كتب الكاتب الفاتح جبرا المتوفرة بمعرض الدوحة
|
Re: بورداب جدة رحبوا بي بينكم (Re: محمد عمر الفكي)
|
أوه محمد عمر الفكي
مرحب بك لاعبا رسميا وأساسيا في فريق بورداب جدة
مع أمنياتنا الصادقة لك بالتوفيق والنجاح في عملك الجديد
وليس لدينا أدنى شك بأنك ستكون إضافة حقيقية لهذا الفريق الشاب (ههههه)
| |
|
|
|
|
|
|
Re: بورداب جدة رحبوا بي بينكم (Re: جعفر محي الدين)
|
يا ابو احمد والله كتر خيرك، ما قصرت واتصلت على عم الشيخ وان شاء الله بنقضي تب. غايتو يا اب احمد غلبنا النسوي ليك والنسوي معاك قدرمانعاين فيهو نلقى نفسنا مطلوبين.
شيخ جعفر شاكر ليك الترحيب وشاكر قبلها للتوجيه والنصح.
غايتو كان فريقك دا ياهو فريق الناس البجو فطوركم السنوي والله دا فريق يونس شلبي وسمير غانم بتاع فيلم 4 - 4 - 2 احسن منهم.
| |
|
|
|
|
|
|
Re: بورداب جدة رحبوا بي بينكم (Re: اساسي)
|
الأخ محمد عمرالفكي مرحبا بك في عروس البحر الأحمر و نتمنى ان يطيب لك المقام بين اخوانك بورداب جدة على الأقل نكسبك ضد ود جبريل و السكن عليك بحي الصفا معقل السودانين و فول إبراهيم مع تحياتي
| |
|
|
|
|
|
|
Re: بورداب جدة رحبوا بي بينكم (Re: صلاح عثمان)
|
يا وليد شيخ جعفر دا راجل بركة وكتر خيره وربنا يقدرنا على رد جميله.
الاخ صلاح شكرا ليك وربنا يهون اساسي
Quote: بالرغم من انه جدة منورة بينا |
مشكور على الترحيب النون في "بينا" دي على ما اعتقد نون تفخيم وليس نون للجمع يعني جدة منورة بيك براك انت يا اخوي قايل رقبتك رشاد ولا شنو؟
| |
|
|
|
|
|
|
Re: بورداب جدة رحبوا بي بينكم (Re: محمد عمر الفكي)
|
ود الفكى يا صاحب مليون و 56 الف و122 مرحب رغم ما مقتنع بالمسالة لانو كم مرة قطعت وعد ولم تاتى
عموما يا عمك نحن منتظرين ..مرحب بيك فى جدة وطبعا النقلة ذات تاثير عالى فى كل التفاصيل.... جدة غير وغير تانى يلزمك كورس سياحى ومعرفى بالمنطقة ونعتبرك من فقراء مكة .....يعنى مجانى
اخوك فى الله (والوطن) رجل البر والاحسان و (التدريب) معاوية عبيد
للتنسيق يمكنك الاتصال بالسكرتير ود القاضى لو فاضى
| |
|
|
|
|
|
|
Re: بورداب جدة رحبوا بي بينكم (Re: محمد عمر الفكي)
|
اخونا محمد عمر الفكي ...سلامات ويامرحب بيك بينا ووسطنا ...
يازول بلد فيها ود القاضي لو جيتها مابتندم ..اشكر ربك وصلي ليل نهار لذلك ... المهم لو عندك قدرة بتاعة 50 الف ريال في السنة اشوف ليك شقة في نفس العمارة الانا فيها ...
يامحمد حاول تعال يوم الخميس لاسباب فنيه ...
نورتنا والله ...
| |
|
|
|
|
|
|
Re: بورداب جدة رحبوا بي بينكم (Re: فايزودالقاضي)
|
Quote: المهم لو عندك قدرة بتاعة 50 الف ريال في السنة اشوف ليك شقة في نفس العمارة الانا فيها |
مشكور يافايز يازول حقو تحمد ربنا انه انا لسه عائش؟ غايتو لقيت شماراتك خطيرة؟ انت يا اخوي انتينا ولا الفا ولا ساتلايت؟ شكيتك على الله. مشكور يا ود القاضي على الترحيب وبرضو على الخلعة الدخلتها في قلبي، يا اخوي انا مع ود الصائم. مشروع الخميس من هسي لو اساسي فيهو انا برة
| |
|
|
|
|
|
|
Re: بورداب جدة رحبوا بي بينكم (Re: محمد عمر الفكي)
|
Quote: مشروع الخميس من هسي لو اساسي فيهو انا برة |
يازول انت ماعايز تقيم في جدة ولا شنو ؟!!! كلامك ده قالوا السيدح قبل سنتين اساسي زعل ورجعه بدربه لمكه والى هذه اللحظة بجي بإذن من اساسي وبعد تحنيس مننا...انت عايز تسافر بالنقل الجماعي ولا شنو ظ!! ...امشي بوس يد عمك اساسي فهو رقم يستهان به ...
