|
|
 عزيزى دينق هل تسمعنى !!
|
غابت شمس الحق وصار الفجر غروب
غابت شمس الحق وصار الفجر غروب
وصدر الشرق انشق سكرت الدروب
نرفض نحنا نموت قولولهم رح نبقى
نرفض نحنا نموت قولولهم رح نبقى
ارضك والبيوت والشعب الي عم يشقى
هو النا يا جنوب يا حبيبي يا جنوب
هو النا يا جنوب يا حبيبي يا جنوب
كلهم يا جنوب باعوك الكلام
والعدل مصلوب عم ينزف السلام
شو همنا الحروب شو همنا الحروب
رح نبقى نحن هون ويفنى كل الكون
رح نبقى نحن هون ويفنى كل الكون
ولا ينقص حبة بترابك يا جنوب
كلن يا جنوب باعوك الكلام
والعدل مصلوب عم ينزف السلام
شو همنا الحروب شو همنا الحروب
رح نبقى نحن هون ويفنى كل الكون
رح نبقى نحن هون ويفنى كل الكون
ولا ينقص حبة بترابك يا جنوب
ما تخاف يا جنوب من غدر الزمان
من ويل الحروب من لوعة الحرمان
ما تخاف يا جنوب من غدر الزمان
من ويل الحروب من لوعة الحرمان
مع كل الي صار مع كل الي صار
رح تبقى النا الدار ويرجع شجر الغار
رح تبقى النا الدار ويرجع شجر الغار
يزهر كرامة بارضك يا جنوب
نرفض نحنا نموت قولولن رح نبقى
نرفض نحنا نموت قولولن رح نبقى
ارضك والبيوت والشعب الي عم يشقى
هو النا يا جنوب يا حبيبي يا جنوب
هو النا يا جنوب يا حبيبي يا جنوب
غابت شمس الحق وصار الفجر غروب
غابت شمس الحق وصار الفجر غروب
وصدر الشرق انشق سكرت الدروب
نرفض نحنا نموت قولولن رح نبقى
نرفض نحنا نموت قولولن رح نبقى
ارضك والبيوت والشعب الي عم يشقى
هو النا يا جنوب يا حبيبي يا جنوب
هو النا يا جنوب يا حبيبي يا جنوب
هو النا يا جنوب يا حبيبي يا جنوب
ـــــــــــــــ
وتتشابه احيانا تجارب الشعوب ياعزيزى ...
|
|
  
|
|
|
|
|
|
|
|
Re: عزيزى دينق هل تسمعنى !! (Re: محمد البشرى الخضر)
|
مع اقتراب عقارب الساعة ليوم 9 يناير
ان العين لتدمع وان القلب ليحزن وانا والله
يا اخوتى لفراقكم لمحزونون ..
الهواء لن يعد نفس الهواء ..
والبلد لن تعود نفس البلد ..
خليكم قراب .. ما تمشوا بعيد .. رجاااااء
ـــــــــــــــــــــ
العزيز ود البشرى ما ترجع تقول لى حرام عليك
يا دينا الناس ديل لسسه حيين ..
وبس ح ينفصلوا مافى وجه شبه ،، سمح ! نحن بنبكى انفسنا
وما بنبكيهم ..
| |
|
|
|
|
|
|
|
|
|
Re: عزيزى دينق هل تسمعنى !! (Re: دينا خالد)
|
دعوا الجنوبين يعشوا حياتهم بطريقتهم التي ترضيهم بعيدا عن وصاياتكم
غضبت اليوم كما لم اغضب من قبل وانا اشاهد في قناة السودان برنامج رياضي كان فيه لستة باسماء الذين تم تسجيلهم فاجاني اسم احدهم
وليد عبد الرجال
هذا لا يحدث الا في السودان ان يتم تسمية احدهم بعبد الرجال !!
| |
|
|
|
|
|
|
|
|
|
Re: عزيزى دينق هل تسمعنى !! (Re: اساسي)
|
العزيز ولذيذ فى ذات الوقت .. اساسى !
شايفاك اليومين دى بطلت الظلام وبقيت مطررف
اقصد متطرف ..
يعنى يا يكونوا ذى ما قلت او يمشوا يفوتوا ؟؟
ماممكن نعيش مع بعض بكل حب واخاء وحنييه ؟
الشعوب تنهض بتنوعها
تنهض باختلافها
تنهض بتعدد لغاتها وثقافاتها واديانها
ياخ بتنهض بتكاملها .. وسع صدرك يا رجل .
ـــــــــــــــ
اساسى هل تسمعنى ؟
بطططل ..
اوع تقراها بطل بقتلك .
| |
|
|
|
|
|
|
|
|
|
Re: عزيزى دينق هل تسمعنى !! (Re: دينا خالد)
|
نرفض نحنا نموت قولولهم رح نبقى
ارضك والبيوت والشعب الي عم يشقى
هو النا يا جنوب يا حبيبي يا جنوب
هو النا يا جنوب يا حبيبي يا جنوب
--------------------
نبكى يا دينا و نتمزق ..
الله يجازى الكان السبب
| |
|
|
|
|
|
|
|
|
|
Re: عزيزى دينق هل تسمعنى !! (Re: محمد البشرى الخضر)
|
لا تصالحْ ..
ولا تتوخَّ الهرب !
(2)
لا تصالح على الدم .. حتى بدم !
لا تصالح ! ولو قيل رأس برأسٍ
أكلُّ الرؤوس سواءٌ ؟
أقلب الغريب كقلب أخيك ؟!
أعيناه عينا أخيك ؟!
وهل تتساوى يدٌ .. سيفها كان لك
بيدٍ سيفها أثْكَلك ؟
سيقولون :
جئناك كي تحقن الدم ..
جئناك . كن - يا أمير - الحكم
سيقولون :
ها نحن أبناء عم.
قل لهم : إنهم لم يراعوا العمومة فيمن هلك
واغرس السيفَ في جبهة الصحراء
إلى أن يجيب العدم
إنني كنت لك
فارسًا،
وأخًا،
وأبًا،
ومَلِك!
ــــــــــــــ
ياود البشرى ان طلم القريب اشد من ظلم الغريب
وظلم ذوي القربى أشد مضاضة .. على المرء من وقع الحسام المهند
التفريط حصل من القريب فسقطت قطعه غاليه منا
سقط عضو عزيز من جسمنا فتداعى له سائرالجسد بالسهر والحمى ..
اهبش راسك يا ود البشرى وشوف الحمى دى ..
| |
|
|
|
|
|
|
|
|
|
Re: عزيزى دينق هل تسمعنى !! (Re: لؤى)
|
دينا
نتمنى لهم بلداً مستقراً وأرض ترتع فيها طيبتهم وتخضر فيها اضرعهم وينعموا بسلام دائم
كأن القلب سوف ينفصل وليس بلداً او ارضاً
يا حليل السودان اكبر دولة في افريقيا والشرق الاوسط
السودان دا ماعندو وجيع
الصادق
| |
|
|
|
|
|
|
|
|
|
Re: عزيزى دينق هل تسمعنى !! (Re: معاوية عبيد الصائم)
|
سلام دينا خالد
عـشـان الـبـيـعـمـل بـيـخـسـر
وعـشـان الـبـيخسـربـيـعـمـل
يـعـاقـب سـيـد الـبـراءة
وحـصـاد أرواحـنـا يـهـمـل
وتـبـقى الأزهـار قـبـيـحـه
والأشـواك تـبـقـى أجـمـل
وكـيـف الأم تـبـقى فاقــد
وكـيـف الـشيـخ يـبـقى أرمل
وتـبـقى الـصـبحـيـة ليـلـه
ترابـك ما شـاف بـديـلا
هـمـومـك حالـف يـشـيـلا
إن ساعة الحسم قد اقتربت والمحاولات التي استمرت قد وصلت إلى نهايتها وأثبتت أنها غير مجدية
سيقرر الجنوبيون موقفهم من خيار الوحدة أو الانفصال
وسيتم ذلك كله على ما سماه خلفية طويلة من الاضطهاد
والاتجاهات العروبية والاتجاهات الجادة نحو أسلمة الدولة وتعريبها.
