شخصى هو الرابع من ناحية اليسار .. من بداية الصورة من اليسار هو رئيس وحدتنا هندى، من بعده هندية مولودة فى تنزانيا أو يوغندا (فستنانها طويل للواطة) .. ثم شخصى بالقميص البلو (ولدى بطاقة بيضاء تتدلى معلقة من الحزام) ..
الناس الذين ترونهم أمامكم أتوا من حوالى 30 دولة فى العالم من بينها 4 دول أفريقية: السودان، تنزانيا، نيجريا ويوغندا ..
بريمة
01-12-2011, 04:48 AM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
هذه الصور تحمل الكثير عن التنوع الثقافى فى الولايات المتحدة .. مدير وحدة البرمجيات .. هندى، مدير قسم المالية تنزانيا، مدير قسم المبيعات بريطانيا .. المسؤول العام .. أسبانية .. وهكذا ..
بريمة
01-12-2011, 04:54 AM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
السيدة التى ترونها فى مقدمة الصورة مولودة فى أفريقيا وأهلها لا يزالون هناك .. بنت أختها هى ملكة جمال الهند فى المدارس الثانوية ..
السيدة الأخرى خلف الرجل الذى يصافح، أظنها تعود إلى الهنود الحمر فى أمريكا .. جاءت من أقصى غرب أمريكا (ولاية واشنطن) لتنضم لفريق الشركة فى شرق أمريكا (ولاية فرجينيا) ..
والرجل الأبيض أمام المتصافحين .. يلبس نظارة سوداء .. أيرانى الأصل ..
الاخ بريمة سلام شغل ماشاء الله ظاهر عليهوا تما بس شوية تخريمة كده
Quote: هؤلاء الأغراب جاءوا من شتى بقاء الأرضوتحابوا فما بالنا نحن شعب واحد لا يستطيع العيش..
اقول ليك حاجة نحن هنا في السودان الناس في مكان العمل بتجد معظم قبائل السودان و بالجد علاقاتهم الاجتماعية كويسة شديد و افضل من ناس الشركات المتعدة الجنسيات في العلاقات الاجتماعية ....و زي ناسكم ديل بس الزول يخلى الشغل ...تاني لا تلفون لا اي ميل ....؟؟؟
01-12-2011, 07:49 AM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
بريمة ...شركتكم فعلا فيها تنوع جميل... لكن يا اخوى مالكم ماخدين راحتكم كده و لابسين شورطات كاروهات و فنايل... ما تكون الصور دى بتاعة واحد من برامج شؤن الموظفين HR بتاعة نمشى نعمل لينا حركات كده بره المكتب عشان نتعلم (او نصلح) ال teamwork و كده!!! عليك الله لو واحده من الحجات دى ..احكى للناس هنا عن البرامج دى و فايدتها
Quote: تلويشة: الشايفي دا معذور .. أنا والله جاتني نفسيات لما اتذكرت بيئة العمل العزابية بتاعتنا دي !!
يا أخى أحمد الله .. والله لأننى أكتب لقراء ما عاشوا فى هذه البيئة أقوم بفلترة الصور حتى لا تروا شيئ غاية فى الغرابة بالنسبة لكم .. لو قلت ليك أن ناس حمادة وأخواته راقدين رج .. ولهم الحق فى ممارسة حياتهم الطبيعية مثل الأخرين .. يحبوا ما يحبون .. ويلبسوا فى بعض الأحيان الأشياء فظيعة .. واليشوف مصائب قوم تهون عليه مصيبته ..
أحمدوا الله ليل نهار .. أنت فى نعيم والله.
بريمة
01-12-2011, 08:07 AM
Deng
Deng
تاريخ التسجيل: 11-28-2002
مجموع المشاركات: 52561
الاخ بريمه هسي في داعي للنفسيات العملتها لينا من الصباح دي ،،، الواحد هنا شغال في برج عاااااااااااااالي لمن تعاين لي آخروا تجيك قطيعة لكن بعد صوركم دي الواحد كأنو شغال في بدروم ،، وكمان العجب المعاكم ديل ياخ والله اللابسة شورت بني دي تقول من الهنود الحمر بتاعين الجنة عديييييييييل كده ،، غايتو لو هي ما محصنة أخوك جاهز والسيرة بجيكم براااااي قول ليها ،، وبالنسبة لي الشغل غايتو لو دايرينلكم Tea Boy أخوك خبرة في الشاي المقنن بس الاحمر بقرض مني لكن ما مشكله ووووووووووووو الخ ،، أها منتظر ردك ما تطول الغيبة ولسة العشم فيكم ،، لوووووووول
تحياتي : ياسر العيلفون
01-12-2011, 08:49 AM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
ياسر السر.... فى الشركات الامريكية (عموما) اجعص جعيص (المدير العام يعنى كده ) بيعمل شايه و قهوته براه. ما فى زول مخصص للقهوة و الشاى. لكن اذا كانت مدير دكتاتور ممكن تخلى زول شغال تحتك يعمل ليك القهوة. لكن دى حاجه ما كويسه فى حقك كمدير او فى حق الناس الشغالين معاك. و حقيقى انا شفتها فى الافلام بس. _____________________________________ برضو ...فى الشركات الامريكة نادرا ما تلقى مدير عندو سكرتير او سكرتيرة.
Quote: غايتو لو هي ما محصنة أخوك جاهز والسيرة بجيكم براااااي قول ليها
أفووو يا ياسر .. موضوعك ضارب من قولة تيت .. لما أقول محصنة ربما لا تعنى متزوجة .. هناك الأرتباط، البوى فرند، وأى حاجة تانية ذى الجماعة البكونوا من جنس واحد مع بعض .. كلها تدخل فى كلمة محصنة .. ما يجى زول يلم فينى .. كلمة محصنة أستعملها مجازاً لأنسنة الحاجات التى لا تروغ لزوقنا السودانى ..
أنت قدم أوراق أعتمادك وأطّلب الرازق .. هى مسؤولة شئون الموظفين فى الشركة .. فى جماعة كده بكونوا حاقصين فى مكتبها لو نقص للواحد فلس واحد من ماهيته .. طبعاً دايرين لهم حجة لكى يندرعوا فيها ..
تحياتى
بريمة
01-13-2011, 03:04 AM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
Quote: يابريمة انا وقريبي ده شغالين هنا سوا وما بخليه يشتغل عندكم براه تشغلنا الاتنين (سوا سوا )
الشايقى رجل حبوب .. ويستهل كل خير .. ويكون شرف كبير للواحد يقدم له خدمه .. وبالجد أنا عايز الناس تفكر بطرق غير طرق الفيزا العادية أو الزيارة أو اللوترى ..
هناك وسيلة عن طريق الكفالة .. تراسل شركة وتعرض لها خبراتك وهى بدورها تحضرك وتقوم بأستخراج إذن العمل لك .. وأظن هناك طريقة لأصحاب الخبرات فى مجالات الطب والتكنولوجيا ..
لكن والله العصر هنا لا يوجد فى أى قبلة أخرى .. وأى زول جاى يعد نفسه لرحلة شاقة .. مع العلم أمريكا جنة الله فى الأرض عديل من ناحية الرفاه وجمال الطبيعة ..
بريمة
01-13-2011, 02:53 AM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
Quote: بريمة ...شركتكم فعلا فيها تنوع جميل... لكن يا اخوى مالكم ماخدين راحتكم كده و لابسين شورطات كاروهات و فنايل... ما تكون الصور دى بتاعة واحد من برامج شؤن الموظفين HR بتاعة نمشى نعمل لينا حركات كده بره المكتب عشان نتعلم (او نصلح) ال teamwork و كده!!! عليك الله لو واحده من الحجات دى ..احكى للناس هنا عن البرامج دى و فايدتها
البهجة التى ترينها هى حقيقة جاءت بعد تعب وزنقة شديدة بالذات لتيم البرمجة بتاعنا .. عندنا ناس جدعوا الكمبيوترات وأتخارجوا من شدة العصر .. ونحن الفضلنا أستلمنا القفاز وقعدنا قعدة رجال .. أستعدلت الأمور وخرجنا من عنق الزجاجة ..
