|
بحثت فوجدت
|
أن معرفتي بالجنوبيين تنحصر في معرفتي بجورج بوك؛ شول أشوانق؛ و دوت مجاك.
|
|
|
|
|
|
|
|
Re: بحثت فوجدت (Re: Marouf Sanad)
|
حسين ملاسي
معقولة بس !!
انت جيت السودان ده كبير واللا شنو
لا قريت في مدارس فيها جنوبيين
ولا سكنت في حي فيهو جنوبيين
ولا اشتغلت في عمل فيهو جنوبيين
معقولة زول سوداني في عمرك ده ما بعرف غير 3 جنوبيين
قول كلام تاني بالله يا حسين
| |
|
|
|
|
|
|
Re: بحثت فوجدت (Re: Deng Goc)
|
قال ليكم بحثت.....
فوجدت ..... بحث شنو؟ ووين كان ده؟ اها لقيت شنو... ورايك شنو؟
ولي شنو ؟
____________
معليش ملاسي...عربي ...تك
| |
|
|
|
|
|
|
Re: بحثت فوجدت (Re: على ميرغني)
|
Quote: يبدو انو ملاسي ايضا درس في مدرسة الاشراف التي خصصت لتعليم السيدين محمد عثمان الميرغني واخوه احمد له الرحمة |
غير صحيح.
| |
|
|
|
|
|
|
Re: بحثت فوجدت (Re: Hussein Mallasi)
|
Quote: يبدو انو ملاسي ايضا درس في مدرسة الاشراف التي خصصت لتعليم السيدين محمد عثمان الميرغني واخوه احمد له الرحمة |
ياعلي
لا تجعل إكتشافات ملاسي فيما يتعلق بالتيار تُلقى بظلالها على مداخلاتك :)
| |
|
|
|
|
|
|
Re: بحثت فوجدت (Re: عمر عشاري)
|
!!!
Quote: لا تجعل إكتشافات ملاسي فيما يتعلق بالتيار تُلقى بظلالها على مداخلاتك :) |
قوية يا عشاري ..!!
ههههههه
| |
|
|
|
|
|
|
Re: بحثت فوجدت (Re: Hussein Mallasi)
|
معقول ما سمعت بجوزيف لاقو وأروك طون وكاربينو كوانين وفاولينو ماتيب وريك مشار وباقان أموم ولوال دينق وأتيم قرنق وباسفيكو لادو لوليك؟؟
| |
|
|
|
|
|
|
Re: بحثت فوجدت (Re: أيمن دياب)
|
Quote: معقول ما سمعت بجوزيف لاقو وأروك طون وكاربينو كوانين وفاولينو ماتيب وريك مشار وباقان أموم ولوال دينق وأتيم قرنق وباسفيكو لادو لوليك؟؟ |
فالج لا تعالج!
| |
|
|
|
|
|
|
Re: بحثت فوجدت (Re: محمد عبد الماجد الصايم)
|
Quote: أهـو رشّاكـ .. تجو مدردقين ولمّن تتزلطوا تتجرّسوا! |
انه رش غير مؤسس .... يعني نفهم من كدا انو ملاسي عرف الناس الفوق ديل معرفة شخصية وقعد معاهم وعاشرهم ... ولا ساكت المعرفة البسيطة بتاعت النقاش في المنبر دا... ــــــــــــــــــــــــــــــــــ للاخوة الفوق ديلاك.... ليس للتيار دخل في النقاش دا ... لكن بالجد استغربت لواحد سوداني عمرو اكثر من اربعين سنة ويقول انو عرف اربعة جنوبيين فقط .. ياخي الطيب مصطفى بعرف اكتر من عشرومائة.. وتأمل
| |
|
|
|
|
|
|
Re: بحثت فوجدت (Re: على ميرغني)
|
اصحابي من الجنوبيين 2 بس ما 4 حتى أحدهم ذو منصب مرموق في بلده، والآخر خائف في قلب الخرطوم ويرتعب من مآلاته هو وأسرته
تحياتي القلبية لهم الاثنين، دوت ماكوي وأجاك أويل لونقار
| |
|
|
|
|
|
|
Re: بحثت فوجدت (Re: على ميرغني)
|
على سبيل المثال لا الحصر أعرف الكثيرين معرفة حميمة ثلاثة منهم كأنوا أساتذتي
مدين .. درسني بأبي كدوك المتوسطة جون ماشيك .. علمني السباحة و زاملني بنادي الهلال سايمون أبان .. حسن طريقة سباحتي للحرة و الفراشة و قد سبحت معه في تيم إسمه الإقليم الجنوبي في بطولة الجمهورية عام 1988 تقريبا .. كنت وقتها في الثانية عشر
في المسبح زاملني كواي أبيل ألير
في الإبتدائي و المتوسط و الثانوي زاملني و كان من أصدقائي المقربين بطرس و أمبروس أليسون مناني مقايا
أما في خور عمر الثانوية .. أنسى بس...
