|
|
 بالنسبة لمظاهرات 30 يناير..ما طالع!
|
أسكن الخرطوم وانظر الى شارع القصـر الذي ذكرتوه من أعلى شرفة مكتبي!
وأقول: لا يحق لمعارض من أوروبا وامريكا أن يطلب منا أن نتظاهر،
البرادعي جاء من منزله في أوروبا وصلى صلاة الجماعة في قلب المظاهرة!
لن أخرج من أجل استجداء معارض يكره حكومة الكيزان، أو من اجل السيد الصادق أو شيخ الترابي!
اذا كنا سنتظاهر فلسنا مقلدين للتوانسة والمصريين، ولكن ستكون بملئ ارادتنا ان شاء الله..ومن اجل مطالبنا
اذا كانت الشعوب العربية (لسنا عرباً!!!!!!!! أم نحن عرب؟)، الافارقة التوانسة والمصريين.. شباب خرج من أجل اسقاط انظمتهم لأنهم سأموا البطالة والغلاء والفقر والفساد وقوانين الطوارئ وشبهات التوريث..فأنا حينما أقرأ دعوة واستجداء بعض اعضاء سودانيز أون لاين لكي يخرج الشارع..فانني لم أحس بهذا!
واخشى أن يطفئوا غضبي على الحكومة! أخشى هذا
انضم للأخ أساسي في هذا السؤال:
من هم أعضاء الحكومة الانتقالية ما بعد سقوط حزب البشير؟!
|
|
 
|
|
|
|
|
|
|
|
Re: بالنسبة لمظاهرات 30 يناير..ما طالع! (Re: محمد يوسف الزين)
|
لامكان للمتخاذليين ... شباب كردفان في الميدان.
بيان من شباب اقليم كردفان
يدعو شباب اقليم كردفان البطل جميع شباب اقاليم السودان بالمشاركة في المسيرات والتظاهر السلمي الاحتجاجي بالمطالبة باسقاط النظام وتحقيق التغير الديمقراطي بالطرق السلمية.
ان المتابع للاحداث خلال العقدين الماضيين يجد ويلاحظ انهيار السودان والانقياد وراء مجموعة لا تعرف غير مصالح أنفسها واتباعها وحزبها والكل يعلم بان حزب المؤتمر الوطني حزب عنصر حزب شمولي دكتاتوري لكننا لقد وضعنا كل الترتيبات لازمة من اجل الاطاحة به ومحاسبتهم محاسبة عسيرة.
لقد وضعنا خطة متكاملة للتظاهر وفقا للاتي :
1- ان يخرج جميع الشعب السوداني في المدن والأحياء والقرى والريف في لحظة واحدة حتى لا تستطيع الأجهزة الأمنية مكافحة المتظاهرين.
2- ان يلوح المتظاهرون بعلم السودان.
3- رفع الشعارات والمطالب الخاصة بالمتظاهرين.
4- عدم ممارسة أي سلوكيات تغير معنى التظاهر.
5- الامتناع عن مظاهر التخريب.
6- منع المندسين والذين يسعون لإفشال التظاهرات.
7- عدم الانصياع لتهديدات الحكومة.
كما ندعوا جميع أبناء القوات المسلحة ان تمارس دورها المشهود والمعروف تاريخيا بانحيازها للشعب وحمايته من الارهابين والمجرمين القتلة وتحقيق النصر بين قوات الشعب المسلحة وشعبها الأعزل
كما نحذر الحكومة من قمع المتظاهرين والمحتجين ولا سوف تكون هناك عواقب وخيمة يتحمل تبعاتها النظام المجرم الملاحق دوليا .
عاش نضال الشعب السوداني
ولا نامت اعين الجبناء
شباب كردفان
| |
|
|
|
|
|
|
|
|
Re: بالنسبة لمظاهرات 30 يناير..ما طالع! (Re: احمد محمد بشير)
|
الشجرة أم سوسه الشعب بدوسه ...
