|
|
|
 Re: الجنوب والشمال .. خوّة الشلاليف والقلِب ما نضِيف (Re: Abdullah Idrees)
|
| Quote: ابلغ وصف للعلاقة بين الشمال والجنوب وربما الشمال وبعض الاقاليم الاخرى |
عبد الله إدريس
عارف لسة في خلافات ح تظهر علي السطح
حالما يتم الإنفصال
ح تشاهد سيناريوهات غريبة جداً و ح تطفح حقائق كانت خافية علينا كلنا
مع إنها موجودة ولم تخفيها إلا محاولات السِباكة السياسية .
قريباً جداً ستطفح مجاري التصريحات
| |
  
|
|
|
|
|
|
|
 Re: الجنوب والشمال .. خوّة الشلاليف والقلِب ما نضِيف (Re: قاسم المهداوى)
|
من الواسوق أبت تطلع
من الأبرول أبت تطلع
من الأقلام أبت تطلع
من المدفع طلع خازوق
خوازيق البلد زادت
يفيض النيل .. نحيض نحن
يظل حال البلد .. واقف
تقع محنة
ولا النيل القديم ياهو ... ولا يانا
نعاين فى الجروف تِنهد .. ولا يانا
رُقاب تمر الجدود تِنقَص .. ولا يانا
متين إيد الغُبُش تتمد
ولا قِدّام
تتِشْ عين الضلام بى الضو
تفرهِد شتلة لا هدّام
ولا فيضاً يفوت الحَد
عُقُب يا نيل تكون ياكا
ونكون أهل البلد بى الجد
| |
|
|
|
|
|
|
|
|
|
Re: الجنوب والشمال .. خوّة الشلاليف والقلِب ما نضِيف (Re: حبيب نورة)
|
حبيب الكل تحياتي
زمان كنا نقعد نتونس في ميدان الدافوري ونقعد نقطع وننم في خلق الله
وبعد شوية الناس البنقطع فيهم يكملوا يقوم واحد مننا يمشي نقوم نقطع فيهو
يقوم البعديهو يمشي ويقول عارففففكم حا تركبوني ركوب اول ما امشي بس عليكم الله خليكم حنينين شوية
وهكذا الى ان يفضل اخر اتنين وكل واحد فيهم خايف يمشي الاول فيقوم التاني يمدليهو لسانو ويلحس شلاليفو
عمري يا حبيب ما اعتقدت ولو للحظة بأن احد الطرفين صادقا في شأن الاتفاقية والحسنة الوحيدة كانت هي وقف نزيف الدم وهدر الارواح الشابة والشايبة .. لكن حتى الشلاليف كانت دائما مبوزة وممدودة لي قدام ولو حصل وانفرجت عن بياض اسنان فيا ابتسامة زااائفة او غيظ وكرّيج اسنان ...
| Quote: يا زول البِقت بِقت ولا داعي للبكاء علي اللبن المسكوب |
دا الكلام الصاح في الوقت دا ..
دمت يا حبيب ........ عليك الله ادينا اخبار المريخ من قاهرة المعز (اصلو ياهو الفضل لينا )
| |
|
|
|
|
|
|
|
|
|
Re: الجنوب والشمال .. خوّة الشلاليف والقلِب ما نضِيف (Re: Nazik Eltayeb)
|
ناذك الطيب
ياخي دي حاجة غريبة جداً
مع أن كل السيناريوهات كانت تؤكد الوصول إلي هذه الخاتمة
لكن سدّينا دي بي طينة ودي ذااااتة بي طينة
وبقينا منتظرين عصاية موسي عشان تفلق لينا البحر
ونوصل بر الأمان
وما كنا عارفين إنو ذات العالم يخلو من الأمان
غايتو شغلانة غيربة يا بت الطيب
سلام عليكي
| |
|
|
|
|
|
|
|
|
|
Re: الجنوب والشمال .. خوّة الشلاليف والقلِب ما نضِيف (Re: ABDELMAGID ABDELMAGID)
|
حبيبها كما نحن
خوة الشلاليف : ربما هي في كثير من الأحيان أقل من ذلك بكثير ، حتى في الشلاليف ما موجودة.
و لكن بالتأكيد القلب ما نضيف ( إلا من رحم ربي ) ...
لو قمنا بسرد قصص و مواقف لهذه المقولة لملأنا أضابير و أسفار.