و لكن أصدقائي كانوا توت قديان قرشاي جوب دانيال دينق روال إبراهام روال جيمس قاي شول و القائمة طوييييييييلة.
| |
|
|
|
|
|
|
Re: بحثت فوجدت (Re: أيمن دياب)
|
Quote: أهـو رشّاكـ .. تجو مدردقين ولمّن تتزلطوا تتجرّسوا!! |
مبااالغة يا ود الصايم...اسمح لى انو استعمل الكوت ده كل ما ملاسى يدى ليه زول على راسه.....اها عاوز فيه كم؟؟؟
حقيقى لما بحثت انا زاتى لقيت انى فى المدارس ما كان عندى صحبات جنوبيات لكن بعد الجامعة فى المعهد البريطانى كان عندى زميل جنوبى و كنا لما نقعد نرجى الاستاذ يجى للحصة بنتونس شوية. عرفت منه كتير عن الجنوب و العادات و اكتر حاجه كان عا########ى هى مثابرته وجتهاده كان شغال و بيقرا فى الجامعة و بيقرا انحليزى. و انقطعت الاخبار بعد ما خلصنا المعهد.
اما عشان يكون عندى صديقة جنوبية...احتجت انى اطلع من السودان و اجى اخر الدنيا فى امريكا الشمالية عشان الاقيها.
| |
|
|
|
|
|
|
Re: بحثت فوجدت (Re: smart_ana2001)
|
الجنوبية التي اعرف .... اسمها(أبوك)... عرفتها منذ 1997... مثال للصبر بصورة مبالغ فيها ... لمن عرفتها كان عمرها في بداية الاربعين... ناس بيتنا بيريدوها جدا جدا خاصة الخارج السودان.. لمن اختي تجي من السفر يتلاقوا كان بالبكاء والاحضان.. رجعت للجنوب بعد وفاة ابنها من حوالي ستة سنة .. وللان نتواصل معاها عن طريق بنتها ... وبالجد بشتاق ليها جدا .. وكل ما اتذكر البيت لازم اتذكرا... الحمد لله انو قبل سفري جات الفرصة أني أشكرها على اهتماما بينا في حال سفر الوالدين.. عندي ليها صور بحاول اجيبا...
| |
|
|
|
|
|
|
Re: بحثت فوجدت (Re: سارة علي)
|
ازيك يا حسين.. كلامك بتاع انك ما بتعرف غيراعضاء منبر بكري ابوبكر ده معناه انه فعلاً الفصل او الانفصال ده اصلوا من زمان حاصل
بالعربي كده ..الكلام بتاع انه نحن شعب واحد ومتمازج كله ما كان بدخل راسي يعني اسع صحفيين كثيرين مشهورين زيك كده ماخلوا ليهم حرف ما كتبوهوا في شان الجنوب والواحد فيهم ربك او واو القريبة دي ما وصلها
وانت ما براك المابتعرف جنوبيين لان احساس انهم سودانيين سواسيه ما اظنه كان موجود عشان نحن يعني لا مواخذه بنتأفف منهم ( نحن دي للأغلبية الشماليه )
اها التأفف ده المثقفين بقولوا اسمه استعلاء ثقافي وعرقي
اها يا حسين يا خوي الفرق بين الانفصال الجديد والقديم انه الخريطه حا تترسم بشكل مختلف..والجنوبيين حا يرتاحوا من حقارتنا .............. ما فات فوات كان داير تمشي الجنوب وتتعرف على جنوبيين كتار في بلدهم ما تشيل هم للفيزا والسكن والاقامة ..
