|
|
|
 Re: اصوات ضرب نار فى الخرطوم (Re: سارة كرودى)
|
20 ساعة دي لو في حاجة كان تكون واطاتم أًصحبت يا سارة..
وكان يكون عمر البشير أسي بشرب شاي الصباح مع علي عبد الله صالح في تعز
أرقدي نومي ما دام قلتي 20 ساعة ديل بكونوا حرامية ساي
| |
 
|
|
|
|
|
|
|
 Re: اصوات ضرب نار فى الخرطوم (Re: سارة كرودى)
|
Quote: نحن فى الخرطوم 2 سامعين اصوات ضرب من بعيد ليها 20 دقيقه تقريبآ ،
بورداب الداخل نرجو التوضيح هل تدريب بالزخيره الحيه وله مناورات وله جاطت عديل ؟
ربنا يستر.. |
الكمندانة سارة إزيِّك ياخ!
___
الأصوات دي لو جاياكم من ناحية الخرطوم تلاتة، أكيد ده بيكون ناذر الخليفة دوّر أحلام تاني..
| |
|
|
|
|
|
|
|
|
|
إعتقال الترابى (Re: Yassir Tayfour)
|
Quote: آخر تحديث: الاثنين، 17 يناير/ كانون الثاني، 2011، 22:17 GMT
Facebook Twitter ارسل لصديق اطبع نسخة سهلة القراءة .
اعتقل الترابي عدة مرات
القت السلطات الامنية في السودان القبض على الزعيم المعارض حسن الترابي يوم الثلاثاء، وذلك بعد يوم واحد من دعوة حزبه "لانتفاضة شعبية" ما لم تلغ الحكومة قراراتها الاخيرة برفع اسعار الوقود وبعض المواد الاساسية.
روابط ذات صلةتغطية خاصة: استفتاء تقرير مصير جنوب السودانالترابي لبي بي سي: أتوقع عصيانا مدنيا ضد البشير بعد الاستفتاءالسلطات السودانية تفرج عن الترابي
السودانونقلت وكالة رويترز عن عواد بابكر، سكرتير الترابي الخاص، قوله إن رجال الامن اعتقلوا الترابي بعد ان داهموا منزله واصطدموا باحد مساعديه الذي اعتقل هو الآخر.
يذكر ان الترابي خضع للاعتقال عدة مرات منذ انفصاله في عام 1999 عن حزب المؤتمر الوطني الذي يتزعمه الرئيس السوداني عمر البشير، كانت آخرها في العام الماضي عندما اوقف لمدة شهر ونصف بعد اتهامه الرئيس البشير بتزوير الانتخابات الرئاسية التي جرت في ابريل / نيسان من ذلك العام.
وكانت المعارضة السودانية قد هددت يوم الاحد بتنظيم تظاهرات شعبية ما لم تقيل الحكومة وزير ماليتها وتحل البرلمان وذلك على خلفية قراراتها برفع الاسعار.
وأصدر ائتلاف المعارضة الذي يضم نحو عشرين حزبا بيانا هدد فيه بالنزول إلى الشارع إذا لم يتم حل البرلمان وعزل وزير المالية.
واتهم بيان المعارضة وزير المالية بأنه لم يكن امينا في تقديمه للميزانية، وقال مسؤول المعارضة كمال عمير ان زعماء الاحزاب سيجتمعون يوم الاربعاء للتخطيط لاحتجاجات الشوارع قائلا انهم "مستعدون للقتال من اجل التغيير ويعدون من اجل ثورة شعبية".
وكانت حكومة الخرطوم قد اعلنت عن هذه القرارات الاستثنائية لمواجهة العجز في ميزانيتها، وتشمل القرارات رفع اسعار المنتجات النفطية والسكر وغيرها.
ويعاني الاقتصاد السوداني من أزمة شديدة، ويقول محللون إن الخرطوم تنفق مبالغ كبيرة على الدفاع في الوقت الذي تزيد الديون نتيجة ارتفاع الواردات لتغطية الانخفاض في الانتاج المحلي مما ادى الى نقص في العملة الاجنبية وزيادة التضخم.
