من قبيل منتظر لي زول يجي يكلمكـ لكن ياخوي ما دام ماف زول قال بغم نقولها ليكـ عربيتكـ دي إسما Toyota Mark X و هي سيارة مختلفة تماماً عن الكريسيدا ود الصايم الحق السوق
01-12-2011, 03:07 PM
هجو الأقرع هجو الأقرع
تاريخ التسجيل: 07-19-2006
مجموع المشاركات: 9066
Quote: من قبيل منتظر لي زول يجي يكلمكـ لكن ياخوي ما دام ماف زول قال بغم نقولها ليكـ عربيتكـ دي إسما Toyota Mark X و هي سيارة مختلفة تماماً عن الكريسيدا ود الصايم الحق السوق
فيصل نوبي.
شكرا لتصحيح المعلومة.
01-12-2011, 03:18 PM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
ناس التايوتا ذاتم يكونوا نسوا موضوع الكرسيدا دي لكن إحنا لسه ناقين فيها. بالمناسبة دي المرة التانية زول يفتح بوست بنفس المضمون ده. و برضو بلع البوست بدري بدري.
01-12-2011, 03:52 PM
omer osman omer osman
تاريخ التسجيل: 06-09-2007
مجموع المشاركات: 15218
Quote: الكريسيدا نفسها لمن تلقاها في دبي دركسون يمين (استعمال اليابان) يكون اسمها (مارك تو) .........
معليش للحركة دي بس برضو ح تبلع
Quote: The Toyota Mark II is a model name used by Toyota for several decades. The first series, called the Toyota Corona Mark II was an all new vehicle at its introduction in 1968, that sought to offer a car that was just under Japanese government regulations concerning maximum vehicle dimensions and engine displacement. Using the established platform of the Toyota Corona sedan but slightly larger and wider, it was offered as a competitor to the newly introduced Nissan Laurel in Japan, and the Nissan Bluebird / Datsun 510 internationally that appeared August 1967, and two years after the Mazda Luce in 1966. Toyota was known at the time as a small, economy car manufacturer and the Mark II allowed Toyota to establish itself as a more mainstream, international automaker. The Mark II introduced the world to a comfortable front engine, rear drive vehicle that was larger than older Toyotas while maintaining an affordable price and better fuel economy than vehicles with larger straight 6 and V8 engines. The Mark II began to become popular with drivers around the world, Toyota introduced variations of the Mark II with two different model names, both sedans but with different styling and marketing approaches. The sportier Toyota Chaser appeared in 1977, and later in 1980, the high luxury content Toyota Cresta appeared. As other Japanese and international automakers continued to offer vehicles in this size class, the Mark II's popularity peaked in the 1980s. The Mark II was available with engines ranging from a 1.8 liter straight-4 cylinder to a turbocharged 2.5-liter that pushed the 280 horsepower (209 kW) self-imposed limit of the Japanese auto industry.
سلامات يا جنابو الزبدة إنه الماركـ تو دي نوعية براها و في الغالب ما قاعدة تجي الخليج لأنه الماكينة بتاعتها بتكون كبيرة و سريعة لكن برضو بيكون فيها لعب في الجماركـ فيها نقطة في صالحكـ إنه العربية دي تحديداً كان هجين بين عربات كتيرة علي حسب الموديل في بعض الموديلات كانت بتاخد شكل الكريسيدا لكن ليس كبديل لها في الاسم ولا في المقاييس زي قصة سرقة الشكل ما بين السيارات .
قصة الاسم المتغير دي حقيقة خاصة في اليابان نفسها و بعض دول وسط و شمارل شرق آسيا و ده برضو لسبب تاني إنه السيارات بتكون تجميع محلي بإختصار كده زي نظرية شركة جياد مع النيسان و الهيونداي.