| |
|
|
|
|
|
|
Re: بحثت فوجدت (Re: Manal Mohamed Ali)
|
اريد ان اضيف انى (برضو) (و حتى الان) ما بعرف اى زول من البنى عامر او حتى من الهدندوة. و عندى اصدقاء اتنين بس من الفلاته عرفتهم برضو فى امريكا. الموضوع ما ليه دخل بالاستعلاء يا جماعة. ___________________________ لكن صراحة ما عارفه سببه شنو
| |
|
|
|
|
|
|
Re: بحثت فوجدت (Re: Manal Mohamed Ali)
|
Quote: ماخلوا ليهم حرف ما كتبوهوا في شان الجنوب والواحد فيهم ربك او واو القريبة دي ما وصلها |
منال
سلامات
ربك ( الجاب سيرتها)ان شاء الله القرب ؟
| |
|
|
|
|
|
|
Re: بحثت فوجدت (Re: معتصم الطاهر)
|
يمين بالله ماني عارف [ملاسي] تعني شنو! ويميناً [مغلظة]: ما فهمت [هو] -(أي ملاسي)- قاصد شنو!!
__ عموماً؛
يا [من] فضل فيهم [بعض] [عقل]:
[أفيدوني]!!!!
وسأكونن لكم من الشاكرين!!
| |
|
|
|
|
|
|
Re: بحثت فوجدت (Re: Al-Shaygi)
|
والسؤال الأصعب لملاسي هو
كم نوباوي بيعرف وكم هدندوي بيعرف وكم كدالو بيعرف وكم فنجاوي بيعرف وكم زغاوي بيعرف وكم فوراوي بيعرف
والسؤال التاني بيعرف عنهم شنو؟
ملاسي هنا يفتح سؤال كبير (قصد أم لم يقصد)، وهو مدى معرفتنا بالآخر، أنا مثلاً معرفتي بعدد كبير من الجنوبيين واولاد النوبة وأولاد الغرب (بحكم إنتمائي) مهدت لي الطريق لأؤمن بأفكار السودان الجديد وأنافح عنها لدرجة (حمل السلاح مضطراً وليس نضالاً)، وقد كنت في الحلقات التدريبية في المعسكرات أصر على المقاتلين أن يقفوا ويتكلموا عن مناطقهم (التاريخ المجموعات الإثنية والثقافة) وتعلمت الكثير منهم عن السودان وسكان السودان، إحدى الإكتشافات المريعة بالنسبة لي هي كيف يرى الناس بعضهم البعض، وأكتشفت أن الإستعلاء كامن في معظم المجموعات العرقية السودانية، لذلك كنت أصر على الجميع أن يتعلموا إحترام الآخر وخصوصيته الثقافية واللغات الخاصة بكل مجموعة، وقد إقترحت على الإذاعة الخاصة بالتحالف أنا والصديق عبد الباري أن يتم ترجمة الميثاق الخاص بالتحالف والدعوة لإحترام الآخر وثقافته بكل اللغات الموجودة بين المقاتلين وأستطعنا تسجيل أكثر من 50 لغة موجودة بارشيف قوت التحالف.
الآن مع الإنفصال القادم ندعو من هذا البوست للتعريف بالآخر في السودان ومعرفة ثقافته وتاريخه ورؤيته للعالم، المنهج الدراسي في السودان الآن يتيح لنا معرفة تاريخ الجزيرة العربية الثقافي والإقتصادي والإجتماعي متجاهلاً التاريخ السوداني والعادات السودانية والثقافة السودانية وهذا لعمري ما أدي وسيؤدي لمزيد من التفكك والحروب والإستعلاء والتهميش.
