|
|
 انتفاضة التوانسة سابقة عربية... واكتوبر وابريل قاموا بيها عبّاده وللا شنو
|
عجبني لمواهيم العرب من السودانيين، كل القنوات (العربية) تقول انها سابقة في الوطن (العربي)
انها سابقة واول مرة ان انتفاضة الشعب بالشوارع تجبر رئيس (عربي) على التخلي عن السلطة
واكتوبر وابريل وشابكننا معلمين الشعوب .... يا تو شعوب دي؟؟
لكن عجبني للمرقود، قال ايه، عربية خالصة
وفي واحد كده براسل بالايملات اسمه عربي ابن عربي، دا آخر ايميل منه
Quote: تهنئة إلى الشعب العربي التونسي البطل
يهنيء اتحاد المثقفين العرب الشعب التونسي البطل الذي خلع ديكتاتور تونس هذا اليوم 14 يناير، 2011 ، وأكد على قدرة الشعوب على خلع أي فرعون بخمسين شهيد في أسابيع، وبأقل كلفة وأسرع مما يتصور المنهزمين والمنافقين والتنابل.
إن انتصار ثورة الشعب العربي التونسي ستشكل نواة للتخلص من أنظمة القمع الأخرى التي ترتعد وتبحث عن ملجأ الآن، ونحن على ثقة بأننا سنتخلص منها قريبا جدا إن شاء الله.
يدعو الاتحاد الكتاب والمثقفين والأكاديميين والصحفيين والإعلاميين العرب للتخلص من انفصامهم ونفاقهم والانخراط في الثورات القادمة في بلدانهم، كما يدعو الشعوب العربية إلى الاستعداد للالتحاق بالثورة العربية الكبرى، للتخلص من أنظمة القهر والاستبداد.
يدعو الاتحاد الأنظمة الاستبدادية في سوريا ومصر وليبيا والجزائر واليمن والعراق وغيرها إلى الاستعداد للرحيل في أقرب الآجال.
حرر في الوطن العربي هذا اليوم 14 يناير، 2011 |
لووووووووووووول
| Quote: سوريا ومصر وليبيا والجزائر واليمن والعراق |
وين السودان يا بلد العبدان
|
|
 
|
|
|
|
|
|
|
 Re: انتفاضة التوانسة سابقة عربية... واكتوبر وابريل قاموا بيها عبّاده وللا شنو (Re: علاء الدين يوسف علي محمد)
|
الاخ حمور زيادة
تحياتي
ياخي انت اذكر من كده بكتير، الفعل واحد،
واحد:خروج الجماهير للشارع مطالبة بالتنحي
باقي السيناريو موش مشكلة، يقع ينتحر من شرفة قصره، يدي نفسه طلقة، المهم، رئيس
وتنازل. وجماهير وانتصرت.
اتنين: لييه ما بعرف اييه المثقفين العرب لم يضمنوا السودان في بيانهم كاحدى الدول
(العربية) التي يحكمها دكتاتور؟؟ اكيد لن اغالطك بان هذه الجهة غير رسمية وممكن تكون
وهمية ساكت، لكن الفكرة موجودة؟؟ لو حبيت ممكن تسجل ليهم زيارة هنا [email protected]
ان العربان ديل ما عندي بيهم شغلة.
يبقى السؤال: لماذا لم يضمن اسم السودان بلد العبدان في قائمتهم/ ممكن لاحد الاسباب الآتية
1- يا هم مقتنعين بان السودان ليس بلد عربي وفي دي معاهم حق
2- يا المثقفين ديل بيروا ان البشير حاكم عربي طاغية لكن على عبيد وفي دي هم ما عندهم مانع
3- يا ما قمنا به مت تضحيات في اكتوبر وابريل عندما واجهة الناس الرصاص و الرصاص
لن يثنينا ما هي الا حركات عبّادة ساكت لا يجب ان تسجل في سجل نضال الشعوب (العربية)
تحياتي
| |
|
|
|
|
|
|
|
|
|
Re: انتفاضة التوانسة سابقة عربية... واكتوبر وابريل قاموا بيها عبّاده وللا شنو (Re: أحمد ابن عوف)
|
ازيك يا علاء
عارف، انت اكتر واحد مفروض تكون مبسوط من بيان المثقفين العربان ديل، قول لي لييه
لانو استبعد بشيرك من القائمة المفروض يدور عليها طابور الانتفاضات، غايتو خليه يجر
نفسه شوية كده.
