|
سياسة (ما بنمشي لي ناس ما بيجونا في بوستاتنا ) ما رأيكم فيها ؟
|
يا اخوانا صحيح عادة يشرفنا اخوة واخوات للمشاركة في مواضيعنا المطروحة اسفيريا وكل يقدم(تقدم) ما تجود به قريحته/ا وعندما يطرحون ( يطرحنّ) مواضيعهم( مواضيعهنّ) قد لا نتداخل معهم/نّ .
رايكم شنو ؟
دقونا بس انا مسردب للدبّيل (بضم الدال وتشديد الباء من دبل يدبل دبلة ) غايتو ( ما تجي واحدة بندرية تفسر الدبّيل دي بالتعدد في الزوجات)
|
|
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: خالد المحرب)
|
يا ود شيقوق سلام طبعا إنت بتكون الآن عارف بالتقريب الذين سيقومون بزيارتك هنا على العموم أنا بعمل بحكاية - ليس الواصل بالمكافئ - في ناس بتجبرنا نزورها بطرحها الراقي وموضوعيتها الهادفة وفي ناس ما بنجيهم لأنه الدراب دائما بيكون مكوم جنب الباب ولو جيت ماري بالشارع ساهي عشان تقرأ اسم اللوحة على الباب يمكن تتفلع
غايتو أنا ما تشيل همي لأني مقل جدا في افتراع البوستات بس في جماعة من زوارك المعتادين ما شاء الله كلهم يوم بوست
وإن كان لي أن أشارك في هذا الطرح فاقول بعد بسم الله الرحمن الرحيم يجب أن يكون دافعنا لزيارة أي بوست - باستثناء الاجتماعيات - هو الحوار الهادئ والنقاش المنطقي بعيدا عن العصبيات والأمور الشخصية وطبعا في أحيان كثيرة الجواب يكفيك عنوانــــــــه فيوفر عليك عناء الزيارة التفقدية
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: خالد المحرب)
|
استاذ الطيب سلامو
ومرات بوستاتنا مابتستاهل الجية, لكن عشان كتبت ليك قبل كدة فى بوست ورفعتو ليك وزدت ليك عدد المداخلات , انت لازم ترد لى الزيارة , فهم القدم بالقدم, زى مشاوير المجاملات عند ناس يمة أم سترين عليها الرحمة , جيتونا بنجيكم ماجيتونا كمان بنتسدا.
طبعا كنت بتحير جداً لما أشوف موضوع قيّم وجميل وعدد المتداخلين فيهو لايتجاوز اصابع اليد الواحدة وفجأة تلقاهو فى الصفحة السبعمائة , شوية شوية أكتشفت انو الأمر هنا بمشى بفهم أعرفنى وأعرفك وأرفع لى البوست بتاعى وانا بالمقابل أى ويل دو ذا سيم .
غايتو انا بخش وبكتب ومابستنى زول يرد على مداخلتى , بالمقابل برضو مابقيف من كتابات الاخرين لانهم مابعبرونى "على قلة كتاباتى".
