اشهر حلل الرجال اسمها " القطر قام " قطِع كل الحاجات واديها الحلة وأمشي العب كشتينتكـ . يذكروكـ ليها الجماعة بعد تاخد سيك في قبولكـ !! ويلا راجنكـ بالحلة وكل زول مجهز بطنو يملاها ولسانو يلسعكـ بيهو ، الحلَة مِلحة كتير ، ما له ما فيها لحمة ، كرهتنا . المسكين أصلاً كج وماخد سيكـ وفقَاع مرارات " وبرَاي " وهاكـ يا فكـ الغبينة في المسكين .
01-27-2011, 11:11 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
العزَابة خشم بيوت في حِلل ياها زي كل يوم نفس الطعم واللغاويس صنف العزَابة الراقي التاني داكـ " ميز ضُباط ودكاترة " حلتم قطر قام برضو بس طبعاً مختلفة الطعم واللون تجي تاكل معاهم من ميز " اللغاويس " الفوق ديل كأنكـ انتقلت فجأة إلى سوق الناقة أو أمواج . طعم تاااااااااااني .
___________________ معليش قالو السوريين والبنغالة ملو البلد وفي مطاعم جديييييييدة علينا ، بس عرفتي ياها في الإتنين ديل نسوي شنو ثقافتنا قديمة وليها خمستاشر سنة ما اتعمل ليها ( أبديت )
01-27-2011, 11:07 PM
Yassir Tayfour Yassir Tayfour
تاريخ التسجيل: 08-18-2005
مجموع المشاركات: 10899
العالم دي حافظه المطبخ حتة حتة وأول ما تجي المسكينة دي يعمل فيها " سعادة سي السيد " ويجلس منتظر ست الحسن والجمال " العامين الأولين " تأتيهو " بالمحمر والمشمر " وهاكـ يا لهط . بعد شوية ملحكـ كتير ، طعم البامية مالو ما ياهو . والجماعة بيشاغلوهو آخر الاسبوع " لمة الخميس " !! ويييييييييين يا زول إتأخرت كدي ، العِدَه أخرتكـ ولا الليلة الحلة عليكـ ؟؟ والمسكين يطاطي رأسو مبتسماً بخجل ومحاولاً التسلل والهروب من الأمر : " وزارة الداخلية ياخي نسوي شنو ؟؟ " . وصاحب الجماعة البرَااااااي داكـ ، تلف عليهو الدنيا وبيكون فعلاً ساكن في المطبخ إلا أنه يزمجر : " أفو آنا أخو البنات !! طبيخ شنو يا زول المرة دي جايبنها لشنو ؟؟ وتبدأ الإبتسامات الخبيثة في التنقل بين شلة الأنس ( ياخي ديل خوتم خوة شنو كدة ما عارف )
01-27-2011, 11:26 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
شرق السودان ده فيهو حياة مختلفة لا يعرفها إلا من عاشها فكسلا مدينة يجب إعدام من تسبب في هلاكـ تاريخها ورحيل ناسه مناطق الزراعة والقرى المنتشرى حول مدينة القضارف حتى الحدود الحبشية عبارة عن حكاوي وتاريخ راح شمار في مرقة ساي بديت الونسة دي وفي بالي الشرق وأيامنا فيه ولقيت نفسي بردد في غُنا التاج
01-27-2011, 11:40 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
بداية أعوام السادة الإنقاذ كنا خارج شبكة المدن ، ناس خلا سااااااااكت . في أعوام جفاف " صواني البيوت " لمتنا منطقة تبعد 180 كلم جنوب مدينة القضارف ، دنيا تانية في ذاكـ الوقت التعيس " الإستمرَ " مناطق لولا إمكانيات منظمات إغاثة اللاجئين ما أظني كان أعرف مكانها في خريطة سودان الأمس خريف يبدأ من أبريل مزارعين يسكنون القطاطي والدرادر * وعرباتم لانكروزر !! منطقة التقاء نهري سيتيت وباسلام ، سمكـ وخرفان طعمها موجود في السماء فقط ودجاج يملأ السوق يومياً بألوان متعددة " يحب الأحباش تربيته وأكله " ولبن تتغذى أبقاره من الأرض مباشرةً طوال العام . حين وصل رطل اللبن سبعة جنيهات في الخرطوم " بالقديم طبعاً " كان سعراً خيالياً مقارنة بأسعار ذلكـ المكان ( جنيهان فقط لا غير ومعاها زيادة نص رطل ) كان ذلكـ المكان وتلكـ الرفقة الحسنة أول عهدي بالمطبخ العظيم . مُعينات الإرتقاء بنوع طعام العزَابة متوفره وبأسعار زهيدة . مرحلة الإنتقال من ميز المدينة إلى ميز الخلا .
