|
|
 سقوط أسطوره محمد فرح وفرانكلي ومياده كمال ووهبه وآخرون
|
إستناداً على بوست أخونا محمد الحاج
(لا تتداخلوا في بوستات الآتية أسماؤهم:- )
ورد إسم العبد لله في المرتبه الثانيه بعد إسم الكوز الكبير ورجل الأمن القوي علاء الدين
متقدماً في التصنيف العالمي للكوزنه على أسماء بارزه
أتت في مراتب متأخره
أمثال
محمد فرح الذي جاء ثالثاً وفرانكلي الذي تراجع تراجع كبير في تصنيف الفيفا الجديد
وبهذه المناسبه الفخيمه يسرني أن أدعوكم لللخروج في مظاهره أنوي تنظيمها يوم الخميس
تحت شعار
يا كيزان يا كيزان ... أنصار الشامبيون في الميدان
|
|
 
|
|
|
|
|
|
|
|
Re: سقوط أسطوره محمد فرح وفرانكلي ومياده كمال ووهبه وآخرون (Re: محمد يوسف الزين)
|
ودالزين
حسب مقايس ريختر بتاع الزملاء المناضلين ديل
فالعبد الفقير لرحمه مولاه
إستطاع أن يزيح جقور كبيره جداً من مناصبها القياديه
يأخي إتخيل لسته لمناصير النظام مافيها ودالباوقه
والله المفروض ود الباوقه يرفع على سيد البوست داك قضيه إشانه سمعه
ولاحظ تمبس بكل جلاله قدره ما موجود في الخمس الأوئل
تمبس الحسب التصنيفات البائسه الهنا عقيد أمن ولا لواء ما عارف
وعمك بدرالدين برضو شايف إسمه مافي
وفدياس
بتاع هلال مريخ والشامبيون وشركه تساهيل يجي في المرتبه التانيه
آها يا ناس النظام
عندي شويه طلبات وزي ما شايفين سمعتي الخايف عليها إتجرحت
ومادام الزول بيقي كوز وربما جردل
( إنتو كوز دي جاي من وين ) جادي والله
أقول بما إنه ثبت بما لا يدع مجال للشك عمالتنا للنظام القائم
فنرجو من أهل النظام أن يشمولنا برعايتهم الكريمه
وما يطلعونا ( م . ن )
| |
|
|
|
|
|
|
|
|
|
Re: سقوط أسطوره محمد فرح وفرانكلي ومياده كمال ووهبه وآخرون (Re: وليد محمد المبارك)
|
يا فدياس شنو شغل الوساطات والمحسوبية دا؟
يعني ما تمّ على تعيينك كم يوم يرقوك ويطلعوك فوقنا كمان
ماهيتك بقت كم؟
كدي نمشي نشوف حسابنا في البنك ما يكونوا نقصو الماهية كمان
تبقى علينا اتنين رقوا برلوم فوقنا ونقصوا لينا المصروف
الشافني بقيت مناضل كيبورد بعد داك ما يستغرب
سؤال كدا بالجنبة أنا اتعينت متين؟
عشان نطالب بحقوقنا كاملة عند المغادرة
يا وليد ما تشوف لينا وساطة نطلع فوق شوية
قالوا كنت واصل شديد ولهسّع عندك معارف
لكن سمعنا تحت تحت نزلوك المعاش من بدري نسبة لمواقفك الرمادية
أنا غايتو قبل ما ينزلوني معاش ح اتقدّم طوعاً لمناضلي الكيبوردات كشهيد اسفيري
على الأقل الواحد ينضف سيرته الإسفيرية شوية
| |
|
|
|
|
|
|
|
|
Re: سقوط أسطوره محمد فرح وفرانكلي ومياده كمال ووهبه وآخرون (Re: وليد محمد المبارك)
|
ودالمبارك
عارف صكوك الغفران وصكوك العماله المجانيه البتوزع هنا ...تحير الزول زاتو
في التاريخ القريب
العبد لله خاض معركه ضد دكتور سجيمان مناصراً للفاتح جبرا
من الإسلحه الإستخدمناها في تلك المعركه
سلاح محاربه أهل النظام لجبرا
هنا الناس لا يتذكرون مع الاسف الشديد
إما أن تركب الموجه أو تصنف
والعبد لله
لا يقاد كالقطيع
للإنقاذ ألف مسلب ومسلب لكن لها بعض الإشراقات
كما غن البديل لا يساعد على التفاعل معه
لك إن تتخيل إن جبهه قد تكونت قبل أشهر لمناهضه النظام
نفس هذه الجبهه الآن بدأت في الإنشطار الأميبي
قول يا لطيف
وعزف على هذا الوتر المناضل الكبيرهشام هباني في بوست كامل الدسم
| |
|
|
|
|
|
|
|
|
|
Re: سقوط أسطوره محمد فرح وفرانكلي ومياده كمال ووهبه وآخرون (Re: محمد فرح)
|
مرحباً بالقيادات البائده
محمد فرح وفرانكلي
طبعاً يا حجاج الثوره بقت بتاعت شباب
والشباب لازم يقابلهم في الجانب الآخر شباب
عشان لغه التفاهم المشتركه
فعليه العبد لله راح يتفاوض ليكم مع الشباب الثوار ديل
ناس هباني ومصطفى محمود ومن لف لفهم من المناضلين والمناضلات
وإنتو أجروا في المعاش بتاعكم
(غايتو الأونلاين ده صحي عالم عجيب)
| |
|
|
|
|
|
|
|
|
|
Re: سقوط أسطوره محمد فرح وفرانكلي ومياده كمال ووهبه وآخرون (Re: فدياس نجم الدين)
|
بُناءاً على الصّلاحيّات الممنوحة لنا و التّفويض المِنْبري الذي حُزْناه
و بصفتي القائد الأعلى لمليشيات النِّظام و قائد وحدات الجِّهاد الإلكتروني ضِد قادة النِّضال الكرتوني
فقد عينّا السيِّد/فِدْياس نجم الدّين
برُتْبة لواء رُكْن و قائداً ميدانياً لإقليم سودانيز أونلاين دوت كوم
ولعى كُل القادة و الأفراد بالوحدات الإلتزام بذلك و التّنفيذ
يبدأ العمل بهذا الفرمان من تأريخه
صدر تحت توقيعي
المُشير أمن إلكتروني/علاء الدّين يوسف علي مُحمّد
| |
|
|
|
|
|
|
|
|
|
Re: سقوط أسطوره محمد فرح وفرانكلي ومياده كمال ووهبه وآخرون (Re: علاء الدين يوسف علي محمد)
|
Quote: فقد عينّا السيِّد/فِدْياس نجم الدّين
برُتْبة لواء رُكْن و قائداً ميدانياً لإقليم سودانيز أونلاين دوت كوم
ولعى كُل القادة و الأفراد بالوحدات الإلتزام بذلك و التّنفيذ
يبدأ العمل بهذا الفرمان من تأريخه |
يا سعادتو علاء الدين
الحنك البيش المافيهو كنجالات ما بيقسم مع فدياس
فمادام الزول سمعته بقت على المحك
فأقله نطلع بحاجه من المودوع ده
متذكر مره الجماعه ديل قالوا علاء الدين ضارب ليهو ملايين الدولارات
عليك النبي كان ما شفت لي عضه معاكم
وسلم لي على النضال الكيبوردي يا جدع
| |
|
|
|
|
|
|
| |
فدياس نجم الدين
محمد يوسف الزين
وليد محمد المبارك
Frankly
محمد فرح
فيس بوك
تويتر
انستقرام
يوتيوب
بنتيريست