الشباب السودانى بامريكا يسيروا مظاهرة الى السفارة السودانية بواشنطن

Quote: عليش القصة مدروسة وبأهلها محروسة

Quote: ما تيأس ..

Quote: يا عليش سلام شكرا على الفكره بس لى الاستعجال ناس كتيره ما عارفن عن المسيره الترتيب التجهيز والتنسيق مهم من اجل عمل منظم يليق بالشعب السودانى فى واشنطن ومن اجل وطن واحد وقضيه احده

(عدل بواسطة ABDALLAH ABDALLAH on 01-31-2011, 02:24 PM)

Quote: لا تشتم الشرفاء .. و لا ترفع بوستات الكيزان البورد في حالة استنفار الايام دي .. بكل عزيز لديك .. وكل فجر عزيز تنتظر بزوغ شمسه .. ما تتبظ عينك باصبعك .. دعك من العود الذي في عين اخيك الآن .. سد الفرقة .. خليك مسؤول ( العمل في حد ذاته مسؤولية ) .. ايها الشرفاء نحن لا نشكك في صدقكم .. ولكن بعض الحديث يثبط من الهمم .. ربما دون قصد تجرج كلماتك فتفسد اكثر مما تساعد في دفع العجلة الى الامام .. لو عايز تدردش شوف مكان تاني .. ولو محبط اتصل بصديق .. عليكم الله اخدو امر الكتابة في البورد اليومين دي ماخذ الجد .. ما عايزين احباط .. ما عايزين تشكيك في النوايا .. من الآن فصاعدا كل الشرفاء نواياهم حسنة غصبا عنك .. ادونا شهر بس من التعبئة والكتابة المسؤولة نديكم وطن حر .. انا كفيناك المستهزئين .. اقراها لما نفسك تحدثك بالرد على صبيان الانقاذ .. ما ترد على بوستاتهم .. لو دخلوا هنا ورفعوا بوستاتنا مشكورين وربنا يرفع صوت غضبه عليهم كمان وكمان .. الناس صبرت على المرض دا واحد وعشرين سنة .. ما قادرين نصبر على بعض شهر واحد !!! ما تيأس .. اهم حاجة ما تيأس .. حتجي ايام تتساقط اقلام من اقلام الشرفاء .. زي ما بيحدث في شارع المين لما الشباب يتساقطوا .. عليك بنفسك ابحث عن قصورها وخلي عثرات الناس .. الوضع لن يكون طبيعي هنا ولا هناك .. ان يمسسك قرح فقد مس الكيزان قرح مثله .. ما تخلي ليهم امر الدين كانهم ظل الله في الارض .. كذابين تجار دين .. جهلة شيء اخير تذكر ان الانتفاضة المصرية اخدت اسبوع كامل تستعد .. ثم اسبوع تنفذ .. قناة الجزيرة كاذبة تقول ان عمر الانتفاضة اسبوع .. هذا كذب .. الجزيرة كانت مشغولة بعودة زعماء الكيزان لتونس .. الانتفاضة المصرية بدأت بـ 250 شخص .. انحنا وفي اليوم الاول لما قلنا يا فتاح خرج من كلية الطب فقط 500 شخص! فاهمني ؟ قناة الجزيرة بتاعت كيزان وعاملين فيها ما سامعين لكن صدقني صوتنا فايت اضانهم .. خلونا نستعد في الاسبوع الاول والاسبوع الثاني نقول يا مهال وتشوف الكاميرات تتجارى و الكيزان تتضارى!