|
|
|
 Re: للقبرو في الخرطوم ...يا حاج نوينا ... بحق كل مغبون (Re: esam gabralla)
|
صبحت ديارنا
مفضوحة وفاضحة
ونهبوها وقعدوا
بالسرقة الواضحة
وفساد الزمة
مفضوحة وفاضحة
بالبنك الدقنى
وبنوكاً شاطحة
وقالولنا نموا
سعة الاباطحة
وبلادنا واسعة
عايزة الكادحة
والفقرا جنوا
عقولهم سارحة
فيها الحرامى
الكان للبارحة
وكفتيرة شاى
كبايتاً نافحة
وسارح فى سوقو
ما عندو الكاتحة
لاحق العيشة
ولا حق المشرحة
اليوم فى بنز(مرسيدس)
عمارة ناطحة
ولا تشيلو الفاتحة
فى الجتة الناتحة
خلوها مشتحة
عقبال تتفتحة
| |
  
|
|
|
|
|
|
|
|
Re: للقبرو في الخرطوم ...يا حاج نوينا ... بحق كل مغبون (Re: esam gabralla)
|
وأثنيت بى شعبى
ما لاحت بارقة
وأثنيت بى شعبى
احوالو الحارقة
فى يوم الملتقى
وأثنيت بى شعبى
وعدد البكـبن
فى السيل الدالقة
وما حن قمرى
ماغنت وارقة
ما بلت نسمة
ما مالت مورقة
وعاد قولة لالا
الناس المارقة
وعدد البعرفو
للطغمة السارقة
وكلاب الامن
هتيفة منافقة
وعاد كضب الرادى
والبمشى مسارقة
فى صفحة الاولى
والنشرة العابقة
بالخبر العدس
الحجوة السابقة
وما انّ جائع
فى البلد الحادقة
وارضين التبرى
انهارها الدافقة
وعدد البكبن
فى السيل الدالقة
وما خش فارس
فى سجونو الحارقة
بكلاب الامن
هتيفة منافقة
للكلمة الفالتة
للصمت مصفقة
للجن الكلكى
لى حبل المشنقة
وسودانا الملكى
دبورتو مرنقة
وسودانا المصرى
أثنيت بى شعبى
احوالو الخارقة
عدد البكبن
فى السيل الدالقة
وما خش فارس
فى سجونو الحارقة
وما شمت اماً
لى ريح الفارقا
وعدد الكبداتن
فى ولادن طابقة
وعدد الاحبابن
فى قيودة مزنقة
وعدد الحسراتن
هامن فى الما تلقى
وعدد الدهماء
الوالى فى الشقا
وبغاث الارض
الميت والبقى
باكر يوم السقا
وباكر يوم السقا
ندخل فى المحرقة
نمرق متل النقا
وفى ايدنا المشنقة
يا حاج نوينا
| |
|
|
|
|
|
|
|
|
|
Re: للقبرو في الخرطوم ...يا حاج نوينا ... بحق كل مغبون (Re: esam gabralla)
|
صباح يا محمد يبقي الحريق
ومن تحتين المجرى التحت
تشم الطينة ويقسى الجلد
وعضمك يقوى وعزمك يلد
وتبقى بحولك ساكر ثمل
وتجي يا محمد متل البريق
لونك شفا ودربك همل
كلمتك هانت متل النعيق
وصوتك بح وصبرك كمل
وتجي يا محمد داخل الفريق
ورجعة دارك لم الشمل
عرقك نازف متل السليق
مسافر سارد صوتك سرك
تصفي حسابك منا وجديد
وتجلد تجلد لامن تفيق
تخلص حقك قبل الحريق
ضريبة الحق ان صابت تعيق
وجرحا كاتم ما بندمل
طلبت الرفقه وزاد الطريق
لقيت الحب في بيت النمل
| |
|
|
|
|
|
|
|
|
|
Re: للقبرو في الخرطوم ...يا حاج نوينا ... بحق كل مغبون (Re: على عجب)
|
تموت الحروف يوم تقوم القصائد
مقام الطبول والبخور و الم ع ر ص
بشوفك جرايد شواكر حوامد
ولا هامى فيها
عليها المصائب تمام التمام
مغايص بتفرم حشاها
وغبائن بتنفخ بطون البسفو التراب
وحايح لهيب تلهلب وتكوى الجلود
اتف القصائد
إذا مالقصائد دايره ليك البُكا
البِصاحب..رضا..السردار
واتف القصائد اذا مالقصائد
بتنزل مُريده وتسبح بحمد الذى
ابتلاك وهدانى الودار
طِريتك وأنا الكنت قايل
خيالك معشعش جواى
سكنتك ومالاقى فِجة
اخيرلك اقول البحرق حشاى
اخيرلك افضفض جراب الخبايا
أقول الكلام البفكفك سوارك
يوقف جدراك ويرفع عضايا
تضيع الرموز التغنى الكلام
أقول السكاكر أبتنى ورمتنى وكفانا
اقول العساكر تبارى الكبارى
وتفتش قلوب الجهال الشلوخهم هوية
واغنى الزيود والكنانة
كضب..
اقول البنات البفتحن صدورن
يقالدن رشاشك ويخلن حبيبن
كضب..
| |
|
|
|
|
|
|
|
|
|
Re: للقبرو في الخرطوم ...يا حاج نوينا ... بحق كل مغبون (Re: ibrahim alnimma)
|
Quote: وصايا مهمة:
1 ) يفضل ان يحمل كل شخص زجاجة مياه غازية بدون سكر
بالعدم يمكن سفن اب اوبيبسى او اى مياه غازية اخرى
عبوة بلاستيك حتى لاتكون خطرة على الشخص اذا سقط .
فى حالة اطلاق بنمبان بلل اى قطعه قطنيه بالمياه الغازية
وضعها على العين فهى انجع من القطره.
2 ) ان يلبس الشخص اولاد او بنات حذاء ايا كان نوعه و الكعوب العادية او الواطية
الشباشب والسفنجات نكون متعبه وكذلك الكعوب العاليه غير عمليه
اذا كان ليس من السفنجه بد الرجاء عمل سير خلفى بلاستك او قماش يكون متين ومريح
يعنى تقلب السفنجه شبط،بناطلين الجنز عمليه
3 ) كل شخص يحمل معه منديل بشكير او اى قطعه قماش قطنى والبنات الطرحه او الايشارب
يكون قطنى لانها تحتفظ بالمياه.
4 ) ساعد اخاك بلل له قطعته او فنيلته الداخليه اذا لم يكن يحمل مياه غازية.
عند الضرورة
5 )باقى التعليمات فى الميدان
يجب ان يبتعد الاخوان والاخوات عن ارتداء القمصان والبلوزات صارخة الالوان حتى لا يصبح هدفا
احرصو ان يكون القميص او التى شيرت بيج ومشتقاته او البلو الفاتح
| |
|
|
|
|
|
|
| |
معاوية عبيد الصائم
saif massad ali
ibrahim alnimma
صديق الموج
احمد سردوب
فيس بوك
تويتر
انستقرام
يوتيوب
بنتيريست