وحتماً لنا عودة.
| |
|
|
|
|
|
|
Re: بحثت فوجدت (Re: الفاضل يسن عثمان)
|
Quote: كم نوباوي بيعرف وكم هدندوي بيعرف وكم كدالو بيعرف وكم فنجاوي بيعرف وكم زغاوي بيعرف وكم فوراوي بيعرف |
أحدثه عن الجنوبيين كافة فيرد بمقطع من أغنية لعمر إحساس .. فتأمل!!
| |
|
|
|
|
|
|
Re: بحثت فوجدت (Re: أمير فتحي)
|
Quote: منذ متي، يتعرف الوافديين، علي ابناء البلد. فنحن نقيم ببريطانيا ولدينا، معرفة وصداقة بعدد محدود منهم. في تلك صدقت ملاسي. |
سلام يا الفاضل، يا الفاضل ما في داعي للعنصرية وما في داعي توصف ملاسي بالوافد (ما عاجباك عمتو السودانية دي؟! ) ياخي ملاسي دا لو لبس طربوش ما بتخلوهو وبرضو لو لبس عمة ما بتخلوهو؟ لوول وبرضو من الجور تشبه الشعب السوداني الإجتماعي بشعب بارد كالإنجليز
تحياتي
| |
|
|
|
|
|
|
Re: بحثت فوجدت (Re: النذير حجازي)
|
كما قال الشاعر: بلدي فيها الشنقيطي* والحمريطي* والعريان ميطي
عني أنا شخصياً ممكن أنافس بأني صادقت معظم قبائل السودان إن لم يكن جلها، وموش السودانيين بس حتى جنسيات العالم برضو بنافس، بالإضافة لصداقة دول الجوار السوداني أثيوبيين أريتريين صوماليين نجيريين وخلافهم، وهذه الصداقات أعتز بها وأفاخر بها الشمس، ولا يمكنني إحصاء أصدقائي الجنوبيين.
فقد تربيت مع كل هذه الأجناس في حينا بأركويت القديمة مربع 59 فقد كانت أركويت القديمة تضم جميع ألوان الطيف السوداني ودول الجوار، وتنشأتي في هذا الحي قد أفادتني كثيراً في حياتي ، فقد سهلت لي لإنشاء صادقات شعبية عالمية بعد هجرتي لبلاد العم سام وخففت عني آلآم الغربة. بالإضافة إلى مجال عملي في البناء والمقاولات سابقاً، فقد وطدت وعززت علاقاتي بالجنوبيين بمختلف أديانهم وقبائلهم
------- *شنقيطي: هم الشناقيط في السودان وأصولهم موريتانية * حمريطي: هو الحلبي نسبة للونة الأحمر
| |
|
|
|
|
|
|
Re: بحثت فوجدت (Re: محمد المسلمي)
|
يبدو أنك تجابه ذاتك بالإنغلاق وفي المقابل تشير إلى أن ذلك هو ذات ما يجابهه الناس
ما يجمع الناس في الغالب: عمل، جيرة، مصادفة...إلخ ومن هنا تبدأ الصداقة وغيرها
فإن لم يكن هناك ما يلم الناس انتفت المعرفة وتوابعها
لكن أن قُصدت بهذا تحاشي المعرفة والاحتكاك والصداقة فهذا هو المحك الحقيقي من (بحثت فوجدت)
وعني ليس عندي معايير للتعرف على أحدهم أو مصادقته سوى معايير الأخلاق
سلمت
| |
|
|
|
|
|
|
Re: بحثت فوجدت (Re: بله محمد الفاضل)
|
ممتاز يا فاضلابي، شغلك تمام إلا داير لي معاك دق رأس في حكاية السباحة دي ** بمدرسة شندي الثانوية يا ملاسي لم أكن أسكن مع الطلبة الشماليين، أنا وابن خالي محيي الدين كنا نسكن مع الطلبة الجنوبيين بداخلية الروضة لمدة ثلاث سنوات إلا قليلاً. أعرف ما لا يقل عن مائة وثمانين جنوبياً من مدرسة شندي الثانوية وحدها، انسَ عنك أي مكان آخر. الأصدقاء الحميمون منهم لا يقلون عن كذا وعشرين. جوك بيونق اللور بالمناسبة كان من أبناء شندي المدينة ولم يكن يسكن معنا بالداخلية، وكنا نعتبره ود راحات وترطيبة وكانت تلوح عليه سيما النعمة "مندوكورو"،هههه. الذين أعرفهم من خارج ذلك الزمن لا يقلون عن المئات، الأصدقاء الحميمون منهم لا يقلون عن كذا وثلاثين. كعب براك وقادي عربي جوبا وَحِّيِّدك.
