|
|
|
 Re: أهدى زميلك وردة ،،، دعوة للتسامح (Re: الفاتح الجنيد)
|
يا سلام عليك يا الفاتح
أحب الورد والزهرة
أحب الماء والشجرة
مش كان في نشيد زي دا زمان
بس شخصياً ما بتكفي كل الزهورة النابتة في الأرض
بأن تجلب لي سماحاً من أحد
فقط أرنو إلى أرواحهم
فهي محط السماح
وأتأمل منهم مسامحتي
هنا وهناك
شكراً لروحك أيها الفاتح للإنسانية حدائقا
| |
  
|
|
|
|
|
|
|
|
Re: أهدى زميلك وردة ،،، دعوة للتسامح (Re: محمد عبدالرحمن محمد)
|
Quote: بس شخصياً ما بتكفي كل الزهورة النابتة في الأرض
بأن تجلب لي سماحاً من أحد
فقط أرنو إلى أرواحهم
فهي محط السماح
وأتأمل منهم مسامحتي
هنا وهناك
|
الحبيب بله
روحك وريفة وليك جاذبية
صدقنى الروح دائما جميلة
فقط تحتاج بعض الاحيان لجرعة تنعشها كقطرة الندى على صفقات الوردة
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: Tabaldina)
|
والله ياالفاتح وردك ما بنابهو سمح بالحيل ...
لكن خليني احكي ليك القصة الظريفة دي عن ثقافة
السودانيين فيما يتعلق بالورد ............
صديقي العائد من اوربا بعد غربة طويلة ...
ذهب لزيارة احد اقاربه مريض بالمستشفي ...
اختار بعناية بوكيه ورد جميل يليق بقريبه المريض ...
فور خروجه من غرفة المريض بعد الزيارة ...
المريض قال لي اقرب زول جنبو انتو فلان ده يجيب لي
بوكيه ورد قايلني الجندي المجهول والا شنو ... 
صديقي قال لي السودانيين ديل غير كيس برتكان
مافي حاجة بتنفع معاهم ...
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: omer osman)
|
عمر عثمان ياخوى ثقافة الورود لغة بتخاطب الروح
ونحن روحنا صدقنى مافى اجمل منها
بس محتاجه لى شويه عفرته بى حاجات زى دى
وبينى وبينك صاحبنا بتاع المستشفى ده معاهو حق
لانو زول عيان وعاوز حاجه يرُم بيها عضموا زى البرتكان
بس بعد ما يطلع من المستشفى الورده بقبلا
والا شنو !
دُم بخير ،،، ويمين تقبل بى دى وتختها فوق شباك اوضتك
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: Tabaldina)
|
Quote: بما انى اكتشفت ان الذى يهاجمالاخرين كثيرا
ويسئ للغالبية اكثر ..
ليس هو دينق _ المعروف بجورج بوك_
فاننى اهدى احد ورودك لدينق الحقيقى ..
واخرى لشول وثالثه لدوت .. |
كللللك زوق يا تبلدينا
والبستان بحالو ا تحت امرك ياسيدى
بس ياريت لو كان قبّضت كل واحد وردتو فى ايدو
عشان ما يجى يقول ليك ده كلام جرائد
ألعب فى المضمون
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: الطيب شيقوق)
|
يا سلام يا ابو رامي ياخ
خايفة اقوم اقول لي بيتين تلاتة القى القرضابي لابد لي تحت ورداية ولا نيماية
باقي هو بعرف وين محل الناس بتتلم
قدر ما قلت اختار وردة غلبني مع ورودك الجميلة
يكفينا طلتك الحنينة دي والله
ما بعرف انزل صور لي هسة تصدق
ولا كنت نزلت ليك بستان بي حالو
تسلم كتير
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: اسماء الجنيد)
|
Quote: جيناك يا ود الجنيد نمد اليك اياد بيضاء للتسامح
اطيب الاماني |
ود شيقوق المسنوح سلام
الليلة ما براك ضمة على قول ود جبريل
النبي فيك تقول لي القليلة السويتها شنو وراجي يسامحوك فيها؟
كدي وريني بسرعة شن سويت في ود الجنيد فى قفاي ؟
عشان اقوم اردح فيك باقي الليل ده
يحلك الحلا بلة الليلة
انا اصلي متقريفة لي لي عوا معاك لي كم يوم
واصلي ما بوريك السبب
لكن اركز على قولك هييييييييع
هجاء بطحانية من نضم اهلها ناس ود ضحوية
الليلة ووووووووب على قول اختي بت الشيخ
متاوقة بالحيطة
اميرة الشباب ازيييييييييك
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: ALGARADABI)
|
Quote: أخونا الفاتح
شكراً على الزهور و الورد
ونهديك لوح تلج
كسر كسر يا حبيب |
لوووووووووووووولز والله ايام يا عمر ياخ
اشتقنا لي مكاواتك دي يعلم الله
كيفنك عليك الله وكل الاسرة عاطر التحايا لك ولهم جميعا
اها عشان جيتك دي يا القرضابي الهلالابي المخضرم تب خيتك ما بترجعك فاضى
ببدأ ليك انا بي هدية لي ود الجنيد
وتلجك ده ان شاء الله حرارة قصيدتي دي تموصو ليك لوولز
يا ود الجنيد هاك دي
وبما انه الدنيا عندك صباح بهدي ليك ,,,,,,,
صباحك
*****
يصابح وشك الدنيا..
