|
|
|
 Re: بما لا يدع مجالاً للشك ( وبالصور ) ..... لا بنعرف نلعب ولا بنعرف نشجع (Re: omar alhag)
|
| Quote: فريق البرازيل عندو مشجعات .. يرمن في الشوك |
بدون تعليق
يعني ممكن أقول شنو؟؟
أحسن اسكت يا عمر الحاج
Quote: اتا عارف اول مرة اخش استاد القاهرة الدولي مبارة لفريق الزمالك
خليت الكورة وقبلت علي المشجعين لمن الكورة انتهت |
وبالذات الدرجة التانية والأولي
عليك الله شوف الألتراس دا كيف ؟
لكن ناس الدرجة التالتة في مصر
تشجيعهم حار وألفاظهم الله يكرم السامعين
| |
 
|
|
|
|
|
|
|
 Re: بما لا يدع مجالاً للشك ( وبالصور ) ..... لا بنعرف نلعب ولا بنعرف نشجع (Re: Fadl Karrar)
|
يافضل
بدون زعل
عاين ..
وقارن
ولو القصة
| Quote: المحصلة كلها( لعب ، تشجيع ونظرة مجتمع ) عندنا متخلفة جداً |
وين الأبداع في التشجيع الرجالي السوداني غير حرق العمم ..، وإذا كان في مشكلة متكاملة بتاعت إسلوب حياة تبقى تقارن بالتشجيع في السودان ككل ..وهنا ممكن أتفق معاك أنو (فطير) ..اما قصة تجيب بنات وتقول لينا عاينوا ..أنتو برضو عاينو ..، ولا أقول ليك أستعينوا بيهن ..إمكن يظهرن مشجعات محترفات
تشتروهن ..ويرفعوا المعنويات ..و إن شاءالله بعداك تغلبوا .. 
كدة تمام ؟
ــــــــــــــــــــــ
أهلا يا ياسر انا تمام ..شكر لسؤالك ..
ـــــــــــــــــــــــ
تسلم يا أبو حسين ..
| |
|
|
|
|
|
|
|
 Re: بما لا يدع مجالاً للشك ( وبالصور ) ..... لا بنعرف نلعب ولا بنعرف نشجع (Re: Amira Elsheikh)
|
ياجماعة بلد لحدددوت اللحظة دى تحاكم البنت بضحكتها ولبسها ..
وكل شئ يدخل فى بند الحرام والعادات ..
فى ناس شايفين الكتابة فى المنبر دامن الكبائر ..
قبلك كدا فى المنبر دا زميل قال لى شوفى ليك زاد مجاهد ولا اخوات نسيبة بلا تشجيع كورة معاك .
الحالة بشجع من منازلهم ومن منبر بكرى ابو بكر وبكل احترام ,,,,
غايتو كدى نتفق اول انو البنات مفترض يشجعو كورة وبعديها ممكن يمشو الاستاد
وبعدين نشوف ...
ولا عندنا خيار تانى
| |
|
|
|
|
|
|
|
|
|
Re: بما لا يدع مجالاً للشك ( وبالصور ) ..... لا بنعرف نلعب ولا بنعرف نشجع (Re: Amira Elsheikh)
|
يابت بلدي يا اصلك سوداني
انت جميلة وزيك وين
حشمة في توبك وتملي العين
...
االكوتش اميرة الاميرة
Quote: ياجماعة بلد لحدددوت اللحظة دى تحاكم البنت بضحكتها ولبسها ..
وكل شئ يدخل فى بند الحرام والعادات ..
فى ناس شايفين الكتابة فى المنبر دامن الكبائر ..
قبلك كدا فى المنبر دا زميل قال لى شوفى ليك زاد مجاهد ولا اخوات نسيبة بلا تشجيع كورة معاك .
الحالة بشجع من منازلهم ومن منبر بكرى ابو بكر وبكل احترام ,,,,
|
ياخي ثقافة دخول البنات الاستادات يادوب اتعلموها السودانيين
ولكن صراحة الان يوجد فتيات يتكلمون في الرياضة افضل من الرجال
وكما تشاهدي في القنوات الفضائية
كان لي شقيقة صغيرة المرحومه الدكتورة رحاب علمتها لعب الكرة الطائرة وكانت تقاسمني حوافز التسجيل وعداد
الترحيل وكانت تتحدث في الرياضة بحديث العارف عادي كان تغالطني في اسماء اللاعبين واوائل الفرق التي كانوا يلعبون بها
واسعارهم السابقة وسعر اخر تسجيل لهم والمراكز التي يلعبون لها والخطط والمدربين
يالله ايام ... ربنا يرحمها ويتقبلها قبولا حسنا
ورغم عن ذلك وعشان نظرة السودانيين دي لم اوافقها حتى تتحدث في الصحف خليك من التلفزيون ...
