|
|
|
 Re: الوعي الذكوري (Re: HAIDER ALZAIN)
|
| Quote: اصحي ياشوقي نحن مافي السعوديه سواقة العربيه تبقي انجاز |
واريت كمان تشيلي لينا مسالة السعودية دي من خطابك لانو السعودية دي حاجة تانية وبلد قايمه بي زاته ما ليها دخل بالمعارك القايمه بيناتنا مؤخرا كتار جدا بيدخلو مسالة السعودية دي في حتات ما مفترض تدخل فيها ..
| |
  
|
|
|
|
|
|
|
 Re: الوعي الذكوري (Re: tmbis)
|
ثم ألا تتفقين معي يا مناهل أن {الوعي الذكوري} موجود وبقوة في العبارة دي:
{ انثي ولادسته رجال ذيك يا }
وهوما يثبت كلامك الذي افتتحت به البوست:
| Quote: الوعي الذكوري مشكله كبيره لانو حتي لو اداويت منو بشكل سطحي يظل راسخا في اللاوعي ويظهر في شكل العبارات التقليديه |
---------------------------------------------------------------
مرحب بيك في البورد
بس
ابعدي من اخونا ود الباوقة 
| |
|
|
|
|
|
|
|
|
|
Re: الوعي الذكوري (Re: الشفيع وراق عبد الرحمن)
|
شكرا حيدر وتمبس والشفيع علي المرور حيدر وتمبس ايد علي ايد نجدع بعيد . الشفيع قراية هذا النص يمكن ان تكون من عين الدونية وهنا يبقي وقعنا في فخ الوعي الذكوري ويمكن ان تكون بعين النديه بل والتجاوز بدسته كما يراها الاستاذ محجوب شريف واراها انا وهنا يبقي عاين ليها بالوعي الطبيعي او المتعافي .
| |
|
|
|
|
|
|
|
|
|
Re: الوعي الذكوري (Re: مناهل ابراهيم)
|
سلامات يا مناهل يا عزيزة وشكراً ( اقين ) لاستجابة
قلتي :
| Quote: ونعتبرك رجل اتيت لتقهرنا بعبارة الزمي البيت نحن نعي تماما ان قضية المراه ليست قضية نوع اجتماعي ضد نوع اجتماعي اخر نحن نفهم انها قضية مجتمع ذكوري يمكن ان يكونوا نساء يتماهون بالمتسلط او رجال تربوا علي قهر الاخر حفاظا علي سياده وهميه رسمها المجتمع الذكوري لهم بمجموع من الاعراف والمعتقدات والقوانين الذكوريه ضد نشطاء وناشطين يريدون ازالة التميز علي اساس النوع الاجتماعي ولتفهم تماما اننا لانلزم البيت بارحامنا |
هنا عاوز اسألك سؤال بسيط ( قد يكون خارج نطاق قولك لكن محرقص لي في بطني ليهو زمن باعتبار بعد نفسي سوداني وكل الناس اهلي ) انتي بتتكلمي عن نساء منو؟ وياتو بيئة؟
ففي الغرب مثلاً وجبال النوبة - حسب ما قريت - الخروج من المنزل والعمل والكد والاجتهاد في المزرعة او الاعمال اليومية من نصيب المرأة والزوج عملوا هامشي
جنوب النيل الازرق نفس الحكاية... بعض حواشات اقصي الشمال ما بتلقي فيها راجل واحد وحلة كاملة ممكن تلقي فيها صبي صبيين بس بعد هاجر واغترب الرجال عشان العملة الحرة
وفي كل الاحوال المرة هي العاملة .. المرة هي المنتجة.. المرة من تعيل وتكفل البيت..
فما هي المرة البتتكلمي عنها انتي؟؟؟
هل المتخيلة والمقهورة في نمط عصر الطهطاوي وقاسم امين؟ ام هي مرة المدن المفروض بعد وفرت حقها في القيادة يكون ليها حقوق تانية في العمل نحن ما عارفنها تكون غير حق بت الارياف والقري
الاكتسبتها بحقها وبعامل البيئة القاهر الاجبرها تنزل للحواشة وعمل اليومية؟؟؟
| |
|
|
|
|
|
|
|
|
|
Re: الوعي الذكوري (Re: HAIDER ALZAIN)
|
شكرا ياشباب علي المرور حيدر انا اعني كل نساء العالم بالنسبه لنساء جبال النوبه والنيل الازرق ذكرني بحال النساء في كينيا العمل وكفالة الاسره علي المراه نحن نطالب بالمساواه والشراكه ذي مابنرفض في ترتيبات الزواج انو يقوم بيها الراجل لوحده لانهم شركاء فاذا في ادارة وكفالة الاسره هم شركاء لاتقع المسؤليه علي نوع دون الاخر .
| |
|
|
|
|
|
|
|
|
|
Re: الوعي الذكوري (Re: مناهل ابراهيم)
|
مناهـل الشجاعـة
مـراحـب وأهـلا بيك
مقدمـك إضافة إيجابية لهذا المنبر
من قال لك " إلزمي بيتك " يستحق
الرثاء والشفقة أكثر مـن أي شئ آخـر !
---------------
| Quote: بس ابعدي من اخونا ودالباوقة |
يالشفـيع : ليه تبعـد من أخوكم ود الباوقة??
----------------
يا مناهـل : إيدك والبركـة
والله يخــدر ضــراعــك
| |
|
|
|
|
|
|
|
|
|
Re: الوعي الذكوري (Re: الشفيع وراق عبد الرحمن)
|
مناهل سلام
النظرة للمرأه وكأنها خادمة بيت فقط ,,, حاله رسخها وعى ذكورى متوارث
تداخلت فى تشكيله عوامل عده’’’ هذا قد يذهب بنا بعيدا فى دهاليز طويله ( وملولوه جدا )
لكن المهم فى الموضوع ان البعض يلوذ بهذا الوعى الذكورى عندما يتبين له ضعف
حجته وضحالة فهمه فيحاول قهر المرأه وتحجيمها بهذا النوع من الحيَل ,,, وهو
ماذهب اليه ود الباوقه ومن لف لفه ,,,, اتمنى ان لاتلين لك قناه فى ادخال هؤلاء فى
( علبهم ) حتى يتبين لهم الخيط الابيض من الاسود
ولك تقديرى واحترامى
| |
|
|
|
|
|
|
|
|
|
Re: الوعي الذكوري (Re: مناهل ابراهيم)
|
.
.
.
أي صـوت زار بالأمـس خيالـي
طـاف بالقلـب وغنـي للكمـال
واذاع الطهـر فـي دنيـا الجمـال
واشاع النور فـي جـوف الليالـي
...
إنه صوتـي إنـا زاده العلـم سنـا
إنه صوتـي انـا إبنـة النـور أنـا
اوتــدري مـــن أنـــا ؟
أنـا أم اليـوم أسـبـاب الهـنـا
أنـا مـن دنياكمـو أحلـى المنـا
...
كل حب في الورى رجـع حنانـي
كـل نبـع دافـق بالخيـر دانـي
مـن ينابيـع يغذيـهـا كيـانـي
أنا نصـف قدحـوي كـل المعانـي
من يدانينـي أنـا ابنـة النـور أنـا
...
يا شبـاب الغـد اسمعنـي جوابـا
يقتنيه الجيـل فـي الدنيـا كتابـا
...
إن عـزمـي مـــن فـتـاتـي
مسـتـمـد فـهــي ذاتـــي
ومرآة لصفاتـي فأطمئنـي يافتاتـي
...
كل ما فات يرتجى قد سلمنا من الزلل
فلنعد ولتعد لنا فرحة العيد والأمـل
فلنعد ولتعد بنا سنة الله فـي الأزل
...
سوف نرقـي سلـم المجـد رقيـا
ونفيـض العلـم ينبوعـا رويــا
ونـنـادي بتلاقيـنـا سـويــا
لنشيـد المجـد صـرحـا أبـديـا
نـحـو ســـودان جـديــد
.
.
مرحب بيك يا مناهل إبراهيم
.
.
..
| |
|
|
|
|
|
|
|
|
|
Re: الوعي الذكوري (Re: مناهل ابراهيم)
|
ابنتنا العزيزة مناهل
اولا ارحب بك ترحيبا حارا فانت تذكريني بفاطمه احمد ابراهيم في شبابها وتصديها لنظام جعفر نميري
موضوع حيوي وهام كما قال اخي حيدر الزين واتمني ان يكون الطرح عاما وموضوعيا دون التطرق لاسماء
لان شخصنة الموضوع ربما تضعف هذا الطرح ولك ودي وتقديري
| |
|
|
|
|
|
|
|
|
|
Re: الوعي الذكوري (Re: طارق ميرغني)
|
Quote: اولا ارحب بك ترحيبا حارا فانت تذكريني بفاطمه احمد ابراهيم في شبابها وتصديها لنظام جعفر نميري
|
الأخ طارق تحياتي وجهة نظرك نحترمها كثيرا
بس صدقني لقد ظلمت المناضلة فاطمة أحمد إبراهيم ظلم تاريخي.
| |
|
|
|
|
|
|
|
|
|
Re: الوعي الذكوري (Re: بشير حسـن بشـير)
|
يأم شوايل قودي الرسن
الثورة آتية لا مناص
بين كل الثورات التي شهدها السودان كانت المراة في مقدمتها
تحمل الحجر وتداوي الجرح .