"سفك دماء"وكان الترابي قد قال في وقت سابق من يوم الاثنين إن "قيام انتفاضة شعبية في السودان على غرار ما حصل في تونس أمر مرجح،" مضيفا ان "هذه الانتفاضة الشعبية ما لم تقع لن يعني ذلك عدم وقوع سفك للدماء في السودان."
وقال الترابي في الخرطوم: "لقد عرفت هذه البلاد انتفاضات شعبية في السابق، ومن المرجح أن يحصل الشيء نفسه في السودان" مضيفا "وفي حال لم تحصل انتفاضة قد يقع سفك دماء لان الجميع مسلحون في السودان."
|
نقلا من البى بى سى
تحياتى
غالبا ما يكون مصدر النيران من إعتقال حسن الترابى ، والله أعلم
.
.
.
| |
|
|
|
|
|
|
|
|
|
Re: إعتقال الترابى (Re: mohmed khalail)
|
صباح النور الاخ محمد ..
نحن ذاتو بنسأل الحاصل بالزبط شنو نحن سامعين صوت ضرب تقيل من بعيد ولحدى الحظه دى ماوقف مافاهمين تدريب مناورات حرب جاطت ..
| |
|
|
|
|
|
|
|
|
|
Re: اصوات ضرب نار فى الخرطوم (Re: مصطفى توفيق)
|
اهااااا اسه ده ينفوهو كيييف  التوقيع جنابو النفاي ....
الاصوات حسب ماعلمت من زوجتي (صاحبة البوست) اقرب لصوت الدنات منها لصوت الرصاص .... ومصدر الصوت يبدو بعيداً....
لكن سكون الليل وحركة الهواء ممكن عاااادي تنقل الاصوات مهما بعد مصدرها خصوصاً اذا كانت اصوات عااااالية ...
وارد جداً واقرب للاحتمال ان الاصوات ناتجة عن تمارين دورية للقوات المسلحة تجريها من فترة لأخري ...
لأنه بافتراض اى احتمال أخر كان أكيد الناس بقت على بينة اسه وشافوا بعيونهم ....
في كل الأحوال نسأل الله ان يلطف بالبلاد والعباد ......
وان شاء الله عوجة تب مافي يا أم عبدالرحمن ...
| |
|
|
|
|
|
|
|
|
Re: اصوات ضرب نار فى الخرطوم (Re: حمور زيادة)
|
| Quote: يموت جنابو و لسانو بينفي |
ههههههههههههههههههههههههه
ياحمور ياخ أنا مانفيت ماخلاص خليت الحركة دي ......
انا حللت الاصوات بس ...
بكرة بعد بكرة كان ماشفت اخوك بقي محلل وخبير أمني كبير في الجزيرة والعربية اضحك علي ..
| |
|
|
|
|
|
|
|
|
 Re: اصوات ضرب نار فى الخرطوم (Re: سارة كرودى)
|
و الله يا سارة قدر ما شفت علاقات زوجية ما شفت لي راجل ينفي خبر مرتو.
مفروض تكلمي ليو اهلك يقيفو ليو الزول ده و الله !!
ـــــــــــــــ
يا بكري محتاج لي ايقونة فتنة هنا بالله
| |
|
|
|
|
|
|
|
|
|
Re: اصوات ضرب نار فى الخرطوم (Re: هيثم التوم)
|
و الله الواحد خلاص كبر في بلد المصريين دي ..
مسااافه اقرا في مداخلة هيثم دي و افكر .. يا الله شكلاتات ( جمع شكلاتة ) دي علاقتا بالبوست شنو ؟
و اصنقع اقرا من فوق و احاول اربط الشكلاتة بالبوست ما القا علاقة.
