تم كتابة هذا النص في الانسانة الاستثناء منى خوجلي والتي قامت بزيارة معسكرات اللاجئين في دارفور وطوكر وكافة بقاع السودان تخفف الآلام وتحتمل المشاق في سبيل إنسان السودان .. فكانت تماماً كعشم الصغيرين في الدفا ....
منى خوجلي التي ابتعدت عن المشاركة في المنتدى لظروف تعرفها .. نتمنى أن تعود إلينا في القريب العاجل ... عودي إلينا يا جميلة الدواخل ويا عشم الصغيرين ....
12-04-2010, 07:47 AM
عبدالفتاح أبوشيمة عبدالفتاح أبوشيمة
تاريخ التسجيل: 04-15-2008
مجموع المشاركات: 4163
Quote: إنتي يا عشم الصغيرين في الدفا ... إنتي يا عشم الصغيرين في الدفا ... عشم البيحلم ديمه بي لحظة صفا ... بالريده .. بالحب .. بالوفا ... بي نجمه في الافق البعيد ... والنور يسارق في السراديب بالخفا
خلاص البرد جاكم؟ بقيتو كايسين للدفا؟ وشوية تُظِهر ما خفا من حنّتك وعدم الجفا زمان ما كنا قلنا ليك اسكت كفا احنا الوجع تاعب قلوبنا مخوّفا تقوم تجينا يا حنين بي انتباه وشي بي صفا اسكت كفا ما تفتح الجرح القديم ولا شغل حبيبنا داك أبو الوفا زمننا داك الكان جميل ما خلاص قلَب لين انكفا هي شنو بلا السراديب الوقفتنا من انتباه لي صفا نرتاح شوية قلنا سردابنا دا بغطي الجبال بي ملحفة شوية راحة قلنا بس ناخدا في قولة صفا تقوم تجي وتوقّفا يعني ما ننوم أبد حتى في دي الأرصفة ولا حتى لين تجينا الأرشفة ياخي بس ارحم كفى من وين تجيبوه الجمال دا أبو الوفا وتسردبوبنا في ظلام الليل، وتضوو لي نجمه يجي داخل في السراديب بالخفا ونحن زماننا كله ديمة تايهين في أرصفة لا الشوق هدر لي دندناتنا ووقّفا ولا دي الرجل من كترة حوامتا نقول حفت ولا المياه الآسنة في بعد الوطن جفَّت جِفتْ عشان نضطر نرجع للوطن ولي البنية نشرّفا يا حليلنا مع سفر الجفا الخلانا نبكي من بعيد ونغنّي ليها المنصفة
لك كل الود
الكلام دا بعد المداخلة الأولى
12-04-2010, 09:50 AM
عبدالفتاح أبوشيمة عبدالفتاح أبوشيمة
تاريخ التسجيل: 04-15-2008
مجموع المشاركات: 4163
ونهاتي بي حلم الأماسي الآسفة وللا القمر كيفن نويراته ديك خاسفة حتى القماري في صوتا الكتير من أفأفة وديك حبال صوتا فيه الكتير من (نفنفة) يا الله تديها الشفا هو إنت وكتين مكتول كمد ما توصّفا يمكن نعرفا ونقدل عليها بالوساطة نشفّفا شن ماشية ليك تقولوا ليك بعد الجرس عشان دموعك تكفكفا ندربا على عبارات من جنس متأسفة إنت بس ارحم كفى لأنك لو استمريت كدا ما راح تلقى زول عند حدها يوقّفا تلقانا متنا ياحبيب وعلى الأقل قول خرّفا اضحك يازول لامن نلقاك راقد قفا طلعنا برة من مواضيعك عشان ما تهرفا -- لكن الملكة دي هي ذاتا ما ياها الشفا تقعد تطبطب على القلوب وتولّفا دي الأمنيات ذاتا كيفن نوقّفا
إدريس هل من أمل
أن ترجع الملكة
ما عارفا غابت
ليه
جيت من إجازتي الطويلة
لقيتا مافي
ياخي ما تحنسها في بوستيك دا
12-05-2010, 06:52 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: خلاص البرد جاكم؟ بقيتو كايسين للدفا؟ وشوية تُظِهر ما خفا من حنّتك وعدم الجفا زمان ما كنا قلنا ليك اسكت كفا احنا الوجع تاعب قلوبنا مخوّفا تقوم تجينا يا حنين بي انتباه وشي بي صفا اسكت كفا ما تفتح الجرح القديم ولا شغل حبيبنا داك أبو الوفا زمننا داك الكان جميل ما خلاص قلَب لين انكفا هي شنو بلا السراديب الوقفتنا من انتباه لي صفا نرتاح شوية قلنا سردابنا دا بغطي الجبال بي ملحفة شوية راحة قلنا بس ناخدا في قولة صفا تقوم تجي وتوقّفا يعني ما ننوم أبد حتى في دي الأرصفة ولا حتى لين تجينا الأرشفة ياخي بس ارحم كفى من وين تجيبوه الجمال دا أبو الوفا وتسردبوبنا في ظلام الليل، وتضوو لي نجمه يجي داخل في السراديب بالخفا ونحن زماننا كله ديمة تايهين في أرصفة لا الشوق هدر لي دندناتنا ووقّفا ولا دي الرجل من كترة حوامتا نقول حفت ولا المياه الآسنة في بعد الوطن جفَّت جِفتْ عشان نضطر نرجع للوطن ولي البنية نشرّفا يا حليلنا مع سفر الجفا الخلانا نبكي من بعيد ونغنّي ليها المنصفة
أخي العزيز الشاعر / عبد الفتاح أبو شيمة
لك خأظنك عرفت من المقصود بعشم الصغيرين في الدفا ... هي الانسانة الاستثناء منى عوض خوجلي أو الملكة يا عبد الفتاح .. ذهبت وتركتنا هكذا وندعوها أخي بمليء الصوت أن عودي يا منى حتى يكون للحرف معنى وللكلمة رونق وبهاء ...
خالص التحية والود يا صديقي ...
مع خالص حبي وتقديري ؛؛؛
12-05-2010, 12:21 PM
عبدالفتاح أبوشيمة عبدالفتاح أبوشيمة
تاريخ التسجيل: 04-15-2008
مجموع المشاركات: 4163
بس بوستيك دا عايزينه يتمطّى ويطول ويطول لامن يفوت المملكة ما قلت ليك دي الملكة إت ما قريت أنا قلت بكتب كتير أي كلام شان أضحّكا أصل الشغل حق التراجم لي كل زول ما هالكا كل الكوميديا بيملّكا لي تركيز وشيتا لكلكا
- لكن الملكة دي هي ذاتا ما ياها الشفا تقعد تطبطب على القلوب وتولّفا دي الأمنيات ذاتا كيفن نوقّفا
- ضربنا ليها عشان تجينا نملّكا لكن الظاهر زعلها زعلاً شديد متملّكا وكمان شغلها كان في كتير شربكا حقة خطوط متشابكا قلت اضرب مرة تانية وبعدين أدُلَّكا مش ليها هي دي الفذلكة دي هي ليك يا الداعكا
الكلام دا عاد ما بشبها عشان كدا راحت هناك لي منظمات تعلّكا يعني زي ناس رانيا ديكا البفرحو ولي كل الحقيقة تملّكا مافيش أبد شغلاً هناك فيه لكلكا قالوا يخلق من الشبه أربعين لكن مطابقة زي دي مافي إلا في دي المملكة والبتقودو مي ياها ذاتا الملكة
12-05-2010, 02:06 PM
ابو جهينة ابو جهينة
تاريخ التسجيل: 05-20-2003
مجموع المشاركات: 22832
بتقرّق على العجايز يا عجوز تعريضك ما هو بجوز مالك جيت جاري زي شايل جوز كان ما الحب خلاّك تحوز لي رضانا الجوز أخونا الكاشف دا قليبو مهزوز بي ست الناس وفعايل يا ريس براك شفت أروع وأعظم استفتا الغريبة أول تلاتة بالعجز (برتا برتا فيجنّن) كلامك صح يا زول يا شفتة قلت الحقيقة وما وفرت
12-07-2010, 07:04 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
نأمل ونرجو بشدة أن ترجع يا عبد الفتاح .. ووالله يا عبد الفتاح لو الحنيس بيرجعها لمكثنا بقية هذا العمر نحنس ... نرجو أن تستجيب الملكة وتعود للقطاع العريض من محبيها في البورد ةلا تأخذهم بجريرة الغير ....
خالص تحياتي وودي الذي تعرف يا صديقي ؛؛؛؛
12-07-2010, 12:26 PM
عبدالفتاح أبوشيمة عبدالفتاح أبوشيمة
تاريخ التسجيل: 04-15-2008
مجموع المشاركات: 4163
تعرف يا إدريس كان ما أسرنا الريّس دا البورداب ما حيعرفو لي حتتتّا هي ست الحسن ذاتا ما عاملة جدّة لي يسن اللّي ملخبت ليها كل حتتا ما لو عشمنا برضو زي الصغيرين لو تعود لي ناس وحلت ترمي في الصاجات لكن ما لحقت قالوا زعّلوها وكيفن زعلت وشفقت كيف نحمل بعاد لي بت شيوخ كانوا عمارة ومعمّرين للحتة -أن عودي يا منى حتى يكون للحرف معنى وللكلمة رونق وبهاء ...
