كتب الكاتب الفاتح جبرا المتوفرة بمعرض الدوحة
|
Re: اثبت او اعتذر .. اتحداك يا كذاب ..الخ الخ لاب لاب (Re: HAIDER ALZAIN)
|
شخصيات المسرحية ..
البطل .. فارس جهبز صنديد .. يرتدي درعاً من صفيح مسبغاً فوق رداء من شوال ( خيش ) بعد ان افرغ ماكان به من فيتريتة وارد القضارف وتظهر اسفل رداء الخيش خطين احمرين متوازيين .. ويعتمر ( طنجرة ) كانها قلنسوة يظهر اعلاها سواد من سكن ( اللدايات ) التي يضع الطنجرة فوقها خلال اسفاره ورحلاته بين مضارب بني منافق وبني غنوص والكفرة والملاحدة في اقصي بلاد الشام.. ويحمل سيفاً خشبي تقلمَت جنباته من كثرة الضرب به على صفق العشر العراض .. يمتطي حماراً اتكعوجت كرعينه من الحمل الثقيل لهذا الفارس وادبر ( من الدبرة ) ضهره ورقبتو ( محوتة ) من كثرة ما هام بوجهه علي الارض في مطاردات فارسه الصنديد ..
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: HAIDER ALZAIN)
|
الفصل الاول ..
يدخل البطل في كامل زيه وعتاده الموصوف بالاعلي .. وهو يصيح :
أين القطط .. اين القطط ..
ثم يقول مستدركاً بصوت خفيض واضعاً يده بفمه بحركة مسرحية: ( سجممممي لكن انا ما فار .. داك الفار السكران البيقول كدة )
يضحك جمهور السابلة ضحكات مصطنعة متقاطعة .. وهم يصيحون :
ايوة انت ما فار انت ما فار ..
ينتفخ البطل قائلاً : نعم انا ما فار انا ما فار .. انا حامي حمي هذه الديار والمدافع عن ارثها وتقليدها .. أنا ما فار انا ما فار ..
يصيح جمهور السابلة وهم يهتفون : نعم نعم انت ما فار ..
يلوح البطل بسيفه الخشبي وهو يخطب : لتعلمو يا قوم اني لستُ بفار ولا فاراً من قتال انا الود كوشتينا وانتهي .. انا من يعيد للدين القه علي مر الزمن انا من يخلصكم من الغنوصيين والنافقين والمجتريين علي هذه الديار الطاهرة العامرة انا من يضع سيفه فوق هامة الاعداء .. انا من يقو .. انا .. الذ .. انا امـ ..إ .. إ ..هه
يختفي صوته رويداً رويداً مع صياح جمهور السابلة
كوشتينا .. كوشتينا .. البطل الزينا .. كوشتينا .. كوشتينا ..
مع الضرب علي الموائد
>>>> يغلق الستار <<<<<
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: HAIDER ALZAIN)
|
Quote: في هذه الاثناء يُسمع صياح وهرج ومرج ويظهر الود كوشتينا ممتطياً حماره شاهراً سيفه الخشبي وهو يصيح حيا علي الجهاد حيا علي القتال .. الله اكبر .. الله اكبر .. الله اكبر ولا نامت اعين بني علمان الله اكبر ان بني علمان يدنسون دياركم هذه الطاهرة |
حيدر الزين تحياتي صياح ياخي الديك بعوعي لصلات الصبح لكن نص النهار وبالليل دي جديد علي الديكه .
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: يوسف السماني يوسف)
|
Quote: ياخي الديك بعوعي لصلات الصبح لكن نص النهار وبالليل دي جديد علي الديكه . |
مرحبتين استاذنا يوسف ..
يازول والله ديكنا دا بيصيح في اي وقت .. دا ياهو زاتو الديك بتاع : لي ديكٌ حسن الصوت كان عيونه خرزٌ له في الشمس الوان وعند الفجر يوقظنا وطول اليوم شيطان
او القصيدة ..