لا احزاب ولا كيزان ثار اليوم شعب السودان
لا غلاء ولا فساد .. يا سودان أكتوبر عاد ...
لمتين لمتين وبلدنا بقت بلدين
احد احد .... احد احد..... تبت يد الظالم وتب... .
...يابوليس ماهيتك كم ورطل السكر بقي بي كم
لا لا للغلاء خبزا خبزا للفقراء
يا سوداني بطل تمشي جنب الحيط .. لأن سكوتك ما حيفيد
| |
|
|
|
|
|
|
|
|
 Re: بالنسبة لمظاهرات 30 يناير..ما طالع! (Re: محمد عادل)
|
Quote: الشجرة أم سوسه الشعب بدوسه ...
لا احزاب ولا كيزان ثار اليوم شعب السودان
لا غلاء ولا فساد .. يا سودان أكتوبر عاد ...
لمتين لمتين وبلدنا بقت بلدين
احد احد .... احد احد..... تبت يد الظالم وتب... .
...يابوليس ماهيتك كم ورطل السكر بقي بي كم
لا لا للغلاء خبزا خبزا للفقراء
يا سوداني بطل تمشي جنب الحيط .. لأن سكوتك ما حيفيد |
ياسلام يا محمد عادل ياخ
بالمناسبة ياخ عندي صاحبي عندو مكتب بتاع طباعة في شارع الحرية هنا. شغلو واقف اليومين دي
لو ممكن اخليهو يعمل ليكم دسكاونت والراجل منها يسترزق.
تحياتنا وان شاءالله بكرة تنال الشهادة الطلبتها يوم داك وجلت
| |
|
|
|
|
|
|
|
|
|
Re: بالنسبة لمظاهرات 30 يناير..ما طالع! (Re: ياسر بيناوي)
|
| Quote: خلاس لغيناها عشان انت ما معانا |
ما ليكم حق والله يا ياسر، فالذين ينظرون لشارع القصر من خلال فتحات المجاري كانوا منتظرين وكده
الاخ محمد الزين
واصل في مشاهدة شارع القصر من اعلى شرفة مكتبك فالامر فعلا قد لا يعنيك، فقط رجاءا ان لا تنصح المتظاهرين باكل الجاتوه بدل
الرغيف تماما كما افتت ماري انطوانيت وهي تنظر للمتظاهرين من اعلى شرفه قصرها ايضا.
عزيزي، استميحك عذرا على لغة الاستهزاء التي استعملتها معك وهي نادرا ما استعملها، لكن يا اخي الكريم
اين المنطق في ان احدا ينصح الآخرين ويثبط همهم في الخروج الى الشارع؟؟ ما هذا الحق الذي استعملته؟؟
واي قانون هذا الذي يفرض عليك ان تنصحنا؟؟ هذه معركة بين افراد من الشعب وبين الحكومة، واي شخص لا دخل له بها يلزم
ماكنه بس ويتفرج على المعركة من شرفه مكتبه وللا من تلفزيونه.
فهمنا انك لا حكومة ولا معارضة، طيب، مشكلتنك مع منو بالضبط؟؟ ودا سؤال ما محتاج اجابة، لانك صرحت بان المشكلة في المعارضة
طيب المعارضة مفروض تبرر ليك كيف نزولها في الشارع او نومها في بيوتها؟؟
اسئلة كتيرة ممكن تحيرنا وتحيرك
| |
|
|
|
|
|
|
|
|
|
Re: بالنسبة لمظاهرات 30 يناير..ما طالع! (Re: أحمد ابن عوف)
|
سلامات يا زميل
Quote: عزيزي، استميحك عذرا على لغة الاستهزاء التي استعملتها معك وهي نادرا ما استعملها، لكن يا اخي الكريم
اين المنطق في ان احدا ينصح الآخرين ويثبط همهم في الخروج الى الشارع؟؟ ما هذا الحق الذي استعملته؟؟
واي قانون هذا الذي يفرض عليك ان تنصحنا؟؟ هذه معركة بين افراد من الشعب وبين الحكومة، واي شخص لا دخل له بها يلزم ماكنه بس ويتفرج على المعركة من شرفه مكتبه وللا من تلفزيونه.
|
الحق الذي استعملته هو حق حريات التعبير!
