|
|
|
 Re: دولة البجا ستبدأ من جنوب دولة النوبة حتى مصوع (Re: فايزودالقاضي)
|
Quote:
الدولة التى اقترحها البعض للشمال ستكون ولاية من ولايات دولة البجا ...او ولاية من ولايات دولة النوبة العظيمة ...لذا اخوانا عرب الشمال يخلوا احلامهم ولائية ...
|
موافقين ونبصم بالعشره
المهم ننفصل فى الاول وبعدين ما بنختلف
بالجمبه كدا
مشتاغون يا دكتور
بالجمبه التانيه
انا فى قسمة السلطه ما عندى مشكله
بس فى قسمة الثروه ما تنسى اخوك .. سمح
| |
 
|
|
|
|
|
|
|
|
Re: دولة البجا ستبدأ من جنوب دولة النوبة حتى مصوع (Re: Mohamed Moatasim)
|
قريبي محمد معتصم ...سلامات وليك وحشة والله ...
Quote: انا عكس على اتوصى بى فى السلطه
وبعدين موضوع الثروه ده بظبتو براى |
ياحبيبنا ..شمالي ارض البجا ومصاهريهم لهم الاولوية في كل شي الا الجيش والامن ..اصلكم بتاعين انقلابات وتجوطوا لينا البلد ..او تقلبوها لينا ونحن بنشرب جبنتنا (الولف ) ..
يازول حانوصي عليك في كسلا ارض التاكا ..شوف اى حاجة هناك وكونها ...انت زول ساهل ؟!!! ..
| |
|
|
|
|
|
|
|
|
Re: دولة البجا ستبدأ من جنوب دولة النوبة حتى مصوع (Re: HAIDER ALZAIN)
|
Quote: انتو آخركم كدة تنضمو لحكم ولاد الخالة ناس اسياس افورقي ..
وتكونوا دولة اريتريا العظمي ..
|
(قاضى) فخذ من بطن قرية ارتيريا
اذن ود القاضى سودان( بالتجنس)
ود القاضى ممكن تعد لحدود جدك التاسع عشر
وتجيب لينا اسم الداية بتاعتو..وسعر خروف
السماية و8 من الناس الضربوا المرارة؟
واسم سيد الخرفان وسيد الكارو الوصل الخروف
وشاهدين شافوا الخروف...واسم الطهار
قال سودانى قال..قم لف لفك ضباط جنسية
يرجعك ارتيريا
ولف تانى ...مليتوا البلد ..اجانب عينهم قوية
| |
|
|
|
|
|
|
|
|
|
Re: دولة البجا ستبدأ من جنوب دولة النوبة حتى مصوع (Re: معاوية عبيد الصائم)
|
متمردي الشمال ....سلام ..
Quote: (قاضى) فخذ من بطن قرية ارتيريا
اذن ود القاضى سودان( بالتجنس) |
نقول ليك من جنوب ارض النوبة حتى مصوع ...ارتريا ذاتها جزء كبير من مساحتها جزء من ارض البجا ...
Quote: ود القاضى ممكن تعد لحدود جدك التاسع عشر
وتجيب لينا اسم الداية بتاعتو |
اسقدي (اسقدوم ) ... اتولد في مستشفي منيلك الثاني عشر في الجناح الملكي ...
Quote: قال سودانى قال..قم لف لفك ضباط جنسية
يرجعك ارتيريا
ولف تانى ...مليتوا البلد ..اجانب عينهم قوية |
يمنع منعاً باتاً توطين الشيوعيين - بتاعين الانفاق - في دولة البجا ...
| |
|
|
|
|
|
|
|
|
|
Re: دولة البجا ستبدأ من جنوب دولة النوبة حتى مصوع (Re: عبدالله احيمر)
|
هوي ارعي بقيدك، البطانة دي ما عندك بيها شغلة دي حقتنا نحن ودي خط احمر.
دولتك الما عندها حدود دي ذكرتني بالاعلانات بتاعة ابتداء من وذكرتني بواحد بعرفو هو عقله ملخبط شوية قال لي انت عارف يا محمد المطر دا كله حقى اوديه محل ما اوديه، حدودي فيهو على الجنوب لحدى نمولي والشمال لحدي نهاية مصر والغرب لحدي تشاد والشرق وسكت شوية وصنقع على السماء وكشم كشمة صغيرة كدا وقال لي بكل ثقة والله يا محمد انا حدى لقدام بعيد خلاص!!! ولم يقل شئياً بعدها (قصة واقعية) فتحين ما تبقى لينا زيو
تحياتي.
| |
|
|
|
|
|
|
|
|
|
Re: دولة البجا ستبدأ من جنوب دولة النوبة حتى مصوع (Re: محمد عمر الفكي)
|
حبيبنا ..محمد عمر ...سلامات وحمدلله على السلامة ..