وللناس الذين لا يعرفون كيف الأقتصاد الأمريكى والرأسمالية ماصة دمنا .. هنا مثال إما أن نقتلوا أنفسنا ونعودوا بالشركة للنجاح أو تضييع وظائفنا ونكونوا ضمن الفاقد الوظيفى .. الحمد الله ربحنا الصراع .. وعملنا إعادة ترتيب قوية جداً .. نحن الأن ضمن أقوى الشركات فى مجال GPS ..
الأحتفال دا كان يوم كامل مفتوح دون أى ساعة عمل .. وناس HR ما قصروا معنا .. شهادات تقديرية وأحزمة مثل بتاعت الملاكمة .. أنا طلعت بالحزام الأخضر .. ومعركتنا العام المقبل فى الحزام الأسود فى البرمجة .. Heavy weight lifter ..
عليك الله شفتى ناس ال HR بلعبوا بينا كيف .. لكن الحمد الله هناك متعة رهيبة بعد أن ينجز التيم المهمة ..
بريمة
01-13-2011, 02:33 AM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
Quote: اقول ليك حاجة نحن هنا في السودان الناس في مكان العمل بتجد معظم قبائل السودان و بالجد علاقاتهم الاجتماعية كويسة شديد و افضل من ناس الشركات المتعدة الجنسيات في العلاقات الاجتماعية ....و زي ناسكم ديل بس الزول يخلى الشغل ...تاني لا تلفون لا اي ميل ....؟؟؟
حقيقة العلاقات بشكلها السودانى فى أمريكا تكاد تكون شبه معدومة .. والسبب يعود للرأسمالية الطاحنة .. العلاقات هنا تختلف كماً وكيفاً .. فى السودان لو كان فلان صديق لعلان .. فكل أصدقاء علان يكونوا أصدقاء لفلان .. لا يوجد مثل هذا الشيئ هنا .. صداقة الواحد لا تتعدى للأخرين ..
الشيئ الأخر هنا ممكن تتعامل مع الشخص دون معرفة أسمه أو هويته .. شيئ عادى بنتقابل فى المترو بص .. نسلم على بعض كل يوم .. ونخوضوا فى السياسية والفوت بول والباسكت وغيرها .. حينما يقف البص فى المحطة الأخيرة .. تقول للناس "سي يو ليتر" .. ودى تتردد كل يوم دون الحاجة حتى لمصافحة أو معرفة هويات ..
علاقات العمل تنتهى عند باب الشركة .. إلا ما رحم ربى ..
بريمة
01-13-2011, 02:22 AM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
هم الاخوه العرب ال 3 المعاك ديل من اي الاقطار العربيه؟
شوف يا عاطف .. بالجد يا أخى أفتح عقلك وقلبك لكى تتعلم .. حينما أقول إننى عربى (أو حيوان ليه ضنب)، هذا لا ينقص من نوبيتك ولا من هوية أى أنسان أخر .. بل أنا أفخر لأنك نوبى وهناك لغوراوى، صبوراى، تيساى، غلفانى، كيقاى .. وغيرهم .. (طبعاً الأسماء دخلت الدرب فى ألمى .. ديل من أسماء نوبة الجبال) .. فأنا لا فضل لى عليك ولا أنت يجب أن يكون لك الفضل علىّ إلا بما نقدم لخير هذا الوطن ..
وحينما تقبل بى كعربى (سواء قح أو مضروب .. ما عندك بى الشغلة)، هناك تجدنى القبول منى لك .. ومسألة القبول لا تعنى أن تأتى وتبوس لى رأسى أو كرعينى .. تعنى أنك تعترف أن لى الحق فى كل شيئ تعتبر نفسك لك الحق فيه فى السودان .. ثم لا تظلمنى حقى .. وللعلم أى مجتمع سواء بشرى أو حيوانى أو نباتى ينعدم فيه التنوع مصيره للزوال .. الفناء عدييل دون أى حروب من أىّ أنسان .. وهذا الكلام يعرفه علماء الوراثة .. هل تصدق لا يمكن تحسين المحصول بالطرق الوراثية التقليدية إذا لم يكن فيه تنوع .. وهل تصدق مثل هذا النوع الذى لا يوجد فيه تنوع ممكن يموت عن بكرة أبيه بمرض واحد .. يعدم كل المجموعة ..
نخليك هنا .. ولو أحتجت لشرح سوف أوافيك بمزيد من التفاصيل ..
بريمة
01-12-2011, 01:28 PM
دوت مجاك
دوت مجاك
تاريخ التسجيل: 07-15-2007
مجموع المشاركات: 2253
العمارة التي اسكنها بها ثمانية شقق فيها سودانيين واثيوبيين واميركان عايشين في تبات ونبات ومخلفين صبيان وبنات
وعلي قولك في التنوع قوة. ليت قومي يعلمون.
التنوع يولد الأبداع .. أنظر كيف الشعب الأمريكى مبدع فى أى شيئ ..
لدينا فى الأسرة أصدقاء من جنسيات مختلفة ..
المدام ذات مرة دقست .. عندها عطر أماريج فتيل كبير .. وجاءونا أصحاب هنود لديهم طفل مولود جديد .. وهم فى أول زيارة لنا به بعد خروجهم من المستشقى بشهرين .. وكانت معنا فى المنزلة حبوبة جيرانا .. قامت المدام جابت فتيل أماريج ومدته للهندية .. فقالت لها الهندية: ماذا أعمل به .. قالت المدام للطفل المولود .. ! وهى تقصد العادة السودانية فى تعطير المولود الجديد .. وليس هدية العطر ..
الهندية ما كضبت كشطت فتيل أماريج فى شنطة يدها وقال "ثانيكو" .. وشكرت المدام .. لحد ما الهنود مشوا نحن والخالة فى ضحك ..
هذا مثال بسيط وحدث قبل ستة شهور من الأن فى منزلنا يؤكد معرفة الأخرة ذات أهمية قصوى .. تراثنا ليس كتراث الهنود .. وبالتالى الأنسان يجب أن يكون لدية حساسية تجاه تراث وحاجات الأخر ..
وشايف يا برمية ول ابا الهارموني دا عشان في قانون الناس دي كوووووووولها امامه سواء
عشان كدا لما الناس تحسن انها كلها متساوية في الحقوق بتكون نفوسها هدية ورضية..
في يوم من الايام عندما كنت ادرس في الجامعة الاسلامية هنا كان عندي 12 طالب وانا كلنا من جنسيات مختلفة مشينا زرنا جامعة محلية البروفسيرة رئيسة القسم اندهشت جدا لانه ممكن يكون في مكان فيه 12 جنسية في فصل واحد
التعدد بضيف للمكان قوة ..
ولكن نحنافي السوداننعلمنا الغاء الاخر بالنعرات العنصرية
مافي زول عاجبوا زول.
01-13-2011, 03:08 AM
هاشم نوريت
هاشم نوريت
تاريخ التسجيل: 03-23-2004
مجموع المشاركات: 13622
لأننا لم نستطع تغيير النظام الحاكم الذي لا يؤمن بالتنوع ولا يعترف بالآخر يجب أن نقول لا للنظام الحاكم. ونعمل جادين بكل ما نستطيع من أجل أن نأتي بالنظام الذي يمثلنا نظام يجيد إدارة التنوع Diversity Management في أرضية مشتركة تحكمها قواعد الحكم الرشيد المعروفة للجميع
01-13-2011, 04:52 AM
حسين نوباتيا
حسين نوباتيا
تاريخ التسجيل: 06-06-2008
مجموع المشاركات: 2473
Quote: الهندية ما كضبت كشطت فتيل أماريج فى شنطة يدها وقال "ثانيكو" .. وشكرت المدام .. لحد ما الهنود مشوا نحن والخالة فى ضحك ..
