|
|
 هذه القصيده .......
|
[B] وجـعـك
وجعك سكن جواك
هتف ناداك
يا كظيم الخوف والتباريح والشجنْ
أنثر مِلـِحْ صبرك على نزفَ الزمنْ
أفرد جناحات الصباحْ
وِرْتـاحْ
منادى الوجعه
ساعة الهجعه
ردد معاكَ غناكْ
وختاكْ
فى حدقة عيون صبرك
شان ترمش هواجسك و تشتعلْ
وينهملْ
صوت المدى الممتدْ
يبور نَـفَـسَ البُـكا الباردْ
ولا المسكون نفض جلدو
ولا المفقود رجع بالرد
شموس الحضره
زاد الفكره
حاضنه الذكرى
إضّارتْ فى الضِيا الشاردْ
يـَلْ هداكَ خوف صبركْ
متين بالخوف يهل فجركْ
زى الصخره متوتد
ومتردد
و ما قادر تمد رجليكْ
متل كل الكهوف مسكونه بالظلمهْ
تبقى الشمعه زى الورده فى إيديكْ
ولا ضمَّه ولا شمََّه
ولابْ توقد فوانيسك تفج غُـمَّه
ولا بتدور قواديسك تجر نَـمَّه
تقول لك يا رهين أحزانك المزروعه فى جواكْ
تباريحك بقت أشواكْ
وما قادر تشوف ضلكْ
ولا الشابيـتـلو إسمو سماكْ
نهارك ظنْ
وليلك جنْ
وحزنك رنْ
ومن لحمك طلع ضفركْ
متين يا ضارب الوتر المسهرج بى مزاميركْ
يفرفر فيك وجع نمات مساد يركْ
تقول فى الحالْ
أهز لى فوقْ تشيل شبالْ
وتركز فوق سحابة ريد تدق صدركْ
وترجع تانى للأرِضْ المشقـقه بى أسف عمركْ
أكِنـَّك بالوجع مغموس وما سئَّـال
بين تاريخ عذاباتك غُـنا وترحال
ولما تروقْ
تنقع شوقْ
تفرهد زاهيه بالذكرى
وبين الليله وام بارح أسف بكرهْ
إذا ما رحتَ يا مسكين تكابس فى ضلام ذاتك
تفتش للطريق الصاحْ
ولو ما جرحك النتاحْ
أقول ليك الطريق فـــــاتك
وما تقول الشمس غامتْ
شمـوسك طالعه يا صداحْ .[/ B]
(عدل بواسطة انس العاقب on 01-29-2011, 04:53 PM)
|
|
 
|
|
|
|
انس العاقب
عمر الفاروق عبد الله الشيخ
فيس بوك
تويتر
انستقرام
يوتيوب
بنتيريست