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: الطيب شيقوق)
|
يا ود شيقوق الكلام دا ما مظبوط ولا تفتكر أخي أن الشاعر الذي قال "ما بنمشي لي ناس ما بجونا" كانت من منطلق عزة نفسي مابيه على ، بل هناك أسباب كثيرة ربما يكون في مقدمتها أن لديهم كلــــــب شرس يربض أمام الباب ويتمضمض بعارقيب الرجال (ما يجي واحد حنكوش يخلط بين العراقي والعرقوب). المهم ما لازم أجيك عشان تجيني في بوستي فربما أحضر يعني دخول وأقرأ وأستمتع هنا لكنني لا أملك إضافة التكتح للموضوع وبالتالي أمرق زي الشعرة من العجين ، وإذا كنت قادراً على الإضافة في أى موضوع لا أنتظر إذن صاحبه بما تتيحه لي عضويتي من حرية التنقل والتشعبط بين البوستات والحال كذلك ما بقول والله ود شيقوق ده - على سبيل المثال - قاطعني في بوستي بتاع الإيه كده مش عارف عشان كده ما برد أو أدخل ليهو بوست ما دمت أونلاين وربما يبلغ بي الحقد مبلغه فأتمنى أن لا يتداخل أى أحد في بوستك ومن ثم يصبح بايركساً وتصاب بالإحباط ربما خاصة بعد أن يخيب ظنك. يا زول جهجت اللنش بريك خاصتي ، فسوف أتوقف هنا حتى لا تبرد أم رقيقة وتصبح أم غليظة
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: almulaomar)
|
Quote: هم ما لازم أجيك عشان تجيني في بوستي فربما أحضر يعني دخول وأقرأ وأستمتع هنا لكنني لا أملك إضافة التكتح للموضوع وبالتالي أمرق زي الشعرة من العجين ، وإذا كنت قادراً على الإضافة في أى موضوع لا أنتظر إذن صاحبه بما تتيحه لي عضويتي من حرية التنقل والتشعبط بين البوستات والحال كذلك ما بقول والله ود شيقوق ده - على سبيل المثال - قاطعني في بوستي بتاع الإيه كده مش عارف عشان كده ما برد أو أدخل ليهو بوست ما دمت أونلاين وربما يبلغ بي الحقد مبلغه فأتمنى أن لا يتداخل أى أحد في بوستك ومن ثم يصبح بايركساً وتصاب بالإحباط ربما خاصة بعد أن يخيب ظنك. |
اتفق مع الملا عمر تماما
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: almulaomar)
|
ندو
Quote: فهم القدم بالقدم, زى مشاوير المجاملات عند ناس يمة أم سترين عليها الرحمة , جيتونا بنجيكم ماجيتونا كمان بنتسدا. |
هههههههههههههههها وكمان مرات تبقى فيها سوالف زى سالفة عمي - مرة اتوفى اخوهو وجاءه للعزاء زيد ولم يحضر مع زيد شقيقه ( شقيق زيد) اها يقوم يتوفى والد زيد ذاتو ويقوم عمنا دا يركب دابتو وعصاتو في اباطو متكامل محل العزاء ولسؤ الحظ يستقبله اخو زيد الذي لم يعزي عمنا في اخيه وطوالي عمنا يقول ليهو ( امشي يا وليد لا غادي انا ما جيتك انت انا جيت لاخيك زيد البيعرف الواجب )
Quote: غايتو انا بخش وبكتب ومابستنى زول يرد على مداخلتى , بالمقابل برضو مابقيف من كتابات الاخرين لانهم مابعبرونى "على قلة كتاباتى". |
دا الكلام النجيض - يا ندى اختي - وابقى عليهو وانا ذاتي معاك دائما مسامح ولو كان طارق جبريل السجم .
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: الطيب شيقوق)
|
