|
Re: انا شامي ريحة وحدة (Re: jini)
|
Quote: انفصال يسير بذكره الركبان والجنوبيين الذين رجعوا الجنوب! كامبرا خفية ولا الخروج الكبير لتاع سيدنا موسى! جنى |
جني ياحيدر
عشان الحبكة تكتمل لازم تكون الدراما مكتملة والمشكلة شنو يمشوا ويرجعوا بالسلامة وكلوا مدفوع ودي طبعا مابتفوت عليك انت
تحياتي
زاتوووو
| |
|
|
|
|
|
|
Re: انا شامي ريحة وحدة (Re: nazar hussien)
|
Quote: انا شامي ريحة وحدة |
وأنا كمان،،
ويسمع منك رب العباد،،
المؤتمر الوطني والحركة الشعبية فشلوا في إدارة دولة واحدة يقوموا يدوهم دولتين؟؟
الوحدة هي أهون السناريوهات لهذه الدولة الفقيرة!!
مازلت عند رأيي : أعطوا السلام فرصة ياناس وخلوا الجشع!!! بلا ثروة بلا كضب معاكم،،
| |
|
|
|
|
|
|
Re: انا شامي ريحة وحدة (Re: السيد المسلمي)
|
Quote: أتمني ألا تكون مصاباً بالزكام ! لوووووووول |
السيد المسلمي
بي امانة عندي لوز وبستعمل مضادات حيوية لكن النخرة شغالة كويس
غايتو لو الموضوع زبط 2011 ح تستلموا المنبر على حسابكم لوووووووولز
وهذا مربط الفرس
تحياتي
زاتوووو
| |
|
|
|
|
|
|
Re: انا شامي ريحة وحدة (Re: nazar hussien)
|
Quote: والله الا تاني تشمها في فتيل في سعد قشرة...
هسي بتطلع موضة...... |
يانزار ياخي ان شاء الله نشمها ونتمسح بيها قول يارب بس قالوا باقي دقيقة وسلفا بجيبا
تحياتي
زاتوووو
| |
|
|
|
|
|
|
Re: انا شامي ريحة وحدة (Re: نجاة محمد بابكر)
|
Quote: انا برضو شامة وقبل كدة كتبت بوست لكن مافى زول صدقنى
كويس لقيت لى زول متفائل معاى |
الاخت نجاة
انت ليست كبقية النساء لووولز غايتو الموضوع لو طلع انفلونزا ح يلقبونا بي شامة وشمام لووولز
نتنمى ان يكون ذلك ممكننا
تحياتي
زاتوووو
| |
|
|
|
|
|
|
Re: انا شامي ريحة وحدة (Re: نجاة محمد بابكر)
|
Quote: لا الجتوبيين لا امريكا لا الغرب لا اسرائيل لا كينيا لا يوغندا سبسمحون بوحدة جنى |
طيب النقة فى الحكومة لزومها شنو ? اصلها دى حكومة ولا المريخ برئاسة الوالى عشان تقابل البلاوى دى كلهامضافا اليها المعارضة الزى رادى ود حسب الله دى.
رادى ود حسب الله ده مرتو قالت مابيعرف يغنى.
| |
|
|
|
|
|
|
Re: انا شامي ريحة وحدة (Re: ناذر محمد الخليفة)
|
Quote:
بي امانة عندي لوز وبستعمل مضادات حيوية لكن النخرة شغالة كويس
|
عليك بمراجعة حكيم انف اذن وحنجرة مجتهد
لم اكن متاكد من الانفصال كما اليوم وانا استمع لخطاب البشير في جوبا
يمكن شامي ريحة وحدة بفتح الحاء؟؟
| |
|
|
|
|
|
|
Re: انا شامي ريحة وحدة (Re: جمال الباقر)
|
Quote:
عليك بمراجعة حكيم انف اذن وحنجرة مجتهد
لم اكن متاكد من الانفصال كما اليوم وانا استمع لخطاب البشير في جوبا
يمكن شامي ريحة وحدة بفتح الحاء؟؟ ¿ |
العزيز جمال الباقر
المضادات الحيوية باستشارة طبيب الاي ان تي
بالكسرة بالفتحه اهم شئ تكون جاذبة او جذابة في حالة اصرارك على الفتح
تحياتي
زاتوووو
| |
|
|
|
|
|
|
Re: انا شامي ريحة وحدة (Re: عبدالعزيز الفاضلابى)
|
العزيز الفاضلابي
الحكومة من قولة تيت قالت امريكا روسيا قد دنا عزابها ودي في التاريخ الحديث ماموجودة لانو البيكون عدو لي امريكا بيكون حليف لي روسيا لكن نحن ناسنا عايزين يضربوالاتنين بي درابة
بعد داك جات حرب الخليج والسودان اعلن الحياد لكن كانت حرب يا ابيض يا اسود مافي لون رمادي اها كل الحاجات دي صبت عكس تيار الحكومة الجديدة وكانت اختبارات صعبة للغاية خسرت بموجبها الحكومة الدول العظمى والعربية
ومن ديك الجماعة خاتين السودان في راسهم يعني افرازات عشرين سنة
تحياتي
زاتوووو
| |
|
|
|
|
|
|
Re: انا شامي ريحة وحدة (Re: Tragie Mustafa)
|
ام حازم
