|
|
|
 Re: ديناصور وتنين يهربا من حديقة حيوان الجيزة بالقاهرة (فيديو)... (Re: بشير حسـن بشـير)
|
ياااا أبو حميد، ينصر دينك ودين دينك ياخي، مبالغة، مبالغة، مبالغة.
ياخي الفيلم بتاع الديناصور والتنين دا، جنون، جنون، جنون، وكمان جنون، ويا للأسف، في شكل طبيعي للغاية، وبسعة الأسطورة ذاتها ووجود الديناصور والتنين في القرن الواحد وعشرين. مباااااالغة!
وهذا تلخيص قوي، عملي، صادق، حقيقي، ميداني من أرض الواقع، قدامك، في وشك، في عينك، عشان ما تدير وشك وتقول ما للدرجة دي ياخي. شوف لياتو درجة الحال وصل!
هذا ما استحالت إليه الدنيا كلها، كلها، كلها، بدون فرز، بدون فرز، بدون استثناء إلا ما شذَّ عن القَدَر.
كضب كضب كضب كضب، تمثيل تمثيل، تنطّع، تكلّف، ادّعاء، زيف، مكر، خداع (كون مجنّن وجودياً بكامله) بكامله، وانحطاط على أي مستوى من مستويات التفكير والحياة والإبصار والسمع. كون تؤسسه وتعيشه الكائنات الضعيفة، الفسّاية.... إلخ.
صديقك يكضب صديقتك تكضب الحولك يكضبوا حلفاك يكضبوا خصومك يكضبوا، حبيبك يكضب، حبيبتك تكضب، زميلك يكضب زميلتك تكضب، قريبتك تكضب قريبك يكضب، إلخ... كلّهم مزوّرون زائفون.. فييييييك.
الحياة كلها استحالت لمريضات ومرضانين، لموبؤوات ومبؤوين، كلها بقت مرض في مرض، وقــرف في قــرف، وخراء في تَرَى.
حاجة بلا حد، بلا حد، بلا حد، يأس عميم، يأس مرير، يأس سفّاح، وين ما تقبل!
ياااا أبو حميد
شكراً ياخي، شكراً شكراً على هذا الفيلم.
سأحفظ هذا الفيلم عندي، وأنظر فيه كلّما أحبطني أحدهم أو إحداهن، وكلّما توفيَّ في بالي كضاب منهم أو منهن. كي تقتنع الروح بإنو (ياهو دا حال العالم اليوم كدا) فتسلم بهذه العظة والحذر من العدوى وتتحضّر للمقاومة، وكي تتجنب هذي الروح مبادلة الانحطاط والإسفاف بمثله، والخوض مع الخائضين. وكي نخلِّص أرواحنا وننقذها... ننقذها من هذا الوباء الذي لم تعد تجدي معه الأمصال وينتشر في كل مكان وعلى كافّة مستويات الوعي المتوفّرة.
| |
  
|
|
|
|
|
|
|
|
Re: ديناصور وتنين يهربا من حديقة حيوان الجيزة بالقاهرة (فيديو)... (Re: محسن خالد)
|
Quote:
أهلا بيك يا عبد اللطيف تحيات وسلام مديد
ياخي مالك داير تلخبطني!
كيفن الكلام دا، صحن السبروق وفاوضني بلا زعل، وبرضو مو أحمد؟
كان كدا تزهمرنا تب
|
بعد الشر ياخ من الزمهرة وانت لسه شباب بدري
ياخ انحنا عايزين نفض الاشتباك دا بمساعدة بكري، ،
ابوحميد دا هو صديقي المستشار احمد محمود الشايقي ،
أما صاحبك دا صديقي العازمني غدا بكرة فهو حسن سيدأحمد ،
وانت عشان تسهل الموضوع علي روحك اعمل كما تفعل تراجي ـ
الشايقي بالعربي ابوحميد
الشايقي بالانجليزي ابو علي
سهلنا الموضوع علي ناس الأمن، فالاتنين مقاشرين القشير، يشدو حيلهم
هههههههههه
| |
|
|
|
|
|
|
|
|
|
Re: ديناصور وتنين يهربا من حديقة حيوان الجيزة بالقاهرة (فيديو)... (Re: عبد اللطيف بكري أحمد)
|
لووول
كان كدي أنا بالغت يا عبد اللطيف، الزمن دا كلّو وأنا من شترتي حاسبن زول واحد.
هسّع الاتداخل معاي في بوست طه الضرير ياتو فيهم؟ بالإنجليزي وألا بالعربي؟ هههه
اعتذاري الأكيد لأحمد والحسن، عدم انتباه مني لمسألة الإنجليزي والعربي دي، وطالبين السماح. إلى أن يبيّن لنا أحدٌ أمر أبي الريش، أفتكر يوجد بروفايلان بهذا الاسم.
أو كما قال شاعرٌ شايقي
سامحني كان زلّيت وكلامي ما رضّاك
ما الناس تسامح الناس وإنت السماحة براك
تشكر يا لطيف على التصويب وينفعك الأخضر بتاع بكره، لينا منو أزمان.
| |
|
|
|
|
|
|
|
|
|
Re: ديناصور وتنين يهربا من حديقة حيوان الجيزة بالقاهرة (فيديو)... (Re: اساسي)
|
اساسي
حبابك
Quote:
والله يا الشايقي دي قوة عين عديل كدا منك اسع الزول مفروض يعمل ليك فديو زيك زي المصرين ديل
الفديوهات دي ليها سنة في اليوتوب ما حلت ليك الا بعد نزلتها امس هنا وفاتح نفس البوست كمان وبترد
غايتو الا حبوبتك مصرية
ياخي احيك انت والمصرين علي الشجاعة الادبية
|
وليه سوء الظن؟
حرم بوستك ده ما شفتو إلا من الرابط الهنا ولو أنه فيديو الناتو شاهدته على اليوتيوب من مدة طويلة!!!!!
ليه ما تقول توارد خواطر؟
أو صدفه؟
أحسن الظن في أخيك يا رجل....
إذا أعتبرت الشي ده تعدي على حقوقك الأدبية أو سرقة (رغم أن الفيديو منشور في موقع عام وليس ملكاً خاصاً لك) ممكن نتصل ببكري يسحب البوست ده ونفك الإشتباك ويا دار ما دخلك شر...
تحياتي...
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
| |
Al-Shaygi
بشير حسـن بشـير
محسن خالد
خالد العبيد
يحي ابن عوف
اساسي
فيس بوك
تويتر
انستقرام
يوتيوب
بنتيريست