Quote: الكلام دا ما مظبوط ولا تفتكر أخي أن الشاعر الذي قال "ما بنمشي لي ناس ما بجونا" كانت من منطلق عزة نفسي مابيه على ، بل هناك أسباب كثيرة ربما يكون في مقدمتها أن لديهم كلــــــب شرس يربض أمام الباب ويتمضمض بعارقيب الرجال (ما يجي واحد حنكوش يخلط بين العراقي والعرقوب). المهم ما لازم أجيك عشان تجيني في بوستي فربما أحضر يعني دخول وأقرأ وأستمتع هنا لكنني لا أملك إضافة التكتح للموضوع وبالتالي أمرق زي الشعرة من العجين ، وإذا كنت قادراً على الإضافة في أى موضوع لا أنتظر إذن صاحبه بما تتيحه لي عضويتي من حرية التنقل والتشعبط بين البوستات والحال كذلك ما بقول والله ود شيقوق ده - على سبيل المثال - قاطعني في بوستي بتاع الإيه كده مش عارف عشان كده ما برد أو أدخل ليهو بوست ما دمت أونلاين وربما يبلغ بي الحقد مبلغه فأتمنى أن لا يتداخل أى أحد في بوستك ومن ثم يصبح بايركساً وتصاب بالإحباط ربما خاصة بعد أن يخيب ظنك. |
هيييييع يا المقفع الكندي والله الليلة جبت حكي لا يختلف عما قاله الكندي عندما قال :-
فــإن يأكـلـوا لحـمـي وفــرت لحـومـهـم وإن يهدموا مجدي بنيت لهم مجدا وإن ضيـعـوا غيـبـي حفـظـت غيويـبـهـم وإن هم هووا غيي هويت لهـم رشـدا وإن زجــــروا طــيــرا بـنـحــس تــمـــر بـــــي زجـــرت لـهــم طـيــرا تــمــر بــهــم ســعــدا ولا أحــمـــل الـحــقــد الـقــديــم عـلـيــهــم وليس كريم القوم من يحمل الحقدا فــذلــك دابـــــي فـــــي الـحــيــاة ودابــهـــم سجيـس الليالـي أو يزيروننـي اللحـدا لـهــم جـــل مـالــي إن تـتـابـع لــــي غــنــى وإن قـــــل مــالـــي لـــــم أكـلـفــهــم رفــــــدا
Quote: يا زول جهجت اللنش بريك خاصتي ، فسوف أتوقف هنا حتى لا تبرد أم رقيقة وتصبح أم غليظة |
اها اكان ما جيت تاني لا بيني لابينك يا الملأ اخوي .
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: Abdlaziz Eisa)
|
عزوووووووو
النصيحة المنبر دا كلو ما فيهو زول زيك - على اليمين اصلك ما بتحاسب ولا بتحارب ولا بتخاصم
Quote: ده ردي ليك
وكما جيتني ما بخليك..
ومحل ما تشرّك شركك نهبر ليك |
يا زول ما فتح عندي في المكتب - عليك النبي انت او غيرك يجي ينزل لينا اغنية ( ما بنمشي لناس ما بيجونا وفي القلعة رحلوا يعذبونا) تكون تلقائية
Quote: شايفك تردد في دبلة ودُبلة ودبلات.... ما أظنك قبضت.. |
ناصب الشرك طاب اكان ما ربنا يسلط عليهو فيسل المسنوح يهبرو .
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: الطيب شيقوق)
|
ود شيقوق او شيقا كما يحلول جاهدا ان يدلعك اخونا عبد المجيد المقابل
تحياتى واقول جئت بنقطه هامه
ربما التداخل تحكمه عدة ظروف مثل فارق الزمن او ضيق الوقت او سرعة الانترنت او الموقف المبدئى من صاحب البوست او غيرها لكن الذى لا يمكن تجاهله هو اتجاه البعض لقراءة بوست معين وفهم ما جاء فيه من افكار ثم الانتظار لزمن وقدره خمسه دقائق لاطلاق بوست بنفس القكرة والمعنى ولكن بعنوان اكثر لعلعة
هل يقع هذا المنحى ضمن مساقات الهبر الاسفيرى ؟؟
لك الود ولو داير امثله نديك
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: طارق جبريل)
|
Quote: سياسة (ما بنمشي لي ناس ما بيجونا في بوستاتنا ) ما رأيكم فيها |
الاخ الاستاذ ود شيقوق لك التحية وكل سنة وانت طيب
طبعا السياسة دى هى السائدة ولكن لا اعمم .
بحسوا بيها الناس الجدد خاصة اذا لم يكن لديهم اصدقاء او أقرباء قى المنبر
انا فهمى للكتابة هنا ولان احيد عنها اتعامل مع المكتوب وليس من كتبه
لانه من المجموعة اياها او الحزب الفلانى او الافكار العلانية لا يمنعى من الكتابة اذا كان عندى ما اكتبه
ودائما دائما اختلاف الراى لا يفسد للود قضية .
