|
|
|
 Re: امطار غزيرة في جدة ... غايتو ( البلد ) غرق رسمي !! (Re: محمد العوض)
|
سلام يا قيقاو المتداخلين ..
قبل أن أتحرك من المنزل في حي النسيم أتصل على الزملاء في المكتب في حي الشاطئ و أخبروني بهطول أمطار غزيرة جداً في حي الشاطئ .. في ذلك الوقت لم تكن هناك ( نقطة مطر واحدة ) في حي النسيم .. تحركت عبر طريق المدينة و من شارع التحلية تحديداً فوجئت بـ ( الشكشاكة ) .. و حينما دخلت عبر شارع صاري إلى طريق الملك ( عرفت حاجة ) !!
ـ
فعلاً جدة غير ..
ـ
ناس مطر و ناس غبر و ناس عديييل في خطر ..
و الله يستر ..
| |
  
|
|
|
|
|
|
|
|
Re: امطار غزيرة في جدة ... غايتو ( البلد ) غرق رسمي !! (Re: عصام دهب)
|
دهب يا دهب
Quote:
ناس مطر و ناس غبر و ناس عديييل في خطر .. |
ما هو عشان كدا بقولوا : جدة غير
و المطر خير
تعرف القصة دي هي الكانت محيراني في جدة ام جداد دي ؟
كأنها ما بلد واحدة !
و عشان كدا كان العنوان : [ امطار غزيرة في جدة ... غايتو ( البلد ) غرق رسمي !! ]
خفنا كمان يطلع لينا واحد يقول ليك انا في جدة و مافي ولا حبة مطيرة !؟
اها نبقى على البلع عاد ؟ 
ياخ انا قلت ليكم " امطاار غزيرة " ... مش ؟
ما بتكونوا - دا للغير عرفتوا يا ناس غير ؟ ما تقابضو ساي - ما بتكونوا متخيلين قدر شنو ؟
العنوان كان مفروض يكون كدا :
[ امطار غزيرة جداً .. جدن .. جدن في جدة ... غايتو ( البلد ) غرق رسمي !! ( توجد صور ) ]
او مال ايه ؟
| |
|
|
|
|
|
|
|
|
|
Re: امطار غزيرة في جدة ... غايتو ( البلد ) غرق رسمي !! (Re: محمد العوض)
|
سلامات محمد العوض
| Quote: اطمئنوا علي الاخوان في جنوب جدة قالوا الوضع صعب شوية |
البلد تعتبر وسط المدينة
لكن صديق من ( الخمرة ) في الجنوب قال انو عندهم اخف
على العموم
ندعوا مع جنابو
Quote:
ان شاء الله امطار خير وبركة ......
|
لآمين يا جنابو
ربنا يجعلا امطار خير و بركة
-------------
الصورة مبلولة من كترة البل الحاصل هنا دا يا قريبك
| |
|
|
|
|
|
|
|
|
|
Re: امطار غزيرة في جدة ... غايتو ( البلد ) غرق رسمي !! (Re: صديق الموج)
|
صديق الموج ... و في رواية عايمة زي عومةتنا دي قيل صديق الموج ( بفتح الصاد )
شوف الموج دا كيف :
Quote: طيب ما تجيبو ليكم تيراب جداد من البيك وتزرعوه ياشباب
يجى موسم العمرة والحج والله تغنو لى جنا الجنا
بسرعة قبال فايز ود القاضى يلقط الفكرة،،، |
كان عليّ ود القاضي هينة ...
ابشر يا مربع بالقنا لي ي ي جنا الجداد ( البيك ) و ( العليك )
ود القاضي مخو بجي الساعة اطناشر
لي وقتها ما نكون اتخارجنا و دخلنا بيوتنا آمنين .. عشان نقول لنفسنا شكرن ؟
شكرااااااان على الافكار النيرة ياخ
بتجيبا من وين انت ... من النار !؟
| |
|
|
|
|
|
|
|
|
|
Re: امطار غزيرة في جدة ... غايتو ( البلد ) غرق رسمي !! (Re: تاج السر محمد حامد)
|
Quote: أكاد أغرق .. أنقذونى ( جنوب جدة )
تاج السر |
اعملوا حسابك يا قريبك
| Quote: تحذير الحاقي رقم (4) ليوم الاربعاء الموافق 22 صفر 1432 هـ من الساعة 01:15 ظهرا الى الساعة 03:00 ظهراً سحب رعدية ممطرة ورياح نشطة السرعة تتحرك على وسط وجنوب جدة خلال الساعة القادمة . (( ميناء جدة – الحمراء – الرويس – البلد – المطار القديم )) . |
----------
للضمان كدا ... الوصية بالمهلة ...