لووووووول يا بريمة
والله اهلي الهنود ديل الز ناس ؟؟
قصتك دي ذكرتني بقصة اخرى فيها نفس المفارقة الا وهي كنا نحن مجموعة من خريجي الهند نسكن سويا بفرجينيا ففي واحد من قرايبي الطيبين جاهو لوتري وهو كان مقيم في السعودية وبالطبع جا نزل معانا المهم واحد من اصدقائي الانتهازيين قال لي يا خي قريبك دا كان في السعودية ورطاني اكييد يدو طاعمة بالله كلمو يستلم لينا المطبخ فرفضت المهم صاحبي الانتهازي انتظر يوم حتى ذهابي للعمل وبدا يدردق في قريبي دا ودار الحوار التالي:-
-بالله السعودية كيف؟؟ - والله تمام التمام؟؟ - اها نظامكم كيف كان ؟؟ عايشيين مجموعات ولا اي زول براهو؟؟ - لا لا نحن عندنا نظام الجمعيات باسامي المناطق والقرى وبنسكن مع بعض ؟؟ - بالله؟؟ - اي ما عدا الاسر طبعا بتكون براها.. - واها ونظام الاكل عندكم كيف ؟ مطاعم ولا بتتبخوا براكم ( طبعا الخبيث عارف) - يا زول مطاعم شنو كلنا بنعرف نطبخ من الكمونية للفول.. - والله دا كلام ممتاز - طبعا نحن هنا عندنا الامور ساااهلة والمطبخ مجهّز تجهيز تمام ( وبدا يوريهو ادوات المطبخ ومكان البصل والبهارات الخ) - لا انتو شغلكم ساهل بالجد.. - تعرف عشان تعمل ليك اكبر حلة ما بتاخد معاك هنا نص ساعة - هسة كل الحاجات جاهزة ما عدا الصلصة - بتعرف الـ 7/11 التحت ( دكان الامريكان) - كيف اي بعرفوا في هذه الاثناء صاحبي الانتهازي جاهو تلفون من الشغل وبدا يتكلم معاهم ولمن خلص اعتبر انو الموضوع خلاص سلك فقام طلع عشرين دولار ومداها لقريبي.. فما كان من قريبي الا ان طبق العشرين وختاها في جيبو وبدا يشكر في الانتهازي على هذه الاكرامية وانو الكرم ظاهر في وشو وربنا يجزيك خير الخ..
صحبك نزل محتار ما عارف يعمل شنو ولمدة سنة شابكني يا خي قريبك المطرطش دا انا كان داير اديهو قروش بديهو عشرين دولار ؟؟ وطبعا صاحبنا ما بكون فارز::) زي السعودي في مركز تسوق في الرياض بدا يقلب في المية دولار فوق تحت وقال لي وين صورة بوش ::) ___________
بالنسبة لموضوع البوست يا بريمة
لمن يكون عندك سلطة سياستها divide rule واختارت ان تفرق بين الناس على اسس عرقية فلازم يكون مصير الدولة الفشل والتشرذم والانقسامات..
سلام,,
01-13-2011, 05:23 AM
محمد الأمين موسى
محمد الأمين موسى
تاريخ التسجيل: 10-30-2005
مجموع المشاركات: 3470
هل اضحت امريكا تكتب من اليمين الي الشمال هل اضحت تنام على ثرثرة البدو وسيموفينية النعال سبحان الله مغير الاحوال من حال الى حال
بريمة الكلوكس كلان بتاع المهدية والاخوان المسلمين ومليشيات الابادة في كردفان البحلف بالمهدي وخليفتا وصابونتا وليفتا يتحدث عن الدولة المدنية في امريكا غلفا وشايلة وموسا تطهر...عايز تشبع نرجسيتك في البورد ساكت... تاريخك العنصري المشين في البورد موجود
01-13-2011, 02:26 PM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
مكان العمل لايصلح بأن يكون نموذجا يعكس التنوع هنا أيضا بعض أمكنة العمل تضج بالتنوع مجموعة دال، على سبيل المثال، تجد فيها كل الأجناس والأعراق والثقافات والعقائد وغيرها
حدثنا عن الدولة التي تحتضن مكان العمل الدولة بمفهومها الشامل ( المؤسسات والقوانين) هل هي تبسط لمواطنييها القيم الإنسانية كلها ( العدالة والحرية والديمقراطية وغيرها )، بكل المساواة .؟ وهل هي تساوي بين شاغلي أجهزتهاالتشريعية والتنفيذية والمواطنين في تلك القيم، بدون خيار وفقوس ..؟ يعني شريعة قدوقدو دي لو طبقوها عندكم ممكن تعاقب الوزير والخفير على حد سواء ؟ إذا كانت الإجابة نعم، فهذا هو المطلوب في السودان
....... نحن ماعندنا مشكلة في التنوع المتجانس على المستوى الشعبي إطلاقا لكن مشكلتنا هي لم نفهم ( ماذا تعني كلمة الدولة؟؟؟؟)
ولك الود
01-14-2011, 02:25 AM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
Quote: انت كذاب وانت اكبر عنصري تنوع شنو تتكلم عنه انت زول مشئ امريكا بلد التنوع والانسانية مفروض يكون اوعى من كدة بكتير هسع انت عندك وش تتكلم عن التنوع يا عنصري انت
أنت لا تستطع أن تفرق بين العنصرية والفخر .. أنظر إلى بريمة محمد أدم بلل يكتب عن العرب بأنهم أفخر الأمم:
فى كتاب: العظمة فى عيون الجمال Glory in A Camel's Eye يقول كاتب الكتاب: لقد أعجبت بالعرب من خلال كتابين قرأتهما حيما كنت طالب دراسات عليا .. كتاب Arabian Sands لمولفه Thesiger؛ الذى زار العرب البيدون فى الربع الخالى ..
وقال عنهم: إننى كنت أخشى على أغراضى فى بيئة خالية من جيمع ضروب الحياة .. وما تملكه فيها هو حياتك .. ولكنى وجدت بعد أن كنت وسطهم كالغريب أن أرواحهم الأبية هى التى تضئ تلك المناطق النائية .. فقد عشت بينهم خمسة أعوام وعرفت حبهم للحياة وطيبتهم وعفة أيديهم، فقد أصبحوا من أقرب أصدقائى وقد غيروا حياتى إلى الأبد (وكتاب Thesiger يعتبر ضمن أميّز كتب الرحّالة).
ثم يلتفت مؤلف الكتاب إلى الكتاب الأخر الذى غير نظرته تجاه العرب .. كتاب The History of Arabs لمؤلفهPhilip K Hitti ويقول مؤلف ذلك الكتاب: أن الجيوش العربية التى حملت لواء الرسالة الأسلامية بكل حماس ونشرت الأسلام فى افريقيا وأروبا وأسيا، تنبئ عن القوة الكامنه وراءها التى ترتكز على العرب والذين يقولون عن أنفسهم أنهم أفخر الأمم.
يقول مؤلف العظمة فى عيون الجمال Glory in A Camel's Eye من تلك الكتب عرفت أن العرب ليس هم أمة رعاع متجولين ولكنهم بناة أكثر حضارة منتشرة وتزدهر يوماً بعد أخر .. (رغم الحصار!) .. ورحلتى الأن بينهم تؤكد لى أصالة العرب.