Quote: أبريل لم يفِر النميري
بل كان خارج البلد
و بكل جبروت و قُوّة و جُرْأة كان يُريد العودة
لكن منعوه
لو عاد لما كانت هُنالك إنْتِفاضة |
برضو ذكاءك خانك زي اخونا حمور
يعني فكرك كده لو العبادة الملو الشوارع في اكتوبر وابريل ناموا في بيوتهم
لا كان عبود سلم ونميري كان رجع؟؟
ــــــــــــــ
Quote: أحمد كل ما إتذكّر كلام سيف النّصر عن قدوم مُفكِّر و يعنيك
أستغرب |
زمان كنت بتتحسر، هسع بقيت تستغرب، والله حالتك تحنن
ولو عارف لي علاج لحالتك دي والله ما كنت قصرت معاك واديتك الوصفة
| |
|
|
|
|
|
|
|
|
|
Re: انتفاضة التوانسة سابقة عربية... واكتوبر وابريل قاموا بيها عبّاده وللا شنو (Re: أحمد ابن عوف)
|
الاخ احمد.. انت برضه غاظتك
انا سمعتها اكتر من مره، وغاظتني شديد
لكن ما اعتقد المسألة فيها تهميش لينا كعرب، الفلسطينيين بتلصّقوا فينا عشان احنا سلة غذاء العرب على قولهم...
المسألة هي جهل بتاريخ السودان... وده في حد ذاته تهميش...
ثم إحنا اعلامنا لا يحتفل بالثورتين ويهملهما تماماً، وكأنكما لم تكونا... فكيف للإعلام الغريب ان يهتم بها او يعرفها...
حمّور وعلاء، ما اعتقد المقارنة بالدقّة دي، الكلام الاتقال مقصود بيه الثورة وتغيير الحكم بانتفاضة شعبية، بغض النظر عن تفاصيل ما يحدث للرئيس، هذا بحسب ما سمعته وفهمته من الاخبار
تحياتي
| |
|
|
|
|
|
|
|
|
Re: انتفاضة التوانسة سابقة عربية... واكتوبر وابريل قاموا بيها عبّاده وللا شنو (Re: مريم بنت الحسين)
|
| Quote: كل القنوات (العربية) تقول انها سابقة في الوطن (العربي)انها سابقة واول مرة ان انتفاضة الشعب بالشوارع تجبر رئيس (عربي) على التخلي عن السلطة |
إسمح لي يا أحمد أن أشاركك، و الأخت مريم، الغيظ من هذا الكلام، و قد سمعته كثيرآ في الإعلام العربي ..و جئت لأفتح به بوســت..لكني كنت متوقع أن يكون هناك من تمّ فقع مرارته قبلي..فهارد لك لكليكما..
| Quote: اعلامنا لا يحتفل بالثورتين ويهملهما تماماً، وكأنكما لم تكونا... فكيف للإعلام الغريب ان يهتم بها او يعرفها... |
و هنا أراحتني بت الحسين، جدآ، و هذا أقرب لواقعنا، باعتبار أن الإعلام مملوك للدولة، و الدولة دالوها العساكر لزمن طويل و المفتاح عند النجار و العيال عاوزين لبن و اللبن تحت البقر....و....و....و...و....و....و....
| |
|
|
|
|
|
|
|
|
|
Re: انتفاضة التوانسة سابقة عربية... واكتوبر وابريل قاموا بيها عبّاده وللا شنو (Re: أبو ساندرا)
|
الاخ العزيز احمد بن عوف لك التحايا
ربما كثير من الفضائيات اوردت مازكرت لكن للحقيقه الجزيره اوردت تقرير
بتواريخ وتسلسل كل الانتفاضات الشعبيه التي اطاحت بالدكتاتوريات وقد زكرت
اولا شاه ايران محمد رضا بهلوي ثم نميري ثم شاوسيسكو وقالت انهم اخرجوا
جميعا من السلطه بواسطة انتفاضات شعبيه لكنها لم تزكر اكتوبر .