01-13-2011, 11:19 AM
Fadl Karrar Fadl Karrar
تاريخ التسجيل: 12-04-2004
مجموع المشاركات: 1904
اشرف السر..الحبيب هارون دياب..فيصل نوبي..ابن العم هجو الأقرع..محمد عبد الماجد الصايم.. وليم اندريا..عبدالرازق الطيب يس..smart_ana2001..الاخ عمر عثمان..حسن بشير..والاخ ناذر
فعلا بعد البحث التقصي ابلع البوست مع كل الود..وبحق انا لم اتاكد من العلامةالتجارية قبل كتابة هذا البوست ومن المؤكد لم يصدر موديل باسم الكرسيدا مؤخرا ..والخلط في الامر جاء مــــــــــن هــــــــــنا
وبعد مراجعة بعض هذه المواقع وجدت هذه المداخلة وربما تفسر بعض الخلط في الامر والسبب امنيات واشواق البعض منا في هذا الموديل المحبوب
أعفي لينا يا تولوس ياخ و بالمناسبة دي خلينا نحول البوست ده لثقافة سيارات تويوتا عندها سيارة جديدة نزلت الشرق الاوسط إسمها ( آزيلا) تقريبا شكلها برضو مبتكر و بابين الكاتلوج عندي بكره بحاول أعمل ليها سكان لأنه ما لقيت ليها رابط علي النت يمكن لأني ما متأكد من حوف الإسم الانجليزية
_ عجبتني سيارة لكزس 600 فيها أوبش إسمو ( Auto Park) تقيف جنب الباركنق و تدوس وهي براها تقيف في الباركنق مظبوطة عندنا صاحبنا سألني قال لي ممكن تنزل منها و تقول ليها بركني براكـ ؟
01-12-2011, 07:02 PM
تولوس تولوس
تاريخ التسجيل: 06-06-2004
مجموع المشاركات: 4132
عمر عثمان.... اسمع كلام نوبى ده كويس.....صحيح ١٠٠% بصدق انك تكون لسه متذكر عربات معينة و تكون عزيزه على قلبك. انا برضو ...اتعلمت السواقة فى عربية مرسيدس بتاعة الوالد. كانت قديمة جدا لما بديت اسوقها ( منتصف التسعينات) و العربية كانت موديل الستينات. لان السواقة كانت فى السودان بالشمال الوالد (عليه رحمة الله)كان فى المانيا و قام طلب عربية بالقلبة عشان يسوقها فى السودان. و رجع السودان عاوز يقشر بالعربية لقى نميرى قلب اتجاه المرور. احتمال ناس البيت غشونى فى القصة دى... . لكن المهم انى كبرت لقيت العربية دى قاعده. سقتها لحدى ما نهارت تماما على ايدى....قصدى رجلى. لكنها من اعز العربات على قلبى.
Quote: كان التقليد أن يشتري كل مبعوث سوداني سيارته من عاصمة البلجيك. وهناك كان مقامي عند رجل سوداني أصيل، اسمه صدقي مطر، قادني الى معرض فاخر من معارض السيارات حيث وقع اختيارنا على سيارة نيسان بلوبيرد مفتخرة (لاحظت فيما بعد أن نفس السيارة تباع على نطاق واسع في الولايات المتحدة، ولكن ولحكمة يعرفها عباقرة الشركة اليابانية المصنعة فإنها تتخذ اسماً مختلفاً في الأسواق الأمريكية وهو "ماكسيما"، بدلاً عن "بلوبيرد")!
سـلام يا شباب،، فقط للمناسبة، أعلاه ما ورد في مقال الأستاذ مصطفى البطل الموجود أعلى البورد.. وإختلاف أسماء موديلات العربات في البلاد المختلفة أمر شائع.. بل حتى الماركة الأم نفسها ممكن تختلف؛ مثلاً كل موديلات شركة أوبل نجدها في بريطانيا باسم Vauxhall ولكن نفس اسماء الموديلات مثل أسترا، زافيرا الخ.. ربما لأن الشركتين (كانوا) تبع جنرال موتورز... لكن إختلاف اسماء الموديلات في البلدان المختلفة كما أشار البعض هنا بكون أحيانا مع تعديلات بسيطة غير الإسم لتناسب قوانين الدول المختلفة ولتناسب أيضا أذواق المستهلكين في تلك الدول..