نسأل الله حسن الخاتمة ياخ.
| |
|
|
|
|
|
|
|
|
 Re: اصوات ضرب نار فى الخرطوم (Re: ALZOLZATOO)
|
سلام يا جنابو أم عبدالرحمن,,,,
طيب الضابط العظيم النفاى كومندان القوة بتاعتكم غير موجود !!
التانى الطويل داك وين؟؟؟؟؟
شغليهو بد فاقد طوالى!!!!
النفاى شكلو شتت وطلب لجوء؟؟؟؟
تحياتى,,
| |
|
|
|
|
|
|
|
|
|
Re: اصوات ضرب نار فى الخرطوم (Re: نيازي مصطفى)
|
غايتو يا سارة بوستيك ده ذكرني السنة قبل الماضية جاء زلزال خفيف في انجلترا و الناس نيام
انا حسيت بابواب الدواليب بتخبط علي خفيف كده في بعض وحسيت بهزة السرير
لكن طبعا مخي، مخ واحدة بتحب تنوم برة في الحوش و في نفس الوكت بتخاف من الحرامية
خلاني اقوم اكورك، الحرامي الحرامي
زوجي قام مخلوع سالني مالك؟
قلت ليه الحرامي جا فتح الدواليب
وهو طالع كمان طقش السرير، لوووول
قام ولع الانوار وفرجني سممح في البيت و عاين لي بحزن كده و قال لي اكيد كنتي بتحلمي، و انا احلف اقول في حاجة طقشت السرير ده، لووول، عاين لي بحزن كده و رقد نام نومة و خلاني مقنبرة في نص السرير
شككني في روحي، تميت نومتي و تاني يوم الصباح و انا بتفرج في الاخبار في الصباح اسمع ليك انه جاء زلزال خفيف، و بعديهو كان في تعليقات من المواطنين، و لاحظت انه معظم النساء كانو بيشكن انهن صحن و حسن بيهو، لكن الرجال قالو ابدا ما سمعنا ولا شفنا، مشيت فتشت قريت لقيت انه في مناطق الزلازل، النساء و الحيوانات و خصوصا الكلاب تحس بالزلازل دي في اثناء نوم الرجال
طبعا ولا مهلته، تلفون و هو في الشغل قلت ليه يا حليلك
يا سارة ما تستمعي لاي تبرير من الاخوان الفوق ديل، بيكونو نايمين و ما جايبين خبر، لوووووول، لستك ضرب و عقد و ما ادراك شنو
غايتو كان في زول بيكشف اي انقلاب في السودان ده، بيكونن بنات حواء
يا عمر والله اضحك و اقرا في مداخلتك، ما عجبني ليك
ــــــــــ
ربنا يسلم الخرطوم و يغطي علي السودان يا رب
| |
|
|
|
|
|
|
|
|
|
Re: اصوات ضرب نار فى الخرطوم (Re: حمور زيادة)
|
..
.
انت النايم ليها شنو يا جنابو والمدام
تتخلع براها.. وتسمع فى الدانات ..!!؟؟
-------
حسي كمال سالم يجى بهنا
يقول ما قلت ليكم حتى البلد صاحيين
فيسها النسوان والرجال يشخروا ..
غايتو يا سارة داناتك دى اعتقد
دى شركة انشاءات بتصب العمارة الجنبكم..
| |
|
|
|
|
|
|
|
|
|
Re: اصوات ضرب نار فى الخرطوم (Re: Rihab Khalifa)
|
سلام ياتبلدينا,,Quote: حسي كمال سالم يجى بهنا
يقول ما قلت ليكم حتى البلد صاحيين
فيسها النسوان والرجال يشخروا .. |
كمال سالم حا يجى يقول ليكم نايمين نوم الضان!!
أبتعرفو يا زول؟؟
أها ابيى جنوبية ولا شمالية!!!
هى الأن فعليا جنوب السودان ,,
تحياتى,,
| |
|
|
|
|
|
|
|
|
|
Re: اصوات ضرب نار فى الخرطوم (Re: أيمن الطيب)
|
Quote: سلام يا جنابو أم عبدالرحمن,,,,
طيب الضابط العظيم النفاى كومندان القوة بتاعتكم غير موجود !!