ثم يأتيك عنتر العبسى .. يتم الناقصة فخراً جزلاً:
لا يحْمِلُ الحِقْدَ مَنْ تَعْلُو بِهِ الرُّتَبُ.......... ولا ينالُ العلى من طبعهُ الغضبُ ومن يكنْ عبد قومٍ لا يخالفهمْ ..... .......إذا جفوهُ ويسترضى إذا عتبـــوا قدْ كُنْتُ فِيما مَضَى أَرْعَى جِمَالَهُمُ ..........واليَوْمَ أَحْمي حِمَاهُمْ كلَّما نُكِبُوا لله دَرُّ بَني عَبْسٍ لَقَدْ نَسَلُوا............ ....منَ الأكارمِ ما قد تنسلُ الـعربُ لئنْ يعيبوا سوادي فهوَ لي نسبٌ........... يَوْمَ النِّزَالِ إذا مَا فَاتَني النَسبُ إن كنت تعلمُ يا نعمانُ أن يدي ...........قصيرةٌ عنك فالأيام تنقـــــلب أليوم تعلم , يانعمان , اي فتىً..............يلقى أخاك ألذي غرّه ألعصبُ إن الأفاعي وإن لانت ملامسها ..............عند التقلب في أنيابها الــعطبُ فَتًى يَخُوضُ غِمَارَ الحرْبِ مُبْتَسِماً.......... . وَيَنْثَنِي وَسِنَانُ الـرُّمْحِ مُخْتَضِـــبُ إنْ سلَّ صارمهُ سالتَ مضاربهُ.............. وأَشْرَقَ الجَوُّ وانْشَقَّتْ لَهُ الحُجُــــبُ والخَيْلُ تَشْهَدُ لي أَنِّي أُكَفْكِفُهَا............. والطّعن مثلُ شرارِ النَّـار يلتهبُ إذا التقيتُ الأعادي يومَ معركة.........ٍ تَركْتُ جَمْعَهُمُ المَغْرُور يُنْتَـــــهَبُ لي النفوسُ وللطّيرِاللحومُ ولل ....... .....ـوحْشِ العِظَامُ وَلِلخَيَّالَة ِ السَّـلَبُ لا أبعدَ الله عن عيني غطارفة.............. إنْساً إذَا نَزَلُوا جِنَّا إذَا رَكِبُوا أسودُ غابٍ ولكنْ لا نيوبَ لهم............. إلاَّ الأَسِنَّة ُ والهِنْدِيَّة ُ الــــقُضْبُ تعدو بهمْ أعوجيِّاتٌ مضَّمرة............... ٌ مِثْلُ السَّرَاحِينِ في أعناقها القَـببُ ما زلْتُ ألقى صُدُورَ الخَيْلِ منْدَفِقاً......... بالطَّعن حتى يضجَّ السَّرجُ والــلَّببُ فا لعميْ لو كانَ في أجفانهمْ نظروا...... . والخُرْسُ لوْ كَانَ في أَفْوَاهِهمْ خَطَبُـوا والنَّقْعُ يَوْمَ طِرَادِ الخَيْل يشْهَدُ لي......... والضَّرْبُ والطَّعْنُ والأَقْلامُ والكُتُــبُ
ثم عنتر العبسى مرة أخرى فى الفخر وهنا أنظر كيف يفخر بسواد لو والدته:
حكم سيوفك في رقاب العذل ** وإذا نزلت بدار ذل فارحل وإذا بليت بظالم كن ظالما** وإذا لقيت ذوي الجهالة فاجهل وإذا الجبِان نهاك يوم كريهة ** خوفا عليك من ازدحام الجفل فاعص مقالته ولا تحفل بها ** واقدم إذا حق اللقا في الأول واختر لنفسك منزلا تعلو به ** أو مت كريما تحت ظل القسطل فالموت لا ينجيك من آفاته ** حصن ولو شيدته بالجندل موت الفتى في عزة خير له ** من أن يبيت أسير طرف أكحل إن كنت في عدد العبيد فهمتي ** فوق الثريا والسماك الأعزل أو أنكرت فرسان عبس نسبتي ** فسنان رمحي والحسام يقر لي وبذابلي ومهندي نلت العلا ** لا بالقرابة والعديد الأجزل ورميت مهري في العجاج فخاضه ** والنار تقدح في شفار الأنصل ولقد نكبت بني حريقة نكبة ** لما طعنت صميم قلب الأخيل وقتلت فارسهم ربيعة عنوة ** والهيذبان وجابر ابن مهلل وابني ربيعة والحريش ومالكا ** والزبرقان غدا طريح الجندل وأنا ابن سوداء الجبين كأنها ** ضبع ترعرع في رسوم المنزل الساق منها مثل ساق نعامة ** والشعر منها مثل حب الفلفل والثغر من تحت اللثام كأنه ** برق تلألأ في الظلام المسدل يا نازلين على الحمى ودياره ** هلا رأيتم في الديار تقلقلي قد طال عزكم وذلي في الهوى ** ومن العجائب عزكم وتذللي لا تسقني ماء الحياة بذلة ** بل فاسقني بالعز كأس الحنظل ماء الحياة بذلة كجهنم ** وجهنم بالعز أطيب منزل
يا دوت شخصى أفتخر فخر بلا حدود بأننى بقارى، جهينى، عربى، سودانى .. ويحمل أهلى البقارة كل مكارم الأخلاق السودانية من الشهامة والفروسية والكرم ونصرة المظلوم وإعانة صاحب الحاجة .. نحن ينطبق علينا مثل مقنع الكاشفات .. ونحن خال فاطنه فى الحارة والباردة ..
هذا الفخر يجب أن لا ينقص من زول أخر أى شيئ .. فأنت كدينكاوى أو جنوبى يجب أن تفتخر بأهلك وعزتهم وكرامتهم .. ففخرى بأهلى لا ينقص من أهلك شيئاً وفخرك لا ينقص من فخر أهلى شيئ .. بل يؤكد نحن الأثنين لنا شيئ يمكن أن نقدمه .. ومن لم يفتخر بأصله لا نخوة له ..
لا يمكن بأى حال من الأحوال أن تصف هذا الفخر بالعنصرية .. فإذا قلت نحن أكرم من الدينكا، أو أجمل من الزاندى، أو أو .. هنا أدخلت الأفضلية فى معيارى .. ومن ثم يمكن أن يكون معيار عنصرى لأن عادات الكرم عند الدينكا تختلف عن البقارة ومواصفات الجمال عن الزاندى تختلف عن مواصفات الجمال .. هذه الأختلافات: الأختلافات فى معايير الجمال، الأختلافات فى معايير الكرم، الأختلافات فى الشهامة، الأختلافات فى الفلكلور، الأختلافات فى رؤية الفرد للحياة وما بعدها .. الأختلافات فى سحناتنا، الأختلافات فى تنوعنا: عرب، أفارقة، أقباض، بجا، نوبا .. كل هذه الأختلافات تنتج التنوع .. وهو مصدر قوتنا ..
بريمة
(عدل بواسطة بريمة محمد on 01-14-2011, 02:32 AM) (عدل بواسطة بريمة محمد on 01-14-2011, 02:34 AM)
01-14-2011, 03:01 AM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
محمد زكريا سلامات .. أنت الظاهر عليك تبحث عن شخصك فى هذه الصورة .. أنظر أنك تحاول تتهكم و تنتقص من هويتى (أبحث عن بريمة العربى!) .. أنا لا أتهكم على الناس من ناحية خلفياتهم الأثنية .. ليس لك يد فى أن تكون كما تريد، فقد سبق السيف العزل وأىّ أنتقاص أو زيادة فى من تكون هو تدخل فى خلق الخالق .. وأمرنا أن ندع الخلق للخالق .. وماذا بعد الخلق! تأتى الأخلاق وهنا سوف أذبحك ذبحاً إن كانت أخلاقك مهببة .. ولقد كتبت بوستين طوال وعراض أقول فيها: يا أفارقة السودان وزنوجه: ألحقوا أخوتكم فى بتسوانا وكذا فى بوست أخر بنفس العنوان أن تلحقوا أخوتكم فى ليسوتو .. وأخوتكم وأخواتكم هناك (وأخوتى وأخواتى كذلك لأنى ضمن أفارقة السودان .. السودان يقع فى قلب القارة الأفريقية .. ليس فى الجزيرة العربية ..) لقد شبعوا موتاً حتى مرحلة الفناء من جراء أعمال عقولهم فقط فيما بين فخذيهم .. وقلت أن ذلك سلوك بهيمى قاتل يجب أن ندعوهم إلى الأسلام والعروبة لكى نخرجوهم من البهيمية إلى رحاب العدل الربانى فى حفظ الفروج وكبح جماح الشهوات العايرة ساكت ..