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: ندى صالح الطيب)
|
شداد
Quote: ود شيقوق او شيقا كما يحلول جاهدا ان يدلعك اخونا عبد المجيد المقابل |
وين شقي الحال دا - المسكين بيكون بيجري في عملية سيزيريان ولا شغال بالجيهو والما بجيهو
Quote: ربما التداخل تحكمه عدة ظروف مثل فارق الزمن او ضيق الوقت او سرعة الانترنت او الموقف المبدئى من صاحب البوست او غيرها لكن الذى لا يمكن تجاهله هو اتجاه البعض لقراءة بوست معين وفهم ما جاء فيه من افكار ثم الانتظار لزمن وقدره خمسه دقائق لاطلاق بوست بنفس القكرة والمعنى ولكن بعنوان اكثر لعلعة |
احسنت اخي ابو بكر دى برضها اسباب موضوعية جدا
هل يقع هذا المنحى ضمن مساقات الهبر الاسفيرى ؟؟
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: الطيب شيقوق)
|
ود المساعد
Quote: يمكن عدم زيارتك ليهم لعلة ما |
يعني ممكن تكون لمشاكل اسرية مثلا؟
Quote: مثلا زول جنو عرس النسوان كان رجالهم عندهم علاقة مع الزول ده بياكلو نيم طوالي |
مسنوح بقت تجدع زي فيسل هليل
Quote: كمان كان المواضيع سياسيه بتجيب ليك الهواء او الغسل الاخير ده اخير عدم زيارتها |
ايواااااااااا زى بوستاتك انت اكان قمنا صاقرناها يخمشونا من المطار بدل تعدي اجازتك اكل عنكوليب مع ام عيالك يخلوا ام عيالك كل يوم شايلة عمودها ومتكاملاك عوضها فيك بسمة خلف القطبان
Quote: اها الاخطر في الامر انت من البندر وانا من الضهره كان جيتني بتحتاج لمترجم |
بالذات برالمة الضهاري بيكتبوا بفرضية علم الكافة بمفردات ضهاريهم
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: أبوبكر أبوالقاسم)
|
ود شيقوق ازيك ... الموضوع داالناس اتكملت فيهو كتيييييير وبطرق مختلفة .... ناس قالت هنا فى قروبات وناس قالت تكتلات وناس قالت صحبى وصحبك واخيرا بقت قريبى وقريبك ...انا دا كلو ما شايلها لكن بحترم اراء الناس ,,, سودانيز اون لاين دى من صعب تتابع كل البوستات وتقراها وترد عليها... مرات بوسيتك زاتو بتزهج منو وتقرررررب تجدعو لكن الواحد بيرجع ويستغفر ... ايقاع سودانيز اصبح سريع وفى ناس بتنزل عشرات البوستات فى اليوم شان كدا المتابعة بتبقى صعبة وصعبة شديد ..... مرات بكون تتداخلت فى بوست وناوية اواصل فيهو اجى بكرة القى روحى نسيت البوست وما متذكره ,,, بعد كم يوم البوست يجى نابع وقتها رغبة الكتابة او التداخل فى البوست تكون انتفت ممكن برضو ضيق الوقت وبرضو اهتمامات الناس وميولها متباينة ناس انترستت فى السياسة وناس فى الكورة وناس فى الادب والله فى سودانيز حدى الصفحة التانية ونادر ما اعمل سيرش لانو صعب ياجماعة ... غايتو انا ماعندى مشكلة اى موضع يستهوينى بدخل فيهو بغض النظر عن كاتبو منو .. الا محلات الاساءة والنبذ بديها ضهرى .. بجيك راجعة تانى ويالانجليزى ِi will be back
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: Amira Elsheikh)
|
ود شيقوق كل سنة وإنت طيب عجبنى كلام أميرة الشيخ .. كل سنة وهى طيبة !Quote: الموضوع داالناس اتكملت فيهو كتيييييير وبطرق مختلفة .... ناس قالت هنا فى قروبات وناس قالت تكتلات وناس قالت صحبى وصحبك واخيرا بقت قريبى وقريبك ...انا دا كلو ما شايلها لكن بحترم اراء الناس ,,, سودانيز اون لاين دى من صعب تتابع كل البوستات وتقراها وترد عليها... مرات بوسيتك زاتو بتزهج منو وتقرررررب تجدعو لكن الواحد بيرجع ويستغفر ... ايقاع سودانيز اصبح سريع وفى ناس بتنزل عشرات البوستات فى اليوم شان كدا المتابعة بتبقى صعبة وصعبة شديد ..... مرات بكون تتداخلت فى بوست وناوية اواصل فيهو اجى بكرة القى روحى نسيت البوست وما متذكره ,,, بعد كم يوم البوست يجى نابع وقتها رغبة الكتابة او التداخل فى البوست تكون انتفت ممكن برضو ضيق الوقت وبرضو اهتمامات الناس وميولها متباينة ناس انترستت فى السياسة وناس فى الكورة وناس فى الادب والله فى سودانيز حدى الصفحة التانية ونادر ما اعمل سيرش لانو صعب ياجماعة ... غايتو انا ماعندى مشكلة اى موضع يستهوينى بدخل فيهو بغض النظر عن كاتبو منو .. الا محلات الاساءة والنبذ بديها ضهرى .. بجيك راجعة تانى ويالانجليزى ِi will be back |
وبزيد عليهو لو سمحت (هى .. ما إنت )إنو مرات تجى تكتب مداخلة تلقى واحد أو واحدة زى أميرة الشيخ دى كتبت مداخلتك بضبانتها التقول قاعد ليك فى نص كنكوجك !! لك ولها كل الود .
