البديل المنطقي لعمر البشير

Quote: البديل المنطقي انتم يا سودانيين , جربتم الاسلاميين و رأيتم رأي العين كيف الهبت قوانينها ظهوركم بالسياط و كيف اهدر منسوبيها كرامتكم و كرامة اهلكم و كيف جوعتكم قوانينها تحت شعار هي لله هي لله . البديل المنطقي انتم يا سودانيين اختاروا حكامكم بعناية ولا تعيدوا علينا رجاء ذلك السؤال الغبي ينوبكم ثواب في انفسكم و فينا.

Quote: لم نتوقف لنسأل انفسنا طالما الصادق و الميرغني و نقد و جميع قيادات الاحزاب السياسية بهذا السوء الذي روجت له الانقاذ (الوريث الشرعي للجبهة الاسلامية القومية) و مصلحيين و كفار و ملاحده ماذا احتوتهم الانقاذ في مؤتمراتها و برلماناتها المتعاقبة ؟ و لماذا ظلت تلهث خلفهم كل تلك السنوات حتي تآمن اصطفافهم ضدها ؟ الا يقع ذلك في بند موالاة الباطل و فيه اثم عظيم ؟

Quote: البديل المنطقي انتم يا سودانيين اختاروا حكامكم بعناية

Quote: قلت ليهو: أمسك دينها.

Quote: يافنان الاحزاب بى ارثها ومشاكلها الكتيره دى مافى مقارنه اطلاقا بينها والانقاذ (كالمستجير بالنار )كنا نرى تحت سقف حزب واحد كل الوان الطيف الاجتماعى السودانى بى نسيجو الكامل ديل جمعوهم فى شكل لوبى قبلى متعنصر وطبعا ده اكبر خطا ارتكبوه وحيدفعو... تمنو الاكيد تفتت البلاد ومعبر عنو بالحركات المسلحه فهود الشرق والزغاوه والفور ...... والانقاذ مرضها فى بطنها وعوامل نهايتها واسبابها فى داخلها بالانشقاقات والتكتلات المصلحيه تعرف يوم دخول خليل اولاد قوش هم من تصدوا للهجوم وعندما احس البشير بخطر قوش اقاله مباشرة وبالنسبه للتغيير المسالة وقت ليس الا والوقت فى عمر الشعوب لايقاس بى عشرين او تلاتين سنه التوانسه منذ اكثر من خمسه عقود مافى اى تحرك جماهيري ملتزم حد الموت من اجل قضيه لمواطن عادى للقمة العيش ولكنه الكبت الذى ولد الانفجار والانقاذ الى زوال كيف الايام دول

Quote: السؤال عن البديل يا صديقي الطاهر سؤال غير مشروع في ظل ما مّر بنا من مِحن و إبتلآت - يا قول اهل الانقاذ- السؤال الاهم في ظني هو نحن عاوزين منو ؟ لو قدرنا نحدد نحن عاوزين منو و كيف حا نكون تلقائيا حددنا البديل

Quote: فيما يتعلق بالاحزاب السياسية ستجدني حملتها المسئولية في اول مقالي مناصفة مع الشعب السوداني الكريم و هذه قناعتي يا صاحب , الاتنان يشتركان في تحمل المسئولية في ما آل اليه الحال الان من تفشي فقر و تشظي. الاحزاب كانت و لا زالت ضعيفة امام سطوة ماكينة إعلام المؤتمر الوطني و ترسانة اجهزة قمعه لم نر لها دور واضح في معارضة النظام بخلاف التصريحات الخجولة او المبادرات التي تموت في مهدها بعد ايام ناهيك عن خطة عمل او تحالفات واضحة من اجل إجتثاث الانقاذ او تحجيمها علي الاقل و فك الطوق عن عنق المواطن.