في هذا البوست الذي تحاشاه الكثيرون من ( الشلافة ) على وزن خشامة ، جاء فيه :
الهوية : السوداني بين حر عبد و عبد حر: ( كلاكيت ثالث مرة )
صناعة سودانية تشكو البوار :
من اللافت للنظر هو إستعلاؤنا الذي يذكرني بذلك الطوق المغناطيسي الذي يلبسه بعض المطلوبين في أمريكا ليتم تحديد أماكن تواجدهم في نطاق معلوم للشرطة ، فلا يغادر لابس الطوق المكان المحدد له و إن حاول إختراق نطاقه فإن كل شرطة المنطقة تعلم بأمره .. فيعيدوه صاغراً.
و هذا ما كان من إمر إستعلائنا .. إستعلاءٌ لا يتجاوز حدودنا الجغرافية و جغرافيتنا البشرية ، لا تتعدى حدود التعامل داخل الوطن و لكن خارجه فإن جرس الزنوجة سرعان ما يتم تعليقه على رقابنا لتموسق رناته جنبات إنتمائنا اليتيم..
إستعلاء موغل في المحلية بينما ينهال علينا نفس الإستعلاء في كل الدولة العربية مهما حاولنا أن نلحق بآخر عربة في قطار العروبة و الذي يجعل كل الأنوف متساوية حتى و إن شابهتْ أنوف أصحاب الدماء الزرقاء.. حتى ( الحلبي ) منا هو عبد و لو توهج بياضاً أو وقف لونه نِدَّاً لألوان السادة و النخاسين.
و ستظل ساقية ( الشلافة ) دائرة إلى أن يقضي الله أمرا كان مفعولا
تحياتي حبيب نورة
| |
|
|
|
|
|
|
|
|
|
Re: الجنوب والشمال .. خوّة الشلاليف والقلِب ما نضِيف (Re: ابو جهينة)
|
Quote: اللافت للنظر هو إستعلاؤنا الذي يذكرني بذلك الطوق المغناطيسي الذي يلبسه بعض المطلوبين في أمريكا ليتم تحديد أماكن تواجدهم في نطاق معلوم للشرطة ، فلا يغادر لابس الطوق المكان المحدد له و إن حاول إختراق نطاقه فإن كل شرطة المنطقة تعلم بأمره .. فيعيدوه صاغراً.
و هذا ما كان من إمر إستعلائنا .. إستعلاءٌ لا يتجاوز حدودنا الجغرافية و جغرافيتنا البشرية ، لا تتعدى حدود التعامل داخل الوطن و لكن خارجه فإن جرس الزنوجة سرعان ما يتم تعليقه على رقابنا لتموسق رناته جنبات إنتمائنا اليتيم..
إستعلاء موغل في المحلية بينما ينهال علينا نفس الإستعلاء في كل الدولة العربية مهما حاولنا أن نلحق بآخر عربة في قطار العروبة و الذي يجعل كل الأنوف متساوية حتى و إن شابهتْ أنوف أصحاب الدماء الزرقاء.. حتى ( الحلبي ) منا هو عبد و لو توهج بياضاً أو وقف لونه نِدَّاً لألوان السادة و النخاسين.
|
الريس أبو جهينة تحية طيبة
لقد سبق أن تناولت هذا المشكل حسب وجهة نظري
ولكن للأسف أهتموا به الكثيرين من الناحية الأدبية فقط
ليقيني بأننا نستمرئ طعم الدواء وعشان نبلعوا إلا يلفوا لينا في عيشة
ويدونا وراهو كباية عصير
لكن برانا كده ما بنشرب الدواء إلا بعد أن يستفحل الأمر
ونكتشف أن الحقيقة أكثر مرارة
ياخ نحن مكوّن بشري غريب في سماحتو وأغرب في قبحو
تشكر يا ريس وأستمتعت كالعادة بمداخلاتك الطيبة
شكرن كتيرن !
| |
|
|
|
|
|
|
|
|
|
Re: الجنوب والشمال .. خوّة الشلاليف والقلِب ما نضِيف (Re: امير عوض الجمري)
|
| Quote: وهكذا الى ان يفضل اخر اتنين وكل واحد فيهم خايف يمشي الاول فيقوم التاني يمدليهو لسانو ويلحس شلاليفو |
شفت يا الجمري إنت لخصت القصة كيف !
فعلاً أهو فضلو آخر إتنين بمدّوا في لسانهم للبلد
عشان يضحكوا علي خيبتهم هم الإتنين
يا سيدي الدوام لله
أما عن أخبار المريخ
ف أمبارح أخبرني شاهد عيان قال إنو شاهد بعض اللعيبة
في شارع طلعت حرب جوار سينما مترو
خوفي يطلعوا من لعيبتنا
| |
|
|
|
|
|
|
|
|
|
Re: الجنوب والشمال .. خوّة الشلاليف والقلِب ما نضِيف (Re: حبيب نورة)
|
| Quote: فعلاً أهو فضلو آخر إتنين بمدّوا في لسانهم للبلد |
بالظظظظظظظظظظظظظظظظبط دا القصدتو بالظبط بالظبط يا حبيب ...