وأنا واثق أننا كأمة مسلمة موعود بأننا نحن الوارثون لتلك الجنان الغناء التى يتركها أولئك الأحياء الأموات .. مثل هذا النقد لا يجعل منى إنسان عنصرى أبداً .. يمكنك أن تختلف معه وربما يكون لك وجهة نظر أخرى .. لكن لا تستطع أن تقول إننى أكرهم لأنهم زنوج أو أريد لهم الفناء لأنهم غير مسلمين .. بل العكس تجدنى أحب لهم الحياة .. وحينما أقارن بين المناطق المسلمة فى شمال نيجيريا والمتخلفة تنموياً .. مع الجنوب النيجرى النصرانى المتحضر ولكن تجد مناطق النصرانية يقتلها مرض الأيدز فتكاً .. هذا لا يعنى إننى أستحقر المسيحية ولكن أقل بالفم المليان إنها فشلت فى أفريقيا .. فالديانة المسيحية لم تستوعب حاجات الرجل الأفريقى الشهوانى .. تعدد الزوجات فى الأسلام أحاط بما لديه خبرا ..
كثير من الذين يكتبون لا يعرفون الفرق بين النقد والعنصرية .. أو بين الفخر والعنصرية .. بين أنسان يقول أنا عربى حر أو أخر يقول أنا زنجى أصلى، وهنا يصبح لدينا غشاوة ورهاب من الخوض فى النقد البناء .. أنا عايز زول يقول أنا زنجى وأفخر بزنوجتى .. ولا يتدخل فى شئونى .. أو يقول لى كيف أو ماذا أكون أنا، أنا حر أبقى عربى، زنجى، شيطان أحمر أو أخرس شيئ يخصنى .. يعنى أىّ زول يقف فى حدود نفسه وله أن يفخر بها كيف يشاء ويترك الأخرين يفخرون بما لديهم كيفما يشاءون .. كده كل زول يكون عارف عزه وهو مستريح البال ..
دولة التعدد والتنوع لا تلغى أى قومية أو أثنية أو أى إنسان من الوجود بل تعلى من شأنه وتعترف له بخصائصه التى هباه بها الله وميّزه بها عن غيره .. هذا هو سودان الغد بإذن الله. كلنا متساوون فى الشأن والعزة والكرامة ومختلفون كشيئ طبيعى .. جعلناكم شعوب وقبائل .. يعنى مختلفون .. وفى أختلافنا قوة ..
بريمة
(عدل بواسطة بريمة محمد on 01-14-2011, 04:41 AM) (عدل بواسطة بريمة محمد on 01-14-2011, 04:57 AM)
01-14-2011, 05:33 AM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
كانت قد أعجبتني فكرة هذا البوست ورايت انه بالفعل يعكس كيفية إدارة التنوع والعيش بسلام
فوجئت بإتهام صاحب البوست بالعنصرية
ذلك أن فكرة البوست تشير لإنسان مُدرك لماهية التنوع وكيفية الإستفاده منه
هل لي بشرح مبسط يكفيني مُراجعة الإرشيف ؟
دعنى أسألك هل أنت عشارى صاحب كتاب مذبحة الضعين .. مع دكتور عمر بلدو .. لقد تشابهت علىّ الأبقار .. أولاً يا أخى أنا أكثر من أكتوى بنار العنصرية فى هذا المنبر .. أنظر الأتى:
وزمان شُفنا بِعِيونا دي ... في الشعبِية بحري ... أيام الأدبخانات أُم جردل كانو هُم العُمال البِشيلو جرادِل فضلات الناس ... لحد ما طلع قرار مِن نميري بِإلغاء هذِهِ المِهنة ...
وفي المحس فوق هِناك (كُل) : - البِلقِحو النخيل مِن ناسك يا بريمة. - البِحفِرو الأبار (ماء/سايفون). - أعمال البِناء. - تنظيف الأرض الزِراعِية. ...
(أغلب) القُصر المَوجودين في < الإصلاحِيات > مِن ناسك يا بريمة محمد ... (أغلب) أطفال المايقوما (فاقِدي الأبَوين) مِن ناسك يا بريمة محمد ... (أغلب) سراريق (حرامية) البِيوت مِن ناسك يا بريمة محمد
هل تريد زيادة على أننى أكثر من أكتوى بالعنصرية ..!، هناك من أقسم أن لو غيض الله لى ليلة القدر بأن أكون رئيساً للسودان بأسم بريمة لا أكون له رئيس .. يعنى الناس عندها خيار وفقوس حتى فى أسم أطلقه لى والدىّ .. وأنا أقبل بهم وبأسماءهم الملائكية .. (إن شاء الله تكون أسماءهم على مسمى .. ما تطلع فالصو ساكت) لكن ليس من حقهم أن يتدخلوا فى أسمى أو من أكون .. وهدفى من هذا البوست أو الأخريات هو تقليل الحمية العنصرية .. كسر رقبة هذا التابو المسمى أنا أفضل منك .. أنا حر وأنت عب .. أنا ول عز وأنت ولد ناس غبش ..
مالم نلغى هذه العنصرية الفجة لن تقوم للسودان قائمة .. ولن يتقدم السودانيون .. سوف يظلون يتراجعون إلى الحضيض فى حين تنهض دول بسبب تعددها الأثنى .. تصبح قوة بشرية أو فكلكورية سياحية .. ونظل نحن نقتل بعضنا البعض كرهاً وعنصرية ..
راجع مداخلاتى مع دوت مجاك وعاطف عبدون ..
تحياتى
بريمة
01-14-2011, 06:22 AM
محمد زكريا
محمد زكريا
تاريخ التسجيل: 09-01-2009
مجموع المشاركات: 4909
Quote: أنت الظاهر عليك تبحث عن شخصك فى هذه الصورة .. أنظر أنك تحاول تتهكم و تنتقص من هويتى (أبحث عن بريمة العربى!) .. أنا لا أتهكم على الناس من ناحية خلفياتهم الأثنية .. ليس لك يد فى أن تكون كما تريد، فقد سبق السيف العزل وأىّ أنتقاص أو زيادة فى من تكون هو تدخل فى خلق الخالق .. وأمرنا أن ندع الخلق للخالق .. وماذا بعد الخلق! تأتى الأخلاق وهنا سوف أذبحك ذبحاً إن كانت أخلاقك مهببة .. ولقد كتبت بوستين طوال وعراض أقول فيها: يا أفارقة السودان وزنوجه: ألحقوا أخوتكم فى بتسوانا وكذا فى بوست أخر بنفس العنوان أن تلحقوا أخوتكم فى ليسوتو .. وأخوتكم وأخواتكم هناك (وأخوتى وأخواتى كذلك لأنى ضمن أفارقة السودان .. السودان يقع فى قلب القارة الأفريقية .. ليس فى الجزيرة العربية ..) لقد شبعوا موتاً حتى مرحلة الفناء من جراء أعمال عقولهم فقط فيما بين فخذيهم .. وقلت أن ذلك سلوك بهيمى قاتل يجب أن ندعوهم إلى الأسلام والعروبة لكى نخرجوهم من البهيمية إلى رحاب العدل الربانى فى حفظ الفروج وكبح جماح الشهوات العايرة ساكت ..
وأنا واثق أننا كأمة مسلمة موعود بأننا نحن الوارثون لتلك الجنان الغناء التى يتركها أولئك الأحياء الأموات .. مثل هذا النقد لا يجعل منى إنسان عنصرى أبداً .. يمكنك أن تختلف معه وربما يكون لك وجهة نظر أخرى .. لكن لا تستطع أن تقول إننى أكرهم لأنهم زنوج أو أريد لهم الفناء لأنهم غير مسلمين .. بل العكس تجدنى أحب لهم الحياة .. وحينما أقارن بين المناطق المسلمة فى شمال نيجيريا والمتخلفة تنموياً .. مع الجنوب النيجرى النصرانى المتحضر ولكن تجد مناطق النصرانية يقتلها مرض الأيدز فتكاً .. هذا لا يعنى إننى أستحقر المسيحية ولكن أقل بالفم المليان إنها فشلت فى أفريقيا .. فالديانة المسيحية لم تستوعب حاجات الرجل الأفريقى الشهوانى .. تعدد الزوجات فى الأسلام أحاط بما لديه خبرا ..