01-12-2011, 07:50 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
هسي عليك الله يا عمر عثمان كريسيدا 88 دى العاجبك فيها شنو? تلاقي ياداب كان فيها مسجل و مكيف!!! هسي العربات فيها بلوتوث و كاميارات عشان تشوف من الخلف فى شنو و سخانات فى المقاعد عشان التدفئة و كراسي بتطلع و تنزل و تمشي و راء و قدام و تطبق كمان. اغلب العربات الكبيرة بيقى فيها (مش جهاز DVD واحد) بل اتنين عشان اولادك ما يتشاكلوا و كل زول يحضر حاجه بمزاجه. و انت تكون بتسمع فى سميرة دنيا كمان نص الجوطه دى كلها
01-12-2011, 08:05 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
Quote: _ عجبتني سيارة لكزس 600 فيها أوبش إسمو ( Auto Park) تقيف جنب الباركنق و تدوس وهي براها تقيف في الباركنق مظبوطة عندنا صاحبنا سألني قال لي ممكن تنزل منها و تقول ليها بركني براكـ
فيصل ذكرتني فلم امريكي حضرتة مرة إثنين اصحاب شغاليين في شركة واحدة واحد غنيان والتاني فقير الغني بيوري في صاحبة الفقران عربيتة قام اخذ المفتاح وهتف فية يا سيارة اشتغلي الموتور اشتغل لحالة قام الفقران قال لصديقة وهو يخبط بودي عربيتة الكحيانة عربيتي برضو فيها ميزات وراح خابط بودي العربية وهتف بأعلي صوتة يا عربية اقيفي مكانك ولا تتحركي وطبعا أكيد العربية ما اتحركت
01-13-2011, 05:28 AM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
يا عيسي سلامات البطل زاتو قول ليهو ابلع الماكسيما سيارة مختلفة تماماً عن البلوبيرد مع إنه الماكسيما فكرتها جات من البلوبيرد (فقط الفكرة) - زي سيارة التايوتا الافالونو الاوريون اللي جات من الكامري ( بفخامة أكثر) و في الخليج و الدول العربية و كما هو الحال في الولايات المتحدة الامريكية نسخة من السيارتين بتجي كل سنة الي يومنا هذا و كمان بالمناسبة الماكسيما و البلوبيرد سيارة صالون عادية لا مفتخرة ولا حاجه الا كان داير يقارنها بالهيلمان و لا الكورولا و ما شابه و ده تاريخ الاتنين من الويكي
Quote: The Nissan Bluebird is a compact- to medium-sized car first launched in 1957. The nameplate still exists today on the Nissan Pulsar-based Nissan Bluebird Sylphy in Japan, and on the U13-based Nissan Bluebird in mainland China. The Bluebird's traditional competitor was the Toyota Corona from almost the very beginning of the product line. It is one of the longest-running nameplates from a Japanese automaker. It even spawned the S130 Fairlady Z/280ZX, which in turn spawned the Maxima (originally 910 Bluebird/S130 Fairlady Z based), the 160J/710/Violet/Auster/Stanza line, and the US-built Altima line.
Quote: The Nissan Maxima is a full-size car manufactured by Nissan, marketed as the "four-door sports car". The Maxima debuted in July 1976 as an upscale version of the Bluebird and was spun into its own line in 1980, having been made continuously since then. Most pre-2004 Maximas were built in Oppama, Japan, until the current North American Maximas started being assembled in Smyrna, Tennessee.