لو عادت مُنى يا ربّي عشم الصغيرين مابتفتّتا وتكون المسألة كمان دايرا ليها استفتا نحن مالنا كدا بنلخبت الكيمان ونفرتقا حتة حتة يا إدريس مالك خلاص خرّفت كلام الريس صحيح وللا أنا غلطت اسكت يا زول بعدين تلقى نفسك اترفتّ حسي نتكلم فيها رجعتا وللا في عشم الصغيرين لا فتتا خليها أحسن تخلّص لمهمّتا بعدين نحنّس في جيّتا وللا أصلاً هي شغلانتا إدريس إنت بتكون عارف بي سحّتا وللا الأسباب الودّتا إنتو يا عجايز رترتة
ونواصل
12-07-2010, 12:39 PM
نهلة محكر نهلة محكر
تاريخ التسجيل: 08-29-2007
مجموع المشاركات: 609
Quote: نأمل ونرجو بشدة أن ترجع يا عبد الفتاح .. ووالله يا عبد الفتاح لو الحنيس بيرجعها لمكثنا بقية هذا العمر نحنس ... نرجو أن تستجيب الملكة وتعود للقطاع العريض من محبيها في البورد ةلا تأخذهم بجريرة الغير ....
خالص تحياتي وودي الذي تعرف يا صديقي ؛؛؛؛
ما بقوم أسافر ليها عديل كان أبتا
وأمشي أخصما بي الله وبي يسن كان لكلكتا
هوي يا ناس الغلاط يسن دا ولدة ولدتا
ما تهبوا علينا زي النار وهبّتا
ما هي التميرة الطارحة لي سبيطتا
ما بتفرض لي طلب مهما كان سبّتا
ما تعمل لي في الداخلي شن هو سبّتا
أصلي كنت غايب بعيد وما حضرت لي عجّتا
دردر وينك؟
12-08-2010, 10:03 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
تعرف يا إدريس كان ما أسرنا الريّس دا البورداب ما حيعرفو لي حتتتّا هي ست الحسن ذاتا ما عاملة جدّة لي يسن اللّي ملخبت ليها كل حتتا ما لو عشمنا برضو زي الصغيرين لو تعود لي ناس وحلت ترمي في الصاجات لكن ما لحقت قالوا زعّلوها وكيفن زعلت وشفقت كيف نحمل بعاد لي بت شيوخ كانوا عمارة ومعمّرين للحتة -أن عودي يا منى حتى يكون للحرف معنى وللكلمة رونق وبهاء ...
لو عادت مُنى يا ربّي عشم الصغيرين مابتفتّتا وتكون المسألة كمان دايرا ليها استفتا نحن مالنا كدا بنلخبت الكيمان ونفرتقا حتة حتة يا إدريس مالك خلاص خرّفت كلام الريس صحيح وللا أنا غلطت اسكت يا زول بعدين تلقى نفسك اترفتّ حسي نتكلم فيها رجعتا وللا في عشم الصغيرين لا فتتا خليها أحسن تخلّص لمهمّتا بعدين نحنّس في جيّتا وللا أصلاً هي شغلانتا إدريس إنت بتكون عارف بي سحّتا وللا الأسباب الودّتا إنتو يا عجايز رترتة
نرجو بشدة أن تعود مني يا عبد الفتاح .. وهذا رجاء أن ترجع غلينا الملكة بكل زهوها وجمالها المترع بحب الناس .. جميلة الدواخل منى خوجلي ... نرجو أن تعودي سريعاً
Quote: [Q
12-13-2010, 07:35 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
يا ريت تعملها يا عبد الفتاح .. وبالمره تكون ضربت عصفورين بحجر .. تزور الأهل والأحباب وترجع لينا الملكة منى خوجلي وبي كده تكون ضربت عصفورين بحجر جميل ...
وأنا علي أن أزودك بكافة المعينات عنوانهم وهواتفهم ولو حنست أخوك شويه كده احتمال كبير أركب معاك .. أصلو أنا واقف على الهبشه .. وكنت أتمنى أن أقضي العيد الفات بي هناك لكن والله منعتني الظروف ...
لك كل الحب والأشواق التي تعرف يا صديقي ...
12-13-2010, 12:52 PM
عبدالفتاح أبوشيمة عبدالفتاح أبوشيمة
تاريخ التسجيل: 04-15-2008
مجموع المشاركات: 4163
عبد الفتاح داير أقول ليك ومن غير مناسبه .. أمبارح بنتفرج على سي دي زواج بنت أختنا الذي تم في السودان في العيد الفات .. وكان ده سبب كافي جداً للسفر لولا أن الظروف حالت دون ذهابي
المهم يا عبد الفتاح تقوم المدام تعاين لي أجمل زوله في الحفله (وبالمناسبة هذه الإنسانة تعرفها الملكة منى جيداً) وتوجه لي سؤالاً مباشراً كما الصاروخ .. دي منو دي يا إدريس
أنقر ما نكرت حطب ... يا عبد أنا مالي ومال القراية أم دق ... وإن نكر ضكر .. وان قريت ......
خالص التحايا يا صديق ...
12-18-2010, 12:14 PM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: أنقر ما نكرت حطب ... يا عبد أنا مالي ومال القراية أم دق ... وإن نكر ضكر .. وان قريت ......
وزارة قوية يجب تأييدا أي لغاوس في حالا تبيدا مالك جايب سي دي بي سيدا ومهما نكرت قايل بيفيدا أمانة ما وقع راجل بي قيدا أوعك تاني تكرر ريدا أحسن ما تلقى التأييدا والسي دي لازم تبديدا ياخي الرسالة ما جات مفصلة وما فيها حاجة بنفيدا دلّني على الخيوط عشان تسديدة - يازول من خاف سلم
12-20-2010, 07:20 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: وزارة قوية يجب تأييدا أي لغاوس في حالا تبيدا مالك جايب سي دي بي سيدا ومهما نكرت قايل بيفيدا أمانة ما وقع راجل بي قيدا أوعك تاني تكرر ريدا أحسن ما تلقى التأييدا والسي دي لازم تبديدا ياخي الرسالة ما جات مفصلة وما فيها حاجة بنفيدا دلّني على الخيوط عشان تسديدة - يازول من خاف سلم
من خاف سلم يا عبد الفتاح .... صدقت حقا يا صديقي ....
يعني كنت عايزني اتورط وأقول بعرفها ....
آي بعرفها ... وبعرف كمان كل الدروب الحالمه زي نور الصباح ... وفي شعري دايماً بوصفها .... ديك البينه المارقه من رحم الشموس .... الشاقّه دربين من حنان بستلطفها ... واتمنى دايماً ليها خيرات الزمان تستعطفها .... دي الزوله ست الناس عديل .... الريده والطبع الجميل .... زانها العفاف واجمل خصال بتوالفها .... آي بعرفها ... وكمان بخاف زول يعرفها .... الزوله زي شفق الغروب ... تريانه بالذوق والفهم .... مطموره تزخر بالحنان .... ودايما حنون ... دي الزوله حباها الولف أهداها حدقات العيون ... وكل المعاني الوارفه ... آي بعرفها ....
والله كان يخلوا أخوك ريحتوا طير طير ....
وفعلاً صدقت يا صديقي .... من خاف سلم ....
12-20-2010, 03:17 PM
عبدالفتاح أبوشيمة عبدالفتاح أبوشيمة
تاريخ التسجيل: 04-15-2008
مجموع المشاركات: 4163
Quote: غايتو خليك عارفا ومهما لونت الدروب مصيرنا نعرّفا وزي إنت ما دايرنا نعرفا مع إنك إنت كشفت نفسك وقعدت بس توصفا من دون تحس بي رفرفة عيوننا وتخوفا عرفنا تب وصفها ومن وصفا اتورطت يا زول ونحن بس نرقد قفا وبي دربنا نمش لي كل الوزارات ونشففا لامن تقول اسكت كفى
وفاصل ونواصل
عزيزي الشاعر / عبد الفتاح
تحية الحب والشوق الذي تعرف ....
لا أدري لماذا ولكني تذكرت فجأة صديقي محمد عبد الجليل الذي دائماً ما يردد هذا البيت الجميل :
أنا عنك ما حدثتهم لكنهم لمحوك تغتسلين في أحداقي ....
شفت كيف يا صاحب ... أظن الرسالة وصلت ....
مع خالص الحب والتقدير ... وخلينا نسأل ونلح في السؤال عمن بسببها كان هذا البوست ... ونقول لها وعلها تسمع وتلبي النداء : إلى متي يا أيتها الملكة المتوجة بشغاف كل القلوب ... إلى متى ؟ ... أما آن لهذا الليل أن ينجلي ؟ ... من أعماق أعماقنا نتمنى.. وندعو الله أن تعودي إلينا من جديد ... فهلا فعلت يا منى ....