التانى الطويل داك وين؟؟؟؟؟
شغليهو بد فاقد طوالى!!!!
النفاى شكلو شتت وطلب لجوء؟؟؟؟
تحياتى,, |
ايمن ..
صاحبك نفاها من بعيد اها ده يقولو عليه شنو 
| |
|
|
|
|
|
|
|
|
|
Re: اصوات ضرب نار فى الخرطوم (Re: سارة كرودى)
|
Quote: في مناطق الزلازل، النساء و الحيوانات و خصوصا الكلاب تحس بالزلازل دي في اثناء نوم الرجال
|
حمور ما عاوز تعلق ليه ؟؟
خايف يخبتوك ولا شنو ؟
يتخيل لي القاسم المشترك هو درجة الحساسية النساء حساسات اكتر من الرجال وكذلك الحيوانات بها درجة حساسية عالية جدا .. غايتو ما عارف النساء ديل يلقنها من منو ولا منو حتى ناس الدين قالو المراة بتقطع الصلاة زيها وزي ال###### والحمار .. هو ال###### دا غازي نفسو مع النسوان ديل في اي حته ليه ؟
سارة انتي امس اتعشيتي بشنو ؟
ولا تكوني قريتي مقالات المهووس اسحق احمد فضل الله ؟!!
| |
|
|
|
|
|
|
|
|
|
Re: اصوات ضرب نار فى الخرطوم (Re: معتصم محمد صالح)
|
غايتو زمان لما يحصل شي ذي ده بيكون من سلاح الأسلحة جنب العيون والبركس لكن هسة في الزمن العلينا ده نحن البلد ذاتها بقينا ما بنعرف شمالها من جنوبها وزخيرتها من رصاصها ،،،، باقي نحن الغربة دي حرمتنامن حاجات كتيرة ،،، وزمان نحن في العيلفون بنسمع ضرب نار من سلاح المهندسين ،،، لكن هسة يأ أخت سارة الخرطوم زاتها ما معروف فيها سلام الأسلحة من سلاح النقل والتموين غايتو البلد جاططت جوطة ..
يا نيستا هات من الىخر وبلاش مراوغة ...
تحياتي : ياسر العيلفون
| |
|
|
|
|
|
|
|
|
|
Re: اصوات ضرب نار فى الخرطوم (Re: ياسر السر)
|
الرباطابي لأخو والبلد جايطه ورصاصا يطقطق وداناتها في السماء
يا اخوي : دا إنقلاب والا شنو ؟
اخوهو قال ليهو : لا دا صُـفــاح ..!
هسع يا اختي ساره وكت ما لقيتي حاجه
يمكن دا صُـفاح ...
| |
|
|
|
|
|
|
|
|
|
Re: اصوات ضرب نار فى الخرطوم (Re: Hisham Ibrahim)
|
والله ده ألز بوست "نضالي" يا قول الجماعة...
بركة العرفنا المدام يا جنابو... لكن انت اتلوّمت والله، كان تعمل بوست ترحيب عشان نتعرّف عليها... (ولاّ عملته؟)
سارة... ربنا يحميكم.. ويغتي عليكم... ويحمي البلد
| |
|
|
|
|
|
|
|
|
|
Re: اصوات ضرب نار فى الخرطوم (Re: مريم بنت الحسين)
|
Quote: والله ده ألز بوست "نضالي" يا قول الجماعة...
بركة العرفنا المدام يا جنابو... لكن انت اتلوّمت والله، كان تعمل بوست ترحيب عشان نتعرّف عليها... (ولاّ عملته؟)
سارة... ربنا يحميكم.. ويغتي عليكم... ويحمي البلد |
بت الحسين ...
تسلمى وربنا يغطى الجميع ...
تحياتى ...
| |
|
|
|
|
|
|
|
|
|
Re: اصوات ضرب نار فى الخرطوم (Re: سارة كرودى)
|
والله دا ألذ بوست
سارة وعمر
وبينهما المحراشتية
حمور ورحاب و......