01-13-2011, 07:22 AM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
السيارة الجديدة من تايوتا إسمها ( Zelas ) و ليس كما ذكرت لكم أعلاه
لا أتوقع لها نجاحاً لأنها من فئة السيارات الاسبورت التي لا يشتريها الا عشاقها. لكن تايوتا بيكون عندها فهم و أتوقع إنها عايزة تبداء منافسة بعض الشركات الكورية مثل الهيونداي خاصة و أنه في الشرق الاوسط تايوتا لا تمتلكـ أنواع كثيرة من السيارات الرياضية و في حال وجودها تكون تكلفتها عالية جداً و السيارة أعلاه زيلا أقل تكلفة مقارنة بالبقية الباقية
01-13-2011, 09:03 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
سلامات يا ناذر ببساطة كده تكون إنت ماشي في الشارع و لقيت ليك موقف و داير تقيف تقوم تجي جنب الموقف ده و تضغط علي زر في السيارة إسمه كده ( أوتو بارك) تقوم السيارة تشغل الحساسات و تلف الدركسيون يمين و شمال و ترجع خلف او تمشي قدام علي حسب متطلبات المساحة الموجودة و اذا المساحة غير كافية بتقول ليكـ إنه الكلام ده ما ممكن نعملو هنا السيارة حقيقة تحفة فنية ميكانيكية فيها إمكانيات غريبة اذا جيت هنا يم من الايام ممكن أخلي الزول ده يفرجكـ ليها و اذيدك من الشعر بيت ( عندها نظام الكتروني صوتي ) يعني ممكن تقول ليها بي خشمك يله بركني تقوم العربية (فنترب) تبركنق و إنت تقول ليها ( كلام يا عوض دكام) تقوم تقول ليكـ ( هذه الخدمة غير مسجلة لدينا) لوووووووووووووووول
سـلام يا فيصل وتحية.. غض النظر عن عدم دقة ما قاله البطل (ما داير أقول عدم صحتو لأنو وكما ذكرت إنت وفي الإقتباس برضو إنهم أخدو الفكرة).. لكن ما لاحظته أنا إنو العربات لنفس الموديلات في أوربا تختلف كتير عن مثيلاتها في السودان.. يعني البلوبيرد الأوربية فعلاً ممكن تكون فخمة مقارنة مع أسمح عربية سودانية، مع ملاحظة أن البطل بتكلم عن قبل كم وعشرين سنة.. يعني مثلاً عربات مثل الكامري أو الكورولا في أوربا هي أكثر فخامة (ومفخرة) زي ما قالوا عند مقارنتها مع نفس الموديلات في السودان (أنا في الحقيقة ما مشيت الخليج قريب عشان أقارن معاه).. والكامري أو الكورولا أو موديلات الفولكسفاغن زي الباسات والبولو لامن تقارن بين أوربا والسودان زي لامن تقارن كورولا أو كامري في السودان مع أتوس.. ولولا خوفي أن أتهم بالمبالغة لقلت مع ركشة.. ولولا إنوالبوست بقى مليان صور وما داير أزحمو أكتر كنت جبت أمثلة للمقارنة..
