|
Re: وزير يشتري ورد طبيعي بمليون جنيه (Re: د.محمد حسن)
|
نحن عندنا حكومة وردية
هي للورد
وشوفو الشايب كش الود
ناس شغالة وتلعب جد مرة حريق ومرة تجرجر في البكرا وهي لله ناس حسادة سموا التسلية عين المنكر وقالوا الميسر تف من خشمك نتعب نحن كول اليوم نحلحل فيها مشاكل البلد الما بتتحل مش من حقنا نلعب بوكر او بكرا ناس حاسدانا
| |
|
|
|
|
|
|
Re: وزير يشتري ورد طبيعي بمليون جنيه (Re: د.محمد حسن)
|
يا دكتور اول حاجة هاك قلبي هديته ليك وردة تاني حاجة المبلغ كم؟ مليون زي مافي العنوان ولا سبعين زي مافي البوست؟ لو مليون انت بتهزر؟ فيها شنو يعني لو اشترى ورد بمليون؟ هو المليون الايام دي بسوى حاجة؟ واحد قريبي بساله عن احوال البلد الاقتصادية قلت ليهو يعني ممكن يكون في جيبك مليون مليونين؟ قال لي ممكن لكن بيكون في تلاتة مليون زول دايرين يقلعوهن منك!!! يادكتور يلزمك غسل واعتذار سريع للسيد الوزير ودعاء كارب وحيث انني في مكة فسوف اوفر عليك الدعاء واخليك على الغسل والاعتذار (الغسل يجب ان يكون مع صلاة الفجر ودون استخدام السخان يعني موية الخزان مباشرة وانت طبعاً في الرياض وجوها الايام دي) وانت دكتور يعني بتعالج رقبتك بعد داك وقطع شك عندك تأمين طبي. اما السيد الوزير فندعو له بسلامة نخرين الهوانم ونظافة جيوبهن الانفية وان يكون الطريق مابين نخريهن وفشفاشن سالكاً دون اى عوائق. بئس المعارضة
| |
|
|
|
|
|
|
Re: وزير يشتري ورد طبيعي بمليون جنيه (Re: mayada kamal)
|
Quote: كوييييييييييس يا دكتور انك عدلت مداخلتك دي وما تفتكر اني ما شفتها
|
ميادة يا بهجة يا اخت الكريمة انا ما عدلت مداخلتي انا لحستها عديل تاسيا بالرئيس القائد الذي كثيرا ما لحس كلامو بدءا بانو قال حيسلمنا البلد زي ما استلمها كااااااااملة لا شق لا طق وكلامو السحب بيه الوفد من الدوحة وقال دي اخر جولة والان امين حسن عمر الما بعرف افاوض فريق رابطة قاعد في فندق 5 نجوم في الدوحة وما حيعمل حاجة حتى لو قعد 5 سنين واللحس كتير فقلت اتعلم الحس الكلام
| |
|
|
|
|
|
|
Re: وزير يشتري ورد طبيعي بمليون جنيه (Re: د.محمد حسن)
|
يا دكتور محمد حسن قووووووووووووول كلام يخش عقل زووول ثمح
Quote: حكومة تحب البهجة يا شعب يا نكدي |
قصد معارضة تحب البهجة لانو الايامات دي شابكننا خروج للشارع وهم حفايا متوشحين بالاسود وشاربين قهوة سااااااااااادة بي ملح واحزاب اخرى تأمر منسوبيها بالوقوف يوميا على ابواب المنازل من 7الى 7 ونص وما تنسى الزعيم التاريخي للحزب التاريخي الذي مهل الحكومة حتى الرابع والعشرون من الشهر الجاري والا اعتزل العمل السياسي اهاااااااااااا قوووووووووووول اعتزل العمل السياسي شنو يعني وما يعتزل............ يكو نريحنا ذاتو والعدد علي قلتهم وعدم حيلتهم(يكون نقص وااااااحد)
| |
|
|
|
|
|
|
Re: وزير يشتري ورد طبيعي بمليون جنيه (Re: Barakat Alsharif)
|
Quote: اشترى وزير ورد طبيعي بسبعين (70) مليون جنيه
لانو بناتو ما بحبو الصناعي |
سلامات يا دكتور
واحد من تلاته:
1-ايا انك راجل مسكين ومؤمن وصديق وفي زول نقل ليك خبر وصدقتو
2- انك راجل لطيف وعايز تروح عننا شوية من ضيق الحياة النحنا فيهو
3- انك راجل كضاب
تقبل احترامي اذا كنت احد الخيارين الاولين
...