وصباحى معاك نغم صوتك ..
يرتل زى وليد خلوه ..
محكر فيك فى جوفك..
بسيمتو تهش تفرحنا..
تمتع ديمه بى شوفك..
تقشقش دمعتى ا لحارة ..
شعر كلماتو بى حروفك..
قصص مرويه بى شوقنا..
خيوط الوانها من طيفك..
تقرب فى مسافا تنا ..
نهار قعداتو فى جروفك..
مياهو الجاريه من نيلنا..
حصن حارساهو بى سيوفك..
يصابح وشك الدنيا ...
وصباحى معاك نغم صوتك..
يداعب زى حجول طفلة ...
تبرعم ورده لى قطوفك ..
تهم فرحانه لى جيتك ..
تحن مشتاقه لى كفوفك ..
فروع متكيه خجلانه..
تقالد ديمه فى قيوفك ..
غيوم مطوية تتقدل ..
ترف نديانه لخريفك..
يصابح وشك الدنيا..
وصباحى معاك نغم صوتك..
***
اسماء الجنيد
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: طارق جبريل)
|
سلام يا فاتح
وشكرا على الورد الجميل
عندنا هنا في كانبيرا وسنويا معرض زهور
حاجة مبالغة في العرض والجمال
اتمنى انكم تزوروه
وبي مناسبة وردك ده
اهديك واختي اسماء الجنيد والجميع هذه الطرفة
طالبه مشاغبه
المدرس اشتكاها للمدير
المدير بعتلها قال لها "عملتى ايه؟"
قالت له "ولا حاحه رميت ورده من الشباك"
قال "بس كده؟" قالتله "اه"
بعد شويه لقى طالبه مدغدغه ومكسره
سالها "ايه الى عمل فيكى كده؟"
قالت له "انا ورده الى اترميت من الشباك."
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: الفاتح ميرغني)
|
كان خليتا فتوجى ما كان احسن !
وانا عارف قصدك
علا العشاء دى تخوف ياشيقوق
إت من آكلى لحوم البشر!!!! لوووول
او كما فاهم صاحبنا المصرى
محرية فيك يالحبيب
وكان داير كل يوم بتلقى ليك ورده قدام خشم بيتك
ذكّرتنى عندى بت اخوى صغيره بتنادينى عمو توحه
دلع فى صُغُرنا ما لقيناهو
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: الفاتح الجنيد)
|
Quote: أخونا الفاتح
شكراً على الزهور و الورد
ونهديك لوح تلج
كسر كسر يا حبيب |
حبيبنا القرضابى يا بتاع التلج
جابتك ريحة الزهور !!!
شيل التلج ياخوى قالوا بجيب انفلونزا الخنازير خاسسسة اليومين ديل
هاك دى ريحتها بتفتح الخياشيم وبتودر الزكام
أرقد عافيه
| |
|
|
|
|
|
|
|
|
 Re: أهدى زميلك وردة ،،، دعوة للتسامح (Re: الفاتح الجنيد)
|
دا شنو يا عمكـ .. هو البورض ناقص
جناين كمان فاتح لينا جنينة جديدة!!
وردة عامة: لأعضاء البورض بدون فرز
وردة خاصة: دليفري واحدة لليابان .. والتانية كوستي!
وردة اعتذار: للسويد
وردة أخـوّة: لمسقط (ما تفرح .. ما ليكـ إنت .. لسوما)!
وردة تلج: للفاتح الجنيد الذي زاد جناين البورض جنينة!!
