بورداب مسقط يحتفلون بزيارة وكيليكس سودانيز اونلاين (ماضي ابو العزائم) - صور

(عدل بواسطة الطيب شيقوق on 01-11-2011, 09:02 PM)

Quote: يا ود شيقوق ما كان تعملوا الاحتفال نهاية الاسبوع عشان ناس الاقاليم تجئ تشارك معاكم

Quote: كويس سميتو "ويكيليكس" ..... لو لحقت سميتو "جوليان أسانغي" ..... كان جبت ليهو الهوا.

Quote: وتحياتي لك ولك بورداب مسقط اعجبني جدا اطلاق لقب وكيليكس على ماضينا! وماضينا دي نسبة الى انو انا من بري وبري المحس بالذات عندي معاها قصص ! واجمل ابناء دفعتي من المحس : مختار حسن ، ناصر البداني ، محمد فريد الباقر ده غير لمن يتلمو باقي الصعاليك امثال : هاشم سليمان ، شمس الدين ، حمدي جيلي ، ابراهيم موسى .. ومن لف لفهم فقد كنا نلتقي يوميا في حوش ناس سري قبل غزوة النوادي او سينما النيل الازرق فقد كانت لنا ايام ياصاحب لن تتكرر او تعود ! وماضي انسان بمعنى الكلمة .. صادق ومهذب وسكوت وعوان .. تنادي يجيك ملفح من حتات قصية كان والدي رحمه الله لا يضوق العافية الا على يديه ولا يستمع الا له كنا في بيتنا نتعجب من قدرته المدهشة في اقناع والدي العنيد ليتناول وجبة او يتدرج للسير خطوات حتى لا تيبس عظامه وهو في آخر ايامه كذلك فهو حكااااي انت اديه طرف الخيط او الرواية سلامي ليه .. زمن طويل لم نلتقي قرابة العشرين عاما وبالله الصور سريع يا الطيب مع قناعتي انو الزمن ما بيهبش ماضي كتير لانه رياضي اضافة الى ان تخصصه يجعله محافظ !

(عدل بواسطة الطيب شيقوق on 01-12-2011, 05:47 AM)

Quote: كانت جلسة رائعة بحق وحقيقة.. فالشكر لك أخي الطيب.. ليته طال بقاء ماضي معنا لبعض الوقت لكي تتألق مسقط أكثر بوجوده بيننا..

Quote: لقد كانت جلسة رائعة بالفعل فلك الشكر الجزيل أخي شيقوق

Quote: مرحب بالاخ الكريم ماضى ابو العزائم ضيف عزيز وغال

Quote: وكيليكس سودانيز اونلاين (ماضي ابو العزائم)

Quote: ديل اسياد الخرطوم يا مسنوح

Quote: ديل اسياد الخرطوم يا مسنوح

(عدل بواسطة حيدر امين on 01-12-2011, 08:34 AM)

Quote: الامسية كانت جميلة لكن ود شيقوق كلفتنا سريع سريع والبلد كانت مليانه مناسبات

Quote: شيقوق مهندس (القعدة) (الذي قال شكرا بكري ابوبكر أن جعلت هذا ممكنا).

Quote: يطول عمرك وعمر بكري يا قسومة والله انجاز انساني عظيم

Quote: : يطول عمرك وعمر بكري يا قسومة والله انجاز انساني عظيم كسير تلج في البرد دا

Quote: ومداعبات أعمامنا ود الزاكي وعمار زكي

Quote: يا قسومة لو نحن أعمامك يبقى ود الخضر جدك ولا كيف؟؟

Quote: والله يا السني وحيدر وماضي... مشتاقين! كم دي.. 40 سنة؟

Quote: وحاتك تشوفهم ما تدي الواحد فيهم أكتر من 20 سنة بس. عينا باردة عليهم.

Quote: والله يا السني وحيدر وماضي... مشتاقين! كم دي.. 40 سنة؟

Quote: تقول لي عمو عمار وعمو ود الخضر وما عارف جدو ود شيقوق ياخي ديل ديناصورات عديييييييل كدا ....

Quote: يمين شيقوق كان داير ياكلو عديل!!

