|
|
 شاب جنوبي يحرق نفسو احتجاجا على الانفصال(توجد صورة)
|
99% من اخوانا الجنوبين..هان عليهم الملح والملاح
فرزو عيشتهتم
قبلو مننا غادي
ونحن قدر ما حنسناهم ... وفرشنا ليهم الواطا قروش بدل البروش... ودلعانهم قالو ما دايرين
يا ربي الكعب منو فينا؟
كعبين نحن.؟... واللا كعبين هم...؟
زمنا كلو نحن حافضين نشيد منقو قل لا عاش من يفصلنا.... الغريبة هم ما سو نشيد ولا حتيتة بيت قالو فيهومندوكورو قل لا عاش من يفصلنا
وحات الله وقت قالو يسوو تقرير المصير... قلنا حسي يمرقو منهم ناس يقولو ( ضُمة ما تجيبو تقرير القشير دا في خشمكم)... والغوهو من الاتفاقية....
وفيهم ناس فالحين.. قالو ادونا جنسية هنا وجنسية هناك..يعني يفاقسو الناس ويقولو ليهم ما دايرنكم ويجو يقولو دايرين الجنسية اللتهم؟.... غايتو جنس نضم..انتو وقت دايرنها القشرية دي ..مالكم ماشين مخلنها؟
قالو ليهم امشو عشان تصوتو.... مشو العميان شايل المكسر.. كراسي وشنط.. ومسجلات... وشفع صغار.... هاكم التلتمائة جنيه دي.. اشهلو بيها... والقريشات ما يصلو القطينة عشا ....تكمل عليهم...ويقعدو يهاتو ودايرين الشي اليوصلهم لي عند اهلهم
عشمي في واحد جنوبي يقيف في نص كبري امدرمان ويحرق نفسو احتجاجا على الانفصال...و الله لا قطع العشم.......
وان اخر النضم.. اححححمدك يا الله ..لقيت كديستي
|
|
  
|
|
|
|
|
|
|
|
Re: شاب جنوبي يحرق نفسو احتجاجا على الانفصال(توجد صورة) (Re: سجيمان)
|
بالجد من شاهد الفرحة لدي الاخوة الجنوبيون لظن فعلا اننا كنا مستعبدنهم !!
وكمان ولا زول تاسف علي الانفصال غيرنا نحن الشماليين ..
وشوف حتي جماعة الترابي كما اعلنوا صوتوا للانفصال !!!
غايتو لو فعلا زول حرق نفسه كان شوية ريحنا واشعرنا اننا نحن فعلا ناس نستحق العشرة ...
سجيمان سلام ..
| |
|
|
|
|
|
|
|
|
|
Re: شاب جنوبي يحرق نفسو احتجاجا على الانفصال(توجد صورة) (Re: سجيمان)
|
..
.
Quote: عاد يا سجيمان بحرق نفسو الفرحان ولا الزعلان
بما انهم سعداء بالانفصال تقوم انت تقيف فوق درابزين الكبري
وتولعها في طرف البنطلون وتقع البحر جومبلوغ
ماك عوام ؟؟؟ |
هههههه
دومه دى قايلاك زعلان ..!!؟
قول ليها ولا 2% من الشمال ما ما زعلان
كدا كل زول ريح بالو ..
-------
والعاقبة فى المسرات
| |
|
|
|
|
|
|
|
|
 Re: شاب جنوبي يحرق نفسو احتجاجا على الانفصال(توجد صورة) (Re: ناصر احمد الامين)
|
يا حليلو يا زمن جنوبنا الحبيب..ونقل اخشاب التيك والمهوقني والحياة البرية
الي الشمال بالكوم وبدون رقيب ولا قانون.
البكاء في الشنو؟!!!.
واحد اداك طلاق بـ 99% داير منه شنوووووووووو؟!!!!!.
خليه في حاله وانت في حالك واقعد احكي عن تاريخ دخول العرب السودان
وجابوا معهم شنووووو الي افريقيا وما الفرق بين دخول العرب والاوربيين الي افريقيا؟!.
| |
|
|
|
|
|
|
|
|
|
Re: شاب جنوبي يحرق نفسو احتجاجا على الانفصال(توجد صورة) (Re: JOK BIONG)
|
Quote: بالجد من شاهد الفرحة لدي الاخوة الجنوبيون لظن فعلا اننا كنا مستعبدنهم !!
وكمان ولا زول تاسف علي الانفصال غيرنا نحن الشماليين ..
وشوف حتي جماعة الترابي كما اعلنوا صوتوا للانفصال !!!
غايتو لو فعلا زول حرق نفسه كان شوية ريحنا واشعرنا اننا نحن فعلا ناس نستحق العشرة ...
سجيمان سلام .. |
كنا مستعبدنهم طيب كلمة ياعبد وياجنوبى كنا بنقولها لمنو
هو الاستعباد دا كيف
| |
|
|
|
|
|
|
|
|
|
Re: شاب جنوبي يحرق نفسو احتجاجا على الانفصال(توجد صورة) (Re: Mohammed Awad)
|
Quote: واقعد احكي عن تاريخ دخول العرب السودان
وجابوا معهم شنووووو الي افريقيا وما الفرق بين دخول
العرب والاوربيين الي افريقيا؟! - حوك بيونق. |
العرب رجال دعوة لخاتم الرسالات السماوية - اسلموا على أياديهم
عدد من السلاطين واتباعهم في الجنوب - وعلى امتداد شرق وغرب
افريقيا قامت سلطنات اسلامية وهناك عدد مقدر من الدول الافريقية تدين
بالاسلام .. الإسلام رسالة ربانية ورحمة للعالم... والدم العربي يجري
في عروق معظم ابناء السودان .. وكلامك عن العرب اصبح مراية مشروخة
لا فايدة من تكرارها... ولعلمك معظم الجنوبيين الذين غرر بهم ورحلوا
إلى (الاقليم) الجنوبي ... ارسلوا رسائل لعائلاتهم واقربائهم يحذروهم
من العودة لجنوب السودان... تعرف ليه؟؟
| |
|
|
|
|
|
|
|
|
|
Re: شاب جنوبي يحرق نفسو احتجاجا على الانفصال(توجد صورة) (Re: عبدالفتاح أبوشيمة)
|
الغالي أبو هريرة سجيمان
قلت لي عاوز ليك واحد يكشكر ساااااكت كدي ...!
إنت الله ما ليك ؟؟؟
هو زول يقولولو إنت حتبقى عندك بلد براااااك وتبقى وزير ولا شيتاً كبير في بلدك دي
ويكون عندك بترول الدنيا والعالمين
ويبقي البترول ده هولك براااااك ..
ودايرو يجي يكشكر ...!
يا زول انت ماك نصيح ...!
قول بسم الله
خليك مع كديتك دي لامن البلد ما يفضل فيها غير المدينة عرب ....!
| |
|
|
|
|
|
|
| |
سجيمان
Mohamad Shamseldin
ياسر بيناوي
تبارك شيخ الدين جبريل
العوض المسلمي
doma
Abureesh
Hadeer Alzain
عبدالفتاح أبوشيمة
دوت مجاك
ناصر احمد الامين
JOK BIONG
نجاة محمد بابكر
Mohammed Awad
حمد إبراهيم محمد
بكرى خليفة صديق
محمد فرح
showgi idriss
فيس بوك
تويتر
انستقرام
يوتيوب
بنتيريست