يامناهل يابت ابراهيم قليل من الرجال يتوافق مع ما تحتاجه النساء..
والباقي طوافون في عالم التخبط والهذيان..
سيري وعين الله ترعاك
| |
|
|
|
|
|
|
|
|
|
Re: الوعي الذكوري (Re: خضر عبدالغفور)
|
الاخت الفاضلة مناهل
لك التحية الطيبة
حبابك عشرة يا اميرة مرة اخرى
_______________________________________
الله الله الامنجية فى مقدمة الحضور
خايفين و لا شنو ؟ .
| |
|
|
|
|
|
|
|
|
|
Re: الوعي الذكوري (Re: الطيب رحمه قريمان)
|
سلامات حبيبنا يا قريمان ..
البوست جميل وموضوعي وما عايزنو يخرب بمهاترة
لكن ...
Quote: الله الله الامنجية فى مقدمة الحضور
خايفين و لا شنو ؟ . |
مقدمة الحضور تمثل في شخصي اولاً HAIDER ALZAIN
ثم تلاها تمبس .. الشفيع وراق .. عبد الله الحبيب .. ياسر طيفور .. حبيب نورا
والبعد كدة كانو مافي مقدمة الحضور ..
فياريت يا الطيب قريمان يا صديق تجينا هنا وتورينا مقدمة الحضور قاصد بيها شنو ؟
والامنجية عرفتهم كيف وامارتهم شنو ؟؟
لانه كلامك دا بيمسني انا دا (HAIDER ALZAIN ) شخصيا لانه مقدمة المقدمة في الحضور
شاكر لك حسن تجاوبك
| |
|
|
|
|
|
|
|
|
|
Re: الوعي الذكوري (Re: الطيب رحمه قريمان)
|
شكرا يا الطيب رحمة قريمان .. ولك التحية
وفي انتظارو لمن يجي ناطي وقت ما وريتنا ليهو نعمل حسابنا منو في المقدمة دي
لك التحية ..
ـــــــ
ومعك اردد امنجي .. ارنب نط
| |
|
|
|
|
|
|
|
|
 Re: الوعي الذكوري (Re: الطيب رحمه قريمان)
|
Quote: تعرف يا حيدر الايام أنا اعرفك جيدا و سبق ان التقينا.
والله لو كنت انت المقصود لما كتبت حرفا عنك و لكن لكنت اتصلت عليك
وقلت يا حيدر انت امنجى ... و فيك و فيك ... دون مجاملة .
وانا زول كلامى برة و لا فيه دس و لا خجل و لا مجاملة
المقصود هو ليس انت يا حيدر . شوية ويجيك ناطى براه . |
ارنب نط تراني بنط ..
كلامكم دا بجيب ليكم الشفوت بتاعين الانترنت والامنجية الزينا ديل ..
يا قريمان ياخ انت لو دغري كدا ولا بتخجل ولا بتدس .. انا تاني زول مباشرة بعد حيدر دا .. ما تقول ليهو تمبس البعديك دا مالك جايب لينا النطيط والطيران ..
تفتكر لو قلت تمبس الامنجي .. او اي اكليشيه من اكليشيهاتكم المضحكة دي بزعل منك
بالعكس ..
انت زاتو لو ما قلته كدا انا ما عافي منك ..
حسع دي تعال اظهر نوع من الشجاعة وعدم الدس دس وقول ليهو دا تمبس .. يعني بي صورة اوضح
قدر لي نطتي دي ..
..
انت فرقك شنو عليك الله من مصطفى التجاهل .. تدخلو عشان تقدو البوستات وبعداك يجو يردو ليكم يقومو يرهبو الناس انتو قطاعين طرق وانتو امنجية وانتو الله الخلقني ..
اشكرك يا قريمان ان اتحت لي هزه الفرصة ... عشان اتشفتن وانفش عضلاتي في البوست الحساس دا ...
..
يا مناهل عندي معاك كلام خاص لحدت ما اجي راجع تاني .. بس عليك الله اعتمدي لي نوعية قريمان دا كنموزج ..
| |
|
|
|
|
|
|
|
|
|
Re: الوعي الذكوري (Re: مناهل ابراهيم)
|
الاخت مناهل ابراهيم
تحياتي
مرحبا بك في الوطن الاسفيري الذي يعكس ازمة الوطن المغتصب بجنود مشورع لم يكتمل بعد .
| Quote: الوعي الذكوري مشكله كبيره لانو حتي لو اداويت منو بشكل سطحي يظل راسخا في اللاوعي ويظهر في شكل العبارات التقليديه |
تكمن اشكالية الوعي الذكوري بانه متجزر داخل اوردة القيم المجتمعية الموروثة فمهما نضجت مدارك وعي الانسان وفكرة تخرج بدون ارادته الهيمنة الذكورية من مكنونات النفس .
ان قضية المراءة ليست قضية نوع اجتماعي ضد نوع اجتماعي اخر نحن نفهم انها قضية مجتمع
المرأة أسهمت في الحياة الإنسانية منذ القدم وكانت لها دور فاعل وكل الرسالات السماوية كرمت المرأة وأشركتها في الحياة العامة ولكن القيود الاجتماعية هي التي كبلت المرأة وإلباس ثوب الدين علي العرف هوا لأخطر في النظرة الذكورية للمرأة ولتوضيح التربية الأسرية التي تربينا عليها ومازالت هي تقليل من شأن النساء مثلا يابت اسمعي كلام اخوك او يابيت ماتلعبي مع الأولاد وما ترفعي صوتك علي اخوك وكثير من الموروثات المجتمعية التي تكرس للهيمنة الذكورية.
| |
|
|
|
|
|
|
|
|
|
Re: الوعي الذكوري (Re: يوسف السماني يوسف)
|
الاخت مناهل
تحياتي
هذه العبارات
انتي قلبتي الموضوع هلال مريخ
وهذه اشكالية....فقد أردت أن تظهري لنا أسلوبا جديدا في الفهم والفكر
وقد يأخذ البعد الفلسفي
لكن نفس العقدة التي تتهمين بها الآخر تربط لحواء
وقد نتهم حديثك عن ( نحن ) بأنه وعي أنثوي
فهل في هذا قضاضة
!!!!