كثير من الذين يكتبون لا يعرفون الفرق بين النقد والعنصرية .. أو بين الفخر والعنصرية .. بين أنسان يقول أنا عربى حر أو أخر يقول أنا زنجى أصلى، وهنا يصبح لدينا غشاوة ورهاب من الخوض فى النقد البناء .. أنا عايز زول يقول أنا زنجى وأفخر بزنوجتى .. ولا يتدخل فى شئونى .. أو يقول لى كيف أو ماذا أكون أنا، أنا حر أبقى عربى، زنجى، شيطان أحمر أو أخرس شيئ يخصنى .. يعنى أىّ زول يقف فى حدود نفسه وله أن يفخر بها كيف يشاء ويترك الأخرين يفخرون بما لديهم كيفما يشاءون .. كده كل زول يكون عارف عزه وهو مستريح البال ..
دولة التعدد والتنوع لا تلغى أى قومية أو أثنية أو أى إنسان من الوجود بل تعلى من شأنه وتعترف له بخصائصه التى هباه بها الله وميّزه بها عن غيره .. هذا هو سودان الغد بإذن الله. كلنا متساوون فى الشأن والعزة والكرامة ومختلفون كشيئ طبيعى .. جعلناكم شعوب وقبائل .. يعنى مختلفون .. وفى أختلافنا قوة ..
بريمة
واضف اليها كمان المداخله دى
Quote: دعنى أسألك هل أنت عشارى صاحب كتاب مذبحة الضعين .. مع دكتور عمر بلدو .. لقد تشابهت علىّ الأبقار .. أولاً يا أخى أنا أكثر من أكتوى بنار العنصرية فى هذا المنبر .. أنظر الأتى: Quote: بِريمة حديدة الحِمار
وزمان شُفنا بِعِيونا دي ... في الشعبِية بحري ... أيام الأدبخانات أُم جردل كانو هُم العُمال البِشيلو جرادِل فضلات الناس ... لحد ما طلع قرار مِن نميري بِإلغاء هذِهِ المِهنة ...
وفي المحس فوق هِناك (كُل) : - البِلقِحو النخيل مِن ناسك يا بريمة. - البِحفِرو الأبار (ماء/سايفون). - أعمال البِناء. - تنظيف الأرض الزِراعِية. ...
(أغلب) القُصر المَوجودين في < الإصلاحِيات > مِن ناسك يا بريمة محمد ... (أغلب) أطفال المايقوما (فاقِدي الأبَوين) مِن ناسك يا بريمة محمد ... (أغلب) سراريق (حرامية) البِيوت مِن ناسك يا بريمة محمد
هل تريد زيادة على أننى أكثر من أكتوى بالعنصرية ..!، هناك من أقسم أن لو غيض الله لى ليلة القدر بأن أكون رئيساً للسودان بأسم بريمة لا أكون له رئيس .. يعنى الناس عندها خيار وفقوس حتى فى أسم أطلقه لى والدىّ .. وأنا أقبل بهم وبأسماءهم الملائكية .. (إن شاء الله تكون أسماءهم على مسمى .. ما تطلع فالصو ساكت) لكن ليس من حقهم أن يتدخلوا فى أسمى أو من أكون .. وهدفى من هذا البوست أو الأخريات هو تقليل الحمية العنصرية .. كسر رقبة هذا التابو المسمى أنا أفضل منك .. أنا حر وأنت عب .. أنا ول عز وأنت ولد ناس غبش ..
مالم نلغى هذه العنصرية الفجة لن تقوم للسودان قائمة .. ولن يتقدم السودانيون .. سوف يظلون يتراجعون إلى الحضيض فى حين تنهض دول بسبب تعددها الأثنى .. تصبح قوة بشرية أو فكلكورية سياحية .. ونظل نحن نقتل بعضنا البعض كرهاً وعنصرية ..
راجع مداخلاتى مع دوت مجاك وعاطف عبدون ..
تحياتى
بريمة
والله اتغيرت انت خلاص نبداء معاك من هنا
Quote: أنت الظاهر عليك تبحث عن شخصك فى هذه الصورة .. أنظر أنك تحاول تتهكم و تنتقص من هويتى (أبحث عن بريمة العربى!) .. أنا لا أتهكم على الناس من ناحية خلفياتهم الأثنية
انا ما تخاف على شخصى لانه عارفها وواجدها وما قاعد ابحث عنها بس افتكر كانت تكون صوره مشوقه لو خليت الناس تخمن شكلك فى الصوره.....ابدلاً من توصيفك الرابع من اليمين ووووو بعدين يا بريمه ما بتتصور قريت ليك قدر شنو ومواضيعك اغلبها لو ما كلها تتحدث دائماً عن العنصر العربى والزنجى عشان كده يمكن الناس مفتكراك عنصرى ولم اشاء ان اتداخل معك والناس ما مقصره معاك المهم انا احترم اراؤك ومافى تهكم ولا غيره والتقدير محفوظ
ولكن نحنافي السودان تعلمنا الغاء الاخر بالنعرات العنصرية
مافي زول عاجبوا زول.
هذا هو بيت القصيد .. إلغاء الأخر، كلما تمادى الفرد فى ألغاء الأخر كلما تمادى فى إلغاء نفسه هو .. واحدة من الأشياء التى كان يقول بها الرئيس كلنتون مراراً أننا لا نرتفع إذا أحططنا من أقدار خصومنا .. كان السود يعدون أن الرئيس كلنتون أنه أول رئيس أسود .. أى يشعرون بالأنتماء إلى أفكاره ..
تحياتى
بريمة
01-15-2011, 01:15 AM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
الناس البكايين .. جهزوا مناديل الورق .. فى الصورة التالية مباشرة .. هى مديرة الحسابات .. وسوف ترونها فى الصورة التالية فى أحتفال تنصيب بنت أختها لمكلة جمال الهند فى أمريكا .. سوف ترون ملكات الجمال الهنديات فى المدارس الثانوية بالولايات المتحدة .. جهزوا المناديل ..
السيدة المديرة على يمين الصورة .. والملكة فى النصف ..
إن شاء الله يكون الصورة عجبتكم ..
هناك المزيد بس أنتظروا ..
بريمة
01-15-2011, 01:19 AM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
تحية طيبة لك ولكل ابناء السواد الاعظم لا ادرى ماذا اقول لك اخى بريمة لكن التنوع الذى تتحدث عنة فى الصورة او الذى تودة انا شخصيا وربماء معى كثير من الاخوة هناء فى البورد قد يتفقون فية معى بانة كان واحمتال الى اليوم خاصة من سكن فى الاحياء الميرى او الاشلاقات او قل الاحياء التى كانت تجمع منهم فى مهنة واحدة من ابناء السودان من مصالح حكومية الى اشلاقات شرطة او جيش او سجون وانا اتحدى اى منهم ان كان هناك من سال جارة عن مسقط راس اسرتة او من اى قبيلة هم ينحدرون وكنا نكتشف ذلك بالصدفة من خلال المناسبات التى تخص الترح والفرح ولكن لا ادرى من اين اتى ابناء السودان بالقبلية والعنصرية والتى كانت فقط عبارة عن عنصرية بين حى واخر وهذة فى حد زاتها كانت تزول مع تقدم الانسان السودانى فى مراحلة الدراسية وهذا بسب التنقل الى الدراسة فى الحى الاخر وقد يفتكر الجميع بان جل حديثى عن الخركوم او المدن مع العلم بانى من مواليد الملكية جوباء حيث عمل الوالد فى هيئة النقل النهرى وهذا جعلنى انموء فى سودان مصغر بة كل قبائل السودان وفى مرات اعيد هذا الامر ان اغتراب السودانين اصبح ابعد من الخليج والامر صار هجرة بدلا عن غربة وبرغم كل شى افتقد فى نفسى الى السودان الذى يجمعنى بى ابكر واوهاج ومحمد صالح قارويج صديق الدارسة جارى بالحى الموضوع ليس بصورة اخى الموضوع اين ما بالنفوس لك منى كل الود والتقدير عسى ولعل نستطيع اعادة ما فرقة السياسين
01-15-2011, 02:04 AM
عمر عشاري
عمر عشاري
تاريخ التسجيل: 08-22-2009
مجموع المشاركات: 1777
دعنى أسألك هل أنت عشارى صاحب كتاب مذبحة الضعين .. مع دكتور عمر بلدو .. لقد تشابهت علىّ الأبقار .. أولاً يا أخى أنا أكثر من أكتوى بنار العنصرية فى هذا المنبر .. أنظر الأتى:
نعم عشاري أحمد محمود هو والدي يابريمة ...كان تشوف لينا حاجة انا وأبوي ده ...غير الأبقار :)
أنا يابريمة قد لا أعلم بكثير من النقاشات التي تمت في هذا المنبر لأني حديث عهد به
على كل حال أنا من المؤمنين ان القوة تكمن في التعدد
ولعلي أكون من الناس الذين لديهم مواقف واضحة تجاه السلوك العنصري
لذلك عندما يتحدث أحد عن التنوع اعتبره رصيدا جيدا لحركة تغيير الذهنيات القديمة الأمر الذي أزعجني عندما ناداك بعض الأخوة المتداخلين بالعنصري
فوددت لو اعلم مامصدر هذه التسمية
قرات ماجئت به وهي تعليقات بائسة لاشك في ذلك
أرجو ان تكون قد تعاملت معها بالحكمة اللازمة ولم تسقط في نفس المستنقع
تحياتي
01-15-2011, 03:01 AM
عاطف عبدون
عاطف عبدون
تاريخ التسجيل: 02-27-2008
مجموع المشاركات: 3701
Quote: حينما أقول إننى عربى (أو حيوان ليه ضنب)، هذا لا ينقص من نوبيتك ولا من هوية أى أنسان أخر .. بل أنا أفخر لأنك نوبى وهناك لغوراوى، صبوراى، تيساى، غلفانى، كيقاى .. وغيرهم
اولا يا بريمه خليني اثبت انو دا تطور ملحوظ لي شكل تفكيرك
تاني شئ ودا الاهم
تكون عربي تكون نبي تكون ملاك مافي زول عندو شغله بيك انت سمي نفسك زي ما داير بنحترمك طالما انت بتحترمنا
وكنت بتقول انك عربي ما حصل يوم قلت ليك تلت التلاته كم
لكن لمن تجي تتعنصر علي العنصر الافريقي وتققل من قيمتو
ما حتلقي مني احترام ولو بقيت سليل آلهه
01-15-2011, 06:04 AM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
محمد زكريا .. سلامات .. يا أخى أنا داعية التعددية الأثنية والثقافية فى المنبر ..