الحاصل بي انا هييييييييين ...
و كان حصل حاقة !! ... اوصيكم بالبيك .. البيك .. البيك ... كررها ثلاثاً ثم قال و العليك
كلنا في الهواء سوا ... و لنا و الجوال إتسلف رسميييييييي
ما شايف قليك الوسط و الجنوب
لووووووووول ... و الله الجوع حصل رسمي
و معانا ناس سغار هنا ... و في ناس مرضى ياخ
الله في
| |
|
|
|
|
|
|
|
|
|
Re: امطار غزيرة في جدة ... غايتو ( البلد ) غرق رسمي !! (Re: ابوعبيدة النعمان)
|
اووووو
Quote:
الحبيب النسيب
(زي ما بقولوا اخوانا الانصار)
إزيييك ( زي ما بقولوا جماعة ناس سامر حسن)
|
ازييييييييييييك - مع الضغط الشديد ( بقدر الشوق ) على الاسنان - يا عُبَد !؟
كيفك يا مان ؟
برضو تقولوا لي مطر ياجدة !؟
ياخ دا مطر ملون
مشتاقين و الله
-----------
صاحبك خالد " العمبلوق " هو صاحبي الفي الخمرة النقلت روايتو عن خفة مطر " الجنوب "
عارف قصة " حامد بريمة " بتاعتو !؟
| |
|
|
|
|
|
|
|
|
|
Re: امطار غزيرة في جدة ... غايتو ( البلد ) غرق رسمي !! (Re: قيقراوي)
|
| Quote: من اليوم داك يامولانا مفرداتك بقت اغاني لمنى بحرى .. |
مش كويس الما بقيت أكاكي من اليوم داك ..
ـ
و أنتهز هذه الفرصة لأعبر لفخامتكم عن عظيم تقديري و إمتناني ..
و ذلك لما تفضلتم به عليَ من إتنين علبة بيك مكربّّة في ذاك اليوم البهيج ..
و مع ذلك ..
لم أكاكي إطلاقاً فما السبب دام فضلكم ؟؟
| |
|
|
|
|
|
|
|
|
|
Re: امطار غزيرة في جدة ... غايتو ( البلد ) غرق رسمي !! (Re: ابوعبيدة النعمان)
|
يا شاااااا
Quote: كيف الراجل دة و الله زمن
بلغه تحياتي ..
و هات القصة |
كويس هو و متابع ... بس ما عندو يوزر هنا معانا
و يغريك السلام
-----------
القصة مشفرة ياخ ما بتتحكي هنا ...
للضمان كدا استعين بصديق ( هشام ) معاكم هنااااااااااك
* نحب ننوه هنا ذاتو انو " حامد بريمة " الواردة هنا مجرد " كود " و ليس للقصة علاقة به او بالمريخ اصلاً من قريب او بعيد
| |
|
|
|
|
|
|
|
|
|
Re: امطار غزيرة في جدة ... غايتو ( البلد ) غرق رسمي !! (Re: صداح وراق)
|
صداح يا حبيب
مشتاقين و الله جد جد
Quote: أزييييييييييييييييك يا فتحي :
إنشاء الله أمطار خير وبركة (بفتح الباء) لأنو بكسرها بتكون ما كويسة . |
البركة حصلت
لكن شوف الصورة دي لبزنس 2010 م
اها كدا جبنا ليكم ( بركة ) ماء .. و هدي ( الخضرة ) ... و خالد الوجه الحسن
قصرنا معاكم ؟
--------------
شباب طردوني و عايزين يقفلوا الناس ديل
انا ذاتي متفكفك اشوف لي طريقة ترجعني بيتي
كونوا بخير جميعا
و شكراااااااااااااان ليكم كلكم
| |
|
|
|
|
|
|
|
|
|
Re: امطار غزيرة في جدة ... غايتو ( البلد ) غرق رسمي !! (Re: رانيه محمد الشيخ)
|
الدمام مطر السنين من امبارح الساعة اتناشر.. لغاية هسسع شغالة هبطرش
الشوارع غرقانة.. مشيت المكتب الساعة تسعة الولد بتاع المراجعة القانوني رسل لي مسج قال:
سورري حبيبي استاذ/حيدر الزين اليوم مابقدر اجي نكمل شغلنا الموية كتيرة وزي ما عارف انا اشتريت سيارة جديدة ( كورلا موديل العام )
خايف ادخل فيها الموية تقوم تحصل ليها حاة .. موعدنا السبت يا استاذ...