هل تنكرونه في هذا المنبر أم ماذا؟!
يا أخي..لم أنصح أحداً بألا يخرج! أين وجدت هذا في كلامي؟!
"ما طالع" كما قلت.. والباقين بجازهم ياخ..لهم دينهم ولي دين..انت قايل شنو؟!
| |
|
|
|
|
|
|
|
|
|
Re: بالنسبة لمظاهرات 30 يناير..ما طالع! (Re: ياسر بيناوي)
|
| Quote: خلاس لغيناها عشان انت ما معانا |
ايوااا جبت النجيضة يا بنيناوي
انت قايل المظاهرة حتقوم (الفعل عكس حتتلغي) عشان كم معارض كتبو من اوروبا انو نقوم مظاهرة؟!
يا اخوي ذاكر الشارع التونسي ومن بعده الشارع المصري. ما ظهرو ناس ايمن نور والبرادعي وغيرهم الا في اليوم التالت من المظاهرات.. حركة 6 ابريل المصرية والناس القومو الشارع جد جد هناك شباب ما عندهم تار مع الحكومة ولا عندهم رغبة في مناصب.
هههههههه
| |
|
|
|
|
|
|
|
|
|
Re: بالنسبة لمظاهرات 30 يناير..ما طالع! (Re: فايزودالقاضي)
|
يا ود القاضي يا زميل
رديت ليك رد طويل ما عارفو مشى وين! تكون الحكومة بدت في قطع الانترنت وخطوط الموبايل!
المهم الرد فيهو عرض مغري وانو تلفوني الختيتو في البوست وانو انا عازمك فطور قبل المظاهرة، ما تخاف ما بأخرك.
ومنها تضمن زاتو نجاح المظاهرة اذا انا طلعت فيها انا
يعني عصفورين بحجر واحد..فطور ونجاح مظاهرة 
| |
|
|
|
|
|
|
|
|
|
Re: بالنسبة لمظاهرات 30 يناير..ما طالع! (Re: محمد يوسف الزين)
|
أنتو الديموقراطية دي مجرّد كومبارس
وفي الحقيقة هو يمارس الديكتاتورية وفرض الرأي أو التخوين والتخذيل
زول بمحض إرادته قال ليكم ما طالع
ما قال للناس ما تطلعوا وحتى لو قال دا حقّو وما في زول يقدر يقول ليهو تلت التلاتة كم
العايز تطلع هداك الشارع
لكن ليس من الأخلاق أنّ الواحد يكون قاعد في خارج السودان يرتشف من كوب الشاي أو القهوة أو من المشروبات الباردة حلالها وحرامها
ويجي يخوّن إنسان في داخل السودان عشان عبّر عن رأييه بحرية
محمد يوسف الزين يرفض أن يقاتل بالوكالة لناس الضل البارد خارج السودان وفي دول المهجر
بعضهم حولهم أطفالهم وأزواجهم في أمن وسلام ومستقبل الأسرة مضمون ولن يؤثّر يهم أي تغيير في السودان إلى الأسواء ولن تصيبهم طلقات النيران ولا ضربات العصي ولا دخان البمبان
وصدق من قال "البحرّش ما بكاتل"
التحريش من خلف شاشات الكيبورد لا يمر إلا على السذج والبسطاء من الناس
وهذا ولى زمانه
فالشباب في السودان أوعى من أن ينقاد ونساق وراء أحلام الغير ورغباتهم وجعله كبش فداء رخيص لا يسوى لنيل أهدافها أي شيء ولن يجد منها غير التجاهل إن هم تحصّلوا على ما يريدون وسيضحكون كيف أنّهم استطاعوا استغفال السذج والبسطاء وكيف استغلوا موت أحدهم في نيل مكتسباتهم الآنية والشخصية
الحرية لــ محمد يوسف الزين
ولغيره
كل يعبر عن حقّه دون المساس بحقوق الأخرين
| |
|
|
|
|
|
|
|
|
|
Re: بالنسبة لمظاهرات 30 يناير..ما طالع! (Re: Frankly)
|
شكراً يا فرانكلي
حريات الرأي في سودانيز اون لاين المنبر العام معروفة يا زميل..