| |
|
|
|
|
|
|
|
|
|
Re: الوعي الذكوري (Re: علي الكرار هاشم)
|
شكرا استاذ الطيب ويوسف وعلي المرور استاذ الطيب اي كوز واي امنجي حندي حقو من التاديب وزياده ولن نتهاون استاذ علي ذكرت ان اي محاوله لطرح القضيه كقضية نوع ضد نوع هنا يبقي احنا وقعنا في الفخ نحن (اكس او واي) ضد الوعي الذكوري
| |
|
|
|
|
|
|
|
|
|
Re: الوعي الذكوري (Re: يوسف السماني يوسف)
|
| Quote: الوعي الذكوري مشكله كبيره لانو حتي لو اداويت منو بشكل سطحي يظل راسخا في اللاوعي ويظهر في شكل العبارات التقليديه التي هزمها نضال النساء في العالم كعبارة )الزمي بيتك ) التي ساقها عضو المنبر في بوست انثي ولادسته رجال ذيك فليعلم عضو المنبر اننا في السودان شاركنا في الثورات والانتفاضات والبرلمان وحق العمل والاجر المتساوي و و و منذ زمن بعيد اصحي ياهذا نحن |
إنتي بالذات مفروض تلزمي بيتك وما شايفك حا تضيفي اي شئ أنتي إنسانة متهورة ومندفعة أكثر من اللازم اي ثورات هذه التي شاركتي فيها واي إنتفاضة (في السودان ده حصلت إنتفاضة واحدة في الثمانينات وقبلها) الشاركن في الثورات والإنتفاضات كلهن أعرفهن وبصورة جيدة جدا ما كانوا ذيك كده يردحن بسبب ودون سبب
| |
|
|
|
|
|
|
|
|
|
Re: الوعي الذكوري (Re: Shawgi Sulaiman)
|
| Quote: إنتي بالذات مفروض تلزمي بيتك وما شايفك حا تضيفي اي شئ أنتي إنسانة متهورة ومندفعة أكثر من اللازم اي ثورات هذه التي شاركتي فيها واي إنتفاضة (في السودان ده حصلت إنتفاضة واحدة في الثمانينات وقبلها) الشاركن في الثورات والإنتفاضات كلهن أعرفهن وبصورة جيدة جدا ما كانوا ذيك كده يردحن بسبب ودون سبب |
926
الشافك قفلتها ال 1000 الليله ما كضب
البت دي حا توديك التوج يا شوقي
| |
|
|
|
|
|
|
|
|
|
Re: الوعي الذكوري (Re: Shawgi Sulaiman)
|
شكرا شوقي علي المرور شفت اللغه البتفوح بالوعي الذكوري ياها حقتك دي الزمي البيت منو الاداك الحق ده والثورات والانتفاضات ما الا اكون شاركت فيها حواء السودانيه مامناهل وتاريخ الحركه النسويه لن اجهضه في شخصي اوه علي فهمك انا ماقلت ليك امشي اقراء سيكولوجية الانسان المقهور وبعد داك تعال باريني في البوستات
| |
|
|
|
|
|
|
|
|
|
Re: الوعي الذكوري (Re: السيد المسلمي)
|
| Quote: يا نهال اي انسانة لا تعرف تدير ازمة يجب أن تلزم بيتها وفعلا مناهل بتردح دي حقيقة ، هسع عليك الله الجماعة الإغتصبوا زميل ناس مناهل دي لو إغتصبوها تقول شنوا والله أول من يتخلى عنها الجماعة البطبلوا ليها ديل عشان كده قلت احسن تلزم بيتها ليس إهانة ليها بس اكرم لها |
اهلا مناهل
بت دغرية ولفتاتك غزال
لن يستحملك العقل الذكوري ؟؟؟
جميل ان تتخذين المواجهة وهي معركتك ومعركتي ضد العقل الذكوري والقيم الباليه
التي سوف تظهر اليك بعد شويه واستخدام الفاظ تحاول تبعدك بحجة انك امراة
هيا للعمل هيا للعمل
يا ريت ان اعرف النساء انهن اولي بالتواجد هنا لنصرة المراة والرجل ؟؟؟؟؟؟؟؟
| |
|
|
|
|
|
|
|
|
|
Re: الوعي الذكوري (Re: Sabri Elshareef)
|
| Quote: شكرا استاذ الطيب ويوسف وعلي المرور استاذ الطيب اي كوز واي امنجي حندي حقو من التاديب وزياده ولن نتهاون استاذ علي ذكرت ان اي محاوله لطرح القضيه |
شكلك صدقتي كلام الاخ طارق . انا بهناك وريتك طريقة لتسويق قضيتك بصورة سليمة لكن شكلك إستيعابك ما سريع تاني فتحتي بوست للردحي طبعا دائما نضالكم يشوبه هوس بأن كل متداخل هو كوز وأمنجي وعايزين تأدبوا ولن تتهاونوا . ياخ إنتوا عندكم زميل قلتوا إغتصبوا عديييييل كده أها عملتوا شنو وطبعا انا لا استبعد تلفيق قصة الإغتصاب دي لجلب العطف لكن دي أشياء اكل عليها الدهر.
مناهل إنتي بت صغيرة و شكلك عودك مالسع طري والدليل إنك تقومي من حفرة تقعي في حفرة النضال ما كدي يا بتي النضال فن وذوق وأدب حتى تضمني إلتفاف الناس حولك فهمتي يا مناضلة.
| |
|
|
|
|
|
|
|
|
|
أمقت النساء (Re: يوسف السماني يوسف)
|
أجدد الترحيب بك أختي مناهل
وأهديك هذا النص:
أمقتُ النساءَ
أمقتُ النساءَ..
لأنهنَ يدوخنني،
يفحتنَ أنهراً بقلبي،
يَشرعنَ في احتساءِ الوقارِ،
يُشرِعنَ أبوابَ عُزلتي،
يجعلنني أُبرطمُ بالكلام..
أمقتُ النساءَ..
لأنهنَ يدلِفنَ بي لبحرِ روحي،
يسبحنَ في تؤدةٍ،
ينبُذنني بالقاعِ،
كالحُطام..
أمقتُ النساءَ..
لأنهنَ كُلّ فخاري،
مبعثَ انبهاري،
وفتنةَ انتصاري،
في الحربِ والسلام..
أمقتُ النساءَ..
لأنهنَ تلملمنَ جميعهنَ،
بحُسنهِنَ الهدارِ،
بفتنتِهنَ،
ويأسِهنَ،
بشغفِهنَ،
ودموعِهنَ...الخ
تلملمنَ بواحِدةٍ،
أرجحتني في الغمام..
21/10/2008م
| |
|
|
|
|
|
|
|
|
|
Re: أمقت النساء (Re: Shawgi Sulaiman)
|
| Quote: شكرا شوقي علي المرور شفت اللغه البتفوح بالوعي الذكوري ياها حقتك دي الزمي البيت منو الاداك الحق ده والثورات والانتفاضات ما الا اكون شاركت فيها حواء السودانيه مامناهل وتاريخ الحركه النسويه لن اجهضه في شخصي اوه علي فهمك انا ماقلت ليك امشي اقراء سيكولوجية الانسان المقهور وبعد داك تعال باريني في البوستات |
انا لا اباريك انا بحاول أديك راسك اما القراية إنتي والله إنتي احوج ليها مني لأنك لسع بت صغيرة وخبرتك ما كفاية محتاجة تقري كتير بالذات لازم تاخدي كورسات بتاعت تسويق ولازم تاخدي كورسات بتاعت ردحي لأنوا الردحي بتاعك بالطريقة دي ما بجيب نتيجة والحاجة التانية برضوا ما تنسي تاخدي كورسات بتاعت واقعية لأنك بعيدة شديد عن الواقع. طيب بعد ده كلوا خليني اساعدك عشان نخلي البوست ده بوست مفيد ونربحك جميلة بالجد.
ياخ أنا عايز اعرف ما هي فكرتكم من خلال قرفنا؟
الحاجة التانية انا عايز أعرف |إنتوا قرفتوا من شنو؟
الحاجة التالتة الحاجات القرفتوا منها دي طريقة علاجها شنو؟
وما هي خططكم المستقبلية؟
وما هو الهدف من تنظيمكم هذا ؟ هل هو إسقاط النظام ؟ تصحيح النظام والوضع؟
وما هي تصوراتكم للفترة القادمة ؟
وما هي النتائج الإيجابية الحققتوها من فكرة قرفنا في الفترة الماضية.
الجوانب السلبية أنا عارفها أهو سجنوكم كم ساعة كدة وقعدوكم في الواطة وكتبتوا إقرارات وزميلكم إغتصبوا غيرو؟؟
| |
|
|
|
|
|
|
|
|
|
Re: أمقت النساء (Re: Yassir Tayfour)
|
يا شوقي أخوي سلام
بالجد الزمن اتغير و حصلت حاجات سلبية و إيجابية
منها إنك لو أصريت على معاداة النساء هنا ستكتسب عداوات لا تحتاجها
وجهة نظرك على عين و رأس أتخن تخين/ة
لكن الإحتكاك يولد الشرر و بجيب ليك المسبة التي لا تحب و لاتتوقع
حسب فهمك الحالي للمرأة السودانية- التي عرفتها - و لن يغير شيئ!
طرحت وجهة نظر هذا يكفي ,, لا داعي للإصرار و التربص
أرجو أن تتفهم مقصدي.
| |
|
|
|
|
|
|
|
|
|
Re: أمقت النساء (Re: saadeldin abdelrahman)
|
| Quote: واهقي اورنجي اسي تجوبن اوركناني |
الكنداكه
مناهل
سلام من الراحله المقيمه الكنداكه
المحسيه الجنوبيه السودانيه
امال كنه تبلغك تحاياها
كونى الشمعه
انتى فى مقام وطن شامخ
| |
|
|
|
|
|
|
|
|
 Re: أمقت النساء (Re: Mubarak kunna)
|
Quote: Quote:
بالاذن من صاحبة البوست مع التقدير
نـــــــــــــــــــــــــــــــــــــــــــــــداء
سلام وتحية
اتمني من الجميع وخصوصا ........3معروفين............
العودة لاخوة المنبر والاحترام ووقف المهاترات فورا
ارجوكم اخوتي هذا الغبن لن يسقط النظام ولن يعطي ملكاً لاحد وسيعدم المودة بالتاكيد |
الاخت مناهل
هل التجاهل سببه الجندرة ام نوع من الجهجههة !!! والشكر للاسلوب والطرح الراقي في هذا البوست
| |
|
|
|
|
|
|
|
|
|
Re: أمقت النساء (Re: التيجاني عبد الباقي)
|
الفاضله مناهل ابراهيم
صباحك ورد بتقويتنا.
يا بت يا سمحه.