وهذا التقرير يدل على اعتراف الجزيره باسبقية انتفاضة ابريل علي انتفاضة
التوانسه الان .
| |
|
|
|
|
|
|
|
|
|
Re: انتفاضة التوانسة سابقة عربية... واكتوبر وابريل قاموا بيها عبّاده وللا شنو (Re: أحمد ابن عوف)
|
الاخ الطيب بشير
تحياتي| Quote: إسمح لي يا أحمد أن أشاركك، و الأخت مريم، الغيظ من هذا الكلام، و قد سمعته كثيرآ في الإعلام العربي ..و جئت لأفتح به بوســت..لكني كنت متوقع أن يكون هناك من تمّ فقع مرارته قبلي..فهارد لك لكليكما.. |
واسمح لي اخي الطيب ان اعبر عن شعوري، انا لا مرارتي اتفقعت وللا حاجة، ما شايف الابتسامة في وش البوست هههههه
انا داير باي طريقة اتفكه من العرب الوهم ديل، وياها جابوها مدردقة
| |
|
|
|
|
|
|
|
|
|
Re: انتفاضة التوانسة سابقة عربية... واكتوبر وابريل قاموا بيها عبّاده وللا شنو (Re: أحمد ابن عوف)
|
شكرا انك ذكرتني البوست ده يا احمد ..
امبارح بتكلم مع صديقة مغربية تحضر للدكتوراه في علم الاجتماع هنا في القاهرة ..
فشكت في اثناء كلامها ان "العرب" يجهلون كل شيء عن المغرب العربي و لا يكادون يعتبرون اهل المغرب عرباً.
ضحكت و قلت ليها عندنا سودانيين بيقولو زيك كده عن السودان.
قالت لي باصرار لكن هذه حقيقة العرب لا يهتمون بما يحدث في المغرب.
ثم اخذت تضرب بعض امثلة و منها انقلاب موريتانيا الذي حدث على ولد طايع و كيف سلم الانقلابيون السلطة لحكومة منتخبة بعد ذلك و قالت في إعزاز ان هذه سابقة لم تحدث في الوطن العربي.
حكيت لها عن سوار الذهب و قصة الانتفاضة فقالت انها لم تسمع بها و تأسفت لذلك .. بينما قال اثنين من الاصدقاء المصريين الجالسين معنا انهما سمعا بشيء كهذا لكن لا يذكران التفاصيل.
بعدها كانت وصلة الشكوى للمصريين الذين كانوا يتضررون من نظرة "العرب" للمصريين و سوء معاملتهم لهم في بلادهم.
رغماً عني كنت افكر : العرب ديل تطير عيشتم .. العرب ديل منو ؟ إن كان السوداني يشكي و المغربية تشكي و المصري يشكي.
غايتو لو كان جا واحد سعودي خاشي كنا عضيناهو بمغستنا أمس دي.
يا احمد ماذا نعرف نحن عن ثورة ظفار ؟ هل جهلنا بها اهانة لأهل عمان كما نعتبر جهل "العرب" بثوراتنا اهانة لنا ؟
| |
|
|
|
|
|
|
|
|
|
Re: انتفاضة التوانسة سابقة عربية... واكتوبر وابريل قاموا بيها عبّاده وللا شنو (Re: حمور زيادة)
|
| Quote: أمس نبهت صحيفة الدستور المصرية الى هذا الأمر فقاموا بتعديله مشكورين في تقارير اليوم |
يا اخوانا افهمو الباشبوذغي حمور زيادة راكب من وين عشان تعرفو هو مدلي ياتو محطة!
هذا المسكين مسكون بي رضي اسيادو المصريين عليهو باي ثمن، كمدخل لتدشينو كاديب كبير او كده، غير ارتباطو المشبوه بالمصريين!
هو ك"شيخ غفر" ليهم او "بواب"، في المنبر ده، بحاول في استماتة يطلعم صاح باي طريقة! واذا لا بد فليكزم هو، تتسوا المسالة او ينتهي الموضوع بي هدوء وبلاضوضا، ضار بالمصالح الامبريالية للخديوية في ضيعتم السودان!
