|
خبر عاجل من استعلامات المطار
|
تنوه استعلامات المطار بان الطائره التونسيه قد اقلعت وان الطائره المصريه ستقلع بعد قليل وبدات اجراات الوزن لكل من الاردنية واليمنية والسورية وغدا ستقلع الطائره السودانية ونرجو الحرص مبكرا على الحضور
|
|
|
|
|
|
|
|
Re: خبر عاجل من استعلامات المطار (Re: محمد عادل)
|
لووووووولز محمد عادل انا قلت ناس المطار قفلوا من هسة
مقدمة ظريفة والله الناس ديل اي بوست بجهجه حياتهم
بالتوفيق إن شاء الله ليوم غد وكل يوم الا ان ننتصر على الظالم المجرم خلوا بالكم من المندسين وسطكم من الامنجية زي ما مندسين وسطنا هنا في البورد حايجيكوم الجبناء بي الخلف لانهم ما بعرفوا يواجهوا عشان يغدروا بيكم ما ترحموهم ولا تأخذكم بهم رأفة لانهم لا بعرفوا الرحمه ولا حا يرحموكم امشوا في مجموعات كبيرة امشوا في الاحياء حاولا اتفادو الشوارع الاتجاه واحد والكباري الكبيرة لانه لو قفلوها حايورطوكم الليلة هم ما حاينوموا الخوف ماليهم ولانهم خايفين ما حايقدروا يتصرفوا خليكم انتو الاكثر ذكاء ربنا يوفقكم دعواتنا وقلوبنا معاكم تبدأ بكرة المظاهرة وما تقيف الا يغوروا المجارمة في ستين الف داهية
| |
|
|
|
|
|
|
Re: خبر عاجل من استعلامات المطار (Re: محمد عادل)
|
Quote: لووووووولز محمد عادل انا قلت ناس المطار قفلوا من هسة
مقدمة ظريفة والله الناس ديل اي بوست بجهجه حياتهم
بالتوفيق إن شاء الله ليوم غد وكل يوم الا ان ننتصر على الظالم المجرم خلوا بالكم من المندسين وسطكم من الامنجية زي ما مندسين وسطنا هنا في البورد حايجيكوم الجبناء بي الخلف لانهم ما بعرفوا يواجهوا عشان يغدروا بيكم ما ترحموهم ولا تأخذكم بهم رأفة لانهم لا بعرفوا الرحمه ولا حا يرحموكم امشوا في مجموعات كبيرة امشوا في الاحياء حاولا اتفادو الشوارع الاتجاه واحد والكباري الكبيرة لانه لو قفلوها حايورطوكم الليلة هم ما حاينوموا الخوف ماليهم ولانهم خايفين ما حايقدروا يتصرفوا خليكم انتو الاكثر ذكاء ربنا يوفقكم دعواتنا وقلوبنا معاكم تبدأ بكرة المظاهرة وما تقيف الا يغوروا المجارمة في ستين الف داهية |
تسلم يا حبيب ولى قدااااااااااااااااااام
| |
|
|
|
|
|
|
Re: خبر عاجل من استعلامات المطار (Re: Omer Mustafa)
|
Quote: وصايا مهمة:
1 ) يفضل ان يحمل كل شخص زجاجة مياه غازية بدون سكر بالعدم يمكن سفن اب اوبيبسى او اى مياه غازية اخرى عبوة بلاستيك حتى لاتكون خطرة على الشخص اذا سقط . فى حالة اطلاق بنمبان بلل اى قطعه قطنيه بالمياه الغازية وضعها على العين فهى انجع من القطره. 2 ) ان يلبس الشخص اولاد او بنات حذاء ايا كان نوعه و الكعوب العادية او الواطية الشباشب والسفنجات نكون متعبه وكذلك الكعوب العاليه غير عمليه اذا كان ليس من السفنجه بد الرجاء عمل سير خلفى بلاستك او قماش يكون متين ومريح يعنى تقلب السفنجه شبط،بناطلين الجنز عمليه 3 ) كل شخص يحمل معه منديل بشكير او اى قطعه قماش قطنى والبنات الطرحه او الايشارب يكون قطنى لانها تحتفظ بالمياه. 4 ) ساعد اخاك بلل له قطعته او فنيلته الداخليه اذا لم يكن يحمل مياه غازية. عند الضرورة 5 )باقى التعليمات فى الميدان يجب ان يبتعد الاخوان والاخوات عن ارتداء القمصان والبلوزات صارخة الالوان حتى لا يصبح هدفا احرصو ان يكون القميص او التى شيرت بيج ومشتقاته او البلو الفاتح
