ناس تبيع نفسها علشان وطنها و ناس تبيع وطنها علشان نفسها ناس مستعدة للتضحية بروحها علشان وطنها و ناس مستعدة تبيع بلدها و ناس بلدها و خيرات بلدها و تطلعات بلدها علشان حتة كرسي و ميكرفون سلطة و كلام كتير في الفارغ شعبنا انسرق مرتين في اكتوبر اتسرق و اول ما انسرق سرقتو جبهة الهئيات بالتنازلات بي تغيير المواقف من هئيات الي احزاب و انسرق في ابريل و كتروا الحرامية من عساكر لي احزاب و اكبر حراميها كان حاميها يوم باعوها العساكر للكيزان و ادو ما يسمي بالتجمع فتات الموائد و تحت مسمي الديمقراطية و دوائر الخريجين بدات اول مراحل الانقلاب الانقاذي الان تتجمع انواع البيوع الان تقسم الكوتات و وقود الطبخة المساكين اكلوا اكلم البلاء انا بكتب زي ما عايز بادب لاني بنفس عن نفسي لانو قرفتا من الكل الحكومة و المعارضة كلهم هم بس المغبون المسكين المهوم التعبان الطلعوا زيتو ده الفشو منو مغتربين نحمد الله ننظر ساكت بس في ناس تعابة زيتا طالع الله يطلع زيت كل زول بطلع في زيت المواطن السوداني المسكين البسيط التعبان لك الله يا بلدي
نتعشي بيهم قبل ما يتغدوا بينا كيف حضرواكل شي نظموا كل شي ابعدوهم من البداية كل الاحزاب لو عايزين تنجحوا تكون بعيد باسم تامين كوادهم ناسهم حيطلعوا حتة تمثيل ده لو طلعوا و لو عندهم ناس اصلا هيئات تمثلية دايرنكم وقود لاهدافهم هم جزء من الحل لكنهم اكبر مشكلة و لانهم اكبر مشكلة يجب تجاوزهم اذا كانت هنالك فترة انتقالية واحد بتاع تنظير ينظر ليه خمسين سنة من سنة ستين و الي الحين كلام كلام كلام فارغ و احد برضو ستين سنة ساكت لانو احسن يكون ساكت لانو كلامو قروش بس عايز قروش و موصينوا بانة لو العصيدة حارة ما يدخل فيها ايدوا اليسار شتات قوة ممكن تكون ضاربة في التغيير بس كل مرة زيها و زي كل مرة اكبر مساهم في التغير و طيش في تنفيذ اهداف التغيير البتترفع يؤكلون قبل ان يؤكل الثور الابيض اكتر ناس اتسرقوا و لانهم اقرب في نظري الي شعارات الشارع ضاعوا و اضاعونا يجب ان نتوحد في الهدف الواحد ديمقراطية حرية و دولة مؤسسات دولة مؤسسات لان الخدمة المدنية انهارات الجيش انهار البوليس انهار القضاء انهار الذمة الوطنية انهارت اصبحت الحاكمية للتنظيم و حاكمية التنظيم للافراد كل واحد فيهم عندة بطانة و جيش و مصادر دخل و فلوس كل واحد فيهم لما حولة مجموعة اثنية و جهوية في ناس حتدافع بعاطفتها يجب تجاوز مواجهتهم نعاين قدام للهدف تغيير حرية ديمقراطية سيادة مؤسسية ما تقولوا البديل شوفوا كم خبير في المنظمات الدولية و الاقليمية كم خبير في بلد غير بلدنا كل العالم اوربا امريكا الخليج لو في تغيير ابعدوا العساكر ابعدوا العساكر ابعدوا العساكر و عجائز الاحزاب القديمة حتي لو عندهم مشاركة جيبوا شبابهم ما تطلعوا و تموتوا علشان تجي الاحزاب التقليديةفي فترة انتقالية و الله يستمر الحكم الان و الا الاحزاب الا بي ديمقراطية ما تقولوا الاحزاب و لا العذاب قولوا لا احزاب لا عذاب
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيس بوك
تويتر
انستقرام
يوتيوب
بنتيريست