لو طالعين بكرة عشان الحريات يكونو بالغو!
أنا ممكن اطلع مظاهرة والله العظيم..
خليهم بس يثبتو لينا انو المظاهرة البكرة دي عشان الفساد والغلاء
وانا عربي جزيرة يا زول، والله لا بنخاف من عصاية ولا صوت والله
| |
|
|
|
|
|
|
|
|
|
Re: بالنسبة لمظاهرات 30 يناير..ما طالع! (Re: محمد يوسف الزين)
|
أخي محمد يوسف الزين
سلامات
Quote: من هم أعضاء الحكومة الانتقالية ما بعد سقوط حزب البشير؟!
|
أنا أحسن بك الظن ولن أقول بأنك ما أردت من سؤالك إلا التخذيل ، سأنظر إلى سؤالك الموازي لسؤال آخر عن من هو البديل ؟
هي أسئلة لا تنفرد وحدك ومن ذكرت بطرحها وأنا هنا لأرد عليك رداً بسيطاً إن كنت تسعى حقيقة ً لإجابة ..
غداً سنخرج للشوارع شاهرين هتافنا آملين أن يستجيب القدر كما أستجاب لا أقول لتونس ولا لمصر بل للسودانيين ذاتهم حينما إنتفضوا وسطروا بهتافـهم تارة
وبدماءهم تارة أخرى ملاحم ما زالت تردد في أدبياتنا وأخضعوا حكومات جارت عليهم فغابت سيرتهم إلى الأبد ..
سنخرج وفي عقيدتنا أن صاحب الجنة تلك حينما نظر لنفسه ولم ير سواها قال (وما أظن الساعة قائمة ) ..فقامت ساعته وأصبح يقلب كفيه على ما أنفق فيها ..
غداً نخرج لنقابل قابيل الذي تاه في الأنا كما تاه قبله صاحب الجنة وقد علمنا التاريخ ماذا حدث لكل من كانت جيناته تحمل (الأنا) ،
علّمنا أنهم قد أخدوا أخذ عزيز مقتدر ليبقوا لسلفهم آية ، غداً سينضم من سامونا العذاب لذاك السلف .. وسيأتي ذكرهم (كمثال ) ايضاً لكل من سيحدثه صوت
(الأنا) فيه أن الكون يدور على محوره .. فقط ..
بمشيئة من ركز الارض معبد وسوى الفاس عليها مقام ، سيقوم جيلٌ جديد ستراه من شرفة مكتبك بتغيير هذا النظام وبإستبداله بآخر سيقول بشخوصه ذات الجيل ،
ليس هذا فحسب بل سيكون هذا الجيل هو الحرس الجديد لدولة تحترم إنسان شعبها وتقيم عليه ما حلمنا به من دولة المؤسسات .
لا يهمني من سيأتي كرئيس حتى لو كنت أنت يا محمد ، فقط إعلم أن من سيقوموا بفرض الواقع الجديد ، سيكونون أحرص على دوامه وعدم العبث بما قدموه لهذا الوطن .
إنظر إلى تونس أخي محمد ، لماذا لم يعود الناس أدراجهم إلى بيوتهم ..
إنهم يحرسون الثورة من أن يساء إليها ..
شباب السودان سيحرسون ثورتهم يا محمد ..