Quote: أما عن أخبار المريخ
ف أمبارح أخبرني شاهد عيان قال إنو شاهد بعض اللعيبة
في شارع طلعت حرب جوار سينما مترو
خوفي يطلعوا من لعيبتنا |
والمكان دا البخوّف فيهو شنو يا حبيب !!!
اوعة يكون من الامكنة البتشد العضلات ...
فتش على فاطمة بتاعت قناة قووون امكن تديك النجيضة وان كانت هي مهتمة باخبار الهلال اكتر
حسب انتمائها الشخصي وانتماء القناة ... وعشان ما نطلع من موضوع البوست خليها تورينا احساس اتير توماس شنو؟!
| |
|
|
|
|
|
|
|
|
|
Re: الجنوب والشمال .. خوّة الشلاليف والقلِب ما نضِيف (Re: امير عوض الجمري)
|
Quote:
فتش على فاطمة بتاعت قناة قووون امكن تديك النجيضة وان كانت هي مهتمة باخبار الهلال اكتر
حسب انتمائها الشخصي وانتماء القناة ... وعشان ما نطلع من موضوع البوست خليها تورينا احساس اتير توماس شنو؟!
|
هاهاهاهاها والله ضحكتني للمرة الأولي في هذا الصباح
بالظبط كده
أنا أقوم أعمل سيرش علي فطين وأشوف قصة إحساس أثير توماس
ونكون ما طلعنا خارج النص
برافو عليك
| |
|
|
|
|
|
|
|
|
|
Re: الجنوب والشمال .. خوّة الشلاليف والقلِب ما نضِيف (Re: حبيب نورة)
|
دا الكلام المفيد ...
Quote:
نحن ما فضل لينا إلا نتضارف علي ما تبقي من وطن !
|
كيف !؟
ما يكون برضو
| Quote: الجنوب والشمال .. خوّة الشلاليف والقلِب ما نضِيف |
مع استبدال الجنوب و الشمال بأي جهتين تانيات ... او أي كوبنيشن لجهتين من تباديل و توافيق القبل الاربعة !!؟
و ليه ما تتوحد القبل ذات لقبلة واحدة تسع الجميع ... و قيل قديماً النفوس كان اطايبت ... السودان ( الفضل ) دا بسع الجميع
الخوف انو تستمر خوّة الشلاليف والقلِب ما ينضف كلو كلو و لا بكلور ذاتو !!؟
التجربة التي لا تورث حكمتها تكرر نفسها في ملهاة جديدة
حليلو قبلو !!!
و حليلو هو ... الكان ( واحد ) مليون مربع ... و حليلنا نحن ذاتنا الراسنا انقطع ديل وبقينا ما عارفين دايرين شنو ؟ و لا عارفين نسوي شنو !!
حبيب نورة ازيك ياخ !؟
اشتري ليك بلد تحب فيها نورة دي
او شوف ليك حديقة عامة - ملح ساي - في دولة مجاورة
| |
|
|
|
|
|
|
|
|
|
Re: الجنوب والشمال .. خوّة الشلاليف والقلِب ما نضِيف (Re: قيقراوي)
|
قيقرة
باقي ليك لي الشي الشايفو ده بنتضارف علي ربع وطن ؟
خوفي كلو من سيناريو التجربة السوفيتية يتكرر عندنا ولو بصورة مصغرة
دارفور بي جهة و الشرق بي جهة
ونصحي من النوم نلاقي الخرطوم عاصمة أم درمان
أنا غايتو شليييق أكتر من عمر جنابو لما فتح بوست الترشيحات
بالطريقة دي بجيني ضغط ساهي يا قيقرة
تسلم لي ياخ
شكرن كتيرن!
| |
|
|
|
|
|
|
| |
حبيب نورة
معاوية عبيد الصائم
الشامي الحبر عبدالوهاب
Abdullah Idrees
Munir
صديق الموج
قاسم المهداوى
الوليد عمر
وليد عبد اللطيف
محمد علي شقدي
امير عوض الجمري
Nazik Eltayeb
ابو جهينة
قيقراوي
الفاتح ميرغني
فيس بوك
تويتر
انستقرام
يوتيوب
بنتيريست