الاشكال اساسا عزيزي القارئ، في وهمة ان "الزناجرة" كما يسمون امثال حمور، عرب!
يا اخوانا الناس ديل بتكلمو عن العالم العربي، مش عالمكم الافريقي يا خلق! هما ما غلطو ابدا، انتو الطاشين!
او عشان كده مضطرين يمشو امثال "الزنجري" حمور بي كلمتين، او هم بضحكو سرا علي عقل "الزناجرة" الطيور، المتلصقين بالقوة بالعالم العربي!
قال نبهت صحيفة الدستور قال! فقري خلاس!
| |
|
|
|
|
|
|
|
|
 Re: انتفاضة التوانسة سابقة عربية... واكتوبر وابريل قاموا بيها عبّاده وللا شنو (Re: Bashasha)
|
يا سلام .. شكرا يا بشاشا للتنبيه ..
فعلا العبارة الصحيحة هي اني نبهت "اصحابي" في صحيفة الدستور .. الخ الخ
لأني ما رسلت رسالة قارئ بل اتصلت مباشرة بأحد اصدقائي الصحفيين في الدستور ( لأنو الصحفية كاتبة التقرير لا اعرفها بشكل كافي ) اتصلت بهذا الصديق و هو من قام بالاتصالات الداخلية مع مشرف الموقع لتعديل التقرير.
نرجع نتونس مع بشاشا حبه ..
كدي عليك النبي وريني انا و عزيزي القارئ
| Quote: غير ارتباطو المشبوه بالمصريين |
شنو هو ارتباطي المشبوه .. مسكون برضاهم كمدخل لتدشيني أديب عرفناها .. لكن شنو الارتباطات المشبوهه دي.
و الله يا بشاشا مرات بتذكرني القذافي.
| |
|
|
|
|
|
|
|
|
|
Re: انتفاضة التوانسة سابقة عربية... واكتوبر وابريل قاموا بيها عبّاده وللا شنو (Re: حمور زيادة)
|
Quote: يا اخوانا افهمو الباشبوذغي حمور زيادة راكب من وين عشان تعرفو هو مدلي ياتو محطة!
هذا المسكين مسكون بي رضي اسيادو المصريين عليهو باي ثمن، كمدخل لتدشينو كاديب كبير او كده، غير ارتباطو المشبوه بالمصريين!
هو ك"شيخ غفر" ليهم او "بواب"، في المنبر ده، بحاول في استماتة يطلعم صاح باي طريقة! واذا لا بد فليكزم هو، تتسوا المسالة او ينتهي الموضوع بي هدوء وبلاضوضا، ضار بالمصالح الامبريالية للخديوية في ضيعتم السودان!
الاشكال اساسا عزيزي القارئ، في وهمة ان "الزناجرة" كما يسمون امثال حمور، عرب!
يا اخوانا الناس ديل بتكلمو عن العالم العربي، مش عالمكم الافريقي يا خلق! هما ما غلطو ابدا، انتو الطاشين!
او عشان كده مضطرين يمشو امثال "الزنجري" حمور بي كلمتين، او هم بضحكو سرا علي عقل "الزناجرة" الطيور، المتلصقين بالقوة بالعالم العربي!
قال نبهت صحيفة الدستور قال! فقري خلاس! |
تخيل يا بشاشا اني حريص على رضا غزاتنا المصريين باني يكون انبه جريدة الدستور.
شوف سبحان الله.
يا عزيزي الجاهل ( هل ممكن اقول ليك جاهل يا بشاشا ؟ ما كشتيمة لكن كتوصيف زي ما انت قلت قبل كده ) جريدة الدستور دي جريدة معارضة مغضوب عليها و الاقتراب منها شر عديل.
و قد جرى قتلها من النظام المصري و هي تعمل الان كموقع الكتروني فقط .. نسختها الورقية بعد اغتيال الصحيفة الاصلية لا يقرأها أحد تقريبا.
لكن طبعا انت كمنظر استراتيجي تستطيع ان ترى انو جريدة زي الدستور هي جزء من نظام الخديوية .. طيب ياخ ما كنت اصلح الاهرام الحكومية ما برضو بعرف فيها ناس.