الذاكرة مع المسرحيات دي راحت في حق الله تحياتي
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: HAIDER ALZAIN)
|
Quote: وهناك يخطب خطيب الحلة المفوه يقول : وماذا اذا لم يستطيع مجلس القبائل اجبار رئيس البلدية علي الاستقالة .. ارجو ان نتضامن ونكتب مذكرة شديدة اللهجة نوجهها لجميع حلفائنا من بني شايع بن زي رافض وقوم بني غنوص وحلف الكفار والملحدين لشمال شبه الجزيرة العربية وندعو مجلس التنوير والتبصير لتدخل |
ودالزين الراجل دا بقي مفيل حبة عندالزوم .
Quote: وماذا اذا لم يستطيع مجلس القبائل اجبار رئيس البلدية علي الاستقالة |
الراجل بقلب الطاولة تاني وبشك الورق لانة معاه شايب متصابي .
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: طارق جبريل)
|
حبيبنا ود جبريل
Quote: يا شقي الحال تديني تليفونات كلهن مضروبات
|
هو بعد الكلام القلتو لي دااااااك بديك تلفون صحي ... ابقي بيلو
ان بقي صحي بضربلهم واقول غيرو الرقم
تابعنا زيارتكم الميمونة انت والاقرع خال حمور زيادة... وشايف الخال امين جاب دخل الراجل برضو شايقي والا شنو هههههههه
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: ابراهيم قناوي)
|
يا دفعة قناوي .. تحية ومودة يا حبيبنا
Quote: والله مشغول بالامتحانات اليومين ديل
|
خلص وتعال عشان ما تركب في شخصية ف فتي من فتيان مضارب بني حرب في إعادة العرض والتمديد الطالب بيهو برلومك محمد قرشي
Quote: وتعيش رابطة كسلا زاتو |
كسلا يا كبيـــر .. ما كبرتو واتخرجتو واكلتو تسالينا ونسيتو لاباتنا ومكتباتنا وابو الهول بتاعنا وايامنا المفتوحة
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: عبد المنعم ابراهيم الحاج)
|
الله يرحمو يا منعم فقدنا شبابو يعوضو ربنا بالجنةوفقدنا ضحكتو
يوم داااك طبعاً القصة لو تذكر كانت - بارزني لو بتقدر كتبارز الفرسان - فلنخرج خارج اشجار هذه النشيشيبة حيث الخلاء ( ولنعتمر ) سيوفنا هههههه ---ويشهد قتالنا طائفة من النبلاء... تاني يوم الصباح لقيتو - له الرحمة - مع تونا يشرب قهوة ضححححك وهو بيتونس مع الشباب ويقول يعني شنو يسيل دم زول مكتسبو من الطماطم ما كلكم طلبة مفلسيين وضاربين طماطم بالدكوة يعني لو كنتو زي الحناكيش بتاكلوا في كافتيريا الاندلس كنتو حميتونا المشية
تتذكر حكاية دم الطماطم والدكوة يا منعم
له ارحمة وولدو عبد الرحمن شايل اسمو باذن الله
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: HAIDER ALZAIN)
|
تبا لك يا أخا العرب ..
لو أرباحي من المسرحية ما وصلتني على داير مليلم ..
حأتحالف مع الود كوشتينا و حنجي نغزو ديارك و نقطعك إربا إربا ..
بس عليك الله زيد فصل جديد ..
الغزوات بتاعة صاحبنا ده كترت اليومين ديل ..
بعين ..
Quote: ورغم انه مرات دواخله بتغلي لكن بيضحك
|
كضبا كاضب الزول الظريف ده أنا عارفو كويس .. ما عنده وقت يزعل من بغاث الطيور
و آدي طوبه .. ـــــــــــــــــــــــــــــــــــــــــ على جنبه : و لا أقول ليك .. مافي داعي
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: اشرف السر)
|
حيدر الزين تعرف أنا بسأل البطل بتاع مسرحيتك دا أصلا جايى عشان يعمل شنو..