والله ان التاريخ لن يرحم ويغفر لهولاء الانقازيون الزى يفعلون كل شئ من أجل الجلوس على كراسى السلطة حتى لو أدى زلك الى تفتيت الوطن لايهمهم شى أن يتناقص الوطن من كل أطرافه فقد سبق وانتقص من الشمال الشرقى مثلث حلايب والدور على الجنوب والبقية تأتى طالما لا يعنيهم الوطن فى شئ
والغربية أنهم يريدون أن يتنصلوا من المسئولية التاريخية على انفصال الجنوب .
| |
|
|
|
|
|
|
|
|
|
Re: عزيزى دينق هل تسمعنى !! (Re: يحي ابن عوف)
|
خطفت الثورة المصرية الاضواء
عن خيبتنا التى اعلن عنها فى السودان
فى فبراير التعيس 2011
هل لا زلت تسمعنى اخى دينق !!!!
ــــــــــــــــــ
موضوع طغيان القضايا العربية
على مواضيعنا المصيرية فى السودان
دى دايرا ليها بشاشا عديييل كدا
بشاشا هل تسمعنى ..
| |
|
|
|
|
|
|
|
|
|
Re: عزيزى دينق هل تسمعنى !! (Re: الصادق صديق سلمان)
|
امجد ما اصلو القلوب شواهد ..
الخواطر كان اتطايبت مافى داعى ذاتو للعناقريب ..
امانى العجب يا جميلة
تسلم يدك ,, البت جوليا خطيرة وحساسه وحنينه
نفس قوة فيروز فى الغنا ,,
بكوا جنوبهم واشتغلوا لما رجعوه
عقبال جنوبنا نحنا
الصادق السودان وجيعه ابناءه
هل سياخذ الجنوبيين حظهم الان من التعليم بعد ان غيبوا منه ؟
هل سترجع لهم جرعة الدواء التى حرموا منها بسبب سياسات التهميش ؟
هل ستتوقف عنهم الحروب التى رزحوا تحتها ازمان طويلة ؟
الاهم انهم سيكونوا مواطنون فى بلدهم ..
حزننا على فراقكم لا يساويه الا فرحنا بانعتاقكم
ـــــــــــــــــــ
عشمانيين فى وقوفكم معانا ..
دينق هل تسمعنى ؟
| |
|
|
|
|
|
|
|
|
|
Re: عزيزى دينق هل تسمعنى !! (Re: دينا خالد)
|
معاوية الصايم
خلاص يبدو انو الفاس وقعت فى الراس ..
فقد قرروا مصيرهم ..
تركناهم لخيار واحد لا بديل له
فى ذات غفلة من الزمان !!
فتأمل لما بعد يوم يوم 15 ...
وما ادراك ما الساعة ....
| |
|
|
|
|
|
|
|
|
|
Re: عزيزى دينق هل تسمعنى !! (Re: دينا خالد)
|
لؤى يااا اخى فى الحسرة
اليوم 3 يناير بقى من الزمن 6 ايام
فقدنا الامل
ويعتصرنا الالم ..
العين بصيرة واليد قصيرة
يا لؤى يا حليل الغنا والفرح ..
عارفاك انت من المهمومين والمغمومين
الله يبارك فيك والفقد واحد .. اقعد
احمد ابنعوف سيد الوجعة
كلامك كلو صاح .. ولكن لاحياة لمن تنادى
تقترب عقارب الساعة من التاسع من يناير
| |
|
|
|
|
|
|
|
|
|
Re: عزيزى دينق هل تسمعنى !! (Re: دينا خالد)
|
تعرفى يا دينا طول ما الناس لسة بتقول انا شايقى وانا جعلى وانا دنقلاوى وانا جن احمر..عمرو البلد دى ما تتقدم..وطول ماناس ابوذر فى السجن عشان كتبوا واتكلموا عمرو البلد دى ماتتقدم..لحددددددددددددى ما يجى اليوم البتسالى فيه الواحد ويجاوب ليك بانه هو سودانى وبس...ولحدى ما يجى اليوم البتنبذ فيه الجرايد الحكومة والرئيس من غير مايسجنوهم .. حتى يكون فى امل بعد داك اننا نمشى لى قدام لانو المشى لى قدام ده ماااااااااااهو جياد وكبارى وشوارع وبس..
الحبيب دينق والاخوة والاخوات من جنوب الوادى
قلوبنا معكم
مع صادق الحب والاحترام والتقدير
| |
|
|
|
|
|
|
|
|
 Re: عزيزى دينق هل تسمعنى !! (Re: Ali Sirelkhatim)
|
أقسم لك بالله يا دينا بأن كمية الغضب الجواي
دون مبالغة، لربما تفجر هذا المنبر (أنقر ضاري)!
غضب وغبن وحنق 
ودموع 
وعجز 
الله يجازي اللي كان السبب مليون بل دشليون مرة
______
وبي أيضآ
حزن تملكني
| |
|
|
|
|
|
|
|
|
|
Re: عزيزى دينق هل تسمعنى !! (Re: Hadeer Alzain)
|
دينا خالد
تحية
نمسك الدمعه بالصنقيعه
قاتل الله الهوس الديني والاستعلاء العروبوي الذي ساهم في الضياع
الان سينبت جنوب اخر ومشكلة اخري سيتبب فيها الاسلام وفهم خلق الله له
والعروبه وضياع الهوية
اه يا وطن لا تتقدمه اي قياده
لك الامنيات
قلبنا معك يا دينا ومع جماهير شعبنا من عصابة يونيو الاسلامية
| |
|
|
|
|
|
|
|
|
|
Re: عزيزى دينق هل تسمعنى !! (Re: Sabri Elshareef)
|
الأستاذ صبري الشريف
Quote: الان سينبت جنوب اخر ومشكلة اخري سيتبب فيها الاسلام وفهم خلق الله له
والعروبه وضياع الهوية
|
عشان ما نفتل البوست دا لي ستو
لا دخل للاسلام بانفصال الجنوب او وحدته
والله لن نقبل ان تدخل دين محمد صلى الله عليه وسلم في كل شيء شائن
خليك في موضوع البوست وخلي الدين في البوست الخاص به حتى لا يختلط الحابل بالنابل
الصادق
| |
|
|
|
|
|
|
|
|
|
Re: عزيزى دينق هل تسمعنى !! (Re: الصادق صديق سلمان)
|
طيب وين كنتو لما الناس ديل كانوا قابعين فى بيوت الخيش والصفيح وسط عماراتكم وبيوتكم الما خمج
ما شفنا زول اتبنى حملة حتى لو اسفيرية تجبر المجتمع المدنى او الرسمى بتحمل مسئولياته تجاه اولئك
المعدمين , وكاننا نبكى الان على فقدان منظرا من البؤس تعودنا على رؤيته وسوف تنقص حياتنا دون رؤياه
وما فائدة ان نحتفظ بوطن نعجز على الوفاء بالتزاماتنا نحو من هم باطرافه وحتى فى سنتره
يا اخى الناس ديل تغمرهم الفرحة باكتساب حق من حقوقهم ناضلوا من اجله وبذلوا الارواح وعدم الاستقرار
لسنوات طويلة لنيله , حقو تفرحوا عشان فرحهم وتدوهم خاطركم , الناس ديل مخططين بمنهجية علمية
لدولتهم وستكون نموذج فريد فى القارة الافريقية كدولة مؤسسات والبترول مبروك عليهم كتعويض بسيط
لمعاناتهم التاريخية , ما بتجيهم عوجة بس اختوهم ومعاكم اغانيكم المستلبة دى
| |
|
|
|
|
|
|
|
|
 Re: عزيزى دينق هل تسمعنى !! (Re: احمد التجانى احمد)
|
| Quote: الوضع و الأزمة في جنوب السودان ما كان بسبب احتلال - ومن دولة اجنبية |
والله ذكرتني المناضلة تراجي ..
