كتب الكاتب الفاتح جبرا المتوفرة بمعرض الدوحة
|
|
 اقتراح هام لجميع البورداب وبورداب جدة بصفة خاصة ...دة طبعاً بعد إذن بكري أبوبكر..
|
اقترح تكوين فرق كرة قدم باسم بورداب كل منطقة والهدف هو إقامة
تمارين أسبوعية من أجل التسلية والرياضة للصحةالعامة ... والعملية
بسيط شراء كورة ومرايل...وكل جمعة تمرين .. وأهي فرصة للداير يحرق الدهون
أو ينزل الكرش ... وكرة القدم لأنها جاذبة بتسهل عمليةجمع الناس لباقي المناشط
بالنسبة لبورداب جدة اقترح رئاسة وليد عبد اللطيف على تكوين الفريق
والرأي لكم...
|
|
 
|
|
|
|
|
|
|
|
Re: اقتراح هام لجميع البورداب وبورداب جدة بصفة خاصة ...دة طبعاً بعد إذن بكري أبوبكر.. (Re: عادل عوض بلال)
|
زمان سنة الفين وتلاتة عملنا الحركة دي في بورداب جدة , اول تمرين كل واحد جا شايل تلاجته قدامه يجري شبرين ويقيف يناهد ربع ساعة التمرين اخد ليهو عشرة دقايق وانتهي لانه الحكم الكان واقف برة قطع وقعد في الواطـة وباقي اللعيبة ( اتسدحوا في الزرع ) علي قول السعودين اذكر من اللعيبة الافذاذ الاخ قرجة وتلاجته واساسي وتلاجته وشرير والبرتقالة وكريشته ومجموعة من الديفريزرات يتبعها اصحابها
ــــ
فكرة ممتازة والله يا عادل ونتمني ان تري النور , وليد مؤهل لقيادة وتدريب واعداد فريق زي كدا , نأمل من الجميع المشاركة وعدم اسطحاب التلاجات
| |
|
|
|
|
|
|
|
|
Re: اقتراح هام لجميع البورداب وبورداب جدة بصفة خاصة ...دة طبعاً بعد إذن بكري أبوبكر.. (Re: جعفر محي الدين)
|
الاخ عادل عوض بلال ... سلامات
| Quote: فكرة ممتازة والله يا عادل ونتمني ان تري النور , وليد مؤهل لقيادة وتدريب واعداد فريق زي كدا , نأمل من الجميع المشاركة وعدم اسطحاب التلاجات |
لكن يا اساسي العين لاتعلى على الحاجب
وطال ماموجود الريس يوسف محمد يوسف سوف نكون مساعدين له
فكرة سديدة وطيبة وممكن تكون التمارين ليلية عشان الناس تقدر تصطحب اطفالها
للترفية لهم وكما تعلمون الملاعب رخيصة وباشتراكات رمزية شهرية ممكن نؤجر ملعب ثابت
لمدة ساعتين يومين في كل اسبوع ..
والتمارين والتجمع للبعرف وما بعرف كورة قدم وزي ماقال اساسي للعندو تلاجه وماعندو تلاجة
نحن جاهزين لخدمة ناس جدة في اي شيء ...
و غير ذلك ممكن نعمل فريق ويكون تحت رعايتنا ونسجله في فرق الجالية لكي يشترك بالمنافسات
والحمد لله توجد عندنا ناس مؤهله لادارته ...
| |
|
|
|
|
|
|
|
|
|
Re: اقتراح هام لجميع البورداب وبورداب جدة بصفة خاصة ...دة طبعاً بعد إذن بكري أبوبكر.. (Re: عادل عوض بلال)
|
سلام يا ( كباتنين ) .. دي جمع ( كباتن ) ..
و صراحة فكرة حلوة جداً ..
و كمان ممكن الإخوة قراء المنبر من غير الأعضاء يشاركوا عشان يكون عندنا عدد كبير ..
و نطلع من الروتين بتاع خميس و جمعة و نعمل التمرين يوم الأتنين و نسميهو ( سودانيز أون مونداي ) (SOM) ..
و الحكاية عشان تبقى جاذبة يتم عمل إشتراك أسبوعي لتأجير الملعب المزروع بالعشب الطبيعي في حي الحمراء .. ملعب جميل و سبق لي اللعب فيه إلى جانب الكابتن الكبير / الرفاعي حجر ..
و مني أنا سوف أحاول أجيب ليكم سحبة ( مرات .. مرات ) في الملعب الرديف بنادي أهلي جدة ..
ــ
بس أهم حاجة جردل الليمون و صينية الباسطة بعد التمرين لزوم اللياقات و كدة ..
| |
|
|
|
|
|
|
|
|
|
Re: اقتراح هام لجميع البورداب وبورداب جدة بصفة خاصة ...دة طبعاً بعد إذن بكري أبوبكر.. (Re: عصام دهب)
|
اخونا عصام دهب ...
Quote: و نطلع من الروتين بتاع خميس و جمعة و نعمل التمرين يوم الأتنين و نسميهو ( سودانيز أون مونداي ) (SOM) ..
و الحكاية عشان تبقى جاذبة يتم عمل إشتراك أسبوعي لتأجير الملعب المزروع بالعشب الطبيعي في حي الحمراء .. ملعب جميل و سبق لي اللعب فيه إلى جانب الكابتن الكبير / الرفاعي حجر ..
|
انت تقصد ملعب بن محفوظ بالقرب من فندق الرمال ...
..
لكن ضحكتني انت خايف يقولو عليكم سودانيز اون (سن داي )
طبعا انت راجل قانوني وعايزين الفكرة تطور الى اكثر من ذلك يكون عندنا فريق باسم (بورداب سودانيز )
يكون تحت رعاية وادارة البورداب ...
رايك شنو نعمل لينا يوم في النادي الاهلي او الاتحاد احتفالا بتجمع سودانيز
ونستفيد من علاقاتنا معهم وممكن نسخرها لمصلحة سودانيز
حتى اذا حدثت اصابات للاعضاء ممكن يعالجوهم لينا دكاترة نادي الاتحاد
| |
|
|
|
|
|
|
|
|
|
Re: اقتراح هام لجميع البورداب وبورداب جدة بصفة خاصة ...دة طبعاً بعد إذن بكري أبوبكر.. (Re: عادل عوض بلال)
|
Quote: قترح تكوين فرق كرة قدم باسم بورداب كل منطقة والهدف هو إقامة
تمارين أسبوعية من أجل التسلية والرياضة للصحةالعامة ... |
الأخ / عادل عوض
السلام عليكم ورحمة الله وبركاته،
إقتراح جميل ، سجلوني معاكم حارس مرمى،
يا ريت نضيف كرة الطائرة لضمان مشاركة الجميع ( ديب فريزرات وثلاجات ) أسبوع كرة قدم وأخر كرة طائرة.
بس أبعدونا عن الإنضمام للجالية المنتهية الصلاحية في الوقت الراهن حتى حل جميع الخلافات الرياضية ،
وللجميع تحياتي،
صلاح حمد،
| |
|
|
|
|
|
|
| |
عادل عوض بلال
اساسي
محمد العوض
نور الدين عثمان
جعفر محي الدين
وليد عبد اللطيف
عصام دهب
امير مصطفى احمد
حافظ كنجال
عبدالرحيم أبراهيم العبيد
صلاح حمد
جمال الباقر
كمال ادريس
محمد آدم النور
ياسر بيناوي
فيس بوك
تويتر
انستقرام
يوتيوب
بنتيريست