سيحرسونها..
فأنضم لهم أو ..شاهدهم من حيث ما كنت ..
هذا خيارك ..
أما هم ....
فإنهم آتون ..
| |
|
|
|
|
|
|
|
|
|
Re: بالنسبة لمظاهرات 30 يناير..ما طالع! (Re: السيد المسلمي)
|
تطلع روحك
يا متخاذل
ما تمرق مع الناس دي
يمكن تستشهد
بعدين نعمل ليك شارع بإسمك
ناس قاعد في الواق الواق عايزنا
نحن المساكين ديل نقيف ليهم أمام آله البطش الحكوميه
الليله لو جاء المناضلين ديل ومشوا قدامنا في المظاهره
تب ما بنتخلف منهم
لكن ما معقول الزولحريص على مرتبه وما قادر يغيب يوم وأحد من شغله
وبيعاين لحق التذكره والأخطار المحيطه بهذا التظاهر
وبيدفع الناس للمحرقه
وفي شنو ؟؟
شان
يرجع الصادق رئيس وزراء
والميرغني رئيس مجلس سياده
وخليل إبراهيم رئيس للجمعيه التاسيسه ( المجلس الوطني ) سابقاً
ونقد ربما أصبح وزير الأوقاف والشئون الدينيه ( فالزمن عجيب وغريب )
وعرمان
ولا أقول ليك عرمان خليهو
| |
|
|
|
|
|
|
|
|
|
Re: بالنسبة لمظاهرات 30 يناير..ما طالع! (Re: فدياس نجم الدين)
|
فدياس يا وهم
انت ما مقتنع بالمعارضة عشان كدا ما طالع؟!
طيب ياخ اديك سيناريو يشجعك شوية على انك تطلع!
قوووووووم يا كم سوداني اقرا سودانيز اون لاين واتخيل انو الناس ديل معاك سوا سوا وخاشين بزين وسوداني ام دي اس ال وكنار وانهم بكرة حتلقاهم اول ناس قاعدين في الشارع
اها الناس طلعت على كم تنظيم من معارضي الداخل القابضين على الجمر صحي صحي وما معارضين بالانترنت بس.
أهااا قام كم كوز كدا من النوع الكانو راكبين مواتر زمان ديل ولابسين بدل اشتراكية وشايلين شنطة تمكنا (ما تقول لي هسي راكبين شنو) المهم قامو قالو نحن زاتنا نعمل استنفار لعضوياتنا الطلابية على كم عواطلي من النوع القاعد لسة في الدفاع الشعبي جمب المغتربين على كم منظمة بتاعت شباب الوطن على كم عضوية في سوداتل على سوداني الخ.. وقالو ياخ ما نطلع نعمل مظاهرة مضادة، ونخلي الجماعة ديلك يمشو بشارع القصر ونحن بشارع الحرية..
الغريبة انو البواليس ناس النجدة والعمليات اللابسين مرقع ديلك ومعاهم البركبو نفس عرباتهم وما لابسين مرقع والاسمهم شنو كدا الامن، والاحتياطي المركزي العندهم العربات المصفحة على الامنجية البركبو التاتشرات ديلك، اها ديل قامو عملو نايمين وما قمعو اي مظاهرة،
اها قوم واحد شليق كدا من النوع الشايلين يافطات ودخل الجماعة ديل على شارع الحرية.. الكيزان طبعن معفـنين احتمال يكونو جايبين معاهم دفار بتاع سيخ، اها في الساعة ديك يا وهم انت حتكون فوت فرصة عمرك. لأنو الطوب والحجار في السودان اكتر من السيخ. اليومين دي زاتو السيخ غالي
| |
|
|
|
|
|
|
|
|
|
Re: بالنسبة لمظاهرات 30 يناير..ما طالع! (Re: السيد المسلمي)
|
-الحق الذي استعملته هو حق حريات التعبير!
هل تنكرونه في هذا المنبر أم ماذا؟!
