الجحش قال للحمار *** يابا اديني الحنطور يابا انت سنك كبر*** و وجب عليا الدور كح الحمار كحة *** فزعت لها الركاب مش يابني بالصحة *** ده كل شئ بحساب ...وسواقة الحنطور *** محتاجة حد حكيم... وانت عينيك فارغة *** همك علي البرسيم قوللي تسوق ازاي *** والتبن مالي عينيك ده حتي حبل اللجام *** واسع يا ابني عليك اعقل وبطل طمع *** لاتسخن الركاب ما تجيش يا واد جنبهم *** لاتبقي ليلة هباب دول صنف ناس جبار *** قادر مالوهش امان يبان عليهم وهن *** لكنهم فرسان يابا دا نومهم تقل *** وبقاله يابا سنين كل البشر صحصحوا *** ولسه دول نايمين يا جحش بطل هبل *** وبلاش تعيش مغرور ركابنا مش اغبيا *** ولا عضمهم مكسور بكرة حيصحولك *** ويزلزلوا الحنطور وتلاقي في قفاك *** تمانين خازوق محشور
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Al-Shaygi
فيس بوك
تويتر
انستقرام
يوتيوب
بنتيريست