افترضنا أنو جايى يثبت أن طريقه هو الصواب وماعداه باطل ولكن وجدناه حفر للباطل حفرة وغطس فيها..
قلنا محتمل عايز يهدى الناس للحق وجدناه يمتعض من الذين يعودون للحق..
قلنا إمكن عامل فيها جهاز كشف الكذب لقيناه هو ذات نفسو جهاز كذب كبير..
ياخى دا روبوت مبرمج ينسخ ويلزق ويضحك على من يفعلون ذلك..
يدلس ويقول ليك أنا شامى ريحة تدليس, تقول ليهو عاين تحتك امكن دى ريحة تدليسك يقول ليك لا أنا باكل سجق ومارتديلا مضاف ليها مسحوق خنافس أو صراصير عشان كدا تدليسى ريحتو أعفن من كدا.
تقول ليهو نان مادام تدليسك أعفن من كدا مالك ومال تدليس الناس التانين, يقول ليك نحنا بنتبع ضوابط شرعية فى ذلك.
ياخى أرجوك أرسم لينا صورة واضحة لبطل المسرحية دى يا خليهو مع الخيانة.
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: Balla Musa)
|
يا دكتور بلة... سلامات
Quote: تعرف أنا بسأل البطل بتاع مسرحيتك دا أصلا جايى عشان يعمل شنو..
|
يا رااجل انت جنيت والا شنو؟؟؟
كوشتينا لا يُسال عما يفعل...
كوشتينا تسمع ليهو بس وانت صاغر والا قسماً برب كوشتينا تكون واحد في اربعة اما كافر او ملحد او غنوصي اما منافق
غير ذلك فرضوانٌ من الله عليك وجنات نعيم
كوشتينا ظل الله في ارضه لعباده الدقوسات .. وما نورٌ يهديكم الا كوشتينا
اتبعو كوشتينا ايها القوم ولن تضلوا ابدا
واهو كوشتينا قال ليكم المارتديلا والسجق غلط... النشوف فيكم زول يلهط مارتديلا والا سجق تاني ان ما كلمتو يجي ينقر ريسانكم امدوقسة دي
ـــــــــــــ كوشتينا كوشتينا ... الفارس الزينا .. حالف ما يخلينا
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: اشرف السر)
|
ابو الشوش..
تباً لك اس عشرة مع مادتين عند احمد حمد
Quote: بعد اكمال الفصول حاجز النص دا.. "لفكة ريق".. نمشى نشتغل المسرحية في مسرح النشيشيبة..
|
بتعود الايام دي باقيلك .. في اجازتي الفاتت في الزواج جاني كمال طمام والصحابي الصادق معانا بالتلفونات .. يا الصحابي وينك يازول .. قال لي يازول قوم لف انا بقيت راسمالي وعندي اكبر محل اسبيرات في ربك ههه حق الله بق الله سالتو من موسي حسن .. قلت ليهو موسي المقطع ود ام ضريسة بتاع فكة ريق خبرو شنو ؟ قال لي ازداد تقطيعاً .. يازول ما اتخرج والا شنو .. قال لي لا اتخرج .. بس بقا استاذ .. ومؤلف بتاع كتب وروايات وحركات الادباء دي بتاع مداخل الخروج وتتنسمين شفيفاً شفيفاً عبر مسامات جلدي الا ان القمر ناظرك وهو يحكي لي..
على وعد بزيارة الاخوان في فبراير دا..
بعدين يا مفتري دي حاجة لفكة ريق ... فكة ريق دي كانت فكة ريق بالجد ...
المودة لكل الايام الحلوة
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: محمد قرشي عباس)
|
Quote: بس عليك الله زيد فصل جديد ..
الغزوات بتاعة صاحبنا ده كترت اليومين ديل ..
|
حبيبنا ابو النا ....