قالت القيادات السودانية دقست كانو مفترض يستفيدوا من عقلية محمد علي باشا .. وما يفرطو في الجنوبيين
حسع دينا الشهيرة بي دينـا تجي تعمل ليها حفلة بي جوليا بطرس والصبحية بي جوليا روبرتس .
الغريبة المستلب دينق زاتو ما إيجـا يأبر عيني اكتييير .. شو بدوو ما بدووو عام انطرو
| |
|
|
|
|
|
|
|
|
|
Re: عزيزى دينق هل تسمعنى !! (Re: نور الدين عثمان)
|
احمد التيجانى سلامات
عارف كلامك دا صحيح ميه المية ما افتكر فى زول
سويى بكون حريص على وحدة الرجل والحصان بطريقة
واحد طالع فى ضهر اخووه لا ولا ولا
شخصيا انا ادعم بشدة حق الجنوبيين فى الانفصال
ولكن يبقى الاحساس بسقوط وققدعضو اصيل من الجسد كالاحساس
باليد التى بترت من الجسم او الساق او الكليه
حتى لو بدافع العلاج ..
يا سلام يا احمد ختيت يدك على الجرح وكيف فرطنا
حكومة وشعب فى جزء غالى واخوان اعزاء ..
نتمنى ان يتعلموا من تجاربنا الفاشلة وان يعوا الدرس
وان ينعموا بالخير والرفاه
ـــــــــــــــــــ
من ناحية مستلبين فمستلبين والله يا احمد
ما زالت تلهمنا اغانى بوب مارلى عن النضال وتجرنا
بواقى عروبة فى ثقافتنا وليست فى دماءنا للعرب بضم العين
وجر البا بطريقة العطبراوى فى مصر والشام ...
| |
|
|
|
|
|
|
|
|
|
Re: عزيزى دينق هل تسمعنى !! (Re: نور الدين عثمان)
|
Quote: يعنى يا يكونوا ذى ما قلت او يمشوا يفوتوا ؟؟
ماممكن نعيش مع بعض بكل حب واخاء وحنييه ؟
الشعوب تنهض بتنوعها
تنهض باختلافها
تنهض بتعدد لغاتها وثقافاتها واديانها
ياخ بتنهض بتكاملها .. وسع صدرك يا رجل .
|
يا دينا فشل السودان طوال قرن ان يتقبل التنوع والاخاء والحنية والاختلاف والتعدد , حرب مستعرة كاطول حرب في القارة بسبب عدم تقبل هذه الامور
لذا وبدون عواطف خادعة هل الافضل بقائهم مع وجود الحروب وعدم التقبل والاحساس بالدونية والظلم والضيم او الاخاء والحنية والحب بس من بعيد لي بعيد
| |
|
|
|
|
|
|
|
|
|
Re: عزيزى دينق هل تسمعنى !! (Re: نور الدين عثمان)
|
اتى اساسى على غير عادته يحمل بعض الضوء ....
انها البشريات
صدق كلامك صاح ..
صار مافى طريقة غير تكوين دولتهم
فلهم من البعد كل الحب والاخاء والمودة
هدير الزين
كل الحزن على فراق الوطن
يوم لا يشابهه يوم الا يوم موت د. جون
العزيز على سر الختم
القبايل فى روحها ما مشكلة وجودها بثرى مش بنقص والله
لكن المشكلة انو تنبنى حقوق المواطنه على قبيلتك ولونك وشكلك
قالوا الصحفى الامريكى قال لزميله الروسى ايام حرب المعسكرين
عندما التقوا فى مؤتمر فى اوربا قال لى :: نحن فى امريكا تطلع
فى اعلى برج فى واشنطن وتشتم الرئيس الامريكى (مفاخرا بالحريات فى بلده)
الروسى رد عليه مستهترا ونحن نفسسسسس الشى تطلع فى اعلى برج فى موسكو
وتشتم الرئيس الامريكى !! لووووب يا على المغس كتير
ـــــــــــــــــ
كمان انت يا على قول المعقول
ما تتشهى كدا ياخ ..
| |
|
|
|
|
|
|
|
|
|
Re: عزيزى دينق هل تسمعنى !! (Re: دينا خالد)
|
برأي بدل ان نودعهم بالدموع والنحيب...يجب ان نقف معهم
لبناء دولتهم...بكل ما اوتينا من قوة...وان نبعدهم عن
كل المطبات والمزالق التي وقعنا فيها وجعلتنا جميعا
نتفرج ونبكي علي ما يحصل...
يجب ان نعطيهم عصارة ما خبرنا من الم حتي يتحاشوه..
ليمضوا في سبيل حريتهم وبنائهم...بعيدا عن اي توصية
بعد ان فشلنا نحن في ذلك...
فقط اعطوهم خارطة طريق فشلنا...حتي لا يتبعوها فيضلوا
ويرجعوا علي اعقابهم نادمين.
| |
|
|
|
|
|
|
|
|
|
Re: عزيزى دينق هل تسمعنى !! (Re: نور الدين عثمان)
|
صبرى الشريف
علمانية الدولة ستفرض نفسها على كل العالم
وعلى كل الدول .. يجب ان تترك للدين قداسته
وللمسلمين ولغيرهم كافة الحقوق فى الاعتقاد والممارسة لاديانهم ..
نور الدين عثمان كتب ::
( ولكن سلوانا الوحيد انهم اصبحوا بعيدا عن وصاية عصابة اللصوص فمن ينجدنا نحن ... )
ماهو الكلام كدا يا نور عليك نوووور
الحقيقة نحن بنبكى انفسنا فلطالما تخفينا فى طرح قضايانا بهم
ح تطبقوا الشريعة كيف تلت سكان البلد مسيحيين ؟؟؟
السودان قبايله كتيرة سحناته مختلفه اعراقه اثنياتو كلو
وبنكون بنقصد الجنوبيين اها تانى ح نقول يا منوووو ؟
هل ح نقدر نواجه قضايانا مباشرة ؟ بدون ما ندس فى الجنوبيين ؟
تمبس
شكرا على المرور .
| |
|
|
|
|
|
|
|
|
|
Re: عزيزى دينق هل تسمعنى !! (Re: دينا خالد)
|
عارف يا اساسى اسم الزول القلتو دا
ممكن ما يكون جنوبى !!!