عملت دلييت للرسالة وقلت ليهو:
يخرب ام كورليتك الجديدة خلصني يا اخوي انا برضو عندي مرة جديدة ماشي اشوف خبرها شهر اتنين دا
تجينا والا نجيك
_ رد STC- سووري رسالتك لا يمكن ارسالها عشان ماعندك رصيد كاافي ...
لميت ملفاتي وورقي وشتت .. البيت هسسع .. سألني بتاع الاستقبال ماشي وين عشان اسجلك في دفتر المعلومات لو في زول سال منك اقول ليهو مشي هنا
قلت ليهو ماشي جدة غير
قال لي :
سم طال عمرك
قلت ليهو :
سامبا سامبا عندي ايدااع
ــــــــــ
قيقراوي انتا يا ممطر بمطر جدة بتمارس الاستوساخ دا معاي لي متين ؟
ما سمعت قول حبيبنا خلف الله ربنا يرحم امه قال .. است###### الراجل وما تست###### قولو !!
بجيك راجع بعد شوية انضف خشمي بفسيخ مطبوخ وارد السودان وارجع ليك
زيفة عضة ونووم
تباً لك
| |
|
|
|
|
|
|
|
|
|
Re: امطار غزيرة في جدة ... غايتو ( البلد ) غرق رسمي !! (Re: بشير أحمد)
|
| Quote: تحذير الحاقي رقم (4) ليوم الاربعاء الموافق 22 صفر 1432 هـ من الساعة 01:15 ظهرا الى الساعة 03:00 ظهراً سحب رعدية ممطرة ورياح نشطة السرعة تتحرك على وسط وجنوب جدة خلال الساعة القادمة . (( ميناء جدة – الحمراء – الرويس – البلد – المطار القديم )) . ومن ثم تأخذ بالتحرك شرقاً . وخلال الساعة القادمة ستوثر العاصفة على (( حي الجامعة – الاحياء الواقعة شرق الخط السريع – قويزة – الربيع )) تتجه العاصفة ابتداً من الساعة الواحدة ظهراً لتشمل شرق بريمان وحي السامر واحتمال سيول منقولة في كل من (( وادي المحرق- وادي المري – وادي دغبج – وادي بني مالك - اودية بحيرة الصرف الصحي )) . ابتداً من الساعة الواحدة ظهراً تهطل أمطار غزيرة على وادي مريخ . حيث يتوقع ان يسيل خلال نصف ساعة ....لذ يجب الاخذ بالحيطة والحذر...... |
http://www.pme.gov.sa/Nwarning_sc.asp
| |
|
|
|
|
|
|
|
|
|
Re: امطار غزيرة في جدة ... غايتو ( البلد ) غرق رسمي !! (Re: الطيب مصطفى)
|
| Quote: تحذير الحاقي رقم (5) ليوم الاربعاء الموافق 22 صفر 1432 هـ من الساعة 02:30 ظهرا الى الساعة 04:00 عصرا *سحب رعدية ممطرة ورياح نشطة السرعة تتحرك على وسط وجنوب جدة خلال الساعة القادمة . (( ميناء جدة – الحمراء – الرويس – البلد – المطار القديم )) . ومن ثم تأخذ بالتحرك شرقاً . وخلال الساعة القادمة ستوثر العاصفة على (( حي الجامعة – الاحياء الواقعة شرق الخط السريع – قويزة – الربيع )) تتجه العاصفة ابتداً من الساعة الواحدة ظهراً لتشمل شرق بريمان وحي السامر واحتمال سيول منقولة في كل من (( وادي المحرق- وادي المري – وادي دغبج – وادي بني مالك - اودية بحيرة الصرف الصحي )) . ابتداً من الساعة الواحدة ظهراً تهطل أمطار غزيرة على وادي مريخ . حيث يتوقع ان يسيل خلال نصف ساعة ... * كما تتأثر بالامطار المنطقة الواقعة شمال مكة المكرمة ((النورية – الجموم – خيف الرواجحة – البريكة ....لذ يجب الاخذ بالحيطة والحذر...... |