وسمحه دي طبعا ليست شكلا
فقد سمعت نضميك السمح في فيدهوات قرفنا
واقتنعت بحق انك انسانه سمحه جدا.
اسمح حتى من اليسار السوداني الذي انجبك.
لانك تناولتي العرقيه بشكل واضح وجريء اجرأ من تناول يسارنا التقليدي لها.
عشان كده انا بحي وعيك العظيم.
يا مناهل يا غاليه
الوعي الذكوري ليس خطرفة امثال شوقي سليمان هذا
المباري بوستاتك بسخف واضح. الاخطر منه وعي اليسار المنفصم.
وده كلام كبير بنجيه بعدين برانا في الايميلات لو عندك رغبه.
على مستوى البورد ستجدي دعما
فلا تخافي فالدفاع صار عرقي!
عشان كده ما تفرحي بناس كثار جوك هنا مدافعين ومهللين
وبيشتموا في نساء آخريات للاشيء فقط لانهم تصدوا لضحالتهم وخوائهم السياسي.
الاخلاق لا تتجرأ يا مناهل
ومن يرفض ان تحقر النساء بناء على الفروق النوعيه
يفترض ان يرفض تحقير اي انسان بناء على الفروق العرقيه ايضا ولا ما كده؟؟!!
عشان كده حركات مناصرة الاناث في الغرب
ربطوا نضالهن بكل قضايا المظلومين من اقليات وغيره.
ولنا لقاء.....في الايميلي لو رغبتي....
[email protected]
| |
|
|
|
|
|
|
|
|
 Re: أمقت النساء (Re: Mubarak kunna)
|
مناهل ازيكـ ,,
نعلك طيبه انشالله ,,
عشان اليوست ما يتحول الي بوست ترحيبي أو هتافي زي البوستات الفاتت,
تعالي نتناقش نقاش ظرريف كدا ,
منو نستفيد من المساحه المطروحه لينا هنا , ومنو نطلع من الجو بتاع (أيتها النخله السامقه في الشنو كدا ما عارفه),
واتاكدي أني ما حرصت على النقاش معك , الا لما لمسته من تراكم خبرات وقراءات متعدده , عرفتها عنك من خلال حديث
الزملاء هنا , خاصه أخي العزيز عمر عشاري ,,
وأكيد أنا ما من حقي أحدد لي أي كان يكتب شنو او ما يكتب شنو في المكان دا (بما انو كل زول معلق من باسويردو)
لكن ياريت الناس البتجي تتداخل تخلي لينا البوست مكان لاداره الحوار الهادىء والمفيد بعيدا عن التعصب واطلاق الاحكام ومنح صكوك الوطنيه ,
الداير يرحب في بوست ترحيب مفتووح , والداير يهتف في بوست هتافات قاعد بررضـو ,,
عزيزتي مناهـل ,,
أعتقد ان البوست السابق تمت جرجرته -بقصد أو بدونه- الى هاويه (ذكوره وأنوثه) ,
وتم تحوير الصراع فيه الى صراع على النوع , والسن ..الخ
من وجهه نظري أؤمن بأن الحوار هنا يجب ان يتسم بالاحترام المتبادل بين الطرفين
بغض النظر عن نـوع , جنس , سن , المخاطب ,,
بمعنى , ان علينا أن نناقش الكتابه(زات نفسها) بغض النظر عن كاتبها,
ما دايره افتح موضوع البوست الفات تانـي , لكن أعتقد انك فتحتي البوست بي رؤيه انو الزميل ود الباوقه
اساء اليكي عشان انتي بـت !!
وهو ما لا اوافق عليه ابدا ,, الزميل له حوارات عده مع زملاء (رجال) لنا في المنبر ,
استخدم فيها نفس الخطاب الساخر , وربما تواصلت الملاسنات بينهم امدا طويـلا ,
ولم يعترض هذا الكـم من الناس على لغته وانما تواصلت المراسلات والملاسنات بينه وبين كم عضو من المنبر - ولا زاالت- كما غاص
بعضها الاخر في غياهب النسيان دون ان يجـرؤ الكثيرون على السعي الى ضبط لغته او تنبيهه او تقريعـه ,,
للأسف يا مناهل , لقد استخدم البوست خاصتك كمخبر لفحص هرمونات الداخل والطالع من البوست ,
وكنت اتمنى ان يرفض الجميع الاهانه من جانبيكما جمله وتفصيـلا ,
دون الاشاره الى الذكوره والانوثه وحقوق المرأه المهضومه القادمه من ضهـ .... الخ
مناهل يا أختي العزيزه .. واسمحي لي ان ادعوكي أختي لما لمسته من شفافيه ونقاء في لغتك ,
لا تنجرفي بعواطفك (التي اثق جدا في صدقها) الى هاويه من يهتفون حولك , ويشيدون بك عندما تسيئين الى كائنا من كان ,
أعلم جيدا ان الزميل هو من بدأ بالاستعداء , ولكن كان من باب أولى ان تستخدمي أسلحتك الفاعله في الخطاب, وخبراتك المتراكمه , والمحاوره
لتظهري ضعـف حجته , لا أن تجرجري نفسك الى مقارنه معه ومع عشره من امثاله !! (وهي مقارنه تظلمك انت أولا)
المرأه والرجل كائنان مختلفان تماما , بيولوجيا , وظيفيا , وعاطفيا,
خلق كل منهما لوظائف محدده , لا يقدر أي منهما على اداء وظائف الاخر ,
كما ولا يتمكن اي منهما من الاستغناء عن الاخر ,,
بالعربي يا مناهل , المرأه والرجل مكملان لبعضهما ,
لم ولن يخلقـوا أعداء , أو منافسين لبعضهما البعض ,,
لا يهين المرأه ان تنسب الى رجل , ولا يهين الرجل ان ينسب الى امرأه ,
ومن غير المقبول أبدا استخدام المرأه للحط من قدر الرجال كما في جملتك (امرأه ولا دسته رجال زيك)
(وما تقولي لي دي قصيده .. أنا بطالب الشاعر-مع الاحترام- بالاعتذار لنا وسحب البيت .. وما ممكن نكون نحن امعات البيكتبوهو لينا كوولو نشيلو)
وأخيرا تقبلي تحياتي وعودتي الى البوست لمزيد من الحوار ,, تحياتـي ,,
| |
|
|
|
|
|
|
|
|
|
Re: أمقت النساء (Re: داليا الكباشى)
|
Quote: على مستوى البورد ستجدي دعما
فلا تخافي فالدفاع صار عرقي!
عشان كده ما تفرحي بناس كثار جوك هنا مدافعين ومهللين
وبيشتموا في نساء آخريات للاشيء فقط لانهم تصدوا لضحالتهم وخوائهم السياسي.
|
أها خالتو فرنصا صاطت البوست
يا فرنصاوية .. افهمي - لو ليك ذرة عقل - الموضوع هنا ما ليهو علاقة بالعرق
ووقت سألت سؤالي للاخت مناهل ابراهيم الفوق كنت قااصد اخرجها من دائرة انها خرطومية وبنات المدن البيشتغلن في اي حتة وبيمتلكن امتياز قيادة السيارة الهي بتشوفوا امتياز تحقق ليها
وما اتحقق في السعودية وعاوزة تتكلم فيهو مع الزول الاسمو شوقي دا - وحسب ظني مقيم في امريكا - يعني ما في السعودية
والحمد لله هي زولة واعية وعاقلة وبتفهم كيف الناس ولا تستثير عداوتهم الفجة - برواشتها وطلاشتها زيك - عدلت قولها وبقي موضوعها عام
جاب كلام موضوعي جداً ما خربو غير مشاركتك دي اعلاهو - بطلاشتك - المعهودة
ووقت ردت على فهمت انها ماسكة فكرتها كويس جداً ومدافعة عنها .. فقلت لا يكون ون تو بيننا التطرح المناسب الانا بوافقها في معظمو ودعيت انه ربنا يبعدها من شغلة الرواشة
والطُلش
ــــــــ
فدحين نصيحة مناهل ابراهيم انثي بدستة رجال ومية مرة زيك فابعدي منها ما تغطصي حجرها
ارجوك .. بلييييييز يا خالتو فرنصا 
| |
|
|
|
|
|
|
|
|
|
Re: أمقت النساء (Re: HAIDER ALZAIN)
|
طبعا يا مناهل هذا نموذج للمتأزمين اخلاقين
الممكن يجي يعمل في بوستاتك عشى بايات ومقنع كاشفات ومدافع عن الجندريات
وهو من اذى زميلو لك هنا باكثر مما فعل ود الباوقه...هذا الرجل وزميله
هشام آدم انتحلوا شخصيات وهميه وتهجموا على الاخت الشاعره روزمن عثمان
في مسرحيه سيئة الاخلاق ولوا لطف الله و الانقياء من اخوتنا الرجال لتعقدت روزمن عثمان ربما للابد
لذلك يطادرني مطادرته الفجه هذه التي تشهب مطاردات شوقي سليمان لك وعام لفيها بتاع اخلاق.