كل سنة وانتي طيبة
حقيقة كل الناس اعتمدوا نتيجة الانفصال قبل بداية عملية التصويت للاستفتاء والسبب هو تعالي الاطراف الشمالية والجنوبية كل واحد فيهم عامل الموضوع ماهاميهو لكن اذا انفصل لاقدر الله سوف تظهر جوانب كثيرة لم تكن بالحسبان بالنسبة للطرفين ، ما اضحكني في موقف مبكي قرات مقالا وفي المقال قرات ان ولاية الوحدة تصوت للانفصال واكتر من كده اييه والشينة منكورة كل واحد يحاول يرمي اسباب الانفصال للاخر الحركة الشعبية والمؤتمر الوطني والمعارضة كل واحد يقول التاني هو السبب
ان شاء الله يعيدو ليك احتفال الاستقلال مرة تانية بمناسبة الوحدة
تحياتي كما تعلمين
زاتوووو
| |
|
|
|
|
|
|
Re: انا شامي ريحة وحدة (Re: ALZOLZATOO)
|
Quote: غزوة ذات الخجّة part two ,ولا كيف؟
تحياتى |
الموضوع كلو في يد الحركة الشعبية لو عاوزين وحده او انفصال وكانت نتيجة الاستفتاء عكس مايتوقعونه فتاكد ان غزوة ذات الخجة تتجه جنوبا مش كده
تحياتي
زاتوووو
| |
|
|
|
|
|
|
Re: انا شامي ريحة وحدة (Re: ALZOLZATOO)
|
خلينا من الأحاديث القديمه دي يازاتووو ...وحده دي تاني الا تشيفي في كتاب التاريخ
رايك شنو في ضربة المعلم بتاعة (بشبش)(إسم الدلع بتاع الريس) حقة أمس دي ؟
| |
|
|
|
|
|
|
Re: انا شامي ريحة وحدة (Re: أمير فتحي)
|
Quote: خلينا من الأحاديث القديمه دي يازاتووو ...وحده دي تاني الا تشيفي في كتاب التاريخ
رايك شنو في ضربة المعلم بتاعة (بشبش)(إسم الدلع بتاع الريس) حقة أمس دي ؟ |
أمير يا امير
النسى قديمو تاه وممكن نفتش ليها في التاريخ ونسال عنها الاجداد
ضربة المعلم لو قاصد خطاب البشير بجوبا اعتقد انو خطاب عقلاني وهذا ماكانت تفقده الخطابات السياسية ودي تعتبر خطوة في تطبيع العلاقات مع جنوب السودان
شكرا للمرور
زاتووووو
| |
|
|
|
|
|
|
Re: انا شامي ريحة وحدة (Re: عبداللطيف خليل محمد على)
|
Quote: زاتك :
دي ريحة ( وحدة ما قبل 9 يناير ) .... بعدو لا .. حتجيك روايح تانية . بس .. وسّع أنفك .. |
عبداللطيف وصحبه
قبل 9 ليست هنالك وحدة بل وقف اطلاق نار واتفاق مؤقت بعده يكون تقرير مصير
انفنا واسعة والانوف لو اتطايبت بتشم ليها فتيلين
ارجو ان تكون كحامل المسك
تحياتي
زاتوووو
| |
|
|
|
|
|
|
Re: انا شامي ريحة وحدة (Re: Ali Sirelkhatim)
|
Quote: والبيحصل ده كلو تضليل اعلامي |
الزول زاتو سلام الله عليكم صدقت..بس الآن أرى أننا سنتخطى مرحلة"الشم" إلى التمتع برياح وحدة.. بس متين خلال ال6 أشهر-إن شاءالله- حيث أتوقع أن "تجري مياه" كثيرة "تحت" الجسر وأشياء أخرى "تحت" الطاولة ! وخلّي الجماعة يكوركو ساي هو زي ما قال أخوي عبداللطيف حكومتين -شمال وجنوب-طالعات فالصو كمان حكومة جنوب ..ماشة ساااي بالأماني الطيبة؟ شكري لخيطك الرائع الممتلئ آمال جميلة
| |
|
|
|
|
|
|
Re: انا شامي ريحة وحدة (Re: محمد عبد الماجد الصايم)
|
الزول زاتـــــــــــو ســــــــــــــــلام ، أنا برضــو شامي لي ريحة وحــــدة - لو تمت الوحدة يكون زيارة سعادة الرئيس ناجحة في جميع جوانبها المعلنة والمخفية. وأمريكا سوف ترضى بتبادل المنافع ، وإذا صح الود من أمريكا فالكل بعدها هين ، وبذلك ينعم الشعب السوداني بالاستقرار والتقدم والإزدهار . يا ربي لا تحرمنا من جنوبنا الحبيب،
صلاح حمد
| |
|
|
|
|
|
|
Re: انا شامي ريحة وحدة (Re: صلاح حمد)
|
قصدك وحدة بالفتحة.... يعني اسرتك حتسافر... مش؟ و حتطبخ براك وبعدين ما تاكل الطبختوا تتحول للاغذية الجاهزة بس على المايركويف تنساها في الفرن تطلب تيك اوي يجيك تلفون تنسى البيتزا جنب الباب لحدي ما تعفن تشم ريحة البيت ال######ان تقوم يوم الاجازة على اعمال التنظيف.