12-21-2010, 12:38 PM
عبدالفتاح أبوشيمة عبدالفتاح أبوشيمة
تاريخ التسجيل: 04-15-2008
مجموع المشاركات: 4163
إلا المطامير يا زول تلقاه زولك بي دربها ما بكون حفا
حيرتني قلت لي الملكة ذاتا بتعرفا
هي الملكة وين نلقاها عشان نقول لها ونعرفا
إنه مجيها لا بد ما تلقاله دربا تقيف عليه وتوقفا
لا من يشيلا يجيبا لينا قبال عقولنا تسرح ولسانا ذاته يقعد يهرفا
ما خلاص بقت علينا قصة خرفا
أخواتا ديل ما يكلموها بي شوقنا دا الما بتعرفا --
[B ] ياخي ما تقول لي الشاعر
أنا اسمي الجلمنتوشي
أن تكون شاعراً ذاك شرف لا ندعيه
أنتم الشعراء الذين يتبعهم الغاوون
هل رأيت يوماً عندي أحد الغاوين
مع أنهم في كل واد يهيمون -
أما الملكة فأضم صوتي إلى صوتك
وأقول لها أما آن لهذه الكلمات الفارسات أن تترجّل
- وباقي كلامك الخطير دا سأرجع إليه إن بقي في العمر شيء
ولك كل الود
بس خليك قريب
زي ما نحن قراب
قبل ما يفضى الجراب
في انتظار العودة الموعودة يا عبد الفتاح ... ويا صديقي أنت شاعر رغم أنفك .. سواء أتبعك الغاوون أم المهتدون يا عبده ... ومعك ننادي بعودة الملكة خوجلي في أقرب فرصة ممكنه ... ويا عبد الفتاح لقد نقلت هذا البوست لما بعد الأرشفه ....
ويا خي ما تقول لأخوك كفاره ... لقد تعرضت لحادث حركة أول أمس ولكن الحمد لله ربك جاب العواقب سليمه .... جات في الحديد بس ...
غايتو بس نقول ربنا يرجعنا لبلادنا سالمين .. أما مسألة غانمين دي ففيها ألف نظر ...النلم في عضم السلامه ذاتها يا صاحبي ....
ولك من الحب والشكر أجزله ؛؛؛
12-23-2010, 09:38 AM
mohmed khalail mohmed khalail
تاريخ التسجيل: 06-14-2007
مجموع المشاركات: 4509
Quote: في انتظار العودة الموعودة يا عبد الفتاح ... ويا صديقي أنت شاعر رغم أنفك .. سواء أتبعك الغاوون أم المهتدون يا عبده ... ومعك ننادي بعودة الملكة خوجلي في أقرب فرصة ممكنه ... ويا عبد الفتاح لقد نقلت هذا البوست لما بعد الأرشفه ....
ويا خي ما تقول لأخوك كفاره ... لقد تعرضت لحادث حركة أول أمس ولكن الحمد لله ربك جاب العواقب سليمه .... جات في الحديد بس ...
غايتو بس نقول ربنا يرجعنا لبلادنا سالمين .. أما مسألة غانمين دي ففيها ألف نظر ...النلم في عضم السلامه ذاتها يا صاحبي ....
ياخي كفارة البيك يزول والجاتك في الحديد محمول المؤمن مصاب وإنت الزول لابد ما تجي القرصة عشان ماتقول راجع لي ربي عنده العفو مأمول يجبر للكسر ويعوض المأمول الله يعوضك مع سلامة الوصول كل الفي مناك يا أجمل حبيب يا زول جات في الحديد بس الجات في الحديد ما برضو ما بتندس مالك ما اتصلت أو عملت مسكلة بس عشان نجيلك ونكفر ليك بالدس ما يشوفوا الجماعة ونقولا ليك بس هس والملكة العزيزة نقول لها بس بالهمس غلاتك يمة لي كل الخلايق تربس مسجونين كدا لامن تقولي فك الحبس خليك حنينة إنت يا أم يس شرفي بورديك من غيرك اخير يتّربس أخدي بي خواطرنا وما عليك من نسنس ديل الزعلوك ما صايبة فيهم مس باقين زي السامري ممنوع عليه المس يقولها لا مساس طول عمرو جاري وبس يا ملكة نحن تعبنا كافينا البعاد بس بس
يامنى كفاية
الله يرضى عليك تعالي
وللا دايرة تكلفي ناس عيانين بي سفرية
خلاص نستقبلك في المطار مع إهلالة يناير
12-25-2010, 08:37 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
أمل ان تعود عصافير البورد الغائبة الملكة واخواتها الطيبات
خالص التقدير
شكراً جزيلاً أخي الحبيب محمد خليل ... وكم أنا سعيد أن عجبك النص .....
تعرف يا محمد الملكة منى خوجلي ومعها كل عصافير البورد الغائبة ... هؤلاء يا عزيزي أناس جميلي الدواخل جداً ولا يعزهما ويتمنى رجوعهما إلا الجميلين أمثالك أخي محمد خليل ....
شكراً مرة أخرى ... مع خالص الود والتقدير ؛؛؛
12-27-2010, 09:28 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: ياخي كفارة البيك يزول والجاتك في الحديد محمول المؤمن مصاب وإنت الزول لابد ما تجي القرصة عشان ماتقول راجع لي ربي عنده العفو مأمول يجبر للكسر ويعوض المأمول الله يعوضك مع سلامة الوصول كل الفي مناك يا أجمل حبيب يا زول جات في الحديد بس الجات في الحديد ما برضو ما بتندس مالك ما اتصلت أو عملت مسكلة بس عشان نجيلك ونكفر ليك بالدس ما يشوفوا الجماعة ونقولا ليك بس هس والملكة العزيزة نقول لها بس بالهمس غلاتك يمة لي كل الخلايق تربس مسجونين كدا لامن تقولي فك الحبس خليك حنينة إنت يا أم يس شرفي بورديك من غيرك اخير يتّربس أخدي بي خواطرنا وما عليك من نسنس ديل الزعلوك ما صايبة فيهم مس باقين زي السامري ممنوع عليه المس يقولها لا مساس طول عمرو جاري وبس يا ملكة نحن تعبنا كافينا البعاد بس بس
يامنى كفاية
الله يرضى عليك تعالي
وللا دايرة تكلفي ناس عيانين بي سفرية
خلاص نستقبلك في المطار مع إهلالة يناير
أولآً يا عبد الفتاح مشكور ياخي على المبادرة بالاتصال وهذا دائماً عهدنا بك يا رجل ....
ياخي مع كل الكلام الجميل القمت رشيتو بي فوق وكمان ارتجالاً لي بس أنت مصر تنكر الشاعريه حقتك ....
ياخي إن شاء الله دايماً نجيك في السمح ... وكمان معانا الملك سمحة الخصال .. والجميله في كل شيء يا عبده أخوي ... الظاهر عليها علي قولك ما عايزه تجينا إلا بعد يناير مع تباشير الوحده إن شاء الله ... بالله يا عبد الفتاح ما عنك إحساس داخلي جميل كده إنو أخوانا الجنوبيين يعكسوا كل التكهنات وبكدبوا الشينه ويقوما كده يصوتوا لي صالح الوحده بنسبة تخرس ألسنة كل الذين لا يريدون بالسودان وأهله خيراً ... ياخي عليك الله كان ما قلت آميييين من جوّه الجوّه .. ومعاك كل الناس الحلوه ... عسى أن يستجيب الله لدعوات الملايين من بني شعبي الذين يحلمون ألا يتجزأ هذا الوطن الجميل ...
( منقو قل لا عاش من يفصلنا .... قل معي لا عاش من يفصلنا ....نحن روحين حللنا بدنا ... ) ...
مع كل حبي الذي تعرف ؛......
12-27-2010, 12:03 PM
عبدالفتاح أبوشيمة عبدالفتاح أبوشيمة
تاريخ التسجيل: 04-15-2008
مجموع المشاركات: 4163
Quote: ( منقو قل لا عاش من يفصلنا .... قل معي لا عاش من يفصلنا ....نحن روحين حللنا بدنا ... ) ...