انا قلت في البداية خمسة فصول... ثم شفت غزوة ذات الخنافس قلت اضيف فصل جديد ثم رايت غزوة بني جمهور قلت فصل جديد ثم ثم لقيت نفسي لو باريت الزول دا بيبقي اطول من بوست بلير بتاع العجائب داك ... لانو دا برضو عجيبة
غايتو بنشوف الاضافة ممكن تبقي كم.. وحقك يطلع ليك من ارباح الفصول الزيادة
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: HAIDER ALZAIN)
|
الفصل الرابع
خلاء ممتد تظهر به شجرة دوم وحيدة يجلس في ظلها الود كوشتينا وهو يشذب سيفه الخشبي بعد ان زادت ثلماته من كثرة الضرب على صفق العشر بأحد خيران مضارب بني علمان الخلفية في غزوته الاخيرة في واحدة من هيجاناته الجهادية المعروفة .. وبجانبه منشة الذباب يستعملها مرة تلو الاخري ليضرب بعنف على جانب وجهه وبؤخرة عنقه اسراب الذباب المتراكمة على دهن ( ضبٍ صحراوي غليظ ) يسيل من الطنجرة التي نسي - بعد ان طبخ بها ادام من لحم الضب ثم وضعها كقلنسوة دون ان يغسلها .. يدخل الزميل جودة مرتدياً زيه السابق وممسكاً بسيجارته ..
السلام عليكم ورحمة الله تعالي وبركاته ايها الاسد الهزبر والفارس الصنديد يرد الود كوستينا - بتكشيرة - : اهلاً وسهلاً يبتسم الزميل جودة ولا يجاريه بتكشيرته بل يبسط وجهه بابتسامة عريضة متسائلاً : في شنو يا عالمنا الجليل وشيخنا العظيم وفارسنا حامي الحمي والدين .. مالك يامولانا سمعتو والا جابوهو ليك .. شايفك اليوم داك بتحدر لي مع الغنوصي وتقول اصبر !! الود كوشتينا : اولاً وقبل كل شئ ارمي السيجارة الضارة دي .. ثم الم تعلم ان تواجدك بخيمة الغنوصي وبديار بني غنوص يدخلك دايرة الشك ويضعك تحت طائلة سيفي هذا .. ويهزّ سيفه .. ثم يتدارك ذلك ( برصعة ) قوية من منشة الذباب علي وجهه .. يكتم الزميل جودة ضحكة وهو يقول : طيب يا ابو الفوارس يعني كدة ؟ صدقني ما كنت عارف انه ديار بني غنوص من ضمن مضارب اعداء الدين ومن اعلنت عنهم الجهاد .. وماذا فعل الغنوصي - ثكلته امه ؟؟! ثم يلتفت الزميل جودة ليضحك بعيداً قبل ان يجيبه الود كوشتينا ياتي الود الظريف ولذيذ راكباً بعيره : السلام عليكم ورحمة الله تعالي وبركاته ايها الاخوة .. يشيح الود كوشتينا بوجهه عنه .. فينيخ الود الظريف ولذيذ بعيره وينزل ..! يخاطب الود كوشتينا : ههههه شنو يا معلم انت ها ها ها تجي تملاني كوراك وحي علي الجهاد حي على القتال بديار بني علمان وقت امشي عشان اشوف الحاصل واقاتل القاك يا فردة هههه القاك نازل لي في خيران الحلة وواقع في العُشر خبت هاهاهاها هههههه الزميل جودة : انا سمعت في اخبار اذاعة جهينة انه مضارب بني علمان اصابها الزحف الصحراوي بسبب ازالة الغطاء النباتي عقب غزوة الود كوشتينا الاخيرة هههههههه الود الظريف ولذيذ : مش كدة وبس يا زميل قالوا بعد البعوض والنمتي كمان بقي عنده جنس دااااك يا الضبان هههههه والسبب كترة حلل مُلاح الضب ههههه البيشدها عمك كوشتينا دا احتفالاً بدحره لبني علمان وانتصاره الكبير ههههه الزميل جودة : ايوة ايوة سمعت انه عدم الصحراء الضب ... وقع فيهم فجخ يفجخ الضب ويظبطو في طنجرته وبعدين يقلبها في راسه ... قرقرقرقرقر في هذا الاثناء كان الود كوشتينا منشغلاً عنهم بضرب ما الذباب المتجمع علي وجهه وملاحظة ضبٍ صحراوي سمين كان يمُد لسانه من حفرة قريبة .. واصبح كوشتينا يفكر بينما يهش باقي الذباب ..