| |
|
|
|
|
|
|
|
|
|
Re: امطار غزيرة في جدة ... غايتو ( البلد ) غرق رسمي !! (Re: الطيب مصطفى)
|
Quote: تحياتي استاذنا تاج السر
سلامات وكفارة
ان شاء الله مافي عوجة
|
الأخ الأستاذ / البشير ود دفع الله
تحية وتقدير وأحترام
أشكرك لك سؤالك والذى يجعلنى أطمئن بأن هنالك أناسا يعرفون ويقدرون
ماتعنية كلمة ( أخ ) أو ( قريب ) أو ( صديق) أو ( زميل ) فلك التحية
والتقدير أخى البشير ..
أما عن سؤالك .. الحالة لاتوصف .. وربنا يسهل الامور فقط دعواتكم
نسأل الله لكم ولنا وللجميع الصحه والعافيه .. وربنا يجب العواقب سليمة
فالامطار لازالت تهطل وبشدة فى ( الجنوب ) .. أحذروا الغرق ياناس جدة !!
تحياتى وتقديرى
| |
|
|
|
|
|
|
|
|
|
Re: امطار غزيرة في جدة ... غايتو ( البلد ) غرق رسمي !! (Re: تاج السر محمد حامد)
|
عندي بتي الكبيرة في أولى ثانوي..
عندها جلسة (اختبارات) فصلية الليلة..
المطرة لما بدت.. طواااالي أمها ضربت لي..
البت دي بتقدر تجيبها؟؟
قلت ليها : أفو أفو... دا كلام دا؟؟
حرررررررم أجيبا ليك هسي هوا هبوب..
وطبعا نظام الود معاهو برادو وما مشكلة المطرة..
أها لما وصلت عربيتي ساكت أنا باكاتي اتجهجهوا جهجهة السنين..
قلت: سبحان الذي سخر لنا هذا..
ودورت العربية وقعدت أتخير في الحتات المعقولة.. وشوارع جدة كلها عبارة عن أنهر..
الورطة إنه مدرسة البت بالقرب من تقاطع شارع السيد مع شارع حائل..
طبعاً الحتة ديك عبارة عن بحيرة راسا عديل..
المهم جاسفت ودخلت.. والله العربية ما قصرت..
قطعت في أمان الله.. لكن تعال شوف الحتة بتاعة الدخول للمدرسة..
قدامي في عربية أمريكي كبيرة..الموية مع المرايات..
قلت أممممممممممك..
برادو بتاع فنيلتك؟؟
المهم دقيت خلف..
أريتني كما دقيت خلف.. اتضح لي إنه الحركة دي ما دسيسة في السيل..
لأنه العادم أصلا جوة في الموية..
وحركة الريفيرس دي أظنها بتشفط موية زاتا..
طوالي استدركت وتداركت الموقف..وطوالي واصلت الملاحة بتاعتي
في نهر حائل في اتجاه معاكس وقلت يا ولد ما عندك حل غير تواصل بكرعينك..
أها وحاتكم.. نزلت الموية.. حدها فوق الركبة..
بعد شوية جيت في حتة كدا..
فبلغ السيل (الزبا)..
باللاي دي أخلاق دي؟؟
المهم دا موضوعنا..
موضوعنا إنها ح تقيف متين المطرة دي؟؟
دي مطرة مستمرة عديل..