---- لو ماك مصدقني في كعوبيتك، اسأل ود الصائم دا عن أسماء، جنبك في الخرطوم، عشان تعرف الناس الحبوبين والمواصلين أهلهم بعرفوا كم؟ ولاعند وين؟
| |
|
|
|
|
|
|
Re: بحثت فوجدت (Re: محسن خالد)
|
خلاص؟ من هسَّع بديتوا تقولوا العرفة دي ساكت، عرفة الدنيا والدرب ما بنعرفهم!؟ انتظروا بعد جماعتكم يجزروا البلد، وتاني ابدؤوا الجفاء والنكران.
| |
|
|
|
|
|
|
Re: بحثت فوجدت (Re: محسن خالد)
|
Quote: أعرف ما لا يقل عن مائة وثمانين جنوبياً من مدرسة شندي الثانوية وحدها، انسَ عنك أي مكان آخر. الأصدقاء الحميمون منهم لا يقلون عن كذا وعشرين. |
يظنهم كثير .. و إن حاول نسبتهم - حتى إن أضاف لهم جميع المنضوين تحت "أي مكان آخر" - لمجموع من يعرفهم؛ فستؤول النسبة لصفر.
| |
|
|
|
|
|
|
Re: بحثت فوجدت (Re: Hussein Mallasi)
|
Quote: أحدثه عن الجنوبيين كافة فيرد بمقطع من أغنية لعمر إحساس .. فتأمل!! |
وهذا أس المشكلة يا ملاسي أن تكون معرفتك ببقية قبائل السودان من خلال أغنية وليس من خلال معرفة حقيقية بمكونات الأمة السودانية، إذاً ستستمر الحرب في غرب السودان وربما تنتقل لبقية السودان أيضاً.
| |
|
|
|
|
|
|
Re: بحثت فوجدت (Re: الصادق اسماعيل)
|
Quote: Quote: أحدثه عن الجنوبيين كافة فيرد بمقطع من أغنية لعمر إحساس .. فتأمل!! |
وهذا أس المشكلة يا ملاسي أن تكون معرفتك ببقية قبائل السودان من خلال أغنية وليس من خلال معرفة حقيقية بمكونات الأمة السودانية، إذاً ستستمر الحرب في غرب السودان وربما تنتقل لبقية السودان أيضاً. |
أقحم القبائل إقحاماً .. ليس ذلك فحسب بل و جعلها أس الموضوع .. فتأمل!!
| |
|
|
|
|
|
|
Re: بحثت فوجدت (Re: Ahmed Elmardi)
|
Quote: أقحم القبائل إقحاماً .. ليس ذلك فحسب بل و جعلها أس الموضوع .. فتأمل!! |
قلنا أن معرفتك بالقبائل لا تتعدي ما سمعته من غناء، ولم نتكلم عن القبائل، وإذا فهمت أن الحديث عن القبائل فهذا بالطبع أمر يخصك وحدك.
| |
|
|
|
|
|
|
Re: بحثت فوجدت (Re: الصادق اسماعيل)
|
Quote: بحثت فوجدت أن معرفتي بالجنوبيين تنحصر في معرفتي بجورج بوك؛ شول أشوانق؛ و دوت مجاك. |
حكمة اليوم ومن العجائب لفظها حر ومعناها رقيق
| |
|
|
|
|
|
|
Re: بحثت فوجدت (Re: أمير فتحي)
|
تذكروا قبل أن تتشدقوا بالعشرة؛ العشرين؛ و المائة و الثمانين؛ أن نحو ثلث عدد سكان السودان - حسب التعداد السكاني الأخير - من الجنوبيين.
| |
|
|
|
|
|
|
Re: بحثت فوجدت (Re: معاذ حسن)
|
.