يا ربي الضب دا الواحد ما ممكن يطلع منه سجق ؟؟؟
>>>>> ستار <<<<<<<
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: HAIDER ALZAIN)
|
حيدر
Quote: في اجازتي الفاتت في الزواج جاني كمال طمام والصحابي الصادق معانا بالتلفونات
|
إنت مازولي تب .. ديل ياهم شلتي (Dirty Dozen) زي ما سمانا الصادق أخو محسن خالد .. !!
و موسى الشين بقى أبو لوليدات و مربي أجيال فاضل و كده !! لحدي أسي بنتواصل بالتلفونات ..
غايتو الدنيا ضيقة
مودتي ـــــــــــــــــــــــــــــــــــــــــ ماتهمل البوست بتاع الإلهام الأول .. صاحبنا لسه بيقطع العشر فيهو
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: HAIDER ALZAIN)
|
الفصل الخامس
غزوة ذات الخنافس
إضاءة خفيفة .. مع صوت مؤذن في الخلفية .. ضوء قمر ينعكس على وجه الفارس كوشتينا حاسر الرأس باين الصلع وهو يصب الماء من الابريق الفخاري يهمهم مُحدثاً نفسه : والله انا بعد غزواتي والكر والدحر لقوم بني علمان ومن شايعهم من بني غنوص وكافر بن ملحد ديل وقومتي في البرد دا لصلاة الصبح لو ما دخلت الجنة تبقي مشكلة ..! يازول باذن الله بدخلها مُش انا تبع الفرقة الناجيــة .. تُف تُف . تُف تُف .. دا شنو دا ؟؟ الدخل خشمي من الابريق دا شنو ؟؟ يمسك شئ بيده .. تتركز الاضاءة على يده وهو يقربها من عينه .. سجمممممي خنفسانة !!!!
قاتلك الله أيها الابريق يا ماعون الشيطان يا مهترئ .. يا مسكن الشيطان و[red]الخنافس تا لله لاعلن الجهاد عليكم انت والخنافس ..
تغمر الاضاءة خشبة المسرح بشروق الشمس .. يمتطي الفارس كوشتينا حماره مع كامل عتاده الحربي المميز .. ويقف خطيباً في ديار بني ضهبان المجلي وهو رافعاً ابريقه للاعلي وبيده خنفساء حمراء فاقع لونها تسر الناظرين بينما يقف الزميل جودة في الخلف يمزمز سيجارته : يا ايها القوم .. اسمعو وخلو اضنينكم طشاته وعيونكم فناجين .. انني من موقفي هذا بيومي هذا في ساعتي هذه قد منعتكم من استخدام الابريق الفخاري واكل التسالي ورقاد المجاري وسك اللواري وسواقة العجلة سداري ..و... يهتف القوم : ثم ماذا يا كوشتينا!! قال : وحفر الواطة بالطواري .. والسجق واللحمة العجالي ..
>>>>ستــار <<<<
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: HAIDER ALZAIN)
|
ود الزين
سلامات كتيرة..
حدثني من اثق بحديه، ان صاحب رواية (الخ لاب لاب ) هذا، انه درس في صباه الباكر فن الرواية علي يد الشيخ / اسامة بن انور عكاشة ،ومن ثم انتقل الي ما وراء مكناس، طلبا للعلم من فقيهها ومفتيها (سيربانتس) ، وتقول روايات اخري بانه قبل ذلك اختلف الي حلاقات الشيخ / سيد القمني لبعض الوقت، الأمر الذي اكسبه البيان، ورفع كثيرا من سلاطة اللسان.. والله اعلم.