| Quote: هوي ارعي بقيدك، البطانة دي ما عندك بيها شغلة دي حقتنا نحن ودي خط احمر. |
يازول الارض من جنوب النوبة وحلايب - على قول احيمر - حتى مصوع هى ارض بيجاوية وداخلة ضمن حدود دولة البجا القادمة ...لذلك ناس البطانة هم جزء من ارض البجا والارض ارضهم ولا اختلاف في ذلك ...الوالى حايكون من صباغ واحتمال ابراهيم رانفي عشان تكون عارف..
| |
|
|
|
|
|
|
|
|
|
Re: دولة البجا ستبدأ من جنوب دولة النوبة حتى مصوع (Re: عبدالله احيمر)
|
احيمر ياود ارض البجا ...سلامات ..
Quote: ود القاضي
انت برضـو اتنازلت عن حلاليب
يا خوي دولة البجا من حلايب و حتى مصـوع ( شمالا و جنوبا )
وبالله اتوصى بالزبيدية
|
جنوب مصر كلها تابعة لدولة النوبة العظيمة وحلايب تقع جنوب هذه الارض لذا هي جزء اصيل من دولة البجا ...
واما الزبيدية فهم جزء من ارض البجا فلهم ماللبجا وعليهم ماعلي البجا ...
| |
|
|
|
|
|
|
|
|
|
Re: دولة البجا ستبدأ من جنوب دولة النوبة حتى مصوع (Re: فايزودالقاضي)
|
سلامات ياودالقاضى وتحية طيبة
غايتو للضمان كدا ارخى لينا انشالله 400 متر نسوى فيها بيت
بالشايفو انا دا الله اعلم بيتنا دا زاتو يكون داخل فى تقسيم ولا حاجة
وبالمناسبة دى ايلا اخبارو شنو بطرفكم ولا طرف ناس تمبس ماعارف؟
تحياتى ليك والاسرة الكريمة
وكل عام وانتم بخير
| |
|
|
|
|
|
|
|
|
|
Re: دولة البجا ستبدأ من جنوب دولة النوبة حتى مصوع (Re: Mohammed Awad)
|
سلامات
كدى صدقت وآمنت أنك قريبى
دولتنا من ترعة الفاو والقضارف وكسلا وحلفا وبورتسودان والقربة
شفت كيف
ميناء / زراعـة / خزان القربة / وموية توتيل والميرغنى والتاكا وحى العرب وهلال الساحل ومريخ وحى العرب حلفا
والسهم والصوفى القضارف وكمان مع دا كلو ود القاضى
بعدين ننضم لأريتريا لأسرائيل للحبشة مخيرين وعلى كيفنا
| |
|
|
|
|
|
|
|
|
|
Re: دولة البجا ستبدأ من جنوب دولة النوبة حتى مصوع (Re: Mohammed Awad)
|
الحبيب طبنجة ...سلامات ومشتاقين والله ..
Quote: سلامات ياودالقاضى وتحية طيبة
غايتو للضمان كدا ارخى لينا انشالله 400 متر نسوى فيها بيت
بالشايفو انا دا الله اعلم بيتنا دا زاتو يكون داخل فى تقسيم ولا حاجة |
ياخي ارضك جزء من ارض البجا لذلك انت ضمن دولة البجا... يعني بيجاوى بس..بعد ده مافي جعليين اوشوايقة اورباطاباب كقبايل قايمة بذاتها بل حايصبحوا فرع داخل البجا وهم جزء اصيل من دولة البجا ...يعني يامحمد مافي حاجة حاتتغير ..بس مافي ليكم دولة قايمة بذاتها ...
Quote: تحياتى ليك والاسرة الكريمة
وكل عام وانتم بخير |
يبلغ ... ولاسرتك الطيبة ارق التحايا ..وكل سنة وانت طيب ..
| |
|
|
|
|
|
|
|
|
|
Re: دولة البجا ستبدأ من جنوب دولة النوبة حتى مصوع (Re: فايزودالقاضي)
|
الحبيب ود القاضى
لك كل التحايا العاطرة
يا خوى مصوع شنو حدودنا لحدى ممبسا بكينيا
جيبوتى و الصومال امتداد لدولة البجا ...
هييييييييييييييييييييييييييع ...
بعدين ناس ( هرون ) دياب
يشوفوا ليهم كفيل اصلهم متعودين ...
السواكنى هرون دياب ينظر فى امر اقامتك
بدولة البجا ...
| |
|
|
|
|
|
|
|
|
|
Re: دولة البجا ستبدأ من جنوب دولة النوبة حتى مصوع (Re: عبداللطيف خليل محمد على)
|
عبداللطيف خليل ...سلامات ..
Quote: ود القاضي :
مبروك مقدماً ..