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: الطيب شيقوق)
|
Quote: يا شيقا Mahjob M. Abdalla لم ياتي لحوار بل لاجندة اخرى التجاهل التجاهل التجاهل ___ يا محجوب يا بتاع حسن عيسى (حصاحيصا ) |
فيسل يا هبيب... كل عام و انت بخير... اسمعها مني و تجاهل بعد ذلك . من يوم 10 يناير ... الريس بكري و تماشيا مع تعليمات الريس الكبير ... قال ممنوع الكتابة بالرطانة و علي من يخالف ذلك نفيه الي الدولة المجاورة... اعمل حسابك و ابقي بندراوي زينا كده
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: الطيب شيقوق)
|
Quote: غايتو انا بخش وبكتب ومابستنى زول يرد على مداخلتى , بالمقابل برضو مابقيف من كتابات الاخرين لانهم مابعبرونى "على قلة كتاباتى". |
Quote: يا ود شيقوق سلام طبعا إنت بتكون الآن عارف بالتقريب الذين سيقومون بزيارتك هنا على العموم أنا بعمل بحكاية - ليس الواصل بالمكافئ - في ناس بتجبرنا نزورها بطرحها الراقي وموضوعيتها الهادفة وفي ناس ما بنجيهم لأنه الدراب دائما بيكون مكوم جنب الباب ولو جيت ماري بالشارع ساهي عشان تقرأ اسم اللوحة على الباب يمكن تتفلع
غايتو أنا ما تشيل همي لأني مقل جدا في افتراع البوستات بس في جماعة من زوارك المعتادين ما شاء الله كلهم يوم بوست
وإن كان لي أن أشارك في هذا الطرح فاقول بعد بسم الله الرحمن الرحيم يجب أن يكون دافعنا لزيارة أي بوست - باستثناء الاجتماعيات - هو الحوار الهادئ والنقاش المنطقي بعيدا عن العصبيات والأمور الشخصية وطبعا في أحيان كثيرة الجواب يكفيك عنوانــــــــه فيوفر عليك عناء الزيارة التفقدية |
قالوا لخالتي اسماء بت كوداب ان فلانة زعلانه منها لانها ما جاتها في بكا خادمهم .. فردت خالتي ببساطة وعفوية : خلاس لامن تموت خادمنا ما تجيني !