اتوقع يا بشاشا انك تكون اول مره تسمع بجريدة الدستور دي .. فكان حقك تسأل ياخ .. تقول هي تطلع شنو .. قبل تجي براسك تكورك و تقول خديوية و امبريالية و علاقات مشبوهة ( لسه منتظرك تشرحا .. علاقات مشبوهة من ياتو نوع .. مع رقاصات مثلا وله بياعين مخدرات وله مخابرات ).
غايتو يا بشاشا كان عرفت انو عمر صاحبي الصحفي في الدستور مشاني و الله إلا احلق ليو تفتو المعذبنا بيها دي.
حامشي اسألو و اقول ليو بشاشا قال انت مشيتني.
يا احمد بن عوف ..
اقع الجزيرة في تقرير هسه عن ثورات السودان ضد الدكتاتوريات
| |
|
|
|
|
|
|
|
|
|
Re: انتفاضة التوانسة سابقة عربية... واكتوبر وابريل قاموا بيها عبّاده وللا شنو (Re: Bashasha)
|
| Quote: افتكر التصحيح يقع علي عاتق السودانيين في قناة الجزيرة.. |
قرقرقرقر!
والله مضحك حد البكا طريقة تعامل ذنوجة السودان مع بوغ الصهيونية العربية، الجزيرة!
لدرجة حتي العوقة البشير رئيس الجمهورية افتراضا بكون شايل مايك قناة الجزيرة او هو بيخطب!
ده ما ليهو مثيل في اي مكان في العالم، او بوضح مدي سذاجة الاخوال بحق وحقيقة! عووووووووووووووك ياخلق!
يا عالم انتو ماعرب، ولامعني لتصحيح الجزيرة الاضحت التلفزيون "القومي" الرسمي والشعبي لجمهورية اذلام العرب، يا للمهانة، كل يوم والتاني!
تمسح يدعو للتقزز بالعالم العربي!
ياخي هم لايمكن يقبلو بيكم كنموذج اول في عالمم العربي في اشعال الثورات، لانكم لي روحكم متعرين من ذات الجاكين منو العرب!
هل تلوموهم، هم، ام تلومون انفسكم ياذنوجة الاعراب؟
| |
|
|
|
|
|
|
|
|
|
Re: انتفاضة التوانسة سابقة عربية... واكتوبر وابريل قاموا بيها عبّاده وللا شنو (Re: أحمد ابن عوف)
|
Quote: أنا بالجد بستغرب لسذاجة بعض السودانيين ونظرة الدونية لأنفسهم وتأويلهم للكلام دوماً على منطلق عنصري وجهوي
ثورة تونس هي بلا شك الثورة الشعبية الأولى في تاريخ الوطن العربي وهي لا تنقص بهذا الوصف من اتنفاضة اكتوبر أو أبريل
الموضوع يتلخّص في كون التحول السلمي للحكم لم يكن في حالة تونس فيه أي تدخّل من المؤسسة العسكرية في الأمور السياسية واقتصر دور العسكر على بسط الأمن وسيادة الدولة على أراضيها
بينما حالات الأنفاضات السودانية آلت فيها سلطات الحكم للعسكر
فهي انقلابات عسكرية بدعم شعبي وليست انتفاضة شعبية بدعم عسكري كما في حالة تونس
حالة تونس كانت من الرقي والمؤسسية ما يجعلنا نشيد بها كأول انتفاضة شعبية عربية على أقل تقدير في الخمسين عاماً الماضية
فبلاش هذه النظرة الدونية والتدثّر بسرابيل الضحية وانظروا للأمور بعقلانية ورشد ووعي يقدّمنا للأمام عوضاً من أن يدفع بنا عشرات السنين للخلف
تحياتي وتقديري كمال |
| |
|
|
|
|
|
|
| |
أحمد ابن عوف
حمور زيادة
علاء الدين يوسف علي محمد
مريم بنت الحسين
الطيب بشير
nazar hussien
أبو ساندرا
حمزه بابكر الكوبي
Bashasha
Frankly
فيس بوك
تويتر
انستقرام
يوتيوب
بنتيريست