نحن فعلاً قلنا ليك لا عاش من يفصلنا واليوم نكرّر قولنا ليك لا عاش من يخذلنا نحن راجين قولك إنت بعدما فات العملناه (سنين) ما باقي إلا إنك بس تقول هيك ما فعلنا Done دي ما مجرّد قول دا جد من فعلنا بكرة نتحاسب عليه من جيلنا نحن ولين مهلنا قلنا كررنا القوالة ولين مللنا بس ناس ديمة بتصعّب كل سهلنا دايرة بس تغصب علينا فوق عينينا وأملنا نحن للتاريخ نقولا إنه يوم بس ما غفلنا حبّنا الدُّرناه ليك ما في زول يقدر يصلنا مهما غبت ومهما شفت إنت برضك من أهلنا وراح تظل زادنا ورحِلنا تمشي بينا على مهلنا ما تقول لي بس نحن جفلنا نحن تربسنا وقفلنا جوّة في جوّاة قلبنا مافي زول بقدر يشيلنا من محلاً فيه قلبنا
-- منقو قول لي وين ألاقيك شان أعيد ليك قولي الما مُعاديك وما بفكّكك حتى لو ديك؛ حِلّتنا حلّفني وأناديك لا تخليني أرازيك وانسى دنّك وديك مزازيك رترتة رجلينك إنت فوق بواديك زلزلت الأرض تحتك كمان تباريك
إدريس قول لي منى
ما تنسي عشم الكبار كمان
12-28-2010, 02:17 PM
اسماء الجنيد اسماء الجنيد
تاريخ التسجيل: 03-31-2010
مجموع المشاركات: 4731
Quote: نحن فعلاً قلنا ليك لا عاش من يفصلنا واليوم نكرّر قولنا ليك لا عاش من يخذلنا نحن راجين قولك إنت بعدما فات العملناه (سنين) ما باقي إلا إنك بس تقول هيك ما فعلنا Done دي ما مجرّد قول دا جد من فعلنا بكرة نتحاسب عليه من جيلنا نحن ولين مهلنا قلنا كررنا القوالة ولين مللنا بس ناس ديمة بتصعّب كل سهلنا دايرة بس تغصب علينا فوق عينينا وأملنا نحن للتاريخ نقولا إنه يوم بس ما غفلنا حبّنا الدُّرناه ليك ما في زول يقدر يصلنا مهما غبت ومهما شفت إنت برضك من أهلنا وراح تظل زادنا ورحِلنا تمشي بينا على مهلنا ما تقول لي بس نحن جفلنا نحن تربسنا وقفلنا جوّة في جوّاة قلبنا مافي زول بقدر يشيلنا من محلاً فيه قلبنا
-- منقو قول لي وين ألاقيك شان أعيد ليك قولي الما مُعاديك وما بفكّكك حتى لو ديك؛ حِلّتنا حلّفني وأناديك لا تخليني أرازيك وانسى دنّك وديك مزازيك رترتة رجلينك إنت فوق بواديك زلزلت الأرض تحتك كمان تباريك
إدريس قول لي منى
ما تنسي عشم الكبار كمان
عبد الفتاح أخوي ...
لك أعبق التحايا وأنداها يا صديق الحرف الجميل ....
أول حاجه كل سنه وأنت طيب قبل الزحمه ... قبل ما أجيك بالتلفون وإن شاء الله بعدها بالدرب عدييل يا زول يا جميل ....
أقول ليك شنو بس يا عبد الفتاح ... الله يديك ألف عافيه .. ويديك قدر ما يرضيك .... ياخي كفايه عليك شهادة أختنا العزيزة سوما البي تحت دي .. وبعد سوما طبعاً بيقيف الكلام ....
وإن شاء الله ياخوي يتحقق عشم الكبار والصغار ... يارب يا عبد الفتاح ....
ولك أخي الكريم خالص حبي وتقديري ،،
12-29-2010, 12:29 PM
عبدالفتاح أبوشيمة عبدالفتاح أبوشيمة
تاريخ التسجيل: 04-15-2008
مجموع المشاركات: 4163
Quote: والاخ عبد الفتاح زين ليك البوست بحنيته المعهودة وكلماته الشفيفة بوست مميز جدا جدا التحية لكما
هلا وغلا بت القبايل إدريس امسك في الشاعرة دي ما تزوغ منك بالكلمتين ديل خلّيها تجيب حاجة تخلّي منى خوجلي ترجع من شعرها الرصين وحنين أصل الناس الحنينين بعرفوا لي بعض نحن الجنس الخشن ديل ناس قريحتي راحت ساي
سلام يا سلام عليك
وينك يا أستاذة
طوّلنا ما شفنا حاجة
وبوستيك داك ما ظهر تاني
عليك الله تعالي حنّسي لينا منى دي
مع عشم الصغيرين
تدينا كمان نظرة
لك كل الود والاحترام
على كلامك الطيب
دا بس من أصلك الطيب
إدريس ما تجي نعمل مظاهرة
ومناشدات وكدا ونشرك فيها النساء كمان خصوصاً أخواتها - أصلاً عنوان البوست ما بيجذب النحل والفحل واسمها ما في في العنوان سمح يا إنسان يا صافي وبي ألوان الله يديك من كل شي كايناً كان يحقق إحساسك بالإنسان بس في كونه إنسان - يا ملكة يا منى بت خوجلي يا حبوبة يسن إنت ما شايفة الكلام دا يخوانا واحد أو واحدة صحوها ورّوها عشـــم الصغيرين ...
إنتي يا عشم الصغيرين في الدفا ... عشم البيحلم ديمه بي لحظة صفا ... بالريده .. بالحب .. بالوفا ... بي نجمه في الافق البعيد ... والنور يسارق في السراديب بالخفا ... وقتين يباغت العتمه يسرج للقناديل الوميض ... يربت علي كتف اليتيم يتفقدو ... يواسي دمعات الحزين ويهدهدو .. ويزيل عواقب ساده درب الامنيات ... يلفح متاهات الحزن ويبددو .. مسكين يقاسمك في الوجع .. واحزانو في التيه يدفنه ... ينسلّ في جوف الحريق ... زي غيمه تنضح بالسنا ... وهج البروق وقتين تزلزل في الشفق .. غيمة مطر رطّب جفاف الأمكنه ... زولاً مسافر راح يوزع زادو للناس الحفت ... كفّاها من زادو القليل .. وارتاح على حزنو انكفا .... روعة عيون عشم الصغيرين في الدفا ... عشم البيحلم ديمه في لحظة صفا ... بالريده بالحب والوفا ... -- كلمات رائعات يا دردر هوي إنت يا عشم الصغيرين ومعاهم ناس يسين حني على كلام الكبار المخرّفين
12-30-2010, 11:24 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: الاخ العزيز ادريس حبابك والله والله ما شاء الله نص مترع بالحنية إبداع غلداع إبداع
والاخ عبد الفتاح زين ليك البوست بحنيته المعهودة وكلماته الشفيفة بوست مميز جدا جدا التحية لكما ولزوار البوست الكرام
يا سلام عليك يا بت الشيخ الصديق الطيب ....
حاجه زي نسمة الضوء الوضيئة حين تتسلل من حنايا الثقوب في بيوت الطين بقرانا الجميلة تلك ... دائماً ما يبهجني مرورك ومداخلاتك الندية العامرة بالثراء ... كما يسعدني دائماً وكم أسعد الجميع حرفك الذي يغتسل بالصدق ويذوب طيبة ونقاء ... ألم أقل لك في بوست سابق أن لكل من اسمه نصيب يا أسماء ...
وألف حمداً على سلامتك أم رامي من الوعكة التي ألمت بك .. وإن شاء الله العافية تبراك وين ما تقبلي يا سوما ....
دعيني أضم صوتي لصوت صديقي عبد الفتاح وأناشدك بأن تكتبي شيئاً تناشدي فيه معنا ملكتثنا الغائبة منى خوجلي بالعودة كما جفت حلوقنا ونحن نفعل في هذا البوست ....
خالص الشكر والتقدير والتجلة أختي أسماء ؛؛؛
01-01-2011, 07:51 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: هلا وغلا بت القبايل إدريس امسك في الشاعرة دي ما تزوغ منك بالكلمتين ديل خلّيها تجيب حاجة تخلّي منى خوجلي ترجع من شعرها الرصين وحنين أصل الناس الحنينين بعرفوا لي بعض نحن الجنس الخشن ديل ناس قريحتي راحت ساي
سلام يا سلام عليك
وينك يا أستاذة
طوّلنا ما شفنا حاجة
وبوستيك داك ما ظهر تاني
عليك الله تعالي حنّسي لينا منى دي
مع عشم الصغيرين
تدينا كمان نظرة
لك كل الود والاحترام
على كلامك الطيب
دا بس من أصلك الطيب
إدريس ما تجي نعمل مظاهرة
ومناشدات وكدا ونشرك فيها النساء كمان خصوصاً أخواتها - أصلاً عنوان البوست ما بيجذب النحل والفحل واسمها ما في في العنوان سمح يا إنسان يا صافي وبي ألوان الله يديك من كل شي كايناً كان يحقق إحساسك بالإنسان بس في كونه إنسان - يا ملكة يا منى بت خوجلي يا حبوبة يسن إنت ما شايفة الكلام دا يخوانا واحد أو واحدة صحوها ورّوها عشـــم الصغيرين ...
إنتي يا عشم الصغيرين في الدفا ... عشم البيحلم ديمه بي لحظة صفا ... بالريده .. بالحب .. بالوفا ... بي نجمه في الافق البعيد ... والنور يسارق في السراديب بالخفا ... وقتين يباغت العتمه يسرج للقناديل الوميض ... يربت علي كتف اليتيم يتفقدو ... يواسي دمعات الحزين ويهدهدو .. ويزيل عواقب ساده درب الامنيات ... يلفح متاهات الحزن ويبددو .. مسكين يقاسمك في الوجع .. واحزانو في التيه يدفنه ... ينسلّ في جوف الحريق ... زي غيمه تنضح بالسنا ... وهج البروق وقتين تزلزل في الشفق .. غيمة مطر رطّب جفاف الأمكنه ... زولاً مسافر راح يوزع زادو للناس الحفت ... كفّاها من زادو القليل .. وارتاح على حزنو انكفا .... روعة عيون عشم الصغيرين في الدفا ... عشم البيحلم ديمه في لحظة صفا ... بالريده بالحب والوفا ... -- كلمات رائعات يا دردر هوي إنت يا عشم الصغيرين ومعاهم ناس يسين حني على كلام الكبار المخرّفين
عبد الفتاح أخوي ....