ابدا ياخي، حقك مكفول للتعبير، بس الوضوح برضو مهم، يعني كان عناونك يكون
انا ضد المظاهرة يوم 30 يناير
لانو تعبير انا ما طالع دا ما عنده تمن وللا بتعريفة، حيث لا يهمنا انك كنت طالع او طالع
يعني لو جاء زول وقال يا اخوانا انا طالع بكره برضو ما بهمنا خالص
-يا أخي..لم أنصح أحداً بألا يخرج! أين وجدت هذا في كلامي؟!
لا ، قولتو، قلت تحديدا لو ما عندكم بديل مارقين لييه؟؟
"ما طالع" كما قلت.. والباقين بجازهم ياخ..لهم دينهم ولي دين..انت قايل شنو؟!
ما قايل اي حاجة، انت القولت واستفدت من حرية التعبير وعبرت عن رايك، ومن حقنا نناقشك
وللا نقرأ بس انو محمد الزين ما طالع ونسكت بس وللا كيف
ووقت هم بجازهم مالك عليهم مارقين وللا ما مارقين؟؟؟
| |
|
|
|
|
|
|
|
|
|
Re: بالنسبة لمظاهرات 30 يناير..ما طالع! (Re: الوليد الرشيد وراق)
|
التحية الي الشباب الثائر الجسور نبض الشارع الحقيقي للتغير لقد فعلها الشباب قبلاُ
في اكتوبر 1964 واعادها في مارس ابريل 1985 فامل المواطن السوداني البسيط
معقود عليكم فيريدها ثورة حقيقية للتغير السياسي الفاسد والاقتصادي المتردي والاجتماعي المتفكك .
هنالك اولويات للتغير يجب ان نرفعاها في هذه الثورة القادمة غداُ بادن الله تعالي
ُ1 :- المطالبة بذهاب هذا النظام الظالم الفاسد الذي جسم علي صدر الشعب وقلعة من جزورة .
2 :- المطالبة بحل جهاز الامن القمعي واللغاء قانون النظام العام .
3:- المطالبة باللغاء كافة القوانيين المقيدة للحريات .
4:- المطالبة بوقف تشيد السدود التي تشرد المواطنيين وتخدم مصالح اسرائيل في تخزين مياة البيل
5:- المطالبة بارجاع جميع المفصوليين من الخدمة المدنية والشرطة والجيش فوراُ
6:- المطالبة بمجانية العلاج والتعليم ورفع المعانة عن الجماهير الكادحة .
7:- المطالبة باطلاق جميع المعتقلين السياسيين وسجناء الرأي.
8:- المطالبة بتحقيق الاصلاح الاداري والاقتصادي والاجتماعي الشامل بتفعيل الحكم اللامركزي والتنمية المتوازنة والعدالة الاجتماعية وضمان قومية وحدية الخدمة المدنية والقوات النظامية .
9:- المطالبة باجراء المحاسبة العادلة لكافة الجرائم التي وقعت بحق الوطن والأفراد والجماعات
10ُ:- المطالبة بالحل الفوري والجزري والعادل لقضية دارفور ومحاسبة الذين اقاموا المجازر في الاقليم والتعويض الفوري للزين تضرروا وتشردوا واعدم اهاليهم في المجازر التي تمت .
11:- المطالبة بالاعتراف بنتيجة استفتاء أبناء جنوب السودان والعمل بالتعاون في بناء دولتهم التي اختاروها.
اناشد المراة السودانية الجسورة بالوقوف مع بناتهم وابنائيهم وهم يتصدون لمجرمي الحرب والابادة
والتضامن معهم في هبتهم الثورية الجسورة التي سوف يسجلها التاريخ باحرفاُ من ذهب .
