|
Re: جهاز أمن المؤتمر الوطني يُعذب ويضرب طالبا تونسيا لإرتداءه لعلم بلاده (Re: مؤيد شريف)
|
الغريبة يا مؤيد أنهم بعملوا كدا بدافع الرعب وبرغض تعطيل الثورة التي انطلقت أو تحجيمها
لكن
نتيجة اعمالهم الخرقاء تكون على الدوام في عكس الاتجاه
اها خمو وصروا
مادة (مثيرة) عن القمع والخوف الانقاذي في وسائط ووكالات الإعلام العالمية
وأزمة مع الشعب التونسي
والحكومة التونسية (الجديدة)
برافو
ــــــــــــــــ * كامل تضامننا مع الطالب التونسي الذي ابتلي بهؤلاء ، ومع زملائه ، ومع كل افراد الجالية التونسية والتونسيين عامة
وثورة ثورة حتى النصر
| |
|
|
|
|
|
|
Re: جهاز أمن المؤتمر الوطني يُعذب ويضرب طالبا تونسيا لإرتداءه لعلم بلاده (Re: مؤيد شريف)
|
Quote: دحين يا وليد هو ديل ما لهم و مال الدين وكت قولهم كلام الله و فعالهم ما فعال صالحين كتير فيهم عديل حقار و بالقرآن كمان تجار و كضابين أكان بنزين عدم .. أو جاز وتعبوُ الناس و ضاقو خلاص صفوف واقفين يقولولك إرادة الله وكان عدم الرخيص و الغالى في التموين يقولولك ده . غضب الله و كان الموية صبحت طين يقولولك ده من امريكا والعملا حمونا الشب ولاد الكـــــــــــلب
فترنا من الخطب يا وليد و من طيش العقيد و عميد و من قل القرش في الايد و من تعب الوقوف في الصف ومن غبن الرصع بالكف و من حفر الدروب و اللف و من خت الحلم في الرف كل يوماَ نقيحنا يزيد دحين يا وليد هو كم دغشاَ عشان نلقاهو دافرنا و تعبنا شديد؟ و كم حولا صيامنا صبر عشان يشرق هلال العيد ؟! اح ح يا وليد لا حتى الخبيز إنضاق و لا هدما كسانا جديد و شوف المغسة يا وليد سموُ شقانا صالح عام و كل دمعاَ نزل من عين و كل جوعاَ سكت بالدين و كل زيناَ محاهو الشين ختو وقعيتو في الإسلام حرامهم يا وليدي حلال وا نحنا حلالنا كلو حرام يقلبو الدين نصّل سكين و ناسين الحساب قدام اخر زمن يا وليد نشوف كل البشاتن لون يفوت هولاكو دوب نرتاح ينط في الكرسي نابليون
|
حليل زمن السودانى البكرم الضيف قبل مايحكومنا المجارمة تجار الدين!!
تحياتى
| |
|
|
|
|
|
|
Re: جهاز أمن المؤتمر الوطني يُعذب ويضرب طالبا تونسيا لإرتداءه لعلم بلاده (Re: مؤيد شريف)
|
Quote: Quote: دحين يا وليد هو ديل ما لهم و مال الدين وكت قولهم كلام الله و فعالهم ما فعال صالحين كتير فيهم عديل حقار و بالقرآن كمان تجار و كضابين أكان بنزين عدم .. أو جاز وتعبوُ الناس و ضاقو خلاص صفوف واقفين يقولولك إرادة الله وكان عدم الرخيص و الغالى في التموين يقولولك ده . غضب الله و كان الموية صبحت طين يقولولك ده من امريكا والعملا حمونا الشب ولاد الكـــــــــــلب
فترنا من الخطب يا وليد و من طيش العقيد و عميد و من قل القرش في الايد و من تعب الوقوف في الصف ومن غبن الرصع بالكف و من حفر الدروب و اللف و من خت الحلم في الرف كل يوماَ نقيحنا يزيد دحين يا وليد هو كم دغشاَ عشان نلقاهو دافرنا و تعبنا شديد؟ و كم حولا صيامنا صبر عشان يشرق هلال العيد ؟! اح ح يا وليد لا حتى الخبيز إنضاق و لا هدما كسانا جديد و شوف المغسة يا وليد سموُ شقانا صالح عام و كل دمعاَ نزل من عين و كل جوعاَ سكت بالدين و كل زيناَ محاهو الشين ختو وقعيتو في الإسلام حرامهم يا وليدي حلال وا نحنا حلالنا كلو حرام يقلبو الدين نصّل سكين و ناسين الحساب قدام اخر زمن يا وليد نشوف كل البشاتن لون يفوت هولاكو دوب نرتاح ينط في الكرسي نابليون |
روعة يا أختاة
| |
|
|
|
|
|
|
Re: جهاز أمن المؤتمر الوطني يُعذب ويضرب طالبا تونسيا لإرتداءه لعلم بلاده (Re: Mohamed Yassin Khalifa)
|
الناس في شنو وحسانيه امن السودان في شنو؟ طيب لو كان التونسي ده لبس علم جنوب السودان ...كان ناس الامن سووا فيهو شنو ؟؟؟ والله صحي ( عدو عاقل اخير من صديق جاهل) عشان العقل بقول اخير كان ناس الامن يتمهلوا ويدرسوا الحاصل في تونس ويشوفو اخرو شنو .. قبال ما يكسبوا عداوات لله لله من ناس تونس الاشراف الشهدت ليهم الدنيا كلها قالت فيهم وفي حرارة قلوبهم ما قالت ..؟ وبعدين التونسي ده دحين ما ضيف عليك يا سودان البخت؟ قلتوا يا ناس الامن اخير تورووا العالم اكرام ضيوف السودان بعني بالكرباج ؟ اف ... اف عيييييييييييييب والله حسبي الله ونعم الوكيل
| |
|
|
|
|
|
|
|