وردة  لـ
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: الفاتح الجنيد)
|
Quote: ارقد يا عيش
ان جيت يا ود الجنيد
انت البوست دة فاتحو كسير تلج لي بت ابوي ولا شنو
باقي القرضابي دة ود حلتنا وصديق اخوي رحمه الله
وكلامه آآآآآبينزل الواطة |
ود جبريل حبابك وحباب الدرب الجابك
كان جيت للجد والله ياخوى مزعلنى العك والتشنج الحاصل فى البورد ده
قلت اصفى القلوب أكان حبايبنا ديل يرشو بعض بالزهور بدل موية النار دى
لكن وكت لمّ الحبان كمان يبقى خير وبركة يابركه
ابقى لا جوه
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: الفاتح الجنيد)
|
Quote: اخونا الفاتح سلام
والله انا والحمد لله متسامحة مع الجميع لكن للضمان كده برضو بهديكم وردة
|
سامية الحبيبة سلام ومشتاقين يا خية
لكن الوردة ما عندك ...
تصدقي تنفع بي لونها ده رسمة توب إنمااا
بس تعال نلبد سااااااي ما تجي زولة تسرق فكرتنا
والعجب لو نفس الوردة حنة
وووب علينا والحفلة بي وردي
بسحرونا ياخ
والله صحي
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: الفاتح الجنيد)
|
Quote: طالبه مشاغبه
المدرس اشتكاها للمدير
المدير بعتلها قال لها "عملتى ايه؟"
قالت له "ولا حاحه رميت ورده من الشباك"
قال "بس كده؟" قالتله "اه"
بعد شويه لقى طالبه مدغدغه ومكسره
سالها "ايه الى عمل فيكى كده؟"
قالت له "انا ورده الى اترميت من الشباك."
|
ههههههههههههه لووووول ياخالد
اضحك الله سنك
Quote: سلام يا فاتح
وشكرا على الورد الجميل
عندنا هنا في كانبيرا وسنويا معرض زهور
حاجة مبالغة في العرض والجمال
اتمنى انكم تزوروه
|
عندنا ياخالد الورد مظلوم ظلم الحسن والحسين
والرومانسية دى الشكيه لى الله الحاجه الوحيده الما موجوده فى جيناتنا ليه ما عارف
مع ان فينا طيبة كان زرعوها فى الصحراء الكبرى تخدّرا
دعوتك مقبوله تب والله وما تستبعد كان الله مد فى الايام
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: الفاتح الجنيد)
|
Quote: اخونا الفاتح سلام
والله انا والحمد لله متسامحة مع الجميع لكن للضمان كده برضو بهديكم وردة
|
العزيزة سامية
ربنا يكملك دائما بسماحة روحك الطيبة
وهاكى الورده دى عربون موده وألفه
بس صحن الورده دا ما تقوموا تلخو فيهو حنتكم انتى واسماء الحنيد
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: البدري عبد الله)
|
Quote: ارقد يا عيش
ان جيت يا ود الجنيد
انت البوست دة فاتحو كسير تلج لي بت ابوي ولا شنو
باقي القرضابي دة ود حلتنا وصديق اخوي رحمه الله
وكلامه آآآآآبينزل الواطة |
ود ابوي جبريل حبابك
وحات الله يا اخوانا جنس قوة عين هي !!!
اب سنينة يضحك على اب سنينتين صدق المثل
والله صحي
ات منو البلحقك في رقاد الخل
من زمن كنت في الامتدادات ومساككة الحفلات
السقط هرد عضامك ووهدومك لوووووووولز
والحت البتحتو بي سبب نخجيك حت سبيب شعرك وكبرك قبال يومك
رفاقتك كلهم لي هسي مخنفسين لووووووولز
علا انت الشلاقة الرامياك بردلب
ود ابوي جبريل ارقد آخوي واتناولك وريدة من وردات ود الجنيد ده
وامشي محل بتتنخج انصاص الليالي وختها وعاين فيها بتبرد الحشا بالحيل
ودعتك الله
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: اسماء الجنيد)
|
Quote: عزيزنا الفاتح الحديقة
تسلم يا حبيبنا وأنت تهدي الناس وردا في زمن المشي على أشواك الصبَار!
