|
|
|
|
|
|
|
|
Re: اركو مناوى...للدار در (Re: عبدالعزيز حسين عبدالرحيم)
|
مافى حاجه اقولها ليك يا عب عزيز غير انك مثير للغثيان.
لكن ثق تماما ان كل كلمه بتتقال هنا من التحالف الفاشيستى النوبى العباسى بتتقرى وتتهضم, ولا يغرنك صمت الخائفين واصحاب المصالح واكلى الجيف. العنصريه لا تدك عروشها الا عنصريه, ولو داير تسمعها منى بقولها تانى:
اى زول خلقتو زى العتبانى ولا الطيب مصطفى ولا حمدى يشوف ليهو البانيا تلموا, طال الزمن او قصر يا ترحلوا يا تبقوا سودانيين. وما ينفع تمسحكم بالعباس وود اخوه, دى قصه انت عارف انها فارغه قبلى.
بعدين الحبش والمصاروه ديل ما نازعتك قرابتهم, طليانى على تركى على انكشاريه كلو بتنجان.
وقع ليك يا حفيد الما بيلد؟
| |
|
|
|
|
|
|
|
|
|
Re: اركو مناوى...للدار در (Re: عمار عوض)
|
| Quote: تجاوزهم واتجه لرفاقك القدامى بقلب وعقل مفتوحين, ودع "اجدادنا القدماء" فى خرفهم يتخبطون. |
سلامات يا ود ابا و ان شاء الله تكون بخير
غايتو زولنا ده كان سمع منك السطر ده و بس عمل بيهو كوصية بنكون مشينا خطوة للامام
| |
|
|
|
|
|
|
|
|
|
Re: اركو مناوى...للدار در (Re: عمار عوض)
|
عمار عوض يا معلمى
شكرا للرابط الذى يؤكد ان ابناء ابا قابضين على الحقوق, وصدقنى ده موضوع كبير...جبنا سيرتو فى المنبر ده لكن زول هببوا ليهم مافى. قفا كانت معاش كثيرين من اهل ابا, التهمتها عسلايه كما التهمت كنانه الحله الجديده, دون اى تعويض يذكر, وهسع مصير ابوعريف ما معروف!
ده كلو ياعمار ياخوى مرتبط باركو وصحبه من الثوار, نرجع لبلدنا ونسيب ليهم البتاع بما حمل, كرهنا وضعنا كاولاد بطه سوداء!
| |
|
|
|
|
|
|
|
|
|
Re: اركو مناوى...للدار در (Re: محى الدين ابكر سليمان)
|
يا محي الدين
Quote: لكن ثق تماما ان كل كلمه بتتقال هنا من التحالف الفاشيستى النوبى العباسى بتتقرى وتتهضم, ولا يغرنك صمت الخائفين واصحاب المصالح واكلى الجيف. العنصريه لا تدك عروشها الا عنصريه, ولو داير تسمعها منى بقولها تانى:
اى زول خلقتو زى العتبانى ولا الطيب مصطفى ولا حمدى يشوف ليهو البانيا تلموا, طال الزمن او قصر يا ترحلوا يا تبقوا سودانيين. وما ينفع تمسحكم بالعباس وود اخوه, دى قصه انت عارف انها فارغه قبلى.
بعدين الحبش والمصاروه ديل ما نازعتك قرابتهم, طليانى على تركى على انكشاريه كلو بتنجان.
وقع ليك يا حفيد الما بيلد؟ |
أنت زول داقس عشان كدا دجلك فاشل هسع يوم داك احفاد الما بيلد دا وناس التحالف الفاشيستي النوبي العباسي ديل ماقلت براك انك قاعد تاكل عندهم وتلبس هدومهم وتخاويهم هسع الليله بتشتم فيهم
بعدين تعال الببقيهم سودانين منو ؟
أنت وأشباهك عاوزين تبقوهم سودانين 
يا أخي بالغت لكن فيها وأنتو متين بقيتو سودانين ؟
هسع مناوي دا متين بقى سوداني حرام عليكم
هاك جرعة تغيظك شوية
بعدين أمشي اتفرج على أثار حضارة خيلانهم النوبة وكان ما داير امشي المتحف القومي بوروك وكان قاعد في مصر بتلقاهم برضه
وليه تمشي زاته هسع في دارفورك دي عاين اولاد عمهم اولاد عطية وتاريخهم في دارفور زاتها والضماها للسودان منو
سبحان الله بعد دا كله يجي محي الدين ابكر سليمان يكورك لي مناوي عاوزين يبقونا سودانين
بالله دارفور ضمت للسودان متين والضماها منو ؟
| |
|
|
|
|
|
|
|
|
|
Re: اركو مناوى...للدار در (Re: عبدالعزيز حسين عبدالرحيم)
|
عب عزيز
انا ما فاتح البوست عشان احاورك, لانك بصراحه "مش ولابد".وعارف انو الفهم قسم.
على العموم لو انا ما سودانى انت برضو اجنبى باعترافك, وبمزاعمك العاوز تمررها عشان تمسك بتلابيب السلطه...بنوعيها, لكن ده كان زمان. افرنقع واوعك تقول النوبيين خيلانك, لانها بتدى ايحاء مش لطيف, وقد يلوث الدم المزرق فى جتتك, جاتك داهيه فى نافوخك.
| |
|
|
|
|
|
|
|
|
|
Re: اركو مناوى...للدار در (Re: محى الدين ابكر سليمان)
|
الاخ اركو
دعنى اولا اهنئ الذين استضافونى عقدا من الزمان بموجب العهود الدوليه بثورتهم, رغم تحفظاتى عليها وعليهم.
ارجو الا تنكص عن علمانيتك, تدفعك الانتهازيه لتملق اهلك الموسومين دجلا باهل القران, فالقران كتاب مقدس ليس له اهل ولا اقارب. ذيعت هذه الاكذوبه لتغازل الولع الانسانى بالمديح, لكنها تبطن تدجينكم وحشركم فى الخلاوى, لتخلو لهم الجامعات ومراكز البحث, وان دخلتم الجامعات, فما انتم الا قطيع للترابى ونسيبه, ولم تشفع لاهلك قرابتهم المزعومه بالقران, فقد اهلكوا حرقا والان جوعا وتشرد.
فاحذر احابيلهم وانعصر على رفاقك, فلن تخسروا اكثر مما خسرتم.
| |
|
|
|
|
|
|
| |
Tragie Mustafa
ياسر احمد محمود
عمار عوض
Mahjob Abdalla
Balla Musa
doma
فيس بوك
تويتر
انستقرام
يوتيوب
بنتيريست