انا طبعا من انصار البنات السودانيات المشاركة في الرياضة والحديث عنها ...
..
..
تحياتي لصاحب البوست وضيوفه
| |
|
|
|
|
|
|
|
|
 Re: بما لا يدع مجالاً للشك ( وبالصور ) ..... لا بنعرف نلعب ولا بنعرف نشجع (Re: وليد عبد اللطيف)
|
Quote: كان لي شقيقة صغيرة المرحومه الدكتورة رحاب علمتها لعب الكرة الطائرة وكانت تقاسمني حوافز التسجيل وعداد
الترحيل وكانت تتحدث في الرياضة بحديث العارف عادي كان تغالطني في اسماء اللاعبين واوائل الفرق التي كانوا يلعبون بها
واسعارهم السابقة وسعر اخر تسجيل لهم والمراكز التي يلعبون لها والخطط والمدربين
يالله ايام ... ربنا يرحمها ويتقبلها قبولا حسنا |
ربنا يرحمها يا وليد
اللهم ابدلها دارا خيرا من دارها واهلا خيرا من اهلها وادخلها الجنة واعذها من عذاب القبر ومن عذاب النار .
اللـهـم عاملها بما انت اهله ولا تعاملها بما هي اهله .
اللـهـم اجزها عن الاحسان إحسانا وعن الأساءة عفواً وغفراناً.
اللـهـم إن كانت محسنة فزد من حسناتها , وإن كانت مسيئةً فتجاوز عن سيئاتها .
اللـهـم ادخلها الجنة من غير مناقشة حساب ولا سابقة عذاب .
اللـهـم اّنسها في وحدتها وفي وحشتها وفي غربتها.
اللـهـم انزلها منزلاً مباركا وانت خير المنزلين .
اللـهـم انزلها منازل الصديقين والشهداء والصالحين وحسن اولئك رفيقا .
اللـهـم اجعل قبرها روضة من رياض الجنة ,ولا تجعلها حفرة من حفر النار .
اللـهـم افسح لها في قبرها مد بصره وافرش قبرها من فراش الجنة .
اللـهـم اعذها من عذاب القبر ,وجاف ِالارض عن جنبيها .
اللـهـم املأ قبرها بالرضا والنور والفسحة والسرور.
اللـهـم إنها فى ذمتك وحبل جوارك فقها فتنة الفبر وعذاب النار ,
وانت أهل الوفاء والحق فاغفر لها وارحمها انك انت الغفور الرحيم.
| |
|
|
|
|
|
|
|
|
|
Re: بما لا يدع مجالاً للشك ( وبالصور ) ..... لا بنعرف نلعب ولا بنعرف نشجع (Re: Amira Elsheikh)
|
Quote: الكوتش وليد عبداللطيف ..سلاااام وتحية ......
كيف كيف كيف ؟
كلام دا يحمل الكثير من التناقض |
ليس تناقض ولكن كانت هذه الحقيقة في ذلك الوقت
لان قتل الشخصية في ذلك الوقت ساهل جدا جدا
ولو كانت من ضمن عالم الاحياء هذا اليوم لقدمتها الى التلفزيون بنفسي واشركتها هنا معكم في سودانيز لانها كانت موهبه بحق وحقيقة
تتمتع بفهم كروي كبير
كنت عارف إنك سوف تقولي هنالك تناقض في حديثي
ولكن لازم تعرفي انه الان الحال تغير
واكيد طبعا الشيء الذي اتمناه الى اختي اتمناه اليكم
رغم كرتنا الان حالها لايسر ولاتوجد بها متعه
نلعب كره رتيبة وممله وتفتقر لجمال فنيات الرياضية وجمال البنية الجسمانية التي تعتبر من اساس مقومات الرياضي
جثث متحركة وناس هزيلة التقول ضارباها مجاعة
نستر نفسنا وللا ندعوا الفتيات لتشجيعنا
اميرة الشيخ ديل بناتنا واخواتنا معنا في الجامعة يشجعون فريق رابطة بحري واختي معهم تشاركنا كل مناسباتنا في الجامعة
يعني لم يفارقونا لحظة ونحن نلعب باسم الرابطة وبفضلهم احرزت جائزة افضل لاعب بالجامعه وفي وقتها تضم افضل لاعبي الدرجات بها
واخواتنا مسؤولين من تحضير الوجبات لكل الرابطة وكانوا يتنافسن في صنعها في ذلك الوقت
ودي صورة اخوك يستلم احدى الجوائز في الجامعة
.