قيقراوي .. بالله أعملوا لينا غرفة طوارئ..
طمنونا عليكم بالله..
| |
|
|
|
|
|
|
|
|
|
Re: امطار غزيرة في جدة ... غايتو ( البلد ) غرق رسمي !! (Re: البدري عبد الله)
|
اوووووو البدري حيث لا بدر هناك ... و العهدة على المفكر الكبير صاحب المكتبة *
| Quote: ياخ انتو ناسكم السنة كلها يصلوا ويدعوا (اللهم انزل الغيث) ..اها لما يجيكم الغيث تقوموا على الجرسة !! |
| Quote: قريبي ناصر التجاني قال هو في الطابق الرابع جاهو زميلو المسيحي قال ليهمو ما عندكم صلاة توقف المطر ؟؟ |
حبيبنا عمران
| Quote: الغريبة الرياض أول مرة نشوف لون السماء الأزرق من اسبوع وشمس حااااااااااااااارة |
اولن : شكرن يا حبيب على الدعوات
تعرف اسي في ي ي جدة دي مستوى و كثافة المطر متفاوتة
عموماً ياخ ايتمتعوا بالزرقة - في احلى منها ياخ !؟ - لكن الحر ما حبابو كلو كلو
-----------------
* بسودانيز اون لاين الاخرتا ضوط كوم ... دنيا ام قدود !!
دنيا فرندقس .. و آخرتا كوم تراب بس !! .. يدوا الحلق للماعندو اضان ...
يا بكري مكتبة امين دي لي شنو اسي !؟ .. بذار ساي !!
شوف براك عشان لما يسألك، ما تقول ناس قيقا جاباو لي قرار خطير جداً .. جدن
| |
|
|
|
|
|
|
|
|
|
Re: امطار غزيرة في جدة ... غايتو ( البلد ) غرق رسمي !! (Re: الحاج حمد الحاج)
|
غايتو طريق المدينة حالة صعبة ..
يا قيقا..
إنت أصبحت كويس؟؟
عندنا موظفين كتار بايتين في المكتب..
حتى إنهم رفضوا اقتراحي بالمبيت في فندق..
أنقر ليش؟؟
قالوا نحن لو قادرين نتحرك من هنا كان أولى نمشي بيوتنا..
شي يقطع القلب.. ياخ الإنسان دا ضعيف بشكل..
ربنا يجيب الخير..
همس لي أحدهم: "ما ادري ليش جالسين يسووا صلاة استسقاء..ترى مررررررررررة زودوها"..
كاااااااااااااااك..
..<<..
| |
|
|
|
|
|
|
|
|
|
Re: امطار غزيرة في جدة ... غايتو ( البلد ) غرق رسمي !! (Re: عصام دهب)
|
| Quote: حمداً لله على السلامة يا شباب .. |
الله يسلمك يا دهب
ان شاء الله الخسائر تكون محدودة ؟
تعرف لي ي ي شلاقتي يوم التلاتاء سقت سيارة الشركة ! يوم الاربعاء وقفتها الساعة 10، بالضبط عشرة تانية - من ابو دقائق - و دقت المزيكا .. اقصد المطرة و قلبي دقاتو زادت شوياااااااااء ( تعال غني يا ود القاضي ياخ ! ) .
غايتو ...
الحمد لله
محمود يا فنان
اصبحت كويس انا
شكراااان على السؤال
استاذة / محاسن ابراهيم
تسلمي و الف شكر ليك
| |
|
|
|
|
|
|
| |
قيقراوي
omer osman
محمد العوض
محمد عبد الماجد الصايم
عصام دهب
بله محمد الفاضل
Mohammed Awad
صديق الموج
تاج السر محمد حامد
فايزودالقاضي
البشير دفع الله
ابوعبيدة النعمان
داليا الكباشى
البدري عبد الله
خالد حامد الجزولي
عمران حسن صالح
صلاح غريبة
HAIDER ALZAIN
عبدالرحيم أبراهيم العبيد
بشير أحمد
جعفر محي الدين
Mahmoud Mustafa Mahmoud
الحاج حمد الحاج
فيس بوك
تويتر
انستقرام
يوتيوب
بنتيريست