صباحك أندى من الورود التي بللها الطلّ .. وأعبق من شذى الرياحين ، وأنا استهل العام الجديد بالرد عليك ... وكل سنة وأنت بألف خير مرة أخرى...
عارف فكرة المظاهرة دي وقعت لي ساقطه . وأنا أؤيدها بشده ... يالله نبدأ الحشد والتنظيم لذلك ... وتقود الجانب النسوي أختنا الشاعرة أسماء الجنيد .. وأنت أنا نحشد الجماعة ...
يلا يا شباب همتكم معانا لتنظيم المظاهرة الحاشدة لرجوع الملكة منى خوجلى للمنبر ... وتعرف أنت معاك ألف حق حيث أشرت في تعليق سابق إن العنوان غير مناسب ..وهو فعلاً قد ظلم البوست ... حيث أذكر إنني كنت قد نشرت بوست في السابق باسمها جمع الكثير من أنصارها ... ويالله خيرها في غيرها .. اقترح يا عبد الفتاح أن تبتدر أنت بوست بعنوان صريح .. ولا ضير أن تشير لهذا البوست .. وكلو في سبيل حشد التأييد اللازم للمظاهرة المزمعة ... وإيدك معانا يازول يا هميم ....
مع خالص حبي وتقديري ؛؛؛
01-02-2011, 01:04 PM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: يلا يا شباب همتكم معانا لتنظيم المظاهرة الحاشدة لرجوع الملكة منى خوجلى للمنبر
[B] يازول لسا ما لقيت ليك زول شباب كدا
يسوق نحن مشكلتنا عايزين رخصة جديدة بعد ما ضاعت كل الأوراق واختلطت مهما اشرأبت الأعناق الشباب يا حليلم ألا ليت الشباب يعود يوماً تعرف بوست للناس المحبوبين بحتاج فعلاً لي همة شباب أنا غايتو قاعد أفتش بس هي لو قاعدة تقرا البورد حتجي براها ما هي حنينة إن شا الله ما بتكسر لينا رجا
لك كل الود على كلامك الطيب
01-02-2011, 03:21 PM
محاسن أحمد محمد محاسن أحمد محمد
تاريخ التسجيل: 10-26-2008
مجموع المشاركات: 1151
العشم سمــح العشمان فاتح قلب للدنيا كلها وياريت كلنا نكون عشمانين وعشمانين فى بكره لان بكره اجمل اخى ادريس شكرا على القصيده الجميله وكل سنه انت والاسره بخير وكلنا عشم فى سنه خير لينا ولى وطنا وكان الدنيا دى كلها وقفت العشم حيكون موجود
Quote: إنتي يا عشم الصغيرين في الدفا ... عشم البيحلم ديمه بي لحظة صفا ... بالريده .. بالحب .. بالوفا ... بي نجمه في الافق البعيد ... والنور يسارق في السراديب بالخفا ... وقتين يباغت العتمه يسرج للقناديل الوميض ... يربت علي كتف اليتيم يتفقدو ... يواسي دمعات الحزين ويهدهدو .. ويزيل عواقب ساده درب الامنيات ... يلفح متاهات الحزن ويبددو .. مسكين يقاسمك في الوجع .. واحزانو في التيه يدفنه ... ينسلّ في جوف الحريق ... زي غيمه تنضح بالسنا ... وهج البروق وقتين تزلزل في الشفق .. غيمة مطر رطّب جفاف الأمكنه ... زولاً مسافر راح يوزع زادو للناس الحفت ... كفّاها من زادو القليل .. وارتاح على حزنو انكفا .... روعة عيون عشم الصغيرين في الدفا ... عشم البيحلم ديمه في لحظة صفا ... بالريده بالحب والوفا ...
01-02-2011, 03:23 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
يا سلام عليك يا طارق جبريل يا خوي ... بالمناسبه يا جنا جبريل أخوك طربان لبوست النقه والصوّر حتى الثماله .. وبجيك عليهو بالدرب ... وتعال النسألك يا طارق طالما إن بوست عشم الصغيرين هذا يعتبر مناشدة للملكة منى خوجلي للرجوع للمنبر .. الزوله الشفيفه دي شايفك لاقيتها في الرحله وصورتها منوره المكان ... إن شاء الله بس تكون ناغمتها فشان ترجع لينا تاني للمنبر ... وأكيد تكون قد فعلت .... لانه وكما تعلم يا طارق إن في فقد أمثالها من جميلي الدواخل خسارة لا تعوض يا الحبيب .....
01-04-2011, 07:52 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
يسوق نحن مشكلتنا عايزين رخصة جديدة بعد ما ضاعت كل الأوراق واختلطت مهما اشرأبت الأعناق الشباب يا حليلم ألا ليت الشباب يعود يوماً تعرف بوست للناس المحبوبين بحتاج فعلاً لي همة شباب أنا غايتو قاعد أفتش بس هي لو قاعدة تقرا البورد حتجي براها ما هي حنينة إن شا الله ما بتكسر لينا رجا
لك كل الود على كلامك الطيب
عبد الفتاح أخوي ....
خالص التحايا .. وصادق الود ....
ما زال البحث جارياً يا صديقي ... وزولك شكلو كده عمل رايح .... لكن العشم كما قلت في حنية منى .. يمكن تاخد بخاطرنا وترجع ... وهمتك معانا يا راجل مترع بالطيبة واللحس الشفيف .... ولا عدمناك يا صديقي .....
مع خالص الحب والتجلة ؛؛؛؛
01-04-2011, 08:01 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: العشم سمــح العشمان فاتح قلب للدنيا كلها وياريت كلنا نكون عشمانين وعشمانين فى بكره لان بكره اجمل اخى ادريس شكرا على القصيده الجميله وكل سنه انت والاسره بخير وكلنا عشم فى سنه خير لينا ولى وطنا وكان الدنيا دى كلها وقفت العشم حيكون موجود
أختنا العزيزة والفنانة القديرة / محاسن ....
لك أعبق التحايا وخالص الأمنيات بكل الخير وتحقيق كل المراد في العام الجديد لك ولجميع من حولك يا محاسن ....
أشكرك غاية الشكر على كوة الأمل الجميل التي أضأتيها بحديثك المتفاءل عن العشم يا محاسن ... وإن شاء الله يكون بكره أجمل كما تتوقعين يا محاسن ... جعلك الله دائماً فألاً حسناً .. وكون من البشريات الوضيئة يا صاحبة الريشة الساحرة .... ويالله وقتين الكلام جاب الكلام عايز أطلب منك أن تقومي يتزيين جبين هذا البوست بإحدى لوحاتك التي تبعث على ألأمل .. وتضخ الرجاء في الحنايا والقلوب .... فهلا فعلت يا محاسن ....
مع خالص ودي وتقديري ؛؛؛؛
01-04-2011, 06:35 PM
عبدالفتاح أبوشيمة عبدالفتاح أبوشيمة
تاريخ التسجيل: 04-15-2008
مجموع المشاركات: 4163
ما زال البحث جارياً يا صديقي ... وزولك شكلو كده عمل رايح ....
لكن العشم كما قلت في حنية منى .. يمكن تاخد بخاطرنا وترجع ...
وهمتك معانا يا راجل مترع بالطيبة واللحس الشفيف .... ولا عدمناك يا صديقي .....
مع خالص الحب والتجلة ؛؛؛؛
لك التحية
إدريس الرجل الكريم
يا منى يا بت خوجلي كتبوه ليك قالوا إنت عشم الصغيرين في الدفا من الكبار جاك اصطفا وبنعرف تمام ما جاك يوم قل الوفا يبقى ما خلاص ارحم كفى يا ماجدة قولي وكلميها والدم يحن للاصطفا أصله العشم ما راح بعيد دا غشا الكبار منهم كتير من ولّفا على الحروف وكتين تكون متأدبة ومتألفة تزعل كمان من الكلام اللي ما فيه صفا لكن تحصل اختفا بنقول خلاص ارحمي و كفى
ونكرر ليها كلامك تاني يا دردر
Quote:
عشـــم الصغيرين ...
