|
كتب الكاتب الفاتح جبرا المتوفرة بمعرض الدوحة
|
|
 Re: دعوة لطلاء بيت الزعيم إسماعيل الأزهري باللون الأسود يوم الأحد9/يناير (Re: احمد التجانى احمد)
|
| Quote: لكن ليه بيت اسماعيل الازهرى ؟؟؟؟ |
العسكر منذ نميرى مرورا إلى البشير الذين لخبطوا خريطة السودان السياسية والاخلاقية والجغرافية وحدهم المسؤولون عما أل اليه حال الوطن ...
نميرى بعبثه حاول إخراج الزعيم الأزهرى من تاريخ السودانى السياسى عندما غير لون العلم الذى رفعه الازهرى والمحجوب إلى جانب شعار الوطن كما تم نعى أزهرى رسميا عند موته بإعتباره معلما سابقا وليس زعيم الامة ورافع علم الاستقلال ..
منزل الزعيم ملك لكل الوطن لكن أسرته وورثته فقط هم من يحدد أن كان يطلى بالاسود حزنا على وضع السودان حتى لا يتم التعدى على خصوصية منزل رغم رمزيته وقيمته العالية فى وجدان الامة رغم الهزائم يكون السؤال من صاحب الدعوة لطلاء المنزل بالسواد ؟؟ كى لا يتم التعدى على خصوصية منزل بهأأسرة دون إذنها .
| |
  
|
|
|
|
|
|
|
|
Re: دعوة لطلاء بيت الزعيم إسماعيل الأزهري باللون الأسود يوم الأحد9/يناير (Re: معتصم الطاهر)
|
ولمادا اللون الأسود؟
يجب أولا أن يحرر الناس تفكيرهم عن دونية اللون الأسود
اللون الأسود هو اللون الأجمل ولون الرخاء والخصوبة
ونحن شعوب سوداء ..
وأبونا آدم أسود (آدم)
وحضاراتنا التي سادت العالم سوداء
ويا مسلم .. الكعبة سوداء
والحجر الأسود .. اسود .. أكيد
وتراهقا اسود .. ولعنخي اسود .. والكنداكات نساء سود ..
واسم السودان .. البيهو بنفاخر .. من لوننا
أطلوا بيت الأزهري يالوان العلم الاصلي الافريقي السوداني:
الأزرق .. الأصفر .. الأخضر ..
بعد أن يطلب أهل الدار ذلك .. أو يوافقوا ..
سلام با اسود ..!
| |
|
|
|
|
|
|
|
|
 Re: دعوة لطلاء بيت الزعيم إسماعيل الأزهري باللون الأسود يوم الأحد9/يناير (Re: Faisal Elrasheed)
|
فكرة عظيمة جدن الاخ حاتم شناب .. بس المُحبطين ديل ما بيعرفوا يعبروا عن حالة حزنهم
وناقصاهم شوية احاسيس مرهفة الواحد تقول اظبط بوهية يجي يظبط ليك سندوتشات ..
ما مشكلة يا زول خيرها في غيرها والمصايب كتيرة في البلد يعني بتلقي فرقة تانية تلوّن ليك
بيت ولا حيطة..
ــــــــــــــ
بس المناسبة لسع ما جبت النجيضة بشأن الدعوة موجهة من منو وهل تم استيذان الاسرة ام لا ..
وهل في امكانية انه الناس تمشي بدل بيت الازهري تلون القصر الجمهوري .. وكدة يعني ..
خالص الود
| |
|
|
|
|
|
|
|
|
|
Re: دعوة لطلاء بيت الزعيم إسماعيل الأزهري باللون الأسود يوم الأحد9/يناير (Re: داليا الكباشى)
|
هسّع الولد حاتم دا لو تريث شوية وقعد يفكر في وسيلة يعبّر بيها عما يعتمل دواخله من حزن مش كان يكون أحسن من المضحكة دي؟
بعدين يوم 9 دا يوم التصويت واللي ح ينتهي يوم 15 لو ما مدوه زيادة وإعلان النتيجة ذاته عايز ليهو أسابيع لو ما شهور
لو تعقل الولد دا وقال مثلاً نجي لابسين فنايل أو عصابات سود أو شريط أسود في الذراع أو المعصم أو نحمل رايات سود
ولو ناس البيت وافقوا كمان يقول نلف بيت أزهري بشرييط أسود يشتري ليه كم طاقة بتاعة قماش أسود ويطقهم مع بعض وبعد الإحتجاج يتم التبرع بالقماش بالمتر كعمل خيري
لكن بوهية عديل دي بعد إذن القارئ الكريم منتهى "البـــلادة"
مع احترام حق التعبير له ولنا
فرانكلي تو يو
| |
|
|
|
|
|
|
|
|
|
Re: دعوة لطلاء بيت الزعيم إسماعيل الأزهري باللون الأسود يوم الأحد9/يناير (Re: حاتم شناب)
|
ياحاتم كيف الاحوال انشاء الله بخير
الدعوة جيدة جدا لكن انا بفتكر حقو الناس تعبر عن الحزن بحمل رايات سوداء
وتبديل العلم في بيت الزعيم علي ان يرفع العلمين علم السودان القديم وعلم السودان الجنوبي
في دلالة للتوحيد وفي رفض للواقع الموجود الذ جاء بفعل فاعل
بفتكر رفع علم الحركه الشعبية في بيت الزعيم وعلم السودان وفي السور الاعلام السوداء حتعبر عن الجميع
ايضا يجب ان يدعي جميع اهل السودان بمختلف مشاربهم لندوة جامعة في بيت الزعيم
تتحدث فيها جميع القيادات ....