01-13-2011, 11:37 AM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
سلامات يا عيسي كلامكـ صحيح و يفتقد بعض من الجزئية الهامة سيارات أوروبا و سيارات الشرق الأوسط نفسها يله الشركات بتعمل شنو ! تويوتا مثلاً .. عارفه إنه عندها سوق في الشرق الأوسط يله علي حسب نوعية المستهلك بيتم الإنتاج الكامري الموجودة في اوروبا نفسها و بكل مواصفاتها بتجي الخليج لكن ماف زول بيشتريها لأنه الخصائص الإضافية ماف زول قاعد يسأل منها كمثال لذلكـ ( فتحة السقف - عجل الحديد ألمونيوم - البلوتوث " للتلفون أو لسماع الموسيقي" - الزوائد "جناح أمامي - خلفي - مميلات الهواء لإضافة السرعة و تثبيت السيارة - السماعات المضخمة - نظام تحديد المواقع - الدي في دي - الزجاج العاكس - التشغيل عن بعد للماكينة - .... الخ " المواصفات دي كلها بتجي في سيارات الخليج و الشرق الاوسط لكن ماف زول بيشتريها لأنها بتكون تكلفتها عالية جداً مقارنة مع الـ ( Basic Model ) المستهلكـ بشدة لكن أمشي لأي معرض تايوتا و أطلب سيارتكـ بالمواصفات اللي في بالك وهو مجبور يجيبها ليكـ يله كل شركة بتشوف المستهلكـ بيطلب شنو و تجيب إحتياجات السوق بكثرة و ده بيشرح ليكـ فكرة الإختلاف في المواصفات بين كل دولة و التانية. أديكـ مثال حي : الكامري موديل 2011 في الامارات البايزك موديل أتوماتيك جربكس و قزاز و بور ستيرنق بسعر 86 الف درهم يله نفس السيارة رقم 2 مع شوية إضافات و فتحة سقف سعرها 96 و لامن تشيل واحدة رقم واحد يعني فيها فل أوبشن 116 الف و دي زاتها ممكن تضيف عليها الفخامة التانية ما بتكون كاملة و برضو السعر بيزيد يله الاقبال الشديد بيكون علي اللي سعرها 86 و البقية الباقية بيكون اقل من 5% من المشترين.
01-13-2011, 10:36 AM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
فيصل نوبي سؤال لية السيارة دي ( في مقطع الفلم) عملت باركنج علي يمين السائق ولم تعملة علي يسار السائق رغم وجود مساحة يعني هي مبرمجة علي اليمين بس ولا في أوبشن انك تخليها تبركنج يسار أو يمين والله بالطريقة بتاعت التقدم الحاصلة دي بكرة الناس ديل يعملوا ليك عربية لمن تصل تطبقها وتختها في المحفظة وتمشي زمان لمن عملوا برج البركة وعرباتنا تطلع معانا مكاتبنا في الدور الرابع كان قمة الفخامة ولمن كنا نحكي الكلام دة للناس كان لسان حالهم يقول شوفوا بالله جنس الكضب دة
01-13-2011, 11:20 AM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
سلامات يا الزبير السيارة مبرمجة علي الحساسات و خطوط الموقف يسار السائق واضح إنه في سور حديدي موجود السيارة إلكترونياً بتعرف إنه في سور موجود و علي يمينها سيارات مصفوفة و في فرقة موجودة نفس الشيء بتحسب إذغ كان الباركنق بالرجوع للخلف يعني اذا المساحة المتوفرة تكفي السيارة للرجوع للخلف السيارة بتحسب كل الحركات الموجودة و المسافات و الابعاد و الأجسام سواء كانت متحركة أو ثابتة عليه بتقرر أنسب مكان و تقيف فيهو أضف الي ذلكـ كل الشوارع ذات الاتجاه الأيمن يعني زي السودان بتكون سايق و إنت في يمين الشارع الباركنق بيكون يمين الشارع الا اذا كان الشارع ذو مسار واحد بيكون يمين و شمال و في الحالة دي برضو الكمبيوتر بيعمل حساباتو كلها علي الاساس ده أتمني يكون الكلام الفوق ده واضح ( ما دغمسة مني ساي )