إنتي يا عشم الصغيرين في الدفا ... عشم البيحلم ديمه بي لحظة صفا ... بالريده .. بالحب .. بالوفا ... بي نجمه في الافق البعيد ... والنور يسارق في السراديب بالخفا ... وقتين يباغت العتمه يسرج للقناديل الوميض ... يربت علي كتف اليتيم يتفقدو ... يواسي دمعات الحزين ويهدهدو .. ويزيل عواقب ساده درب الامنيات ... يلفح متاهات الحزن ويبددو .. مسكين يقاسمك في الوجع .. واحزانو في التيه يدفنه ... ينسلّ في جوف الحريق ... زي غيمه تنضح بالسنا ... وهج البروق وقتين تزلزل في الشفق .. غيمة مطر رطّب جفاف الأمكنه ... زولاً مسافر راح يوزع زادو للناس الحفت ... كفّاها من زادو القليل .. وارتاح على حزنو انكفا .... روعة عيون عشم الصغيرين في الدفا ... عشم البيحلم ديمه في لحظة صفا ... بالريده بالحب والوفا
يلا يا منى
نسمع منك
ونشوف خطّك
01-04-2011, 11:27 PM
علاء الدين صالح علاء الدين صالح
تاريخ التسجيل: 08-11-2009
مجموع المشاركات: 1760
الأخ الرائع إدريس كلمات ونَص شعري قمّة في الروعة وإحساس مُرهف وعالي القيمة الإبداعية لك التحية وكل سنة وإنتا طيّب
وتحاياي كذلك للأخ الشاعر الجميل توحة غايتو حظّك كدة يا أبو شيمة الحِسان والصبايا ينادوك عبد الفتاح ويجي واحد شين ودِشِن زي حلاتي يقول ليك توحة
التحية كذلك للملكة بت الخليفة وبِت الأصول ولأسرتيها الكبيرة والصغيرة ولأحفادها الحلوين وبقول ليها 2011 سنة حلوة حسب بداياتها الحلوة رغم المرارات الجاية ورغم كل شي فياريت تجي راجعة يا أستاذة منى عشان خاطر الناس الحلوين الفوق ديل (أنا بررررا)
تحيّاتي وعميق احترامي
01-04-2011, 11:36 PM
علاء الدين صالح علاء الدين صالح
تاريخ التسجيل: 08-11-2009
مجموع المشاركات: 1760
انتي الفرح.. تتغنى بيك كل الأماسي والطيور الساكنة في أعلى الرواسي تبدا إشراقات صباحِك بالنغم
انتي الفرح.. أهو دا القليب الانجرح الكان موافيهو الندم ما لاقي ليو زولاً يواسي شلتي من جوفو الوهم وعزفتي في وتر الألم مقطوعة من سلم خماسي راقت مشاعرو وانشرح عاش من جديد لي جرحو ناسي زي طفل يادوب اتفطم
انتي الفرح.. يا وردة فوق قطية في كراس رسِم لى طفلة حلوة شقية تلعب وتبتسِم
انتي الفرح.. طليتي في دنيانا ساعة من المرح في جيتك الميمونة خاتّين العشم زورينا بس شان تصبح الأحزان عدم
انتي الفرح.. في عيون أهل مليانة بالشوق والحنين لى زول رحل للغربة سافر بالسنين عاود رجع حالف يمين من بلدو ما يسافر محل قلبو مليان باليقين خير بلدو يبقالو الأمل
انتي الفرح.. راجيكي بي أكوام صبر ماليها حتة من الزحام ياريت سنين الهم تمُر زي البرق وسط الغمام عشان يطول بينا العمر ويحلى التناغم والوئام البورد دونك عسلو مر وانوارو غابة من الظلام ومعاكي يكتمل البدر يا أبهى من بدر التمام
01-05-2011, 00:31 AM
علاء الدين صالح علاء الدين صالح
تاريخ التسجيل: 08-11-2009
مجموع المشاركات: 1760
يا منى يا بت خوجلي كتبوه ليك قالوا إنت عشم الصغيرين في الدفا من الكبار جاك اصطفا وبنعرف تمام ما جاك يوم قل الوفا يبقى ما خلاص ارحم كفى يا ماجدة قولي وكلميها والدم يحن للاصطفا أصله العشم ما راح بعيد دا غشا الكبار منهم كتير من ولّفا على الحروف وكتين تكون متأدبة ومتألفة تزعل كمان من الكلام اللي ما فيه صفا لكن تحصل اختفا بنقول خلاص ارحمي و كفى
ونكرر ليها كلامك تاني يا دردر
Quote: عشـــم الصغيرين ...
إنتي يا عشم الصغيرين في الدفا ... عشم البيحلم ديمه بي لحظة صفا ... بالريده .. بالحب .. بالوفا ... بي نجمه في الافق البعيد ... والنور يسارق في السراديب بالخفا ... وقتين يباغت العتمه يسرج للقناديل الوميض ... يربت علي كتف اليتيم يتفقدو ... يواسي دمعات الحزين ويهدهدو .. ويزيل عواقب ساده درب الامنيات ... يلفح متاهات الحزن ويبددو .. مسكين يقاسمك في الوجع .. واحزانو في التيه يدفنه ... ينسلّ في جوف الحريق ... زي غيمه تنضح بالسنا ... وهج البروق وقتين تزلزل في الشفق .. غيمة مطر رطّب جفاف الأمكنه ... زولاً مسافر راح يوزع زادو للناس الحفت ... كفّاها من زادو القليل .. وارتاح على حزنو انكفا .... روعة عيون عشم الصغيرين في الدفا ... عشم البيحلم ديمه في لحظة صفا ... بالريده بالحب والوفا
يلا يا منى
نسمع منك
ونشوف خطّك
عبد الفتاح الرجل الذي يفيض عذوبة وطيب ...
أشهد بإنك ما قصرت أبداً في هذا التنادي الرائع ، وكما عهدناك يا عبد الفتاح دائماً تتجلى بأندى الخواطر ....
واستلم يا عمك شهادة الأستاذ / علاء الدين صالح ... غايتو الملكة بت الخليفه لو ما جات بعد ده بتكون اتلومت تب .. وحاشاها منى من اللوم ياخ ...
ولك أعذب المنى يا صديقي الجميل ؛؛؛؛
01-05-2011, 12:46 PM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: الأخ الرائع إدريس كلمات ونَص شعري قمّة في الروعة وإحساس مُرهف وعالي القيمة الإبداعية لك التحية وكل سنة وإنتا طيّب
وتحاياي كذلك للأخ الشاعر الجميل توحة غايتو حظّك كدة يا أبو شيمة الحِسان والصبايا ينادوك عبد الفتاح ويجي واحد شين ودِشِن زي حلاتي يقول ليك توحة
التحية كذلك للملكة بت الخليفة وبِت الأصول ولأسرتيها الكبيرة والصغيرة ولأحفادها الحلوين وبقول ليها 2011 سنة حلوة حسب بداياتها الحلوة رغم المرارات الجاية ورغم كل شي فياريت تجي راجعة يا أستاذة منى عشان خاطر الناس الحلوين الفوق ديل (أنا بررررا)
تحيّاتي وعميق احترامي
أخونا الأستاذ / علاء الدين صالح ....
تحية ملؤها التقدير والتجلة ؛؛
صدقني كم أنا سعيد بتداخلك الجميل هذا ، وشكراً مرة أخرى للملكة منى خوجلي أن أتت بك إلينا ....
كما إني أعتبر إعجابك بما كتبته قلادة شرف أعتز بها كثيراً ‘ ولا يسعني أن أقول لك شكراً على هذا الكلام الجميل والتشجيع الذي ضخيته في شريين حروفي ...
وياليتها منى تستجيب لنداءك الشفيف وتعود لينا جميلة الدواخل هذه حتى تضيء دياجير المتاهات المعتمة ....
شكراً لك مرة أخرى .. وسأعود إليك قريباً أستاذي الكريم .. ولا عدمناك أخاً كريماً نعتز بصداقته ....
مع خالص ودي وتقديري ؛؛؛؛
01-05-2011, 01:01 PM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: انتي الفرح.. تتغنى بيك كل الأماسي والطيور الساكنة في أعلى الرواسي تبدا إشراقات صباحِك بالنغم
انتي الفرح.. أهو دا القليب الانجرح الكان موافيهو الندم ما لاقي ليو زولاً يواسي شلتي من جوفو الوهم وعزفتي في وتر الألم مقطوعة من سلم خماسي راقت مشاعرو وانشرح عاش من جديد لي جرحو ناسي زي طفل يادوب اتفطم
انتي الفرح.. يا وردة فوق قطية في كراس رسِم لى طفلة حلوة شقية تلعب وتبتسِم
انتي الفرح.. طليتي في دنيانا ساعة من المرح في جيتك الميمونة خاتّين العشم زورينا بس شان تصبح الأحزان عدم
انتي الفرح.. في عيون أهل مليانة بالشوق والحنين لى زول رحل للغربة سافر بالسنين عاود رجع حالف يمين من بلدو ما يسافر محل قلبو مليان باليقين خير بلدو يبقالو الأمل
انتي الفرح.. راجيكي بي أكوام صبر ماليها حتة من الزحام ياريت سنين الهم تمُر زي البرق وسط الغمام عشان يطول بينا العمر ويحلى التناغم والوئام البورد دونك عسلو مر وانوارو غابة من الظلام ومعاكي يكتمل البدر يا أبهى من بدر التمام
يا سلام عليك ياخ.... إيه ده كلو يا أستاذ علاء .... براحه علينا ياخ .... صدقني وأنا لا أجاملك نص في منتهى الروعة والابداع ... وكلمات تكاد تضيء من فرط العذوبة أخي علاء .. وحروف تريانه بالصدق .. مترعة بالبهاء والشذى .... وبعدين حرام عليك يا أستاذ علاء إنك تدس مثل هذه الدرر وما تنشرها حتى يعم الطرب وينداح الجمال ....