.
يا بت الشيخ دا زمن الزمن كان سمح وديل اخواتنا بنات بحري
| |
|
|
|
|
|
|
|
|
|
Re: بما لا يدع مجالاً للشك ( وبالصور ) ..... لا بنعرف نلعب ولا بنعرف نشجع (Re: وليد عبد اللطيف)
|
| Quote: ياخي انت زول شاعر وفنان وكرة القدم ترتبط ارتباط وثيق بالفن وتعتبر جزء منه |
ههههههههههه والله يا وليد انا كنت لعاب جدا وجراي جري مبالغة ( حتي في رمال ابوحمد )
لكن للاسف كانت اخلاقي كعبة شديد
واخر مرة دقيت فيها كفر كانت مباراة كاس ( 1995م ) اها قام المدافع قصدني
واقوم ما اكضب واقوم اصرعو ليك في نص الميدان
اها طبعا الحكم اداني كرت احمر لكن هو برضو اخد حقو دورت ليك فيهو بونية
ومن يوم داك تاني بقيت ماعرف درب الملعب بي وين
خالص الود
| |
|
|
|
|
|
|
|
|
|
Re: بما لا يدع مجالاً للشك ( وبالصور ) ..... لا بنعرف نلعب ولا بنعرف نشجع (Re: ياسر بيناوي)
|
Quote:
وليد
جائزتكـ دي كانت كيلو باسطة و لا شنو ؟ |
هههههههههههه
خالد عبد الله
ياخي عينك كعبة شديدة كويس انك تعليقك على الهدية ما في شيء تاني
تخيل الهدية كانت اتنين تي شيرت رياضي
وصلت الحله اهديتهم للشفع
.
.
تعرف ياياسر الاخلاق الطويلة في كرة القدم مهمه شديد
لانك تتعرض لاشياء كثيرة
لكن عندي شقيقي كان حريف جدا في كرة القدم ولعب درجة
ولكن بلعب مباراة والبعدها تلاقيهو موقوف
| |
|
|
|
|
|
|
|
|
|
Re: بما لا يدع مجالاً للشك ( وبالصور ) ..... لا بنعرف نلعب ولا بنعرف نشجع (Re: امير عوض الجمري)
|
| Quote: انا شغال في سفارة البحرين ...... يعني عليك الله قول لي طارق جبريل دا : لو سمحت |
يا طارق جبريل ياخي لو سمحت راعي لي أمير الجمري دا شوية
| Quote: انحنا تشجيعنا ياهو قدٌر كورتنا |
تعرف يا أمير
كدا ح ندخل في غلوتية ( الجدادة قبل البيضة واللا البيضة قبل الجدادة )
لكن النجيضة
نحن لا بنعرف نلعب ولا بنعرف نشجع
وأغرب حاجة
بنشجع لما فريقنا يكون غالب وا محتاج لي تشجيع ذاتو
ونقعد ننبذ ونسب لما الفريق يكون مغلوب وداير تشجيع
شفت نحنا أمخاخنا مقلوبة كيف ؟
وكان داير النصيحة نحن البنسوي فيهو دا ما إسمو تشجيع
دي فرجة ،،، يعني بنخش الغستاد عشان نتفرج وبس
عشان كدا اتفرج معانا فوووووووق وأملا عينك
| |
|
|
|
|
|
|
|
|
|
Re: بما لا يدع مجالاً للشك ( وبالصور ) ..... لا بنعرف نلعب ولا بنعرف نشجع (Re: Fadl Karrar)
|
Quote: لكن النجيضة
نحن لا بنعرف نلعب ولا بنعرف نشجع |
دي معرووووووووووووووووفة يا فضل ياااخي ..