سلامات يا الزبير لا تحتاج السيارة لأي بنية تحتية لتقوم بمهمة الموقف السيارة لديها كمبيوتر يميز الموقف تماماً إعتماداً علي الخطوط الأرضية ( إعتماد ثانوي) و علي السيارات المتراصة بجانبها و المساحات الفارغة و هكذا. سيارة طفرة حقيقية و ذات مزايا أخري لا يمكن تصديقها منها علي سبيل المثال : الإضاءة الذاتية ( لو الدنيا ضلام تشغل الانوار - ولو الدنيا شمس تطفي ) المساحات الذاتية ( لو الزجاج عليه حبات مطر أو بعض الاوساخ تقوم بنظافتها ) المقاعد الكهربائية ( الامامية و الخلفية ) السخانات و المكيفات في كل المقاعد للظهر و أسفل الجسد قابلية تمديد الكراسي لتصبح سرير الامامية و الخلفية مكيف هواء لكل مقعد منفصل ( يعني ممكن إنت تشغل دفاية و السائق يشغل مكيف ) و نفس الحال للكراسي الخلفية ... الخ
01-13-2011, 03:15 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: سيارة طفرة حقيقية و ذات مزايا أخري لا يمكن تصديقها منها علي سبيل المثال : الإضاءة الذاتية ( لو الدنيا ضلام تشغل الانوار - ولو الدنيا شمس تطفي ) المساحات الذاتية ( لو الزجاج عليه حبات مطر أو بعض الاوساخ تقوم بنظافتها ) المقاعد الكهربائية ( الامامية و الخلفية ) السخانات و المكيفات في كل المقاعد للظهر و أسفل الجسد قابلية تمديد الكراسي لتصبح سرير الامامية و الخلفية مكيف هواء لكل مقعد منفصل
يا خي دي فخامة بصورة ما عادية
اضف لكدة فيها خاصية المساج لجسم الراكب في المقعد الخلفي ودي براها حاجة ما تخلص تنزل من العربية وضهرك مطقطق وجسمك خالي تشنج يعني تشتغل بمزاج
الله يريحكم يا اليابانيين زي ما مريحين العالم
01-13-2011, 03:57 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
سلام شباب الأوتو باركنج مبالغة يا فيصل , بالنسبة ليمين أو يسار الشارع افتكر بعتمد على اختيار السائق الكمبيوتر بعرض ليك الخيارات المتوفرة وانت تختار , شوف الكليب دا
المشكلة تلقى الباركنج الفاضي كيف ؟ ياخي يوم أنا في ابوظبي لافي ساعة و في النهاية وقفت على بعد ميل من الحتة الجاييها
01-13-2011, 04:19 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
الأوتو باركنج مبالغة يا فيصل , بالنسبة ليمين أو يسار الشارع افتكر بعتمد على اختيار السائق الكمبيوتر بعرض ليك الخيارات المتوفرة وانت تختار , شوف الكليب دا ___
الأوبشن ده اذا إنت داير تستمتع يا ود البشري لكن الأوتو باركـ بيشتغل براهو بيختار براهو لو داير تشوف القصة دي زيارتكـ الجاية لمدينتا بنديكـ ( Test Ride)
اللكزس الجابها ود البشري دي بتمشي لحدي سرعة 40كلم في الساعة بدون تشغيل الماكينة و بعد سرعة 40 الماكينة بتشتغل براها و اذا إحتاجت بتشغل الماكينة لشحن البطارية و البطارية الاضافية و بعد ما يشحنو بتبطل براها تاني عشان تحافظ علي البيئة و إستهلاك البترول و بإمكانكـ تشغيل السيارة عن بعد (بالريموت) لمسافة تبعد 1 كلم دائري القطر من مكان السيارة يعني يا ود البشري مشوارك داكـ تمشيهو و إنت طالع تدوس الريموت العربية تشتغل شوية كمان بتدور تجيكـ من الباركنق في محلكـ
01-14-2011, 07:26 AM
خال فاطمة خال فاطمة
تاريخ التسجيل: 11-28-2004
مجموع المشاركات: 2004
كثير من السيارات البابانية موجودة في السودان والخليج بأسماء تختلف عن الأسماء لنفس السيارات في اليابان والكرسيدا نفسها (Mark 11) أو مارك تو في اليابان وكلهم من عائلة المارك (Mark11 ( ,Mark11,Mark11 Wagon, Mark 11Bilt, Mark X, Mark X Zio, ...etc) . و التيرسل هنا في اليابن إسمهاكورسا Corsa
01-14-2011, 10:05 AM
Deng Deng
تاريخ التسجيل: 11-28-2002
مجموع المشاركات: 52568
لا والله أنا سايق Chevrolet Tahoe. شوف صحبك فيصل نوبي ده بتكلم عنها بالتفصيل بكون سايق واحدة.