اناشد العمال والموظفين بالخروج من المصانع والمعامل والمكاتب لمساندة الشباب في هبتهم التاريخية ,
وعشتم وعاش الشعب السوداني البطل
وثورة حتي النصر
| |
|
|
|
|
|
|
|
|
|
Re: بالنسبة لمظاهرات 30 يناير..ما طالع! (Re: خضر عبدالغفور)
|
Quote: !
"ما طالع" كما قلت.. والباقين بجازهم ياخ..لهم دينهم ولي دين..انت قايل شنو؟! |
ود الزين " هو علي كيفك؟؟
تطلع يعني تطلع،،
إنت ماسمعت بديكتاتورية الديمقراطيين!!!
والله اول مرة اشوف لي ثورة بيقهروا الناس عشان يشاركو فيه!!!
حرية زي دي والله مادايرنها،،
وبلد لو حكمتوها بأسلوبكم دا (بعد تمسكوها)، والله ماداخلنها،،
وسنطالب باللجوء للعالم الحر الذي إنطلقت منه ثورتكم : ونعارضكم
بالإنترنت لمن نطلع دينكم ، أقصد الحكومي ، (Government debt)، الوقت داك
بيكون وصل السماء، وبعدها نعيدكم سيرتكم الأولى :
ياود الزين : أديبايور دا كيف؟؟؟
| |
|
|
|
|
|
|
|
|
|
Re: بالنسبة لمظاهرات 30 يناير..ما طالع! (Re: عبد اللطيف بكري أحمد)
|
لووووووووول
عبداللطيف يا مخذلاتي
العار لك
ياخي في شعار واحد لو رفعوهو بكرة بطلع معاهم بقلب جامد
ياخي البامبرز في السودان زاد 9 جنيه. اقسم بالله. والمرة رسائل موبايلها كلها "جيب معاك بامبرز"!
يا زميل
يوجد شحن عاطفي زائد، أقدر شعور البعض من اللذين يردون بالاساءة أمام آراء مخالفة كرأيي.
لا أعلم عن كل الشارع لكن كل محيطي الذي أعرفه لا يرجون من المعارضة شيئاً، أتمنى أن تقدم المعارضة نفسها بصورة أفضل لكي تجد نتائج أكثر، الاستثمار في كراهية الحكومة وحده لا يكفي!
ثم أنه صحيح أن هذه الدعوة القائمة في المنبر الآن آتية من كتاب ليسوا هم بيننا، هؤلاء الذين يعلمونا الآن طريقة التعامل مع الغازات المسيلة للدموع وأن لا نرجع الى البيوت..بدري!
هذا رأيي وشكراً لدفاعك عن حرية الرأي
فولتير هو من قال "لا أوافقك الرأي ولكن أموت لكي تقول رأيك بحرية" اليس كذلك
___________________________
| Quote: ياود الزين : أديبايور دا كيف؟؟؟ |
الود الكرعينو طوال دا لعاب، مغرور ومخو مقفل في الحتة دي، لكن كونو اسبير معناتا حيجضم
loooooool
| |
|
|
|
|
|
|
|
|
|
Re: بالنسبة لمظاهرات 30 يناير..ما طالع! (Re: Omer Mustafa)
|
وتطلع عشان منو وضد منو ؟
الناس دي جنت ولّ شنو ؟
في ناس تطلع ضد روحها ..
الشعب دا طالع ضدك إنت وهو ..طفيليات الأنظمة الشمولية .
ما تعمل فيها محايد
أنت متواطئ مع النظام بل ربما أنت
أحد سدنته ولكنك ######## أن تصرح بذلك
كما أنك أجبن من أن تطلع وتقف الي جانب الشعب..