ومع ذلك انا من نوع الكوت الاول ومؤيد لكوت جعفر محي الدين (الثاني)
شفت ازّاي ؟
عمر علي حسن
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: عمر علي حسن)
|
Quote: سنة حلوة ومليانه بتحقيق ما ترغب فيه انت واسرتك |
الف مرحب بيك عزيزي صبري الشريف ازدان البوست بطلتك البهية يا زعيم
Quote: جيناك وكنا طلعنا منك
نحن مرفوعي الرؤوس ( محجوب شريف )
جيناك وما طالبنك رد الزيارة الا اذا احببت وكمان جيناك يا نهر الجماهير العريض |
لله درك يا محجوب فانت دوما صانع الحروف التي تلهب الاحاسيس والمشاعر
Quote: معانا بوستاتنا اتفرج في الفيديو المناظرة واتمتع اذا لقيت لك رد ختو
واذا شاهدت وذهبت سعيد بشوفتك وطلتك |
بالحيل يا صبري انه لشرف لي ان اجد مساحة في خاطركم
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: الطيب شيقوق)
|
الخال ابو امير
Quote: قالوا لخالتي اسماء بت كوداب ان فلانة زعلانه منها لانها ما جاتها في بكا خادمهم .. فردت خالتي ببساطة وعفوية : خلاس لامن تموت خادمنا ما تجيني ! |
هلا هلا فتحوا عيونكم دي ما ياها ال reciprocity ذاتا يا خال
Quote: ومع ذلك انا من نوع الكوت الاول ومؤيد لكوت جعفر محي الدين (الثاني) |
يا رجال انت ما عندك هم في المنتدى دا غير تشيل مخلايتك ملانة فرح تدفق منها في بوستات البخات بس ومحل رهيفة تنقد
عليك النبي المسكت شباكو تجي المرة الجاية تاخد ليك تكية و تبهلا كوووووووووولها هنا وخلي لسان الباقين ملح ملح
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: الطيب شيقوق)
|
هلوية بت اخوي
كيفك وكل عام وانت والاهل وخاصة اخوك الرجع البيت و جدع الجينز ولبس العراقي والسروال للبطان ( البطان يعني الجلد بالسوط)
Quote: طبعاً السياسة دي ما عندي
و الموضوع البيعجبني و بحس أني ممكن أقدم
فيه شيئ مفيد و لا بتلفت للشخص إن كان زارني
أو ما زارني لأنو القيمة بالإضافة و حقيقي في ناس ممكن
تزورك و ما تفيد و لا تضيف أي شئ بالتالي الواحد
بنفس القدر بيبعد عن أي بوست بيشعر إنه ما ممكن يضيف فيه فائدة |
حاشاك حاشاك انت بت الزعيم - انا متابعك وعارفك بوست ما فيهو فائدة ما بتعتبي عليه طب ( تعرفي العتبة؟)
عليك ببوستات عمو شيقا بس لانو سلفي وبحب الحكي عن السلف الصالح بس
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: الطيب شيقوق)
|
Quote: عليك النبي المسكت شباكو تجي المرة الجاية تاخد ليك تكية و تبهلا كوووووووووولها هنا وخلي لسان الباقين ملح ملح |
ابشر ! وخالتي قاعدة .. تحمد ربها
الجمام والخرج والعتبة ديل بنعرفهم نحن ..
انا حسع كنت حايم في بوستات ثانية من ابو صفحتين وثلاته .. خفت لو لقوني جوه يدقوني بلا مغسة .. وبالمناسبه اكترهم اولادي .. لكني اكتشفت ان (السن بتضاحك نديدها ) .. ودا واحد من اسباب انهم ما بيجونا في بوستاتنا
عمر علي حسن
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: عمر علي حسن)
|
الخال
Quote: انا حسع كنت حايم في بوستات ثانية من ابو صفحتين وثلاته .. خفت لو لقوني جوه يدقوني بلا مغسة .. |
هيييييييييييع سعادتك ابشر بالخير ايمين البرشك باللبن نرشو ليك بالدم - ماك ضونا وحادي ركب الهلالاب
Quote: وبالمناسبه اكترهم اولادي .. لكني اكتشفت ان (السن بتضاحك نديدها ) .. ودا واحد من اسباب انهم ما بيجونا في بوستاتنا |
آآآآآآآآي كان كان كتروا قول ليهم :
سمحة الشّدّة فُوقْ ضَهَر السَّمِين مُو البَاطِلْ وشينِه القعـده والضَّحَوِي البِيِرْزُمْ هَاطِـلْ البكـره السِّـيدا عَـاجْباهُو ومَسِيلا كناتِــل دي بِنْسُـوقَا وكـان لَـمَّ الفَـزَعْ بِنْكَـاتِــلْ
هييييييييييييييع خالي التلب
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: الطيب شيقوق)
|
العم الأرباب ود شيقوق
الله يكرمك
اي الخُرُج بعرفو :) البركة في خالي زمااااااااااااان سألني
