حسني مبارك الزم دارك

Quote: الزم دارك حسنى مبارك الزم دارك احنا بلدنا بنقدر ليها انقز انت هناك فى طارك موية النيل مابتبقى سليقة يفسَّخ بيها الناس نُظارك عندنا حق فى شوربة ماجى وعندك حق تطبُخ بُمْبـَارَك لابُـوريك بنجض فى نارنا ولا تمساحنا بحب انهارك وحدة وادى النيل دى اشاعة صناعة رديئة من استخبارك وفى التاريخ كم مرة اذيتنا من جنديك لى دفتردارك تصدق يا خ ولا مرة خيارنا انطبـَّق يوم من فوق لى خيارك وما مديت لنا ايدك مرة الا عشان تدينا غُبارك مرة الحكم التركى. ومرة خواجة ف ضنبك كتب اوزارك. جيتنا ف دارنا كتلت عيالنا هى صعبة نـَكِيْلَكْ بى معبارك؟؟؟ ومرة رئيسنا عميل مَضـِّيتو سدك نور ليك فى دارك يتم حلفا وخشم القربة وسكـَّت طارنا وشعلل طارك وجاى تتفاصح عن تاريخنا؟! خراب تعليمنا دة من افكارك والسفاح البيك اتقوى لمن طار دسيتو جوارك وجاىِ تكرر نفس اللعبة مع صُعلوك الجبهة الفارق؟؟؟؟ احنا خيارنا ديموقراطية رِضِـيْـتا.. أبيتا... ظُز فى خيارك وعلق قولنا دا حلقة ( فى وِدنك) حسن مبارك الزم دارك احنا بننقز هنا فى طارنا وانقز انت هناك فى طارك الخرطوم يوليو 1989