أنظر الصورة التالية .. أنا وأولادى فى عام 2006م فى رقصة المردوم دعماً لدارفور .. شخصى بالبدلة .. وهنا قصدى تحديداً أظهار تراث البقارة من بين أبناء الغرب ..
أنظر ما كتب شخصى منذ عام 2006م فى هذا المنبر .. أنا أدافع عن كل أثنيات السودان .. بأن نقبل بعضنا البعض .. شخصياً من أكثر المستفدين من التعدد .. شنو البخلى زول بقارى جاء من أقصى بقاع الأرض أن يجد له وظيفة وسط أهل البلد فى أمريكا! هل لأن لونى عاجبهم؟ أو لهجتى الأنجليزية؟ أو من أين أتيت؟ .. كل المؤشرات تشير أننى أستفدت من حتة التعدد وفتح المجال لكل إنسان ليس على شكلة أو أثنية بل حسب مقدارته وخبراته ..
مازلت أحلم أن ينجز هذا الجيل ما عجز عنه الأولون .. أنجاز مسألة التعددية وقبول الأخر ..
Quote: حلمى أن يعتز كل سودانى بمن هو دون أن ينظر إليه الأخرين نظرة إستصغار أو أحتقار ، أخى أقول ليك أنا أعمل من ضمن تيم أستشارى في البرمجه مكون من 170 مهندس، يوجد حوالى 10 فقط من أثنية واحدة، لو أخذت الأمريكان البيض بأختلاف قومياتهم أثنية واحدة والسود من أمريكا إلي أفريقيا أثنية واحدة وعلي هذا قس الباقى، تجد إننا نمثل سكان الأرض، ليس هناك دين أو ثقافة، أو تراث أو أكلات شعبية أو أى شيئ تتخيله يجمع بيننا، فقط وجدنا في شركة واحدة ويجب علينا أن نحترم بعضنا كما نحن! لا تنتقد أى واحد منهم، منهم Mokesh هندى بوذى يصلى للبقرة، هناك هندوس عبدة شمس، هناك أخرون لا دين لهم، لكن قد يكون ذلك عابد البقرة رئيس الوحدة وننظروا إليه من خلال علمه وعمله فقط، وتجدنا نكمل بعضنا البعض في أداء مهامنا اليومية، هذا هو الذى نريدوا الوصول إليه في سودان الغد .. وكسر الحواجز ليس بالهروب إلي الأمام بل بالوقوف الجاد عندها وإحترام تنوعنا الثقافى وتعددنا الأثنى، هذا هو مصدر قوتنا ليس أى شيئ أخر، لا بترول لا يورانيوم ولا أى ثروة أرضية، هذا التنوع البشرى: البقارى، الفوراوى، الزغاوى، الشايقى، الهدندوى وإلي أخره إلي أصغر قبيلة أو أثنية في السودان هو ما يجعلنا شعب متميز وهو الذى يحدد قوتنا، قتل هذا التنوع الثقافى والأثنى ليس الحل بل الصحيح إبرازه، حتى يقدم الزغاوة والبقارة ما لديهم من تراث ونعتز به في أطار تعددنا وتنوعنا الثقافى وننمى حب الأعتزاز بالنفس والذات في أى طفل حتى يتوسع ذلك التنوع الثقافى، أنا أرفض معيار الفن السودانى الذى يتحدث عن الجميلات بأنهن ذات شعر معين ولون عيون معينه تجد ذلك الفنان القومى عنصرى لأنه يتحدث فقط عن مواصفات من خلال منظور معين، ماهى مواصفات الجمال عند الدينكا مثلاً أنت لا تعرف ذلك؟ أو ماهى مواصفات الجاه عند البقارة؟ أو ماهى مواصفات الضيافة عند النوبة المورو، هل تعرف كل هذا؟ لا لأنك مبرمج ثقافياً، وبالتالى نظرتك التى تعتبرها هى القومية ربما بعيدة كل البعد عن القومية التى يجب أن يكون عليها السودان في مستقبله والتى تعنى الأعتراف بتعددنا الثقافى والأثنى أولاً .. بريمة
أستهدوا بالله وأتركوا النعرات .. خلونا نخرجوا من عنق الزجاجة .. نخرجوا من هذه الضدية القاتلة التى تحكمت فيها .. فى البوستين المرفقين قدمت رؤية عن مفاهيم التعددية الأثنية ..
بريمة
01-15-2011, 06:22 PM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
Quote: في هذه الاثناء صاحبي الانتهازي جاهو تلفون من الشغل وبدا يتكلم معاهم ولمن خلص اعتبر انو الموضوع خلاص سلك فقام طلع عشرين دولار ومداها لقريبي.. فما كان من قريبي الا ان طبق العشرين وختاها في جيبو وبدا يشكر في الانتهازي على هذه الاكرامية وانو الكرم ظاهر في وشو وربنا يجزيك خير الخ..
صحبك نزل محتار ما عارف يعمل شنو ولمدة سنة شابكني يا خي قريبك المطرطش دا انا كان داير اديهو قروش بديهو عشرين دولار ؟؟
زولك الأنتهازى دقس عايف يلقف وجد نفسه لقفوه .. ذى زين العابدين بن على .. حاول يقيل حكومته، الشعب التونسى قال يفتح الله ..
بريمة
01-21-2011, 06:20 PM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
طبعا يا بريمه طبيعي ان تسخل سلخ الجن بمثل هذا البوست فانت ان كنت تدري مصيبه وان كنت لا تدري مصيبتين من اكثر الكتاب عنصريه. الوطن ذهب بكتابات امثالكم من الما عارفين بيعكوا في شنو؟؟؟
كونك طيب ودرويش هذا لا يمنع انك من اشهر الكتاب عنصريه. في آخر زيتره لي لواشنطون وحديث عن المنبر سالتني سودانيه لا تقرأ ولا تكتب عن برميه الذي يشتم الناس بمبنر بكري!! فاستغربت ان شهرتكك ضربت الافاق كشاتم لقوميات كثيره سودانيه,وصلها ما تكتب بدروشه وطرطشه.