| |
|
|
|
|
|
|
Re: بورداب جدة رحبوا بي بينكم (Re: فايزودالقاضي)
|
لا حولا يا فايز انت ما تقول لي كدا وانا مستغرب السيدح اتاريه ساخطو"اساسي" كل يوم طالع من جبل ونازل من جبل والله قربت اشوف ليهو بنغالي يعمل له "كافتريا" في نص الطلعة يبرد فيها ويقوم
اساسي حبيبنا وزول ضميرو ابيض واخو اخوان "غايتو دا القاله لي خالد العطا" لكن زولكم دا يا فايز الايام دي شايفو متلح "السميرانوف"كتبتها صاح؟ اخوك الحاجات دي بسمع بها سمع بس. تعرف يا فايز شلت تلفون المدرسة من نصر الدين عثمان عشان اسجل الاولاد قالوا لي مافي طريقة في نص السنة الا تسجلهم بداية ابريل فحاكون مضطر لمدة شهر كامل اساسق من مكة لجدة وبالعكس وكمان ايجارين هنا وهناك ، لكن مافي مشكلة شايف ود الصائم التزم تب مافيها حاجة لو يجيني الصباح بدري فيى مكة والعصر يرجعني ولو جلى ود الصائم النشوف اساسي البتشكرو فيهو دا (على وزن نكتة المداحين سمعتها؟)
| |
|
|
|
|
|
|
Re: بورداب جدة رحبوا بي بينكم (Re: محمد عمر الفكي)
|
ود الفكي
مرحب بيك في جدة
بما ان مكان عملك في حي الحمراء تقريبا فيمكنك البحث عن شقة رخيصة تكون ثلاث غرف وحمامين ممكن تكون في حدود الاربعين الف ( بس ) في السنة ، وممكن ود القاضي يشوف ليك (راعي ) العمارة علشان يدفعك دفعتين وليست دفعة واحدة لظروف النقل المقدرة .
اها بالنسبة للمدارس فما شاء الله عليه الحي مليء بالمدارس ، وفي المتوسط المدارس بالنسبة لل KG بتكون من تسعة الى 11 الف في السنة ، اما بالنسبة لل GRAD فبتصل لحدت 18 الف في السنة
وإن شاء الله ما حد حوش
| |
|
|
|
|
|
|
Re: بورداب جدة رحبوا بي بينكم (Re: محمد العوض)
|
الاخ امير مشكور على الترحيب وكتر خيرك، غايتو انت وود القاضي بارقامكم دي حدكم معاي السلام عليكم وعليكم السلام يا ناس انتو بصحكم؟ 40 و 50 . الاخ محمد الخير شكرا لك بس خليني اطرق كرعي اصلو الناس ديل 90% من كورتهم برة الملعب والعشرة الباقية مدافرة.
| |
|
|
|
|
|
|
Re: بورداب جدة رحبوا بي بينكم (Re: محمد عمر الفكي)
|
مرحباً بك أخي محمد عمر الفكي..
ومن واقع مكان العمل ،، جغرافياً كدا... أرشحك للسكن في الرويس أو مشرفة أو بني مالك..
والرويس أقرب طبعاً..والعجب لو بقت عندك بنت في الابتدائي الحكومي..الابتدائية 18 بنات..حاجة كده....
ولو ولدك في الابتدائي حكومي.. عندك عمرو بن العاص خلفها طوالي..وأبوبكر الصديق حاجة ما تخلص..
لكن بتاتاً ما تفكر في الأندلس والحمراء والكلام دا..
أوعك..
خليك عافل طيب؟؟
حبابك تاني
| |
|
|
|
|
|
|
Re: بورداب جدة رحبوا بي بينكم (Re: محمد عمر الفكي)
|
النجم الصاعد محمد عمر الفكي ما دام موضوع المدارس اتحل وفيه فسحة لحدت أبريل موضوع السكن حيتحل إن شاء الله حنضرب ليك أكباد الكيبوردات في أصقاع النت ونجوب مواقع العقار الجداوية حتى نظفر لك بشقة محندقة وبت حلال
| |
|
|
|
|
|
|
|