Quote: يا اخوانا على بالليمين انا من جلسة امبارح دي عرفت فرق ناس البندر من ناس الضهاري يا ناس الضهاري انتو امبارك تلعلعوا ساى بصوت عالي و فاكرين البيت التركي دا حقكم براكم وما عارفين الناس المجكسيــن في الجامبرس (Chambers ) المجاوراكم. مالكم ما شفتوا ناس ابو العزائم بتكلمو همسا حضاريا كيف ؟ لا يغلط عليك ولا ب###### يديك . هيييييييييييع ناس البندر بلاكم خربانة

Quote: تعرف ذكرتني صاحبي وصاحبك الفاضلابي يوم قال ليا نحنا ناس الضهاري ما بناكل عيش معاكم ده حالتو مطرف شوية من أتبرة!

Quote: ود شيقوق و الزملاء الاعزاء سلامي من خلالكم لود جدي ماضي فهو رجل بالجد يستحق الاحتفاء به و ما قصرتو يا ناس مسقط

Quote: دي بري وفي بري بري المحس رغم اني بحراوي تقيل الا ني افتخر بان والدي رحمة الله عليه ولد وتربي في بري المحس بعدين الجماعه ديل اختهم باشمهندس نجوي ابو العزائم صديقتنا ودفعتنا اتمني لهم ولها كل خير ديل اسياد الخرطوم يا مسنوح

Quote: ياالمسنوح ابعد عن ود قسومة الود قدرك ولا قدرك

Quote: دا اصلو جنس الجعلي الجاء يحلب غنمايتو ونطحتو وقام لصّق ليها كف تاااااااح وبعد حلبها طااب كبّ ليها اللبن في راسها قال ليها شوفي المحتاج لحليبك.

Quote: "يمين يوم قال ليا عند ود عماً ليهو إشترالو عجلة (رالي) وهو كان تعلمجي لسه. ركب العجلة قام وقع وإتظلط! تاني يوم الفاضلابي حلف قال ليا لقاهو خانق العجلة... كيف ترميهو وتظلطو؟" (أها الكلام ده ما سمعتو مني) باقي الزول صاحبي ده جعلتي وحقار بأولاد البندر

Quote: يا عمكـ .. الصور ح تكون في صفحة كم؟

Quote: الاستاذ عبدالمنعم خليفة (للحق كان هو المبادر و أحسبه تقصيرا من جانبي) الاستاذ أنور أدهم المحامي الاستاذ بابكر النور سأعود لهذه الشخصيات بشئ من التفصيل فهي تعني الوطن .. كل الوطن وليس (حي مسقط) فقط

Quote: وبمناسبة هذه الزيارة التاريخية، يسرنا أن نهدي ضيفنا الغالي هذه الصورة النادرة لعله يقر عينا بها وهو يرى حفيده (أحمد) يرتقي قمة المجد في ميدان الطب!

Quote: اها ان شاء الله اديتوه طلح

Quote: قبل شهر ونصف كنت في زيارة للدوحة وكان بصحبتي الدكتور جمال الماحي دخلنا على سوبر ماركت أعتقد إسمه Lulu أو لولو بالقرب من منطقة الغرافة وبمجرد دخلونا السوبر ماركت إلتقينا بأسرة سودانية بسم الله ما شاء الله رجل ومعه زوجته وأولاده ووالدة كبيرة أم زوجته كانت تحمل سبحة طويلة في يدها.. الدكتور جمال قال لي والله إلا نمشي نسلم على الحاجة الشايلة السبحة دي لأنها ذكرتني بأمي.. قلت ليه والله برضو بتذكرني بحبوبتي وأنحنا في الغربة فاقدين مقالدة الأمهات والحبوبات. تقدمنا ناحيتهم وسلمنا على الرجل وزوجته وبعدها أخذنا لينا مقالدة طويلة وعميقة من الحاجة دون أن تعرفنا وكانت تدعو لنا بإستمرار بأن يستر علينا الله ويوفقنا أشعرتنا بأننا فعلا وسط أهلنا. وبعد السؤال عن الحال والأحوال سألنا الرجل عن أسماءنا والتعارف بيننا. قال الرجل لي إسمك هذا ليس بغريب عليً.. ولما سألته عن إسمه قال لي: أنا إسمي ماضي أبوالعزائم! قلت له برضو إسمك ما غريب علي.. إنت ماضي أبو العزائم بتاع سودانيزأونلاين؟ قال لي: أيوه ياهو أنا ذاتي. تقالدنا من جديد والراجل سلم علي سلام حار شديد جدا. وكان أول عضو في سودانيز أونلاين إلتقي به صدفة في الدوحة. تحياتي الى الأخ ماضي أبوالعزائم وسعيد جدا باللقاء بكم على الواقع والتعرف عليكم.. وأرجو أن تبلغ تحياتي لأسرتكم الكريمة والى الحاجة أم زوجتك