|
Re: ود رفاعة: أحمد مأمون جفون الأول على نجوم الغد 2010 - توقع قبل التتويج (Re: صبري طه)
|
مرحب صبرى وعيدكم مبارك الغريبة كتبت رد طويييل لكن إظهر انو راح فى هوج الرياح ...........
اهم شئ انو مامون بغنى مرتاح يعنى اختيار السلم مناسب مع طبقة صوتو. الحاجة التانية, غناهو بأسلوبو واحساسو هو دى كانت نقطة مهمة جدا عجبنى المقطع الاخير من هوج الرياح لانو مبنى فى منطقة صعبة وهى الباص "الغليظة" لكنو تجاوزها بدون اى اهتزاز فى نهاية كل بيت مثل "راح" افتكر مامون مر الامتحان بنجاح بس بحتاج لتمارين صوت على البيانو لتثبيت وتعزيز منطقة الباص وبالتالى بنكون موعودين بسطوع نجم رفاعى جديد.
ايضا دعنى اشيد بالفرقة المصاحبة فقد كانت هى المخرج "بضم الميم وكسر الراء" الحقيقى للاعمال بصورة مقنعة واطار مريح وواضح ان هناك طفرة تكنيكية والتعامل بدرجة ما بالدايناميكس الموسيقية"القوة فى محل القوة والعكس" ايضا مخاطبة الكمنجات مع الساكس فى خط متوازى "هارمونية" فى رائعة زيدان كانت حلوة ومريحة الساكسفونيست كان رائع واكيد مشاركة العنصر النسائى زين الفرقة وبتمنى المزيد من المشاركات.
التحية ليكم ياصبرى ولكل اهلنا برفاعة وموفق ولدنا مامون ود جفون
عيدكم مبارك
| |
|
|
|
|
|
|
Re: ود رفاعة: أحمد مأمون جفون الأول على نجوم الغد 2010 - توقع قبل التتويج (Re: مشاعر بدوي)
|
Quote: من اجل رفاعة فهي الغد بلا منازع
الف مبروك لود جفون و مزيد من الابداع
لطفي |
الاخ صبري وزوراه الكرام تحية وإحترام بعد شهادة ألاخ العزيز سمندلاوي ناس الشغلانة زاتها بتبقى شهادتنا نحن إعجاب اكثر من انها فهم لابعاد وطبقات الصوت والاداء وبرضو اضيف بصراحة شاب موهوب جدا ربنا يحفظه ويرعاه ان شاء الله ما شاء الله صوت دافيء وجميل واداء هادي ورايق يستحق الجائزة بجدارة من أجل رفاعة واهلنا في رفاعة نبارك مقدما مليون مبرووووووك ومن عندي هدية ليه قصيدتين يختارهم ليه عمو بكري سمندلاوي من هسة واللحن عليه شكرا ليك مرة اخرى اخي صبري لتسليط الضوء على الشاب المبدع أحمد مامون وامنياتنا يا أحمد ليك بالتوفيق في هذه المسابقة وفي دروب الفن الطويلة
| |
|
|
|
|
|
|
Re: ود رفاعة: أحمد مأمون جفون الأول على نجوم الغد 2010 - توقع قبل التتويج (Re: صبري طه)
|
مبروك لاحمد مأمون[ ولاهلنا في رفاعة سبحان الله يا بكري ما قايلين روحنا النتيجة بتطلع بعد ما انت تفوتنا يآآآآآآآآآآآآآآآآآه يا دنيا امانة مي خربانة أم بنايا قش منتظره رده يجي مارق ويعلق وكل مره اقول بكري ده مالو . زي الكان حاسي انه مفارقنا وانه النتيجة هو زاتو ما بحضرا احي يا ود امي الله يرحمك يا بكري وشكرا الاخ صبري ومبروك لابن رفاعة/B]
| |
|
|
|
|
|
|
Re: ود رفاعة: أحمد مأمون جفون الأول على نجوم الغد 2010 - توقع قبل التتويج (Re: اسماء الجنيد)
|
Quote: مرحب صبرى وعيدكم مبارك الغريبة كتبت رد طويييل لكن إظهر انو راح فى هوج الرياح ...........
اهم شئ انو مامون بغنى مرتاح يعنى اختيار السلم مناسب مع طبقة صوتو. الحاجة التانية, غناهو بأسلوبو واحساسو هو دى كانت نقطة مهمة جدا عجبنى المقطع الاخير من هوج الرياح لانو مبنى فى منطقة صعبة وهى الباص "الغليظة" لكنو تجاوزها بدون اى اهتزاز فى نهاية كل بيت مثل "راح" افتكر مامون مر الامتحان بنجاح بس بحتاج لتمارين صوت على البيانو لتثبيت وتعزيز منطقة الباص وبالتالى بنكون موعودين بسطوع نجم رفاعى جديد.
ايضا دعنى اشيد بالفرقة المصاحبة فقد كانت هى المخرج "بضم الميم وكسر الراء" الحقيقى للاعمال بصورة مقنعة واطار مريح وواضح ان هناك طفرة تكنيكية والتعامل بدرجة ما بالدايناميكس الموسيقية"القوة فى محل القوة والعكس" ايضا مخاطبة الكمنجات مع الساكس فى خط متوازى "هارمونية" فى رائعة زيدان كانت حلوة ومريحة الساكسفونيست كان رائع واكيد مشاركة العنصر النسائى زين الفرقة وبتمنى المزيد من المشاركات.
التحية ليكم ياصبرى ولكل اهلنا برفاعة وموفق ولدنا مامون ود جفون
عيدكم مبارك |
رحمة الله عليك أخي سمندلاوي ...
| |
|
|
|
|
|
|
|