|
|
|
 Re: ألمــانيا يا روجينا ...! إلي حسن الجزولي والي روجينا في غربة الأوطان ...! (Re: خضر حسين خليل)
|
Quote: لم تكن روجينا علي الإطلاق يا (الطيب مصطفي) حزاماً ناسفاً كما (إنتباهتك) ولم تكن من همها علي الاطلاق من يحكم السودان ؟ قدرما كانت تحمل منذ سنوات عرفتي بها هم (اللبن والرغيف والكسرة) والكرامة والسترة .
أتتنا في صباح جنائزي من صباحات (ديسمبر) لوداعنا قالت (روجينا) إنها ذاهبة للجنوب قالت إنها ستذهب (وبس) لكنها لم تحدد إي مدينةٍ ستقطن ؟ قالت بالعربية الفصحاء :
(سلاماً سلاماً) توادعنا ... إنتحبنا ... كل علي طريقته ونحن في عجلةٍ من أمر يومنا الذي بدأ بالوداع ! عجيبةٌ هي أيام السودانيين ! فكل أيام الله تبدأ بإستقبال شمس الله الاك يا سودان ! |
روجينا مشت ياخدر ...؟
راحت ولم تترك لنا سوي تلك الزكريات الجميلة
اسفي ياحبيب انني ما ودعتها
اسفي ياخدر زكريات ناس صنعت دكة لينا منو زمن
وما عارفو لسه في القاهرة وللا وصل بلاد العم سام
صفوت مدروش في القشورية
وهسة روجينا مشت
ليه يازمن ليه
بكينا ومانفع
نسوي شنو ...؟
خالص الود
| |
  
|
|
|
|
|
|
|
|
Re: ألمــانيا يا روجينا ...! إلي حسن الجزولي والي روجينا في غربة الأوطان ...! (Re: معاوية عبيد الصائم)
|
Quote: لا أدري أي أرض تقطنين الآن ؟ ولا عارف أي مشوار يكلفني لقاء وجهك ؟ ولا أدري يا صديقة لأي جنسية ينتمي كلانا الآن ؟ فقط أعرف أن وجه شعبي واحد لا يخون ولن . أعرف تمام العرفة أن كلينا لم يختار قدر ما إختار (العوارض) فبلغي عني أهل الجنوب السلام والتحية . وسنلتقي يا زولة (طال الزمن يا زول ولا الزمن قصر) أو كما قال حميد .
|
لا إله الله يا خدركة
بالطريقة دي قد تلتقيها يوم القيامة...هذه البلدة أهلها لم يسمعوا بالدعاء الذي يقول يا جامع يا رقيب...هم أن يدعوا الهم شتت شملهم
_
ثم إني مقفل موبايلي ومروس وحدي والاحزان
كلم الشباب...أمير الكافر وليد،نبيل،عمرو...ياخي من طرف كلم الاصحاب
قول ليهم الزول ده راسه في في غرفته...بلا عقد الجلاد بلا بلابل بلا نادي الطمبور
ما داير مع زول...دي سنة انفصال وغرق وما دايرا ليها غني وهوزيز
| |
|
|
|
|
|
|
|
|
|
Re: ألمــانيا يا روجينا ...! إلي حسن الجزولي والي روجينا في غربة الأوطان ...! (Re: GamarBoBa)
|
خضر حسين
لك ولروجينا السلام
وعلي وطني السلام
كم هن أيام موجعات إنسانيتنا تعمل فيها مخالب الساسة المرابين شمالا وجنوبا
وكل قلب في وطني مفجوع بوداع
كم هو صعب هذا المسار
كم تتالم الارواح شمالا وجنوب......
وامدرمان تنوني حبيبي وين وودادي آه
والباقي كله مقابلات.......
| Quote: (ريتا حينما ينفذ الفقراء إلي جوهر المسألة سأحدثك عن أشياء أخري) |
نعم يا صديق فهم نفذوا من مداخل شتي وكل قد خرج من نفس المدخل
وما دري أن التيه قد أعمي البصائر
إن ما يجري يفوق قدراتنا كشعب
يحتفل بالنهر
و يدير صراعاته بالنية البيضاء
وما دري أن وراء الاكمة ما وراءها
وأنهم دوما يهزموننا هكذا......
| |
|
|
|
|
|
|
|
|
|
Re: ألمــانيا يا روجينا ...! إلي حسن الجزولي والي روجينا في غربة الأوطان ...! (Re: الصادق سلفاب)
|
Quote: كم هن أيام موجعات إنسانيتنا تعمل فيها مخالب الساسة المرابين شمالا وجنوبا
وكل قلب في وطني مفجوع بوداع
كم هو صعب هذا المسار
كم تتالم الارواح شمالا وجنوب |
يا الصادق
ازيك ياخ
وحياتك الواحد ماعارف يقول شنو زاتو غير انك عبرت عني بالضبط
في المقتبس أعلاه . وحدهم البسطاء من يتألمون الآن يا صديقي
Quote: وامدرمان تنوني حبيبي وين وودادي آه
والباقي كله مقابلات.......
|
تخيل يا صديقي في الوقت الذي توثق فيه القنوات الفضائية
والأجهزة المسموعة لهذا الحدث نجد تلفزيون السودان ولا شغال
بالخبر الشغلة أما قناة النيل الازرق فخليهو ساي .
يبقي ياصادق رهاننا علي هذا الشعب ليس الا
مودتي واحترامي المعلوم
| |
|
|
|
|
|
|
| |
خضر حسين خليل
ياسر بيناوي
معاوية عبيد الصائم
حمد عبد الغفار عمر
حسبو عكاشة
هواري نمر
GamarBoBa
الصادق سلفاب
فيس بوك
تويتر
انستقرام
يوتيوب
بنتيريست