من شهر فبراير و الناس بتشرب موية الصرف الصحي !! الواحد بقي سايفون عديل كدا
Quote: بتاريخ 2010/2/16م، نشرنا تحت عنوان «نهر صرف صحي يصب في النيل بأمدرمان»، كشفنا من خلاله بالصورة تدفق كمية كبيرة من مياه الصرف الصحي الذي ينبع من مدينة الشهيد «علي عبدالفتاح» الجامعية للبنات، أمدرمان، ويصب في النيل على بُعد أمتار قليلة جنوب محطة مياه بيت المال.. فتصدت وزارة البيئة والآثار، ولاية الخرطوم، للقضية البيئية والصحية وزارت موقع نهر الصرف الصحي، وأخذت ثلاث عينات منه من مناطق مختلفة، والتقت بمسؤولي المدينة الجامعية الذين دافعوا عن فعلتهم أن المياه «مُعالجة».. والسؤال هنا: هل مياه الصرف الصحي الخاصة بداخلية الشهيد علي عبدالفتاح الجامعية للطالبات معالجة فعلاً؟ وإذا كانت معالجة هل يجوز صحياً التخلص منها داخل النيل؟
---- التحليل المختبري
«الرأى العام» تحصلت أخيراً على نتيجة التحليل المختبري لعينات مياه «نهر الصرف الصحي..» من ثلاثة مواقع حتى تصريفها في النيل، وثبت أنها تفوق المعدل المسموح به، طبقاً لمعايير الصرف الصحي، والمياه العادمة الصادرة من منظمة الصحة العالمية، وفقاً للمادة 25 «1» من قانون حماية وترقية البيئة لسنة 2008م.. وعبارة «تفوق المعدل المسموح به» تعني صراحة أن مياه الصرف الصحي لداخلية الطالبات «ملوثة»، حيث أثبت التحليل المعملي احتواءها على كمية عالية «جداً» من البكتيريا المسببة للإسهال المعوي، التي يطلق عليها علمياً «بكتيريا القولون».. وللأسف هذه الكمية التي تتدفق على نيل أمدرمان وتختلط بمياهه كفيلة بقتل الإنسان الذي يتناولها، إذ تبلغ نسبتها في المياه حوالى «900»!!
«400» لتر يومياً
معلوم أن مدينة الشهيد «علي عبدالفتاح».. الجامعية للطالبات بأمدرمان، تأسست منذ العام 1998م وتعد أكبر مجمع سكني طلابي، بمساحة «24» ألف متر مربع، وتسع «4200» طالبة، وتعاني منذ فترة من عيوب في آبار السايفون، لذلك تفتق ذهن إدارة المدينة على هذا الحل السهل والخطر بتصريف مياه الصرف الصحي داخل النيل، علماً أن كمية مياه الصرف الصحي التي تخرج من مدينة الطالبات وتصب في النيل مباشرة تقدر بحوالى «400» لتر يومياً!!
تأكيد التلوث
بتاريخ 2010/3/30م، بعث د. عمر مصطفى عبدالقادر المدير العام لوزارة البيئة والآثار، ولاية الخرطوم، خطاباً للسيد مدير داخلية علي عبدالفتاح الجامعية للطالبات، بأمدرمان، خطاباً يوضح تلوث مياه الصرف الصحي التي مصدرها المدينة الجامعية وتصب في النيل، هذا نصه:
«بالإشارة للموضوع أعلاه - مياه الصرف الصحي- وبعد الزيارة الميدانية، وإجراء التحليل المختبري لعينات مياه الصرف الصحي بالداخلية من ثلاثة مواقع حتى تصريفها بالنيل، ثبت بأن هذه المياه تفوق المعدل المسموح به طبقاً لمعايير الصرف الصحي، والمياه العادمة الصادرة من منظمة الصحة العالمية، ووفقاً للمادة 25 «1»، من قانون حماية وترقية البيئة للعام 2008م.
عليه يمنع منعاً باتاً تصريف تلك المياه في النيل، ويجب إجراء معالجة سليمة، وإعادة استخدامها في الري وفق ضوابط استخدام مياه الصرف الصحي، وذلك في فترة لا تتجاوز أسبوع من تاريخه، حتى لا نضطر لإتخاذ الإجراءات القانونية».