وواضح انو ما جنوبى اكيد ح يكون من منطقة
تانية من مناطق السودان وهى على الارجح
جغرافيا ح تكون الجنوب الجديد
شفت مشاكلنا عويصة كيف ؟
ح نقعد نعالج بالبتر كدا ؟؟
خلينا ننكت على حالنا ومن غلبنا قالوا فى واحد
مدممممن ما فارز ليل من نهار امه كبيرة عندها سكر
قطعوا الاصبع فتشوا لممما لقوا دفنوا الاصبع فى المقابر
تانى قطعوا القدم تعبببو لما لقوه مشوا دفنوا القدم
قطعوا الساق برضو جابوا بعد تعب دفنو الساق ..
بعد مده صحوا الصباااح من النوم قوم يافلان امك ماتت
قال ليهم كلللها ؟؟
ــــــــــــــ
مش ياها الباقية علينا ؟
| |
|
|
|
|
|
|
|
|
|
Re: عزيزى دينق هل تسمعنى !! (Re: دينا خالد)
|
والله العبره خانقاني وحزييييييييييينه حزن يهد جبال
كلنا مسؤولين وكلنا غلطانين وكلنا اتلومنا واللوم راكبنا...
سكتنا كتير، ولسه ساكتين، وما معروف نتكلم متين...
| |
|
|
|
|
|
|
|
|
|
Re: عزيزى دينق هل تسمعنى !! (Re: دينا خالد)
|
الغالية دينا.
بقية الأخوة والاخوات
شكرا لمشاعرك النبيلة تجاه ما يحدث في السودان. فعلا أن أنقسام السودان الى دولتين يعتبر كارثة بالنسبة الى جميع الذين يؤمنون بسودان واحد موحد ويتمتع فيه جميع السودانين بنفس الحقوق والواجبات بغض النظر عن لونهم، دينهم أو عرقهم. وكل اللوميقع على الذين تولوا قيادة الحكم في السودان وأصروا أن يصير السودان البلد المتعدد الديانات والاعراق الى دولة يمثلها دين واحد وعرق واحد. هذا هي الاسباب التي أدت الى أنقسام السودان الى دولتين. عشمنا كبير في الاجيال القادمة ربما تستطيع إعادة توحيد السودان وفق أسس جديدة وفي نفس الوقت يكون أهل الجنوب تخطوا حجم المآسي التي لحقت بهم بواسطة الحكومات المتعاقبة للسودان.
| |
|
|
|
|
|
|
|
|
|
Re: عزيزى دينق هل تسمعنى !! (Re: دينا خالد)
|
نزار حسين
انت بتتكلم كدا كانو هم ما كانو معانا!!
بل هم عارفين اكثر لانهم كانوا ضحايا السياسات دى
كانو ضحايا كل الغبن والقهر الاجتماعى والثقافى كمان
ديل بوروهم ؟
ذى ما قال واحد من المتداخلين فوق نحن بس نختاهم
نبعد بى وصايتنا عنهم
نخليهم يعيشوا تجربتهم بى خيرها وشرها
فلابد من بداية للسير فى اى طريق
ما عايزين نقول ليهم اقعدوا فى ظل الاوضاع دى
ابدا
لكن قالوا عظم الله لحظة الفراق ..
| |
|
|
|
|
|
|
|
|
|
Re: عزيزى دينق هل تسمعنى !! (Re: دينا خالد)
|
..
.
Quote: الحقيقة نحن بنبكى انفسنا فلطالما تخفينا فى طرح قضايانا بهم
ح تطبقوا الشريعة كيف تلت سكان البلد مسيحيين ؟؟؟ |
بالله هى دى قضيتكم ..!!؟
عدم تطبيق الشريعة _ وان فشلت الانقاذ فى ذلك بمتناقضاتها!!؟_
كنت اعتقد ان قضاياكم ليست اسلامية فقط بل تحت ما يسمى
بالحقوق الانسانية واجتماعية واقتصادية وديمقراطية
وان كنتم تتحججون بالسحنات والقبائل بانهاالجنوب فلا زال هناك
عشرات الحجج من الزغاوة والمسيرية والشايقية والاقباط وبنى عامر وحلفاويين
بفتوحوا طاقات حجج حتى وان استدليتم بلآثار الاقصر او ابو الهول اوحتى البجراوية وابيي ..
-----------
حان الوقت لتمتلكوا الشجاعة لمواجهة قضاياكم بدون التوارى
خلف الجنوبيين والحركة الشعبية ...
والله فعلا السودان بلد المتناقضات ..!!
هذا ان استوعبتى ما ارمى اليه يا صديقة؛
| |
|
|
|
|
|
|
|
|
|
Re: عزيزى دينق هل تسمعنى !! (Re: Tabaldina)
|
مرحب يا اسس
Quote: وليد عبد الرجال
هذا لا يحدث الا في السودان ان يتم تسمية احدهم بعبد الرجال !! |
وليد ده دفعتنا يا اساسي
هو من اولاد الـ 13
قون صاقعة ولاعب وسط جيد
كان مفروض يسجل معانا في اشبال المريخ سنة 1992 جابو حاتم محمد احمد ( هو ود حلتهم ) لكن ما لقى طريقة معانا
سجل في اشبال الهلال
لكن قبل ما يلعب اي كورة اتعرض لحاثة خلع كتف .. وكتفه بقى بقع طوالي
بطل يلعب قون .. وتجه للعب في الوسط
حتى انه سجل في الخرطوم 3 كلاعب وسط واساسي
قبل سنتين تلاته رجع يلعب قون
وماشي تيكة لانو حقيقي حارس مرمى مهول ولولا الاصابة كان بمشي فيها
المهم خلاصة القول
وليد يستعبد ولا يعبد البشر
موده
| |
|
|
|
|
|
|
|
|
|
Re: عزيزى دينق هل تسمعنى !! (Re: Tabaldina)
|
اساسي قال :
Quote: غضبت اليوم كما لم اغضب من قبل وانا اشاهد في قناة السودان برنامج رياضي كان فيه لستة باسماء الذين تم تسجيلهم فاجاني اسم احدهم
وليد عبد الرجال |
وقالت دينا :
Quote: عارف يا اساسى اسم الزول القلتو دا
ممكن ما يكون جنوبى !!!
وواضح انو ما جنوبى اكيد ح يكون من منطقة
تانية من مناطق السودان وهى على الارجح
جغرافيا ح تكون الجنوب الجديد |
وليد عبد الرجال البعرفو وطالما قلت برنامج رياضي يا اساسي فهو وليد عبد الرجال ود الثورة الحارة 13 وهو فس الاصل من الطالباب في الجزيرة قبل الحاصحيصا ..هو افضل حارس مرمى بس ما بتدي حريف وهو افضل لاعب كرة طائرة وبررررضو ما بتدي حريف وهو مهاجم لا يشق ليهو غبار وبرررضو ما بتدي حريف وليد عبد الرجال كان كابتن حاتم محمد احمد في منتخب الكرة الطائرة وهو حارس لعب لفريق الزهرة الامدرماني ..
غايتو يا بخت السجلو ..