| |
|
|
|
|
|
|
Re: خبر عاجل من استعلامات المطار (Re: عبير خيرى)
|
يحيا نضال الشعب الاوسطي.....أهديكم كلمات شاعرنا الجميل حميد: أخفيكي ولاَّ أوضحك ؟ أخفيكي في لغة الوضوح مابين حبيبين يوت سوى بينات مسامات الوله وإنزيم شعيرات الهوى في الفيكي في سر المطر بين لهفة الطين والروى نية الرحيق طلق الشجر ساعة خلاص شيلو إستوى أدهشني فيكي المحتوى أجهشني كيف خاويتي بين برد الصحاري وبين هجير الإستواء وكيفن أريجك كالرؤى فاج .. يتنقل عكس الهواء ؟؟ ؟؟ ؟؟ يا بت عشان ريقة وطن تنفكَّ كم باتت قوى ما ضاعت الآلام سدىً وآمالنا ما شاله الهوا لا بدَّ يجمعنا الزمن .. ما هو اللي فرَّقنا وإذن :- لابدَّ وإن طال النوى ترحل صهاديب المحن ينبض على القلبين مكن طيَّب خلانا الإنمكن تضحك عتاميرو البكن يخضر حشاها الإنشوى ... ... ...
| |
|
|
|
|
|
|
Re: خبر عاجل من استعلامات المطار (Re: إخلاص محمد أحمد)
|
هبة غضبة الشعب السوداني معروفة لجميع الطغاة ..
أتمنى أن تتحرك كل المدن والفيافي السودانية في وقت واحد ..
وأن يتجه الجميع نحو العاصمة لإزالة وإقتلاع الطغمة الحاكمة من الجذور ..
أتمنى أن يعيد التأريخ نفسه اليوم .. ويحدث نفس سيناريو أكتوبر 1964 ..
وأعملوا بوصايا الحبية أسماء الجنيد ..
Quote: خلوا بالكم من المندسين وسطكم من الامنجية زي ما مندسين وسطنا هنا في البورد حايجيكوم الجبناء بي الخلف لانهم ما بعرفوا يواجهوا عشان يغدروا بيكم ما ترحموهم ولا تأخذكم بهم رأفة لانهم لا بعرفوا الرحمه ولا حا يرحموكم امشوا في مجموعات كبيرة امشوا في الاحياء حاولا اتفادو الشوارع الاتجاه واحد والكباري الكبيرة لانه لو قفلوها حايورطوكم
|
ولتكن ثورة حتى النصر بإذن الله ..
شكراً محمد عادل .. والنصر حليفكم بإذن الله ..
| |
|
|
|
|
|
|
Re: خبر عاجل من استعلامات المطار (Re: محمد عادل)
|
Quote: تنوه استعلامات المطار بان الطائره التونسيه قد اقلعت وان الطائره المصريه ستقلع بعد قليل وبدات اجراات الوزن لكل من الاردنية واليمنية والسورية وغدا ستقلع الطائره السودانية ونرجو الحرص مبكرا على الحضور |
و انت الصادق!
السودانية ألغيت لعدم وجود ركاب!!!
| |
|
|
|
|
|
|
Re: خبر عاجل من استعلامات المطار (Re: رشا سالم)
|
مساجينك ،،، مساجينك ،،، مساجينك تغرد في زنازينك عصافيراً مجرّحه بى سكاكينك نغنى ،،، ونحن فى أسرك وترجف ،،، وانت فى قصرك سماواتك دخاخينك مساجينك ،،، مساجينك ،،، مساجينك برغمك نحن مازلنا بنكبر بى زلازلنا بنعشق فى سلاسلنا وبنسخر ،،، من زنازينك مساجينك ،،، مساجينك ،،، مساجينك حكايات الهوى الأول ،،، بنحكيها بدايات الغُنا الطول ،،، نغنيها حقيقة وليس تتأول حتخجل من عناوينك مساجينك ،،، مساجينك ،،، مساجينك للسودان عواطفنا وبالسودان مواقفنا ولّما تهب عواصفنا ما حيلة قوانينك؟ مساجينك ،،، مساجينك ،،، مساجينك
| |
|
|
|
|
|
|
|