تقوم بالدعوة لهذة الندوة الحاجة مريم زوجة الزعيم الخالد اسماعيل الازهري
| |
|
|
|
|
|
|
|
|
|
Re: دعوة لطلاء بيت الزعيم إسماعيل الأزهري باللون الأسود يوم الأحد9/يناير (Re: ahmed babikir)
|
الفكرة فعلا عبقرية و تستحق الاعجاب . دي اصلا وسائل التعبير الشعبية المتاحة حاليا في ظل ركود القوي السياسية المعارضة و عجزها الواضح امام سطوة المؤتمر الوطني او صكوك نيفاشا وده البسموهو في السياسة البديل الذكي. طلاء منزل الزعيم الذي رفع علم الاستقلال و منزل علي عبداللطيف صاحب ثورة 24 باللون الاسود إحتجاجا علي تمزيق وحدة السودان من قبل طرفي نيفاشا و ده خيارنا المشروغ بإعتبارنا كشعب شماليين و جنوبيين لم نكن طرفا في نيفاشتهما, اعطيناهما الفرصة كاملة كسياسيين لحل مشكل الحرب و قضايا الديمقراطية وفق نيفاشا او بغيرها و النتيجة هي بوادر الانفصال المحتوم المتوقع. لم لا نحتج اذن ؟ لم لا نعبر عن موقفنا الاحتجاجي ضد الانفصال القادم ؟ لم لا تكن هذه الخطوة ضربة بداية نفتح بها باب المبادرة الجماعي للاحتجاج و وفق القانون؟
حاتم
فهمت من كلامك الاخير ان اسرة الزعيم موافقة علي الاحتجاج .. اقترح منزل علي عبداللطيف ايضا , ناقشوا الاقتراح و افعلوا ما تروه مناسبا وفق قدراتكم هناك.
| |
|
|
|
|
|
|
|
|
|
Re: دعوة لطلاء بيت الزعيم إسماعيل الأزهري باللون الأسود يوم الأحد9/يناير (Re: خدر)
|
أنا شاكى إنو ناذر الخليفه ورا الفكرة دى أنا شاكى إنو عندو بوهية سوداء بايرة داير يخارجها والمصادر ومثلى يسأل عنها سؤال منكر ونكير بوسته الأول بتاع البوهيه ما ببيعوها إلا بى الكاش وثانيا بوستو المستلب برائحة أمباز باشبزق غزاتنا بتاع الحلم العربى وباقى حركات البتنجان الى إتعلمها بعد ما بقى سينارست وبتصور مع اللمبى
| |
|
|
|
|
|
|
|
|
|
Re: دعوة لطلاء بيت الزعيم إسماعيل الأزهري باللون الأسود يوم الأحد9/يناير (Re: muntasir)
|
حاتم صباحكم خير
امسكا من الكبري.
نحن بدينا ني كبري القوات المسلحة لحدي العزبة...
لقينا ناس منبر السلام العادل بضربو في الظلط ابيض .
أسي ناسنا مشومصحة كوبرعشان يشاوروهم في اختيار اللون للمصحة شايفنهم مصرين على لون هادي قرمزي اللون..
عشان يكون ماتشنق مع لون الحوش الشرقهم.
ربنا يوفق .
Quote:
أنا شاكى إنو ناذر الخليفه ورا الفكرة دى أنا شاكى إنو عندو بوهية سوداء بايرة داير يخارجها |
احتمال برضو يا منتصر تكون فرش 4 بوصة
| |
|
|
|
|
|
|
|
|
 Re: دعوة لطلاء بيت الزعيم إسماعيل الأزهري باللون الأسود يوم الأحد9/يناير (Re: حاتم شناب)
|
Quote: توشح اليوم بيت الزعيم الازهري
بالسواد
حزنا على وطن بدأ في التأكل
|
والله فوتا علي الناس فرصة تاريخية عظيمة بتطنيشك للناس السألتك جادة فوق
انه الفكرة دي بتاع منو والقايم بيها منو ؟
وهل استاذنتو اسرة الازهري ..
وانت طبعا عملت فيها مثلي لا يُسال .. وطنشتهم وبكدة فقدوا حق انهم يشاركوك جلبطة البوهية ..
صدق الحديث القال حب لاخيك ما تحب لنفسك ..!
عالم تحب تعبر عن حزنها براها ..
خالص الود
| |
|
|
|
|
|
|
|
|
|
Re: دعوة لطلاء بيت الزعيم إسماعيل الأزهري باللون الأسود يوم الأحد9/يناير (Re: HAIDER ALZAIN)
|
Quote: والله فوتا علي الناس فرصة تاريخية عظيمة بتطنيشك للناس السألتك جادة فوق
انه الفكرة دي بتاع منو والقايم بيها منو ؟
وهل استاذنتو اسرة الازهري ..
وانت طبعا عملت فيها مثلي لا يُسال .. وطنشتهم وبكدة فقدوا حق انهم يشاركوك جلبطة البوهية ..
صدق الحديث القال حب لاخيك ما تحب لنفسك ..!
عالم تحب تعبر عن حزنها براها ..
خالص الود |
العزيز حيدر
الموضوع ماكدة
بس والله ما قدرت اتابع في المنبر
لانو اتا المنسق البرنامج والدعوة
| |
|
|
|
|
|
|
| |
حاتم شناب
احمد التجانى احمد
احمد الامين احمد
Dania Elmaki
معتصم الطاهر
سالم أحمد سالم
داليا الكباشى
علي الكرار هاشم
Faisal Elrasheed
Frankly
HAIDER ALZAIN
Awadallah Bashir
صلاح أبودية
ود الخليفه
خدر
JOK BIONG
فيس بوك
تويتر
انستقرام
يوتيوب
بنتيريست