|
اوه حبيبنا رجل المناسبات الدافئة
صحى يالفاتح اخوى الزمن ده الناس شايلا قلوبها فوق ايديها ورجليها تخوض النار
بس نحن كمان ما فى داعى نزيد العلينا ونحمل كتوفنا بى حملا خاتينو برانا بى ايدينا
الكلمة الطيبة رُضى الحبان وزاد الآخرة
والولف والتسامح يسموا بروح الانسان فوق كل الصعاب
وهاك الوردة دى عربون محنة ووفاء صُرها فوق طرفك
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: الفاتح الجنيد)
|
Quote: سلام يا فاتح
وشكرا على الورد الجميل
عندنا هنا في كانبيرا وسنويا معرض زهور
حاجة مبالغة في العرض والجمال
اتمنى انكم تزوروه
وبي مناسبة وردك ده
اهديك واختي اسماء الجنيد والجميع هذه الطرفة
طالبه مشاغبه
المدرس اشتكاها للمدير
المدير بعتلها قال لها "عملتى ايه؟"
قالت له "ولا حاحه رميت ورده من الشباك"
قال "بس كده؟" قالتله "اه"
بعد شويه لقى طالبه مدغدغه ومكسره
سالها "ايه الى عمل فيكى كده؟"
قالت له "انا ورده الى اترميت من الشباك." |
هههههههههههههههههههههه حلوة يا خالد والله
سلام ليك وللاسرة الكريمة
وليكم كل الورود الفي بوست ود الجنيد ربنا يهنيكم ان شاء الله
نحن لسه موعودين بي ضبيحة الكنقر لووولز
انتو اضبحوا لينا الكنقر نحن بنجيب ليكم معانا كسرة وىبري بدل ما تشتروه زي رمضان الفات الطرقة بي 10 دولار
تحياتي لكم جميعا
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: اسماء الجنيد)
|
| Quote: وردة أخـوّة: لمسقط (ما تفرح .. ما ليكـ إنت .. لسوما)! |
ود الصايم يا عمك ما حزرت على قول اهلنا الشوام
حليل سوما لما كانت في مسقط
تودي الورد مسقط وانا بي جاي قاعدة في السقط ؟؟
مقبوووووووووولة منك لكن
سلام بالله يا ابو البنيات ليك والبنيات ولي الحبيبة امهن
وليكم مني كليقة ورد من ورود الخواجات دي
وسنة جديدة سعيده عليكم
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: الفاتح الجنيد)
|
Quote: وردة عامة: لأعضاء البورض بدون فرز
وردة خاصة: دليفري واحدة لليابان .. والتانية كوستي!
وردة اعتذار: للسويد
وردة أخـوّة: لمسقط (ما تفرح .. ما ليكـ إنت .. لسوما)!
وردة تلج: للفاتح الجنيد الذي زاد جناين البورض جنينة!! |
الورد ده يا ود الصائم فارشنو لينا تلاتة يوم راجين الرزق
تجى تخُمنا بى كلمتين تلاتة وعاوز تمشى
يعنى نوديهو وين !!!
اتسركن معانا ياخ شيل ووزع خلينا نفضى التربيزه
وهاك دى منى ليك محبة ساى لله فى الله وادى منها اصحابك
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: الفاتح الجنيد)
|
Quote: اوه حبيبنا رجل المناسبات الدافئة
صحى يالفاتح اخوى الزمن ده الناس شايلا قلوبها فوق ايديها ورجليها تخوض النار
بس نحن كمان ما فى داعى نزيد العلينا ونحمل كتوفنا بى حملا خاتينو برانا بى ايدينا
الكلمة الطيبة رُضى الحبان وزاد الآخرة
والولف والتسامح يسموا بروح الانسان فوق كل الصعاب
وهاك الوردة دى عربون محنة ووفاء صُرها فوق طرفك |
وجع ,,, وجع ,, وجع
يا الفاتح الجنيد والفاتح ميرغني
عاد يا ود الجنيد عرفت بالحيل تجيه وردتك لي ناس القيافة واللطافة والظرافة
والاناقة المي اناقة شوفوني واعرفوني ,,,
شغل مجيه صاح ما شاء الله وتبارك الله
لكن بيني وبينك ود ميرغني اخوي بستاهلا تب وحات الله زولا صااااااااافي وقلبو صافي زيو
وفرحو وعلمو المنثور في حوش بكري ده يخلي كل زول فينا يديهو باقة ورد بكل الوان الطيف
واصلو هو قاعد محل الجمال والورود الطبعيه ما مزيفة
وما ملفوحة من العم قوقل زي ما بتلفح باقي خلق الله زينا وجاي لووولز
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: Abdlaziz Eisa)
|
| Quote: بوست موفق من الصباح وبداية ليوم طيب مع امتياتى بالصحة والعافية للجميع |
مساك الله بالخير اخوى ناصر
وان شاء الله زى ما يومك بدأ طيب مع ورودنا
ربى يخلى كل ايامك تصبح وتمسى وانت فى نعمه وصحة وعافية
وهاك مسّى بى دى عربون موده وإلفه 
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: الفاتح الجنيد)
|
غايتو الله يسعلنى ناس الجنيد وود السيد ديل الورد ما يشوفوه الا فى علب الحلاوة..