د. عمر مصطفى عبدالقادر
المدير العام لوزارة البيئة والآثار - ولاية الخرطوم
خطاب تحذيري
واستناداً إلى نتيجة تحليل عينات المياه، التي أثبتت معملياً تلوث مياه الصرف الصحي، توجهت الإدارة العامة للبيئة، وزارة البيئة والآثار، ولاية الخرطوم، بخطاب تحذيري لإدارة المدينة السكنية الجامعية بإيقاف تدفق مياه الصرف الصحي فوراً في النيل، سواء أكانت معالجة أم لا، مع تنويرها بالكيفية التي يمكن التخلص منها دون أضرار صحية أو بيئية كاستخدامها لري الأشجار والحدائق القريبة منها، بالتنسيق مع الجهات ذات الصلة.. يؤكد ذلك تقرير وزارة البيئة الآتي:
«بعد التأكد من عدم سلامة مياه الصرف الصحي المتدفقة من داخلية «علي عبدالفتاح» في مياه النيل، قامت وزارة البيئة والآثار، ممثلة في الإدارة العامة للبيئة بالآتي:-
? تم إخطار إدارة الداخلية بوقف تدفق مياه الصرف الصحي الى النيل، وفقاً لقانون حماية وترقية البيئة لسنة 2008م.
? تم إخطار هيئة مياه ولاية الخرطوم بإجراء اللازم.
? الدعوة لاجتماع مع الجهة المعنية للإتفاق على كيفية استخدام مياه الصرف الصحي - بعد معالجتها- عن طريق ري الأشجار والحدائق العامة بالتنسيق مع الجهات ذات الصلة.
المياه المعالجة
قد يتساءل القاريء: ما هي المياه المعالجة؟ وكيف تتم معالجتها؟.. تبدأ خطوات المعالجة بعمل ترسيب لعزل الأشياء العالقة، وترسيب المواد الثقيلة، ثم تصب عليها مواد كيميائية لامتصاص الروائح والغازات، بعدها تأتي مرحلة المعالجة البيولوجية بالكلور لقتل الميكروبات والديدان وبالتالي تصبح المياه معالجة وشبه نظيفة، وخالية من الأحماض والقلويات، غير أن التحليل المختبري لعينات مياه الصرف الصحي لداخلية الشهيد علي عبدالفتاح أثبتت احتواءها الزائد في معدل الأحماض والأس الهيدروجيني، والأكسجين الكيميائي والحيوي فوق الحدود المسموح بها.
?? أخيــــراً ??
? نتساءل أخيراً: أين نتيجة عينات مياه نهر الصرف الصحي التي أخذتها هيئة مياه ولاية الخرطوم لتحليلها بالمعمل الخاص بها، بحكم أن المياه الآسنة تصب في النيل على بعد أمتار قليلة جنوب محطة مياه بيت المال، التي يشرب منها آلاف المواطنين من سكان أحياء أمدرمان الشرقية؟ تساؤل أخير: لماذا هذا الصمت من وزارة الصحة ولاية الخرطوم؟
?? اختتمت هذا التحقيق بزيارة ميدانية لنهر الصرف الصحي بنيل أمدرمان بشارع النيل أمدرمان عصر السبت الماضي، وتحديداً في تمام الخامسة، واندهشت لاستمرار جريانه داخل النيل، بل إنه بكميات أكبر، إذ أن منظر المياه وهي تتدفق من أعلى المصرف أسفل الكوبري الذي يجتاز شارع النيل، يخال لك أنه شلال نياجارا.. كما لحظت كثافة الزبد الأبيض على سطح المياه.. فهل «يتحدى» نهر الصرف الصحي الجميع؟!!