مافي زول بيحش بدوينه ولا ما معتز بنفسه لكن انت عالم ماذا كنت تكتب.
ما ترد على الطاهر ساتي العامل فيها بتيدروش نعم يا الطاهر امريكا دوله وشكرات كلها تقر بالتنوع وتمارسه ولولا 1لك لما وصل ابوما ابن المهاجر لرئاسة الدوله مش زي قريبك الحلفاوي التعيس عبد الرحيم محمد حسين القال عايز يوطن المصرين عشان ناس فرب افريقيا متجدعين في السودان!! وهو بجهله يعني السودانين الاصلين!!
وتسالنا انت عن الدوله؟؟!!
03-12-2011, 07:24 AM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
يا جماعه كلام بريمه كما فهمته كالاتي 1- موضوع الدوله القائمه علي أساس المساواه هم المهم بغض النظر عن كون الانسان عربي أو نوبي أو فوراوي.. أبيض أحمر أسود حلبي ....ما فارقا 2- كل إنسأن في ظل هذا الوضع له الحق في أن يدعي ما يريد... و هذا الوضع مطبق في أمريكا ....لك أن تكتب ما تشاء في خانه الي أي إثنيه تنتمي في أي فورم رسمي... و يمكن أن تكون أسود فحمه ... و تملا في اجعص مستند رسمي أنك أبيض !!! و أنا أعرف سوداني يملا أنه أبيض في الفورمات... و لم يحدث أن إحتج له مسئول. 3- أنا بالنسبه لي موضوع الهويه موضوع شخصي و لا يجب أن يكون له أهميه في ظل دوله تحترم الحقوق... العاوز يبيقي عربي مرحب بيهو و العاوز يبقي أفريقي حبابو عشره و العاوز يبقي سوداني و بس يكره القبليه و الجهويه – زي كده – برضو مرحب به... بس ما في واحد يقل أدبه علي التاني
03-13-2011, 08:46 AM
Abdlaziz Eisa
Abdlaziz Eisa
تاريخ التسجيل: 02-03-2007
مجموع المشاركات: 22291
يا النبى محمد ابو فاطنة الشئ يا بريمة مراح... واخوك بموت فى المرحات.. "نسبة للمورث التاريخى" شكيتك للمرحات دى يا بريمة.. وكن شكيت لله بتتأذى يعنى الواحد يقضى سنة كامله يتلفت... والسنة التانية يستعدل ولا شنو؟؟ ياخى والله اخوك بعاين من غير اى خبث يعلم الله "ودى دايره ليها فتوى" "وش ملفت" نحى التنوع من هذا المنبر
Quote: يابريمة انا وقريبي ده شغالين هنا سوا وما بخليه يشتغل عندكم براه تشغلنا الاتنين (سوا سوا )
سوا سوا دى بتستحمل اكتر من اتنين, "وش مستهبل"
Quote: وبالجد أنا عايز الناس تفكر بطرق غير طرق الفيزا العادية أو الزيارة أو اللوترى ..
ودى بسوها كيف دى... اعتقد ان مزيد من التفاصيل تمكن من استيعاب ذلك بوضوح وبصراحة كل الطرق التقليدية جربتهاوما نفعت اها نلقاك فى الفيس بوك ولا كيف؟؟ تحياتى
03-13-2011, 01:24 PM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
هل عاطف يمتلك صكوك تحديد هويات الناس؟؟ .. يا أخ كترتها ..
ما أحمده لكم أنكم بدأتم تفكرون أن فى السودان هناك أناس غير ما تنتمون إليه.
اجمل شيئ وجدته فى الغربة هو أن تنظر وتتأمل فى عظمة الخالق الذى جعلنا شعوباً وقبائل لنتعارفوا. لم يخطر ببالى قط أن ألتقى بخلائق خلقها الله بهيئات وألوان وألسن ولها ثقافاتها التى لا تمت بشيئ لثقافاتنا، لكن خلف تلك الأشياء الظاهرة تكمن الحقيقة فى أننا بشر ويمكننا التواصل على أرقى المستويات، والنقطة المركزية هى أن تكسر حواجزك وهواجسك النفسية والثقافية بأنك ليس أفضل من أى مخلوق يختلف عنك فى شيئ، هناك تشوف العالم بصورة مختلفة.
بريمة
03-13-2011, 01:16 PM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
Quote: يا جماعه كلام بريمه كما فهمته كالاتي 1- موضوع الدوله القائمه علي أساس المساواه هم المهم بغض النظر عن كون الانسان عربي أو نوبي أو فوراوي.. أبيض أحمر أسود حلبي ....ما فارقا 2- كل إنسأن في ظل هذا الوضع له الحق في أن يدعي ما يريد... و هذا الوضع مطبق في أمريكا ....لك أن تكتب ما تشاء في خانه الي أي إثنيه تنتمي في أي فورم رسمي... و يمكن أن تكون أسود فحمه ... و تملا في اجعص مستند رسمي أنك أبيض !!! و أنا أعرف سوداني يملا أنه أبيض في الفورمات... و لم يحدث أن إحتج له مسئول. 3- أنا بالنسبه لي موضوع الهويه موضوع شخصي و لا يجب أن يكون له أهميه في ظل دوله تحترم الحقوق... العاوز يبيقي عربي مرحب بيهو و العاوز يبقي أفريقي حبابو عشره و العاوز يبقي سوداني و بس يكره القبليه و الجهويه – زي كده – برضو مرحب به... بس ما في واحد يقل أدبه علي التاني
فى ظل دولة التعدد هوايتنا يجب أن تلعب دور فى أثراء الثقافة والتراث والفلك ولا يجب أن يكون لها أىّ أهمية فى من يحكم؟ أو من يتقلد منصب معين؟
بريمة
03-13-2011, 01:51 PM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
Quote: هسع نحنا نشوف التنوع الإثني .. والا نشوف اللحم المجدع في الهواء الطلق دا ..
شفت؛ هنا أنت تؤكد أن التنوع يضيف شيئ جديد .. !!
هؤلائى الفتيات هنديات أمريكيات .. لا حظ مافى زول يقول ليهن لأنكن هنديات لا يحق للهنود أن يعملوا مسابقة جمال الهند فى أمريكا؟؟ .. بل الأحتفائية تناقلتها التلفزيونات فى جلسات الشو والونسات.
أنظر هنا إلى مسابقات ملكة جمال جنوب السودان .. بنات أحلى من الورد وفى وطنهن السودان يتم أستحقارهن فقط لأنهن ينتمين إلى غير الهويات التى تعطى صاحبها جواز سفر.
نأتى إلى التنوع .. نأخذوا فى هذه اللحظة الموروث الدينى .. أنا أرى زى هؤلاء الفتيات فاضح ولا يمثل قيم ثقافتنا .. وفى الحقيقة لا يمثل قيم ثقافتى أنا المسلم .. وتتنازعنى رغبة قوية أن أنكر عليهن ما يقمن به والذى ينسجم مع ثقافتهن هن .. وليس ثقافتى أنا .. هنا يأتى ويتدخل مفهوم التنوع وأحترام حاجات الأخر المختلف .. وتصبح الدعوة بيننا بالحسنى هى السبيل الأوحد .. وفشلنا فى هذه الطريقة الحسنة فهم مشوا لحالهم ونحن لحالنا .. هل رأيتم نهاية فشل أستيعاب التنوع قادنا إلى أين ..؟؟
بريمة
03-13-2011, 02:04 PM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
Quote: يا النبى محمد ابو فاطنة الشئ يا بريمة مراح... واخوك بموت فى المرحات.. "نسبة للمورث التاريخى" شكيتك للمرحات دى يا بريمة.. وكن شكيت لله بتتأذى يعنى الواحد يقضى سنة كامله يتلفت... والسنة التانية يستعدل ولا شنو؟؟ ياخى والله اخوك بعاين من غير اى خبث يعلم الله "ودى دايره ليها فتوى" "وش ملفت" نحى التنوع من هذا المنبر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة