جمهورية البطانة الديموقراطية

Quote: ويحدها من الشرق اتحاد جمهوريات البجا المستقلة ومن الشمال مملكة شندي ومن الغرب امبراطورية الخرطوم ومن الجنوب سلطنة الجزيرة. تعتمد في اقتصادها على سياحة الصيد (اي صيدة تقطع الحدود بالله ترجعوها يا جيران والله ما بنستحمل) وكذلك على الجمارك والضرائب على القاطع يمين وشمال لاننا واقعين في نص دول عندها علاقات تجارية واسعة مع بعض لكن ما عندهم حدود مشتركة يعني بجونا بجونا(بالمناسبة دي يا جماعة عندنا لوري شرد من الضريبة البلقاه عليكم الله يدينا خبر اللوري نمرتو ما عرفناها لكن مكتوب فوقو بالجنبة يا مسافر ادلا سيب السفر يلا وكان مهرب فحم). كما تعتمد في اقتصادها أيضا على تصدير مياه الحفاير للدول المجاورة لانه البحر بوراء "قطا" (للمابعرفوها يعني شح فهو شحيح) بعد قايم جمهورية الحسانية على النيل الابيض ببناء اكبر سد في العالم لتخزين مياه النيل الابيض وبعد قيام سلطنة الجزيرة ببناء سد مشابه. الاوضاع السياسية في البلد مستقرة عموماً ماعدا تمرد محدود يقوده المتمرد الطيب شيقوق والمشهور بشيقاوهو كل قصته انه زعلان شوية ما ادوه تعويض في واطاته. حسبنا الله ونعم الوكيل يالقسمتوا البلد والاتحاد السوفياتي بكل جبروته قسمته حتة دويلة اسمها لاتفيا انا متأكد انه ابو ساندرا وهو لابس النضارة في الاطلس مابشوفها.

Quote: يسعدنا أن نعلن نحن من جمهورية أم ضوابان (امضبان) سابقاً

Quote: بيان رقم 1 الجبهة الثورية لابناء الاقليم الاوسط كتائب ابناء و شباب المزارعين الي اهلنا الغبش في الاقليم الاوسط الي كافة مناهضي الظلم علي امتداد ما تبفي من ارض الوطن قامت طلائع ابنائكم بتوجيه انذار شديد اللهجة لقوي البغي يوم الخميس السادس من يناير 2011 عبر حرق خمسة الف فدان من القصب في المزارع المملوكة لشركة السكر السودانية الملحقة بمصنع سكر سنار في تأكيد مباشر علي قدرة كتائبنا علي انتزاع حقوق اهلنا بكافة الوسائل المتاحة. وتؤكد كتائب ابنائكم من خلال هذا الانذار ان التهميش المبرمج الذي تعرض له الاقليم لم يترك مجالا آخر غير المواجهة دفاعا عن الاقليم و ساكنيه و نعلنها واضحة ان كافة مظاهر البغي داخل الاقليم هي هدف مشروع لكتائبنا. لقد ظل الاقليم الاوسط عمقا اقتصاديا للبلاد منذ ان عرفت بشكلها الحديث و سبيلا لبلوغها الارتقاء و اللحاق بالامم حيث قدم آباءنا خيرة سنين عمرهم فلاحة للارض تأمينا لمستقبل البلاد اقتصاديا في مشاريع الجزيرة المروية و مشاريع النيل الابيض و امتداد المناقل والنيل الازرق و مشاريع الاصلاح في سنار , و ظل الاقليم الاوسط عمقا تأريخيا عبر مسيرة البلاد السياسية منذ عهد الدولة السنارية حيث انطلقت منه بشائر الوحدة الوطنية عبر تحالف الفونج و العبدلاب الاساس الاجتماعي لسودان اليوم و الذي نراه يتسلل من بين ايدينا لا لسبب سوي آحادية النظرة و ضيق الافق . و كان و مازال الاقليم الاوسط و ترابه مثالا للتعايش السلمي بين جميع ابناء السودان. ظللنا نراقب بمزيج من الدهشة و الغضب التخريب المتعمد لاكبر مشروع زراعي متكامل و افقارا مؤسس لجماهير مزارعيه عبر تكبيلهم بحبال الديون تمهيدا لانتزاع حواشاتهم و ظللنا نتمسح بشمائل الصبر بتجاهل سلطة المركز لآمال و احلام ابناء الاقليم و حقهم في العيش الكريم عبر التنمية المستدامة فلم تطال الاقليم غير سياسات الخصخصة غير المدروسة والتي حولت القومي من المشاريع الي اقطاع طفيلي يرهن مصير ابناء الاقليم في يد قلة من شركات لا يهمها سوي جمع المال دون الالتفات الي الدور التنموي المنوط بها و السعي عبرها الي النهوض بانسان الاقليم, و طال التردي كافة مناحي القطاع الخدمي بالاقليم فلم تسلم مؤسساتنا التعليمية و الصحية و الاجتماعية و استشري الفساد المالي و الاداري و تدني الاداء المهني لاختلال معايير الاختيار للخدمة العامة بعد دخول الولاء السياسي طرفا مما ادي اي تدمير كامل للخدمة المدنية و امتد التدهور ليشمل الاجهزة الامنية و العدلية و التي تحولت الي اجهزة للبطش و اداة للترويع بدلا من الدور الاجتماعي المرسوم لها و امتدت يد الفساد ولم تسلم منه حتي المنازل الحكومية . اهلنا في الاقليم الاوسط لقد استبشرتم بتوقيع اتفاق السلام في نيافاشا باعتباره البداية السليمة لرد الحقوق الي اهلها عبر اجراءات التحول الديمقراطي وصولا لانتخابات حرة ترجع الامر الي اصحابه ولكن زورت قوي البغي ارادتكم السياسية في تحد سافر وفرضت عليكم من هزمتوهم ديمقراطيا في امعان من الازدراء و الاستضعاف و تفسير خاطئ لصمتكم الصابر. لقد انطلقت شرارة ثورة استرداد الحقوق المهضومة في الاقليم الاوسط تقودها طلائع ابنائكم التي آلت علي نفسها منازلة قوي البغي و ستمتد يد الثورة بفضلكم لكل ذرة في تراب الاقليم انتم وقودها و انتم اساسها و جنودها فانتظموا في خلاياها , و نحذر في الوقت نفسه كافة اجهزة القمع البوليسية من المساس بشرفاء المزارعين و شبابهم و ابنائهم و اتخاذ هذا الانذار مطية لازلالهم و قمعهم كما نؤكد قدرتنا التامة علي تكرار الانذار في الوقت و المكان الذي نختار. ومع ايماننا التام بالتوجه القومي كمظلة للتعايش و الانتماء الا اننا نتمسك بحقنا الاقليمي باعتباره نقطة الارتكاز لانتزاع حقوقنا وندعوا باسم الجبهة الثورية كافة اهلنا للانتظام فيها اسوة ببقية اقاليم البلاد الاخري في الغرب و الشرق و الجنوب و الشمال و نؤكد عدم تقاطع دعوتنا مع طروحات القوي السياسية الديمقراطية بل امتداد طبيعي مبتعدين في الوقت نفسه عن العصبية العرقية متمسكين بارث الاقليم المعروف بتماسك نسيجه الاجتماعي. و انها لثورة حتي النصر. وليدم الاقليم الاوسط و لتدم عزة ابناءه ومعا لانتزاع حقوقنا الجبهة الثورية لابناء الاقليم الاوسط اعلام كتائب شباب و ابناء المزارعين- سنار التاسع من يناير 2011

Quote: يا عمك عايزين نعمل اخاء مع دولتكم

عبر الاسكي بي شاتها ب Reject والله مشتاقون يا فردة.

Quote: امشي ارفد زولك بتاع المراسم الملكية، رسلنا ليهو دعوة اخاء

Quote: وبعدين داير اقولك حاجة ان عندكم عشم في منطقة المقرن (جربوا لحسة كوعكم) وقواتكم المجهزينها دي (تحت جزمتي) وان بتعاينوا للناس الشردو منكم نسلمكم ليهم (والله كديس ما بنسلمكم ليهو) (سلم تسلم)

البطاحين ليكم تدربنا ..

ولاافتات من عينة .. محلية الفريخة تحذر عيال ابو سن للمرة الاخيرة ..

ابقو قدرها عاد

Quote: لن نذل ولن نهان .. والبطاحين ليكم تدربنا

عاد النوصيك اوعك من مازدا عليك بمورينهو والسير الكس وخلى بنات قبيلتك من هسي يجهزن مناحتك ، شايفك لميت واطاتنا جت والباقي داير يشيلو ود القاضي انتوا قايلنا الضلعة الرهيفة؟ امانة ما تشوفو جز، والمتمرد ود شيقوق انتو وهو حبابكم عشرة، وشايفك داير تلم طارق جبريل على حلفكم الجديد تحين استعدو والدم للركب،
والله بكتب وبضحك ياربي حيدر دي مناحتو يقولو فيها شنو؟ غايتو البنات مابلقن حاجة يقولهن فيك، لكن ما تخاف بنشوف لك رداحة مصرية والله تطلعك الاسكندر الاكبر

ود جبريل احذرك من الانضمام الى هذا الحلف وخليك عاقل وحاة الله ود الزين الا يودرك.

Quote: اوكامبو يصدر مذكرة توقيف دولية بحق ود شيقوق

(عدل بواسطة محمد عمر الفكي on 01-13-2011, 11:19 AM)

Quote: اتفقنا مع ابو رغيم بهناكـ ولتأسيس دويلات ذات مصالح مشتركة انه نجعل ارض البطانة مصيف ومتنفس لمواطني دولة الشمالية العظمي وامبراطورية اتبرا الوسطي

Quote: إذن هي الحرب ..!!

Quote: سلامات ود الفكى وضيوفو الكرام. ياود الفكى انا حبوبتى لأمى شغبة المرغمابية ,, ينفع آخد جنسية الدولة دى? كان عاوزين ضمين خالى ودالمحرب قاعد ,, وود شورانى برضو.

Quote: يرو بالكم يا شعوب امبراطورية اتبرا الوسطي وما جاورها من ممالك البجة والنوبة الكادر المفاوض بتاع البطاحين سعادتو / خالد المحرب .. عاوز يحنكم وياكل بعقلكم حلاوة. طحنية بلسانو الحلو و مكنتو المقسمة على خفيف لذا وجب الانتباه... واصلوا نضالكم ودعم حركات التمرد في جنوب شرق ديار البطانة بقيادة المناضل ود شيقوق حتي يرضخو للجلوس على الدائرة المستديرة دون قيد او شرط ودمتم لجنة اعلام دعم الحركات المتمردة - شعبة الامن الخارجي - بامبراطورية اتبرا الوسطى

Quote: انا عندي شكوى بسيطة مجلس الدفاع رفضتعيين وزير دفاع قالوا لي انت طولك 175 سم ونحن دايرين وزير يكون اطول من 180 سم، قلت ليهم ميسي ومارادونا الاتنين لو ركبهم فوق بعض ما بحصلوا طولي وجهجهوا دفاعات الدنيا دي كلها.