| |
|
|
|
|
|
|
Re: وزير يشتري ورد طبيعي بمليون جنيه (Re: حذيفه ابراهيم الكباشي)
|
Quote: واحد من تلاته:
1-ايا انك راجل مسكين ومؤمن وصديق وفي زول نقل ليك خبر وصدقتو
2- انك راجل لطيف وعايز تروح عننا شوية من ضيق الحياة النحنا فيهو
3- انك راجل كضاب
... |
اساتذن الاخوة الكرام في ان ارد على اخونا الكباشي لانه خاطبني بصفة شخصية ولم ينف او يؤكداو يناقش الخبر
1- انا راجل طيب ومسكين ومؤمن لاني صدقت الانقاذ 21 سنة انها حتحافظ على وحدة البلد وانو لولا الانقاذ لوصل سعر الدولار 20 جنيه ( كان سعره 4 جنيه بعد اشبوعين من الانقاذ وصل 12 جنيه )
2- اصحابي بيقولوا انو دمي خفيف وحقيقة اسال الله ان يخفف عننا ضيق الحياة
3- ما كضاب لاني ببساطة لو كنت كضاب كنت بقيت مؤتمر وثني
تخريمة صغيرونة
انا قاعد في الرياض ( السعودية ما المسعودية ) والخبر تتناوله كل مجالس الخرطوم والوزير معروف
ويظل لك احترامي
| |
|
|
|
|
|
|
Re: وزير يشتري ورد طبيعي بمليون جنيه (Re: ادريس خليفة علم الهدي)
|
إزيّك يا ابوحميد، والله كنت عايز أنزِّل ليك أغنية الزهور والورد بصوت الخالدي لأنها عا########ي بالحيل ، بس الأغنية دي استهلكت في بوست بتاعي بعنوان (أجمل لافتة في السودان ) لكن ياخ إنتو ناس شنّافين ولسانكم طويل ، ياخ طالما إنو الحكومة دي فيها وزير بيهتم بالزهور دي وحدها بشاره وحاجه مشرفه ومريحه وحضاريه وعبِقه ، دا ممكن ياخد باقة ويضعها في إجتماع مجلس الوزراء وهاك يا قرارات اللافندر وبسرعة ستحدث الأثر المطلوب ، ياسمين واقحوان ونرجس عِوضا عن دهنسه ودغمسه ولحس كوع.. إنتو ناس عايزين تعارضو بس لابترحموا لا.. عاشت الحكومة..
_ منكم لله.
| |
|
|
|
|
|
|
Re: وزير يشتري ورد طبيعي بمليون جنيه (Re: ادريس خليفة علم الهدي)
|
دكتور محمد حسن ياطيب وشلونك
أول هام أنا بشكك في الخبر دا بالمنطق ...السودان كلو مافيهو ورد طبيعي بالمبلغ دا ...وبعدين السودانيين عن بكرة أبيهم بعتبرو كلام ورد وماورد دا مابرفع المعنويات ...يعني لو علقو ليهم خروف في البوابه أحسن ...ماتقولي حناكيش ولا غيرو لأنو شوف عيني شفتا حناكيش ايدهم للكوع في الشيه أم زيت
السبب التاني البخليني أشكك في هذه المعلومه...إنو معظم الوزراء ديل (عرب سااااكت) ناس ضراعي وضراعك وسلخ سخله وعجاج نمله ....