لاااااااكين النجييييضة اهٌندي
| Quote: عشان كدا اتفرج معانا فوووووووق وأملا عينك |
هو جنس ملي عاد ... والله اتفرجت واتمنيت كمان ...
تكون عرفت امنيتي شتو ؟
نخليها كدا للشباب .. الكلللللهم متمنّن نفس امنيتي دي اكيييييد ...ههههههههههها
والله حظظظظظظظظظظظظظظظظو اب صلعة .
| |
|
|
|
|
|
|
|
|
|
Re: بما لا يدع مجالاً للشك ( وبالصور ) ..... لا بنعرف نلعب ولا بنعرف نشجع (Re: امير عوض الجمري)
|
هو البنات تشجيع وبس
حليلكم ما شوفتونا زمن الجامعه فى الاحفاد
والدورات الرياضيه بين الكليات
الاولاد كان بيكونوا اساسى قبال الكراسى فى مطشات
ولا المشجعات حقينا
خساره ما صورتها كان حسى عقدتكم
:)))))))))))))))))))))
ودى من اهم ما يميز الاحفاد من باقى الجامعات
الفتاه عندها مطلق الحريه تعيش النواحى الجامعيه بمزاج بدون قلق جكس
لمن اتخرجت كنت حنضم لفريق الوطنى حق السله الكان ماشى اظن لبنان لكن ناس البيت قطعوها لى فى راسى
فى حاجات كتيره فى بلدنا بتحصل وجميله لكن مافى اى اعلان عنها وتوثيق عشان كده انتو بس شاطرين فى صور الفرنجه دى
هههههههههههههههه
وليد صورك روعه والله وذكريات حلووووووووه
الصور بالجد بتعكس زمن جمييييييييل ونفوس طيبه
| |
|
|
|
|
|
|
|
|
|
Re: بما لا يدع مجالاً للشك ( وبالصور ) ..... لا بنعرف نلعب ولا بنعرف نشجع (Re: رانيه محمد الشيخ)
|
Quote:
وليد صورك روعه والله وذكريات حلووووووووه
الصور بالجد بتعكس زمن جمييييييييل ونفوس طيبه |
يارانيه ...
ياخي بناتنا ديل والله انا ماقاعد اشوف احلى منهم تخيلي
للان لم ننقطع من بعض عندنا افطار جماعي يحدد له يوم في رمضان واي واحدة تجيب راجلها وتجي
وكذلك اخوانا ...
لكن ناس الجمري ديل وصاحب البوست عايزن يرفعوا ليكم الضغط بس
عجبني تعليقك فوق وصورة كرستيانو رونالدو وحركته الرهيبة
فضحكت زين ...
| |
|
|
|
|
|
|
|
|
|
Re: بما لا يدع مجالاً للشك ( وبالصور ) ..... لا بنعرف نلعب ولا بنعرف نشجع (Re: رانيه محمد الشيخ)
|
| Quote: الاولاد كان بيكونوا اساسى قبال الكراسى فى مطشات |
بالله هو اساسي بتاع سودانيز أون لاين الواحد دا زمااااان كان بيحضر دوري الأحفاد ؟؟
( قر قر قر )
| Quote: لمن اتخرجت كنت حنضم لفريق الوطنى حق السله الكان ماشى اظن لبنان لكن ناس البيت قطعوها لى فى راسى |
عاقلين والله
| Quote: فى حاجات كتيره فى بلدنا بتحصل وجميله لكن مافى اى اعلان عنها وتوثيق عشان كده انتو بس شاطرين فى صور الفرنجه دى |
صور الفرنجة
والخلايجة
والنجديين
والفرس
والآشوريين
وهلم سماحة
بلدنا سمحة وجميلة واي حاجة ذاتو لكني اشجع اللعبة الحلوة ( ومشتقاتها ) أينما كانت
| |
|
|
|
|
|
|
| |
Fadl Karrar
omar alhag
محمد عبد الماجد الصايم
طارق جبريل
Faisal Elrasheed
محمد يوسف الزين
داليا حافظ
ABUHUSSEIN
ياسر السر
خالد عبد الله محمود
وليد عبد اللطيف
لؤى
ياسر بيناوي
عبدالله كع
Abdlaziz Eisa
امير عوض الجمري
omar arbab
Zomrawi Alweli
doma
زهرة حيدر ادريس
محمد الامين احمد
فيس بوك
تويتر
انستقرام
يوتيوب
بنتيريست