| |
|
|
|
|
|
|
|
|
|
Re: بالنسبة لمظاهرات 30 يناير..ما طالع! (Re: محمد يوسف الزين)
|
| Quote: لن أخرج من أجل استجداء معارض يكره حكومة الكيزان، أو من اجل السيد الصادق أو شيخ الترابي! |
من تخرج او يخرج غداً يخرج ليقول ليعلي صوته بموقفه ورأيه وليس من اجل احد في اي المعسكرين
فليخرج من يرى انه قد شبع من ظلم وفساد واضاعة النظام لحقوق العباد والبلاد
ومن يرى غير ذلك فليقبع داخل مكتبه او فلينظر من شرفته ولن يقف الاخرين يستجدون خروجه
والجمرة بتحرق الواطيها
| |
|
|
|
|
|
|
|
|
|
Re: بالنسبة لمظاهرات 30 يناير..ما طالع! (Re: الجندرية)
|
سنخرج كلنا - مواطن واحد هو كاتب هذا البوست
اما كان لك أن تجلس آمناً في شرفة مكتبك المطلة على شارع القصر وتنظر إلى الشباب والشابات يصنعن الثورة صامتاً بدل هذا التخذيل؟
نحيي ونحن في الخرطوم اخوتنا الذين تشتتوا في المنافي آمنين ولم ينسوا همومنا وهموم وطنهم
ما تكتبه هنا ويكتبه أمثالك هو شهادة لهم أنهم هناك وقلوبهم ملتصقة بهذا التراب
| |
|
|
|
|
|
|
|
|
|
Re: بالنسبة لمظاهرات 30 يناير..ما طالع! (Re: مازن الجمّال)
|
| Quote: لن أخرج من أجل استجداء معارض يكره حكومة الكيزان، أو من اجل السيد الصادق أو شيخ الترابي! |
أخرج لنفسك يا ( سوداني )
أخرج لوطنك
وطنك الذي مزّق
أخرج لأهلك المهمشين في الجزيرة
أهلك اللذين لايزالون يموتون بالملاريا
أهلك اللذين صادر المجرمون قوتهم ،، و قوتهم
أخرج لأطفالهم اللذين لا يجدون حظاً من التعليم
أخرج لشبابهم العاطل عن العمل
الذي لا يجد مكاتب شرفاتها تطل على شارع القصر
الذي زج به في السجون و عذب و قتل
أخرج لشعب أعطاك كل شيئ
و تبخل عليه بصيحة حق
في تظاهرة
أخرج لذلك
ثورة حتــــــــــــــــــى النصر
| |
|
|
|
|
|
|
|
|
|
Re: بالنسبة لمظاهرات 30 يناير..ما طالع! (Re: عمر صديق)
|
احترم وأقدر الكثير من الآراء هنا..
افادة صغيرة..
نزلت لشارع القصر وكنت من المشاهدين لما حدث في مجمع طب
تم وأد الكثير من التجمعات هذا النهار من شرارتها الأولى في انحاء كثيرة من الخرطوم من متابعتي بالهاتف ومشاهدتي الشخصية لشرارتين واحدة منهما أمام وزارة المالية الولائية أول شارع البلدية.
رأيي لم يتغير رغم أن قلبي كان اخواني الصغار هؤلاء، وما زلت أسأل: هل يكفي كره الحكومة أم عندكم خطة لمآلات البلاد؟ أمنه وأمانه وحرياته وغلاء المعيشة الخ
ورأيي هو أن يمنحوا الناس حرية التظاهر، هذا رأيي
والدعوة لكل أخواننا الذين يكتبون هنا أن يعودوا للسودان لكي يتظاهروا مع الناس
وما طالع
| |
|
|
|
|
|
|
| |
محمد يوسف الزين
احمد محمد بشير
محمد عادل
ياسر بيناوي
صلاح غريبة
أحمد ابن عوف
فايزودالقاضي
EMU إيمو
Frankly
حاتم كاهن
Mohd Mubarak
فدياس نجم الدين
أسامة عبد الجليل
الوليد الرشيد وراق
خضر عبدالغفور
Omer Mustafa
عصام دهب
الجندرية
Mohammed Elhaj
مازن الجمّال
سلمى تاور
عمر صديق
فيس بوك
تويتر
انستقرام
يوتيوب
بنتيريست