شايف الليلة ناس هيئة مياه الخرطوم بيطمئنو في الناس قالو اللون الرمادي الفي الموية عبارة عن طحالب بتتوالد والطحالب بتتوالد فى ديسمبر من كل عام وماتخافو . توالد طبيعي ومابيضر
كلام بالشكل ده فى جرائد الليلة
... بعدما ينتهو من التوالد نبارك ليهم ونقول للطحالب :حمد لله على السلامة ويتربى فى عزهم
12-22-2010, 09:39 PM
خضر حسين خليل خضر حسين خليل
تاريخ التسجيل: 12-18-2003
مجموع المشاركات: 15087
Quote: شايف الليلة ناس هيئة مياه الخرطوم بيطمئنو في الناس قالو اللون الرمادي الفي الموية عبارة عن طحالب بتتوالد والطحالب بتتوالد فى ديسمبر من كل عام وماتخافو . توالد طبيعي ومابيضر
التحية لهيئة ناس الموية
Quote: بعدما ينتهو من التوالد نبارك ليهم ونقول للطحالب :حمد لله على السلامة ويتربى فى عزهم
والله بالغت يا الطاهر ـــــ صحيح الايدو في الطحالب مازي الايدو في البكتريا
مشتاقين يازول
12-22-2010, 10:04 PM
حسبو عكاشة حسبو عكاشة
تاريخ التسجيل: 04-25-2010
مجموع المشاركات: 1305
Quote: شايف الليلة ناس هيئة مياه الخرطوم بيطمئنو في الناس قالو اللون الرمادي الفي الموية عبارة عن طحالب بتتوالد والطحالب بتتوالد فى ديسمبر من كل عام
سلامات , استاذ الطاهر ناس الهيئة ديل نسو انو شهر فبراير برضو شهد توالد علي مستوي الطحالب غايتو لو مرتين في السنه ما مشكله (فبراير و ديسمبر) لكن كمان لو اكتر من كدا نحن بعد دا بنمرق تظاهرة ضد الطحالب ديل و يا دار ما دخلك طحلب
12-22-2010, 09:33 PM
خضر حسين خليل خضر حسين خليل
تاريخ التسجيل: 12-18-2003
مجموع المشاركات: 15087
اول يوم اخدت لى دوش من الصباح و طلعت على الجريده, وانت عارف مع صابون الحمام المويه ما بتتشمه كويس, اختى ضربت لى بعد نهاية اليوم و كلمتنى بالحاصل, ياخ انا حسيت ليك بنفسى ريحتى طير طير, و حتى الان ما زلنا نشرب موية الصحة, .................. قاتلهم الله اهل الانقاذ و من شايعها
12-22-2010, 09:42 PM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
Quote: بعدما ينتهو من التوالد نبارك ليهم ونقول للطحالب :حمد لله على السلامة ويتربى فى عزهم
يتربى في عزكم إنتو يا أستاذ الطاهر.. الطحالب عملت العليها اتوالدت لكن التربية بعد دا على بطون شعبنا المسكين. يا حسبو دي والله جريمة جنائية عديل كدا و مكتملة الأركان... مياه صرف صحي تصرف في النهر و قريب من محطة الموية و جنوبها كمان؟ ياخي القتل العمد دا أصلا إلا يكتبوا عليه قتل عمد؟ ياخي لعنة الله على الإنقاذ بكرة و عشية موية الله دي لوثوها على الناس والله حاجة تدبرس بالزول على الدبرسة العليه... ربنا يعين غايته. ياخي ناس الإنقاذ ديل ما سمعوا بالحديث (إذا قتلتم فأحسنوا القتلة) صاح دا للحيوانات لكن بالله ما من حقنا نحلم إننا نتعامل زي الحيوانات؟
12-24-2010, 11:11 AM
حسبو عكاشة حسبو عكاشة
تاريخ التسجيل: 04-25-2010
مجموع المشاركات: 1305
Quote: يا حسبو دي والله جريمة جنائية عديل كدا و مكتملة الأركان... مياه صرف صحي تصرف في النهر و قريب من محطة الموية و جنوبها كمان؟ ياخي القتل العمد دا أصلا إلا يكتبوا عليه قتل عمد؟ ياخي لعنة الله على الإنقاذ بكرة و عشية موية الله دي لوثوها على الناس والله حاجة تدبرس بالزول على الدبرسة العليه... ربنا يعين غايته. ياخي ناس الإنقاذ ديل ما سمعوا بالحديث (إذا قتلتم فأحسنوا القتلة) صاح دا للحيوانات لكن بالله ما من حقنا نحلم إننا نتعامل زي الحيوانات؟
المواطن يمرض يموت يحرق دي حاجات عاديه جدا, لكن بس واجعني الافتراء في حق الطحالب المسكينه
ذنبها شنو الطحالب !!
12-22-2010, 09:59 PM
محمد إبراهيم علي محمد إبراهيم علي
تاريخ التسجيل: 08-10-2009
مجموع المشاركات: 10032
الطحالب زاتا مفيدة وكلها كلوروفيل بختكم الحكومة بتغذي فيكم وبالمجان كمان مرة طمي نيل ازرق طااااااعم ومرة كلوروفيل وثم ثانيا مفروض الحكومة اصلو ما تتدخل في موضوع توالد الطحالب ده حفاظا على التوازن البيئ
12-22-2010, 09:53 PM
حسبو عكاشة حسبو عكاشة
تاريخ التسجيل: 04-25-2010
مجموع المشاركات: 1305
Quote: اول يوم اخدت لى دوش من الصباح و طلعت على الجريده, وانت عارف مع صابون الحمام المويه ما بتتشمه كويس, اختى ضربت لى بعد نهاية اليوم و كلمتنى بالحاصل, ياخ انا حسيت ليك بنفسى ريحتى طير طير, و حتى الان ما زلنا نشرب موية الصحة,
موية الصحه ذاته بالشي الفلاني و ما بمقدور كل الناس تشتريها و تزيد تكاليف زيادة علي روحه ارخص حاجه في البلد دي المواطن
الله في يا زول
12-22-2010, 10:37 PM
حسبو عكاشة حسبو عكاشة
تاريخ التسجيل: 04-25-2010
مجموع المشاركات: 1305
Quote: أهااااااااااااااااا,, عشان كدا بتمشو تشربو شاى فى شارع 15 الواحد يا دوووب وقع ليه
يا عمك انت من زمن شاي 15 !! الواحد بقي ما فيهو حيل من شدة الافراط في شراب موية المجاري اما بخصوص كشف الحمل, من يوم عرفنا انها موية صرف صحي قلت لي مورتا هوي يا زول انت ما حاسي بانك عايز تستفرغ و بتبزغ كتير زيي !! قال لي .. ااااي قلت ليه ... من هنا و علي الدايات يا فردة نمشي نكشف بدري بدري و نحن في طريقنا عرفنا انو موية الصرف الصحي جايه من داخلية بنات !! طوالي دقينا خلف و جري علي الحمام و الرايش ما يديك الدرب
12-22-2010, 10:47 PM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
نشرب مقالب نشرب طحالب،، برضو بلادنا تمام التمام تحصل بلاوي تحصل مصايب،، ويفضل حبيبنا رئيسنا الهمام نبيع دم قلبنا وندفع ضرايب،، لتحيا الحكومة ويحيا النظام
مورتا لا علاقة له بحسبو وخضر حسين وكل من لفه لفهم
12-22-2010, 11:04 PM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
ودعكاشة سلامات وبعدين قول لخضر القصة دي كلها فيتامين فيتامين ألف وبي 1 وسي ودي وكي . وبعدين ياودعكاشة فيتامين كيي ده اصلو من الكاكه . يعني الحكومة دي تقلب هوبة ؟
12-23-2010, 11:32 PM
حسبو عكاشة حسبو عكاشة
تاريخ التسجيل: 04-25-2010
مجموع المشاركات: 1305
Quote: ودعكاشة سلامات وبعدين قول لخضر القصة دي كلها فيتامين فيتامين ألف وبي 1 وسي ودي وكي . وبعدين ياودعكاشة فيتامين كيي ده اصلو من الكاكه . يعني الحكومة دي تقلب هوبة ؟
الهوبه صعبه لكن يكلمو طالبات الداخلية ياكلو اكل كويس عشان نحن نشرب حاجه كويسه
12-23-2010, 11:40 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
حسبو نا الله ونعم الوكيل! من غضب الله عليكم، بلاد شاقيها نيل من جنوبها لشمالها، غير الروافد الكثيرة التي تصب فيه، والناس حول هذا النيل وروافده عطشى، فتأمل.. __ تقول لي: العير في البيداء يقتلها الظمأ والما فوق ظهورها محمول؟
ما الفرق بين العير وهذا الشعب العايِّر؟
12-24-2010, 02:05 PM
حسبو عكاشة حسبو عكاشة
تاريخ التسجيل: 04-25-2010
مجموع المشاركات: 1305
وبالجد يا حسبو حكاية موية الصرف الصحي البتتسرب لموية الشراب دي حكاية عجيبة ياااخ والبلد ديك يا ربي ما في (رود كوري دور) ولاشنو...؟؟ الرود كوري دور ده هو المسار المحدد في تصميم الطريق العام الذي يضع خطوط الصرف الصحي في مسار وخطوط مياه الصرف الصحي في مسار وبمسافة محسوبة وهذه المسافة كافية الا تتخلبت مياه الصرف الصحي مع الموية الحلوة (اوكما قال شيخي بوسف عبدالفتاح)... لخبببببببتة الصرف الصحي دي قد تودي الي ظهور فصيل جديد من البورداب يمكن برااحة ان نطلق عليهم بورداب الدايات
12-24-2010, 10:38 AM
مرتضى احمد عبد القادر مرتضى احمد عبد القادر
تاريخ التسجيل: 12-30-2009
مجموع المشاركات: 2484
Quote: رود كوري دور لينا نحن ياكيكي !!! الله يسامحك
0 يا مورتا كخبير صرف صحي سابق بصرح بانو مافي حاجة بتحلكم من حكاية الدايات القالها ايمن دي الا الرود كوري دور ده فعشان كده (كيب الرود كوري دور هوووووووت) كمطلب شعبي
12-24-2010, 11:09 AM
مرتضى احمد عبد القادر مرتضى احمد عبد القادر
تاريخ التسجيل: 12-30-2009
مجموع المشاركات: 2484
الدايات اكتر من الرايحات ياكيكي كتر خير الحكومة الجابت لينا المويه لحدي بيوتنا ياخ نحن شعب بنقدر ظروف الحكومة، ما دايرين أي رود كوري دور نحن زاتو إتعودنا على المويه كدا وبدينا نحبها الشغله دي تعوديه نحن بس دايرين نتطمن المويه دي بتوضي !!؟ ساكوبيز داير يعرف يتغسل بي المويه دي ولا يغسل الماسوره بي بولو !!؟ فركزو لينا في مشاكلنا الحقيقية وما تتعبو الحكومة معانا ساي
12-24-2010, 11:13 AM
خضر حسين خليل خضر حسين خليل
تاريخ التسجيل: 12-18-2003
مجموع المشاركات: 15087
قول كلام غير دا ياخ هيئة مياه الصرف الصحي قالو موية المواسير دي صحيه و ما بتضر بل بتمد الجسم بالكثير من الفيتامينات
الحكومة بتغذي فينا علي قول محمد علي ابراهيم
Quote: الطحالب زاتا مفيدة وكلها كلوروفيل بختكم الحكومة بتغذي فيكم وبالمجان كمان مرة طمي نيل ازرق طااااااعم ومرة كلوروفيل وثم ثانيا مفروض الحكومة اصلو ما تتدخل في موضوع توالد الطحالب ده حفاظا على التوازن البيئ
مشتاقين يعلم الله الواحد نسي كان يعبي ليك كم باغه كدا عشان تتغذو بيها هناك في الدوحه ما مشكلة, الاجازة الجايه
12-24-2010, 11:36 AM
احمد محمد بشير احمد محمد بشير
تاريخ التسجيل: 06-17-2008
مجموع المشاركات: 14987
والله يا جماعة ومع احترامي ليكم .......................لكن!! البوست خاصة بمشكلة "كبيرة جدا" ولو حصلت في اي بلد من بلاد لانقلبت الحكومة. ومع ذلك شايف في وجوه ضاحكة زي دي في البوست!! لييييييييه كدة يا سودانيييين؟!
12-24-2010, 11:49 AM
حسبو عكاشة حسبو عكاشة
تاريخ التسجيل: 04-25-2010
مجموع المشاركات: 1305
Quote: والله يا جماعة ومع احترامي ليكم .......................لكن!! البوست خاصة بمشكلة "كبيرة جدا" ولو حصلت في اي بلد من بلاد لانقلبت الحكومة. ومع ذلك شايف!! في وجوه ضاحكة زي دي في البوست!! لييييييييه كدة يا سودانيييين؟!
ياخ انت راجل طيب انت قايل المشكلة في مياه الصرف الصحي بس!! , الناس ليها قريب تمنية شهور بتشرب و تكرع بعر بعر و الطحالب زايده في غيها و السكر طلع السما و الرغيف بقي يتعزز و السمك غمر
و عزانا الوحيد في ...
شر البلية ما يضحك
12-24-2010, 11:51 AM
خضر حسين خليل خضر حسين خليل
تاريخ التسجيل: 12-18-2003
مجموع المشاركات: 15087
دغالة مني ساي حشغل الفيديو اوتو بلاي...ان شاء الله ناس الليمت ريت رصيدكم يكمل
_
بالجد يا مورتا وحسبو وخضر كلامكم بقي كتير مرة الخبز ومرة البرنجي ومرة منعوا الصعوط ومرة دقوا البنية ومرة ناس المرور...ومرة ناس السدود عايزين يشردوا ربع السودان الفضل بالنسبة للموية بتاعة امدرمان دي مناعة ياخوانا....زي ما قال عادل امام الما مسئول... تقول لي كيكي تفكيكي....ياخي تحليل مبالغ فيه من عادل امام لا هندسة لا غيرها _ ساكت الجمعة الفاتت مرقتوا مظاهرة ميول ...أتاري امدرمان ميولاتها غريبة جدا الايام....بالجد كنتو اوفففف بوينت من هذا المنبر احي اهلنا الذين يشربون الموية من المصادر الطبيعية ....ولزاما علينا أن نعود لعهد الجركانات من النيل....والله أكبر والعزة للسودان.....
12-25-2010, 09:40 AM
حسبو عكاشة حسبو عكاشة
تاريخ التسجيل: 04-25-2010
مجموع المشاركات: 1305
Hassabo, Khidir and Morta Instead of cursing the darkness/government, light a candel; means buy a water purification/filteration system. This one starts at 22.9 dollars _____ This one starts at 89.9 dollars Try to optain this one because it kills sperms and prevents pregnancy
12-25-2010, 11:28 AM
محمد عبدالرحمن محمد محمد عبدالرحمن محمد
تاريخ التسجيل: 10-13-2010
مجموع المشاركات: 1556
لكن يا مورتا وحسبو للضمان كدا أنا شايف بعد كل هذا الحوار البناء والهادف لحل مشكلة الميا المختلطة بتلك الشياء التى يصعب تحديد ماهيتها ومكوناتها وخوفا عليكم من الحمل خارج الموضع المخصص له وبوجود بعض الخبرات بينكم بما فيها بعض مستوردى أجهزة الكشف المبكر عن البتاع فى البتاع مع الصباح وبما أنو البلد بقت بلد قلب وبزنس من كل نوع وشكل حتى لو كان مصيبة زاتو فنحن جاهزين لمد يد العون وإستيراد أحدث ما وصلت إليه تكنولوجيا اجهزة مرحلة ما قبل الدايات وكدا وإن بقت القصة دايات دايات فيبقى ننتقل لمرحلة أخرى ونشوف السوق بقول شنو,,
على كل حال مبدئيا كدا شوفو المنتجين ديل وراجعو الخبير د. ياسر طيفور العريس ورجل الأعمال القمر بوباى بصفته صاحب رخصة تجارية جاهزة لممارسة العمل,,
سنوافيكم بالتفاصيل لاحقا,,
12-26-2010, 08:39 PM
حسبو عكاشة حسبو عكاشة
تاريخ التسجيل: 04-25-2010
مجموع المشاركات: 1305
Quote: لكن بالجد من يومين دقست واول ما فتحت الحنفيه اتمضمضت ووووووووووووووواى من الحصل لى
اطمئنك انو الموضوع دا ما قبل يومين
Quote: بتاريخ 2010/2/16م، نشرنا تحت عنوان «نهر صرف صحي يصب في النيل بأمدرمان»، كشفنا من خلاله بالصورة تدفق كمية كبيرة من مياه الصرف الصحي الذي ينبع من مدينة الشهيد «علي عبدالفتاح» الجامعية للبنات، أمدرمان، ويصب في النيل على بُعد أمتار قليلة جنوب محطة مياه بيت المال..
اتمضمضي ساااااااي الحبه ما بتجيك
12-26-2010, 08:54 PM
حسبو عكاشة حسبو عكاشة
تاريخ التسجيل: 04-25-2010
مجموع المشاركات: 1305
يا سيدي الفاضل نحن هنااتينا الى هذا المكان من كل حدب وصوب من اجل قضايا كبيرة في جوهرها ومعناها ..قضايا تصل الى حد ان نكون او لا نكون ..فيا سيدي الفاضل رفقا بنا وبهذه المساحات الممنوحة لك ولغيرك من كرام الاعضاء من اجل خلق واقع جديد وصورة غير التي نراها ونعايشها في شتى ربوع وطننا الحبيب..قلتها لك سابقا واقولها لك ثانية ولا مشكلة عندي ان اظل اكررها ما حييت ...
. . . . الناس في شنو والحسانية في شنو ؟!!
12-28-2010, 02:29 PM
SILVER MOON SILVER MOON
تاريخ التسجيل: 02-24-2002
مجموع المشاركات: 300
تحذير من السفارة البريطانية لرعاياها بعدم شرب مياه الحنفية في الخرطوم الثلاثاء, 28 كانون1/ديسمبر 2010 06:57
هذا تحذير تم تعميمه من السفارة البريطانية ينهى عن شرب مياه الحنفية لتلوثها بالبكتيريا..... وانتو يا بني السودان من يحذركم؟ احسن براكم حذروا انفسكم وضارفوا ليها لانو القاعدين في محل المسئولية ما سائلين في غير نفسهم دحين عمموا المعلومة يا مسئولين
Subject: drinking water warning from british embassy this notice just went out to British Embassy folk. Don't drink the tap water. ** Dear All, As part of new health & safety procedures, TWS staff recently took water samples from all our residential properties to screen in the UK for Legionella bacteria. We have now been notified that some of the samples have tested positive. We are waiting for the arrival of the detailed results, as well as formal advice and guidance from FCO Health & Safety. Once the specific measures to be taken locally have been confirmed, details will be circulated to all staff. Post management of course take this matter extremely seriously and we will keep staff fully informed. However, I can confirm that no cases of Legionnaires’ disease have been diagnosed locally from amongst either staff or families. Of course, should anyone feel unwell or have health concerns then they should as always contact Esther for advice. The UK Health and Safety Executive offers further information on Legionnaires’ disease at their website: http://www.hse.gov.uk/legionnaires/index.htm As a precautionary measure, while a full action plan is prepared, staff are reminded: Do not drink the water from the taps in your houses. UK staff properties have been issued with water dispensers; Do not brush your teeth with tap water, but instead use bottled water. This email is not intended to alarm you, but it is important that you are informed of this situation. We will circulate further information and guidance as soon as it is available. With thanks,
01-03-2011, 07:50 AM
حسبو عكاشة حسبو عكاشة
تاريخ التسجيل: 04-25-2010
مجموع المشاركات: 1305
Quote: وجود هذه البكتريا في مياه الشرب بولاية الخرطوم قد يقود الي هذه الاعراض و المضاعفات: - المرض الذي تسببه هو مرض خطير يسمي مرض ليغيونير Legionnaires' disease - تدخل هذه البكتريا الجسم و تعمل علي تدمير الجهاز المناعي - تظهر الاعراض بعد يومين الي عشرة ايام بعد الاصابة بالبكتريا - تشمل الاعراض، الحمي، الصداع، وجع العضلات، انعدام الشهية، و الفتور المستمر - تظهر بعدها الكحة و قد تكون مصحوبة ببلغم به دم - ايضا تظهر اعراض الاسهال، الالام البطن، فقدان الوعي الجزئي و الدوخة - قد تؤدي الاصابة بهذه البكتريا الي مرض الفشل الكلوي - معظم اعرض المرض تظهر من خلال التهاب الصدر الخطير ( ذات الرئة).
كان لابد أن نشكر الهيئة القومية للمياة على التحسين الملحوظ في طعم ورائحة المياة في الفتره السابقه ونود الإشاره إلي أنه لا ضير من القليل من اللخبته لها مع مياة الصرف الصحي فكثيرون الآن يعانون ومنهم صاحب البوست من عملية اللخبته الذاتية نسبة لإدمانهم
لعناية أمين نوته عونا له في حملته لعلاج الأخ حسبو عكاشة
03-14-2011, 11:37 AM
khaleel khaleel
تاريخ التسجيل: 02-16-2002
مجموع المشاركات: 30134
دة كلام مخيف جدا , ومكتوب فى الصحيفة على عينك يا تاجر يعنى بلدنا دى فيها حرية صحافة ولا شنو , لان خبر مثل الخبر دة فى مصر القريبة دى بقفل صحيفة وبرجف الوزير والمحافظ بسكن فى الحمام يومين بقينا هوانات وهملة بس.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حسبو عكاشة
خضر حسين خليل
Yassir Tayfour
الطاهر ساتي
محمد المختار الزيادى
أيمن الطيب
Elawad
محمد إبراهيم علي
مرتضى احمد عبد القادر
Osman Musa
محمد البشرى الخضر
محمد عبدالرحمن محمد
الوليد الرشيد وراق
حبيب نورة
احمد محمد بشير
الامين موسى البشاري
عبدالكريم الامين احمد
محمد عبدالرحمن
الوليد عمر
GamarBoBa
البدري عبد الله
SILVER MOON
khaleel
فيس بوك
تويتر
انستقرام
يوتيوب
بنتيريست