قادر الله..
اها ناس ود شيقوق وخالد المحرب ديل قدر ماقوقلت عشان القى لى حسكنيته
والا طندبه والا حرازة يخربنى ،قوقل زاتو ماعرف نوع وردهم ده، اها
ديل بسمو الورده نوارة يهدو ليهم نوار قرع والا كيف؟؟
الفاتح غايتو محاوله للحنكشه ما بطاله الله يقسم ليك،،
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: الفاتح الجنيد)
|
Quote: غايتو الله يسعلنى ناس الجنيد وود السيد ديل الورد ما يشوفوه الا فى علب الحلاوة..
قادر الله..
اها ناس ود شيقوق وخالد المحرب ديل قدر ماقوقلت عشان القى لى حسكنيته
والا طندبه والا حرازة يخربنى ،قوقل زاتو ماعرف نوع وردهم ده، اها
ديل بسمو الورده نوارة يهدو ليهم نوار قرع والا كيف؟؟
الفاتح غايتو محاوله للحنكشه ما بطاله الله يقسم ليك،، |
اول فى التبادى يا صديق ياخوى انا مانى مفروس منك
اتلومت معى لوم الخلا والشدر
تجرنى على ضل نيمة بت الجنيد وتفوت تخلينى
جيتك شايل قهوتى يعلم الله جنزبيلا لمن عامل رغوه
وكبيت ليك فنجانك لمن برد
وانتظرتك لمن ضلها راح وكرعى ضربتن الشمس بعد الترطيبة ديك ما جيتنى مارق
تانيا نحن أهل السكر زااااتو البسووا منو الحلاوة حقتك دى شن قولك عاد
تالتا إت جربت الحنكشه فى الكبر شفتها لذيذه كيفن !!!
وعلى الجزيم بعد ده كلوا الا اديك الورده الدهباية دى تعلقها فوق بدلتك البيج ديك
عشان تكمل صورتك الخايف عليها 
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: الفاتح الجنيد)
|
Quote: وردة خاصة: دليفري واحدة لليابان .. والتانية كوستي!
|
الشاعر المجيد الفاتح الجنيد.
تحياتي
شكرا على هذه اللفتة الكريمة وتمديد مساحة التسامح.
وأسمح لي أن أقطف بعض الزهور من روضك الغنا وأن أهديها لك ولحبيبنا ود الصائم وحبيبنا الفاتح ميرغني والزملاء الافاضل والزميلات الفضليات.
أكيد معزتي
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: محمد عبد الماجد الصايم)
|
Quote: غايتو الله يسعلنى ناس الجنيد وود السيد ديل الورد ما يشوفوه الا فى علب الحلاوة..
قادر الله..
اها ناس ود شيقوق وخالد المحرب ديل قدر ماقوقلت عشان القى لى حسكنيته
والا طندبه والا حرازة يخربنى ،قوقل زاتو ماعرف نوع وردهم ده، اها
ديل بسمو الورده نوارة يهدو ليهم نوار قرع والا كيف؟؟
الفاتح غايتو محاوله للحنكشه ما بطاله الله يقسم ليك،، |
كااااااااااااااااااااااااك على قول ود الصائم
ود الموج والله دي بالغت فوكاااااا
ياخ ازيكم ياخ وسلامنا للعقاب كلو بالله
اضحك الله سنك يا ود الموج يا حبيب الكل
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: اسماء الجنيد)
|
Quote: كااااااااااااااااااااااااك على قول ود الصائم
ود الموج والله دي بالغت فوكاااااا
ياخ ازيكم ياخ وسلامنا للعقاب كلو بالله
اضحك الله سنك يا ود الموج يا حبيب الكل |
اسماء بت عمى ...سلام
معليش نسيتك بالجد انت وردة الجنيد وضواحيها كمان..
لكن ناس ودشيقوق وود المحرب وود الجنيد وود الصايم
وهجو الاقرع ديل بخلو الزول يشوف وردة ...