نفى جنابو الإسفيري لخبر الفضلى سارة ذكرني بمحاولات ناس رجاء العباسي ومنى خوجلي طلب عضوية الموقع ( أيام كانت العضوية عزيزة والناس بينتظروها بالسنين ) للسيدة الفضلى ( بعلتنا)
المدام رفضت رفضاً قاطعاً
وقالت في ( حيثيات رفضها ) *
" أنا شبعانة غلاط مع عاطف جوة البيت نمشي كمان نتغالط في السهلة ؟؟؟ "
________________
*( حيثيات رفضها ) دي حلوة يا جنابو
مش كدا ؟؟؟
| |
|
|
|
|
|
|
|
|
|
Re: اصوات ضرب نار فى الخرطوم (Re: حمور زيادة)
|
اكبر خطأ ارتكبه جنابو
طوال تاريخه الاسفيرى هو عدم نفيه
لهذا الخبر البيض ..
كان من اول ما شافو يتداخل ويقول
للمدام بحسم شديد
بطريقة اهلنا المصريين
دى فردة كاوتتش !!
ـــــــــــــــــــــــ
سجل يا تاريخ توانى جنابو عن
النفى القاطع فى موضع النفى، مثبتا
انو للنفى خيار وفقوس .. انفى انفى
يا مولانا ولا يهمك سجن سجن غرامة غرامة ..
لوووووووووووووووب
| |
|
|
|
|
|
|
|
|
|
Re: اصوات ضرب نار فى الخرطوم (Re: دينا خالد)
|
Quote: اكبر خطأ ارتكبه جنابو
طوال تاريخه الاسفيرى هو عدم نفيه
لهذا الخبر البيض ..
كان من اول ما شافو يتداخل ويقول
للمدام بحسم شديد
بطريقة اهلنا المصريين
دى فردة كاوتتش !!
|
دينا خالد صح !!
تشكرى على الطريقة المهذبة فى الكتابة بيض وفردة كاوتش
بس ممكن تلميهم وتتخارجى من هنا ؟؟؟
| |
|
|
|
|
|
|
|
|
|
Re: اصوات ضرب نار فى الخرطوم (Re: عاطف عمر)
|
Quote: والله دا ألذ بوست
سارة وعمر
وبينهما المحراشتية
حمور ورحاب و......
|
تسلم عاطف وتحياتى للمدام (Quote: " أنا شبعانة غلاط مع عاطف جوة البيت نمشي كمان نتغالط في السهلة ؟؟؟ "
|
نفس الفكرة ...
| |
|
|
|
|
|
|
|
|
|
Re: اصوات ضرب نار فى الخرطوم (Re: سارة كرودى)
|
سلام يا سارة,,Quote: ايمن ..
صاحبك نفاها من بعيد اها ده يقولو عليه شنو |
يقولو عليهو نفا سعادته من منفاه الإختيارى !!
هو الزول دا وين؟؟؟؟
رسلى لى تلفونو بالله لو عندك
تحياتى,,
| |
|
|
|
|
|
|
| |
Hani Arabi Mohamed
اشرف السر
احمد محمد بشير
Elhadi
Yassir Tayfour
بشير حسـن بشـير
صديق الموج
mohmed khalail
الغالى شقيفات
محمد مختار جعفر
مصطفى توفيق
talha alsayed
omer osman
محمد هارون حميدان
حمور زيادة
هيثم التوم
ALZOLZATOO
jini
أيمن الطيب
نيازي مصطفى
Rihab Khalifa
على محمد على بشير
عمران حسن صالح
معتصم محمد صالح
SHIBKA
ياسر السر
Hisham Ibrahim
مريم بنت الحسين
وليد عبد اللطيف
عاطف عمر
م. سيد احمد قدورة
دينا خالد
محمد عبد الماجد الصايم
فيس بوك
تويتر
انستقرام
يوتيوب
بنتيريست