لقاني ما بعرفو وراني بس الما بعرفو الوردة
قبل ما عارفة بس حسيت إني رديت عكس الإتجاه و لا ما بعرف
يمكن رديت عن نفسي و نسيت أقول رايي عموماً في الموضوع
بس بفتكر لو أي زول فكر بطريقة جاني و ما جيتو
الحكاية مُضرة خصوصي في البوستات الفيها واجبات
و البوستات البتحتاج معلومات أو تصحيح المعلومات
و إلا نبقى زي قصص اللوم و الشكر بره النت
بالنسبة لمجتمع الحريم خصوصي جاتني و ما جاتني
و ما بمش ليها
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: Abdlaziz Eisa)
|
Quote: طبعا كنت بتحير جداً لما أشوف موضوع قيّم وجميل وعدد المتداخلين فيهو لايتجاوز اصابع اليد الواحدة وفجأة تلقاهو فى الصفحة السبعمائة , شوية شوية أكتشفت انو الأمر هنا بمشى بفهم أعرفنى وأعرفك وأرفع لى البوست بتاعى وانا بالمقابل أى ويل دو ذا سيم .
|
فاوضنى بلا زعل أخوى الطيب .. والتحية عبرك للاخت ( ندى) التى ترجمت حروفها ببساطة أهلنا الطيبين .. فجاءت كلماتها سلسة ومعبرة ومن غير أى تكليف .. فلها التحية والتقدير والاحترام ولاخونا الطيب محبة بلاحدود وإنشاء الله نجيكم فى السمح والزين ..
تاج السر
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: الطيب شيقوق)
|
هالة
Quote: اي الخُرُج بعرفو :) البركة في خالي زمااااااااااااان سألني
لقاني ما بعرفو وراني بس الما بعرفو الوردة |
الوردة يا بتي عند ناس الضهاري ( تعرفي الضهاري؟) هي الذهاب للموية في النهر ( بس نحن زمان بنسميهو البحر )
انت ماك سمعتي الشاعر القال :
ورد ( بكسر الواو وتسكين الراء) اذا ورد البحيرة شاربا ورد الفرات زئيره والنيلا
الورد هو الاسد وورد البحيرة شاربا يعني ذهب ليشرب من البحيرة وورد الفرات زئيره والنيلا يعني زئير الاسد ورد او وصل نهر الفراد فورد فعل ماضي والفرات مفعول به وزئير فاعل والملاحظ يا بتي هنا ان الفاعل تقدم على المفعول من حيث الاعراب ولا برضكم كشا مشا في اللغة العربية؟
لقيتي عمو كيف؟
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: محمد الجيلى)
|
السلام عليكم كل سنة وانت طيب
قلنا نمسي
وننزل لومنا المن زماان داك لو متذكر كان بها لو ما الله يكون في العون المهم ما تنسى النوع الاجتماعي بلعب دور كبيير ايا كان الموضوع لو منزله جكس تلقى ناس كتار حايمة المهم لا نعمم ولكن ملاحظات
من زمن الزعلة ديك كان اخر بوست اتداخل معاك فيه اليلة قلت كدي النستغفر الله ونسلم تحياتي للجميع
صفية
توضيح: الزعلة في موضوع بسيط جدا واختلاف رؤى ليس الا ولا تحمل اي نوع من الاتهامات قد يرد على الخاطر
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: حاتم الفاضل)
|
صفييييييييييية
Quote: قلنا نمسي
وننزل لومنا المن زماان داك لو متذكر كان بها لو ما الله يكون في العون المهم ما تنسى النوع الاجتماعي بلعب دور كبيير ايا كان الموضوع لو منزله جكس تلقى ناس كتار حايمة المهم لا نعمم ولكن ملاحظات
من زمن الزعلة ديك كان اخر بوست اتداخل معاك فيه اليلة قلت كدي النستغفر الله ونسلم تحياتي للجميع
صفية
توضيح: الزعلة في موضوع بسيط جدا واختلاف رؤى ليس الا ولا تحمل اي نوع من الاتهامات قد يرد على الخاطر |
اوع بس حركات الجكس على الهاتف ؟
اقسم بالله اقسم بالله ما متذكر اى حاجة المهم حسيت تواريتي عن المنبر تماما ولكن لماذا ؟ الله يعلم ما عارف يا صفية
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: Safia Mohamed)
|
Quote: تسلم يا ابني - بس انت طيب ولو ادوك ضربة جزاء جااااااااااااهزة تقوم تشوتها برة القون |
لك التحية ما عارف (يا ابني) أهي للتصغير أم لتكبير نفسك (عمراً)؟ حقيقة لا أعرفك ولكني اقرا لك ولكل من يكتب في هذا المنبر وليس لدي أسماء معينة. أكتب في المواضيع التي تستهويني ولا أنتظر رداً ولا تداخلا من أحداً أتفاعل مع كل المواضيع التي تمس دواخلي.