بالمناسبة عمك عبد الرجال ده اطييب سوداني اشوفو في حياتي ..
| |
|
|
|
|
|
|
|
|
|
Re: عزيزى دينق هل تسمعنى !! (Re: nazar hussien)
|
لا يا وليد أفضضضضل ..
وكان معاهو واحد في حلتنا إسمو وليد القرد بس داك مستهتتتر وجنو ضحك..
وليد عبد الرجال ده ده لو واصل صاح كان بيمشي في درب بريمة (طبعا ما بلحقو ) بس عندو بنية بتاعت الحارس الرشيق والتوقع العالي ..مشكلتو كان مساك دربين طائرة وقدم وفي القدم عايز يلعب اي خانة
| |
|
|
|
|
|
|
|
|
|
Re: عزيزى دينق هل تسمعنى !! (Re: Tabaldina)
|
قُسم السودان ...
الوطن القارة ..
الوطن الكبير ..
الوطن المنكوب ..
فهل بتقسيمه ستقف الحرب وينعم ما تبقى منه بسلام !!؟؟
ام انها بداية لنهايته وتفتيته تماماً !!؟؟
| |
|
|
|
|
|
|
|
|
 Re: عزيزى دينق هل تسمعنى !! (Re: ابوعبيدة حسن محمد)
|
عزيزتي دينا ... في الشمال هل تسمعيني ...
عزيزي دينق في الطرف الآخر الجنوبي هل تسمعني
لا للحزن ولا للإنكسار ...
ولن أستشعر الندم لأنني سأعيش بإحساس من يملك المليون ميل مربع ...
فمن قاموا بذلك ليس لديهم حق القيام بذلك وهم لا يمثلوني بأي شكل ...
أعني من تسبب في هذا الانفصال ...
أعتقدا أنها فرصة جيدة لنراجع أنفسنا ونكشف سوءاتنا أمام الملأ ... وليس كلنا ولكن لا يستهان بكثرة سيئة الفكر والاسلوب وعنصرية في التعامل مع الآخر ...
إنها دعوة لأن نقبل بعضنا البعض ... لتعود المليون ميل مربع لننصف فيها كل فرد ونعطي كل صاحب حق حقه ونعيش بسلام كأقوى المجتمعات
بلدنا جميلة ولا شمال بدون جنوب ولا جنوب بدون شمالي ...
الجنوبي مني وأنا له .. المفهوم الذي يجب أن نؤطره في أذهان الأجيال القادمة ... ولنعمل سوية على تحسين مفهوم المشاركة في الوطن وقبول الآخر... يا دينا ..
فلنستشعر الوحدة في إحساسنا ويجب أن لا نؤمن بفكرة الانفصال وإن حدثت في أرض الواقع فلتكن في نفوسنا .... مبنية
الجنوب من حولى وفي أضلعي وعلى الشمال ضميت ضلوعي ...
ولن أسمح للأيام لتحكم علي بموت احاسيسي والتوحد .... وبأننا شعب واحد لا شعبين ..ز
نعم سنبكي حزناً لفراق الأحباء وسيبكي الآخر فرحا ولكن يجب أن لا نسمح للقلوب أن تاسرنا بالاهات بل علينا أن نبذل كل غال ونفيس لنعود كما كنا
حتى لا نصل لمرحلة لا نعرف فيها أين سنمكث... سواء في الشمال أو الجنوب ... لأنه دونهما لا وطن لنا
أخاف ان تستفيقوا يوما بوطن ضاع في صفحات السنين ... مشطر وكله ويلات وحروب ... فلا أمل لنا غير أن نعيش بوئام ... ومحبة
أشعر أنني حينما أنتمي لوطن ينقصه الجنوب كانني كلمات بدون احرف ... خيال ...
وذكريات بدون ماضي
وساتمنى أن أنأى بنفسي في مكان بعيد ... وسأسكن في عالم غريب ....
عالم لا اشعرفيه بنكهة البشر الطيبون .... ناس ملوال ومحمد أحمد وهارون وأوشيك
ولن يكون هنالك طعم لنسمات الجنوب المشبعة بعبق الأرض والخريف ....
ثم ماذا عن أحاديث الشجر ... فهل يعقل بخسران الجنوب أن نفقد ثروات متجددة كالغطاء النباتي بما مقداره 80% ....
لا لن أفقد مداعبات قطرات الندي لنا والنور والزهر ...
دقت ساعة الفراق ... ولكنها فراق جغرافي ... وستظل المودة والمحبة باقية بيننا بأخوة لنا ..."مانقو أخوي يلاك معايا"
حان وقت الوداع ... وداع الجهل لنطوي الظلام ونودع حقبا عجافا لا تعي لا تنطق ... وحان وقت أن نصحح مسارنا ...
ولا لفكرة انفصال السودان ...
| |
|
|
|
|
|
|
|
|
|
Re: عزيزى دينق هل تسمعنى !! (Re: othman mohmmadien)
|
حولاااااااااااااا ضلام لما ما شايفة
وليد
وعمر الفاروق
واساسى ؟
والله لو لا لمبة تبلدينا
ما كان لقيت بوستينى دا ..
بجيكم
ــــــــــــــــــ
مرحبا بالضوء الساطع دينق
مرحبا بالنور الذى بدد ظلام هذا البوست
اتفضل ادخل لى جوه انا والظلاميين ديل عندنا معاك حوار
انتهيتو من الكورة الطايره دى والغلات ؟؟
سمح اتفضلوا اقعدوا وامنعوا الفوضى ...
| |
|
|
|
|
|
|
|
|
|
Re: عزيزى دينق هل تسمعنى !! (Re: دينا خالد)
|
ليتنا
أو ليت فناني اليوم " إن وُجِد " يخرجون لنا شيئاً يشابه في الكلمات واللحن والصوت بما يذكرنا غداً
_________________________
فناني الأمس ختموها بالملحمة واكتفو بها
| |
|
|
|
|
|
|
|
|
|
Re: عزيزى دينق هل تسمعنى !! (Re: عمران حسن صالح)
|
عثمان محمدين
كلام ذى الدهب
انا اسمع فى الطرف الشمالى
ودينق هناك فى الجنوبى يسمع ايضا
ولكن ماذا نفعل مع الصم الذين يملاؤن السودان ؟
فى الشمال وفى الوسط فى الشرق والغرب والجنوب ؟
الفنان ابوعبيدة حسن
الحرب قادمة لا محال اذا تواصل الحال
الوقوف فى وجه تقرير المصير ليس من الحكمة فى شىء
| |
|
|
|
|
|
|
|
|
|
Re: عزيزى دينق هل تسمعنى !! (Re: عمران حسن صالح)
|
Quote: كنت اعتقد ان قضاياكم ليست اسلامية فقط بل تحت ما يسمى
بالحقوق الانسانية واجتماعية واقتصادية وديمقراطية
|
تبلدينا ونص ..
ولكنهم تحت مسمى الشريعة قتلوا كل الحقوق
الانسانية والاجتماعية والاقتصادية والديمقراطية!!
لا نتحدث عن دين اسمه الاسلام ابدا
نتحدث عن صيغة حكم حكمنا بها سميت اسلامية
استخدمت فى هضم الحقوق التى ذكرتها كلها وشوهت الاسلام .
الى متى يا تبلدينا سنتحجج بالسحنات والقبايل ؟؟
يجب ان نرفض نحن ما يتم مستندين الى رفضنا بالاصالة
لما يحدث وليس بالانابة
ياهو كلامك القلتو فى الاخر دا كلام محترم
لمتين نضارى وراء السحنات و (الدغمسة)
حان الان وقت الجهر بقضايانا بالاصالة عن نفسنا ..