دينق
أكان طراز إل تي زي، ما حدّش يقدر يكلّمك...إلاّ أنا لما أتوفّق إلى شراء سيّارة التجربة المنشّن عليها.
مع إنّها V8 Car إلا إن برنامج Top Gear قد توّج تاهو أفضل السيّارات اقتصاداً في الوقود بأمريكا. للأسف ما لاقي الحلقة لكن في أدناه محنة طريفة من مِحَن فريق Top Gear عن المحرّكات ذات الثمان اسطوانات:
Quote: أكان طراز إل تي زي، ما حدّش يقدر يكلّمك...إلاّ أنا لما أتوفّق إلى شراء سيّارة التجربة المنشّن عليها.
مع إنّها V8 Car إلا إن برنامج Top Gear قد توّج تاهو أفضل السيّارات اقتصاداً في الوقود بأمريكا. للأسف ما لاقي الحلقة لكن في أدناه محنة طريفة من مِحَن فريق Top Gear عن المحرّكات ذات الثمان اسطوانات:
الأخ عادل البدوي.
نعم سيارتي Chevrolet Tahoe LTZ 4WD . سيارة ممتازة جدا ونفعتني في ترحالي الكثير ، خصوصا في بعض المناطق الوعرة الخاصة بموسم الشتاء. نعم هي V8 ولكن في الطريق السريع بتتحول الى V4 تلقائيا. وفي أستهلاك الوقود معقولة جدا. عشرين جالون في الطريق السريع و15 جالون في المدينة. وهنالك أيضا ال FLEX FUEL يعني ممكن أحول من أستعمال البنزين العادي الى أستعمال Ethinoal E85 نفعني جدا أيام البنزين كان غالي في أمريكا. المهم السيارة حلوة جدا بس عيبهاالوحيد المرايات كبيرة وبتعمل صوت في الطريق السريع. هنالك مزايا أخرى خاصة بأمريكا مثل ال OnStar ولا أدري إذا كانت متوفرة في الخارج أم لا. المهم لو لقيت طريقة أشتريها طوالي.
01-14-2011, 01:23 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
هنيّالك يا دينق والله. الله يديك خيرها ويكفيك شرّها. عربيّة مزوّدة بمختلف (إن لم يكن كافّة) أسباب الرفاهية الممكنة في سيّارة. خلّيني أخمّن لونها: Red Jewel وألاّ White Diamond ؟ أيّاً كان اللون فجنوط الكروم والفخامة الداخليّة تخلّي التاهو إل تي زي عروس في حالة زفاف دائم. مبروكة عليك مرّة أخرى يا دينق وسوف أبذل قصارى جهدي لكي أنضم لهذا النادي قريباً أكان الله سهّل.
Quote: يا عادل البدوي بوستك عن السيارات داك صورو ما تكون إتمسحت !! أنا غايتو حافظ البوست بالكامل تقريبا
ناذر والله دا خبر سعيد جدّاً ويدعو إلى أن ننبش البوست في الربع القادم والله يعينك عاد على ترميمه. البوست طبعاً حق معاوية لكن تم الاستيلاء عليه بوضع اليد فأصبح مملوكاً للتيم الذي تذكره. كان البوست موعوداً بمفاجأة من الدكتور عبدالمحمود (أحد فرسان التيم) وهي عبارة عن تلات "حبّات" نادرة مملوكة لحكومة السودان بحث الدكتور في شأنها وكان بصدد اضافتها للبوست (أعتقد أنّه بدأ في عرض صورها إن لم تخنّي الذاكرة) إلاّ إنّ هجمات الهكر التعيس حالت دون اكمال ذلك...لعلّنا نحيي ذلك البوست ونواصل فيه ففيه من المعلومات والمرح الكثير.