بالله شوفى جنس خشونة الاسامى دى؟؟ حرابه بس..
سلامك وصل العقاب تب..
الفاتح ما تحمر لى بالله ......لوووول،،،
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: محمد عبد الماجد الصايم)
|
Quote: شكرا على هذه اللفتة الكريمة وتمديد مساحة التسامح.
وأسمح لي أن أقطف بعض الزهور من روضك الغنا وأن أهديها لك ولحبيبنا ود الصائم وحبيبنا الفاتح ميرغني والزملاء الافاضل والزميلات الفضليات. |
الورد دا يا صديقى عبد المجيد ماهو للزيك ده البعرف قيمتو
شيل يا ود الحلال وقسم للجيران
والله يملاك محنة يا حنين
ودى ليك يا ملك 
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: الفاتح الجنيد)
|
| Quote: شنو يا مجدي ضربت التأمين |
ود الصائم يا عمنا ما تهلوس ساي .ز تأمين شنو كمان البتسأل منو ود المقابل ؟؟
ناس دكتور مجدي ديل ناس الرأى والفهم والفكر والعلم المبتكر
و ناس الرزانة والرصانة
ما زيكم انتو ناس حجر شيشة وجبخانة لووول
مكاواتك دي سويها مع ناس سوما وجاي
قال تأمين قال
بعدين انا ما اتلوترت لكن اتدبلنت لووول
اسأل طارق الامين بوريك انا اتدبلنت كيف ؟؟
سماني هو اب صلعة
بقى يقول لي سوما المدبلنة ومضبلنة لووول
شكيتك يا طارق لي جدي طه الضرير
يشيل ريشتك دي ويهمبتك ويعدمك السرير
همباتة واجرك على الله لوولز
الفاتح الجنيد نوع بوستيك ده ما بنفع مع ناس سوما وود الصائم وود الموج ما اتينا لحوار ولا لزهور ونوار
ما تركز معانا كتير خليك مع ناسك الجميلين ناس الفاتح وود المقابل وبقية الكوكبة الانيقة
| |
|
|
|
|
|
|
|
|
|
Re: أهدى زميلك وردة ،،، دعوة للتسامح (Re: اسماء الجنيد)
|
قالوا
ـ امنح وردة ... تمنح ابتسامة ...
ـ إذا كان لديك قرشان فاشتر بأحدهما رغيفا وبالثاني وردة
ـ الوردة مرسال الحب وترجمان المشاعر
ـ تمعن فى الوردة فتسمع الجمال ينطق
ـ قف على تل مرتفع وانظر لبستان ورد ، ثم التفت فى الاتجاه المعاكس لترى قفرا تشقق ثراه ظمأً ... ففى ايهما تكتب قصيدة؟
ـ الوردة تيرمومتر الاحاسيس ، تشعرك برونق الحياة عندما تتفتح ، وبالأسى اذا ذبلت
ـ الوردة لغة التواصل حين تنعقد الألسن
ـ إذا تخاصمت مع صديق فاجعل ساحة المعركة بستان ورود
ـ الورد يعطى دائما ولهذا فهو يذبل
ـ تمعن فى وردة ذبلت لتعرف مقدار ما أعطت
ـ إسحق الوردة تعطيك ريحاً طيباً
ـ توصف المرأة بالوردة ، إذن فهى أصل الجمال
ـ ازرع وردة تبتسم لك امتناناً
ـ الورود هى الكائن الوحيد الذى به كل ألوان الطيف
ـ العطر ، وأناقة الشعر ، ونضارة البشرة أصله وردة
ـ كما العسل خامته الوردة
ـ الوردة أخف فى الميزان وأثقل فى العنوان
عنصر فيه كل هذه المعانى لهو أحق بأن يكون رمزاً للوئام والمودة والتسامح
فلا تبخل بها على عدوك قبل صديقك
وفى النهاية ... "الدنيا آخرتا كوم تراب"
| |
|
|
|
|
|
|
| |
الفاتح الجنيد
بله محمد الفاضل
محمد عبدالرحمن محمد
omer osman
الطيب شيقوق
اسماء الجنيد
ALGARADABI
طارق جبريل
خالد العبيد
ساميه حامد
الفاتح ميرغني
محمد عبد الماجد الصايم
ناصر فراج
البدري عبد الله
Abdlaziz Eisa
صديق الموج
عبدالمجيد المقابل
فيس بوك
تويتر
انستقرام
يوتيوب
بنتيريست