أتفق معك 100%

Quote: كل الكوارث الحصلت للسودان في العشرين سنة الماضية

Quote: سلام يا طارق وضيوفه عزيزي إذا كنت تبحث عن بديل لـ (عمر البشير) ــ حسب العنوان ـ فمعنى ذلك أنك اختصرت المشكلة والحل في رجل... وهذه مشكلة أكبر البديل الأمثل لسودان اليوم هو نظام تعددي يكفل الحقوق والحريات ويحقق المساواة

Quote: البديل منو/ شنو= حزب سياسي /زعيم سياسي نحن عاوزين شنو = افكار و برامج و رؤية لمستقبلنا يكون كيف

Quote: يا فنان صدقني كمواطن سوداني أصلو ما بتلفت ليك حكاية البديل البديل ده ممكن يكون هاجس للناس المارست السياسة والاحزاب خذلتهم لكوم العوج الفيها..أو بكون مطروح كسؤال دائم طبقا للمصالح الحزبية لما تسأل مواطن عايز يمش قدام عن البديل ما حيتلفت كتير حيقول ليك جيب لي من رحم الشعب السوداني ده في كل مجال أحسن ناس وزحني من ناس السياسة البديل يا خدر حكومة تكنوقراط لمدة خمسة سنة أقلاها مع تنمية وتمويل وتساوي فرص للأحزاب (تقدمية يسارية يمينية هلال مريخ كلهم واحد) بالتزامن مع المجتمع المدني وأجهزة الرقابة الشعبية ..وتنمية التلاتة قطاعات دي مع تساوي في الفرص...يمسكوا المؤسسات دي يأهلوها في روحها...يدوها قروش تكون مؤسساتها ويلموا مطاليق السياسة ديل البجعروا فوق راسنا في الفاضي لو هسة قلت لي شكّل لي حكومة بشكلها ليك عندك كم بروف ما عنده ولاء سياسي ومتبرز في عمله قاعد البلد دي ولا في ليبيا ولا كندا وممكن يدير الدولة دي بكل الحكمة وعنده القدرة الادارية؟؟ عندك كم مهندس مهاجر في جهات القبلة الاربعة بخططوا مدن الخليج وأوربا ..وهنا وزارة التنمية العمرانية وناس المساحة بعد يشقوا زلط بجوا ناس الموية عشان ماسورة بكسروا الزلط تاني ومن جديد وأخطاء بملايين علي حساب الشعب الما لاقي دواء عندك كم متشرد سوداني مجضم علمه وأحبط ورقد في بطن بيته في المهاجر عشان سلم بالواقع وما نمش بعيد كلو كلو بس الامارات العربية دي ولا قطر وشوف كم السودانيين المؤهليين ..ديل مش يشكلو حكومة ..ديل ممكن يعلنوا حرب التغيير لو في يد انتشلتهم من الاحباط لو دايرني هسي اسمي ليك البديل بسمي وبالاسماء..بداية بالرئيس نهاية بولاة الولايات البديل يا فنان الخدمة المدنيةدي تتفرتق فوق تحت ويدوا الناس حقوقها ويجيبوا انظمة تدير البلد برة السياسة...ما عشان سد يتشردوا ناس ولا عشان حظروا دواء لدواعي المنافسة تموت الحبوبة. السياسيين يحكموا ويشوفوا المصالح المستقبليه والتفاصيل العامة..البلد يديرها المختصين... الفكرة مافي البديل منو بقدر ما انو كيف الناس المؤهلة و تمرق من احباطاتها وتتمد ليهم يد التفعيل ..وهنا ممكن تكون المبادرة..المبادرة البتخلي الزول المؤهل وما عنده تنظيم سياسي يساهم برؤيته في تطور البلد.وما يكون سلبي. مليون سنة حنقعد لو قعدنا نفكر بطريقة احزابنا والجيش الكل مرة بقلب كأنه قلب كباية يلة الحركة عشان تتعمل يجي ود بلد حقيقي مقرم يقلبها ويدور المؤسسات الفي البلد واجهزتها الحكومة ويمرقها من النفق ويقول باي باي..ودي صعبة شكرا لحجرك في ماء راكد

Quote: البديل شباب ، و عمره سيكون اقل من خمسين سنة..!