Quote: أها خالتو فرنصا صاطت البوست
يا فرنصاوية .. افهمي - لو ليك ذرة عقل - الموضوع هنا ما ليهو علاقة بالعرق
ووقت سألت سؤالي للاخت مناهل ابراهيم الفوق كنت قااصد اخرجها من دائرة انها خرطومية وبنات المدن البيشتغلن في اي حتة وبيمتلكن امتياز قيادة السيارة الهي بتشوفوا امتياز تحقق ليها
وما اتحقق في السعودية وعاوزة تتكلم فيهو مع الزول الاسمو شوقي دا - وحسب ظني مقيم في امريكا - يعني ما في السعودية
والحمد لله هي زولة واعية وعاقلة وبتفهم كيف الناس ولا تستثير عداوتهم الفجة - برواشتها وطلاشتها زيك - عدلت قولها وبقي موضوعها عام
جاب كلام موضوعي جداً ما خربو غير مشاركتك دي اعلاهو - بطلاشتك - المعهودة
ووقت ردت على فهمت انها ماسكة فكرتها كويس جداً ومدافعة عنها .. فقلت لا يكون ون تو بيننا التطرح المناسب الانا بوافقها في معظمو ودعيت انه ربنا يبعدها من شغلة الرواشة
والطُلش
ــــــــ
فدحين نصيحة مناهل ابراهيم انثي بدستة رجال ومية مرة زيك فابعدي منها ما تغطصي حجرها
ارجوك .. بلييييييز يا خالتو فرنصا |
| |
|
|
|
|
|
|
|
|
|
Re: أمقت النساء (Re: داليا الكباشى)
|
Quote:
(وما تقولي لي دي قصيده .. أنا بطالب الشاعر-مع الاحترام- بالاعتذار لنا وسحب البيت .. وما ممكن نكون نحن امعات البيكتبوهو لينا كوولو نشيلو)
|
الشاعر يعتذر ليك عن شنو يا دلوش العروش ؟ 
تكون دي سابقة ما حصلت قبل كدا كلو كلو ؟
اسي انت دي مسئولة عن قرايتي لجملتك الفوق دي ؟
ابداً و حتماً لا ...
يا فردة هو ذاتو ( الفن ) ما فيو اعتذر لي و اعتذر ليك ... مافي اعتذار آآآآآآآآآتوول !
اي فنان يكب فنو بس ... و يعمل زي ي ي ( المتنبي ) بالضبط كدا ...
أنام ملئ جفوني عن شواردها ويسهر الخلق جرّاها ويختصمون !!!
-----------------
الزميلة مناهل
تعرفي متمني انك تسمعي لاخونا شوقي دا - رغم انو هو مزودا حبتين يعني - لكن في نقدو الجارح دا قاعد يرمي ليهو كلام صاح ... تصدقي ؟
الشكر الدهين دا بصبح عليهو الصباح بشمس حارقة و بذوب كلو !
بعدين لو تابعتي دونكيشاويات المنبر دا ياهو الخربت ... هنا كلو كلام × كلام ... مافي غير الكلام
واصلي في الدرب البديتيهو ... بعيد عن شكرات الشاكرين و تسفيه الحاقدين
غايتو ...
امشي في الدرب البطابق فيهو خطوك صوت حوافرك
يا فرس كل القبيلة تلجّموا ... يكسر قناعاتا ويفر ..
... حتى :
مايرضى غير الريح تجادلهُ وتقنعهُ
شفتي كيف ؟
---------
| |
|
|
|
|
|
|
|
|
|
Re: أمقت النساء (Re: قيقراوي)
|
Quote: تعرفي متمني انك تسمعي لاخونا شوقي دا - رغم انو هو مزودا حبتين يعني - لكن في نقدو الجارح دا قاعد يرمي ليهو كلام صاح ... تصدقي ؟
الشكر الدهين دا بصبح عليهو الصباح بشمس حارقة و بذوب كلو |
قيقراوي لك تحياتي
احيك على رجاحتك وفهمك لما يدور اصلوا الفهم الزمن ده بقى محدود والناس مندفعة للنزعات العدوانية اكثر من اي شئ
اشكرك على تنوير مناهل لنقطة مهمة شديد
| |
|
|
|
|
|
|
|
|
|
Re: أمقت النساء (Re: داليا الكباشى)
|
Quote: مناهل يا أختي العزيزه .. واسمحي لي ان ادعوكي أختي لما لمسته من شفافيه ونقاء في لغتك ,
لا تنجرفي بعواطفك (التي اثق جدا في صدقها) الى هاويه من يهتفون حولك , ويشيدون بك عندما تسيئين الى كائنا من كان ,
أعلم جيدا ان الزميل هو من بدأ بالاستعداء , ولكن كان من باب أولى ان تستخدمي أسلحتك الفاعله في الخطاب, وخبراتك المتراكمه , والمحاوره
لتظهري ضعـف حجته , لا أن تجرجري نفسك الى مقارنه معه ومع عشره من امثاله !! (وهي مقارنه تظلمك انت أولا |
الاخت داليا
والله لك كل التجل والإحترام والله ده اكثر كلام موزون ومنطقي اتمنى مناهل تفهموا
والله ارفع الفبعة تحية واحتراما لما كتبت هذا هو النضوج وهذه هي العقلية المفقودة دي نصيحة غالية لمناهل اتمنى ان تستفيد منها
لك كل الاحترام داليا
| |
|
|
|
|
|
|
|
|
|
Re: أمقت النساء (Re: saadeldin abdelrahman)
|
Quote: يا شوقي أخوي سلام
بالجد الزمن اتغير و حصلت حاجات سلبية و إيجابية
منها إنك لو أصريت على معاداة النساء هنا ستكتسب عداوات لا تحتاجها
وجهة نظرك على عين و رأس أتخن تخين/ة
لكن الإحتكاك يولد الشرر و بجيب ليك المسبة التي لا تحب و لاتتوقع
حسب فهمك الحالي للمرأة السودانية- التي عرفتها - و لن يغير شيئ!
طرحت وجهة نظر هذا يكفي ,, لا داعي للإصرار و التربص
أرجو أن تتفهم مقصدي. |
الاخ سعد الدين لك تحياتي
الله يعلم انا لا اعادي النساء إطلاقا ممكن تراجع مداخلاتي كلها ويقن تماما ان للمرأة دور مهم ومهم جدا في المجتمع ورقم اساسي لا يمكن تجاوزه وانا فقط اتكلم عن مناهل فقط مناهل ولا زلت ضد ردة الفعل العنيفة واحترام النفس واجب قبل احترام الناس وده كل الموضوع.
| |
|
|
|
|
|
|
|
|
|
Re: أمقت النساء (Re: Yassir Tayfour)
|
Quote: أكيد قرفانين من عقلياتكم المحدودة دي!
_____
يا شوقي في أي كهف تعيش؟ |
الاخ طيفور لك تحياتي رغم تعمدك الشتم
عموما انا ما عايش في كهف ولا حاجة انا شايف سؤالي مشروع وشايف مناهل مفروض تجيب عليه. وطالما عقليتي محدودة اخدونا على قدرها واكون شاكر ومقدر
| |
|
|
|
|
|
|
|
|
|
Re: الوعي الذكوري (Re: مناهل ابراهيم)
|
سلامات يا داليا و مناهل
لا أشعر بأن هناك فائدة ترجى من الحوارات في المنبر في هذه الفترة، ولكن ما أتى بي هو قلته أدناه
Quote: ما دايره افتح موضوع البوست الفات تانـي , لكن أعتقد انك فتحتي البوست بي رؤيه انو الزميل ود الباوقه
اساء اليكي عشان انتي بـت !! |
الاستاذ ود الباوقة خلافه مع مناهل قائم على النوع، وهو ليس بالأمر الجديد، وحدث لي شخصيا معه من قبل فقد وصفني بالمسترجلة
في معتركنا أيام مؤتمر الاعلاميين. أعتذر الاستاذ ود الباوقة عن ما قاله، ولكن الفعل نفسه كان قائم على التمييز النوع
بوصفها بالمسترجلة و سحب "الانوثة" لسببين: أما محاولة رد الحجة بالحط من قدر من يخالفه الرأي (امرأة)
أو لتبرير نديتها له ...
مهرجان (بنت) (ولد) ما جديد و أزلي، وبيلاقينا في كل ملف في الحياة ناهيك عن منبر يعكس وجهة نظر مجتمع عاد للمربع الأول فيما يخص المرأة
رؤية مناهل فيما قاله لها ود الباوقة مبررة جدا... قول ود الباوقة فيه تقليل من نضالها
كونها (بنت) و (صغيرة) يعني اتلمن عليها صغرة العقل و السن؟!