_________________________ * يا آخوي درادر دي كان ما عرفتها إتخارج ويا جماعة عشان نمشي لي قدام حلو لي حكاية " زين " و " ذال " في كلمة عز"ذ"ابة دي !! هي مش من العذاب ولا حاجة تانية ؟؟
01-27-2011, 11:49 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
مساكين والله نحن ياخي المدينة عندنا تعني الشلهتة حتى في الأكل ده الدجاج " الهوين ده " إلا تجيكـ ملاريا حتى يتذكروهو وتجيكـ شوربة الدجاجة التشيل ورم الحقن والحمى والهلاويس حتى بتاعين الدكاكين كانوا حقارين عيل كده !! تمشي تسألو في دجاج ؟؟ آآآآآآآآي في إن شاء الله ما عندكم زول محموم !!؟؟ إنَا لله أختي مسكينة طالبة داخلية جيت الخرطوم إجازة سريعة لقيت عندها ملاريا وغايبة من الجامعة ليها إسبوعين في تلكـ الأيام كانت محطة المؤسسة بشارع المعونة بحري مرقد " الجِكن المكرفس " ، والغريبة برضو سوريين !!!!! مشيت جبته ليها واحدة ضربته ، تاني يوم بدري صحيت سألت عليها قالو مشت الجامعة
01-27-2011, 11:57 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
أها جاتنا حاجة حليمة الفلاتية الفاخرة الفارهة الحنينة وبعد الإتفاق وأمور تنظيم الميز بدأت رحلتي في الإنتقال من حلل القطر قام " المشلهته " لطبيخ حاجة حليمة الما خمج المكرفس والسمكـ الرخيص " ونحبِس " بحليب طازج بالليل " والله جد يا طيفور حليب " أصحاب زمان ناس مزَات بالليل والغريبة الصباح قبال الشمس تطلع بيكونوا استحموا وصحوني : يلا أها يلا دي حدها نص الساعة بس قبل بداية الدوام الخارجي " خارج المكاتب يعني " النص ساعة دي ما فيها غير الشيَة والمِر والمرارة وشوربة خروفه معلللللللق قدامكـ .
______________________________________________________________ ظروف أصحابي المذكورة فوق دي بس عشان شكل طعام مزارعي المناطق ديكـ وكمية الراحة الكانو فيها
01-27-2011, 11:58 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
طيارتي قامت من زماااااااااان يا عباس بنبركـ قاعد يا ياسر ياخي أنا مُشرِكـ لعبد الله داش " أكبر مُعلِم شيَات ميزات الرياض " وتمبس أحسن من يجهِز البصل الأبيض بالدكوة
________________ حميدة أديهو التنظير بس
01-28-2011, 00:36 AM
Yassir Tayfour Yassir Tayfour
تاريخ التسجيل: 08-18-2005
مجموع المشاركات: 10899
هلاااااااا ابو الخل يعني انت " سي السيد " تخلِف رجلكـ وتتمنى من المسكينة دي تجهز ليكـ وجباتكـ من غير مساعدة ؟ انت ما عشت تجربة تظبط الغداء والمدام تتفرج ولا شنو ؟
02-07-2011, 08:23 PM
نصرالدين صلاح نصرالدين صلاح
تاريخ التسجيل: 09-01-2009
مجموع المشاركات: 444
لكن عايزك تحدد لي انا ده الونسة سرية و لا غير سربة
لانوا بالجد بتفرق شديييد
Quote: شرق السودان ده فيهو حياة مختلفة لا يعرفها إلا من عاشها فكسلا مدينة يجب إعدام من تسبب في هلاكـ تاريخها ورحيل ناسه مناطق الزراعة والقرى المنتشرى حول مدينة القضارف حتى الحدود الحبشية عبارة عن حكاوي وتاريخ راح شمار في مرقة ساي بديت الونسة دي وفي بالي الشرق وأيامنا فيه ولقيت نفسي بردد في غُنا التاج
لابد ليك بالبوست ده بس كنتي منتظر العجاج يروق شوية
تعرف يا صديقي انا في الحتة الفوق دي كان بديت تاني
الاحتاطي المركزي ما بوقفني
و كان عندك راي
تعال لي في ال lower
02-10-2011, 00:40 AM
نصرالدين صلاح نصرالدين صلاح
تاريخ التسجيل: 09-01-2009
مجموع المشاركات: 444
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمران حسن صالح
Yassir Tayfour
khaleel
نصرالدين صلاح
فيس بوك
تويتر
انستقرام
يوتيوب
بنتيريست