ــــــــــــــــ
وكان ما استوعبتك انا البستوعبك منو ؟
تبلدينا ياخ .. الرجل الحصيف واللماح
| |
|
|
|
|
|
|
|
|
|
Re: عزيزى دينق هل تسمعنى !! (Re: دينا خالد)
|
| Quote: تبلدينا ياخ .. الرجل الحصيف واللماح |
معجبه مغرمه أنا موش عايزه الا هووووو
وصله غنائيه وسنه تلفزيونيه ...ياخ ناس التلفزيون أكان إستضافو أئمة الجوامع يجيبو ليك زول بي عودو
لووووب يادينا ...واصلي في موضوعك الهادف ...قال حارس مرمى قال
| |
|
|
|
|
|
|
|
|
|
Re: عزيزى دينق هل تسمعنى !! (Re: عمران حسن صالح)
|
عمرااان يا عمران
كان راجى ناس حمادة ولد ديل يغنوا للتزكير بالغد
تكون بالغتا ..
خلينا نشوف للغد من ناس الامس ديل ذااتهم
مش شرحبيل غنى ياما بكرة تندم ؟
مش الشاعر قال
اجمل اطفال السودان لم يولد بعد
واجمل زهرات الغد ما نبتت حتى الان ؟
لكنا نقسم بالايمان ان الاشجار ستطرح
ما لم تشهد اجمل منهم عينان ..
وغنى وردى لى بكره
وغنى الكاشف اها بنفع ؟
| |
|
|
|
|
|
|
|
|
|
Re: عزيزى دينق هل تسمعنى !! (Re: دينا خالد)
|
المهم ان لا تتركنا بفعل الزهج مننا والاحباط
لا تتركنا يا دينق .. ما ترمى طوبتنا ياخ
فظيعين صاح لكن بنتصلح ..
ـــــــــــــــ
كبر شنطة التصليح وكتر الادوات
ولا تحول كما قال د. الواثق كمير بلغة المحاسبة
لا تحول الخصوم الى اصول .. لووووب
المقال معلن عنه فى صحف اليوم .
| |
|
|
|
|
|
|
|
|
|
Re: عزيزى دينق هل تسمعنى !! (Re: دينا خالد)
|
الشماليون بالحركة الشعبية: تحويل الخصوم إلى أصول!
الشماليون بالحركة وقطاع الشمال: الإستراتيجيات البديلة والمهام!
في ضوء هذا الواقع السياسى الماثل، فعلى قطاع الشمال، والشماليين، بالحركة واجب سياسي وأخلاقى باحترام خيار الجنوبيين بالانفصال، بغض النظر عن ما يحيط بإجراءات الاستفتاء من شكوك وظنون، والتفكير الجاد فى:
إن لم يتحقق السودان الجديد، فالسيناريوهات البديلة تشمل مختلف أشكال ودرجات ممارسة حق تقرير المصير، تتراوح بين درجات من الاستقلال والحكم الذاتي، بما في ذلك الترتيبات الفدرالية والكونفدرالية، أو تقسيم وتشظى البلاد، على الطرف النقيض. بمعنى آخر، من الممكن الاتفاق على درجة من «الانفصال» بحيث يكون كل كيان قائماً بذاته، في حين تتم الدعوة إلى التعايش السلمي والتعاون المتبادل.
وحتى في حال الانفصال، ستستمر المبادئ المعيارية للسودان الجديد في إرشاد وتوجيه التطور الدستوري وأنظمة الحكم في الكيانين، الشمال والجنوب. بمعنى آخر، فمن منظور طويل الأجل يمكن للمرء أن يتصور قيام أطر وهياكل جديدة تتطور من خلالها أسس ومبادئ بناءة وأكثر رسوخا لأشكال ودرجات مختلفة من الوحدة المستدامة، ولعل أفضلها أن يتم الاتفاق على «إتحاد» بين دولتين مستقلتين، يستصحب روح الوحدة ويتأسس على قيم أساسية وعلاقات مؤسسية ومنظمة.
من الجائز أيضا التسخير الفعال لعلاقات التعاون الإقليمي لتعزيز تحقيق المبادئ المعيارية والمرتكزات الأساسية للسودان الجديد.
ويستدعى هذا التفكير الموضوعى:
أولا: التأكيد على التزام ووقوف الشماليين بالحركة المبدئى مع شعب جنوب السودان فى تقرير مصيره، وإدراكنا المسبق بأن ممارسة هذا الحق قد تفضى إلى انفصال الجنوب (ولو بنسبة 1%).
ثانيا: الدعوة، وبصورة ملحة، لعقد إجتماع عام للقطاع يراعى المؤسسية والتمثيل المتوازن للعضوية فى كل الولايات الشمالية، بغرض:
1/ إجراء مراجعة شاملة لتجربة عمل القطاع السياسية والتنظيمية، وتحديد السلبيات والمعوِّقات، والبناء على الايجابيات والانجازات، إضافة إلى التفاكر بعيد النظر حول مصير القطاع في حال انفصال الجنوب،
2/ الحوار الجاد والنقاش الصريح حول الاستراتيجية البديلة للاتفاق على حلول خلاقة، تفى بطموحات السياسيين و»القوميين» الجنوبيين فى تحقيق تطلعهم للدولة المستقلة، مع الاستجابة فى نفس الوقت لواقع التعايش التاريخى والقواسم المشتركة، والإرث المشترك بين الشماليين والجنوبيين، التى يستحيل القفز فوقها أو اخضاعها لمنطق التقسيم! إن الاتفاق على مثل هذا الإطار سيمهد الطريق لتجاوز القضايا العالقة (أبيى، الحدود، المشورة الشعبية)، ويسهل حل قضايا ما بعد الاستفتاء (الانفصال).
ثالثا: ابتدار الحوار والتنسيق مع قيادات الحركة فى جنوب كردفان والنيل الأزرق بغرض الوصول لفهم مشترك ورؤية موحدة حول الإستراتيجية البديلة، ولضمان قيام المشورة الشعبية فى الولايتين بما يحقق أهدافها ويلبى تطلعات مواطنى المنطقتين.
رابعا: المثابرة على المطالبة بعقد اجتماع مجلس التحرير القومى، مع التحضير المحكم والإعداد الجيد له، لمناقشة وإجازة الإستراتيجية البديلة بعد إكمال عناصرها لتتضمن الحل السلمى للنزاع فى دارفور والتعامل المتوازن مع المجتمع الدولى بما يخدم أهداف الإستراتيجية القائمة أصلا (فى حال الإنفصال) على نشوء كيانين قابلين للحياة سياسيا واقتصاديا، وقادرين على التفاعل المشترك، وعلى استيعاب مصالح المجموعات السياسية المتنافسة فى كل منهما.
خامسا: الانفتاح على، والدخول فى حوار بناء وصريح مع كل قوى التغيير فى شمال السودان للوصول لرؤية مشتركة والاتفاق على الشكل التنظيمى الملائم.
من التلاوم المتبادل إلى الاعتماد المتبادل!