، و زاد عليها وصفه لها بأنها صغيرة وهو ما استغربه تماما ... و يبدو أننا عالقات هنا بين تهمتي (صغيرة) و (قواعد من النساء)
وكأن الفكرة تفقد جوهرها بعمر قائلها. لا أقلل من تأثير العمر على نضج الفكرة، ولكن مناهل ليست طفلة ليقال لها ذلك ....
أرجو ان يدوم بينكن الحوار لتش عين الظلام،
مودتي لكن
___________
البوست ادناه من الأرشيف وفيه قول ابن الباوقة واعتذاره وذلك للتاريخ
Re: ود الباوقة بعد هزيمته يفقد المنطق ويصف الاخت / عزاز شامي بالمسترجلة
| |
|
|
|
|
|
|
|
|
|
Re: الوعي الذكوري (Re: عزاز شامي)
|
يا مناهل يا بتنا ليكي كل التحيات النديات اسمحيلي اعلق علي الاقتباس ادناه ...
| Quote: والحاجة التانية برضوا ما تنسي تاخدي كورسات بتاعت واقعية لأنك بعيدة شديد عن الواقع. |
من المقتبس اعلاه يتم تعريف الواقعية بانها السكات واتاحة الفرص للجهلة ليقدلو ....
من النصيحة اعلاه نجد انه فعلا ان معرفة الانترنت واخد باسويردات في منابر ذات صيت ومباراة الاخرين ما ازالت (بلم).
| |
|
|
|
|
|
|
|
|
|
Re: الوعي الذكوري (Re: ريهان الريح الشاذلي)
|
Quote:
هنا عاوز اسألك سؤال بسيط ( قد يكون خارج نطاق قولك لكن محرقص لي في بطني ليهو زمن باعتبار بعد نفسي سوداني وكل الناس اهلي ) انتي بتتكلمي عن نساء منو؟ وياتو بيئة؟
ففي الغرب مثلاً وجبال النوبة - حسب ما قريت - الخروج من المنزل والعمل والكد والاجتهاد في المزرعة او الاعمال اليومية من نصيب المرأة والزوج عملوا هامشي
جنوب النيل الازرق نفس الحكاية... بعض حواشات اقصي الشمال ما بتلقي فيها راجل واحد وحلة كاملة ممكن تلقي فيها صبي صبيين بس بعد هاجر واغترب الرجال عشان العملة الحرة
وفي كل الاحوال المرة هي العاملة .. المرة هي المنتجة.. المرة من تعيل وتكفل البيت..
فما هي المرة البتتكلمي عنها انتي؟؟؟
هل المتخيلة والمقهورة في نمط عصر الطهطاوي وقاسم امين؟ ام هي مرة المدن المفروض بعد وفرت حقها في القيادة يكون ليها حقوق تانية في العمل نحن ما عارفنها تكون غير حق بت الارياف والقري
الاكتسبتها بحقها وبعامل البيئة القاهر الاجبرها تنزل للحواشة وعمل اليومية؟؟؟
|
يا مناهل
مداخلة حيدر دي هي فيها اعادة البوست الى مساره.لانو فيها اشارات لارتباطات الوعي بالبئية والتأثير المتبادل
لكم التحية
| |
|
|
|
|
|
|
|
|
|
Re: الوعي الذكوري (Re: ريهان الريح الشاذلي)
|
Quote: من المقتبس اعلاه يتم تعريف الواقعية بانها السكات واتاحة الفرص للجهلة ليقدلو ....
من النصيحة اعلاه نجد انه فعلا ان معرفة الانترنت واخد باسويردات في منابر ذات صيت ومباراة الاخرين ما ازالت (بلم). |
ريهان الشاذلي لك تحياتي
معليش اخدونا على قدر عقولنا وطالما المنابر زالت بلمكم هذا يكفينا.
اشكرك
| |
|
|
|
|
|
|
|
|
|
Re: الوعي الذكوري (Re: احمد محمد بشير)
|
Quote: لقد لاحظنا لتداخلك المريب وتزايد نشاطك في بوستات الاخوات المناضلات لمحاولة الإنتقاص من شأنهم , تداخلك حسب ما مثبت في الروابط أداه مقصود في بوستات اخواتنا النساء المناضلات, ونذكرك بتداخلك مع د. ناهد محمد الحسن
|
الاخ احمد البشير لك تحياتي
المسألة ما متعمدة جات صدفة وما عندي إعتراض على اي نضال نزيه وشريف ، بعدين المناضلات ديل الإثنين عندهن مقدرة على الشتم ما طبيعية والزول المناضل بكون واسع الافق ويمتص اشياء كثيرة لكي يوصل فكرته وفضيته ، انا هسع من الصباح بسأل في المناضلة مناهلة دي عن برنامج نضالها ما عايز توريني وفاتحة بوستات للشتم ونست قضيتها خالص.
| |
|
|
|
|
|
|
|
|
|
Re: الوعي الذكوري (Re: Shawgi Sulaiman)
|
شكرا علي المرور وياشوقي هذه محاولة اغبي من غبيه لحرف البوست اكتب في الفيس بوك ولاقوقل قرفنا ولو ماقدرت نوعدك اننا حنوريك وانا تاني ماحرد عليك الا تقراء سيكولجية الانسان المقهور .
| |
|
|
|
|
|
|
|
|
|
Re: الوعي الذكوري (Re: مناهل ابراهيم)
|
Quote: المرأه والرجل كائنان مختلفان تماما , بيولوجيا , وظيفيا , وعاطفيا,
خلق كل منهما لوظائف محدده , لا يقدر أي منهما على اداء وظائف الاخر ,
كما ولا يتمكن اي منهما من الاستغناء عن الاخر ,,
بالعربي يا مناهل , المرأه والرجل مكملان لبعضهما ,
لم ولن يخلقـوا أعداء , أو منافسين لبعضهما البعض ,,
لا يهين المرأه ان تنسب الى رجل , ولا يهين الرجل ان ينسب الى امرأه ,
|
كم أحترمك أختي د. داليا كباشي
هما ليسوا بأعداء بل إن الجهل عدوهما معاً
_____________
مرحباً بالأخت مناهل في رحاب سودانيزأونلاين
(عدل بواسطة عاطف عمر on 01-20-2011, 09:58 PM)
| |
|
|
|
|
|
|
|
|
|
Re: الوعي الذكوري (Re: عاطف عمر)
|
منا هل يا بتي والله يا مره دي حتباريك لحدي ما تمسكي العكاز يعني ما تركزي عليها كتير و شوقي دة في الجامعة الدرس فيها أكيد كان من أحسن اساتذته نساء بس تقولي شنو نحن قدرنا أنه نحارب مع الرجال في معارك ألهم العام بجانب معركتنا النو عيه و دايما حتلقي واحد يستخدم نوعك كمسبة و أظن أنك لي حسي بتكون اكتسبت حصانة ضد النو ع ده من ألاستفزاز فعليك الله ركزي لينا على المهم أما نوع ود الباوقة و شوقي و حتى بعض النساء في المكان ده لاسف هم قايمين بمهمة القضاء على أنفسهم بجداره و حتى با الفهم بتاع راجل و مرة أنا ما شفت لي راجل في السودان ده مباري ليه راجل زيه و يشكر فيه الريس أكل، الريس شرب الريس استحمه الريس مشي بيت وداد الريس حلق دقنه و لكن لا نقول ألا ما يرضي قناعتنا وحسبك الشعب و هو نعم الوكيل بعد الله يا بتي
| |
|
|
|
|
|
|
|
|
|
Re: الوعي الذكوري (Re: Afraa Sanad)
|
العبيط حيدر الزين
انا مناهل حيتها تحديدا وتحدثت عن سماحتها الفكريه لانها تحدثت بوضوح في فيدهوات قرفنا
وهي الوحيده التي رايتها تناولت مسالة العرق بشفافيه....لذا احيها....,على فكره هي توزن
مائات من نوع اليسارين و اليسارايت المتجدعين هنا ومنكرين لهذا التحدي السوداني!!(مسالة العرق)!
| Quote: الموضوع هنا ما ليهو علاقة بالعرق |
!!
اما حكاية مناهل تساوي مائة من نوعي اما لا فهذه لا احتاج شهادتك حولها
واعرف كيف تقيمين مناهل ومثيلاتها ايها الذكوري المتعفن.
قال بيدافع قال!!
مش كفايه العملته في روزمن عثمان؟؟!!
| |
|
|
|
|
|
|
|
|
|
Re: الوعي الذكوري (Re: Afraa Sanad)
|
الأخت العزيزة مناهل
أرحب بيك كما يليق الترحيب بمن هن في مقامك
وأقول ليك إنت دليل حي على فشل مشروع الإنقاذ على تدجين الشعب وقهره...