سلامٌ عليك يا تولوس وسلامٌ على ضيوفك الكرام وأعذرونا يا جماعة على الدخلة الشينة بَسْ دينق حندكنا بي حاجة كاسرة ضلعنا كلّها.
01-14-2011, 02:26 PM
تولوس تولوس
تاريخ التسجيل: 06-06-2004
مجموع المشاركات: 4132
نوبى...شكلك كده ساااايق واحده. السنة الفاتت زوجى عمل حادث دشدش عربيته. ناس التامين رسلوا ليه شيكو و شالى العربية و مشوا. حاولت اتامر عليه و حاولت اقنعه يشترى اللكزس دى. صلطت عليه عل اصحابه و زملاء و زميلات الشغل. حتى مديره فى المكتب و الايميلات تطاقش. كل الناس عاوزه تقنعه بالعربية. قلت اخليه يسوقها شوية و بعدها استولى عليها.و عشان ما يقول داخلة على طمع قلت ليه العربية دى ح تسوقها انت لانى بحب عربيتى جدا و مهما كانت عربيتك ما ح اسيب عربيتى. بعد اسبوع من التامر و التخطيط و كل امور النقة و الحنيس جاء راجع البيت سايق "....." (ما فى داعى اقول جاء سايق شنو ). السبب: قال ان العربية(اللكزس) شكلها بتاعت جكس. كل ما يعاين ليها فى الشارع يلقى سايقاها امراة.
دينق ....Chevrolet Tahoe LTZ 4WD عربية امريكية قلبا و قالبا. لكن بالغت ...شفى؟؟ انا كان اشتريت عربية امريكية بشترى فورد. الشفى دى بديها سنة او سنتين بعدين ممكن افكر فيها. الفولت عندها مشتقبل كويس . لكن nissan leaf منافس قوى جدا ليها
01-14-2011, 06:37 PM
Deng Deng
تاريخ التسجيل: 11-28-2002
مجموع المشاركات: 52568
Quote: دينق ....Chevrolet Tahoe LTZ 4WD عربية امريكية قلبا و قالبا. لكن بالغت ...شفى؟؟ انا كان اشتريت عربية امريكية بشترى فورد. الشفى دى بديها سنة او سنتين بعدين ممكن افكر فيها. الفولت عندها مشتقبل كويس . لكن nissan leaf منافس قوى جدا ليها
يا سمارت.
بالله ما تبقي زي بعض الناس اللي بيفتكرو أي عربية أمريكية معناها أي كلام أو ما حتعيش وكلام من النوع ده. أنا لمن أشتريت عربيتي دي التقيم بتاعها كان عالي جدا. ولغاية هسع العربية دي التقيم بتاعا عالي جدا. وهي مستخدمة في مجالات حكومية كتيرة. وفيها خصائص من الصعب أن تجدها في سيارة تانية.
01-15-2011, 12:12 PM
Hisham Ibrahim Hisham Ibrahim
تاريخ التسجيل: 02-19-2006
مجموع المشاركات: 3540
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
تولوس
اشرف السر
haroon diyab
فيصل نوبي
هجو الأقرع
Deng
محمد عبد الماجد الصايم
willeim andrea
عبدالرازق الطيب يس
smart_ana2001
omer osman
hassan bashir
Fadl Karrar
ناذر محمد الخليفة
الزبير صالح الزبير
بكري عباس علي
محمد البشرى الخضر
خال فاطمة
Hisham Ibrahim
فيس بوك
تويتر
انستقرام
يوتيوب
بنتيريست