-------------------- حاشية: خالص التحايا جميل ان نسمع ما نحب
| |
|
|
|
|
|
|
Re: انا شامي ريحة وحدة (Re: عماد موسى محمد)
|
Quote: الزول زاتو سلام الله عليكم صدقت..بس الآن أرى أننا سنتخطى مرحلة"الشم" إلى التمتع برياح وحدة.. بس متين خلال ال6 أشهر-إن شاءالله- حيث أتوقع أن "تجري مياه" كثيرة "تحت" الجسر وأشياء أخرى "تحت" الطاولة ! وخلّي الجماعة يكوركو ساي هو زي ما قال أخوي عبداللطيف حكومتين -شمال وجنوب-طالعات فالصو كمان حكومة جنوب ..ماشة ساااي بالأماني الطيبة؟ شكري لخيطك الرائع الممتلئ آمال جميلة |
الاخ عماد موسى
الله يبشرك بالخير اعتقد انو المياه جارية من زمان خلال المفاوضات قبل توقيع الاتفاقية واتعمل ليها ابديت بعد مقتل جون قرنق، بعدين الشغلانة دي كلها محبوكة مع الدولة العظمى وبي مباركتها شخصيا اذن مهما كانت النتيجة فهي معروفة لهم سلفا
تحياتي
زاتوووو
| |
|
|
|
|
|
|
Re: انا شامي ريحة وحدة (Re: عبداللطيف خليل محمد على)
|
الزول سلام
انا بعتبر الغاغة بتاعة الانفصال دي كلها المقصود منها ترحيل الجنوبيين للجنوب وبس
لانو الجنوب بقى فاضي من سكانو الأصليين وأصبح مرتع لليوغنديين والأحباش
فممكن القادة الجنوبيين فكروا في الموضوع دا ولقوا مافي طريقة غير اعلان قوي للانفصال حتى يعجلوا برحيل الجنوبيين لبناء وطنهم
اضافة الى انو الجنوبيين شاعرين انهم غرباء في الشمال ووجودهم قد يؤدي
لمزيد من المشاكل ليهم ودا عمق لديهم الرغبة في الانفصال عشان يرجعوا
ولكن لازم يكون رجوع بكرامة عشان كدا لا بد من اعلان الانفصال أولا لذلك لا استبعد بعد ضمان رجوع الجنوبيين ان يتم تزوير نتيجة الانفصال
لصالح الوحدة وخصوصا الفارق الزمني لأعلان النتيجة بسمح بحاجات كتيرة ممكن تحصل
وبرضوا دا ظاهر في الراحة النفسية البدأت تظهرعلى قادة شريكي الحكم
وفي السودان كل شيء وارد في ظل غياب المنهجية والشفافية
شكرا
| |
|
|
|
|
|
|
Re: انا شامي ريحة وحدة (Re: عبداللطيف خليل محمد على)
|
عزيزي ،
كل الدلائل تقول لا، لكننا نتمسك بأمل اللحظة الأخيرة. لدي إحساس ، مجرد إحساس بأن شيئاً أشبه بالمعجزة، في زمن لامعجزات فيه ، سيحدث. لأني أتساءل: هل يترك الجنوبيون وطنهم، هكذا ، يسرح ويمرح فيه الغرباء؟؟
تحياتي
| |
|
|
|
|
|
|
Re: انا شامي ريحة وحدة (Re: dardiri satti)
|
بالأمس أستمعت بالصدفة لبرنامج في الإذاعة الرياضية .. سأل علي الريح ضيفه قائلاً :( إنت كـ تشكيلي رأيك شنو في خريطة السودان الجديدة ؟) . فكان رده :( أنا غايتو عندي رأي مختلف شوية .. بالرغم من خسارة السودان لمساحة مقدرة من الأرض إلا أنني أري أنه طالما هذا خيارهم علينا أن نحترمه بل يجب علينا ألا نتباكي علي موقف أتخذته أهله .. علينا أن نعمل من أجل أن نبني سوداننا وفقاً لمعطياته الجديدة ) . أنتهي حديث الفنان .
ــ لو حصلت الوحدة .. الزي ناس تراجي ديل إلا يقلبوا رياضية
| |
|
|
|
|
|
|
|