مجرد رؤيتك تجعل الغصة في حلق كل ظالم
وتفتح للصابرين شرفة أمل.
أنا لمن شفت الفيديو في حركة قرفنا لأول مرة
ما بقدر أوصف كل الحسيتو
لكن حسيت بيك شايلة روحك في ايدك وبتطاردي في الموت في الشوارع والميادين والحواري
وحسيت بالكفن في ايدك منحك ثقة وحياة وتحول لي وشاح بلون الصباح الجديد
صباح نكون فيهو أحياء بي شموخ أو لا نكون
وشفت رؤيتك.... سقطت سقطت يا كيزان.... بتنتقل بي عفوية لأفواه الحزاني والمقهورين الحولينك...
لأنها كانت جواهم من زمان. بس غضبك الجميل أحياها.
احضني شعلة الغضب الجميل لأنها هي رسالتك في الحياة.
وأفتحي الكلمات هنا
وأشعلي الصمت اللي طال
| |
|
|
|
|
|
|
|
|
|
Re: الوعي الذكوري (Re: Elawad Eltayeb)
|
الأخت مناهل
الوعى الذكورى عند المساء أكثر منه عند الرجال.. والأدلة كثيرة..
هسى الرجال اهن ديلك فى الصالون، والنسوان قاعدين جوة... النسوان الكبار بالذات هن البينقلن
الوعى الذكورى لكل جيل جديد. واكثر مثال صارخ هو موضوع الخفاض... الرجال ما عندهم يد فى الموضوع دا أبداً.
ممكن اتفق معاك لو تقصدى بعض القبائل النيلية من الحاج عبدالله حتى عبرى... ديل فعلا الرجال يضطهدون المساء
بصـورة لا يخطئها المراقب.
| |
|
|
|
|
|
|
|
|
 Re: الوعي الذكوري (Re: Abureesh)
|
Quote: ممكن اتفق معاك لو تقصدى بعض القبائل النيلية من الحاج عبدالله حتى عبرى... ديل فعلا الرجال يضطهدون المساء
بصـورة لا يخطئها المراقب. |
قلت لي من وين لي وين يا أبا الريش؟
___
أصحى ياخ!
| |
|
|
|
|
|
|
|
|
|
Re: الوعي الذكوري (Re: Yassir Tayfour)
|
أستاذة مناهل مرحب بيك في سودانيز أونلاين . وهذا المكان يحتاج لأمثالك لمعادلة الركاكة السائدة ، ومنافحة العقول الذكورية حتكون عملية وليست حدثاًًًً ، وجهزي نفسك لعشرات الباوقات والامضبيبينات والذي منو....فالواقع مشين كما تعرفين جيدا بس الحاجات دي صعب تبقي أولوية في القرن الواحد والعشرين.
| |
|
|
|
|
|
|
|
|
 Re: الوعي الذكوري (Re: عزان سعيد)
|
Quote: لانو انتي اخترتي درب براك ...ما تشتغلي بعجاج الاسافير .. لا باليسار ولا باليمين..وصدقيني لو قعدتي تشرحي ياداب حيلقوا فيك فرصة...خليك في فكرتك وبشكل يقنع ضميرك وأمشي عليها
نقة الاسفير دي لو واصلتي فيها حتلقي نفسك في محرقة ما بنتمناها ليك
رسالتك وصلت يا مناهل..أكتر من كدة حيكون خصم علي شخصيتك...وقدامك الصراعات الاسفيرية ليس الا....لحدي كدة كل الناس متكيفة منك ...أعملي نقطة سطر جديد واقلبي صفحتين.
فود الباوقة هو ود الباوقة ومناهل هي مناهل والكل يعرف ذلك |
شكراً يا قمر بوبا . كلام موزون يا صاحب كالعادة..
تسلم ياخ.
___
أختي ..مناهل
سلامات عوّافي و كيفنك..؟
مرحب بيك يا بت دوغرية.. والمكان نوّر بوجودك.
ركزي يا مناهل في الهدف ...الهدف , وأجدعي..بعيـــــد,
ودربك لسه طويل...
الهم واحد...والبلد واحدة والقضية واحدة
خلي غربالك نــــاعم, وكل شئ بشغلك عن همك و مثابرتك ومسيرتك..,خليه و ما تلتفتي ليهو.
لي قدام ....لي قدام يا مناهل
عشان إنت ,أنا ,هم ,نحن.... وكل الناس تصــــل للغاية والهدف
وتسلمي يا أختاً نتشرف بيها ونعتز
| |
|
|
|
|
|
|
|
|
|
Re: الوعي الذكوري (Re: Abureesh)
|
Quote: النسوان الكبار بالذات هن البينقلن
الوعى الذكورى لكل جيل جديد. واكثر مثال صارخ هو موضوع الخفاض... الرجال ما عندهم يد فى الموضوع دا أبداً.
|
من اجمل ما قرأت بالبوست دا.. فهيئة علماء المسلمين عندما قالت عن الخفاض ووجوبه كانت تضم في عضويتها حبوبات
هذا جميل بالاضافة للقبائل النيلية من الحاج عبد الله لغاية عبري soooo nice
| |
|
|
|
|
|
|
|
|
|
Re: الوعي الذكوري (Re: HAIDER ALZAIN)
|
Quote: الأخت مناهل
الوعى الذكورى عند المساء أكثر منه عند الرجال.. والأدلة كثيرة..
هسى الرجال اهن ديلك فى الصالون، والنسوان قاعدين جوة... النسوان الكبار بالذات هن البينقلن
الوعى الذكورى لكل جيل جديد. واكثر مثال صارخ هو موضوع الخفاض... الرجال ما عندهم يد فى الموضوع دا أبداً.
ممكن اتفق معاك لو تقصدى بعض القبائل النيلية من الحاج عبدالله حتى عبرى... ديل فعلا الرجال يضطهدونالمساء
بصـورة لا يخطئها المراقب. |
دي صُدفة و لا مخرج...؟؟؟؟
| |
|
|
|
|
|
|
|
|
|
Re: الوعي الذكوري (Re: أحمد محمد عمر)
|
Quote: ممكن اتفق معاك لو تقصدى بعض القبائل النيلية من الحاج عبدالله حتى عبرى... ديل فعلا الرجال يضطهدون المساء
بصـورة لا يخطئها المراقب |
ياأبوالريش أظن أنك لا تعرف عن الحاج عبدالله إلا إسمها !
القال ليك منو فيها وعي زكوري .. أمشي شوف مصنع الحاج عبدالله للنسيج ( علي سبيل المثال فقط ) .. النساء يعملن فيه حتي الصباح ..
الوردية ممكن تبدأ من منتصف الليل .. يعني عادي يجي الترحيل بعد إتناشر ليلاً ويشيل العمال من الحلة رجالاً ونساء ..
ماحصل سمعت بي واحدة عندها مشكلة زي الإنت بتتكلم عنها دي ..
بإختصار لوفي منطقة واحدة في السودان فيها تعايش نموذجي بين الرجال والنساء لقلت لك هي الحاج عبدالله ..
فياخي ما تكتب كلام والسلام ( وما تلفظ من قول ..الخ )
| |
|
|
|
|
|
|
|
|
 Re: الوعي الذكوري (Re: السيد المسلمي)
|
السيد المسلمي..
جمعة مباركة وتحياتي للاسرة
ــــــــــــ
لو مرة جاك وهبة قول ليهو جمعة مباركة برضو.. وانا خلفو هذا الوغد الرعديد
تحياتي لسوداني مهمش .. ( بالله وين الأخ دا) تباً له
| |
|
|
|
|
|
|
|
|
|
Re: الوعي الذكوري (Re: السيد المسلمي)
|
اهلا وسهلا الابنه مناهل انا احترم فيك شجاعتك من زمان قبل الوصول الى المنبر
قولى قولك بس عشان ما تضيعى حاجاتك الجميله دى ابعدى من المهاترات . احييييييييك
ودى فرصه الواحد يرحب بيك فى المنبر العام حبابك الف
| |
|
|
|
|
|
|
|
|
|
Re: الوعي الذكوري (Re: خالد المحرب)
|
Quote: لقد لاحظنا لتداخلك المريب وتزايد نشاطك في بوستات الاخوات المناضلات لمحاولة الإنتقاص من شأنهم , تداخلك حسب ما مثبت في الروابط أداه مقصود في بوستات اخواتنا النساء المناضلات, ونذكرك بتداخلك مع د. ناهد محمد الحسن
|
مداخلتي مع الدكتور ناهد كان عن اضراب الاطباء انا ذكرت ان حقوقهم مشروعة وأن رئيس الجمهورية اقرها اختلفت معاها في الحتة بأن الاضراب بهذه الصورة غير اخلاقي اي بمعني ان لا يكون الاضراب شامل يعني على الاقل الطواري تكون شغالة وذكرت ولا زلت أن هذا الإضراب كان مسيس لم يكن الغرض منه مطالب الأطباء انما الغرض خلق نوع من الفوضى حتى يزول الحكم وفعلا كان بالتنسيق مع مع احزاب مؤتمر جوبا . ولا زلت واصر ما كان الهدف منوا مطالب الاطباء . تها طوالي جاتني الدكتورة وهاك يا نبذ وقالت انا امنجي وانا من سكان المراحيض وبعد كده بدت تقول انا مطاردة واحتمي بالمم المتحدة وناس الامن كسروا بيتي وما قادرة اشوف اطفالي وحاتك ما شفنا ولا صورة واحدة للبيت المكسر وكان كلوا كلام فارغ ولعب على الدقون طبعا ده من وجهة نظري وشوية يقولوا ليك توفي الأبوابي برضوا عشان الشارع يطلع والمساكين نسوا ان الشارع بقي مفتح ولا تنطلي عليه مثل هذا الالاعيب الواهي.