لك مليون تحية
.. الكرة أصلا برة القوووون
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: بدر الدين احمد موسى)
|
رونو
Quote: المشارك مفروض يشارك فى المواضيع البيحس انه بيضيف فيها ما بيجامل فيها |
لا فض فوك يا رائعة
Quote: يعنى ما عشان زول رد عليك تفتش على بوست له ترد عليه |
عيبي انا مرات بمشي بفتش بوستات الجوني وكان ما لقيت حاجة اكتبها بقول واحدة من المفردات الاتية :
لو كان زول ضهاري بقول ليهو هييييييييييع عافي منك دنيا وآخرة او مسنوووووووووووووح
ولو كان زول بنادر بقول ليهو ( اصبحنا رغم البين روح واحدة في جسدين - او اى من العبارات التي يمكن ان تذوب صاحب البوست رقة ولطافة )
لقيتيني كيف ؟
ان شاء الله خالي عمر يجي في المداخلة دي دايس ابنصيهو سااااااى وبالو بعيد مع الشدر اللافي مع سرعة لوريهو زى السورو .
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: الطيب شيقوق)
|
سلام
لا يا رنو.. أحيانا وفي كثير من البوستات زي ده مثلا.. أتلب في النص.. بعدين أشوف البوست ده عنوانه شنو؟ هدفه شنو؟ وصاحبو منو؟ وقالوا فيه شنو؟ وبعد ديل كولهن لو ما لقيت فجة أدخل راسي معاهم.. اعمل ترفيع..(فوق.. فوق) وأشتت..
ولو افتكرت أن كلمة أشتت دي بتفرح ناس جوة البوست, أو صاحبه زي شيقا ده يعني, أقوم أحت جوة وماني طالع...
تحياتي
| |
|
|
|
|
|
|
Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ (Re: الطيب شيقوق)
|
يا زول مقفع شنو نحنا ناس ظروف المحل والجفاف أرغمتنا مكرهين أن يممنا شطر العاصمة ولما طاب لنا المقام فيها من باب "من عاشر قوماً أربعين يوماً صار منهم أو شتت منهم" ولما لم يكن لنا قبلة نشتت إليها بعد أن ضاقت علينا الأرض بما رحبت كان علينا أن نحاول مسايرة البندره والعلومه والفلهمة سااااكت (حتى وإن لم تكن خايله فينا أو لافقه معانا) والتي تقتضي إحدى ضروراتها أن نكون easy going وإن كان تحت تحت ما زلنا نحاكي horse إمرؤ القيس (إِذَا جَاشَ فِيْهِ حَمْيُهُ غَلْيُ مِرْجَلِ) والحال كذلك يا ودشيقوق مرات كده بنحرن كما تعلم وفي أحسن حالات تسامحنا بيكون البطان في أمصارنا سداد فالعرق دساس والإيدو أونلاين ما زي الإيدو أوفلاين. وكان حري بك أن تستشهد بأشعار الهمباته فهم شعراء بادية نبلاء وعليك الله عيبهم لي.
| |
|
|
|
|
|
|
| |