حقيقة أعجبني النص حتى الثماله ... ويا ليته يأتي لنا بالملكة منى بين عشية وضحاها .... أطربتي سلمت يداك أخي علاء .....
مع خالص حبي وتقديري ؛؛؛؛
01-05-2011, 01:08 PM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: أهدي هذه الأغنية الحنينة (متى بتعود؟) للملكة الحنينة الأستاذة/ منى خوجلي
وأستميح الأخ إدريس العذر في تشغيلها تلقائياً
وفي حالة عدم الرغبة في نظام التشغيل التلقائي autoplay
سأقوم بإيقافه متى ما طُلِب منّي ذلك
يا ملح ها الدنيا تعال الراحة في غيابك محال
يا سلام يا أستاذ علاء ياخ ... أولاً إذنك معاك .. وأرجوك صراحة اعتبار هذا البوست بوستك وافعل به ما تشاء ... حقيقة الأغنيه في السلك ومطابقة لموضوع البوست تماماً ، كما إنها أضفت عليه ثوباً قشيباً من البهجة المنعشة .....
شكراً كثيراً مرة أخرى ...
ولك من الود أصفاه ؛؛؛؛
01-06-2011, 07:30 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: انتي الفرح.. تتغنى بيك كل الأماسي والطيور الساكنة في أعلى الرواسي تبدا إشراقات صباحِك بالنغم
انتي الفرح.. أهو دا القليب الانجرح الكان موافيهو الندم ما لاقي ليو زولاً يواسي شلتي من جوفو الوهم وعزفتي في وتر الألم مقطوعة من سلم خماسي راقت مشاعرو وانشرح عاش من جديد لي جرحو ناسي زي طفل يادوب اتفطم
انتي الفرح.. يا وردة فوق قطية في كراس رسِم لى طفلة حلوة شقية تلعب وتبتسِم
انتي الفرح.. طليتي في دنيانا ساعة من المرح في جيتك الميمونة خاتّين العشم زورينا بس شان تصبح الأحزان عدم
انتي الفرح.. في عيون أهل مليانة بالشوق والحنين لى زول رحل للغربة سافر بالسنين عاود رجع حالف يمين من بلدو ما يسافر محل قلبو مليان باليقين خير بلدو يبقالو الأمل
انتي الفرح.. راجيكي بي أكوام صبر ماليها حتة من الزحام ياريت سنين الهم تمُر زي البرق وسط الغمام عشان يطول بينا العمر ويحلى التناغم والوئام البورد دونك عسلو مر وانوارو غابة من الظلام ومعاكي يكتمل البدر يا أبهى من بدر التمام
أهلاً مرحب
يا أبو علوة يزيدك علواً في علائك
دردر خلاص ما تشيل هم تاني
طالما جانا علاء الدين شايل صورة الأخت
وكمان جاب سيرة يسن
يبقى المسألة قضت
وهاك دي ليك ولي صحبك دا
وفوق الجميع للملكة
يا أبهى من بدر التمام يا سلام ويا سلام يا ملكة كدا بطل الكلام عداك عيب ولا أي ملام زولكم دا جانا والسلام يعني القضية بقت ما فيش علام؟ ولا أي بحث لي سبب أو خصام يعني سريع كد تركبي لي بساط الريح وتفجي حتّاه الزمام داك الظلام سيبيه نورك يفجه من دون كلام افردي الجنحات والنظرة بس بتكون أمام سكت الكلام وللا كمان تلقيه صقيرنا حام نموت بلاش؛ من دون حزن من دون ملام لو عترت ليك قشاية ما يبقى عاد فينا الملام سوي استخارة سريعة فجيه الظلام والدنيا شن فيها غير في آخرا نبلغ مرام ما قالو ليك أهلك الشيوخ لين الإمام إنه خربانة أم بنايا قش ذات الزحام ونفجه من طريقنا حقداً والتحام ونخرج من دي الصدور كل السخام
نلقاها دنيا ديمة وزينا عام عشان نفوز يوم الزحام والدنيا نلفاها بقت ما دار مقام والجنة لدخولا قال خلي الخصام داك الحبيب المستهام بشفع لينا كل المؤمنين إلاه تمجيد الخصام والرخصة بي حبة وئام والفورة بس لي ناس سهام اللي داسوا على القلب رغم اللي فيه من إحن وشي من سخام والتضحيات هي الطريق للاغتنام لي كل خير وخيراً وفير كم فاض وعام خلى النفوس تنسى الكلام لما الكلام فاتت حدود كل اللياقات التمام ما إنت بت ناساً كرام سادهم عفو وسمح الخصال والاهتمام ما انتصروا للنفس العزيزة ماهم كرام ما محتاجة لي عقد الناس اللئام لنبيها يوت رافعة التمام وجانا العلاء بي كل احترام
شايل تصاوير الأخت اللي شافته ظلم اللئام وأداك كم تعظيم سلام خاترنا لا خاتره الأهم أصلاً مناضل زول همام واقف أمام ظلم الغمام لما يفوتنا ويمشي يمطر بعيد هناك في كوكدام عارف الظلم حار وصعيب فايت الملام لكن حرام تبقالنا ظلماً واغتمام فضيها سيرة وتعالي يللا من دون ملام حب الكلم والاحترام خللانا نترك لاحتشام وتجاوزنا حد الالتزام
من عشم الحلوين الصغار كمان عجايز بي هنا قالوا الكلام اللي بكسر لي مجاديف الكسل والاغتمام قالوا الملكة لازم تشرف لزوم لزام لأنها الملكة لازم تسمع كلام الشعب حتى إن كانوا من اللئام ناهيك عن إدريسنا الهمام طيب شديد ما تكسفيه ولا دا العلاء سيد العلام كل الحصل ما حاضره ولاني قايل بس علام ليك حق وكل حق فوق الأنام لأننا بنكنّ ليك كل احترام عشان خاطر يسن تعالي وامرقي هذا الزمام شيل البرقع من أمام وقربي بالاقتحام فرسان وراك كان جاك زحام أو اغتمام حقك بتاخديه مهما طال بينا الظلام
Quote: : انتي الفرح.. تتغنى بيك كل الأماسي والطيور الساكنة في أعلى الرواسي تبدا إشراقات صباحِك بالنغم
انتي الفرح.. أهو دا القليب الانجرح الكان موافيهو الندم ما لاقي ليو زولاً يواسي شلتي من جوفو الوهم وعزفتي في وتر الألم مقطوعة من سلم خماسي راقت مشاعرو وانشرح عاش من جديد لي جرحو ناسي زي طفل يادوب اتفطم
انتي الفرح.. يا وردة فوق قطية في كراس رسِم لى طفلة حلوة شقية تلعب وتبتسِم
انتي الفرح.. طليتي في دنيانا ساعة من المرح في جيتك الميمونة خاتّين العشم زورينا بس شان تصبح الأحزان عدم
انتي الفرح.. في عيون أهل مليانة بالشوق والحنين لى زول رحل للغربة سافر بالسنين عاود رجع حالف يمين من بلدو ما يسافر محل قلبو مليان باليقين خير بلدو يبقالو الأمل
انتي الفرح.. راجيكي بي أكوام صبر ماليها حتة من الزحام ياريت سنين الهم تمُر زي البرق وسط الغمام عشان يطول بينا العمر ويحلى التناغم والوئام البورد دونك عسلو مر وانوارو غابة من الظلام ومعاكي يكتمل البدر يا أبهى من بدر التمام
Quote: أهلاً مرحب
يا أبو علوة يزيدك علواً في علائك
دردر خلاص ما تشيل هم تاني
طالما جانا علاء الدين شايل صورة الأخت
وكمان جاب سيرة يسن
يبقى المسألة قضت
وهاك دي ليك ولي صحبك دا
وفوق الجميع للملكة
يا أبهى من بدر التمام يا سلام ويا سلام يا ملكة كدا بطل الكلام عداك عيب ولا أي ملام زولكم دا جانا والسلام يعني القضية بقت ما فيش علام؟ ولا أي بحث لي سبب أو خصام يعني سريع كد تركبي لي بساط الريح وتفجي حتّاه الزمام داك الظلام سيبيه نورك يفجه من دون كلام افردي الجنحات والنظرة بس بتكون أمام سكت الكلام وللا كمان تلقيه صقيرنا حام نموت بلاش؛ من دون حزن من دون ملام لو عترت ليك قشاية ما يبقى عاد فينا الملام سوي استخارة سريعة فجيه الظلام والدنيا شن فيها غير في آخرا نبلغ مرام ما قالو ليك أهلك الشيوخ لين الإمام إنه خربانة أم بنايا قش ذات الزحام ونفجه من طريقنا حقداً والتحام ونخرج من دي الصدور كل السخام
نلقاها دنيا ديمة وزينا عام عشان نفوز يوم الزحام والدنيا نلفاها بقت ما دار مقام والجنة لدخولا قال خلي الخصام داك الحبيب المستهام بشفع لينا كل المؤمنين إلاه تمجيد الخصام والرخصة بي حبة وئام والفورة بس لي ناس سهام اللي داسوا على القلب رغم اللي فيه من إحن وشي من سخام والتضحيات هي الطريق للاغتنام لي كل خير وخيراً وفير كم فاض وعام خلى النفوس تنسى الكلام لما الكلام فاتت حدود كل اللياقات التمام ما إنت بت ناساً كرام سادهم عفو وسمح الخصال والاهتمام ما انتصروا للنفس العزيزة ماهم كرام ما محتاجة لي عقد الناس اللئام لنبيها يوت رافعة التمام وجانا العلاء بي كل احترام
شايل تصاوير الأخت اللي شافته ظلم اللئام وأداك كم تعظيم سلام خاترنا لا خاتره الأهم أصلاً مناضل زول همام واقف أمام ظلم الغمام لما يفوتنا ويمشي يمطر بعيد هناك في كوكدام عارف الظلم حار وصعيب فايت الملام لكن حرام تبقالنا ظلماً واغتمام فضيها سيرة وتعالي يللا من دون ملام حب الكلم والاحترام خللانا نترك لاحتشام وتجاوزنا حد الالتزام
من عشم الحلوين الصغار كمان عجايز بي هنا قالوا الكلام اللي بكسر لي مجاديف الكسل والاغتمام قالوا الملكة لازم تشرف لزوم لزام لأنها الملكة لازم تسمع كلام الشعب حتى إن كانوا من اللئام ناهيك عن إدريسنا الهمام طيب شديد ما تكسفيه ولا دا العلاء سيد العلام كل الحصل ما حاضره ولاني قايل بس علام ليك حق وكل حق فوق الأنام لأننا بنكنّ ليك كل احترام عشان خاطر يسن تعالي وامرقي هذا الزمام شيل البرقع من أمام وقربي بالاقتحام فرسان وراك كان جاك زحام أو اغتمام حقك بتاخديه مهما طال بينا الظلام
سمح يامنى؟
ما ظنيتك بعد دا
تتأخري
خصوصاً
خصموك بي يسن
علاء إنت كدا
وتمام
ما تحرمنا وتحرم إدريس الطيب دا
من طلّتك الحلوة دي
عبد الفتاح يا صديقي الحنين .... لك كل ما في الفلب من محبة وبهاء ....
بصراحة أنا أشهد أن دخول الأخ / علاء الدين صالح فأل خير .. والراجل ما قصر تب بهذه القصيدة التريانه ... وما البشريات التي حدثتك عنها بمستغربة ....
لكن نفسي أسأل يا عبد الفتاح إنت بتجيب الكلام السمح ده من وين ... ياخي ما توري أخوك السر .. خلينا نشف منك كل هذا الكلام الشفيف يا عبد الفتاح ....
إن شاء الله تسلم يا عبد الفتاح وتبراك العافيه وين ما تقبل أخوي ....
مع خالص حبي وتقديري ؛؛؛؛
01-09-2011, 07:31 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
مش بالله يا عبد الفتاح أخوي ؟.... وأزيك إنت يا راجل يا جميل .... وإن شاء الله نتوقع إطلالة الملكة في القريب العاجل .. رغم مآلات الحزن التي تللتف حول أعناق الوطن هذه الأيام ....
ربنا يجيب العواقب سليمه بس يا عبد الفتاح والأخوة الكرام .....
مع خالص حبي وتقديري ؛؛؛؛
01-10-2011, 09:05 AM
عبدالفتاح أبوشيمة عبدالفتاح أبوشيمة
تاريخ التسجيل: 04-15-2008
مجموع المشاركات: 4163
الله يبشّرك بالخير حبيبنا تواسي فينا وبرضو بتآسي الجميع لو أضحى ناسي ربنا تب ما بتلقاه ناسي ما هو دا الشرط الأساسي البزيد فيني حماسي خلها البلد التروق وما نقاسي تاني من أول جديد نبقى في لعبة كراسي والحرب تاني تبدا عشان نقاسي هو داك بهمه ما بس سياسي فارد الجنحين لي كرسي مهما كان حجم الكراسي ياخي بس كافي علي واجعني راسي الله بس يجيبها المليكة تبقى تاج للراس وساسي
ولك كل الود
معليش محبط أخاك
لا بطل
وكمان
شايلين
زعل
الليلة
برضو
مولعة
أبيي بهناك
الله يستر
وعشم
الصغيرين
كل
يوم
عمّال
يزيد
الله يعينن
01-12-2011, 07:19 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: الله يبشّرك بالخير حبيبنا تواسي فينا وبرضو بتآسي الجميع لو أضحى ناسي ربنا تب ما بتلقاه ناسي ما هو دا الشرط الأساسي البزيد فيني حماسي خلها البلد التروق وما نقاسي تاني من أول جديد نبقى في لعبة كراسي والحرب تاني تبدا عشان نقاسي هو داك بهمه ما بس سياسي فارد الجنحين لي كرسي مهما كان حجم الكراسي ياخي بس كافي علي واجعني راسي الله بس يجيبها المليكة تبقى تاج للراس وساسي
ولك كل الود
معليش محبط أخاك
لا بطل
وكمان
شايلين
زعل
الليلة
برضو
مولعة
أبيي بهناك
الله يستر
وعشم
الصغيرين
كل
يوم
عمّال
يزيد
الله يعينن
عبد الفتاح يا حبيبنا / صباحك بهجة وندى وإشراق .....
على قولك يا عبد الفتاح الله يعين وخلي البلد تروق وما تقاسي .... هذا ما نتمناه أن يجنب الله بلادنا كل الشرور والإحن ... وإن شاء الله ربنا يضمد جراحات الوطن ويجفف الدمعات التي غصت بها كل المآقي الحزينة يا عبد الفتاح ....
ونأمل في غد أكثر إشراقاً وتفاؤلا وسماح ... وربنا كريم يا صا حبي ... قادر على أن يحقق كل الأماني .....
مع خالص ودي وتقديري ؛؛؛
01-15-2011, 07:45 AM
عبدالفتاح أبوشيمة عبدالفتاح أبوشيمة
تاريخ التسجيل: 04-15-2008
مجموع المشاركات: 4163
إن شاء الله تسلم ياخ .... وربنا يحقق كل أمانيك في هذه الحياة ... لا أستطيع أن أفيك حقك من الشكر لكل ما أوردته هنا من جمال ... هذا من أصلك ومعدنك الطيب ...
وبالنسبة للملكه وحسب وعدها قد تطل عليكم قريباً ... وأتمنى أن نراها هنا بين عشية وضحاها .... ومزيداً من دعواتك الجميلة أخي محمد ....
لك خالص تحياتي وتقديري .... وشنو ياخ ... أبراهومه ده ما رجع من الإجازه عشان تديهو الوصيه التي أرجو ألا تكون قد نسيتها ....
لك خالص الأمنيات ... وكل الود .... ؛؛؛
01-22-2011, 02:26 PM
عبدالفتاح أبوشيمة عبدالفتاح أبوشيمة
تاريخ التسجيل: 04-15-2008
مجموع المشاركات: 4163
لله درك وانت تواصل نثر الجمال في هذا الفضاء الفسيح,,
Quote: وشنو ياخ ... أبراهومه ده ما رجع من الإجازه عشان تديهو الوصيه التي أرجو ألا تكون قد نسيتها
عاد ابراهومه بعد 4 شهور في كنف الحبوبات صحيح اليد واللسان وان لم يتكلم بعد,,
ووصلت وصيتك كما وعدتك..ووعد اكبر بان يجيئك هذا الفتى زائرا متى ما سنحت الفرصة فكم طال شوقنا الي الحرمين..والقبة البلوح قنديلا..
لك جميل التحايا وللمضيئين من زوار بوستك الانيق مثلها.
عزيزي الأخ / محمد خليل ...
تحية ملؤها الشوق والمحبة ....
كم أنا سعيد بهذه الأخبار الجميلة بأن عادت الأسرة الجميلة والتأم الشمل ... وكم أنا مبتهج بعودة (صديقي ) الجميل ... أبراهومه ... وأن الوصية وصلت سيدها ... تحياتي له وخالص دعواتي القلبية أن يشب عن الطوق هذا الشبل الجميل ليصبح واحد من نسور السودان البواسل يبني الوطن الجميل ويحقق للوطن مع أبناء جيله ما عجزنا نحن عنه ... تحية خاصة له ولجميع من حولك .. ولك يا صديقي الجميل كل الحب الذي تعرف .... وأتمنى أن تتحقق الأماني ونلتقي على أرض الواقع يا محمد ...
مع خالص حبي وتقديري ؛؛؛؛
03-26-2011, 12:18 PM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
إدريس محمد إبراهيم
بله محمد الفاضل
عبدالفتاح أبوشيمة
ابو جهينة
نهلة محكر
mohmed khalail
اسماء الجنيد
محاسن أحمد محمد
طارق جبريل
علاء الدين صالح
فيس بوك
تويتر
انستقرام
يوتيوب
بنتيريست