أما بالنسبة للمقرر بها مناهل أنا اعترضت على اسلوبها في الرد على ود الباوقة نضالها وغيروا انا لا بعرفوا ولا شفتوا ولا بعرفها اها طوالي استعملت الاسلوب اياه في الردح، وطوالي جن اخوات مهيرة ديل وحولوا الموضوع ذكورية وأنثوية وبقى موضوع لكن في النهاية أنا بالنسبة لي ده كلوا كلام فارغ ساكت انا كنت اتحدث عن بنت واحدة الاسمها مناهل دي طوالي الجماعة ديل راحو داخلين شمال وطلعوني مجرم حرب.
| |
|
|
|
|
|
|
|
|
|
Re: الوعي الذكوري (Re: Shawgi Sulaiman)
|
| Quote: شكرا علي المرور وياشوقي هذه محاولة اغبي من غبيه لحرف البوست اكتب في الفيس بوك ولاقوقل قرفنا ولو ماقدرت نوعدك اننا حنوريك وانا تاني ماحرد عليك الا تقراء سيكولجية الانسان المقهور . |
المناضلة مناهل اشكرك على الإطراء
بعدين انا هنا قرفانا من اسلوبك البوديني امشي الفيس بوك شنو عشان اقرف زيادة وكيف توريني وإنتي اصلا ما عارفة حاجة اختاروك كوجه جميل لتمرير اجندة معينة وجذب شريحة معينة ما اكثر من كده . اما حتت ما تردي علي دي كويسة جدا اهو برضوا ربنا كفاني شرك.
في سودانيز أو لاين هناك تجارب كثيرة جدا شفناه وعلي سبيل بنات الشيخ خوجلي مني ومنال وماجدة الناس ديل لهم شقيق تمت تصفيته من ضمن ال28 ضابط كن يعارضن النظام وكن لهن قضية معروفة وملموسة لكنهن كنا في قمة الادب والذوق والأخلاق لم نراهين يشتمن او يتطالون على اي حد ولمن في شخص غلط في احداهن لجأت للقانون حتىى تأخذ حقها كان ممكن يقولوا كلام كثير لكنهن تذكرن أصلهن وتربيتهن . أتمنى أن يكن غدوة لك يا قرفنا.
| |
|
|
|
|
|
|
|
|
|
Re: الوعي الذكوري (Re: Shawgi Sulaiman)
|
| Quote: في سودانيز أو لاين هناك تجارب كثيرة جدا شفناه وعلي سبيل بنات الشيخ خوجلي مني ومنال وماجدة الناس ديل لهم شقيق تمت تصفيته من ضمن ال28 ضابط كن يعارضن النظام وكن لهن قضية معروفة وملموسة لكنهن كنا في قمة الادب والذوق والأخلاق لم نراهين يشتمن او يتطالون على اي حد ولمن في شخص غلط في احداهن لجأت للقانون حتىى تأخذ حقها كان ممكن يقولوا كلام كثير لكنهن تذكرن أصلهن وتربيتهن . أتمنى أن يكن غدوة لك يا قرفنا. |
يا شوقي سليمان
لقد تعديت حدودك يا محدود العقل، فتأدب، أنت لا تعرف عنها شيئاً حتى تتحدث عن أخلاقها وأدبها، ولو كنت حقاً تحترم نساءك، لما ولغت في الحديث عن نساء الآخرين.
| |
|
|
|
|
|
|
|
|
|
Re: الوعي الذكوري (Re: Shawgi Sulaiman)
|
الاخ شوقى
طاب يومك
| Quote: بعدين انا هنا قرفانا من اسلوبك البوديني امشي الفيس بوك شنو عشان اقرف زيادة وكيف توريني وإنتي اصلا ما عارفة حاجة اختاروك كوجه جميل لتمرير اجندة معينة وجذب شريحة معينة ما اكثر من كده . اما حتت ما تردي علي دي كويسة جدا اهو برضوا ربنا كفاني شرك |
ما شايف انك حا تسحب البوست للدرك الاسفل بجنس الكلام دا؟!!
ياخى النضال ما كان فى بوم من الايام واحدة من ادواتة السماحة
ولا سمعنا (يطرشنا)...طيب المناضلين والمناضلات الشينين ديلاك.. تم اختيارهم
بأى فهم ؟؟
موضوع البوست جميل جدا ممكن الناس تتناولة بشفافية وموضوعية
بعيد عن المهاترات وكدا... ولا شنو يا شوقى ؟؟؟
احترامى
| |
|
|
|
|
|
|
|
|
|
Re: الوعي الذكوري (Re: Shawgi Sulaiman)
|
** أمشي شوف مصنع الحاج عبدالله للنسيج ( علي سبيل المثال فقط ) .. النساء يعملن فيه حتي الصباح ..**
عشان كدا قلنا يضطدون المساء
بالمناسبة العاملات والعاملين عندهم تامين صحى مع القطن البعمل امراض صدرية وقاك الله
بالمناسبة التانية انا زرت الحاج عبد الله
| |
|
|
|
|
|
|
|
|
|
Re: الوعي الذكوري (Re: Abureesh)
|
Quote: قطع شك شوقي سليمان هو خال مناهل ابراهيم شقيق أمها
المغالطني يوريني شاف وصاية وملاحقة زي دي غير في حالة الخال وبت أخته وين؟ |
احمد عمر لك التحايا
مالك عايز تجيب لي الهواء هسع الزولة دي تجي ناطة وتقول ليك زول متخلف ذي ده لا اتشرف ان يكون خالي وطبعا هي ولا بتخجل بتشوت ضفاري طوالي . اها كده كويس
| |
|
|
|
|
|
|
|
|
|
Re: الوعي الذكوري (Re: Shawgi Sulaiman)
|
Quote: يا شوقي سليمان
لقد تعديت حدودك يا محدود العقل، فتأدب، أنت لا تعرف عنها شيئاً حتى تتحدث عن أخلاقها وأدبها، ولو كنت حقاً تحترم نساءك، لما ولغت في الحديث عن نساء الآخرين. |
يا ياسر الزول ده فكرته واضحة جدا
عايز يستفزها لامن تجي تشتمه ..عشان يلقي فرصته..والبمارسه شوقي هنا ودخوله وملاحقته لمناهل عشان يحرق شخصيتها والتلميحات الهو بتكلم عنها استفزاز ساي...عامل فيها زول بارد....خت فكرته بكل وضوح والموضوع انتهي يبقي الداعي شنو للملاحقة وطريقة الكتابة الاقرب للإستجواب والوصاية عليها انها تلزم بيتها.
السايقة واصلة يا شوقي مهما تكون ذكي ما أظن تبلغ حتتك العايز تصلها
| |
|
|
|
|
|
|
| |
HAIDER ALZAIN
tmbis
الشفيع وراق عبد الرحمن
Abd Alla Elhabib
Yassir Tayfour
أيمن التوم حسن
حبيب نورة
محمد على طه الملك
بشير حسـن بشـير
Shawgi Sulaiman
خضر عبدالغفور
الطيب رحمه قريمان
يوسف السماني يوسف
علي الكرار هاشم
ناصر احمد الامين
طلحة عبدالله
معاوية عوض الكريم
بله محمد الفاضل
saadeldin abdelrahman
Mubarak kunna
Tragie Mustafa
خالد عبد الحليم سعيد
داليا الكباشى
Zomrawi Alweli
قيقراوي
Omer Mustafa
Afraa Sanad
ريهان الريح الشاذلي
محمد الشيخ أرباب
بشير أحمد
معاوية عبيد الصائم
احمد محمد بشير
Abdlaziz Eisa
عاطف عمر
Abureesh
عزان سعيد
هواري نمر
ABUHUSSEIN
عوض حمزة
doma
فيس بوك
تويتر
انستقرام
يوتيوب
بنتيريست