|
الــــــى مبدعـــــى بلادى - من اجل الانتفاضه
|
شعارات تعبر عن اشواق الجماهير التــــــــــــى ملت العبوديه وتتوق الى استنشاق نسيم الحريه. كلمات تصف هذا النوع من البشر الذى تفنن فى تشريد ،تعذيب ، قتل وتقسيم الوطن . كلمات تلهب الحماس فى صدور المواطنيين ، كما اشعلوا النيران فى جميع انحاء السودان. رسومات تعبر عن القبح الذى ما رسوه فى بيوت اشباحهم لتركـــــــــــــــــيع شرفاءنا.
|
|
|
|
|
|
|
|
Re: الــــــى مبدعـــــى بلادى - من اجل الانتفاضه (Re: خالد عبد الحليم سعيد)
|
ونترقب مع استاذى وحبيبى وحبيب الشعب ابو مريم ومى الاستاذ محجوب شريف
عما قريب الهمبريب يفتح شبابيك الحبيب والحال يطيب يا محمد احمد تستجم والبيت يتم تتلم تلم تفرح فرح تحلم حلم كم تطمئن حقك يجيك لا فيهو شك يمكن وأظن ويفوتو هم والعدل يعم وتغني ام كادت تجن كبر الوالد جوا السجن فاقدا هو وهي دا كلو كلو ينتهي زولاً تريدو وتشتهي تلقاهو في لا في السجن لا مختفي لا يقولو ليك ما تمشي لي دا كلو كلو ينتهي دا كلو كلو ينتهي دا كلو كلو ينتهي
| |
|
|
|
|
|
|
Re: الــــــى مبدعـــــى بلادى - من اجل الانتفاضه (Re: Kostawi)
|
العزيز كوستاوى فالنتابع ماساه الطالح العام واثره على محمد احمد واقتصاد البلاد مع الشاعر الثورى هاشم صديق
هاشم صديق
هديمك يا وليد مقدود
و صابحنا الفقر و الجوع
صبح باب التكل مسدود
كمل حتي الملح في البيت
وشن همّ الملح في البيت
وكت ملح الدموع موجود؟!
دحين يا وليد هو ديل
موُ قالوا ناس إنجاز ؟!!
وشن سّولنا مما جونا
غير حرقو الفضل بالجاز ؟
كّل شيتا صعب في السوق
من الكبريتة للطايوق
و كان جانا البخت تموين
رطيل سكر و صابونتين
| |
|
|
|
|
|
|
Re: الــــــى مبدعـــــى بلادى - من اجل الانتفاضه (Re: خالد عبد الحليم سعيد)
|
نحتاج الى اداب وفنون تعبر عن المواطن المستاء من فصل الجنوب ، محرقه دارفور البطاله ، التدهور الاخلاقى ، الفساد ، اكتناز المال من دون وجه حق تعبر عن شهداء رمضان المجيد . عن الشهيد على فضل . شهداء الحركه الطلابيه . مظاليم الصالح العام . تعبر عن غلمان الجبهه وصبيان الكيزا فى محنتهم ( غضب الشعب )
| |
|
|
|
|
|
|
Re: الــــــى مبدعـــــى بلادى - من اجل الانتفاضه (Re: خالد عبد الحليم سعيد)
|
وكانت اسماء بت الجنيد وكان تعبيرنا بصحبتها . فهى كالعهد بها دائمـــــــــه التواجد وفى قلب الاحداث
بريدك . بريدك بعزك واقبل .. ترابك ..
ترابك محنة.. حنانك رحيقك
رحيقك شبابك ...
شبابك شهامة.. شهامتك كرامة..
كرامتك عزيزة .. عزة ترابك ..
تسافر . تهاجر ..تودع سحابك ..
سحابك مطيرة ..تخدر تعطر هضابك ..
عيونك جروفك.. عيالك قطوفك ..
تردد هتافك . تسالم كفوفك ..
حروفك معانى ..كلامك سيوفك ..
تحارب تدافع.. تنظم صفوفك ...
شيابك تراثك . تقود لى دفوفك ..
نساءك مهيره.. اصيلة وكريمه ..
تحاضن تقالد.. تشرف ضيوفك ..
افراحك حريرة.. حنة وضريرة ..
تلملم شتاتك.. يرجع يشوفك ...
احزانك قصيدة.. حنينه وحزينة ..
تناجى المشاعر.. تولع فى جوفك ..
تنادى ولادك .. بناتك رجالك ...
تخاطب خيالنا.. نغير نبدل ظروفك ..
اسمك بطاقة.. كبيرة وعريضة ..
تزين صدورنا.. تعجب البشوفك ...
بريدك .. بريدك .. بعزك ....
واقبل... ترابك .... اسماء الجنيد ********* معا ثورة حتى النصر
| |
|
|
|
|
|
|
|