قال ورد قال ...إلا كان الورد حق لساتك الكي واااي
| |
|
|
|
|
|
|
Re: وزير يشتري ورد طبيعي بمليون جنيه (Re: أمير فتحي)
|
يا دكتور محمد
ياخي مشتاقين .... تلفوناتك بقت نادرة,
أقوليك ولي ضيوفك,
أنا سمعت بوزير ......اشترى (...... فيما اشترى )
1. سكك حديد مشروع الجزيرة 2. محالج ومخازن في مارنجان وبركات والباقير 3. غرابيل مشروع الجزيرة للقمع والتقاوى المشهورة 4. مباني مشروع الجزيرة في لانكشير (ببريطانيا) (واشتراها من مزاد سوداني في الباقير الويحيدة دي ....) 5. وامتلك (بقدرة قادر) أشياء آخرى كثيرة .. وكل وقته مخصص لاستثمارات سيادته الخاصـة ..... 6. وأمور أخرى ..... (بقولها ليك لما ألاقيك)....
وهي لله ... هي لله .... هي لله .... لا للسلطة ولا للجاه ....
أحمد الشايقي
| |
|
|
|
|
|
|
Re: وزير يشتري ورد طبيعي بمليون جنيه (Re: أمير فتحي)
|
الامير فتحي ما في لا شك لا توزيع في الكلام ده ده كلام 100% صاح ما شايف ناس المؤتمر الوثني اول ما اتاكدو من الخبر عملو حمد لبد
Quote: إنو معظم الوزراء ديل (عرب سااااكت) ناس ضراعي وضراعك وسلخ سخله وعجاج نمله ....
|
هههههههههههههههههههههههههه يعني ما نس ورد؟ ناس هازول انا قضيت شغلتي
| |
|
|
|
|
|
|
Re: وزير يشتري ورد طبيعي بمليون جنيه (Re: Munir)
|
Quote: خايف عليه أو خايف منه .. .. |
اخونا بونانزا الفارس المقنع انت مقنع خايف مننا ولا خايف على روحك يعجبني تضقيلك في المنتدى بقناعك
اما وزيرنا لو قريت ردودي على الاخوة الكرام انا قلت خايف عليهو بس انت استعجلت في الكتابة نرحب بتضقيلك في حوزتنا
| |
|
|
|
|
|
|
Re: وزير يشتري ورد طبيعي بمليون جنيه (Re: د.محمد حسن)
|
Quote: قلت لي ورد طبيعي؟؟ اظنه بيتسعد للفالنتين!! |
لووووووووووووووووووولز ترجرج دي بالغتي فوكااااا عديييييييل وقلبتي الهوبة سبعة مرات بعدين ياخ شفتي ليك اسلاميووووووووون بتابعوا البدع ؟ الحب الاحمر ده خليهو لي ناس دكتور محمد حسن ديل تكسرهم النسمة الطائرة لوووووووووولز
سلام يا دوك والله مشتاقين يعلم الله سلام ليك وللاسرة الكريمة خاصة الدكتورة الحبيبة وابو حميد والعيال وامهم عام جديد سعيد عليكم يا رب
| |
|
|
|
|
|
|
Re: وزير يشتري ورد طبيعي بمليون جنيه (Re: اسماء الجنيد)
|
Quote: الحب الاحمر ده خليهو لي ناس دكتور محمد حسن ديل تكسرهم النسمة الطائرة لوووووووووولز ] |
من زمن مستني عودة قلبي راحل بركة ورود الوزير الرجعتو
Quote: سلام يا دوك والله مشتاقين يعلم الله سلام ليك وللاسرة الكريمة خاصة الدكتورة الحبيبة وابو حميد والعيال وامهم عام جديد سعيد عليكم يا رب] |
وسلام ليك ولعيالك وتحايا خاصة لابوهم
واعوامك دايما سعيدة يا انيقة
| |
|
|
|
|
|
|
|