كتب الكاتب الفاتح جبرا المتوفرة بمعرض الدوحة
|
|
 اكفينا الله شر الهولة لا طلاق ولا عيشة معدولة
|
ستة شهور قضيتها في السودان في امنة الله اها قوم يا ودالبوش اتقلقل وتعال السعودية
لا قادر اشتغل لا قادر ارجع ( لا وصلت ليك ولا الرجعة تاني عرفتها )
اول حاجة ورونا الحالة تدي طبيعية ولا ام هلة هلة ولا زاد وجدي ونوم عيني اصبح قليل
غايتو حالة اخير منها العرس
دخلت في بيت عزابة في منفوحة فلفت انتباهي عبارة مكتوبة بالبنط العريض على جدار الحائط جنب
المغسلة ( السعودية امراض نفسية )
ناس النفسيات ورونا الحالة دي كيف ينوبكم ثواب ممتاز
|
|
 
|
|
|
|
|
|
|
|
Re: اكفينا الله شر الهولة لا طلاق ولا عيشة معدولة (Re: عبدالله ود البوش)
|
معلومة مهمة جدا لناس النفسيات عشان الاستشارة تكون ممتازة
اخوكم قام بجماعتو ورك برا
يعني عزابي لاول مرة بعد 14 سنة اسر شيلة وختة انبوبة في كتف وكيس زبالة في كتفا تاني
وازيدكم علم بصلة ما اعرف اقطعا
ملاية ما بعرف افرشا
اسبوعين والملاية مكرفسة في محلها وكمان الملاية النوع الما ممتاز داك
| |
|
|
|
|
|
|
|
|
|
Re: اكفينا الله شر الهولة لا طلاق ولا عيشة معدولة (Re: عبدالله ود البوش)
|
والله يا جماعة وما طالبني حليفة الستة شهور العديتا في السودان دي كانت ممتازة خلاس
ياخ من صباح الوطا تملا فرشتك معجون لي حلقوما وجبق جبق جبق بففففف وباقي البفات برة الحوش
وكمان تديها صنقيرة في الضل ومن كترة السويك ما افضل حاجة ذاتا تمصمصا بموية تدخل الفرشة في جيبك
وتديها سفة وتقول لاولادك ادو امكم اتسف وبطلوا الكلام الفاضي دا والحقوني على اللنداية
.
.
البصل اب حلوق حليل معتوق
والمريسة ضوق ضوق حليل معتوق
هققققق الفخ
معتوق الربة لامسيد لاقبة
.
.
السعودية امراض نفسية
انا راجع في المغيرب
| |
|
|
|
|
|
|
|
|
|
Re: اكفينا الله شر الهولة لا طلاق ولا عيشة معدولة (Re: عبدالله ود البوش)
|
وبرضو ما طالبني حليفة وبرا حليفة كتل الخليفة
والله في الخريف لعبنا الضقل آي الضقل الواحد دا بتذكروا يا العجايز خليهن كاربين صليبن ديل ما بعرفو
على الطلاق لعبة الضقل دي اليوم داك مرقت سموم الغربة كررررررر كدا نزلت عرق من عضم الضهر
انذكركنن ليها لعبة الضقل يوم المطرة عملنا دويرة كبيرة في الطين وعلى محيط هذه الدائرة حرفنا حجر لي تحت شوية اغطس العصاية وفوق للعصاية تخت عود صغير وهو الضل وترفعوا لي فوق وسجكو هناك وعلى ناس الفريق التاني جدعو من من محلو عشان ادخل الدائرة وات القاعد في الدائرة دي كان لقيت طريقة تسجو سجة واحدة تمرقو في سقط لقط
هوووو القطون الله في حبو
زمان سودانيز دي رفدتني من الشغل لكن الله اكفينا شر النكشة
| |
|
|
|
|
|
|
|
|
|
Re: اكفينا الله شر الهولة لا طلاق ولا عيشة معدولة (Re: أيمن دياب)
|
أخي أيمن دياب
تحياتي وما فقدتك شينة
غايتو انا جربت جميع مرارات الدنيا لكن امر من الغربة ما لاقاني
ياخي الكديسة الزرقاء في السودان لمن اعاين ليها اشوفا احسن مني
ياخي الضبان الضكر دا انوني في امان الله والمغرب اجي راجع لمرتو الضبانة النتاية وبنياتو الحلوات
واحضن يرقاتو وادي مرتو همزة همزتين دايرها تعرف حاجة تقوم تنط واقول ليها سنة يا تتي لووووول
الخخخخخخخخ يا ايمن احي انا الضبان السوداني الضكر دا مروق اكتر مننا
ياخي شفت البرتاب دا لمن اطاير وادخل الاركان هادئا مسكينا لايزعجه سوى برتبة برتابة ملقلقة
غايتو المرة لو رفدوني بسبب سودانيز دي تغرموني طوالي
| |
|
|
|
|
|
|
|
|
|
Re: اكفينا الله شر الهولة لا طلاق ولا عيشة معدولة (Re: عبدالله ود البوش)
|
احكي شنو انا واخلي شنو
احكي ركوب التكسي بالقلبة ولا احكي عن حمار الحلبة اللهو اظرط من الحمار العار الما مربوط
غايتو كلامي دا ما يفهموا الا زول كان بعوم في الكنارات سداري
احكي عن ملوة البصل البقوا ما بكيلها كيل شفتو ليكن بصل مسح ؟ امانة جاتكن واديكن عرسة في السنة الشينة دي شفتوا ليكن مزارع برا مرة
مشروع الجزيرة حااح بقى هبودة
لكن السودان حلو باهلنا وجزيرتنا كان بقت هبود ما بنخلينا كان شالونا ما بننشال وكان ما خلونا بنحبس الدار
الله وكبر علين يا ملاعين يا شوطن
| |
|
|
|
|
|
|
|
|
|
Re: اكفينا الله شر الهولة لا طلاق ولا عيشة معدولة (Re: عبدالله ود البوش)
|
عنواوين البوستات عادة بتجي وليدة لحظة
والبوست دا مفروض اكون عنوانو
يوميات عائد من السودان
لاني اسع بديت احكي عن الاجازة الممتعة
وناوي اواصل في الحكي كان لقيت لي فرقة من الشاكوش الفوق راسي دي
سوف احكي لكم كيف قطعنا الكنارات سداري والترع قفا قفا دبل دق
سوف احكي لكم عن ديك خالتي فاطنة الزعط ديك خالتي بخيتة في بيتو وطردوا من جدادو والله صحي
وللضمن ادخلت في حل هذه المشكلة وقلت لامي خلي خالتي فاطنة تجيب ديكا عندك هنا
ولمن رفضت امي لانو اصلا عندها ديك وقالت لي ديك خالتك فاطنة دي ات ما عارفو ساي
في البداية خالتي فاطنة زعلت وعرفتها زعلت كيف ابت تشرب الجبنة قمت فوووو لحقتها وقلت ليها
يا خالتي فاطنة ديكك دا بتبيعيهو ؟
آي ببيعوا لكن داير فيهو خمسين
هاك آ خالتي فاطنة الخمسين واخذتها وتبسمت
هاك آ كركاسة اضبح الديك
يا خالي الديك دا مكاوق كلو كلو شوف اصابيعهو ديل معوجاك
يا كركاسة مالك ومالي اصابعيهو ات داير تطقطقن ليهو اضبح الديك وريحنا من ديك خالتي فاطنة الشين دا
| |
|
|
|
|
|
|
| |
عبدالله ود البوش
محمد إبراهيم علي
فيس بوك
تويتر
انستقرام
يوتيوب
بنتيريست