إن الخلط، إن كان متعمداً أو بغير قصد، بين السودان الجديد كإطار مفهومي، والحركة الشعبية كمروج للمشروع، وكتنظيم سياسي بادر في لحظة تاريخية معينة، لتحويل الرؤية إلى واقع ملموس، قد تسبب فى إرباك وخيبة ظن الشماليين بالحركة، وتعرضهم لهجمة من الشامتين وأعداء التغيير. فإذا أخفقت الحركة الشعبية في تحويل نفسها إلى حركة قومية قوية على إمتداد السودان الواحد، والتنظيمات السياسية ليست بمعصومة عن الفشل، فعلى الشماليين عدم الكف عن المثابرة لابتداع الإستراتيجية(ات) البديلة- فكرياً وتنظيميا- لتحقيق السلام المستدام، وإنجاز دولة المواطنة السودانية. فهاتان مهمتان ملحتان ستظلان تلازمان عملية تطورنا السياسى لحين طويل من الزمان! إن فشل المؤتمر الوطنى والحركة الشعبية، كل بقدر حجم مسئوليته، فى إدارة الفترة الانتقالية، بما يفضى إلى تغليب خيار الوحدة، يجب أن لا يتحول إلى التنابذ والتلاوم الحزبى المتبادل، كل طرف يحمل الآخر وزر الانفصال مما لا يجدى معه نفعا أو مصلحة وطنية. يجب أن نقر جميعا بفشلنا، ولو تفاوتت الدرجات، فى استغلال الأوضاع والترتيبات الدستورية الناجمة عن اتفاقية السلام الشامل لجعل الوحدة جاذبة. وعليه، فإن المطلوب بإلحاح هو تحويل خصوم وسلبيات الانفصال، الحقيقية والمتوهمة، إلى أصول وإيجابيات، وبذل كل الجهود لتحويل واقع الانفصال، إلى وضع الكل فيه منتصر (win-win situation) لا يحس فيه أى طرف من الأطراف بالهزيمة أو الانكسار!
إن الشماليين بالحركة، والوحدويين من الجنوبيين، يشكلون جسوراً للتواصل وحبالاً للوصل بين الشمال والجنوب فى السياق العام لسعى كل القوى السياسية الوطنية السودانية، وعلى رأسها شريكا الحكم، لإقامة علاقة إستراتيجية منظمة ومؤسسية، بين دولتين مستقلتين بالبناء على الاعتمادات التاريخية المتبادلة بين الشمال والجنوب فى المجالات الاقتصادية والاجتماعية والسياسية. ومن المهم هنا التشديد على القيم الأساسية والمتطلبات الضرورية لمثل هذه العلاقة، والمتمثلة فى بناء كيانين قابلين للحياة سياسيا واقتصاديا ، يتوافقان على :
الحاجة لتعزيز الإستقرار السياسى فى الشمال والجنوب بالعمل على ترسيخ الممارسة الديمقراطبة والحكم الراشد الدستورى القائم على إحترام حكم القانون والحريات وحقوق الانسان بما يشمل حرية التنظيم واحترام آراء الأقليات وحرية التعبير، واحترام كرامة الشعب السودانى فى تعدده وتنوعه الدينى والاجتماعى والثقافى.
تعزيز شمولية الحكم فى الشمال والجنوب، والاستيعاب السياسى للمصالح والمجموعات المتنافسة سياسيا فى كل منهما، والتعاون السياسى بينهما لمقابلة التحديات الجسام التى ستواجه الدولتين الجديدتين، مما يستدعى بالضرورة ضمان حرية الممارسة والنشاط لكل القوى السياسية وفقا لأحكام القانون. وهذا لاشك ضرورى حتى لا تلجأ كل دولة لإيذاء الأخرى عن طريق الحرب بالوكالة وذلك بدعمها للمعارضين فى الدولة الأخرى بما يهدد السلام والاستقرار.
بناء وتعزيز الديمقراطية والاستقرار فى كل من الدولتين لابد من إشراك القوى السياسية الفاعلة فى عملية مراجعة دستورية تمثل إرادة وتطلعات الشعبين فى الشمال والجنوب.
إجراء مصالحة وطنية شاملة فى كلٍ من البلدين، لتجاوز مرارات الماضى مع ابتداع آليات تشاركية فعالة للمصالحة وتضميد الجراح فى الشمال والجنوب.
الالتزام الأمين بعملية المشورة الشعبية كما حددتها اتفاقية السلام الشامل لمقابلة تطلعات أهل منطقتى جنوب كردفان والنيل الأزرق، والتأكيد عليها كنموذج ديمقراطى وتشاركى لحل النزاعات فى كل أنحاء البلاد.
الالتزام بالحل السلمى العاجل لقضية أبيى بما يتسق مع البروتوكول الخاص للنزاع فى أبيى والحفاظ على المنطقة كجسر للتواصل بين الشمال والجنوب والتعايش السلمى بين الشعبين، وتقدم نموذجا للاعتماد المتبادل.
التوصل إلى حل النزاع فى دارفور، على ان تلعب الحركة الشعبية دورا إيجابيا قبل إعلان قيام دولة الجنوب فى 9 يوليو 2011، مما يضمن إستدامة السلام والاستقرار فى الدولتين الجديدتين.
الخرطوم
الواثق كمير
يناير 2010
| |
|
|
|
|
|
|
|
|
|
Re: عزيزى دينق هل تسمعنى !! (Re: دينا خالد)
|
الاستاذ الواثق دكتور فى الاقتصاد
استخدم مصطلحات تخصصه وهو بكتب فى السياسة
قايلنى ناقشين حاجة ياخ نحن لما قوقلناها لوووووب.
ولتعم الفائدة هذا ما اتى به قوقل
فى تعريف بسيط ومختصر للناس الزينا بقول ::
الفرق هو
حقوقك و التزاماتك او حقوق الغير ليديك
بمعنى اكثر دقية
الاصول هى
الكاش , البنك , الاثاث , السيارات , المدينيون ( حقوقك )
الخصوم
الدئنون , الالتزامات , المدينونيات
هذا هو الفرق
فى تعريف تانى للناس الممكن يفهموا شوية
الأصـول Assets
وتنقسم إلى مجموعتين أساسيتين:
[ أ ] الأصول الثابتة Fixed Assets
وهي عبارة عن أصول يتم اقتناءها لخدمة المنشأة لعدد من السنوات وتكون في الأساس غير معدة للبيع.
مثل الأراضي والمباني والآلات والمعدات ووسائل النقل.
كما يمكن أن تحتوي الأصول الثابتة على أصول غير ملموسة مثل: الشهرة Goodwill وحقوق الامتياز Franchises وخلافه.
[ب] الأصول المتداولة Current Assets
عبارة عن أصول يمكن تحويلها إلى نقدية خلال عام أو أقل من خلال دورة التشغيل العادية للشركة.
• أرصدة النقدية المحتفظ بها في المنشأة ولدى البنوك والمتاحة لمتطلبات التشغيل الجاري
•المخزون: مواد خام – تحت التشغيل – تامة الصنع.
•العملاء Accounts Receivables ناتج البيع بالأجل لعملاء الشركة.
•استثمارات مالية Marketable Securities: اذون خزانة – أسهم – سندات.
•المصروفات المقدمة: مصروفات تم دفعها مقابل خدمة لم يتم الحصول عليها بعد.