و كمان قبل شوية وصلني ( SMS ) من حبوبتي ؛
قالت لي لو ما عملت لينا حلتنا دي دولة قبلما أموت ما عافية منك ..
قلت ليها : أبشري .. و سيكون .. |
الله يبارك فيك ياحبيب ..
يازول بروفايلك ده مافيهو اى معلومة تفيد انتماءك غير لبيت الزوجية ...لذلك انت غواصة ومانقدر نضيفك للدولة البيجاوية ..شوف حلفاءنا النوبة بكون عندهم بنود ليكم ..
حبوبتك الله يديها العافية لو في ارض البجا فلها مانريد لكن لو بره قول ليها اعفي لي ..
| |
|
|
|
|
|
|
|
|
|
Re: دولة البجا ستبدأ من جنوب دولة النوبة حتى مصوع (Re: طارق أحمد أبوبكر)
|
الحبيب القريب طارق ...سلامات احد زعماء البجا الاصيلين ..
Quote: الحبيب ود القاضى
لك كل التحايا العاطرة
يا خوى مصوع شنو حدودنا لحدى ممبسا بكينيا
جيبوتى و الصومال امتداد لدولة البجا ...
هييييييييييييييييييييييييييع ...
بعدين ناس ( هرون ) دياب
يشوفوا ليهم كفيل اصلهم متعودين ...
السواكنى هرون دياب ينظر فى امر اقامتك
بدولة البجا ... |
كان كدي دولتنا دي كبيرة خلاص ...ياخي بس هارون دة زولنا وتاريخه من تاريخ البجا ..لذلك ارى تكريماً ليهو نفتح ليهو محل مخبازة ضمن دولة البجا في وزارة الاستثمار والوجبات الجاهزة ...
ياطارق تحياتي الخاصة للاسرة المالكة في بريطانيا واشكرهم نيابة عن دولة البجا في دعمهم المتواصل لنا من اجل إعادة تكوين دولتنا ..
| |
|
|
|
|
|
|
|
|
|
Re: دولة البجا ستبدأ من جنوب دولة النوبة حتى مصوع (Re: محمد عمر الفكي)
|
| Quote: والله شايفك يا عثمان دقنة توزع في ارضنا شمال ويمين وبقيت تهب زي ماك عايز يا هارون الرشيد، نطالب بارجاع رعايانا من الرشايدة والزبيدية ولا لتكميم الافواه، اطلقوا سراح اسرانا. |
المتمرد المتجفلق ...محمد عمر ...معارض الفنادق والشقق المفروشة مابين مكه وجدة ...ارعى بقيدك ....ثم التحية لزعماء البطانة وقبائلهم في ارضهم البيجاوية كفروع بيجاوية لا غير ...
الرشايدة قبائل بيجاوية بحسب النظام الجديد للجنسية البيجاوية في دولة البجا العظمى ...
المدعو محمدعمر .. محظور دخولك دولة البجا ...
| |
|
|
|
|
|
|
|
|
|
Re: دولة البجا ستبدأ من جنوب دولة النوبة حتى مصوع (Re: فايزودالقاضي)
|
ود أختي سلامات
رسلت ليك الاتفاقية الموقعة بين روما و البابا
و بموجبها قامت دولة الفاتيكان داخل روما عاصمة ايطاليا
فبالله ادرسها كويس و اعرضها علي المجلس التنفبذي عشان
عايزين نعمل معاكم اتفاقية زيها حول الضرايح
بعدين حكاية المصاهرة دي ما تركز عليها كتير
بتخرتكم الشيخ برغوت و سواكن
| |
|
|
|
|
|
|
|
|
|
Re: دولة البجا ستبدأ من جنوب دولة النوبة حتى مصوع (Re: osman righeem)
|
ياخال ....سلامات ..
Quote: رسلت ليك الاتفاقية الموقعة بين روما و البابا
و بموجبها قامت دولة الفاتيكان داخل روما عاصمة ايطاليا
فبالله ادرسها كويس و اعرضها علي المجلس التنفبذي عشان
عايزين نعمل معاكم اتفاقية زيها حول الضرايح |
برغم مالك من خصوصية ياخال داخل دولة البجا الا اننا قد درسنا الامر وبدأنا في تاسيس البنى التحتية لدولة الختمية(الخاتمكان) - وليس دولة الشمالية - ستكون عاصمتها الدينية كسلا الختمية وعاصمتها السياسية سواكن ..
Quote: بعدين حكاية المصاهرة دي ما تركز عليها كتير
بتخرتكم الشيخ برغوت و سواكن |
ينظر ويفاد للتجارب السابقة ..
| |
|
|
|
|
|
|
|
|
|
Re: دولة البجا ستبدأ من جنوب دولة النوبة حتى مصوع (Re: Zomrawi Alweli)
|
زمرواي ...سلام ياسيد البلد ...
