|
قُفة سَعفْ..
|
قُفة سَعفْ.. وَقفة تَرفْ.. جرحاً نَزف.. مابين غناي.. لحن إتسقف.. والنيل وقف.. مجروح .. رفض المسير.. غضبان حلف.. مايغشي الجنوب.. بعد فقَد الطرف.. قرف في قرف .. الحكومات الوجع.. باعونا في سوق الجِلف.. وأرخص تمن دم الغلابه عرق التعابا دقولو سِعراً ختوه رَفْ.. صوت الغُنا.. وجع الضنا.. والنور إتختف وقرف في قرف.. سَجم البقوم يهتِفْ مذلوله هادي الكَفْ.. ده العسكر إتبجح يضرب جميع الصف.. باع الضمير فوق كمْ؟ شان يبقي ضابط صف.. الله العليم يلطُف.. الباقي من الأرض.. ماينهبوها ختِفْ.. نشفانا واطاتنا.. للخير بتِتّلهف.. يلاكَ ياصحبي.. خُت الوسيله هدفْ.. أشرع مراكب الضو.. ضد الرياح قَدِّف.. فَتٌح مسارب الضيّ.. فالصبح قد رفرف ..
|
|
|
|
|
|
|
|
Re: قُفة سَعفْ.. (Re: عليش)
|
ومضفورة صف روقين نتف وكفك جريد طابك صدف أدلق دماي شريان نزف والكيكران وقف وقف.. حس الطبول طارك ودف.. سِتّووب حقاره أداها كف.. والزايدة عين للنار ختف.. تلتي حار حبلك كتف.. وروير سوويط نازل كتف شق البلد حالين ونصف.. حيقون ولد قرنك ملف.. أرميها كووو قفة سعف..
| |
|
|
|
|
|
|
Re: قُفة سَعفْ.. (Re: عليش)
|
يلاكَ ياصحبي.. خُت الوسيله هدفْ.. أشرع مراكب الضو.. ضد الرياح قَدِّف.. فَتٌح مسارب الضيّ.. فالصبح قد رفرف ..
| |
|
|
|
|
|
|
Re: قُفة سَعفْ.. (Re: عليش)
|
و قريت خطوط الكف ..شفت الضمير مقبوض .بي صوتو إتكتّف. .شفت الفريق غرقان. . بي موية ما بتنشف. .شفت العمر محتار ..ما لاقي أي هدف. ..الحالة تعبانة ..ما بين هموم و قرف. .بقت الشهامة شعار. .زي الصور في الرف. .حتى الحمامة بكت ..قالت بكل أسف. .كيف الحمامة تطير .. وجناحا إتنتّف اضافه من الشاعر الصديق محمد الجيلي في الفيسبوك شكرا محمد
| |
|
|
|
|
|
|
Re: قُفة سَعفْ.. (Re: عليش)
|
Quote: يامنعم.. البوست ده كان الواحد شرب مويه وجاء راجع? تلقاهو مرق في الصفحة الرابعه |
وكمان ماتقول مع عنوانك الصغير دا إلا تستعين بي مغنتيس .. كان تكبر القفة دي شوية تخليها رحل كبير .. تسلم
| |
|
|
|
|
|
|
Re: قُفة سَعفْ.. (Re: عليش)
|
Quote: الحكومات الوجع.. باعونا في سوق الجِلف.. وأرخص تمن دم الغلابه عرق التعابا دقولو سِعراً ختوه رَفْ.. صوت الغُنا.. وجع الضنا.. والنور إتختف وقرف في قرف.. |
لايك شديد
صديقي الذي أحبه في الله أتوحشتك بالزاف
| |
|
|
|
|
|
|
|