Quote: أن معرفتي بالجنوبيين تنحصر في معرفتي بجورج بوك؛ شول أشوانق؛ و دوت مجاك.
|
أصدقك في ذلك .. وأعتقد أنه لن يكون السبب الاول في "تصويتك" لصالح الإنفصال، إن قدر لك المشاركة حتى في إستطلاع للرأي العام تجريه أي صحيفة، كما أنه يعدم أن يكون مدعاة لـ" دمغك" بالعنصرية ، أو الإنفصالية .. أوالخيانة الوطنية لا سمح الله.
.
| |
|
|
|
|
|
|
Re: بحثت فوجدت (Re: الصادق اسماعيل)
|
المحترم الصادق أسماعيل
Quote: بلاير كل سنة وانت طيب |
وانت كمان بالف خير وعافية... .................................................. .................................................
Quote: * هل لديك أصدقاء جنوبيون؟ - نعم لدي... لام أكول... (ويتذكر)... عبد الله دينق قبل أن ينضم إلى الترابي بعد انشقاق المؤتمر الوطني.... (يتذكر)... المهم هناك.... أبو بكر دينق (لا أعرفه)..... ثلاثتهم.. أما عداوتي الشديدة.. فلباقان أموم الذي اعتبره من أكبر المتسببين في التشاكس خلال الفترة الانتقالية... وياسر عرمان. |
الطيب مصطفي في حديثه للشرق الاوسط
Quote: بحثت فوجدت أن معرفتي بالجنوبيين تنحصر في معرفتي بجورج بوك؛ شول أشوانق؛ و دوت مجاك. ......(ويتذكر)... ......عذراً .. فقد فاتني ذكر الأخ مثيانق شريلو |
حكمة اليوم ورثناهن عن آباء صدق...ونورثها إذا متنا بنينا عمرو بن كلثوم حكمة الغد لو كان ما بي من حبيب مقنع لعذرته,,.لكن ما بي من معمم المتنبي
| |
|
|
|
|
|
|
Re: بحثت فوجدت (Re: PLAYER)
|
**اريد ان اضيف انى (برضو) (و حتى الان) ما بعرف اى زول من البنى عامر او حتى من الهدندوة**
بعـد دا ننفصـل
| |
|
|
|
|
|
|
Re: بحثت فوجدت (Re: Rihab Khalifa)
|
Quote: Quote: **اريد ان اضيف انى (برضو) (و حتى الان) ما بعرف اى زول من البنى عامر او حتى من الهدندوة** |
بعـد دا ننفصـل |
سلامات ابوريش النذير حجازي قال انى بعرف بس لا ادرى بانى بعرف هدندوة. انا حقيقي ما قاعده اسال زول انت جنسك شنو. و اتولت و اتربيت وعشت فى بيت واحد (ما كنا بنتنقل داخل السودان) لحدى ما طلعت من السودان. و ده بخلى معرفتى محدوده بالناس. فى الجامعة صحباتى كنا برضو من الحلة. معليش على البرى ....بس كنت عاوزه اقول : عليكم الله ما تنفصلوا
| |
|
|
|
|
|
|
Re: بحثت فوجدت (Re: الصادق اسماعيل)
|
ما من بوست للأخ ملاسي إلا وقد دخلته .. تجد فيه كل شيء .. اقله .. عدم التطويل في الخطابة كحالة أخونا (دااااااااك) الذي يبدا القصة ثم يبترها .. فبوستات ملاسي ذات حجم صغير لكنها...كثيرة الدسم .. تحية لك ولكل آل ملاسي بدء من أسرة شوقي ملاسي المحامي ..حتى شخصك الكريم ..
| |
|
|
|
|
|
|
Re: بحثت فوجدت (Re: Hussein Mallasi)
|
Quote: مداخلات PLAYER - في هذا البوست - تشي بأنه سينتشي فرحاً إن زعمت كذباً أني أعرفه. |
انت تدري جيدآ ....كما انا والقراء ندري ان ذاك ليس مقصدي لاننا لم نلتقيا او نتحدثا بأي وسيلة كانت....لكن اذا كنت تعتقد ان ذلك سوف يحفظ لك بعض من ماء الوجه....فيمكنك ان تتعلق عليه بكل قوتك... حكمة اليوم في لعبة الوست...أحيانآ الأس لن ينجيك من السيك
| |
|
|
|
|
|
|
|