اقول قولي هذا وادعو لكم بالتحايا والعرفان.
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: جمال المنصوري)
|
Quote: بعد اكمال الفصول حاجز النص دا.. "لفكة ريق".. نمشى نشتغل المسرحية في مسرح النشيشيبة.. |
اما زالت هذة الحسناء كسابق عهدها نضيرة بهية ممشوقة القوام حينما تلجها تتلفت يمنة ويسرة بين جنبات الطريق يتسامر الاحباب او ينعرج بك الطريق الي اركان النقاش وهي تتوسد الكافتريا او ينعرج بك الطريق اخر الداخليات حيث الصخب والضجيج ولعب الكوتشينة والغناء وشلة الطرب والعود يدغدع المشاعر .كانت لي فيها ايام جميلة وربطتني علائق حميمة باصدقاء كثر من طلاب الدفعة الثامنة والتاسعة والعاشرة ومنهم ظريف القوم ابوالنوم ود.عماد رئيس رابطة طلاب كوستي انذاك وايهاب ومفيد و ابوعاقلة الهادي وطارق اولاد اقتصاد وكثيرون لم تسعفني الذاكرة ياودالزين واشرف
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: يوسف السماني يوسف)
|
Quote: كانت لي فيها ايام جميلة وربطتني علائق حميمة باصدقاء كثر من طلاب الدفعة الثامنة والتاسعة والعاشرة ومنهم ظريف القوم ابوالنوم |
ياسلام يا يوسف يا سماني.. بالله ربطتك علاقة بالاسطورة ابو النوم !!
دا طبعاص ليهو حكاوي وحكاوي تتناقلها الدفعات دفعة عن دفعة.. اتشرفت بمعرفة بعض افراد الدفعة العاشرة الكانوا خريجين وقت دخلنا دنيا البرلمة .. وحضرنا بعض العهد الذهبي للجامعة الاندثر من اتخرجوا ناس الدفعة الاتناشر..
لك ولكل خريجي الجزيرة التحايا
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: جمال المنصوري)
|
هلا بحبيبنا المنصوري ..
اما انا فقد وصلني حديث متواتر عن شيخنا ابو الرقيع ود ابرق عن شيخه العطاء بن مانع الدين قال حدثنا الجربان بن ام المكروشة المنبرش انه قال ( كنتُ بنواحي ديرة بني مجلود المنبطح .. فإذا بغلامٌ لم يبلغ الحلم بعد تلوح بعينيه سمات العُته والجنون وهو يُطارد تيساً لبني شتمان بن بذئ الاحمق يريد ان يحلبه .. والقوم ينهونه ويحاولون ان ان يبنو له ان التيوس لاتُصرّ ولا تُحلب .. بل خُلقت لغير ذلك وهو لا يلتفت لهم بل سادراً في طلاشته وعتهِه) .. قال : ثم انه زارني بعد مضي سنون عددا - احسبه قال خمسة عشرا او عشرين لا اذكر - زارني الشيخ المضعضع بني ذي الرمة الكهنة .. فجلسنا نتحادث ساعة من زمن ونفتكر احوال الحمق والمتاخرين .. فقال لي انه ظهر بديرة بني مجلود المنبطح متكهن يزعم ان المِعوز والبعران تحادثه .. وانه يتحول ليلاً الي بوم اغبش يحلق في اعنان السماء .. وقد جلسنا نناصحه زمناً طويلاً فلم يستجب لنُصح ناصحٍ .. قال فمكثت غير قليل ثم زرت ديار بني مجلود المنبطح فوقفت على ما قاله في شان هذا الشخص .. فوالله ماهي الا هنيهة الا وقد ادركت ان هذا الرجل ماهو الا صاحبي الغلام حلاب التيس .. يقول ( فسبحان الله كل شخص يكبر عتهه معه ويتغير بتغير الاحوال والازمان )
نسأل الله ان يلطف بنا ..