[red]الخصوم Liabilities
.هي التزامات الشركة سواء من تمويل أو من معاملات تجارية ، وتنقسم إلى:
[ أ ] خصوم طويلة الأجل Long-Term Liabilities
التزامات مستحقة خلال فترة سنة أو أكثر وغالباً تنشأ لأهداف تمويلية طويلة الأجل ، وتحتوى على بنود من القروض من البنوك والسندات المصدرة.
[ب] الخصوم المتداولة Current Liabilities
التزامات مستحقة على الشركة خلال فترة أقل من سنة وغالباً تنشاً لأهدف تشغيلية وتحتوى على:
•بنوك سحب على المكشوف (Over draft): وهو أحد أنواع الائتمان المصرفي.
•الأجزاء الجارية المستحقة السداد من الالتزامات طويلة الأجل
•الموردين: وهو ناتج الشراء من الموردين بالأجل.
•توزيعات الأرباح المستحقة السداد أو دائنو توزيعات الأرباح.
•مصروفات مستحقة: مصروفات مستحقة على الشركة ويجب سدادها خلال سنة بسبب استحقاقها فعلياً خلال العام.
•الإيرادات المقدمة: إيرادات قامت الشركة بتحصيلها وتخص فترة محاسبية أخرى.
3
| |
|
|
|
|
|
|
|
|
|
Re: عزيزى دينق هل تسمعنى !! (Re: دينا خالد)
|
أمنقة حاجة قالت لينا بجيكم ..ولحددددي أسة ما جاتنا .. غايتو حريفة كيف في شغل التمشية وتوللللبوت تلبت لي البعدنا رودرودوت ردوردودت وواصلت عاااايدي (يا قول اهلي السعوديين)..
تخريمة :
هاك مقابر فاروق دي
| |
|
|
|
|
|
|
|
|
|
Re: عزيزى دينق هل تسمعنى !! (Re: عمر الفاروق)
|
عمر الفاروق
يا رودودوت انت
طبعا التمويه حولى دا بعججججبك
واصلوا ما بتحب تفطوا .. ولازم تاكد عليه .
دا يكون يكون من شنو ؟ عجبتك فاروق دى ؟
ونفسسسك تتوهن زيادة من توهان ..
للضمان كدا ما فاروق الفى اسمك دى ..
ما تدررعنا ..
ـــــــــــــ
انا كنت ح ارجع ليكم عشان احذركم ما تشتتوا
الكورة ولقيتكم فهمتوها .. انت ياطيب مصطفى المنبر ..
| |
|
|
|
|
|
|
|
|
|
Re: عزيزى دينق هل تسمعنى !! (Re: دينا خالد)
|
دينا
اشاطرك الحزن وفي الوقت ذاتو السعادة
بانو اخوتنا الجنوبيون سيحظون اخيرا بوطن
ينعمون فيه بالحرية والمساواة امام القانون واحترام انسانية الانسان و(ربما)حقوقه.
ثم
اهيدك اغنية
وردي البتقول ...
غدار دموعك ما بتفيد ....الخ الخ الخ :)
حتى تصل الاغنية الى المقطع البقول:
الجفلن خلهن
اقرع الواقفات
| |
|
|
|
|
|
|
|
|
|
Re: عزيزى دينق هل تسمعنى !! (Re: دينا خالد)
|
| Quote: ايام لا تشابهها ايام الا تلك التى اعقبت موت د. جون ! |
المعياااااارررر ؟؟؟؟
تخريمه:
أول مره نتيجة تصويت يتفق علي نتيجتا الخصمان والعالم أجمع وشلاقه ذاااااتو
إرعوي
| |
|
|
|
|
|
|
|
|
|
Re: عزيزى دينق هل تسمعنى !! (Re: أمير فتحي)
|
وما نحن بنتكلم عن المحسومة دى ذاااتها يا ود
اصحى معانا اصحى
الغريبة عاينت لقيت الدنيا نهار ! لوووب عليك
ـــــــــــــــ
دينق ورفاقه مشغولين ببناء السودان الجديد
وعازمين على الاستفادة من كل الدروس
اذا سمعنا ... فقط ح نقول ليه
مبرووووك سودانكم الجديد وعقبالنا !!
| |
|
|
|
|
|
|
|
|
|
Re: عزيزى دينق هل تسمعنى !! (Re: Balla Musa)
|
Quote: تعرفى يا دينا طول ما الناس لسة بتقول انا شايقى وانا جعلى وانا دنقلاوى وانا جن احمر..عمرو البلد دى ما تتقدم..وطول ماناس ابوذر فى السجن عشان كتبوا واتكلموا عمرو البلد دى ماتتقدم..لحددددددددددددى ما يجى اليوم البتسالى فيه الواحد ويجاوب ليك بانه هو سودانى وبس...ولحدى ما يجى اليوم البتنبذ فيه الجرايد الحكومة والرئيس من غير مايسجنوهم .. حتى يكون فى امل بعد داك اننا نمشى لى قدام لانو المشى لى قدام ده ماااااااااااهو جياد وكبارى وشوارع وبس..
|
ابصم بالعشره
ومن كل قلبي اتمني الا يكررها اهلنا في جنوب الوادي
اتمني ليهم دوله تفصل بين الدين والدوله وان تتساوي فيها حقوق كل مواطنيها باختلاف قبائلهم ولغاتهم
دوله ديمقراطيه تكفل حريه الراي والمعتقد دوله المؤسسات والشفاقيه والمساواه امام القانون .
باختصار يا دينق ما تكرروا اي من العــــــــــــــــفن الذي تمارسه حكومه الانقاذ لانها اسوا الحكومات التي مرت علي السودان منذ استقلاله .
| |
|
|
|
|
|
|
|
|
|
Re: عزيزى دينق هل تسمعنى !! (Re: خالد العبيد)
|
العزيز بلة يا بلا الرقم جلاا
وحول دى لى وين ؟ اوع تجلى برضو
العزيزة شديد دوما
ودى ياها ذاتها وصاياناالعشرة لى دينق
تسلمى يا حيبيبة يا ست الفهم
العزيز خالد العبيد
مافى زول ح يحتار يمشى وين
النكبة اصابت السودان ذاتو يا خالد
يعنى هم الشمالين قاعدين؟
ما ياهو كلهم مشتتين ومفرزعين
ربنا يجمع شمل السودان والسودانيين
شمال وجنوب ..
ويعودكم سالمين
هسه انتو جنوبيين ؟ مشيتو وين ؟
| |
|
|
|
|
|
|
|
|
|
Re: عزيزى دينق هل تسمعنى !! (Re: دينا خالد)
|
يبدو ان الاتـصال قد انقطع .....
,,,,,,,,,,,,,,,,,,,,,,,
.................
..............
...............
ــــــــــــــــــــ
فقدنا الاتصال بدينق سنعود اليكم
اذا نجحنا فى الاتصال مرة اخرى ....
| |
|
|
|
|
|
|
| |
دينا خالد
محمد البشرى الخضر
اساسي
انور التكينة
Amjed
Amani Al Ajab
لؤى
الصادق صديق سلمان
معاوية عبيد الصائم
يحي ابن عوف
Ali Sirelkhatim
Hadeer Alzain
احمد التجانى احمد
tmbis
نور الدين عثمان
مريم بنت الحسين
Deng
عمر الفاروق
ابوعبيدة حسن محمد
othman mohmmadien
عمران حسن صالح
أمير فتحي
Ahmed Yousif Abu Harira
doma
خالد العبيد
فيس بوك
تويتر
انستقرام
يوتيوب
بنتيريست