سنتعاون من اجل دولة النوبة ودولة البجا الجارتين ...نحن شركاء في التاريخ وجارين منذ خلق البسيطة ...ابقوا عشرة على حدودكم من العرب الهاربة الرفضوا يعيشوا كدرجة تانية في دولة البجا العظيمة ..افتحوا ليهم الدرب يطلعوا لمصر...نحن قفلنا الحدود خلاص وهم اتحركوا جهتكم ...اوع واحد يزوغ ...
| |
|
|
|
|
|
|
|
|
|
Re: دولة البجا ستبدأ من جنوب دولة النوبة حتى مصوع (Re: الشامي الحبر عبدالوهاب)
|
بيان هام
نحن ابناء الصعيد السنارى
ندين و نستنكر احتلال دولة البجا لاراضينا فى القضارف و الشوك و الفاو
و الحواتة و القلابات و كل السهول المنبسطة حتى الحبشة
و هذا تجاوز غير مشروع لحدودنا لا يمكننا السكوت عليه
نطالب الامم المتحدة بتكوين لجنة خبراء لترسيم الحدود
لدينا كل الوثائق التى تثبت تبعية هذه النقاط للصعيد السنارى
نؤكد استعدادنا للتفاوض و البحث عن حلول سلمية للازمة
و لا نستبعد خيارات اخرى
انتهى البيان
| |
|
|
|
|
|
|
|
|
|
Re: دولة البجا ستبدأ من جنوب دولة النوبة حتى مصوع (Re: الشامي الحبر عبدالوهاب)
|
استاذ الشامي ..سلامات ..
Quote: ود القاضي
تحياتي
اولا اعلان دولتك بعد اعلان دولة اخونا محمد عمر الفكي
ومن غير تشاور مسبق يعني انك ستنشي دولة معادية وهذا
يتوجب منكما توسيع دائرة المشاركة ومشاركة المهمشين
حتي لا يثوروا علي هذه الكيانات الجديدة ويضعفوها في هذه المرحلة الحرجة من التاريخ |
لو رجعت لتاريخ اعلان دولة البجا العظمي ستجده قبل اعلان المدعو محمدالفكي لما سماه دولة البطانة ...ارض البطانة جزء اصيل من ارض البجا تاريخياً ...ونحن لم نرفض اهلنا في البطانة بل نراهم اسياد ارض وجزء لايتجزأ من كيان البجا ...تكوين اى كيان خارج اطار دولة البجا هو نهاية لوجودهم في جغرافية البجا ...لذلك كلامك موجه للمدعو محمد الفكي للرجوع الى ارضه في دولة البجا ونحن ماعندنا مانع نحتكم بالكنفدرالية من الوحدة ..
| |
|
|
|
|
|
|
|
|
|
Re: دولة البجا ستبدأ من جنوب دولة النوبة حتى مصوع (Re: فايزودالقاضي)
|
استاذ احمد ..سلامات ..
Quote: بيان هام
نحن ابناء الصعيد السنارى
ندين و نستنكر احتلال دولة البجا لاراضينا فى القضارف و الشوك و الفاو
و الحواتة و القلابات و كل السهول المنبسطة حتى الحبشة
و هذا تجاوز غير مشروع لحدودنا لا يمكننا السكوت عليه
نطالب الامم المتحدة بتكوين لجنة خبراء لترسيم الحدود
لدينا كل الوثائق التى تثبت تبعية هذه النقاط للصعيد السنارى
نؤكد استعدادنا للتفاوض و البحث عن حلول سلمية للازمة
و لا نستبعد خيارات اخرى
انتهى البيان |
اى ارض تقع مابين النيل حتى البحر الاحمر ومن جنوب النوبة حتى مصوع تاريخياً هي ارض بيجاوية ..انتو لو داخل الكلام ده معنها تقعوا ضمن دولة البجا العظمى وعليكم الطاعة ..بعدين لافي امم متحدة اسمعاك ولا امريكيا ...نحن الناس ديل منسقين معاه والضو الاخضر ذاته ماخدنه منهم ...يعني ترضي بتبعتك لارض البجا او تتخارجوا ...
| |
|
|
|
|
|
|
| |
فايزودالقاضي
على محمد على بشير
HAIDER ALZAIN
Mohamed Moatasim
معاوية عبيد الصائم
محمد عمر الفكي
كمال ادريس
Mohammed Awad
يسرى معتصم
طارق جبريل
ABUHUSSEIN
طارق أحمد أبوبكر
عبداللطيف خليل محمد على
عبداللطيف حسن علي
osman righeem
Sidig Rahama Elnour
Zomrawi Alweli
الشامي الحبر عبدالوهاب
فيس بوك
تويتر
انستقرام
يوتيوب
بنتيريست