مع خالص المحبة
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: HAIDER ALZAIN)
|
روى لي الامام العارف بمكان العضة النضيفة انه كان في صحبة الشيخ الناشف منزوع اللحم عن عظم وجهه ابن عدم الاستحياء بن مراق ماء الوجهه فحضرتهم صلاة الجمعة في احد الاحياء قال: فقدمت الشيخ الناشف منزوع عظم وجهه للصلاة فصلي بنا الجمعة اربعة ركعات ولم يخطب فقلت له يا شيخنا اما تري اننا هنا ستون رجلاً او مايزيد فلماذا تُصلي بنا الجمعة ظهراً؟ فقال لي : يا ابن اخي اما تري ان هؤلاء الستون رجلاً ماهم الا عبيد ولقطاء ما خلانا نحن؟ فكيف يستقيم لك صلاة جامعة ليوم عظيم كيوم الجمعة هذا مع عبدٍ في صف واحد ؟؟
قال فتوحسبت في سري وسكتت وانا اناظر البلاك بيري في يده يشتات به
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: HAIDER ALZAIN)
|
الفصل السابع
كوشتينا يتنفس الصعداء
مشهد يُظهر داخل خيمة من وبر الابل .. عليها شعار يبين انها هدية من بوادي بني اميركوس المتحدة مع بعضها بوثاق لا انفصام له .. بباب الخيمة شوال دقيق يظهر من شعاره انه هدية من ريغان ابن العم سام بن اميركوس زعيم قبائل بي اميركوس المتحديين وقد قدموه اغاثة لقبائل الضهبان بن المقنطر الضفيرة اللذين وجد الود كوشتينا مرتعا خصيب له .. في اقصي الخيمة حصير مفروش يجلس عليه كوشتبنا وظهره للحائط وامامه قلنسوته وقت وضع فيها حبات من فيشار يظهر من علبته الفارغة امامه انه ايضاص هدية من بني اميركوس .. وبجانبه قطعة من رداءه الخيشي بعد ان مزق جزء منه ووضع عليه حبات من ( شيبس ) محمصة جيداً ودلق بعضا من كاتشب ومايونيز للاستطعام.. يقابله جدار عليه تلفزيون بلازما 14 بوصة فقط .. لا يرى المشاهدون ما عليه لكن الود كوشتينا يري رغم بعد المسافة.. وما لا يراه او يسمعه يتمو خيال ..: الود كوشتينا معلقاً لحديث مزيع قناة جهينة الاخبارية: الله لينا .. الحين بقيت تقول الله يا رئيس بلدية بني برشا بعد طحت في الهاوية يمين بالله هدولا الابراش رجالة .. يقول مزيع قناة جهينة الاخبارية خبراً مفاده ان سخلة وقعت من اعلي جبل في ديار بني النجار وقد اعتبر البعض سقوطها انتحاراً لعدم توفر العشب الاخضر في جبل بني النجار.. الود كوشتينا : اااي والله ماهو بانتحار كيف يعني سخلة بتنتحر .. السخول اساساً ما بتعرف العشب الاخضر الطيب من اكياس زبالة ام مريوم البذّارة .. قال انتحار قال.. يقلب الريموت.. يظهر مُلتحي في قناة البسوس وهو يقول.. لا .. لا .. هذه السخلة ما انتحرت .. السخلة اساسا ما عارفة مكان العشب الاخضر الطيب .. ولو لقت كيس ما كانت انتحرت .. السخلة زعلانة عشان الاعمش ود ابو النجار زعيم قبيلة بني النجار ضبح امها قبال تتم الرضاعة ودا سبب رميها لنفسها من اعلي الجبل كوشتينا : خِرطي انت ؟؟ ما تعرف الفرق بين الانتحار والاحتجاج .. تُف عليك .. والله هي منتحرة ودا ضد تقاليد واخلاق السخول والتيوس.. بالله شوف هدااك اليوم نعجة فطومة ضبحو ويلدها قدامها ما قالت شئ الحين انتا تقول هذا ماهو بانتحار .. روح قبح الله هااي الدقن.. يقلب القناة بالريموت كنترول : مزيع بقناة بني النجار الرسمية .. هذا وقد اعلن الاعمش ود ابو النجار انه سيعفي جميع سخول ومعيز ونعاج بني النجار من الحلب اليومي .. واي تيس متضايق من حتة انه يحلبوهو دي برضو بنعفاهو .. وقد اعلن الاعمش ود ابو النجار انه لو في تيس في جميع مضارب وبوادي العالم زعلان من انه قاعدين يحلبوهو فمضاربنا مفتوحة ليهو يجينا هنا لن نحلبه ولا حد سيلمسه البتة.. يكرع كوكاكولا من ينابيعنا الصافية ويضرب بروستد الارنب الجائع وينوم قفا .. والله من وراء القصد ..زعيمكم الاعمش ود ابو النجار الاممي زعيم كل القبائل وتيوس الخلا..