Quote: لانسان هو اهم شيئ وهو العامل الاساسي لقيام النهضة و الانقاذ اهملت الانسان واصبح عندها مجرد ( انتماء او موافقة ) انت معنا او توافقنا هو الاهم وما دونه لا يهم . حتى اسالييب القمع وتخويف الناس لن تعصمهم من الطوفان لأن الشيئ الوحيد الذي لم يعملوا له حساب ان يراجع الشعب ما تم تدميره ويقدم كشف حساب غير قابل التاجيل فاما الرحيل او الموت لاحد الطرفين . اذن عندما يحين الموعد لن يفكر الشعب بمن او ما هو البديل ولكنه سيفكر حتما - وهو محق - في التغيير.

Quote: تنبيه المواطن لمساهمتو في ما نحن فيه الان بمساعدتو للجبهة القومية الاسلامية للانتشار عن طريق صناديق الاقتراع في 86 او دعم الانقلاب قطعا سيقودنا لاول الطريق.

Quote: فى حين خرج حزب الامه بعد فترة بسيطه من المشاركة وكانت مصالحتة دون هدف محدد ولذلك خرج دون تحقيق الهدف الذى من أجلة وقع اتفاق المصالحه الوطنية ،، الحزب الاتحادى لم يشارك وواصل معارضتة لمايو وخلال هذه الفترة فقد العديد من قياداتة

Quote: الرقيب على الحكومة التكنوقراط كافة شرائح الشعب والزعامات النقابية والحزبية والقبلية ...

Quote: يعنى الشعب او المواطن ح يتصل تلفونيا بالحكومة التكنوقراطية هذه او بالوزير الفلانى ويحاسبو على شغلو؟ لابد ان تكون هناك مؤسسة او هيئة لها سلطة المحاسبة وسحب الثقة ان اقتضى الامر ممن يقصر عن اداء واجبه واكيد الهيئة دى اما تكون منتخبة او مكونة بموافقة القوى السياسية بطريقة ما فى الفترة الانتقالية الحكاية ما سبهللية كدا ساكت

Quote: البديل .. الفكر والفكرة + كاريزما القيادة . يجب ان نبحث عن فكر بديل قبل ان نبحث عن شخوص. لان البحث عن أشخاص حتماً سيوصلنا الى حرف التي المعروف واذا حاولت الاتجاه يمنة او يسارا فستجد العراقيل والحواجز ونعود للمربع الأول نفس القادة الذين حكمونا وبنفس الفكر وبنفس الفهم وتعود المهاترات وتعود النرجسية ويفور الشارع وتخصب الارض لانقلاب عسكري

Quote: بالوضع الراهن ليس هناكـ أي رؤية أو تباشير بإنقلاب عسكري والحل الوحيد يكمن في إنتفاضة الشعب الذي ملّ من هذه المرارات المُهينة ...

Quote: البديل .. الفكر والفكرة + كاريزما القيادة . يجب ان نبحث عن فكر بديل قبل ان نبحث عن شخوص. لان البحث عن أشخاص حتماً سيوصلنا الى حرف التي المعروف واذا حاولت الاتجاه يمنة او يسارا فستجد العراقيل والحواجز ونعود للمربع الأول نفس القادة الذين حكمونا وبنفس الفكر وبنفس الفهم وتعود المهاترات وتعود النرجسية ويفور الشارع وتخصب الارض لانقلاب عسكري جديد وتُمارس علينا سطوة جديدة وجن جديد ونرجع ونهتف كما هتف آبائنا من قبل .. عشان كدا لابد من ثورة بفهم جديد ومختلف لابد من ثورة تجعل البديل وفيييير تجعل الحاكم يخاف الله فينا ويخافنا في الله وفي بدائلنا .....

Quote: البديل نحن يا الجمري ثقتنا بأننا {كشعب} البديل