الود كوشتينا:
ااااااااااااه اخيراً الواحد يرتاح من الحلب ومن صحيان الصباح بدري.. إلي بحماري فديار بني النجار تناديني
>>>>>>> ستـــار <<<<
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: HAIDER ALZAIN)
|
قال لي من اثق به... انه عمل اجيراً لدي عباس بن فرناس قبل ان يعمل عملته المهببة ويحاول الطيران قال : ان عباس بن فرناس كان المعي وذكي .. حفظ القران وهو ابن السابعة .. ودرس الفقه والتجويد على يد شيخه الطاير المنفرد الجناح وقد قرأ شي من علوم السيرة والتجويد بقراءة فاهم بن لحنان من قراء المدينة المفقودة واخبرني بانه عند جلوسه مع عباس بن فرناس حاول ان يشرح له بان الطيران والجري مع كرعينو الطوال ديل ما بيتلقن ..! وانه احسن ليهو يسابق الحصين زي ماكان شيبوب اخو عنترة بيعمل بل اوصاهو وصية خاصة انه يفتح حلبة سباق في ضاحية ديار بني طيرة تُحاكي حلبة ديار بني حاكو حاكو وبكدة ممكن يكسب اجرين الاول انه ينافس بني حاكو حاكو والتانية انه يجري بكرعيهو زي شيبوب واحد
قال محدثي: فلم البث الا شهرين تزيد او تقل فأتاني نعي ابن فرناس وهو متوفي بعد اصطدامه بجدار فولاذي بحلقة ليشبونة للطيران سريع السرعة وللآن لم افهم هل كان حقاً مركي تيربو لسيارته السوبارو ام كانت هيونداي مضروبة من وكالة المجدوعي!!!!
وللحديث بقية
| |
|
|
|
|
|
|
Re: اثبت او اعتذر .. اتحداك يا كذاب ..الخ الخ لاب لاب (Re: HAIDER ALZAIN)
|
Quote: أنا ما بعرف يا حُرمة ولا عاوز اعرف ..انا كلمتك ممنوع تقدمي لحم الضان والماعز والحاشي للناس دي لانه مضر بالصحة .. ممنوع الكوارع لانه بتعمل كرش .. ممنوع البصل والتوم وحلاوة طحينيةهذه بامر سلطات البلدية لانها غير صحية .. ممنوع الاكل والشراب في حد ذاتو لانه بيلهيكم عن جهاد بني ليبرال وبني شيوع ومن لف لفهم .. وكان لابد ان تأكلوا فاكثرو من الدوم والنبق والعرديب ومصو عليهم قرض .. واذا اردتم تحلية فعليكم بحلاوة لكوم وحلاوة قصب .. مع اباحة السمسمية بعد تذويبها في الماء ..
|
حيدر الزين
تحية طيبة
سرد جميل احتاج ان اضعه مع بعض
وحكي لطيف انتظر نهاية العرض
لك الشكر
دي مسرحية وممكن تتمثل عموما في انتظارك
| |
|
|
|
|
|
|
|